عبداللہ بن مغفل ؓ کہتے ہیں کہ نبی اکرم ﷺ نے اس بات سے منع فرمایا ہے کہ آدمی اپنے غسل خانہ میں پیشاب کرے ١ ؎ اور فرمایا: زیادہ تر وسوسے اسی سے پیدا ہوتے ہیں ۔
Abdullah ibn Mughaffal reported that the Prophet ﷺ (Peace be upon him) said that no one must urinate in the place where he bathes himself (bathroom), for, evil promptings generally come from it.
صحيح (إلا الشطر الثانی منه)، ابن ماجة (304)صحيح وضعيف سنن الترمذي الألباني: حديث نمبر 21
Imam Tirmidhi's comment · امام ترمذی
١- اس باب میں ایک اور صحابی سے بھی روایت ہے، ٢- یہ حدیث غریب ہے، ٢ ؎ ہم اسے صرف اشعث بن عبداللہ کی روایت سے مرفوع جانتے ہیں، انہیں اشعث اعمی بھی کہا جاتا ہے، ٣- اہل علم میں سے کچھ لوگوں نے غسل خانے میں پیشاب کرنے کو مکروہ قرار دیا ہے، ان لوگوں کا کہنا ہے کہ زیادہ تر وسوسے اسی سے جنم لیتے ہیں، ٤- بعض اہل علم نے اس کی رخصت دی ہے جن میں سے ابن سیرین بھی ہیں، ابن سیرین سے کہا گیا: کہا جاتا ہے کہ اکثر وسوسے اسی سے جنم لیتے ہیں؟ تو انہوں نے جواب دیا کہ ہمارا رب اللہ ہے، اس کا کوئی شریک نہیں ٣ ؎، عبداللہ بن مبارک کہتے ہیں کہ غسل خانے میں پیشاب کرنے کو جائز قرار دیا گیا ہے، بشرطیکہ اس میں سے پانی بہ جاتا ہو۔
Notes · وضاحت
١ ؎: یہ ممانعت ایسے غسل خانوں کے سلسلے میں ہے جن میں پیشاب زمین میں جذب ہوجاتا ہے، یا رک جاتا ہے، پختہ غسل خانے جن میں پیشاب پانی پڑتے ہی بہہ جاتا ہے ان میں یہ ممانعت نہیں ( ملاحظہ ہو سنن ابن ماجہ رقم: ٣٠٤)۔ ٢ ؎: امام ترمذی کسی حدیث کے بارے میں جب لفظ غریب کہتے ہیں تو ایسی حدیثیں اکثر ضعیف ہوتی ہیں، ایسی ساری احادیث پر نظر ڈالنے سے یہ بات معلوم ہوئی ہے، یہ حدیث بھی ضعیف ہے ( ضعیف ابی داود رقم ٦) البتہ غسل خانہ میں پیشاب کی ممانعت سے متعلق پہلا ٹکڑا شواہد کی بنا پر صحیح ہے۔ ٣ ؎: مطلب یہ ہے جو بھی وسوسے پیدا ہوتے ہیں ان سب کا خالق اللہ تعالیٰ ہے، غسل خانوں کے پیشاب کا اس میں کوئی دخل نہیں۔
Takhrij · تخریج
سنن ابی داود/ الطہارة ١٥ (٢٧)، سنن النسائی/الطہارة ٣٢ (٣٦)، سنن ابن ماجہ/الطہارة ١٢ (٣٠٤)، ( تحفة الأشراف: ٩٦٤٨)، مسند احمد (٥/٥٦) (صحیح) (سند میں حسن بصری مدلس راوی ہیں، جن کی وجہ سے یہ سند ضعیف ہے، لیکن حدیث کا پہلا ٹکڑا دوسری روایات سے تقویت پا کر صحیح ہے، اور دوسرا ٹکڑا ضعیف ہے، دیکھئے: ضعیف ابی داود رقم: ٦، وصحیح ابی داود رقم: ٢٢)
ابوہریرہ ؓ کہتے ہیں کہ رسول اللہ ﷺ نے فرمایا: اگر مجھے اپنی امت کو حرج اور مشقت میں مبتلا کرنے کا خطرہ نہ ہوتا تو میں انہیں ہر نماز کے وقت مسواک کرنے کا حکم دیتا ١ ؎۔
Abu Hurairah (RA) narrated that Allahs Messenger(Peace be upon him) said, "Were it not that I might distress my ummah, I would order them to use the siwak at every prayer”
صحيح، ابن ماجة (287)صحيح وضعيف سنن الترمذي الألباني: حديث نمبر 22
Imam Tirmidhi's comment · امام ترمذی
١- بروایت ابوسلمہ، ابوہریرہ اور زید بن خالد ؓ کی مروی دونوں حدیثیں میرے نزدیک صحیح ہیں، محمد بن اسماعیل بخاری کا خیال ہے کہ ابوسلمہ کی زید بن خالد ؓ سے مروی حدیث زیادہ صحیح ہے ٢ ؎، ٢- اس باب میں ابوبکر صدیق، علی، عائشہ، ابن عباس، حذیفہ، زید بن خالد، انس، عبداللہ بن عمرو، ابن عمر، ام حبیبہ، ابوامامہ، ابوایوب، تمام بن عباس، عبداللہ بن حنظلہ، ام سلمہ، واثلہ بن الاسقع اور ابوموسیٰ اشعری ؓ سے بھی احادیث آئی ہیں۔
Notes · وضاحت
١ ؎: مسواک واجب نہ کرنے کی مصلحت امت سے مشقت و حرج کو دور رکھنا ہے، اس سے صرف مسواک کے وجوب کی نفی ہوتی ہے، رہا مسواک کا مسنون ہونا تو وہ علی حالہ باقی ہے۔ ٢ ؎: امام بخاری نے اس طریق کو دو وجہوں سے راجح قرار دیا ہے: ایک تو یہ کہ اس سے ایک واقعہ وابستہ ہے اور وہ ابوسلمہ کا یہ کہنا ہے کہ زید بن خالد مسواک اپنے کان پر اسی طرح رکھے رہتے تھے جیسے کاتب قلم اپنے کان پر رکھے رہتا ہے اور جب وہ نماز کے لیے کھڑے ہوتے تو مسواک کرتے، اور دوسری وجہ یہ ہے کہ یحییٰ بن ابی کثیر نے محمد بن ابراہیم کی متابعت کی ہے جس کی تخریج امام احمد نے کی ہے۔
زید بن خالد جہنی ؓ کہتے ہیں کہ میں نے رسول اللہ ﷺ کو یہ فرماتے ہوئے سنا ہے: اگر مجھے اپنی امت کو حرج و مشقت میں مبتلا کرنے کا خطرہ نہ ہوتا تو میں انہیں ہر صلاۃ کے وقت (وجوباً ) مسواک کرنے کا حکم دیتا، نیز میں عشاء کو تہائی رات تک مؤخر کرتا (راوی حدیث) ابوسلمہ کہتے ہیں: اس لیے زید بن خالد ؓ نماز کے لیے مسجد آتے تو مسواک ان کے کان پر بالکل اسی طرح ہوتی جیسے کاتب کے کان پر قلم ہوتا ہے، وہ نماز کے لیے کھڑے ہوتے تو مسواک کرتے پھر اسے اس کی جگہ پر واپس رکھ لیتے ١ ؎۔
Abu Salamah (RA) reported that Zayd ibn Khalid (RA) al-Juhanni said that he heard Allahs Messenger (Peace be upon him) say, "Were it not that I might distress my Ummah I would order them to use the siwak before every salah, and I would put off the salah of isha till one-third of the night had passed” He said, "Zayd ibn Khalid had the siwak on his ear as a scribe has a pen over it when he came to the mosque for his salah. He did not offer salah till he had used the siwak, after which put it back in the same place."
صحيح، صحيح أبي داود (37)صحيح وضعيف سنن الترمذي الألباني: حديث نمبر 23
Imam Tirmidhi's comment · امام ترمذی
یہ حدیث حسن صحیح ہے۔
Notes · وضاحت
١ ؎: ہر نماز کے وقت مسواک مسنون ہے، «عند کل صلاة» ہر نماز کے وقت سے جو مقصد ہے وہ مسجد میں داخل ہو کر، وضو خانہ میں، یا نماز کے وقت وضو کے ساتھ مسواک کرلینے سے بھی پورا ہوجاتا ہے، یہ ہندوستان اور پاکستان کے باشندے عموماً نیم یا کیکر کی مسواک کرتے ہیں اور عرب میں پیلو کی مسواک کا استعمال بہت زیادہ ہے، اور یہاں لوگ نماز کے وقت بکثرت مسواک کرتے ہیں۔
ابوہریرہ ؓ سے روایت ہے کہ نبی اکرم ﷺ نے فرمایا: جب تم میں سے کوئی رات کو نیند سے اٹھے تو اپنا ہاتھ برتن ١ ؎ میں نہ ڈالے جب تک کہ اس پر دو یا تین بار پانی نہ ڈال لے، کیونکہ وہ نہیں جانتا کہ اس کا ہاتھ رات میں کہاں کہاں رہا ہے ۔
Abu Hurairah (RA) narrated that the Prophet ﷺ (Peace be upon him) said, "When one of you awakes from sleep of the night, he must not dip his hand in the vessel till he has washed it two or three times, for, he does not know where his hand was during the night."
صحيح، ابن ماجة (393)صحيح وضعيف سنن الترمذي الألباني: حديث نمبر 24
Imam Tirmidhi's comment · امام ترمذی
١- اس باب میں ابن عمر، جابر اور عائشہ ؓ سے بھی احادیث آئی ہیں، ٢- یہ حدیث حسن صحیح ہے، ٣- شافعی کہتے ہیں: میں ہر سو کر اٹھنے والے کے لیے - چاہے وہ دوپہر میں قیلولہ کر کے اٹھا ہو یا کسی اور وقت میں - پسند کرتا ہوں کہ وہ جب تک اپنا ہاتھ نہ دھوئے اسے وضو کے پانی میں نہ ڈالے اور اگر اس نے دھونے سے پہلے ہاتھ ڈال دیا تو میں اس کے اس فعل کو مکروہ سمجھتا ہوں لیکن اس سے پانی فاسد نہیں ہوگا بشرطیکہ اس کے ہاتھ میں کوئی نجاست نہ لگی ہو ٢ ؎، احمد بن حنبل کہتے ہیں: جب کوئی رات کو جاگے اور دھونے سے پہلے پانی میں ہاتھ ڈال دے تو اس پانی کو میرے نزدیک بہا دینا بہتر ہے، اسحاق بن راہویہ کہتے ہیں: جب وہ رات یا دن کسی بھی وقت نیند سے جاگے تو اپنا ہاتھ وضو کے پانی میں نہ ڈالے جب تک کہ اسے دھو نہ لے۔
Notes · وضاحت
١ ؎: برتن کی قید سے حوض، تالاب اور نہر وغیرہ اس حکم سے مستثنیٰ ہوں گے کیونکہ ان کا پانی قلتین سے زیادہ ہوتا ہے، پس سو کر اٹھنے کے بعد ان میں ہاتھ داخل کرنا جائز ہے۔ ٢ ؎: اس سے معلوم ہوا کہ امام شافعی نے باب کی اس حدیث کو استحباب پر محمول کیا ہے، یہی جمہور کا قول ہے، احمد اور اسحاق بن راہویہ نے اسے وجوب پر محمول کیا ہے، لیکن احمد نے اسے رات کی نیند کے ساتھ خاص کردیا ہے اور اسحاق بن راہویہ نے اسے عام رکھا ہے، صاحب تحفہ الأحوذی نے اسحاق بن راہویہ کے مذہب کو راجح قرار دیا ہے، احتیاط اسی میں ہے، رات کی قید صرف اس لیے ہے کہ آدمی رات میں عموماً سوتا ہے، نیز صحیحین کی روایات میں «من الليل» کی بجائے «ممن نومه» اپنی نیند سے ہے تو یہ رات اور دن ہر نیند کے لیے عام ہوا۔
Takhrij · تخریج
صحیح البخاری/الوضوء ٢٦ (١٦٢)، صحیح مسلم/الطہارة ٢٦ (٢٧٨)، سنن ابی داود/ الطہارة ٤٩ (١٠٣)، سنن النسائی/الطہارة ١ (١)، و ١١٦ (١٦١)، والغسل ٢٩ (٤٤٢)، سنن ابن ماجہ/الطہارة ٤٠ (٣٩٣)، ( تحفة الأشراف: ١٣١٨٩ و ١٥٢٠٣)، موطا امام مالک/الطہارة ١٢ (٩)، مسند احمد (٢/٢٤١، ٢٥٣، ٢٥٩، ٣٤٩، ٣٨٢) (صحیح)
سعید بن زید ؓ کہتے ہیں کہ میں نے رسول اللہ ﷺ کو فرماتے سنا: جو «بسم اللہ» کر کے وضو شروع نہ کرے اس کا وضو نہیں ہوتا ١ ؎۔
Rlbah ibn Abdur Rahman ibn Abu Sufyan (RA) ibn Huwaytib reported from his grandmother who reported from her father that Allahs Messenger (Peace be upon him) said, "The abultion of a person is void if he does not begin it with Allahs name."
حسن، ابن ماجة (399)صحيح وضعيف سنن الترمذي الألباني: حديث نمبر 25
Imam Tirmidhi's comment · امام ترمذی
١- اس باب میں عائشہ، ابوہریرہ، ابو سعید خدری، سہل بن سعد اور انس ؓ سے بھی احادیث آئی ہیں، ٢- احمد بن حنبل کہتے ہیں: مجھے اس باب میں کوئی ایسی حدیث نہیں معلوم جس کی سند عمدہ ہو، ٣- اسحاق بن راہویہ کہتے ہیں: اگر کوئی قصداً «بسم اللہ» کہنا چھوڑ دے تو وہ دوبارہ وضو کرے اور اگر بھول کر چھوڑے یا وہ اس حدیث کی تاویل کر رہا ہو تو یہ اسے کافی ہوجائے گا، ٤- محمد بن اسماعیل بخاری کہتے ہیں کہ اس باب میں سب سے اچھی یہی مذکورہ بالا حدیث رباح بن عبدالرحمٰن کی ہے، یعنی سعید بن زید بن عمرو بن نفیل کی حدیث۔
Notes · وضاحت
١ ؎: یہ حدیث اس بات پر دلالت کرتی ہے کہ «بسم اللہ» کا پڑھنا وضو کے لیے رکن ہے یا شرط اس کے بغیر وضو صحیح نہیں ہوگا، کیونکہ «لاوضوئ» سے صحت اور وجود کی نفی ہو رہی ہے نہ کہ کمال کی، بعض لوگوں نے اسے کمال کی نفی پر محمول کیا ہے اور کہا ہے کہ بغیر «بسم اللہ» کیے بھی وضو صحیح ہوجائے گا لیکن وضو کامل نہیں ہوگا، لیکن یہ قول صحیح نہیں ہے کیونکہ «لا» کو اپنے حقیقی معنی نفی صحت میں لینا ہی حقیقت ہے، اور نفی کمال کے معنی میں لینا مجاز ہے اور یہاں مجازی معنی لینے کی کوئی مجبوری نہیں ہے، نفی کمال کے معنی میں آئی احادیث ثابت نہیں ہیں، امام احمد کے نزدیک راجح «بسم اللہ» کا وجوب ہے۔
Takhrij · تخریج
سنن ابن ماجہ/الطہارة ٤١ (٣٩٨) (تحفة الأشراف: ٤٤٧٠) مسند احمد (٤/٧٠) و (٥/٣٨١-٣٨٢) و ٦/٣٨٢) (حسن)
سلمہ بن قیس ؓ کہتے ہیں کہ رسول اللہ ﷺ نے فرمایا: جب تم وضو کرو تو ناک جھاڑو اور جب ڈھیلے سے استنجاء کرو تو طاق ڈھیلے لو ۔
Salamah ibn Qays (RA) said that Allahs Messenger(Peace be upon him) said,"When you make ablution, snuff up water and when you use stone for istinja use an odd number."
صحيح، ابن ماجة (406)صحيح وضعيف سنن الترمذي الألباني: حديث نمبر 27
Imam Tirmidhi's comment · امام ترمذی
١- اس باب میں عثمان، لقیط بن صبرہ، ابن عباس، مقدام بن معدیکرب، وائل بن حجر اور ابوہریرہ ؓ سے بھی احادیث آئی ہیں، ٢- سلمہ بن قیس والی حدیث حسن صحیح ہے، ٣- جو کلی نہ کرے اور ناک میں پانی نہ چڑھائے اس کے بارے میں اہل علم میں اختلاف ہے: ایک گروہ کا کہنا ہے کہ جب کوئی ان دونوں چیزوں کو وضو میں چھوڑ دے اور نماز پڑھ لے تو وہ نماز کو لوٹائے ١ ؎ ان لوگوں کی رائے ہے کہ وضو اور جنابت دونوں میں یہ حکم یکساں ہے، ابن ابی لیلیٰ، عبداللہ بن مبارک، احمد اور اسحاق بن راہویہ یہی کہتے ہیں، امام احمد (مزید) کہتے ہیں کہ ناک میں پانی چڑھانا کلی کرنے سے زیادہ تاکیدی حکم ہے، اور اہل علم کی ایک جماعت کہتی ہے کہ جنابت میں کلی نہ کرنے اور ناک نہ جھاڑنے کی صورت میں نماز لوٹائے اور وضو میں نہ لوٹائے ٢ ؎ یہ سفیان ثوری اور بعض اہل کوفہ کا قول ہے، ایک گروہ کا کہنا ہے کہ نہ وضو میں لوٹائے اور نہ جنابت میں کیونکہ یہ دونوں چیزیں مسنون ہیں، تو جو انہیں وضو اور جنابت میں چھوڑ دے اس پر نماز لوٹانا واجب نہیں، یہ مالک اور شافعی کا آخری قول ہے ٣ ؎۔
Notes · وضاحت
١ ؎: کیونکہ ان کے نزدیک یہ دونوں عمل وضو اور غسل دونوں میں فرض ہیں، ان کی دلیل یہی حدیث ہے، اس میں امر کا صیغہ استعمال ہوا ہے، اور امر کا صیغہ وجوب پر دلالت کرتا ہے، الا یہ کہ کوئی قرینہ ایسا قرینہ موجود ہو جس سے امر کا صیغہ حکم اور وجوب کے معنی سے استحباب کے معنی میں بدل جائے جو ان کے بقول یہاں نہیں ہے، صاحب تحفۃ الاحوذی اسی کے موید ہیں۔ ٢ ؎: ان لوگوں کے یہاں یہ دونوں عمل وضو میں مسنون اور جنابت میں واجب ہیں کیونکہ جنابت میں پاکی میں مبالغہ کا حکم ہے۔ ٣ ؎: یہی جمہور علماء کا قول ہے کیونکہ عطاء کے سوا کسی بھی صحابی یا تابعی سے یہ منقول نہیں ہے کہ وہ بغیر کلی اور ناک جھاڑے پڑھی ہوئی نماز دہرانے کے قائل ہو، گویا یہ مسنون ہوا فرض اور واجب نہیں۔
عبداللہ بن زید ؓ کہتے ہیں کہ میں نے نبی اکرم ﷺ کو دیکھا کہ آپ نے ایک ہی چلو سے کلی کی اور ناک میں پانی ڈالا، تین بار آپ نے ایسا کیا ١ ؎۔
Sayvidna Abdullah ibn Zayd (RA) said that he saw the Prophet ﷺ rinse his mouth and snuff up water from one palm of the hand.. He dId that three times.
صحيح، صحيح أبي داود (110)صحيح وضعيف سنن الترمذي الألباني: حديث نمبر 28
Imam Tirmidhi's comment · امام ترمذی
١- اس باب میں عبداللہ بن عباس ؓ سے بھی روایت ہے، ٢- عبداللہ بن زید ؓ کی یہ حدیث حسن غریب ہے، ٣- مالک، سفیان، ابن عیینہ اور دیگر کئی لوگوں نے یہ حدیث عمرو بن یحییٰ سے روایت کی ہے۔ لیکن ان لوگوں نے یہ بات ذکر نہیں کی کہ نبی اکرم ﷺ نے ایک ہی چلو سے کلی کی اور ناک میں پانی ڈالا، اسے صرف خالد ہی نے ذکر کیا ہے اور خالد محدثین کے نزدیک ثقہ اور حافظ ہیں۔ بعض اہل علم نے کہا ہے کہ ایک ہی چلو سے کلی کرنا اور ناک میں پانی ڈالنا کافی ہوگا، اور بعض نے کہا ہے کہ دونوں کے لیے الگ الگ پانی لینا ہمیں زیادہ پسند ہے، شافعی کہتے ہیں کہ اگر ان دونوں کو ایک ہی چلو میں جمع کرے تو جائز ہے لیکن اگر الگ الگ چلّو سے کرے تو یہ ہمیں زیادہ پسند ہے ٢ ؎۔
Notes · وضاحت
١ ؎: اس حدیث سے معلوم ہوا کہ ایک ہی چلو سے کلی کرنے اور ناک میں پانی چڑھانا افضل ہے دونوں کے لیے الگ الگ پانی لینے کی بھی احادیث آئی ہیں لیکن ایک چلو سے دونوں میں پانی ڈالنے کی احادیث زیادہ اور صحیح ترین ہیں، دونوں صورتیں جائز ہیں، لیکن ایک چلو سے دونوں میں پانی ڈالنا زیادہ اچھا ہے، علامہ محمد بن اسماعیل الأمیرالیمانی سبل السلام میں فرماتے ہیں: اقرب یہ ہے کہ دونوں صورتوں میں اختیار ہے اور ہر ایک سنت ہے، گرچہ دونوں کو ایک کلی میں جمع کرنے کی روایات زیادہ ہیں اور صحیح تر ہیں، واضح رہے کہ اختلاف زیادہ بہتر ہونے میں ہے جائز اور ناجائز کی بات نہیں ہے۔ ٢ ؎: امام شافعی سے اس سلسلہ میں دو قول مروی ہیں ایک تو یہی جسے امام ترمذی نے یہاں نقل کیا ہے اور دوسرا ایک ہی چلو میں دونوں کو جمع کرنے کا اور یہ ان کا مشہور قول ہے۔
Takhrij · تخریج
صحیح البخاری/الوضوء ٣٨ (١٨٥)، و ٣٩ (١٨٦)، و ٤١ (١٩١)، و ٤٢ (١٩٢)، و ٤٥ (١٩٧)، صحیح مسلم/الطہارة ٧ (٢٣٥)، سنن ابی داود/ الطہارة ٥٠ (١١٨)، سنن النسائی/الطہارة ٨٠-٨٢ (٩٧، ٩٨، ٩٩)، سنن ابن ماجہ/الطھارة ٥١ (٤٣٤) (نحوہ) و ٦١ (٤٧١) (مختصرا) ( تحفة الأشراف: ٥٣٠٨) موطا امام مالک/الطہارة ١ (١)، مسند احمد (٤/٣٨، ٣٩)، سنن الدارمی/ الطہارة ٢٨ (٧٢١) (صحیح)
حسان بن بلال کہتے ہیں کہ میں نے عمار بن یاسر ؓ کو دیکھا کہ انہوں نے وضو کیا تو اپنی داڑھی میں خلال کیا ١ ؎ ان سے کہا گیا یا راوی حدیث حسان نے کہا کہ میں نے ان سے کہا: کیا آپ اپنی داڑھی کا خلال کر رہے ہیں؟ تو انہوں نے جواب دیا کہ میں داڑھی کا خلال کیوں نہ کروں جب کہ میں نے رسول اللہ ﷺ کو داڑھی کا خلال کرتے دیکھا ہے۔
Sayyidina Hassan Ibn Bilal (RA) said that he saw ammar ibn yasir (RA) perform ablution, He ran his fingers through beard so Hassan (RA) asked him, "Do you interwine your beard?" Ammar (RA) said , "Why should I not do it when I did see Allah’s Messenger ﷺ run fingers through his beard"
صحيح، ابن ماجة (429)صحيح وضعيف سنن الترمذي الألباني: حديث نمبر 29
Notes · وضاحت
١ ؎: اس حدیث سے معلوم ہوا کہ داڑھی کا خلال مسنون ہے، بعض لوگ وجوب کے قائل ہیں، لیکن تمام دلائل کا جائزہ لینے سے یہی ثابت ہوتا ہے کہ سنت ہے واجب نہیں، جمہور کا یہی قول ہے۔
Takhrij · تخریج
سنن ابن ماجہ/الطہارة ٥٠ (٤٢٩) (تحفة الأشراف: ١٠٣٤٦) (صحیح)
اس سند سے بھی عمار بن یاسر سے اوپر ہی کی حدیث کے مثل مرفوعاً مروی ہے۔
This hadith is also reported by Ibn Abu Umar from Sufyan from Saeed ibn Abu Arubah from Qatadah. He reported from Hasan ibn Bilal (RA) who from Ammar who from the Prophet ﷺ .
Imam Tirmidhi's comment · امام ترمذی
١- اس باب میں عثمان، عائشہ، ام سلمہ، انس، ابن ابی اوفی اور ابوایوب ؓ سے بھی احادیث آئی ہیں، ٢- محمد بن اسماعیل بخاری کہتے ہیں کہ اس باب میں سب سے زیادہ صحیح حدیث عامر بن شقیق کی ہے، جسے انہوں نے ابو وائل سے اور ابو وائل نے عثمان ؓ سے روایت کیا ہے (جو آگے آرہی ہے) ، ٣- صحابہ اور تابعین میں سے اکثر اہل علم اسی کے قائل ہیں، ان لوگوں کی رائے ہے کہ داڑھی کا خلال (مسنون) ہے اور اسی کے قائل شافعی بھی ہیں، احمد کہتے ہیں کہ اگر کوئی داڑھی کا خلال کرنا بھول جائے تو وضو جائز ہوگا، اسحاق بن راہویہ کہتے ہیں کہ اگر کوئی بھول کر چھوڑ دے یا خلال والی حدیث کی تاویل کر رہا ہو تو اسے کافی ہوجائے گا اور اگر قصداً جان بوجھ کر چھوڑے تو وہ اسے (وضو کو) لوٹائے۔
عثمان بن عفان ؓ کہتے ہیں کہ نبی اکرم ﷺ اپنی داڑھی میں خلال کرتے تھے۔
Yahya ibn Musa has also heard the hadith from Abdur Razzaq who from Israil who from Aamir ibn Shafiq who from Abu Wail who from Sayyidina Othman ibn Affan (RA) that Prophet ﷺ used to run his fingers through his beard.
صحيح، ابن ماجة (430)صحيح وضعيف سنن الترمذي الألباني: حديث نمبر 31
Imam Tirmidhi's comment · امام ترمذی
یہ حدیث حسن صحیح ہے۔
Takhrij · تخریج
سنن ابن ماجہ/الطہارة ٥٠ (٤٣٠) (تحفة الأشراف: ٩٨٠٩) (صحیح)
عبداللہ بن زید ؓ کہتے ہیں کہ رسول اللہ ﷺ نے اپنے ہاتھوں سے سر کا مسح کیا تو انہیں آگے سے پیچھے لے گئے اور پیچھے سے آگے لائے، یعنی اپنے سر کے اگلے حصہ سے شروع کیا پھر انہیں گدی تک لے گئے پھر انہیں واپس لوٹایا یہاں تک کہ اسی جگہ واپس لے آئے جہاں سے شروع کیا تھا، پھر آپ نے دونوں پیر دھوئے۔
Sayyidina Abdullah ibn Zayd (RA) narrated that Allahs Messenger ﷺ wiped his head, leading both hands from the fore to the back of the head up to the nape of his neck bringing them back to the fore. Then he washed his feet.
صحيح، ابن ماجة (434)صحيح وضعيف سنن الترمذي الألباني: حديث نمبر 32
Imam Tirmidhi's comment · امام ترمذی
١- اس باب میں معاویہ، مقدام بن معدیکرب اور عائشہ ؓ سے بھی احادیث آئی ہیں، ٢- اس باب میں عبداللہ بن زید ؓ کی حدیث سب سے صحیح اور عمدہ ہے اور اسی کے قائل شافعی احمد اور اسحاق بن راہویہ ہیں۔
ربیع بنت معوذ بن عفراء ؓ کہتی ہیں کہ نبی اکرم ﷺ نے اپنے سر کا دو مرتبہ ١ ؎ مسح کیا، آپ نے (پہلے) اپنے سر کے پچھلے حصہ سے شروع کیا ٢ ؎، پھر (دوسری بار) اس کے اگلے حصہ سے اور اپنے کانوں کے اندرونی اور بیرونی دونوں حصوں کا مسح کیا۔
Sayyidah Rubayyi bint Muawwidh ibn Afra (RA) narrated that the Prophet ﷺ ﷺ wiped his head twice beginning from the back of his head, and again from its fore, and his ears, both of them, inside and outside.
حسن، ابن ماجة (390)صحيح وضعيف سنن الترمذي الألباني: حديث نمبر 33
Imam Tirmidhi's comment · امام ترمذی
١- یہ حدیث حسن ہے اور عبداللہ بن زید کی حدیث سند کے اعتبار سے اس سے زیادہ صحیح اور زیادہ عمدہ ہے، ٢- اہل کوفہ میں سے بعض لوگ اسی حدیث کی طرف گئے ہیں، انہیں میں سے وکیع بن جراح بھی ہیں ٣ ؎۔
Notes · وضاحت
١ ؎: حقیقت میں یہ ایک ہی مسح ہے آگے اور پیچھے دونوں کو راوی نے الگ الگ مسح شمار کر کے اسے «مرتین» دو بار سے تعبیر کیا ہے۔ ٢ ؎: یہ حدیث اس بات پر دلالت کرتی ہے کہ سر کا مسح سر کے پچھلے حصہ سے شروع کیا جائے، لیکن عبداللہ بن زید کی متفق علیہ روایت جو اوپر گزری اس کے معارض اور اس سے زیادہ صحیح ہے، کیونکہ ربیع کی حدیث میں ایک راوی عبداللہ بن محمد بن عقیل متکلم فیہ ہیں اور اگر اس کی صحت مان بھی لی جائے تو ممکن ہے آپ نے بیان جواز کے لیے ایسا بھی کیا ہو۔ ٣ ؎: یہ مرجوح مذہب ہے، راجح سر کے اگلے حصہ ہی سے شروع کرنا ہے، جیسا کہ سابقہ حدیث میں گزرا۔
Takhrij · تخریج
سنن ابی داود/ الطہارة ٥٠ (١٢٦)، سنن ابن ماجہ/الطہارة ٣٩ (٣٩٠)، و ٥٢ (٤٤٠) (تحفة الأشراف: ١٥٨٣٧) (حسن)
ربیع بنت معوذ بن عفراء ؓ سے روایت ہے کہ میں نے نبی اکرم ﷺ کو وضو کرتے ہوئے دیکھا، آپ نے اپنے سر کا ایک بار مسح کیا، اگلے حصہ کا بھی اور پچھلے حصہ کا بھی اور اپنی دونوں کنپٹیوں اور کانوں کا بھی۔
Sayidah Rubayyi bint Mu’awwidh ibn Afra (RA) narrated that she saw the Prophet ﷺ performing ablution. He wiped his head front and back, his temples and ears, once.
حسن الإسنادصحيح وضعيف سنن الترمذي الألباني: حديث نمبر 34
Imam Tirmidhi's comment · امام ترمذی
١- ربیع ؓ کی حدیث حسن صحیح ہے، ٢- اس باب میں علی اور طلحہ بن مصرف بن عمرو کے دادا (عمرو بن کعب یامی) ؓ سے بھی احادیث آئی ہیں، ٣- اور بھی سندوں سے یہ بات مروی ہے کہ نبی اکرم ﷺ نے اپنے سر کا مسح ایک بار کیا، ٤- صحابہ کرام اور ان کے بعد کے لوگوں میں سے اکثر اہل علم کا اسی پر عمل ہے اور جعفر بن محمد، سفیان ثوری، ابن مبارک، شافعی ٢ ؎ احمد بن حنبل اور اسحاق بن راہویہ بھی یہی کہتے ہیں، ٥- سفیان بن عیینہ کہتے ہیں کہ میں نے جعفر بن محمد سے سر کے مسح کے بارے میں پوچھا: کیا ایک مرتبہ سر کا مسح کرلینا کافی ہے؟ تو انہوں نے کہا: ہاں قسم ہے اللہ کی۔
Notes · وضاحت
١ ؎: اس باب سے مؤلف ان لوگوں کا رد کرنا چاہتے ہیں جو تین بار مسح کے قائل ہیں۔ ٢ ؎: امام ترمذی نے امام شافعی سے ایسا ہی نقل کیا ہے، مگر بغوی نے نیز تمام شافعیہ نے امام شافعی کے بارے میں تین بار مسح کرنے کا قول نقل کیا ہے، عام شافعیہ کا عمل بھی تین ہی پر ہے، مگر یا تو یہ دیگر اعضاء پر قیاس ہے جو نص صریح کے مقابلہ میں صحیح نہیں ہے، یا کچھ ضعیف حدیثوں سے تمسک ہے ( صحیحین کی نیز دیگر احادیث میں صرف ایک پر اکتفاء کی صراحت ہے )۔
عبداللہ بن زید ؓ کہتے ہیں کہ انہوں نے نبی اکرم ﷺ کو دیکھا کہ آپ نے وضو کیا اور اپنے دونوں ہاتھوں کے بچے ہوئے پانی کے علاوہ نئے پانی سے اپنے سر کا مسح کیا۔
Sayyidina Abdullah ibn Zayd (RA) narrated that he observed Prophet ﷺ Perform ablution. He wiped his head with water that was not residual after washing his hands (which means that It was fresh water).
صحيح، صحيح أبي داود (111)صحيح وضعيف سنن الترمذي الألباني: حديث نمبر 35
Imam Tirmidhi's comment · امام ترمذی
١- یہ حدیث حسن صحیح ہے، ٢- ابن لھیعہ نے یہ حدیث بسند «حبان بن واسع عن أبیہ» روایت کی ہے کہ عبداللہ بن زید ؓ نے کہا: نبی اکرم ﷺ نے وضو کیا اور اپنے سر کا مسح اپنے دونوں ہاتھوں کے بچے ہوئے پانی سے کیا، ٣- عمرو بن حارث کی روایت جسے انہوں نے حبان سے روایت کی ہے زیادہ صحیح ہے ١ ؎ کیونکہ اور بھی کئی سندوں سے عبداللہ بن زید وغیرہ سے مروی ہے کہ نبی اکرم ﷺ نے اپنے سر کے مسح کے لیے نیا پانی لیا، ٤- اکثر اہل علم کا عمل اسی پر ہے، ان کی رائے ہے کہ سر کے مسح کے لیے نیا پانی لیا جائے۔
Notes · وضاحت
١ ؎: مؤلف نے عمرو بن حارث کی روایت کے لیے زیادہ صحیح کا لفظ اس لیے اختیار کیا ہے کہ ابن لہیعہ کی روایت بھی صحیح ہے کیونکہ وہ عبداللہ بن وہب کی روایت سے ہے، اور عبادلہ اربعہ کی روایت ابن لہیعہ سے صحیح ہوتی ہے، لیکن اس روایت میں ابن لہیعہ اکیلے ہیں، اس لیے ان کی روایت عمرو بن حارث کی روایت کے مقابلہ میں شاذ ہے اور عمرو بن حارث کی روایت ہی محفوظ ہے۔
عبداللہ بن عباس ؓ کہتے ہیں کہ نبی اکرم ﷺ نے اپنے سر کا اور اپنے دونوں کانوں کے بالائی اور اندرونی حصوں کا مسح کیا۔
Sayyidna Ibn Abbas (RA) reported that the Prophet ﷺ wiped his head and his ears their outsides and insides.
حسن صحيح، ابن ماجة (439)صحيح وضعيف سنن الترمذي الألباني: حديث نمبر 36
Imam Tirmidhi's comment · امام ترمذی
١- ابن عباس ؓ کی حدیث حسن صحیح ہے، ٢- اس باب میں ربیع ؓ سے بھی روایت ہے، ٣- اکثر اہل علم کا اسی پر عمل ہے، ان لوگوں کی رائے ہے کہ دونوں کانوں کے بالائی اور اندرونی دونوں حصوں کا مسح کیا جائے۔
Notes · وضاحت
١ ؎: اس باب اور حدیث سے مؤلف کا مقصد اس طرف اشارہ کرنا ہے کہ کانوں کے اندورنی حصے کو چہرہ کے ساتھ دھونے اور بیرونی حصے کو سر کے ساتھ مسح کرنے کے قائلین کا رد کریں، اس قول کے قائلین کی دلیل والی حدیث ضعیف ہے، اور نص کے مقابلہ میں قیاس جائز نہیں۔
ابوامامہ ؓ کہتے ہیں کہ نبی اکرم ﷺ نے وضو کیا تو اپنا چہرہ تین بار دھویا اور اپنے دونوں ہاتھ تین بار دھوئے اور اپنے سر کا مسح کیا اور فرمایا: دونوں کان سر میں داخل ہیں ۔
Sayyidna Abu Umamah (RA) narrated that the Prophet ﷺ when he made ablution he washed his face and both hands three times each and wiped his head, saying, "The ears are included in the head."
صحيح، ابن ماجة (444)صحيح وضعيف سنن الترمذي الألباني: حديث نمبر 37
Imam Tirmidhi's comment · امام ترمذی
١- قتیبہ کا کہنا ہے کہ حماد کہتے ہیں: مجھے نہیں معلوم کہ یہ نبی اکرم ﷺ کا قول ہے یا ابوامامہ کا، ٢- اس باب میں انس ؓ سے بھی روایت ہے، ٣- اس حدیث کی سند قوی نہیں ہے، ٤- صحابہ کرام اور ان کے بعد کے لوگوں میں سے اکثر اہل علم کا اسی پر عمل ہے اور اسی کے قائل سفیان ثوری، ابن مبارک اور اسحاق بن راہویہ ہیں ١ ؎ اور بعض اہل علم نے کہا ہے کہ کان کے سامنے کا حصہ چہرہ میں سے ہے (اس لیے اسے دھویا جائے) اور پیچھے کا حصہ سر میں سے ہے ٢ ؎۔ (اس لیے مسح کیا جائے) اسحاق بن راہویہ کہتے ہیں کہ میں اس بات کو پسند کرتا ہوں کہ کان کے سامنے کے حصہ کا مسح چہرہ کے ساتھ کرے (یعنی چہرہ کے ساتھ دھوئے) اور پچھلے حصہ کا سر کے ساتھ ٣ ؎، شافعی کہتے ہیں کہ دونوں الگ الگ سنت ہیں (اس لیے) دونوں کا مسح نئے پانی سے کرے۔
Notes · وضاحت
١ ؎: یہی قول راجح ہے۔ ٢ ؎: یہ شعبی اور حسن بن صالح اور ان کے اتباع کا مذہب ہے۔ ٣ ؎: امام ترمذی نے یہاں صرف تین مذاہب کا ذکر کیا ہے، ان تینوں کے علاوہ اور بھی مذاہب ہیں، انہیں میں سے ایک مذہب یہ ہے کہ دونوں کان چہرے میں سے ہیں، لہٰذا یہ چہرے کے ساتھ دھوئے جائیں گے، اسی طرف امام زہری اور داود ظاہری گئے ہیں، اور ایک قول یہ ہے کہ انہیں چہرے کے ساتھ دھویا جائے اور سر کے ساتھ ان کا مسح کیا جائے۔
Takhrij · تخریج
سنن ابی داود/ الطہارة ٥٠ (١٣٤) سنن ابن ماجہ/الطہارة ٥٣ (٤٤٤) (تحفة الأشراف: ٤٨٨٧) مسند احمد (٥/٢٥٨، ٢٦٨) (صحیح) (سند میں دو راوی ” سنان “ اور ” شہر “ ضعیف ہیں، لیکن دیگر احادیث سے تقویت پا کر یہ حدیث صحیح ہے)
لقیط بن صبرہ ؓ کہتے ہیں کہ نبی اکرم ﷺ نے فرمایا: جب تم وضو کرو تو انگلیوں کا خلال کرو ١ ؎۔
Sayyidina Aasim ibn Laqit ibn Sabirah (R.A) reported on the authority of his father the Prophet ﷺ said, "When you make ablution run your finger between your toes.”
صحيح، ابن ماجة (448)صحيح وضعيف سنن الترمذي الألباني: حديث نمبر 38
Imam Tirmidhi's comment · امام ترمذی
١- اس باب میں ابن عباس، مستورد بن شداد فہری اور ابوایوب انصاری ؓ سے بھی احادیث آئی ہیں، ٢- یہ حدیث حسن صحیح ہے، ٣- اہل علم کا اسی پر عمل ہے کہ وضو میں اپنے پیروں کی انگلیوں کا خلال کرے اسی کے قائل احمد اور اسحاق بن راہویہ ہیں۔ اسحاق بن راہویہ کہتے ہیں کہ وضو میں اپنے دونوں ہاتھوں اور پیروں کی انگلیوں کا خلال کرے۔
Notes · وضاحت
١ ؎: یہ حدیث اس بات پر دلالت کرتی ہے کہ دونوں پیروں اور دونوں ہاتھوں کی انگلیوں کے درمیان خلال کرنا واجب ہے، کیونکہ امر کا صیغہ وجوب پر دلالت کرتا ہے، اس بابت انگلیوں کے درمیان پانی پہنچنے نہ پہنچنے میں کوئی فرق نہیں۔
ابوہریرہ ؓ کہتے ہیں کہ رسول اللہ ﷺ نے فرمایا: ایڑیوں کے دھونے میں کوتاہی برتنے والوں کے لیے خرابی ہے یعنی جہنم کی آگ ہے ١ ؎۔
Sayyidina Abu Hurairah (RA) narrated that the Prophet ﷺ said, "Woe to the ankles in the Fire" (if they remain dry after ablution)
صحيحصحيح وضعيف سنن الترمذي الألباني: حديث نمبر 41
Imam Tirmidhi's comment · امام ترمذی
١- ابوہریرہ کی حدیث حسن صحیح ہے، ٢- اس باب میں عبداللہ بن عمر، عائشہ، جابر، عبداللہ بن حارث بن جزء زبیدی معیقیب، خالد بن ولید، شرحبیل بن حسنہ، عمرو بن العاص اور یزید بن ابی سفیان سے بھی احادیث آئی ہیں، ٣- نبی اکرم ﷺ سے مروی ہے کہ ان ایڑیوں اور قدم کے تلوؤں کے لیے جو وضو میں سوکھی رہ جائیں خرابی ہے یعنی جہنم کی آگ ہے اس حدیث کا مطلب یہ ہوا کہ پیروں کا مسح جائز نہیں اگر ان پر موزے یا جراب نہ ہوں۔
Notes · وضاحت
١ ؎: یہ حدیث اس بات پر دلالت کرتی ہے کہ اگر پیروں میں موزے یا جراب نہ ہو تو ان کا دھونا واجب ہے، مسح کافی نہیں جیسا کہ شیعوں کا مذہب ہے، کیونکہ اگر مسح سے فرض ادا ہوجاتا تو نبی اکرم ﷺ «ويل للأعقاب وبطون الأقدام من النار» نہ فرماتے۔
عبداللہ بن عباس ؓ کہتے ہیں کہ نبی اکرم ﷺ نے اعضائے وضو ایک ایک بار دھوئے ١ ؎۔
Sayyidina Ibn Abbas (RA) .(RA) said that the Prophet ﷺ washed each limb once (in ablution).
صحيح، ابن ماجة (411)صحيح وضعيف سنن الترمذي الألباني: حديث نمبر 42
Imam Tirmidhi's comment · امام ترمذی
١- اس باب میں عمر، جابر، بریدۃ، ابورافع، اور ابن الفاکہ ؓ سے بھی احادیث آئی ہیں، ٢- ابن عباس کی یہ حدیث اس باب میں سب سے عمدہ اور صحیح ہے، ٣- رشدین بن سعد وغیرہ بسند «ضحاک بن شرحبیل عن زید بن اسلم عن أبیہ» سے روایت کی ہے کہ عمر بن خطاب ؓ فرماتے ہیں: نبی اکرم ﷺ نے اعضائے وضو کو ایک ایک بار دھویا ، یہ (روایت) کچھ بھی نہیں ہے صحیح وہی روایت ہے جسے ابن عجلان، ہشام بن سعد، سفیان ثوری اور عبدالعزیز بن محمد نے بسند «زید بن اسلم عن عطاء بن یسار عن ابن عباس عن النبی کریم ﷺ» روایت کیا ہے۔
Notes · وضاحت
١ ؎: یہ فرض تعداد ہے نبی اکرم ﷺ کبھی کبھی بیان جواز کے لیے ایسا کرتے تھے، ورنہ سنت دو مرتبہ اور تین مرتبہ دھونا ہے۔ ٢ ؎: یعنی اعضائے وضو کو دھونے کے بارے میں زید بن اسلم کے طریق سے جو روایت آتی ہے، اس کے بارے میں صحیح بات یہی ہے کہ وہ مذکورہ سند سے ابن عباس ؓ کی مسند سے ہے، نہ کہ عمر ؓ کی مسند سے، رشدین بن سعد ضعیف راوی ہیں۔
ابوہریرہ ؓ کہتے ہیں کہ نبی اکرم ﷺ نے اعضائے وضو دو دو بار دھوئے۔
Sayyidina Abu Hurairah (RA) said that the Prophet ﷺ washed the limbs twice during ablution.
حسن صحيح، صحيح أبي داود (125)صحيح وضعيف سنن الترمذي الألباني: حديث نمبر 43
Imam Tirmidhi's comment · امام ترمذی
١- یہ حدیث حسن غریب ہے، ٢- اس باب میں جابر ؓ سے بھی روایت ہے، ٣- ہم یہ جانتے ہیں کہ اسے صرف ابن ثوبان نے عبداللہ بن فضل سے روایت کیا ہے اور یہ سند حسن صحیح ہے، ٤- ھمام نے بسند «عامر الا ٔ حول عن عطاء عن ابی ہریرہ» روایت کی ہے کہ نبی اکرم ﷺ نے اعضائے وضو تین تین بار دھوئے ١ ؎۔
Notes · وضاحت
١ ؎: ہمام بن یحییٰ اور عامر الاحول دونوں سے وہم ہوجایا کرتا تھا، تو ایسا نہ ہو کہ اس روایت میں ان دونوں میں سے کسی سے وہم ہوگیا ہو اور بجائے دو دو کے تین تین روایت کردی ہو، ویسے ابوہریرہ ؓ سے ایک دوسری ( ضعیف ) سند سے ابن ماجہ ( رقم: ٤١٥) میں ایسی ہی روایت ہے۔