Ayahs 37:41–42تمام رزق فواکہ ہوگا :
41، 42: اُو لٰٓپکَ لَھُمْ رِزْقٌ مَّعْلُوْمٌ۔ فَوَاکِہُ (ان کے واسطے ایسی غذائیں ہیں جن کا حال معلوم ہے یعنی میوے) رزق معلوم کی تفسیر فواکہ سے کی گئی ہے فاکھہ ہر اس چیز کو کہتے ہیں جو بطور لذت استعمال کی جائے نہ کہ حفاظت صحت کے لئے بطور خوراک کھائی جائے۔ مطلب یہ ہے کہ ان کا تمام رزق وہ فواکہ ہی ہوگا۔ کیونکہ خوراک کے ساتھ حفاظت صحت کی ان کو ضرورت نہ ہوگی اس وجہ سے کہ ان کے جسم مضبوط ہمیشگی کے لیے پیدا کئے گئے ہونگے۔ پس جو کچھ بھی وہ کھائیں گے وہ لذت کے لیے ہی ہوگا۔ اور یہ بھی درست ہے کہ رزق معلوم سے مراد بعض خصوصیتوں کا حامل رزق ان کو دیا جائے۔ مثلاً ذائقے اور خوشبو کی عمدگی اور لذت اور حسن منظر وغیرہ۔
ایک قول یہ ہے :
کہ ان کا وقت معلوم ہوگا۔ جیسا اس ارشاد میں ہے ولھم رزقھم فیھابکرۃ وعشِیًّا ] مریم : 62[ اور نفس کو اسی میں زیادہ سکون ملتا ہے۔ وَھُمْ مُّکْرَمُوْنَ (اور وہ لوگ بڑی عزت سے ہونگے) یعنی ان کی عزت کی جائیگی۔
Ayah 37:4343: فِیْ جَنّٰتِ النَّعِیْمِ (آرام کے باغوں میں) جائز ہے کہ یہ ظرف بنے اور یہ بھی درست ہے کہ حال ہو اور یہ بھی احتمال ہے۔ کہ یہ دوسری خبر ہو اور اسی طرح عَلٰی سُرُرٍ مُّتَقٰبِلِیْنَ بھی۔
Ayah 37:4444: عَلٰی سُرُرٍ مُّتَقٰبِلِیْنَ (تختوں کے اوپر آمنے سامنے بیٹھے ہونگے) تقابل زیادہ مانوس کرنے والا اور خوشی کی تکمیل کرنے والا ہے
Ayah 37:4545: یُطَافُ عَلَیْھِمْ بِکَاْسٍ (اور ان کے پاس جام شراب لایا جائے گا۔ ) قراءت : کاس بغیر ہمزہ کے ابو عمرو ‘ ابوجعفر اور سو سی نے پڑھا ہے۔ اور حمزہ نے وقف کی حالت میں اس طرح پڑھا اور دیگرقراء نے ہمزہ کے ساتھ پڑھا ہے کاس شیشے کا گلاس اور شراب کو بھی کاس کہا جاتا ہے۔ بقول اخفش کہتے ہیں کہ قرآن مجید میں کاس کا لفظ شراب ہی کے معنی میں ہے۔ حضرت عبداللہ ابن عباس ؓ کی بھی یہ تفسیر ہے۔ مِّنْ مَّعِیْنٍ (بہتی ہوئی شراب سے) یعنی ایسی شراب سے جو بہنے والی ہوگی یا ایسی نہر سے جو سطح زمین پر ظاہر میں آنکھوں کے سامنے جاری ہونے والی ہو۔ اس میں شراب کی وہی صفت ذکر کی گئی جو پانی کی بیان کی جاتی ہے کیونکہ وہ جنت میں نہروں کے اندر پانی کی طرح بہنے والی ہوگی۔ جیسا کہ اللہ تعالیٰ نے فرمایا وانھٰر من خمر ] محمد : 15[
Ayah 37:4646: بَیْضَآ ئَ (سفید) یہ جام کی صفت ہے لَذَّۃٍ (لذت) لذت سے اس کی تعریف کی گئی گویا وہ بعینہٖ لذت ہے یا ذات لذت لِّلشّٰرِبِیْنَ (پینے والوں کو لذیذ معلوم ہوگی)
Ayah 37:47شرابِ جنت فتورِ عقل سے خالی :
47: لَا فِیْھَا غَوْلٌ (نہ اس میں دردسر ہوگا) یعنی دنیا کی شراب کی طرح اس سے عقل میں فتور نہ آئے گا۔ غول کا لفظ ہلاک کرنے اور بگاڑنے کرنے کے معنی میں آتا ہے۔ وَّ لَا ھُمْ عَنْھَا یُنْزَفُوْنَ (نہ اس سے ان کو نشہ چڑھے گا) یہ نزف الشارب سے لیا گیا ہے جبکہ اس کی عقل چلی جائے۔ نشے والے کو نزیف اور منزوف یعنی مسلوب العقل کہا جاتا ہے۔
قراءت : ینزفون علی اور حمزہ نے اسی طرح پڑھا ہے۔ یعنی ان کو نشہ نہیں چڑھے گا۔ یا ان کی شراب نشہ نہیں لائے گی اس صورت میں یہ انزف الشارب سے لیا گیا ہے۔ جبکہ اس کی عقل چلی جائے یا اس کی شراب چلی جائے۔
Ayah 37:4848: وَ عِنْدَھُمْ قٰصِرٰتُ الطَّرْفِ (اور ان کے پاس نیچی نگاہ والی ہونگی) یعنی ان کی نگاہیں اپنے خاوندوں پر اکتفاء کرنے والی ہو نگی غیر کی طرف نگاہ نہ اٹھائیں گی۔ عِیْنٌ (بڑی بڑی آنکھ والی) یہ عیناء کی جمع ہے یعنی وسیع آنکھ والی۔
Ayah 37:4949: کَاَنَّھُنَّ بَیْضٌ مَّکْنُوْنٌ (گویا کہ وہ انڈے ہیں چھپے ہوئے) یہاں مکنون بمعنی محفوظ ہے ان کو شتر مرغ کے انڈے سے تشبیہ دی گئی جو چٹان میں چھپا ہوا ہو اور اہل عرب عورتوں کو اسی سے تشبیہ دیتے ہیں۔ اور عورتوں کو بیضات الخدور کہتے ہیں۔
Ayah 37:50اہل جہنم سے اہل جنت کی گفتگو :
50: فَاَقْبَلَ بَعْضُھُمْ عَلٰی بَعْضٍ یَّتَسَآ ئَ لُوْنَ (پس وہ ایک دوسرے کی طرف متوجہ ہو کر بات چیت کریں گے) ۔ بعض سے مراد یہاں اہل جنت ہیں اور اس کا عطف یطاف علیہم پر ہے۔ مطلب یہ ہے کہ وہ شراب پئیں گے اور پینے والوں کی عادت کے مطابق باہمی گفتگو کریں گے۔ شاعر کا قول ہے۔ وَمَابَقِیَتْ مِنَ اللَذَّاتِ اِلاَّ ٭ اَحَادِیْثُ الْکَرامِ عَلی الْمُدَامِ ۔
صرف یہی لذت باقی رہ گئی کہ محفل شراب میں شرفاء سے باتیں چلتی ہیں۔ اہل جنت ایک دوسرے کی طرف متوجہ ہو کر دنیا میں ان کے حق یا خلاف جو باتیں پیش آئیں ان کا تذکرہ کریں گے۔ مگر یہاں ماضی کے صیغہ سے ذکر کیا گیا جیسا کہ قرآنی اخبار کا انداز ہے۔
Ayahs 37:51–5251، 52: قَالَ قَآپلٌ مِّنْہُمْ اِنِّیْ کَانَ لِیْ قَرِیْنٌ (ان میں ایک کہنے والا کہے گا کہ میرا ایک ملاقاتی تھا) یَّقُوْلُ اَئِنَّکَ (وہ کہا کرتا تھا کیا تو )
قراءت : شامی، کوفی نے دو ہمزہ سے پڑھا ہے۔ لَمِنَ الْمُصَدِّقِیْنَ (تصدیق کرنے والوں میں سے ہے) قیامت کے دن کی۔
Ayah 37:5353: ئَ اِذَا مِتْنَا وَکُنَّا تُرَابًا وَّعِظَامًا ئَ اِنَّا (کیا جب ہم مرجائیں گے ہم مٹی اور ہڈیاں ہوجائیں گے تو کیا) لَمَدِیْنُوْنََ (ہم جزاء دیئے جائیں گے) مدینون کا معنی بدلہ دیے جائیں گے۔ یہ لفظ دینؔ سے بناء ہے۔ وہ جزاء کو کہتے ہیں۔
Ayah 37:5454: قَالَ (وہ کہے گا) وہ کہنے والا ھَلْ اَنْتُمْ مُّطَّلِعُوْنَ (کیا تم جھانک کر دیکھنا چاہتے ہو) آگ کی جانب تاکہ میں تمہیں تمہارا وہ ملاقاتی دکھلائوں۔
ایک قول یہ ہے :
جنت میں ایک روشن دان ہے۔ جس سے اہل جنت اہل نار کو دیکھیں گے۔ یا اللہ تعالیٰ اہل جنت کو فرمائیں گے۔ کیا تم آگ کو جھانکنا چاہتے ہو تاکہ تمہیں معلوم ہوجائے کہ تمہارا مکان اہل نار سے کتنا دور ہے۔
Ayah 37:5555: فَاطَّلَعَ (پس وہ شخص جھانکے گا) وہ مسلمان فَرَاٰہُ (پس وہ اس کو دیکھ لے گا) اپنے ملاقاتی و ساتھی کو فِیْ سَوَآ ئِ الْجَحِیْمِ (جہنم کے وسط میں) درمیان جہنم میں۔
Ayah 37:5656: قَالَ تَاللّٰہِ اِنْ کِدْتَّ لَتُرْدِیْنِ (کہے گا کہ اللہ تعالیٰ کی قسم ! تو تو مجھے تباہ کرنے کا تھا) اِنْ یہ مخففہ من المثقلہ ہے۔ یہ کاد پر داخل ہے۔ جیسا کان پر داخل ہوتا ہے۔ لامؔ کا جواب میں آنایہ اِنْ نافیہ اور اس میں فرق ڈالنے والا ہے۔ الارداءؔ : ہلاک کرنا) ۔
نحو : یعقوب نے دونوں حالتوں میں یاء ؔ سے پڑھا۔
Ayah 37:5757: وَلَوْلَا نِعْمَۃُ رَبِّیْ (اگر میرے رب کا فضل نہ ہوتا) اس سے مراد عصمت اور توفیق الٰہی ہے جس کی بناء پر اسلام کی رسی کو تھامے رکھا۔ لَکُنْتُ مِنَ الْمُحْضَرِیْنَ (تو میں بھی پکڑے ہوئے لوگوں میں سے ہوتا) ان لوگوں میں سے ہوتا جن کو عذاب پر حاضر کیا جائے گا۔ جیسا کہ تجھے اور تجھ جیسے اور لوگوں کو حاضر کیا گیا۔
Ayahs 37:58–59جنتی کا حال :
58، 59: اَفَمَا نَحْنُ بِمَیِّتِیْنَ اِلَّا مَوْتَتَنَا الْاُوْلٰی (کیا ہم سوائے پہلی مرتبہ مرنے کے اب نہیں مریں گے) وَمَا نَحْنُ بِمُعَذَّبِیْنَ (اور نہ ہم کو عذاب ہوگا) ۔ فاء عاطفہ ہے۔ اور عطف محذوف پر ہے۔ تقدیر کلام یہ ہے۔ أنحن مخلدون منعّمون فما نحن بمیتین ولا معذبین۔ (کیا ہم ہمیشہ نعمتوں میں رہیں گے ہم نہ مریں گے اور نہ عذاب دیے جائیں گے) ۔ مطلب یہ ہے کہ یہ ایمان والوں کا حال ہے وہ یہ کہ پہلی موت صرف ان پر آئے گی۔ مگر کفار کی حالت اس سے مختلف ہوگی اس لئے کہ وہ تو ہر گھڑی میں موت کے متمنی ہونگے۔
قولِ حکیم :
موت سے زیادہ بری کیا چیز ہے ؟ اس نے کہا وہ چیز جس میں موت کی تمنا کی جائے۔ یہ بات مومن تو حدیث نعمت کے طور پر کرے گا۔ جبکہ اس کا ساتھی سن رہا ہوگا۔ اس کی غرض اس کو توبیخ کرنا ہوگا۔ اور تاکہ اس کے دکھ میں اضافہ ہو۔ موتتنا یہ مصدر کی وجہ سے منصوب ہے۔ اور استثناء متصل ہے۔ تقدیر کلام یہ ہے لان موت الامرۃ یا مستثنیٰ منقطع ہے۔ تقدیر کلام اس طرح ہے لکن الموتۃ الاولٰی قد کانت فی الدنیا۔ (لیکن پہلی موت دنیا میں تھی) ۔ پھر اپنے اس ساتھی کو خبر دار کرنے کیلئے کہے گا۔
Ayah 37:6060: اِنَّ ھٰذَا (بیشک یہ) وہ معاملہ جس میں ہم ہیں) ۔ لَھُوَالْفَوْزُ الْعَظِیْمُ (البتہ بڑی کامیابی ہے) پھر اللہ تعالیٰ کی طرف سے ارشاد ہوگا۔
Ayah 37:6161: لِمِثْلِ ھٰذَا فَلْیَعْمَلِ الْعٰمِلُوْنَ (ایسی ہی کامیابی کیلئے عمل کرنے والوں کو عمل کرنا چاہیے)
ایک قول :
یہ ہے یہ اسی مومن کا کلام ہے۔
Ayah 37:6262: اَذٰلِکَ خَیْرٌ نُّزُلًا (بھلا یہ دعوت و مہربانی بہتر ہے) نزلاًؔ یہ تمیز ہے یعنی جنت کی نعمتیں اور جو اس میں مشروبات و مطعومات کی لذات وافرہ ہیں یہ بہترین مہربانی ہے۔
اہل نار کی خوراک اور اس کی تفصیل :
اَمْ شَجَرَۃُ الزَّقُوْمِ (یا زقوم کا درخت) وہ بہتر مہربانی ہے ؟ النزلؔ مہمان کیلئے جو مکان پر رزق وغیرہ پیش کیا جائے۔ الزقومؔ تہا مہ میں پیدا ہونے والا ایک کڑوا درخت (تھور)
Ayah 37:6363: اِنَّا جَعَلْنٰھَا فِتْنَۃً لِّلظّٰلِمِیْنَ (ہم نے اس درخت کو ظالموں کیلئے موجب امتحان بنایا ہے) آخرت میں ان کے لئے مشقت و عذاب کا باعث ہوگا۔ نمبر 2۔ دنیا میں ابتلاء کا باعث اور وہ اس طرح کہ انہوں نے کہا کہ آگ میں درخت کیسے ممکن ہے جبکہ آگ تو درختوں کو جلاتی ہے اسلئے کفار نے اس کا انکار کردیا۔
Ayah 37:6464: اِنَّھَا شَجَرَۃٌ تَخْرُجُ فِیْ اَصْلِ الْجَحِیْمِ (یہ درخت ہے۔ جو جہنم کی قعر سے نکلتا ہے)
ایک قول :
اس کی جڑ تو قعر جہنم میں ہے اور اس کی شاخیں جہنم کے مختلف طبقات میں پہنچنے والی ہیں۔
Ayah 37:6565: طَلْعُھَا کَاَنَّہٗ رُ ئُ وْسُ الشَّیٰطِیْنِ (اس کے پھل ایسے جیسے سانپ کے پھن) طلعؔ گا بھہ کھجور کے لئے استعمال ہوتا ہے اس کو زقوم کے درخت پر ظاہر ہونے والے بوجھ کیلئے بطور استعارہ لایا گیا ہے۔ اور اس پھل کو رؤسِ شیاطین سے تشبیہ دے کر اس سے انتہائی نفرت و کراہت منظر ظاہر کرنا مقصود ہے کیونکہ شیطان لوگوں کے طبائع میں بہت ہی قبیح و بد صورت ہے کیونکہ خیال میں وہ مجسمہ شر ہے۔
ایک قول :
یہ ہے الشیطان۔ ایک معروف سانپ ہے جو انتہائی بد صورت اور خوفناک ہوتا ہے۔
Ayah 37:6666: فَاِنَّھُمْ لَاٰ کِلُوْنَ مِنْھَا (تو وہ لوگ اس میں سے کھائیں گے) یا اس کے پھل سے کھائیں گے۔ فَمَا لِئُوْ نَ مِنْھَا الْبُطُوْنَ (اور اسی سے پیٹ بھریں گے)
سخت بھوک کے غالب آنے کی وجہ سے وہ اسی سے پیٹ بھریں گے۔
Ayah 37:6767: ثُمَّ اِنَّ لَہُمْ عَلَیْھَا (پھر ان کو اس پر) کھانے کے بعد لَشَوْبًا (ملا کردیا جائے گا) مِّنْ حَمِیْمٍ (گرم پانی) شدید گرم پانی جو ان کے چہروں کو جھلسا اور انتڑیوں کو کاٹ ڈالے گا۔ جیسا کہ اہل جنت کے مشروب کے متعلق فرمایا۔ ومزاجہ من تسنیمٍ ] المطففین : 27[ مطلب یہ ہے کہ وہ زقوم کے درخت سے پیٹ بھریں گے اور وہ ایسا گرم ہوگا کہ ان کے پیٹوں کو اندر سے جلا دے گا اور شدید پیاس لگے گی۔ اس پیاس سے جب خوب سزا مل جائے گی تو پھر شدیدگرم مشروب پلایا جائے گا۔ اور وہ مشروب گرم پانی کے ساتھ ملا ہوا ہوگا۔
Ayah 37:6868: ثُمَّ اِنَّ مَرْجِعَھُمْ لَا اِلَی الْجَحِیْمِ (پھر ٹھکانہ ان کا دوزخ ہی کی طرف ہوگا) یعنی ان کے مقامات اور مکانات سے جو جہنم میں ہونگے اور وہ مقامات درکات جہنم ہیں۔ زقوم کے درخت کی طرف لے جایا جائے گا۔ وہ اس سے کھاتے جائیں گے یہاں تک کہ اکتا جائیں گے۔ پھر ان کو گرم پانی پلا کر واپس طبقات دوزخ میں کردیا جائے گا۔
ثم تراخی کیلئے آتا ہے۔ تراخی کا معنی اس میں ظاہر ہے۔
Ayahs 37:69–7069، 70: اِنَّہُمْ اَلْفَوْا اٰبَآئَ ہُمْ ضَآلِّیْنَ ۔ فَھُمْ عَلٰٓی اٰثٰرِھِمْ یُھْرَعُوْنََ (انہوں نے اپنے بڑوں کو گمراہی کی حالت میں پایا تھا۔ پھر یہ بھی ان ہی کے قدم بہ قدم تیزی کے ساتھ چلتے تھے) ۔ اس میں ان کے ان مصائب میں مبتلا ہونے کا سبب دین میں اپنے آباء و اجداد کی اتباع اور گمراہی میں ان کا پیچھا کرنا اور دلیل کو ترک کرنا بتلایا گیا ہے۔ الاھراعؔ بہت تیزی کرنا گویا ان کو پیچھے سے دھکیلا جارہا ہو۔
Ayah 37:7171: وَلَقَدْ ضَلَّ قَبْلَھُمْ (اور ان سے پہلے بھی گمراہ ہوچکے ہیں) قبلہم سے مراد قریش سے پہلے اَکْثَرُ الْاَوَّلِیْنَ (اگلے لوگوں میں اکثر) گزشتہ زمانہ میں گزرنے والے لوگ جنہوں نے غور وفکر کو چھوڑ کر محض گمراہ آباء کی تقلید کی۔
Ayah 37:7272: وَلَقَدْ اَرْسَلْنَا فِیْہِمْ مُّنْذِرِیْنَ (ہم نے ان میں ڈر سنانے والے بھیجے تھے) ۔ وہ انبیاء (علیہم السلام) تھے۔ جنہوں نے ان کو انجام سے ڈرایا۔
Ayah 37:7373: فَانْظُرْ کَیْفَ کَانَ عَاقِبَۃُ الْمُنْذَرِیْنَ (پس دیکھ لو ان لوگوں کا کیا انجام ہوا) ان لوگوں کا جن کو ڈرایا گیا وہ تمام ہلاک کردیے گئے۔
Ayah 37:7474: اِلَّا عِبَادَ اللّٰہِ الْمُخْلَصِیْنَ (مگر اللہ تعالیٰ کے مخلص بندے) مگر وہ لوگ جو ان میں سے ایمان لائے اور اپنے دین کو اللہ تعالیٰ کیلئے خالص کردیا یا اللہ تعالیٰ نے ان کو اپنے دین کیلئے خالص کرلیا۔
قراءت : لام کے فتحہ وکسرہ کی قراءت سے۔
Ayah 37:75منذرین کا گزشتہ زمانوں میں بھیجا جانا :
75: جب منذرین کا گزشتہ زمانوں میں بھیجا جانا اور ان کا بدترین انجام ذکر کیا تو اس کے بعد نوح (علیہ السلام) اور ان کی اس دعا کا ذکر کیا جو انہوں نے قوم سے مایوس ہونے کے بعد فرمائی۔
حضرت نوح ( علیہ السلام) کا تذکرہ :
وَلَقَدْ نادٰنَا نُوْحٌ (اور نوح نے ہم کو پکارا) اس نے ہمیں پکاراتا کہ ہم غرق سے ان کو نجات دیں۔
ایک قول :
یہ ہے اس سے ان کے اس قول کی طرف اشارہ ہے۔ انی مغلوب فانتصر ] القمر : 10[
فَلَنِعْمَ الْمُجِیْبُوْنَ (پس ہم خوب فریاد سننے والے ہیں) نِعم پر جو لام داخل ہے۔ یہ قسم محذوف کا جواب ہونے کی وجہ سے ہے۔ مخصوص بالمدح محذوف ہے۔ تقدیر کلام یہ ہے ولقد نادانا نوح فواللّٰہ لنعم المجیبون نحن، جمع ؔ عظمت وکبریائی کو ظاہر کرنے کیلئے لائے۔ مطلب یہ ہے ہم نے اس کو بہت خوب جواب دیا۔ اور اس کے دشمنوں پر اس کو غلبہ دیا۔ اور اس کے دشمنوں سے خوب انتقام لیا۔
Ayah 37:7676: وَنَجَّیْنٰـہُ وَاَھْلَہٗ (اور ہم نے ان کو اور ان کے پیروکاروں کو نجات دی) اہل سے مراد ایمان والے اور ان کی اولاد مراد ہے۔ مِنَ الْکَرْبِ الْعَظِیْمِ (بڑے بھاری غم سے) اس سے مراد غرق ہونے کا غم ہے۔
Ayah 37:7777: وَجَعَلْنَا ذُرِّیَّتَہٗ ھُمُ الْبٰقِیْنَ (اور ہم نے باقی ہی ان کی اولاد کو رہنے دیا) ان کے علاوہ تمام فناء ہوگئے۔
قولِ قتادہ m :
تمام لوگ اس وقت نوح (علیہ السلام) کی اولاد میں سے ہیں۔ نوح (علیہ السلام) کے تین بیٹے تھے۔ نمبر 1۔ سام، یہ عرب، فارس، روم کا جدامجد ہے۔ نمبر 2۔ حام یہ مشرق سے مغرب تک حبشیوں کا باپ ہے۔ نمبر 3۔ یافث یہ ترک اور یاجوج ماجوج کا باپ ہے۔
Ayah 37:7878: وَتَرَکْنَا عَلَیْہِ فِی الْاٰخِرِیْنَ (اور ہم نے ان کے لئے پیچھے آنے والے لوگوں میں بات رہنے دی) آخرین سے مراد یہ پچھلی امتیں اور وہ بات یہ ہے۔ سلام علی نوح فی العالمین۔
Ayah 37:79انجامِ نوح۔ :
79: سَلٰمٌ عَلٰی نُوْحٍ (سلام ہو نوح (علیہ السلام) پر) یعنی وہ امتیں ان کو سلام بھیجتی اور ان کے لئے دعا گو ہیں۔ یہ کلام حکایۃً نقل کی ہے جیسا کہتے ہیں۔ قراءت : سورة انزلنا ھا۔ میں نے ایک ایسی سورت پڑھی جس کو ہم نے نازل کیا ہے۔ فِی الْعٰلَمِیْنَ (دونوں جہاں میں) یہ سلام ان تمام میں قائم چلا آرہا ہے۔ ان میں سے کوئی زمانہ خالی نہیں۔ گویا اس طرح فرمایا۔ ثبت اللہ التسلیم علی نوح و ادامہ فی الملائکۃ والثقلین یسلمون علیہ عن آخرھم۔ اللہ تعالیٰ نے سلام کو نوح (علیہ السلام) کے لئے قائم کردیا اور اس کو ہمیشہ رکھا فرشتوں اور جن و انس میں وہ تمام ان پر سلام بھیجتے ہیں۔
Ayah 37:8080: اِنَّا کَذٰلِکَ نَجْزِی الْمُحْسِنِیْنَ (ہم مخلصین کو ایسا ہی صلہ دیا کرتے ہیں) اپنے مجازات اور بدلے کے اس شاندار انعام کو آپ کے محسن ہونے سے معلل قرار دیا۔