انس بن مالک ؓ کہتے ہیں کہ بلال ؓ کو حکم دیا گیا تھا کہ وہ اذان دہری اور اقامت اکہری کہیں۔
Sayyidina Anas ibn Malik (RA) reported that Sayyidina Bilal (RA) was commanded to repeat (wordings of) the adhan twice but to say the (words of) iqama once.
صحيح، ابن ماجة (729 و 730)صحيح وضعيف سنن الترمذي الألباني: حديث نمبر 193
Imam Tirmidhi's comment · امام ترمذی
١- انس ؓ کی حدیث حسن صحیح ہے، ٢- اس باب میں ابن عمر ؓ سے بھی حدیث آئی ہے، ٣- صحابہ کرام اور تابعین میں سے بعض اہل علم کا یہی قول ہے، اور مالک، شافعی، احمد اور اسحاق بن راہویہ بھی یہی کہتے ہیں۔
عبداللہ بن زید ؓ کہتے ہیں کہ رسول اللہ ﷺ کے زمانے میں اذان اور اقامت دونوں دہری ہوتی تھیں۔
Sayyidina Ahdullah ibn Zayd narrated that the Prophets adhan was repeated twice both in the adhan the iqamah.
ضعيف الإسنادصحيح وضعيف سنن الترمذي الألباني: حديث نمبر 194
Imam Tirmidhi's comment · امام ترمذی
١- عبداللہ بن زید کی حدیث کو وکیع نے بطریق «الأعمش عن عمرو بن مرة عن عبدالرحمٰن بن أبي ليلى» روایت کیا ہے کہ عبداللہ بن زید نے خواب میں اذان (کا واقعہ) دیکھا، اور شعبہ نے بطریق «عمرو بن مرة عن عبدالرحمٰن بن أبي ليلى» یہ روایت کی ہے کہ محمد رسول ﷺ کے اصحاب نے ہم سے بیان کیا ہے کہ عبداللہ بن زید نے خواب میں اذان (کا واقعہ) دیکھا، ٢- یہ ابن ابی لیلیٰ کی حدیث سے زیادہ صحیح ہے ١ ؎، عبدالرحمٰن بن ابی لیلیٰ نے عبداللہ بن زید سے نہیں سنا ہے، ٣- بعض اہل علم کہتے ہیں کہ اذان اور اقامت دونوں دہری ہیں یہی سفیان ثوری، ابن مبارک اور اہل کوفہ کا قول ہے، ٤- ابن ابی لیلیٰ سے مراد محمد بن عبدالرحمٰن بن ابی لیلیٰ ہیں۔ وہ کوفہ کے قاضی تھے، انہوں نے اپنے والد سے نہیں سنا ہے البتہ وہ ایک شخص سے روایت کرتے ہیں اور وہ ان کے والد سے۔
Notes · وضاحت
١ ؎: مولف کا مقصد یہ ہے کہ: عبداللہ بن زید ؓ کی یہ حدیث تین طرق سے آئی ہے، ایک یہی بطریق «ابن ابی لیلیٰ، عن عمرو بن مرۃ، عن عبدالرحمٰن بن ابی لیلیٰ عن عبداللہ» دوسرے بطریق «الاعمش عن عمرو بن مرۃ، عن عبدالرحمٰن بن ابی لیلیٰ، عن عبداللہ» تیسرے بطریق: «شعبۃ عن عمرو بن مرۃ عن عبدالرحمٰن بن ابی لیلیٰ عن اصحاب محمد ﷺ» اور بقول مؤلف آخرالذکر تیسرا طریق زیادہ صحیح ہے، ( کیونکہ عبدالرحمٰن بن ابی لیلیٰ کا عبداللہ بن زید سے سماع نہیں ہے ) اور اس کا مضمون ( نیز دوسرے کا مضمون بھی ) پہلے سے الگ ہے، یعنی صرف خواب دیکھنے کا بیان ہے اور بس۔
Takhrij · تخریج
تفرد بہ المؤلف ( تحفة الأشراف: ٥٣١١) (ضعیف الإسناد) (عبدالرحمن بن أبی لیلیٰ کا سماع عبداللہ بن زید سے نہیں ہے)
جابر بن عبداللہ ؓ سے روایت ہے کہ رسول اللہ ﷺ نے بلال ؓ سے فرمایا: بلال! جب تم اذان دو تو ٹھہر ٹھہر کر دو اور جب اقامت کہو تو جلدی جلدی کہو، اور اپنی اذان و اقامت کے درمیان اس قدر وقفہ رکھو کہ کھانے پینے والا اپنے کھانے پینے سے اور پاخانہ پیشاب کی حاجت محسوس کرنے والا اپنی حاجت سے فارغ ہوجائے اور اس وقت تک (اقامت کہنے کے لیے) کھڑے نہ ہو جب تک کہ مجھے نہ دیکھ لو۔
Sayyidina Jabir(RA) narrated that Allah’s Messenger ﷺ said to Sayyidina Bilal (RA) , “O Bilal (RA) ! When you call the adhan, observe pauses and when you call the iqmah, speak quickly. And, let there be so much time between your adhan and your iqmah that one who eats may finish his food and one who drinks may finish his drink, and one who has to, may relieve himself. And do not get up till you have seen me.”
ضعيف جدا، لکن قوله: ولا تقوموا .. صحيح ويأتى (517)، الإرواء (228)صحيح وضعيف سنن الترمذي الألباني: حديث نمبر 195
Takhrij · تخریج
تفرد بہ المؤلف ( تحفة الأشراف: ٢٢٢٢ و ٢٤٩٣) (ضعیف جداً ) (سند میں عبدالمنعم متروک ہے)
ابوجحیفہ (وہب بن عبداللہ) ؓ کہتے ہیں کہ میں نے بلال کو اذان دیتے دیکھا، وہ گھوم رہے تھے ١ ؎ اپنا چہرہ ادھر اور ادھر پھیر رہے تھے اور ان کی انگلیاں ان کے دونوں کانوں میں تھیں، رسول اللہ ﷺ اپنے سرخ خیمے میں تھے، وہ چمڑے کا تھا، بلال آپ کے سامنے سے نیزہ لے کر نکلے اور اسے بطحاء (میدان) میں گاڑ دیا۔ پھر رسول اللہ ﷺ نے اس کی طرف منہ کر کے نماز پڑھائی۔ اس نیزے کے آگے سے ٢ ؎ کتے اور گدھے گزر رہے تھے۔ آپ ایک سرخ چادر پہنے ہوئے تھے، میں گویا آپ کی پنڈلیوں کی سفیدی دیکھ رہا ہوں۔ سفیان کہتے ہیں: ہمارا خیال ہے وہ چادر یمنی تھی۔
Sayyidina Awn ibn Abu Juhayfah reported from his father that he saw Sayyidina Bilal (RA) the adhan. He turned his face sideways and his both fingers were in his two ears, and AIIahs Messenger ﷺ was in a red tent. The narrator thought that it was made of leather. Bilal (RA) advanced with the stick and planted it in the ground (at Batha) .Then Allah’s Messenger ﷺ offered salah facing it, dogs and donkeys moved about in front of the stick). The Prophet ﷺ was wearing a hullah, “as though I see the glitter of his shin.” Sufyan said that he thought that it was a Yemeni cloak.
صحيح، ابن ماجة (711)صحيح وضعيف سنن الترمذي الألباني: حديث نمبر 197
Imam Tirmidhi's comment · امام ترمذی
١- ابوجحیفہ کی حدیث حسن صحیح ہے، ٢- اہل علم کا اسی پر عمل ہے، وہ اس چیز کو مستحب سمجھتے ہیں کہ مؤذن اذان میں اپنی دونوں انگلیاں اپنے کانوں میں داخل کرے، ٣- بعض اہل علم کہتے ہیں کہ وہ اقامت میں بھی اپنی دونوں انگلیاں دونوں کانوں میں داخل کرے گا، یہی اوزاعی کا قول ہے ٣ ؎۔
Notes · وضاحت
١ ؎: قیس بن ربیع کی روایت میں جو عون ہی سے مروی ہے یوں ہے «فلما بلغ حي علی الصلاة حي علی الفلاح لوّي عنقه يمينا وشمالاً ولم يستدر» یعنی: بلال جب «حي الصلاة حي علی الفلاح» پر پہنچے تو اپنی گردن دائیں بائیں گھمائی اور خود نہیں گھومے دونوں روایتوں میں تطبیق اس طرح دی جاتی ہے کہ جنہوں نے گھومنے کا اثبات کیا ہے انہوں نے اس سے مراد سر کا گھومنا لیا ہے اور جنہوں نے اس کی نفی کی ہے انہوں نے پورے جسم کے گھومنے کی نفی کی ہے۔ ٢ ؎: یعنی نیزہ اور قبلہ کے درمیان سے نہ کہ آپ کے اور نیزے کے درمیان سے کیونکہ عمر بن ابی زائدہ کی روایت میں «ورأيت الناس والدواب يمرون بين يدي العنزة» ہے، میں نے دیکھا کہ لوگ اور جانورنیزہ کے آگے سے گزر رہے تھے۔ ٣ ؎: اس پر سنت سے کوئی دلیل نہیں، رہا اسے اذان پر قیاس کرنا تو یہ قیاس مع الفارق ہے۔
بلال ؓ کہتے ہیں کہ مجھ سے رسول اللہ ﷺ نے فرمایا: فجر کے سوا کسی بھی نماز میں تثویب ١ ؎ نہ کرو ۔
Sayyidina Abdullah ibn Abu Layla narrated on the authority of Sayyidina Bilal (RA) that the Prophet ﷺ said, “Do not make tathwib in any salah apart from the fajr.”
ضعيف، ابن ماجة (715)، // ضعيف سنن ابن ماجة (151)، الإرواء (235)، المشکاة (646)، ضعيف الجامع - الطبعة الثانية المرتبة - برقم (6191) //صحيح وضعيف سنن الترمذي الألباني: حديث نمبر 198
Imam Tirmidhi's comment · امام ترمذی
١- اس باب میں ابو محذورہ ؓ سے بھی روایت ہے، ٢- بلال ؓ کی حدیث کو ہم صرف ابواسرائیل ملائی کی سند سے جانتے ہیں۔ اور ابواسرائیل نے یہ حدیث حکم بن عتیبہ سے نہیں سنی۔ بلکہ انہوں نے اسے حسن بن عمارہ سے اور حسن نے حکم بن عتیبہ سے روایت کیا ہے، ٣- ابواسرائیل کا نام اسماعیل بن ابی اسحاق ہے، اور وہ اہل الحدیث کے نزدیک زیادہ قوی نہیں ہیں، ٤- اہل علم کا تثویب کی تفسیر کے سلسلے میں اختلاف ہے ؛ بعض کہتے ہیں: تثویب فجر کی اذان میں «الصلاة خير من النوم» نماز نیند سے بہتر ہے کہنے کا نام ہے ابن مبارک اور احمد کا یہی قول ہے، اسحاق کہتے ہیں: تثویب اس کے علاوہ ہے، تثویب مکروہ ہے، یہ ایسی چیز ہے جسے لوگوں نے نبی اکرم ﷺ کے بعد ایجاد کی ہے، جب مؤذن اذان دیتا اور لوگ تاخیر کرتے تو وہ اذان اور اقامت کے درمیان: «قد قامت الصلاة، حي علی الصلاة، حي علی الفلاح» کہتا، ٥- اور جو اسحاق بن راہویہ نے کہا ہے دراصل یہی وہ تثویب ہے جسے اہل علم نے ناپسند کیا ہے اور اسی کو لوگوں نے نبی اکرم ﷺ کے بعد ایجاد کیا ہے، ابن مبارک اور احمد کی جو تفسیر ہے کہ تثویب یہ ہے کہ مؤذن فجر کی اذان میں:«الصلاة خير من النوم» کہے تو یہ کہنا صحیح ہے، اسے بھی تثویب کہا جاتا ہے اور یہ وہ تثویب ہے جسے اہل علم نے پسند کیا اور درست جانا ہے، عبداللہ بن عمر ؓ سے مروی ہے کہ وہ فجر میں «الصلاة خير من النوم» کہتے تھے، اور مجاہد سے مروی ہے کہ میں عبداللہ بن عمر ؓ کے ساتھ ایک مسجد میں داخل ہوا جس میں اذان دی جا چکی تھی۔ ہم اس میں نماز پڑھنا چاہ رہے تھے۔ اتنے میں مؤذن نے تثویب کی، تو عبداللہ بن عمر مسجد سے باہر نکلے اور کہا: اس بدعتی کے پاس سے ہمارے ساتھ نکل چلو، اور اس مسجد میں انہوں نے نماز نہیں پڑھی، عبداللہ بن عمر ؓ نے اس تثویب کو جسے لوگوں نے بعد میں ایجاد کرلیا تھا ناپسند کیا۔
Notes · وضاحت
١ ؎: یہاں تثویب سے مراد فجر کی اذان میں «الصلاة خير من النوم» کہنا ہے۔
Takhrij · تخریج
سنن ابن ماجہ/الأذان ٣ (٧١٥)، ( تحفة الأشراف: ٢٠٤٢)، مسند احمد (٦/١٤، ١٥) (ضعیف) (عبدالرحمن بن ابی لیلیٰ کا سماع بلال ؓ سے نہیں ہے، نیز ابو اسرائیل ملائی کو وہم ہوجایا کرتا تھا اس لیے کبھی کہتے ہیں کہ حدیث میں نے حکم بن عتیبہ سے سنی ہے، اور کبھی کہتے ہیں کہ حسن بن عمارة کے واسطہ سے حکم سے سنی ہے)
زیاد بن حارث صدائی ؓ کہتے ہیں کہ رسول اللہ ﷺ نے مجھے فجر کی اذان دینے کا حکم دیا تو میں نے اذان دی، پھر بلال ؓ نے اقامت کہنی چاہی تو رسول اللہ ﷺ نے فرمایا: قبیلہ صداء کے ایک شخص نے اذان دی ہے اور جس نے اذان دی ہے وہی اقامت کہے گا ۔
Sayyidina Ziyad ibn Harith (RA) Suda’i said that Allah’s Messenger ﷺ commanded him to call the adhan for fajr. So he called the adhan. Then Sayyidina Bilal (RA) intended to call the iqamah, but Allah’s Messenger ﷺ said, “Indeed, brother Suda’i had called the adhan and he who calls the adhan, calls the iqarnah.”
ضعيف، ابن ماجة (717) // ضعيف سنن ابن ماجة (152)، ضعيف أبي داود (102 / 514)، الإرواء (237)، المشکاة (648)، الضعيفة (35)، ضعيف الجامع الصغير (1377) //صحيح وضعيف سنن الترمذي الألباني: حديث نمبر 199
Imam Tirmidhi's comment · امام ترمذی
١- اس باب میں ابن عمر ؓ سے بھی روایت ہے، ٢- زیاد ؓ کی روایت کو ہم صرف افریقی کی سند سے جانتے ہیں اور افریقی محدثین کے نزدیک ضعیف ہیں۔ یحییٰ بن سعید قطان وغیرہ نے ان کی تضعیف کی ہے۔ احمد کہتے ہیں: میں افریقی کی حدیث نہیں لکھتا، لیکن میں نے محمد بن اسماعیل کو دیکھا وہ ان کے معاملے کو قوی قرار دے رہے تھے اور کہہ رہے تھے کہ یہ مقارب الحدیث ہیں، ٣- اکثر اہل علم کا اسی پر عمل ہے کہ جو اذان دے وہی اقامت کہے۔
Notes · وضاحت
١ ؎: یہ حدیث ضعیف ہے، اس لیے اس کی بنا پر مساجد میں جھگڑے مناسب نہیں، اگر صحیح بھی ہو تو زیادہ سے زیادہ مستحب کہہ سکتے ہیں، اور مستحب کے لیے مسلمانوں میں جھگڑے زیبا نہیں۔
Takhrij · تخریج
سنن ابی داود/ الصلاة ٣٠ (٥١٤) سنن ابن ماجہ/الأذان ٣ (٧١٧) (تحفة الأشراف: ٣٦٥٣) مسند احمد (٤/١٦٩) (ضعیف) (سند میں عبدالرحمن بن انعم افریقی ضعیف ہیں)
جابر بن سمرہ ؓ کہتے ہیں کہ رسول اللہ ﷺ کا مؤذن دیر کرتا اور اقامت نہیں کہتا تھا یہاں تک کہ جب وہ رسول اللہ ﷺ کو دیکھ لیتا کہ آپ نکل چکے ہیں تب وہ اقامت کہتا۔
Sayyidina Jabir ibn Samurah narrated that the muadhdhin of Allah’s Messenger ﷺ postponed the iqamah till he did not see him coming out. He would call the iqamah on seeing him.
حسن، صحيح أبي داود (548)صحيح وضعيف سنن الترمذي الألباني: حديث نمبر 202
Imam Tirmidhi's comment · امام ترمذی
١- جابر بن سمرہ ؓ والی حدیث حسن صحیح ہے، ٢- اور ہم اسرائیل کی حدیث کو جسے انہوں نے سماک سے روایت کی ہے، صرف اسی سند سے جانتے ہیں، ٣- اسی طرح بعض اہل علم نے کہا ہے کہ مؤذن کو اذان کا زیادہ اختیار ہے ١ ؎ اور امام کو اقامت کا زیادہ اختیار ہے ٢ ؎۔
Notes · وضاحت
١ ؎: کیونکہ مؤذن کو اذان کے وقت کا محافظ بنایا گیا ہے اس لیے کسی کو یہ حق حاصل نہیں کہ وہ اذان کو مؤخر کرنے یا اسے مقدم کرنے پر اسے مجبور کرے۔ ٢ ؎: اس لیے اس کے اشارہ یا اجازت کے بغیر تکبیر نہیں کہنی چاہیئے۔
عبداللہ بن عمر ؓ سے روایت ہے کہ نبی اکرم ﷺ نے فرمایا: بلال رات ہی میں اذان دے دیتے ہیں، لہٰذا تم کھاتے پیتے رہو، جب تک کہ ابن ام مکتوم کی اذان نہ سن لو ۔
Sayyidina Saalim reported from his father that the Prophet ﷺ said, “Surely, Bilal (RA) calls the adhan in the night. So, you carry on eating and drinking till you hear the adhan of Ibn Umm e Maktum.”
صحيح، الإرواء (219)صحيح وضعيف سنن الترمذي الألباني: حديث نمبر 203
Imam Tirmidhi's comment · امام ترمذی
١- اس باب میں ابن مسعود، عائشہ، انیسہ، انس، ابوذر اور سمرہ ؓ سے بھی احادیث آئی ہیں، ٢- ابن عمر ؓ کی حدیث حسن صحیح ہے، ٣- رات ہی میں اذان کہہ دینے میں اہل علم کا اختلاف ہے، بعض اہل علم کہتے ہیں کہ اگر رات باقی ہو تبھی مؤذن اذان کہہ دے تو کافی ہے، اسے دہرانے کی ضرورت نہیں، مالک، ابن مبارک، شافعی، احمد اور اسحاق بن راہویہ کا یہی قول ہے، بعض اہل علم کہتے ہیں کہ جب وہ رات میں اذان دیدے تو اسے دہرائے ١ ؎، یہی سفیان ثوری کہتے ہیں، ٤- حماد بن سلمہ نے بطریق «ایوب عن نافع عن ابن عمر» روایت کی ہے کہ بلال ؓ نے رات ہی میں اذان دے دی، تو نبی اکرم ﷺ نے انہیں حکم دیا کہ وہ پکار کر کہہ دیں کہ بندہ سو گیا تھا۔ یہ حدیث غیر محفوظ ہے، صحیح وہ روایت ہے جسے عبیداللہ بن عمر وغیرہ نے بطریق نافع عن ابن عمر روایت کی ہے کہ نبی اکرم ﷺ نے فرمایا: بلال رات ہی میں اذان دے دیتے ہیں، لہٰذا تم کھاتے پیتے رہو، جب تک کہ ابن ام مکتوم اذان نہ دے دیں، اور عبدالعزیز بن ابی رواد نے نافع سے روایت کی ہے کہ عمر ؓ کے مؤذن نے رات ہی میں اذان دے دی تو عمر نے اسے حکم دیا کہ وہ اذان دہرائے، یہ بھی صحیح نہیں کیونکہ نافع اور عمر ؓ کے درمیان انقطاع ہے، اور شاید حماد بن سلمہ، کی مراد یہی حدیث ٢ ؎ ہو، صحیح عبیداللہ بن عمر دوسرے رواۃ کی روایت ہے جسے ان لوگوں نے نافع سے، اور نافع نے ابن عمر سے اور زہری نے سالم سے اور سالم نے ابن عمر سے روایت کی ہے کہ نبی اکرم ﷺ نے فرمایا: بلال رات ہی میں اذان دے دیتے ہیں، ٥- اگر حماد کی حدیث صحیح ہوتی تو اس حدیث کا کوئی معنی نہ ہوتا، جس میں ہے کہ رسول اللہ ﷺ نے فرمایا: بلال رات ہی میں اذان دیتے ہیں، آپ نے لوگوں کو آنے والے زمانے کے بارے میں حکم دیا ہے اور فرمایا ہے کہ بلال رات ہی میں اذان دے دیتے ہیں اور اگر آپ طلوع فجر سے پہلے اذان دے دینے پر انہیں اذان لوٹانے کا حکم دیتے تو آپ یہ نہ فرماتے کہ بلال رات ہی میں اذان دے دیتے ہیں ، علی بن مدینی کہتے ہیں: حماد بن سلمہ والی حدیث جسے انہوں نے ایوب سے، اور ایوب نے نافع سے، اور نافع نے ابن عمر سے اور عمر نے نبی اکرم ﷺ سے روایت کی ہے غیر محفوظ ہے، حماد بن سلمہ سے اس میں چوک ہوئی ہے۔
Notes · وضاحت
١ ؎: اور یہی راجح ہے، کیونکہ عبداللہ ابن ام مکتوم کی اذان سحری کے غرض سے تھی، نیز آپ ﷺ نے اس پر اکتفاء بھی نہیں کیا، بلکہ نماز فجر کے لیے بلال اذان دیا کرتے۔ ٢ ؎: شاید حماد بن سلمہ کے پیش نظر عمر والا یہی اثر رہا ہو یعنی انہیں اس کے مرفوع ہونے کا وہم ہوگیا ہو، گویا انہیں یوں کہنا چاہیئے کہ عمر کے مؤذن نے رات ہی میں اذان دے دی تو عمر نے انہیں اذان لوٹانے کا حکم دیا، لیکن وہ وہم کے شکار ہوگئے اور اس کے بجائے انہوں نے یوں کہہ دیا کہ بلال نے رات میں اذان دے دی تو نبی اکرم ﷺ نے انہیں حکم دیا کہ وہ پکار کر کہہ دیں کہ بندہ سو گیا تھا۔
ابوالشعثاء سلیم بن اسود کہتے ہیں کہ ایک شخص عصر کی اذان ہو چکنے کے بعد مسجد سے نکلا تو ابوہریرہ ؓ نے کہا: رہا یہ تو اس نے ابوالقاسم ﷺ کی نافرمانی کی ہے۔
Sayyidina Abu ash-Shasha said someone went out of the mosque after the adhan for asr. Sayyidina Abu Hurayrah (RA) said, “Surely, he has disobeyed Abdul Qasim.”
حسن صحيح، ابن ماجة (733)صحيح وضعيف سنن الترمذي الألباني: حديث نمبر 204
Imam Tirmidhi's comment · امام ترمذی
١- ابوہریرہ کی روایت حسن صحیح ہے، ٢- اس باب میں عثمان ؓ سے بھی حدیث ہے، ٣- صحابہ کرام اور ان کے بعد کے لوگوں میں سے اہل علم کا اسی پر عمل ہے کہ اذان ہوجانے کے بعد بغیر کسی عذر کے مثلاً بےوضو ہو یا کوئی ناگزیر ضرورت آ پڑی ہو جس کے بغیر چارہ نہ ہو کوئی مسجد سے نہ نکلے ١ ؎، ٤- ابراہیم نخعی سے مروی ہے کہ جب تک مؤذن اقامت شروع نہیں کرتا وہ باہر نکل سکتا ہے، ٥- ہمارے نزدیک یہ اس شخص کے لیے ہے جس کے پاس نکلنے کے لیے کوئی عذر موجود ہو۔
Notes · وضاحت
١ ؎: ایک عذر یہ بھی ہے کہ آدمی کسی دوسری مسجد کا امام ہو۔
مالک بن حویرث ؓ کہتے ہیں کہ میں اور میرے چچا زاد بھائی دونوں رسول اللہ ﷺ کے پاس آئے تو آپ نے ہم سے فرمایا: جب تم دونوں سفر میں ہو تو اذان دو اور اقامت کہو۔ اور امامت وہ کرے جو تم دونوں میں بڑا ہو۔
Sayyidina Malik ibn Huwayrith (RA) narrated that he visited Allah’s Messenger ﷺ with his cousin. He said to them, ‘When you two travel, call the adhan and the iqamah and the elder should lead the salah.”
صحيح، ابن ماجة (979)صحيح وضعيف سنن الترمذي الألباني: حديث نمبر 205
Imam Tirmidhi's comment · امام ترمذی
١- یہ حدیث حسن صحیح ہے، ٢- اکثر اہل علم کا عمل اسی پر ہے، ان لوگوں نے سفر میں اذان کو پسند کیا ہے، اور بعض کہتے ہیں: اقامت کافی ہے، اذان تو اس کے لیے ہے جس کا ارادہ لوگوں کو اکٹھا کرنا ہو۔ لیکن پہلا قول زیادہ صحیح ہے اور یہی احمد اور اسحاق بن راہویہ بھی کہتے ہیں۔
Takhrij · تخریج
صحیح البخاری/الأذان ١٧ (٦٢٨)، و ٣٥ (٦٥٨)، و ٤٩ (٦٨٥)، و ١٤٠ (٨١٩)، والجہاد ٤٢ (٢٨٤٨)، وألادب ٢٧ (٢٠٠٨)، وأخبار الآحاد ١ (٧٢٤٦)، صحیح مسلم/المساجد ٥٣ (٦٧٢)، سنن ابی داود/ الصلاة ٦١ (٥٨٩)، سنن النسائی/الأذان ٧ (٦٣٥)، و ٨ (٦٣٦)، و ٢٩ (٦٧٠)، والإمامة ٤ (٧٨٢)، سنن ابن ماجہ/الإقامة ٤٦ (تحفة الأشراف: ١١١٨٢)، مسند احمد (٣/٤٣٦)، و (٥/٥٣)، سنن الدارمی/الصلاة ٤٢ (١٢٨٨) (صحیح)
عبداللہ بن عباس ؓ سے روایت ہے کہ نبی اکرم ﷺ نے فرمایا: جس نے سات سال تک ثواب کی نیت سے اذان دی اس کے لیے جہنم کی آگ سے نجات لکھ دی جائے گی ۔
Sayyidina Ibn Abbas (RA) narrated that Allah’s Messenger ﷺ said, “If anyone calls the adhan for seven years with the intention of reward then freedom from Hell is recorded for him.’
ضعيف، ابن ماجة (727) // ضعيف سنن ابن ماجة (155)، المشکاة (664)، الضعيفة (850)، ضعيف الجامع الصغير (5378) //صحيح وضعيف سنن الترمذي الألباني: حديث نمبر 206
Imam Tirmidhi's comment · امام ترمذی
١- ابن عباس ؓ کی حدیث غریب ہے، ٢- اس باب میں عبداللہ بن مسعود، ثوبان، معاویہ، انس، ابوہریرہ اور ابوسعید ؓ سے بھی احادیث آئی ہیں،
٣ - اور جابر بن یزید جعفی کی لوگوں نے تضعیف کی ہے، یحییٰ بن سعید اور عبدالرحمٰن بن مہدی نے انہیں متروک قرار دیا ہے، ٤- اگر جابر جعفی نہ ہوتے ١ ؎ تو اہل کوفہ بغیر حدیث کے ہوتے، اور اگر حماد نہ ہوتے تو اہل کوفہ بغیر فقہ کے ہوتے۔
Notes · وضاحت
١ ؎: اس کے باوجود ب اعتراف امام ابوحنیفہ جابر جعفی جھوٹا راوی ہے، امام ابوحنیفہ کی ہر رائے پر ایک حدیث گھڑ لیا کرتا تھا۔
Takhrij · تخریج
سنن ابن ماجہ/الأذان ٥ (٧٢٧)، ( تحفة الأشراف: ٦٣٨١) (ضعیف) (سند میں ” جابر جعفی “ ضعیف متروک الحدیث راوی ہے)
ابوہریرہ ؓ سے روایت ہے کہ رسول اللہ ﷺ نے فرمایا: امام ضامن ہے ١ ؎ اور مؤذن امین ٢ ؎ ہے، اے اللہ! تو اماموں کو راہ راست پر رکھ ٣ ؎ اور مؤذنوں کی مغفرت فرما ٤ ؎۔
Sayyidina Abu Hurairah (RA) reported that Allah’s Messenger ﷺ said, “The imam is responsible and the muadhdhin is trusted. O Allah, guide the imams and forgive the muadhdhins.”
صحيح، المشکاة (663)، الإرواء (217)، صحيح أبي داود (530)صحيح وضعيف سنن الترمذي الألباني: حديث نمبر 207
Imam Tirmidhi's comment · امام ترمذی
١- اس باب میں عائشہ، سہل بن سعد اور عقبہ بن عامر ؓ سے بھی احادیث آئی ہیں۔ ٢- مولف نے حدیث کے طرق اور پہلی سند کی متابعت ذکر کرنے اور ابوصالح کی عائشہ سے روایت کے بعد فرمایا: میں نے ابوزرعہ کو کہتے سنا کہ ابوصالح کی ابوہریرہ سے مروی حدیث ابوصالح کی عائشہ سے مروی حدیث سے زیادہ صحیح ہے۔ نیز میں نے محمد بن اسماعیل بخاری کو کہتے سنا کہ ابوصالح کی عائشہ سے مروی حدیث زیادہ صحیح ہے اور بخاری، علی بن مدینی کہتے ہیں کہ ابوصالح کی حدیث ابوہریرہ سے مروی حدیث ثابت نہیں ہے اور نہ ہی ابوصالح کی عائشہ سے مروی حدیث صحیح ہے۔
Notes · وضاحت
١ ؎: یعنی امام مقتدیوں کی نماز کا نگراں اور محافظ ہے، کیونکہ مقتدیوں کی نماز کی صحت امام کی نماز کی صحت پر موقوف ہے، اس لیے اسے آداب طہارت اور آداب نماز کا خیال رکھنا ضروری ہے۔ ٢ ؎: یعنی لوگ اس کی اذان پر اعتماد کر کے نماز پڑھتے اور روزہ رکھتے ہیں، اس لیے اسے وقت کا خیال رکھنا چاہیئے، نہ پہلے اذان دے اور نہ دیر کرے۔ ٣ ؎: یعنی جو ذمہ داری انہوں نے اٹھا رکھی ہے اس کا شعور رکھنے اور اس سے عہدہ برآ ہونے کی توفیق دے۔ ٤ ؎: یعنی اس امانت کی ادائیگی میں ان سے جو کوتاہی ہو اسے بخش دے۔
ابو سعید خدری ؓ کہتے ہیں کہ رسول اللہ ﷺ نے فرمایا: جب تم اذان سنو تو ویسے ہی کہو جیسے مؤذن کہتا ہے ۔
Sayyidina Abu Saeed (RA) reported that Allah’s Messenger ﷺ said, “When you hear the adhan, say just as the muadhdhin says.”
صحيح، ابن ماجة (720)صحيح وضعيف سنن الترمذي الألباني: حديث نمبر 208
Imam Tirmidhi's comment · امام ترمذی
١- ابوسعید ؓ والی حدیث حسن صحیح ہے، ٢- اس باب میں ابورافع، ابوہریرہ، ام حبیبہ، عبداللہ بن عمرو، عبداللہ بن ربیعہ، عائشہ، معاذ بن انس اور معاویہ ؓ سے بھی احادیث آئی ہیں، ٣- معمر اور کئی رواۃ نے زہری سے مالک کی حدیث کے مثل روایت کی ہے، عبدالرحمٰن بن اسحاق نے اس حدیث کو بطریق: «الزهري عن سعيد بن المسيب عن أبي هريرة عن النبي صلی اللہ عليه وسلم» روایت کیا ہے، مالک والی روایت سب سے صحیح ہے۔
Notes · وضاحت
١ ؎: عمر ؓ کی روایت میں جس کی تخریج مسلم نے کی ہے «سوی الحيعلتين فيقول لا حول ولا قوة إلا بالله» یعنی: «حي علی الصلاة اور حي علی الفلاح» کے علاوہ، ان پر «لا حول ولا قوة إلا بالله» کہے کے الفاظ وارد ہیں جس سے معلوم ہوا کہ «حي علی الصلاة اور حي علی الفلاح» کے کلمات اس حکم سے مستثنیٰ ہیں، ان دونوں کلموں کے جواب میں سننے والا «لاحول ولا قوۃ الا باللہ» کہے گا۔
عثمان ؓ کہتے ہیں کہ سب سے آخری وصیت رسول اللہ ﷺ نے مجھے یہ کی کہ مؤذن ایسا رکھنا جو اذان کی اجرت نہ لے ۔
Sayyidina Uthman ibn Abdul Aas (RA) narrated that the last instruction of Allah’s Messenger ﷺ to him was that he should select a muadhdhin who would not seek wages against the adhan he called.
صحيح، ابن ماجة (714)صحيح وضعيف سنن الترمذي الألباني: حديث نمبر 209
Imam Tirmidhi's comment · امام ترمذی
١- عثمان ؓ کی حدیث حسن صحیح ہے، ٢- اور اہل علم کے نزدیک عمل اسی پر ہے، انہوں نے مکروہ جانا ہے کہ مؤذن اذان پر اجرت لے اور مستحب قرار دیا ہے کہ مؤذن اذان اجر و ثواب کی نیت سے دے ١ ؎۔
Takhrij · تخریج
صحیح مسلم/الصلاة ٣٧ (٤٦٨)، سنن ابی داود/ الصلاة ٤٠ (٥٣١)، سنن النسائی/الأذان ٣٢ (٦٧٣)، سنن ابن ماجہ/الأذان ٣ (٧١٤)، ( تحفة الأشراف: ٩٧٦٣، وکذا ٩٧٧٠)، مسند احمد (٤/٢١٧) (صحیح)
سعد بن ابی وقاص ؓ سے روایت ہے کہ رسول اللہ ﷺ نے فرمایا: جس نے مؤذن کی اذان سن کر کہا: «وأنا أشهد أن لا إله إلا اللہ وحده لا شريك له وأن محمدا عبده ورسوله رضيت بالله ربا وبمحمد رسولا وبالإسلام دينا» اور میں بھی گواہی دیتا ہوں کہ کوئی معبود برحق نہیں سوائے اللہ کے، وہ اکیلا ہے اس کا کوئی شریک نہیں اور محمد ﷺ اس کے بندے اور اس کے رسول ہیں اور میں اللہ کے رب ہونے اور اسلام کے دین ہونے اور محمد ﷺ کے رسول ہونے پر راضی ہوں تو اس کے (صغیرہ) گناہ بخش دیے جائیں گے۔
Sayyidina Sad ibn Waqqas (RA) narrated that Allah’s Messenger ﷺ said, If anyone who hears the muadhdhin call the adhan says: “And I bear witness that there is no God but Allah, the One. He has no partner. And that Muhmmad is His slave and His Messenger. I am pleased with Allah as Lord, and with Islam as religion and with Muhmmad as a Messenger”. then Allah will forgive his sins.
صحيح، ابن ماجة (721)صحيح وضعيف سنن الترمذي الألباني: حديث نمبر 210
Imam Tirmidhi's comment · امام ترمذی
١- یہ حدیث حسن صحیح غریب ہے، ٢- اسے ہم صرف لیث بن سعد کی سند سے جانتے ہیں جسے وہ حکیم بن عبداللہ بن قیس سے روایت کرتے ہیں۔
Takhrij · تخریج
صحیح مسلم/الصلاة ٧ (٣٨٦)، سنن ابی داود/ الصلاة ٣٦ (٥٢٥)، سنن النسائی/الأذان ٣٨ (٦٨٠)، سنن ابن ماجہ/الأذان ٤ (٧٢١)، ( تحفة الأشراف: ٣٨٧٧)، مسند احمد (١/١٨١) (صحیح)
جابر بن عبداللہ ؓ کہتے ہیں کہ رسول اللہ ﷺ نے فرمایا: جس نے اذان سن کر «اللهم رب هذه الدعوة التامة والصلاة القائمة آت محمدا الوسيلة والفضيلة وابعثه مقاما محمودا الذي وعدته إلا حلت له الشفاعة يوم القيامة» اے اللہ! اس کامل دعوت ١ ؎ اور قائم ہونے والی صلاۃ کے رب! (ہمارے نبی) محمد ( ﷺ) کو وسیلہ ٢ ؎ اور فضیلت ٣ ؎ عطا کر، اور انہیں مقام محمود ٤ ؎ میں پہنچا جس کا تو نے وعدہ فرمایا ہے کہا تو اس کے لیے قیامت کے روز شفاعت حلال ہوجائے گی۔
Sayyidina Jabir ibn Abdullah (RA) narrated tha Allah’s Messenger ﷺ said, “If anyone says after hearing the adhan: Translation: (O Allah, Lord of this perfect call and of the salah that is being established, grant Muhammad the nearness and honour, and raise him to a praiseworthy station which you have promised him) then on the day of Resurrection my intercession will be lawful for him.”
صحيح، ابن ماجة (722)صحيح وضعيف سنن الترمذي الألباني: حديث نمبر 211
Imam Tirmidhi's comment · امام ترمذی
جابر ؓ کی حدیث محمد بن منکدر کے طریق سے حسن غریب ہے، ہم نہیں جانتے کہ شعیب بن ابی حمزہ کے علاوہ کسی اور نے بھی محمد بن منکدر سے روایت کی ہے۔
Notes · وضاحت
١ ؎: اس کامل دعوت سے مراد توحید کی دعوت ہے اس کے مکمل ہونے کی وجہ سے اسے «تامّہ» کے لفظ سے بیان کیا گیا ہے۔ ٢ ؎: «وسیلہ» جنت میں ایک مقام ہے۔ ٣ ؎: «فضیلہ» اس مرتبہ کو کہتے ہیں جو ساری مخلوق سے برتر ہو۔ ٤ ؎: «مقام محمود» یہ وہ مقام ہے جہاں رسول اللہ ﷺ اللہ تعالیٰ کے حضور سجدہ ریز ہوں گے اور اللہ تعالیٰ کی ان کلمات کے ساتھ حمد و ستائش کریں گے جو اس موقع پر آپ کو الہام کئے جائیں گے۔