عبداللہ بن عباس ؓ سے روایت ہے کہ نبی اکرم ﷺ نے جب خیبر فتح کیا، تو آپ نے ان سے شرط لے لی کہ زمین آپ کی ہوگی، اور ہر صفراء اور بیضاء یعنی سونا و چاندی بھی آپ ہی کا ہوگا، اور آپ سے خیبر والوں نے کہا: ہم یہاں کی زمین کے بارے میں زیادہ بہتر جانتے ہیں، لہٰذا آپ ہمیں یہ دے دیجئیے، ہم اس میں کھیتی کریں گے، اور جو پھل پیدا ہوگا وہ آدھا آدھا کرلیں گے، اسی شرط پر آپ ﷺ نے خیبر کی زمین ان کے حوالے کردی، جب کھجور توڑنے کا وقت آیا، تو آپ ﷺ نے عبداللہ بن رواحہ ؓ کو ان کے پاس بھیجا، انہوں نے کھجور کا تخمینہ لگایا، جس کو اہل مدینہ خرص کہتے ہیں، تو انہوں نے کہا: اس میں اتنا اور اتنا پھل ہے، یہودی یہ سن کر بولے: اے ابن رواحہ! آپ نے تو بہت بڑھا کر بتایا، ابن رواحہ ؓ نے کہا: ٹھیک ہے میں کھجوریں اتروا کر انہیں جمع کرلیتا ہوں اور جو اندازہ میں نے کیا ہے اس کا آدھا تم کو دے دیتا ہوں، یہودی کہنے لگے: یہی حق ہے، اور اسی کی وجہ سے آسمان و زمین قائم ہیں، ہم آپ کے اندازے کے مطابق حصہ لینے پر راضی ہیں ١ ؎۔
It was narrated from Ibn Abbas that when the Prophet ﷺ conquered Khaibar, he stipulated that the land, and all the yellow and white, meaning gold and silver, belonged to him. The people of Khaibar said to him: "We know the land better, so give it to us so that we may work the land, and you will have half of its produce and we will have half." He maintained that, he gave it to them on that basis. When the time for the date harvest came, he sent Ibn Rawahah to them. He assessed the date palms, and he said: "For this tree, such and such (amount)." They said: "You are demanding too much of us, O Ibn Rawahah!" He said: "This is my assessment, and I will give you half of what I say." They said: "This is fair, and fairness is what heaven and earth are based on." They said: "We agree to take (accept) what you say." (Hasan)
Notes · وضاحت
١ ؎: دوسری روایت میں ہے کہ یہودیوں نے عبداللہ بن رواحہ ؓ کو رشوت دینا اور اپنے سے ملانا چاہا کہ کھجور کا تخمینہ کمی کے ساتھ لگا دیں، لیکن وہ نہ مانے اور ٹھیک ٹھیک تخمینہ لگایا، اس وقت یہودیوں نے کہا: ایسے ہی لوگوں سے آسمان اور زمین قائم ہے، سبحان اللہ، صحابہ کرام ؓ کا یہ حال تھا کہ غربت و افلاس اور پریشانی و مصیبت کی حالت میں بھی سچائی اور ایمان داری کو نہیں چھوڑتے تھے، جب ہی تو اسلام کو یہ ترقی حاصل ہوئی، اور آج اسلامی عقائد و اقدار اور تعلیمات کو چھوڑ کر مسلمان دنیا میں ذلیل و خوار ہیں۔
عوف بن مالک اشجعی ؓ کہتے ہیں کہ رسول اللہ ﷺ گھر سے نکلے، اور ایک شخص نے کھجور کے کچھ خوشے مسجد میں لٹکا دئیے تھے، آپ کے ہاتھ میں چھڑی تھی، آپ ﷺ اس خوشہ میں اس چھڑی سے کھٹ کھٹ مارتے جاتے، اور فرماتے: اگر یہ زکاۃ دینے والا چاہتا تو اس سے بہتر زکاۃ دیتا، یہ زکاۃ والا قیامت کے دن خراب ہی کھجور کھائے گا ١ ؎۔
It was narrated that Awf bin Malik AI-Ashjai said: "The Messenger of Allah ﷺ went out, and a man had hung up one or more bunches of dates. He (the Prophet ﷺ ) had a stick in his hand and he started hitting that bunch of dates repeatedly, saying: If the owner of these dates wanted to give in charity, he should have given something better than these. The owner of this charity will eat rotten and shriveled dates on the Day of Resurrection:" (Hasan)
Notes · وضاحت
١ ؎: یعنی جیسا دیا ویسا پائے گا، اللہ تعالیٰ غنی و بےپرواہ ہے، اس کے نام پر تو بہت عمدہ مال دینا چاہیے، وہ نیت کو دیکھتا ہے۔
Takhrij · تخریج
سنن ابی داود/الزکاة ١٦ (١٦٠٨)، سنن النسائی/الزکاة ٢٧ (٢٤٩٥)، (تحفة الأشراف: ١٠٩١٤)، وقد أخرجہ: مسند احمد (٦/٢٣، ٢٨) (حسن )
براء بن عازب ؓ کہتے ہیں آیت کریمہ: ومما أخرجنا لکم من الأرض ولا تيمموا الخبيث منه تنفقون (سورة التوبة: 267) انصار کے بارے میں نازل ہوئی، جب باغات سے کھجور توڑنے کا وقت آتا تو وہ اپنے باغات سے کھجور کے چند خوشے (صدقے کے طور پر) نکالتے، اور مسجد نبوی میں دونوں ستونوں کے درمیان رسی باندھ کر لٹکا دیتے، پھر فقراء مہاجرین اس میں سے کھاتے، انصار میں سے کوئی یہ کرتا کہ ان خوشوں میں خراب کھجور کا خوشہ شامل کردیتا، اور یہ سمجھتا کہ بہت سارے خوشوں میں ایک خراب خوشہ رکھ دینا جائز ہے، تو انہیں لوگوں کے سلسلہ میں یہ آیت کریمہ نازل ہوئی: ولا تيمموا الخبيث منه تنفقون قصد نہ کرو خراب کا اس میں سے کہ اسے خرچ کرو اور تم اسے خود ہرگز لینے والے نہیں ہو، الا یہ کہ چشم پوشی سے کام لو، اگر تمہیں کوئی ایسے خراب مال سے تحفہ بھیجے تو تم کبھی بھی اس کو قبول نہ کرو گے مگر شرم کی وجہ سے، اور دل میں غصہ ہو کر کہ اس نے تمہارے پاس ایسی چیز بھیجی ہے جو تمہارے کام کی نہیں ہے، اور تم جان لو کہ اللہ تمہارے صدقات سے بےنیاز ہے۔
It was narrated that Barâ’ bin ‘ Azib (RA) said concerning the Verse: “And of that which We have produced from the earth for you, and do not aim at that which is bad to spend from it.” “This was revealed concerning the Ansar. At the time of the new date-palm harvest, they would take a bunch of dates that were beginning to ripen and hang it on a rope between two of the pillars in the mosque of the Messenger of Allah ﷺ , and the poor Emigrants would eat from it. One of them deliberately mixed a bunch containing rotten and shriveled dates, and thought that this was permissible because of the large number of dates that had been put there. So the following was revealed about the one who did that: ‘...and do not aim at that which is bad to spend from it’. Meaning do not seek out the rotten and shriveled dates to give in charity: ‘...(though) you would not accept it save if you close your eyes and tolerate therein.’ Meaning, if you were given this as a gift you would only accept it because you felt embarrassed, and you would be angry that he had sent you something of which you have no need. And know that Allah has no need of your charity.” (Hasan)
Takhrij · تخریج
تفرد بہ ابن ماجہ، (تحفة الأشراف: ١٧٩٨، ومصباح الزجاجة: ٦٤٨)، وقد أخرجہ: سنن الترمذی/تفسیر القرآن ٣ (٢٩٨٧) (صحیح )
ابوسیارہ متقی ؓ کہتے ہیں کہ میں نے عرض کیا: اللہ کے رسول! میرے پاس شہد کی مکھیاں ہیں؟ آپ ﷺ نے فرمایا: اس کا دسواں حصہ بطور زکاۃ ادا کرو ، میں نے عرض کیا: اللہ کے رسول! یہ جگہ میرے لیے خاص کر دیجئیے، چناچہ آپ نے وہ جگہ میرے لیے خاص کردی ١ ؎۔
It was narrated that Abu Sayyarah Al-Mutai said. "I said: O Messenger of Allah ﷺ I have bees. He said: Give one-tenth. I said: O Messenger of Allah ﷺ Protect it for me. And he protected it for me." (Hasan)
Notes · وضاحت
١ ؎: یعنی بطور حفاظت و نگرانی اور اس سے فائدہ اٹھانے کے لیے جاگیر میں دے دی۔
Takhrij · تخریج
تفرد بہ ابن ماجہ، (تحفة الأشراف: ١٢٠٥٥، ومصباح الزجاجة: ٦٤٩)، وقد أخرجہ: مسند احمد (٤/٢٣٦) (حسن) (سند میں سلیمان بن موسیٰ ضعیف ہے، سلیمان کی کسی صحابی سے ملاقات نہیں ہے، موت سے کچھ پہلے مختلط ہوگئے تھے، لیکن عبد اللہ بن عمرو ؓ کی حدیث سے تقویت پا کر یہ حسن ہے، کماسیأتی )
عبداللہ بن عمر ؓ سے روایت ہے کہ رسول اللہ ﷺ نے کھجور اور جو سے ایک ایک صاع صدقہ فطر ادا کرنے کا حکم دیا۔ عبداللہ بن عمر ؓ کہتے ہیں: پھر لوگوں نے دو مد گیہوں کو ایک صاع کھجور یا ایک صاع جو کے برابر کرلیا ١ ؎۔
It was narrated from Ibn Umar that the Messenger of Allah ﷺ enjoined Zakatul-Fitr, one Sa of dates or one Sa of barley. Abdullah said: The people made two Mudd (equal to half of a Sa) of wheat as its equivalent. (Sahih)
Notes · وضاحت
١ ؎: صدقہ فطر وہ صدقہ ہے جو عیدالفطر کے دن نماز عید سے پہلے دیا جاتا ہے، اہل حدیث کے نزدیک ہر قسم میں سے کھجور یا غلہ سے ایک صاع، حجازی صاع سے دینا چاہیے جو پانچ رطل اور ایک تہائی رطل کا ہوتا ہے، اور موجودہ وزن کے حساب سے تقریباً ڈھائی کلو ہوتا ہے۔
عبداللہ بن عمر ؓ کہتے ہیں کہ رسول اللہ ﷺ نے صدقہ فطر میں ایک صاع کھجور یا ایک صاع جو مسلمانوں میں سے ہر ایک پر فرض کیا، خواہ وہ آزاد ہو یا غلام، مرد ہو یا عورت ١ ؎۔
It was narrated that Ibn U mar sa id: "The Messenger of Allah ﷺ enjoined Sadaqatul-Fitr, one Sit of barley or one Sil of dates for every Muslim, free or slave, male or female." (Sahih)
Notes · وضاحت
١ ؎: فَرَضَ معنی میں وَجَبَ کے ہے، صدقہ فطر کے وجوب کی یہ حدیث واضح دلیل ہے، امام اسحاق بن راہویہ نے اس کے وجوب پر اجماع کا دعویٰ کیا ہے، ایک قول یہ بھی ہے کہ فَرَضَ قدر کے معنی میں ہے لیکن یہ ظاہر کے خلاف ہے، من المسلمین سے معلوم ہوا کہ کافر غلام کا صدقہ فطر نہیں نکالا جائے گا۔
عبداللہ بن عباس ؓ کہتے ہیں کہ رسول اللہ ﷺ نے صدقہ فطر روزہ دار کو فحش اور بیہودہ باتوں سے پاک کرنے، اور مسکینوں کی خوراک کے لیے فرض قرار دیا، لہٰذا جس نے اسے نماز عید سے پہلے ادا کردیا، تو یہ مقبول زکاۃ ہے اور جس نے نماز کے بعد ادا کیا تو وہ عام صدقات میں سے ایک صدقہ ہے ١ ؎۔
It was narrated that Ibn Abbas said: "The Messenger of Allah ﷺ enjoined Zakatul·Fitr as a purification for the fasting person from idle talk and obscenities, and to feed the poor. Whoever pays it before the (Eid) prayer, it is an accepted Zakah, and whoever pays it after the prayer, it is (ordinary) charity." (Hasan)
Notes · وضاحت
١ ؎: لیکن صدقہ فطر نہ ہوا، صحیحین میں عبداللہ بن عمر ؓ سے مروی ہے کہ نبی کریم ﷺ نے عید کی نماز کے لئے نکلنے سے پہلے صدقہ فطر ادا کرنے کا حکم دیا، سنت یہی ہے کہ صدقہ فطر نماز کے لئے جانے سے پہلے دے دے، اور اگر رمضان کے اندر ہی عید سے پہلے دے دے تو بھی جائز ہے، لیکن عید کی صبح سے زیادہ اس میں تاخیر کرنا جائز نہیں ہے۔
قیس بن سعد ؓ کہتے ہیں کہ رسول اللہ ﷺ نے زکاۃ کا حکم نازل ہونے سے پہلے ہمیں صدقہ فطر ادا کرنے کا حکم دیا، لیکن جب زکاۃ کا حکم نازل ہوگیا تو نہ تو ہمیں صدقہ فطر دینے کا حکم دیا، اور نہ ہی منع کیا، اور ہم اسے دیتے رہے ١ ؎۔
It was narrated that Qais bin Sad said: "The Messenger of Allah ﷺ enjoined Sadaqatul-Fitr upon us before (the command of) Zakat was revealed. When (the command of) Zakat was revealed, he neither ordered us (to pay) nor forbade us (from paying it), so we did it." (Sahih)
Notes · وضاحت
١ ؎: یعنی آپ ﷺ نے نیا حکم نہیں دیا، پہلا حکم ہی کافی تھا، زکاۃ کا حکم اترنے سے صدقہ فطر موقوف نہیں ہوا، بلکہ اس کی فرضیت اپنے حال پر باقی رہی۔
Takhrij · تخریج
سنن النسائی/الزکاة ٣٥ (٢٥٠٨)، (تحفة الأشراف: ١١٠٩٨)، وقد أخرجہ: مسند احمد (٣/٤٤٢، ٦/٦) (صحیح )
ابو سعید خدری ؓ کہتے ہیں کہ جب ہم میں رسول اللہ ﷺ موجود تھے ہم تو صدقہ فطر میں ایک صاع گیہوں، ایک صاع کھجور، ایک صاع جو، ایک صاع پنیر، اور ایک صاع کشمش نکالتے تھے، ہم ایسے ہی برابر نکالتے رہے یہاں تک کہ معاویہ ؓ ہمارے پاس مدینہ آئے، تو انہوں نے جو باتیں لوگوں سے کیں ان میں یہ بھی تھی کہ میں شام کے گیہوں کا دو مد تمہارے غلوں کی ایک صاع کے برابر پاتا ہوں، تو لوگوں نے اسی پر عمل شروع کردیا۔ ابو سعید خدری ؓ نے کہا: میں جب تک زندہ رہوں گا اسی طرح ایک صاع نکالتا رہوں گا جس طرح رسول اللہ ﷺ کے زمانہ میں نکالا کرتا تھا ١ ؎۔
It was narrated that Abu Saeed Al-Khudri said: "We used to pay Zakatul-Fitr when the Messenger of Allah ﷺ was among us, one Sit of food, one Sa of dates, one sa of barley, one Sa of sun-baked cottage cheese, one Sa of raisins. We continued to do that until Muawiyah came to us in AI-Madinah. One of the things he said to the people was: I think that two Mudd wheat from Sham is equivalent to one sa of this (i.e., dates). So the people followed that." Abu Saeed said: "I will continue to pay it as I used to pay it at the time of the Messenger of Allah ﷺ , for as long as Llive." (sahih)
Notes · وضاحت
١ ؎: صاعاً من طعام میں طعام سے گیہوں مراد ہے طعام کا لفظ بعد میں ذکر کی گئی اشیاء کے ساتھ بولا گیا ہے تاکہ طعام اور دوسری اجناس کے درمیان فرق و تغایر واضح ہوجائے، طعام بول کر اہل عرب عموماً گیہوں ہی مراد لیتے ہیں، اور ایک قول یہ بھی ہے کہ طعام میں اجمال ہے اور مابعد اس کی تفصیل ہے، ایک صاع پانچ رطل اور تہائی رطل کا ہوتا ہے، جدید حساب کے مطابق ایک صاع کا وزن ڈھائی کلو گرام کے قریب ہوتا ہے، لیکن شیخ عبد اللہ البسام نے توضیح الأحکام میں صاع کا وزن تین کلو گرام بیان کیا ہے۔
مؤذن رسول سعد ؓ سے روایت ہے کہ رسول اللہ ﷺ نے ایک صاع کھجور، ایک صاع جو اور ایک صاع سلت (بےچھلکے کا جو) صدقہ فطر میں دینے کا حکم دیا۔
It was narrated from Ammar bin Saeed. the Muadhdhin of the Messenger of Allah ﷺ , from his father, that the Messenger of Allah ﷺ enjoined Sadaqatul-Fitr, one SiI of dates, one Sa of barley, or one Sa of Suit (a kind of barley without skin on it, resembling wheat). (sahih)
Takhrij · تخریج
تفرد بہ ابن ماجہ، (تحفة الأشراف: ١٠٣٤٥، ومصباح الزجاجة: ٦٥٠) (صحیح) (اس سند میں عمار بن سعد تابعی ہیں، اس لئے یہ روایت مرسل ہے، نیز عبد الرحمن بن سعد ضعیف ہیں، لیکن حدیث شواہد کی بناء پر صحیح ہے )
علاء بن حضرمی ؓ کہتے ہیں کہ رسول اللہ ﷺ نے مجھے بحرین ہجر بھیجا، میں ایک باغ میں جاتا جو کئی بھائیوں میں مشترک ہوتا، اور ان میں سے ایک مسلمان ہوچکا ہوتا، تو میں مسلمان سے عشر (دسواں) حصہ لیتا، اور کافر سے خراج (محصول) لیتا ١ ؎۔
It was narrated that Ala bin Hadrami said: "The Messenger of Allah ﷺ sent me to Bahrain or Hajar. I used to go to a garden that was shared by some brothers, one of whom had become Muslim. I would take the Ushr (one-tenth of the harvest) from the Muslim, and the Kharilj from the Mushrik." (Daif)
Notes · وضاحت
١ ؎: بحرین یا ہجر سے مراد سعودی عرب کے مشرقی زون کا علاقہ احساء ہے۔ عشر کا معنی دسواں حصہ ہے، یہ مسلمانوں سے لیا جاتا ہے، اور خراج وہ محصول ہے جو کفار سے لیا جاتا ہے، اس میں اسلامی حکمراں کو اختیار ہے کہ جس قدر مناسب سمجھے ان کی زراعت سے محصول لے لے لیکن نصف سے زیادہ لینا کسی طرح درست نہیں، واضح رہے کہ یہ کافروں کے مسلمان ہونے کے لئے نہایت عمدہ حکمت عملی تھی کہ دنیا میں مال سب کو عزیز ہے خصوصاً دنیا داروں کو تو جب کافر دیکھیں گے کہ ان کو جزیہ دینا پڑتا ہے، اور زراعت میں سے صرف دسواں یا بیسواں حصہ لیا جائے گا، تو بہت سے کافر مسلمان ہوجائیں گے، گو دنیاوی طمع و لالچ ہی سے سہی، لیکن ان کی اولاد پھر سچی مسلمان ہوگی، اور کیا عجب ہے کہ ان کو بھی مسلمانوں کی صحبت سے سچا ایمان نصیب ہو۔
Takhrij · تخریج
تفرد بہ، ابن ماجہ، (تحفة الأشراف: ١١٠١٠، ومصباح الزجاجة: ٦٥١)، وقد أخرجہ: مسند احمد (٥/٥٢) (ضعیف) (مغیرہ الأزدی اور محمد بن زید مجہول ہیں، اور حیان کی علاء سے روایت مرسل ہے )
ابو سعید خدری ؓ کہتے ہیں کہ نبی اکرم ﷺ نے فرمایا: ایک وسق ساٹھ صاع کا ہوتا ہے ۔
It was narrated from Abu Sa eed and attributed to the Prophet ﷺ "A Wasq is sixty Sa." (Daif)
Takhrij · تخریج
سنن ابی داود/الزکاة ١ (١٥٥٩)، بلفظ مختوما بدل صاعا سنن النسائی/الزکاة ٢٤ (٢٤٨٨)، (تحفة الأشراف: ٤٠٤٢)، وقد أخرجہ: مسند احمد (٣/٥٩، ٨٣، ٩٧) (ضعیف) (سند میں محمد بن عبید اللہ متروک الحدیث ہے )
عبداللہ بن مسعود ؓ کی بیوی زینب ؓ کہتی ہیں کہ میں نے رسول اللہ ﷺ سے پوچھا کہ اگر میں اپنے شوہر اور زیر کفالت یتیم بچوں پر خرچ کروں تو کیا زکاۃ ہوجائے گی؟ رسول اللہ ﷺ نے فرمایا: اس کو دہرا اجر ملے گا، ایک صدقے کا اجر، دوسرے رشتہ جوڑنے کا اجر ١ ؎۔
It was narrated that Zainab the wife of Abdullah said: "I asked the Messenger of Allah ﷺ : Will it be accepted as charity on my part if I spend on my husband and the orphans in my care? The Messenger of Allah ﷺ said: She will have two rewards, the reward for charity and the reward for upholding the ties of kinship. (Sahih) Another chain from Zainab the wife of Abdullah, from the Prophet ﷺ , with similar wording.
Notes · وضاحت
١ ؎: معلوم ہوا کہ اگر زکاۃ اپنے غریب و مفلس فاقے والے رشتہ دار کو دے یا بیوی شوہر کو دے تو اور زیادہ ثواب ہے، اور زکاۃ بھی ادا ہوجائے گی۔
اس سند سے بھی عبداللہ بن مسعود ؓ کی بیوی زینب ؓ سے اسی جیسی روایت مرفوعاً آئی ہے۔
Takhrij · تخریج
صحیح البخاری/الزکاة ٤٨ (١٤٦٦)، صحیح مسلم/الزکاة ١٤ (١٠٠٠)، سنن الترمذی/الزکاة ١٢ (٦٣٥، ٦٣٦)، سنن النسائی/الزکاة ٨٢ (٢٥٨٤)، (تحفة الأشراف: ١٥٨٨٧)، وقد أخرجہ: مسند احمد (٣/٥٠٢، ٣٦٣)، سنن الدارمی/الزکاة ٢٣ (١٦٩٤) (صحیح )
انظر ما قبلہ
ام المؤمنین ام سلمہ ؓ کہتی ہیں کہ رسول اللہ ﷺ نے ہمیں صدقہ کا حکم دیا، تو عبداللہ بن مسعود ؓ کی بیوی زینب ؓ نے کہا: کیا میری زکاۃ ادا ہوجائے گی اگر میں اپنے شوہر پہ جو محتاج ہیں، اور اپنے بھتیجوں پہ جو یتیم ہیں صدقہ کروں، اور میں ہر حال میں ان پر ایسے اور ایسے خرچ کرتی ہوں؟ تو آپ ﷺ نے فرمایا: ہاں ۔ راوی کہتے ہیں کہ وہ دست کاری کرتی تھیں (اور پیسے کماتی تھیں) ۔
It was narrated that Umm Salamah said: "The Messenger of Allah ﷺ enjoined charity upon us. Zainab. the wife of Abdullah, said: Will it be accepted as charity on my part if I give charity to my husband who is poor, and to the children of a brother of mine who are orphans, spending such and such on them, and in all circumstances? He said: Yes. (Sahih) One of the narrators said: "She used to prepare handicraft articles."
Takhrij · تخریج
تفرد بہ ابن ماجہ، (تحفة الأشراف: ١٨٢٦٨)، وقد أخرجہ: صحیح البخاری/الزکاة ٤٨ (١٤٦٧)، صحیح مسلم/الزکاة ٤ (١٠٠١) (صحیح) (ام سلمہ ؓ کی یہ حدیث دوسرے طریق سے صحیح ہے، جس میں یہ صراحت ہے کہ یہی سائلہ تھیں )
زبیر بن عوام ؓ کہتے ہیں کہ رسول اللہ ﷺ نے فرمایا: اگر تم میں سے کوئی اپنی رسی لے اور پہاڑ پر جا کر ایک گٹھا لکڑیوں کا اپنی پیٹھ پر لادے، اور اس کو بیچ کر اس کی قیمت پر قناعت کرے، تو یہ اس کے لیے لوگوں کے سامنے مانگنے سے بہتر ہے کہ لوگ دیں یا نہ دیں ١ ؎۔
It was narrated from Hisham bin Urwah, from his father, that his grandfather said: "The Messenger of Allah ﷺ said: If one of you were to take his rope (or ropes) and go to the mountains, and bring a bundle of firewood on his back to sell, and thus become independent of means, that would be better for him than begging from people who may either give him something or not give him anything. (Sahih)
Notes · وضاحت
١ ؎: یعنی اگر مانگنے پر دیں تو مانگنے کی ایک ذلت ہوئی، اور نہ دیں تو دوہری ذلت مانگنے کی، اور مانگنے پر نہ ملنے کی، برخلاف اس کے اپنی محنت سے کمانے میں کوئی ذلت نہیں اگرچہ مٹی ڈھو کر یا لکڑیاں چن کر اپنی روزی حاصل کرے، یہ جو مسلمان خیال کرتے ہیں کہ پیشہ یا محنت کرنے میں ذلت اور ننگ و عار ہے، یہ سب شیطانی وسوسہ ہے، اس سے زیادہ ننگ و عار اور ذلت و رسوائی سوال کرنے اور ہاتھ پھیلانے میں ہے، بلکہ پیشے اور محنت میں گو وہ کتنا ہی حقیر ہو بشرطیکہ شرع کی رو سے منع نہ ہو کوئی ذلت نہیں ہے۔
ثوبان ؓ کہتے ہیں کہ رسول اللہ ﷺ نے فرمایا: کون میری ایک بات قبول کرتا ہے؟ اور میں اس کے لیے جنت کا ذمہ لیتا ہوں ، میں نے عرض کیا: میں قبول کرتا ہوں، آپ ﷺ نے فرمایا: لوگوں سے کوئی چیز مت مانگو ، چناچہ ثوبان ؓ جب سواری پر ہوتے اور ان کا کوڑا نیچے گر جاتا تو کسی سے یوں نہ کہتے کہ میرا کوڑا اٹھا دو، بلکہ خود اتر کر اٹھاتے ١ ؎۔
It was narrated from ‘Abdur-Rahinán bin Yazid, that Thawban said: “The Messenger of Allah ﷺ Who will commit himself to one thing, I will guarantee him Paradise? I said: I will. He said: Do not ask people for anything. So Thawban would drop his whip while he was on his mount, and he would not say to anyone: Get that for me rathe,; he would dismount and grab It. (Sahih)
Notes · وضاحت
١ ؎: یہ ایمان و توکل علی اللہ کا بڑا اعلیٰ درجہ ہے حالانکہ اس قسم کا سوال مباح اور جائز ہے، مگر صحابہ کرام ؓ کی شان بڑی تھی انہوں نے مخلوق سے مطلقاً سوال ہی چھوڑ دیا، صرف خالق سے سوال کرنے ہی کو بہتر سمجھا۔
ابوہریرہ ؓ کہتے ہیں کہ رسول اللہ ﷺ نے فرمایا: جس نے لوگوں سے مال بڑھانے کے لیے مانگا، تو وہ جہنم کے انگارے مانگتا ہے، چاہے اب وہ زیادہ مانگے یا کم مانگے ۔
It was narrated from Abu Hurairah (RA) that the Messenger of Allah ﷺ said: "Whoever begs from people so as to accumulate more riches, he is asking for a live coal from Hell, so let him ask for a lot or a little." (Sahih)
Takhrij · تخریج
صحیح مسلم/الزکاة ٣٥ (١٠٤١)، (تحفة الأشراف: ١٤٩١٠)، وقد أخرجہ: مسند احمد (٢/٣٣١) (صحیح )
ابوہریرہ ؓ کہتے ہیں کہ رسول اللہ ﷺ نے فرمایا: صدقہ و خیرات کسی مالدار یا ہٹے کٹے صحت مند آدمی کے لیے حلال نہیں ہے ۔
It was narrated from Abu Hurairah (RA) that the Messenger of Allah ﷺ said: "Charity is not permissible for a rich person, or for one who is strong and healthy." (Sahih)
Takhrij · تخریج
سنن النسائی/الزکاة ٩٠ (٢٥٩٨)، (تحفة الأشراف: ١٢٩١٠)، وقد أخرجہ: مسند احمد (٢/٣٧٧، ٣٨٩) (صحیح )