26. Surah Ash-Shu'araa

1۔ ابن ابی حاتم نے سدی (رح) سے روایت کیا کہ آیت ” یعنی طور کے داہنی جانب سے ان کو آواز دی گئی۔ 2۔ الفریابی وابن ابی شیبہ وابن جرری وابن المنذر وابن ابی حاتم نے مجاہد (رح) سے روایت کیا کہ آیت ” ولہم علی ذنب “ ایک جان کے قتل کرنے کا الزام جو ان کے درمیان قتل ہوا آیت ” وفعلت فعلتک التی فعلت “ سے مراد بھی انسان کا قتل ہے۔ آیت ” فعلتہا اذا وانا من الضالین “ یعنی جب میں چوک جانے والوں میں سے تھا۔ 3۔ عبدالرزاق وعبد بن حمید وابن المنذر وابن ابی حاتم نے قتادہ (رح) سے روایت کیا کہ آیت ” ولہم علی ذنب “ یعنی ایک جان کا قتل کرنا آیت ” الم لربک فینا ولیدا “ یعنی ان کو فرعون والوں سے اٹھا لیا سو اس بچے کو پالا یہاں تک کہ آپ جوان بن گئے آیت ” وفعلت فعلتک التی فعلت “ یعنی ایک انسان کو تو نے قتل کیا جو تو نے قتل کیا آیت ” وانت من الکافرین “ فرمایا اللہ کے نبی اس سے بری ہیں آیت ” فعلتہا اذا وانا من الضالین “ یعنی میں سے فرمایا بعض قرائت اذا کی بجائے اذان وانا من الجہلین ‘ یعنی کیونکہ یہ ایسی چیز ہے جس سے ناواقف تھے آپ نے اس کا ارادہ نہیں کیا تھا۔ 4۔ ابن ابی حاتم نے سعید بن جبیر (رح) سے روایت کیا کہ آیت ” وفعلت فعلتک التی فعلت وانت من الکفرین “ یعنی فرعون نے موسیٰ پر احسان جتایا کہ اس نے ان کو پالا تھا اور کہتا تھا کہ تو نے میری نعمت کی ناشکری کی۔ 5۔ الفریابی وابن ابی شیبہ وعبدبن حمید وابن جریر وابن المنذر وابن ابی حاتم نے مجاہد (رح) سے روایت کیا کہ آیت ” وتلک نعمۃ تمنہا علی ان عبدت بنی اسرائیل سے مراد ہے کہ تو ان پر غلبہ پاچکا ہے۔ 6۔ ابن جریر نے ابن عباس ؓ سے روایت کیا کہ آیت ” وفعلت فعلتک التی فعلت وانت من الکفرین “ یعنی فرعون نے کہا تو نے نعمت کی ناشکری اور فرعون نہیں جانتا تھا کہ ناشکری کیا ہوتی ہے آیت ” قال فعلتہا اذا وانا من الضالین “ موسیٰ نے فرمایا کہ میں نادانوں میں سے تھا۔ 7۔ ابو عبید وابن جریر وابن المنذر نے ابن جریج (رح) سے روایت کیا کہ ابن مسعود کی قرات میں یوں ہے آیت فعلتہا اذا وانا من الجہلین “ میں اذا کی بجائے اذن ہے۔ 8۔ ابن ابی حاتم نے سدی (رح) سے روایت کیا کہ آیت ” فوہب لی ربی حکما “ میں حکم سے مراد نبوت ہے 9۔ عبدالرزاق وعبد بن حمید وابن جریر وابن المنذر وابن ابی حاتم نے قتادہ (رح) سے روایت کیا کہ آیت ” وتلک نعمۃ تمنہا علی “ سے مراد ہے کہ موسیٰ (علیہ السلام) نے فرعون سے فرمایا کیا تو مجھ پر احسان جتا رہا ہے حالانکہ تو نے بنی اسرائیل کو غلام بنا رکھا ہے اور وہ آزاد تھے تو ان پر غالب آگیا اور ان کو غلام بنا لیا۔ 10۔ ابن ابی حاتم نے ابن عباس ؓ سے روایت کیا کہ آیت ” قال فرعون وما رب العالمین “ سے لے کر آیت ” ان کنتم تعقلون “ تک کے بارے میں انہوں نے فرمایا کہ اس نے یہ اضافہ مجبور ہو کر کیا۔ 11۔ ابن جریر نے ابن عباس ؓ سے روایت کیا کہ آیت ” فالقی عصاہ فاذا ہی ثعبان مبین “ یعنی اس کے لیے سانپ کی صورت ظار ہوگئی آیت ’‘ ونزع یدہ “ یعنی موسیٰ (علیہ السلام) نے اپنے ہاتھ کو اپنے گریبان سے نکالا آیت ” فاذاہی بیضاء “ یعنی وہ چمک رہا تھا آیت ” لنظرین “ یعنی دیکھنے والا اسے دیکھ رہا تھا۔ حضرت موسیٰ (علیہ السلام) کا اپنی والدہ کے پاس مہمان بننا 12۔ ابن ابی حاتم نے سدی (رح) سے سے روایت کیا کہ موسیٰ (علیہ السلام) اپنی بیوی کو لے کر مصر کی طرف چلے یہاں تک کہ ان کے پاس رات کو آئے اور اپنی ماں کے مہمان بنے اور وہ رات کی وجہ سے ان کو نہیں پہچانتے تھے۔ موسیٰ اور اس کی بیوی گھر کی ایک جانب میں اتر گئے ہارون آئے جب اپنے مہمان کو دیکھا تو اس کے بارے میں اپنی ماں سے پوچھا اس نے بتایا کہ وہ مہمان ہیں حضرت ہارون (علیہ السلام) نے مہمان کو دعوت دی حضرت موسیٰ (علیہ السلام) نے حضرت ہارون (علیہ السلام) کے ساتھ کھانا کھایا جب دونوں نے اکٹھے آپس میں باتیں کیوں تو ہارون نے ان سے پوچھا آپ کون ہیں فرمایا میں موسیٰ ہوں پھر دونوں ایک دوسرے کے لیے اٹھے اور معانقہ کیا جب دونوں کا تعارف ہوگیا تو موسیٰ نے ان سے فرمایا اے ہارون میرے ساتھ فرعون کی طرف چلوکیون کہ اللہ تعالیٰ نے ہم کو اس کی طرف رسول بنا کر بھیجا ہے ہارون نے فرمایا میں نے اللہ کے حکم کو سنا اور اطاعت کی یہ سن کر ان کی ماں کھڑی ہوگئی اور چیخنے لگی اور کہنے لگی میں تم دونوں کو اللہ کی قسم دیتی ہوں کہ تم دونوں فرعون کی طرف نہ جاؤ وہ تم دونوں کو قتل کردے گا۔ دونوں نے انکار کیا اور رات کو اس کی طرف چل دئیے دونوں دروازہ پر آئے اور اس کو مارا یعنی کھٹکھٹایا فرعون اور چوکیدار گھبرا گئے فرعون نے کہا کون ہے جو میرا اس وقت دروازہ کھٹکھٹا رہا ہے ؟ چوکیدار کے پاس آئے اور ان سے بات کی موسیٰ نے اس سے فرمایا آیت ” انا رسول رب العالمین “ چوکیدار گھبرا گیا فرعون کے پاس آیا اور اسکو خبردی کہ یہاں ایک انسان ہے جو جنون ہے اور وہ گمان کرتا ہے کہ میں رب العالمین کا رسول ہوں اس نے کہا اس کو اندر لے آؤ موسیٰ (علیہ السلام) اندر گئے اور فرمایا کہ میں رب العالمین کا رسول ہوں۔ آیت ” قال فرعون وما رب العالمین “ یعنی فرعون نے کہا رب العالمین کیا ہے ؟ فرمایا ” آیت ربنا الذی اعطی کل شیء خلقہ ثم ہدی (طہ : 50) یعنی ہمارا رب وہ ہے جس نے ہر چیز کو پیدا فرمایا پھر اس کو راستہ دکھایا فرعون نے کہا آیت ” ان کنت جئت باٰیۃ فات بہا ان کنت من الصدقین، اگر تو کوئی نشانی لایا ہے تو اس کو لے آ اگر تو سچوں میں سے ہے آیت ” فالقی عصاہ فاذا ہی ثعبان مبین (العارف آیت) ثعبان نر سانپوں میں سے ایک سانب ہے جو اپنے منہ کو کھولے ہوئے تھا اس کا نیچے والا جبڑا زمین میں اور اوپر والا جبڑا دیوار پر تھا پھر وہ سانپ فرعون کی طرف جانے لگا تاکہ اس کو پکڑے جب اس نے آتے ہوئے دیکھا تو خوف زدہ ہوگیا اور اچھلا اور اسے حدث لاحق ہوئی اور اس سے ہلوے وہ ہوا خارج نہیں کرتا تھا اور چیخنے لگا کہ اے موسیٰ اس کو پکڑ میں تیرے اوپر ایمان لاؤں گا۔ اور تیرے ساتھ بنی اسرائیل کو بھیج دوں گا موسیٰ نے اس کو پکڑ لیا تو وہ لاٹھی بن گیا۔ جادوگروں نے آپ میں سرگوشی کی اور کہا، آیت ” ان ہذا لسحر علیم یرید ان یخرجکم من ارضکم بسحرہ (طہ آیت 63) یعنی یہ دونوں جادوگر ہیں یہ ارادہ کرتے ہیں کہ تم کو تمہاری زمین سے جادو کے زریعہ نکال دیں موسیٰ اور جادوگروں کے امیر آپس میں ملے موسیٰ نے اس سے فرمایا تو مجھ کو بتا اگر میں کل تم پر غالب آجاؤں تو مجھ پر ایمان لائے گا اور تو گواہی دے گا کہ جو میں لایا ہوں وہ حق ہے جادو گر نے کہا کل کو ہم ضرور ایسا جادو لائیں گے کہ کوئی چیز اس پر غالب نہ آسکے گی اور اللہ کی قسم اگر تو مجھ پر غالب آگیا تو میں ضرور تیرے اوپر ایمان لاؤں گا اور ضرور میں گواہی دوں گا کہ تو حق پر ہے اور فرعون ان دونوں کی طرف دیکھ رہا تھا۔ 13۔ ابن جریر نے ابن زید ؓ سے روایت کیا کہ آیت ” وقیل للناس ہل انتم مجتمعون “ یعنی یہ لوگ اسکندریہ میں تھے اور یہ بات بھی کی جاتی تھی کہ اس سانپ کی دم اس دن بحیرہ کی دوسری جانب پہنچی تھی راوی نے کہا کہ وہ لوگ شکست کھاگئے اور فرعون سرنگوں ہوگیا تو سانپ نے فرعون کا ارادہ کیا فرون نے کہا اے موسیٰ اس کو پکڑ اور فرعون اس روز لوگوں کی نسبت سانپ سے زیادہ قریب تھا وہ زمین پر کوئی چیز نہیں رکھتا تھا کہ وہ اس روز اس کے نیچے پاخانہ کردیتا سانپ سبز قبہ میں چھوڑا گیا تھا۔ 14۔ عبد بن حمید وابن ابی حاتم نے قتادہ (رح) سے روایت کیا کہ آیت ” وقالوا بعذۃ فرعون انا لنحن الغلبون۔ انہوں نے یہ قسم اٹھائی مگر اللہ تعالیٰ کو فرعون سے زیادہ غالب پایا۔ 15۔ ابن ابی حاتم نے بشر بن منصور (رح) سے روایت کیا کہ مجھ کو یہ بات پہنچی ہے کہ جب ان میں سے بعض نے کہا آیت ” وقالو ا بعزۃ فرعون “ یعنی انہوں نے کہا فرعون کی عزت کے ساتھ ہم ہی غالب ہوں گے فرشتوں نے کہا کعبہ کے رب کی قسم آج فرعون کی ہلاکت ہے اور اللہ تعالیٰ نے فرمایا تم میرے خلاف قسمیں اٹھاتے ہو میں نے ان کو چالیس سال مہلت دی ہے۔ 16۔ ابن جریر نے ابن زید ؓ سے روایت کیا کہ آیت ” لاصبر “ یعنی جو تو کہتا ہے کہ ہم کو نقصان نہیں پہنچا سکتا اور اگر تو ہمارے ساتھ وہ سلوک اور ہم کو سولی پر لٹکائے آیت ” انا الی ربنا منقلبون “ یعنی یہ اپنے رب کی طرف لوٹنے والے ہیں اور وہ ہم کو ان اعمال پر بدلہ دے گا جو تو نے ہم کو سزا دی اور ہم نے اس پر صبر کیا اور ہمارا ثابت رہنا اس کی توحید پر اللہ تعالیٰ کے ساتھ کفر کرنے سے براءت کا اظہار کرنے پر اور اللہ تعالیٰ کا فرمان آیت ” ان کنا اول المومنین “ یعنی وہ جادوگر اس دن ان لوگوں میں سے پہلے تھے جو اللہ تعالیٰ کی آیات کو دیکھ کر ایمان لائے۔