7. Surah Al-A'raaf

لَهُمْ مِّنْ جَهَنَّمَ مِهَادٌ وَّ مِنْ فَوْقِهِمْ غَوَاشٍ١ؕ وَ كَذٰلِكَ نَجْزِی الظّٰلِمِیْنَ ﴿٤١﴾Open ayah 7:41 in the Quran reader

ان لوگوں کے لئے آگ ہی کا بچھونا ہوگا اور ان کے لئے آگ ہی کا اوڑھنا ہوگا اور ہم ظالموں کو ایسی ہی سزا دیا کرتے ہیں

وَ الَّذِیْنَ اٰمَنُوْا وَ عَمِلُوا الصّٰلِحٰتِ لَا نُكَلِّفُ نَفْسًا اِلَّا وُسْعَهَاۤ١٘ اُولٰٓئِكَ اَصْحٰبُ الْجَنَّةِ١ۚ هُمْ فِیْهَا خٰلِدُوْنَ ﴿٤٢﴾Open ayah 7:42 in the Quran reader

اور جو لوگ ایمان لائے اور نیک کام کرتے رہے ہم کسی شخص کو اس کی طاقت سے زیادہ تکلیف نہیں دیتے تو یہی لوگ جنتی ہیں وہ اس جنت میں ہمیشہ رہیں گے

وَ نَزَعْنَا مَا فِیْ صُدُوْرِهِمْ مِّنْ غِلٍّ تَجْرِیْ مِنْ تَحْتِهِمُ الْاَنْهٰرُ١ۚ وَ قَالُوا الْحَمْدُ لِلّٰهِ الَّذِیْ هَدٰىنَا لِهٰذَا١۫ وَ مَا كُنَّا لِنَهْتَدِیَ لَوْ لَاۤ اَنْ هَدٰىنَا اللّٰهُ١ۚ لَقَدْ جَآءَتْ رُسُلُ رَبِّنَا بِالْحَقِّ١ؕ وَ نُوْدُوْۤا اَنْ تِلْكُمُ الْجَنَّةُ اُوْرِثْتُمُوْهَا بِمَا كُنْتُمْ تَعْمَلُوْنَ ﴿٤٣﴾Open ayah 7:43 in the Quran reader

اور ہم ان اہل جنت کے دلوں سے باہمی دنیاوی رنجش کو سلب کرلیں گے ان کی حالت یہ ہوگی کہ ان کے نیچے نہریں بہہ رہی ہوں گی اور وہ کہیں گے خدا کا شکر ہے جس نے یہاں تک پہنچانے میں ہماری رہنمائی کی اور ہم کبھی بھی راہ یافتہ نہ ہوتے اگر خدا ہماری رہنمائی نہ کرتا بیشک ہمارے رب کے پیغمبر سچی باتیں لے کر آئے تھے اور ان اہل جنت سے پکار کر کہا جائے گا کہ ان اعمال کے صلے میں جو تم کیا کرتے تھے تم اس جنت کے وارث کردیئے گئے ہو

وَ نَادٰۤى اَصْحٰبُ الْجَنَّةِ اَصْحٰبَ النَّارِ اَنْ قَدْ وَجَدْنَا مَا وَعَدَنَا رَبُّنَا حَقًّا فَهَلْ وَجَدْتُّمْ مَّا وَعَدَ رَبُّكُمْ حَقًّا١ؕ قَالُوْا نَعَمْ١ۚ فَاَذَّنَ مُؤَذِّنٌۢ بَیْنَهُمْ اَنْ لَّعْنَةُ اللّٰهِ عَلَى الظّٰلِمِیْنَۙ ﴿٤٤﴾Open ayah 7:44 in the Quran reader

اور جنت والے جہنم والوں سے پکار کر پوچھیں گے کہ ہمارے رب نے جو وعدہ ہم سے کیا تھا ہم نے تو اس کو بالکل سچا پایا مگر تم سے جو تمہارے رب نے وعدہ کیا تھا تم نے بھی اس کو سچا پایا وہ جواب دیں گے ہاں سچا پایا تب ایک پکارنے والا ان دونوں کے درمیان پکارے گا کہ اللہ کی لعنت ہو ان ظالموں پر

الَّذِیْنَ یَصُدُّوْنَ عَنْ سَبِیْلِ اللّٰهِ وَ یَبْغُوْنَهَا عِوَجًا١ۚ وَ هُمْ بِالْاٰخِرَةِ كٰفِرُوْنَۘ ﴿٤٥﴾Open ayah 7:45 in the Quran reader

جو اللہ کی راہ سے لوگوں کو روکتے تھے اور اس تلاش میں رہتے تھے کہ خدا کی راہ کو ٹیڑھا ثابت کریں اور وہ آخرت کے بھی منکر تھے

وَ بَیْنَهُمَا حِجَابٌ١ۚ وَ عَلَى الْاَعْرَافِ رِجَالٌ یَّعْرِفُوْنَ كُلًّۢا بِسِیْمٰىهُمْ١ۚ وَ نَادَوْا اَصْحٰبَ الْجَنَّةِ اَنْ سَلٰمٌ عَلَیْكُمْ١۫ لَمْ یَدْخُلُوْهَا وَ هُمْ یَطْمَعُوْنَ ﴿٤٦﴾Open ayah 7:46 in the Quran reader

اور اہل جنت اور اہل جہنم کے مابین ایک دیوار ہوگی یعنی اعراف اور اس اعراف پر کچھ لوگ ہوں گے جوہر ایک جنتی اور دوزخی کو اس کی علامت سے پہچانیں گے اور اہل جنت کو پکار کر کہیں گے کہ تم پر سلامتی ہو ان اعراف والو کی حالت یہ ہوگی کہ وہ ابھی جنت میں داخل نہیں ہوئے ہوں گے اور ہاں دخول جنت کے امیدوار ہوں گے

وَ اِذَا صُرِفَتْ اَبْصَارُهُمْ تِلْقَآءَ اَصْحٰبِ النَّارِ١ۙ قَالُوْا رَبَّنَا لَا تَجْعَلْنَا مَعَ الْقَوْمِ الظّٰلِمِیْنَ۠ ﴿٤٧﴾Open ayah 7:47 in the Quran reader

اور جب ان کی نگاہیں دوزخیوں کی طرف پھریں گی تو کہیں گے اے ہمارے رب ہم کو ان ظالم لوگوں کے ساتھ شامل نہ کیجئو۔

وَ نَادٰۤى اَصْحٰبُ الْاَعْرَافِ رِجَالًا یَّعْرِفُوْنَهُمْ بِسِیْمٰىهُمْ قَالُوْا مَاۤ اَغْنٰى عَنْكُمْ جَمْعُكُمْ وَ مَا كُنْتُمْ تَسْتَكْبِرُوْنَ ﴿٤٨﴾Open ayah 7:48 in the Quran reader

اور اہل اعراف بہت سے آدمیوں کو جن کو وہ ان کی علامتوں سے پہچانتے ہوں گے پکار کر یوں کہیں گے کہ تمہاری جمعیت اور تمہارا متکبرانہ برتائو جو تم کیا کرتے تھے آج تمہارے کچھ کام نہ آیا

اَهٰۤؤُلَآءِ الَّذِیْنَ اَقْسَمْتُمْ لَا یَنَالُهُمُ اللّٰهُ بِرَحْمَةٍ١ؕ اُدْخُلُوا الْجَنَّةَ لَا خَوْفٌ عَلَیْكُمْ وَ لَاۤ اَنْتُمْ تَحْزَنُوْنَ ﴿٤٩﴾Open ayah 7:49 in the Quran reader

کیا یہ جنتی وہی ہیں جن کے متعلق تم قسمیں کھا کھا کر کہا کرتے تھے کہ اللہ ان پر اپنی رحمت نہیں کریگا حالانکہ ان کو حکم دیدیا گیا کہ تم سب جنت میں چلے جائو تم پر نہ کسی قسم کا خوف ہے اور نہ تم غمگین ہوگے

وَ نَادٰۤى اَصْحٰبُ النَّارِ اَصْحٰبَ الْجَنَّةِ اَنْ اَفِیْضُوْا عَلَیْنَا مِنَ الْمَآءِ اَوْ مِمَّا رَزَقَكُمُ اللّٰهُ١ؕ قَالُوْۤا اِنَّ اللّٰهَ حَرَّمَهُمَا عَلَى الْكٰفِرِیْنَۙ ﴿٥٠﴾Open ayah 7:50 in the Quran reader

اور دوزخ والے جنت والوں سے پکار کر یوں کہیں گے کہ تھوڑا سا پانی ہی ہم پر ڈال دو یا جو کچھ تم کو اللہ نے رزق دیا ہے اس ہی میں سے کچھ دیدو جنتی جواب دیں گے کہ اللہ تعالیٰ نے یہ دونوں چیزیں ان کافروں پر بند کردی ہیں

الَّذِیْنَ اتَّخَذُوْا دِیْنَهُمْ لَهْوًا وَّ لَعِبًا وَّ غَرَّتْهُمُ الْحَیٰوةُ الدُّنْیَا١ۚ فَالْیَوْمَ نَنْسٰىهُمْ كَمَا نَسُوْا لِقَآءَ یَوْمِهِمْ هٰذَا١ۙ وَ مَا كَانُوْا بِاٰیٰتِنَا یَجْحَدُوْنَ ﴿٥١﴾Open ayah 7:51 in the Quran reader

جنہوں نے اپنے دین کو تماشا اور کھیل بنارکھا تھا اور جن کو دنیا کی زندگی نے مبتلائے فریب کررکھا تھا اللہ تعالیٰ فرمائے گا جس طرح ان کافروں نے اپنے اس دن کی ملاقات کو فراموش کررکھا تھا اور جس طرح یہ ہماری آیات کا انکار کیا کرتے تھے ہم بھی آج ان سے بھول جانے والوں کا سا معاملہ کریں گے

وَ لَقَدْ جِئْنٰهُمْ بِكِتٰبٍ فَصَّلْنٰهُ عَلٰى عِلْمٍ هُدًى وَّ رَحْمَةً لِّقَوْمٍ یُّؤْمِنُوْنَ ﴿٥٢﴾Open ayah 7:52 in the Quran reader

اور بلاشبہ ہم نے ان کو ایک ایسی کتاب پہنچا دی ہے جس کو ہم نے اپنے علم کامل سے نہایت واضح بیان کردیا ہے وہ کتاب اہل ایمان کے لئے ہدایت و رحمت ہے

هَلْ یَنْظُرُوْنَ اِلَّا تَاْوِیْلَهٗ١ؕ یَوْمَ یَاْتِیْ تَاْوِیْلُهٗ یَقُوْلُ الَّذِیْنَ نَسُوْهُ مِنْ قَبْلُ قَدْ جَآءَتْ رُسُلُ رَبِّنَا بِالْحَقِّ١ۚ فَهَلْ لَّنَا مِنْ شُفَعَآءَ فَیَشْفَعُوْا لَنَاۤ اَوْ نُرَدُّ فَنَعْمَلَ غَیْرَ الَّذِیْ كُنَّا نَعْمَلُ١ؕ قَدْ خَسِرُوْۤا اَنْفُسَهُمْ وَ ضَلَّ عَنْهُمْ مَّا كَانُوْا یَفْتَرُوْنَ۠ ﴿٥٣﴾Open ayah 7:53 in the Quran reader

اب یہ لوگ صرف اس قرآنی وعدے کے وقوع کا انتظار کررہے ہیں جس دن اس وعدے کا مصداق متحقق ہوجائے گا تو جو لوگ اس کو پہلے سے فراموش کئے ہوئے تھے یوں کہنے لگیں گے واقعی ہمارے رب کے رسول سچی باتیں لے کر آئے تھے تو کیا اب سفارش کرنے والوں میں سے کچھ ایسے سفارشی ہمارے لئے ہوں گے جو ہماری سفارش کردیں یا ہم پھر دنیا کی طرف لوٹا دیئے جائیں تاکہ ہم لوگ جو عمل کیا کرتے تھے ان کی بجائے اب کی دفعہ دوسرے عمل کریں بیشک ان لوگوں نے اپنے آپ کو تباہ کرلیا اور وہ سب افترا پردازیاں جو وہ کیا کرتے تھے ان سے گم ہوگئیں۔

اِنَّ رَبَّكُمُ اللّٰهُ الَّذِیْ خَلَقَ السَّمٰوٰتِ وَ الْاَرْضَ فِیْ سِتَّةِ اَیَّامٍ ثُمَّ اسْتَوٰى عَلَى الْعَرْشِ١۫ یُغْشِی الَّیْلَ النَّهَارَ یَطْلُبُهٗ حَثِیْثًا١ۙ وَّ الشَّمْسَ وَ الْقَمَرَ وَ النُّجُوْمَ مُسَخَّرٰتٍۭ بِاَمْرِهٖ١ؕ اَلَا لَهُ الْخَلْقُ وَ الْاَمْرُ١ؕ تَبٰرَكَ اللّٰهُ رَبُّ الْعٰلَمِیْنَ ﴿٥٤﴾Open ayah 7:54 in the Quran reader

در حقیقت تمہارا پروردگار اللہ ہی ہے جس نے سب آسمانوں کو اور زمین کو چھ 6 روز میں پیدا کیا پھر وہ عرش پر اپنی شان کے موافق متمکن ہوا وہ رات کو دن پر ڈھانک دیتا ہے اس طور پر کہ وہ رات دن کے پیچھے دوڑی چلی آتی ہے اور اس نے سورج اور چاند اور تاروں کو پیدا کیا جن کا حال یہ ہے کہ وہ سب اس کے حکم کے تابع اور مسخر ہیں آگاہ ہو تخلیق اور فرماں روائی کا حق اسی کو سزاوار ہے اللہ کی ذات بڑی بابرکت ہے جو جملہ خلوقات کا رب ہے۔

اُدْعُوْا رَبَّكُمْ تَضَرُّعًا وَّ خُفْیَةً١ؕ اِنَّهٗ لَا یُحِبُّ الْمُعْتَدِیْنَۚ ﴿٥٥﴾Open ayah 7:55 in the Quran reader

لوگو ! اپنے رب سے گڑگڑا کر بھی دعا کیا کرو اور چپکے چپکے بھی بیشک اللہ تعالیٰ حد سے تجاوز کرنے والوں کو پسند نہیں کرتا

وَ لَا تُفْسِدُوْا فِی الْاَرْضِ بَعْدَ اِصْلَاحِهَا وَ ادْعُوْهُ خَوْفًا وَّ طَمَعًا١ؕ اِنَّ رَحْمَتَ اللّٰهِ قَرِیْبٌ مِّنَ الْمُحْسِنِیْنَ ﴿٥٦﴾Open ayah 7:56 in the Quran reader

اور زمین میں اس کی اصلاح کے بعد فساد مت برپا کرو اور عذاب کا ڈر اور رحمت کی امید رکھتے ہوئے اللہ تعالیٰ کی عبادت کیا کرو یقیناً اللہ کی رحمت مخلصین سے بہت ہی قریب ہے

وَ هُوَ الَّذِیْ یُرْسِلُ الرِّیٰحَ بُشْرًۢا بَیْنَ یَدَیْ رَحْمَتِهٖ١ؕ حَتّٰۤى اِذَاۤ اَقَلَّتْ سَحَابًا ثِقَالًا سُقْنٰهُ لِبَلَدٍ مَّیِّتٍ فَاَنْزَلْنَا بِهِ الْمَآءَ فَاَخْرَجْنَا بِهٖ مِنْ كُلِّ الثَّمَرٰتِ١ؕ كَذٰلِكَ نُخْرِجُ الْمَوْتٰى لَعَلَّكُمْ تَذَكَّرُوْنَ ﴿٥٧﴾Open ayah 7:57 in the Quran reader

اور وہ اللہ ہی ہے جو بارانِ رحمت کے آگے آگے خوش خبری لانے والی ہوائوں کو بھیجتا ہے یہاں تک کہ جب وہ ہوائیں بھاری بادلوں کو اٹھا لیتی ہیں تو ہم اس بادل کو کسی مردہ زمین کی طرف ہانک لے جاتے ہیں پھر ہم اس سے پانی اتارتے ہیں پھر اس پانی سے ہر قسم کے پھل نکالتے ہیں اسی طرح ہم مردوں کو بھی نکال کھڑا کریں گے تاکہ تم غور کرو۔

وَ الْبَلَدُ الطَّیِّبُ یَخْرُجُ نَبَاتُهٗ بِاِذْنِ رَبِّهٖ١ۚ وَ الَّذِیْ خَبُثَ لَا یَخْرُجُ اِلَّا نَكِدًا١ؕ كَذٰلِكَ نُصَرِّفُ الْاٰیٰتِ لِقَوْمٍ یَّشْكُرُوْنَ۠ ﴿٥٨﴾Open ayah 7:58 in the Quran reader

اور جو زمین عمدہ ہوتی ہے تو اس کی پیداوار بھی خدا کے حکم سے خوب نکلتی ہے اور جو زمین خراب ہوتی ہے تو اس میں ناقص پیداوار کے سوا کچھ نہیں نکلتا ہم اسی طرح مختلف پہلوئوں سے دلائل بیان کرتے ہیں ان لوگوں کے لئے جو شکر گزار ہیں

لَقَدْ اَرْسَلْنَا نُوْحًا اِلٰى قَوْمِهٖ فَقَالَ یٰقَوْمِ اعْبُدُوا اللّٰهَ مَا لَكُمْ مِّنْ اِلٰهٍ غَیْرُهٗ١ؕ اِنِّیْۤ اَخَافُ عَلَیْكُمْ عَذَابَ یَوْمٍ عَظِیْمٍ ﴿٥٩﴾Open ayah 7:59 in the Quran reader

بلاشبہ ہم نے نوح (علیہ السلام) کو پیغمبر بناکر اس کی قوم کی طرف بھیجا سو نوح (علیہ السلام) نے کہا اے میری قوم تم اللہ ہی کی عبادت کرو اس کے سوا تمہارا کوئی معبود نہیں میں تمہارے لئے ایک بہت بڑے دن کے عذاب سے ڈرتا ہوں۔

قَالَ الْمَلَاُ مِنْ قَوْمِهٖۤ اِنَّا لَنَرٰىكَ فِیْ ضَلٰلٍ مُّبِیْنٍ ﴿٦٠﴾Open ayah 7:60 in the Quran reader

اس کی قوم کے رئوسا نے کہا ہم تو تجھ کو صریح گمراہی میں مبتلا دیکھتے ہیں۔

قَالَ یٰقَوْمِ لَیْسَ بِیْ ضَلٰلَةٌ وَّ لٰكِنِّیْ رَسُوْلٌ مِّنْ رَّبِّ الْعٰلَمِیْنَ ﴿٦١﴾Open ayah 7:61 in the Quran reader

نوح (علیہ السلام) نے کہا اے میری قوم گمراہی تو میرے پاس ذرا بھی نہیں ہاں یہ ضرور ہے کہ میں رب العالمین کا رسول ہوں

اُبَلِّغُكُمْ رِسٰلٰتِ رَبِّیْ وَ اَنْصَحُ لَكُمْ وَ اَعْلَمُ مِنَ اللّٰهِ مَا لَا تَعْلَمُوْنَ ﴿٦٢﴾Open ayah 7:62 in the Quran reader

تم کو اپنے رب کے پیغام پہنچاتا ہوں اور تمہاری ہی خیر خواہی کرتا ہوں اور میں خدا کی طرف سے وہ باتیں جانتا ہوں جو تم نہیں جانتے

اَوَ عَجِبْتُمْ اَنْ جَآءَكُمْ ذِكْرٌ مِّنْ رَّبِّكُمْ عَلٰى رَجُلٍ مِّنْكُمْ لِیُنْذِرَكُمْ وَ لِتَتَّقُوْا وَ لَعَلَّكُمْ تُرْحَمُوْنَ ﴿٦٣﴾Open ayah 7:63 in the Quran reader

کیا تم اس بات کو تعجب کی نگاہ سے دیکھتے ہو کہ تم ہی میں سے ایک آدمی کی معرفت تم کو تمہارے رب کی جانب سے نصیحت کی بات پہنچ گئی تاکہ وہ شخص تم کو ڈرائے اور تاکہ تم ڈر جائو اور تاکہ تم پر رحم کیا جائے۔

فَكَذَّبُوْهُ فَاَنْجَیْنٰهُ وَ الَّذِیْنَ مَعَهٗ فِی الْفُلْكِ وَ اَغْرَقْنَا الَّذِیْنَ كَذَّبُوْا بِاٰیٰتِنَا١ؕ اِنَّهُمْ كَانُوْا قَوْمًا عَمِیْنَ۠ ﴿٦٤﴾Open ayah 7:64 in the Quran reader

مگر باوجود اس کے ان لوگوں نے نوح (علیہ السلام) کی تکذیب ہی کی تو ہم نے نوح کو اور اس کے ان ساتھیوں کو جو کشتی میں سوار تھے بچالیا اور باقی ماندہ ان سب لوگوں کو جنہوں نے ہماری آیتوں کو جھٹلایا تھا غرق کردیا بیشک وہ لوگ اندھے ہورہے تھے

وَ اِلٰى عَادٍ اَخَاهُمْ هُوْدًا١ؕ قَالَ یٰقَوْمِ اعْبُدُوا اللّٰهَ مَا لَكُمْ مِّنْ اِلٰهٍ غَیْرُهٗ١ؕ اَفَلَا تَتَّقُوْنَ ﴿٦٥﴾Open ayah 7:65 in the Quran reader

اور قوم عاد کی طرف ان کے بھائی ہود (علیہ السلام) کو بھیجا ہود (علیہ السلام) نے کہا اے میری قوم تم اللہ ہی کی عبادت کرو اس کے سوا تمہارا کوئی معبود نہیں ہے کیا تم ڈرتے نہیں

قَالَ الْمَلَاُ الَّذِیْنَ كَفَرُوْا مِنْ قَوْمِهٖۤ اِنَّا لَنَرٰىكَ فِیْ سَفَاهَةٍ وَّ اِنَّا لَنَظُنُّكَ مِنَ الْكٰذِبِیْنَ ﴿٦٦﴾Open ayah 7:66 in the Quran reader

اس کی قوم میں جو کافر رئوسا تھے انہوں نے کہا ہم تجھ کو بےوقوفی میں مبتلا سمجھتے ہیں اور یقیناً ہم تجھ کو جھوٹ بولنے والوں میں سے خیال کرتے ہیں

قَالَ یٰقَوْمِ لَیْسَ بِیْ سَفَاهَةٌ وَّ لٰكِنِّیْ رَسُوْلٌ مِّنْ رَّبِّ الْعٰلَمِیْنَ ﴿٦٧﴾Open ayah 7:67 in the Quran reader

حضرت ہود (علیہ السلام) نے کہا اے میری قوم مجھ میں بےوقوفی کا تو شائبہ بھی نہیں مگر ہاں میں رب العالمین کا ایک فرستادہ رسول ہوں۔

اُبَلِّغُكُمْ رِسٰلٰتِ رَبِّیْ وَ اَنَا لَكُمْ نَاصِحٌ اَمِیْنٌ ﴿٦٨﴾Open ayah 7:68 in the Quran reader

میں تم کو اپنے رب کے پیغام پہنچاتا ہوں اور میں تمہارا ایک قابل اطمینان خیر خوا ہوں

اَوَ عَجِبْتُمْ اَنْ جَآءَكُمْ ذِكْرٌ مِّنْ رَّبِّكُمْ عَلٰى رَجُلٍ مِّنْكُمْ لِیُنْذِرَكُمْ١ؕ وَ اذْكُرُوْۤا اِذْ جَعَلَكُمْ خُلَفَآءَ مِنْۢ بَعْدِ قَوْمِ نُوْحٍ وَّ زَادَكُمْ فِی الْخَلْقِ بَصْۜطَةً١ۚ فَاذْكُرُوْۤا اٰلَآءَ اللّٰهِ لَعَلَّكُمْ تُفْلِحُوْنَ ﴿٦٩﴾Open ayah 7:69 in the Quran reader

کیا تم اس بات کو تعجب کی نظر سے دیکھتے ہو کہ تمہارے رب کی طرف سے ایک ایسے شخص کی معرفت جو تم ہی میں سے ہے کوئی نصیحت کی بات تم کو پہنچ گئی تاکہ وہ شخص تم کو ڈرا دے اور یہ بات یاد کرو کہ اللہ تعالیٰ نے تم کو قوم نوح (علیہ السلام) کے بعد زمین کا خلیفہ بنایا اور تم کو قوت اور قدو قامت کے پھیلائو میں اوروں سے زیادہ کیا سو اللہ کی نعمتوں کو یاد کرو تاکہ تم فلاح پائو۔

قَالُوْۤا اَجِئْتَنَا لِنَعْبُدَ اللّٰهَ وَحْدَهٗ وَ نَذَرَ مَا كَانَ یَعْبُدُ اٰبَآؤُنَا١ۚ فَاْتِنَا بِمَا تَعِدُنَاۤ اِنْ كُنْتَ مِنَ الصّٰدِقِیْنَ ﴿٧٠﴾Open ayah 7:70 in the Quran reader

ان رئوسا نے کہا کیا تو ہمارے پاس اس لئے آیا ہے کہ بس ہم ایک اور تنہا خدا کی عبادت کیا کریں اور جن کو ہمارے بڑے بوڑھے پوجا کرتے تھے ان کو چھوڑ دیں اچھا اگر تو سچا ہے

قَالَ قَدْ وَ قَعَ عَلَیْكُمْ مِّنْ رَّبِّكُمْ رِجْسٌ وَّ غَضَبٌ١ؕ اَتُجَادِلُوْنَنِیْ فِیْۤ اَسْمَآءٍ سَمَّیْتُمُوْهَاۤ اَنْتُمْ وَ اٰبَآؤُكُمْ مَّا نَزَّلَ اللّٰهُ بِهَا مِنْ سُلْطٰنٍ١ؕ فَانْتَظِرُوْۤا اِنِّیْ مَعَكُمْ مِّنَ الْمُنْتَظِرِیْنَ ﴿٧١﴾Open ayah 7:71 in the Quran reader

تو اس عذاب کو ہمارے پاس لے آ جس کی تو ہم کو دھمکی دیا کرتا ہے۔ حضرت ہود (علیہ السلام) نے کہا بلاشبہ تم پر تمہارے رب کی جانب سے عذاب اور غضب مقرر ہوچکا ہے کیا تم مجھ سے چند ایسے ناموں کے بارے میں جھگڑا کرتے ہو جن کو تم نے اور تمہارے بڑوں نے رکھ لیا ہے حالانکہ خدا نے ان کے معبود ہونے کی کوئی سند نہیں نازل کی اچھا تم انتظار کرو میں بھی تمہارے ساتھ انتظار کررہا ہوں۔

فَاَنْجَیْنٰهُ وَ الَّذِیْنَ مَعَهٗ بِرَحْمَةٍ مِّنَّا وَ قَطَعْنَا دَابِرَ الَّذِیْنَ كَذَّبُوْا بِاٰیٰتِنَا وَ مَا كَانُوْا مُؤْمِنِیْنَ۠ ﴿٧٢﴾Open ayah 7:72 in the Quran reader

آخر کار ہم نے ہود (علیہ السلام) کو اور اس کے ساتھیوں کو اپنی رحمت سے بچا لیا اور جو لوگ ہماری آیتوں کی تکذیب کیا کرتے تھے ان کی جڑ کاٹ کر پھینک دی اور وہ کبھی ایمان لانے والے نہ تھے

وَ اِلٰى ثَمُوْدَ اَخَاهُمْ صٰلِحًا١ۘ قَالَ یٰقَوْمِ اعْبُدُوا اللّٰهَ مَا لَكُمْ مِّنْ اِلٰهٍ غَیْرُهٗ١ؕ قَدْ جَآءَتْكُمْ بَیِّنَةٌ مِّنْ رَّبِّكُمْ١ؕ هٰذِهٖ نَاقَةُ اللّٰهِ لَكُمْ اٰیَةً فَذَرُوْهَا تَاْكُلْ فِیْۤ اَرْضِ اللّٰهِ وَ لَا تَمَسُّوْهَا بِسُوْٓءٍ فَیَاْخُذَكُمْ عَذَابٌ اَلِیْمٌ ﴿٧٣﴾Open ayah 7:73 in the Quran reader

اور ہم نے ثمود کی طرف ان کے بھائی صالح (علیہ السلام) کو بھیجا۔ صالح (علیہ السلام) نے کہا اے میری قوم تم اللہ ہی کی عبادت کرو اس کے سوا تمہارا اور کوئی معبود نہیں ہے بیشک تمہارے پاس تمہارے رب کی طرف سے ایک واضح دلیل آچکی ہے۔ یہ اونٹنی اللہ تعالیٰ کی ہے جو تمہارے لئے ایک معجزہ ہے سو اس کو چھوڑ دو کہ یہ اللہ کی زمین میں چرتی پھرے اور اس کو تکلیف پہنچانے کی غرض سے چھونا بھی نہیں ورنہ ایک دردناک عذاب تم کو آلے گا۔

وَ اذْكُرُوْۤا اِذْ جَعَلَكُمْ خُلَفَآءَ مِنْۢ بَعْدِ عَادٍ وَّ بَوَّاَكُمْ فِی الْاَرْضِ تَتَّخِذُوْنَ مِنْ سُهُوْلِهَا قُصُوْرًا وَّ تَنْحِتُوْنَ الْجِبَالَ بُیُوْتًا١ۚ فَاذْكُرُوْۤا اٰلَآءَ اللّٰهِ وَ لَا تَعْثَوْا فِی الْاَرْضِ مُفْسِدِیْنَ ﴿٧٤﴾Open ayah 7:74 in the Quran reader

اور تم وہ وقت یاد کرو جب کہ خدا نے تم کو قوم عاد کے بعد جانشین کیا اور تم کو زمین میں بسنے کو اس طور پر ٹھکانا دیا کہ تم نرم زمین میں بڑے بڑے محل بناتے ہو اور پہاڑوں کو تراش تراش کر ان میں گھر بناتے ہو سو خدا کی نعمتوں کو یاد کرو اور زمین میں فساد نہ برپا کرتے پھرو

قَالَ الْمَلَاُ الَّذِیْنَ اسْتَكْبَرُوْا مِنْ قَوْمِهٖ لِلَّذِیْنَ اسْتُضْعِفُوْا لِمَنْ اٰمَنَ مِنْهُمْ اَتَعْلَمُوْنَ اَنَّ صٰلِحًا مُّرْسَلٌ مِّنْ رَّبِّهٖ١ؕ قَالُوْۤا اِنَّا بِمَاۤ اُرْسِلَ بِهٖ مُؤْمِنُوْنَ ﴿٧٥﴾Open ayah 7:75 in the Quran reader

صالح (علیہ السلام) کی قوم کے سرکش رئوسا نے ان غریب اور کمزور لوگوں سے جو اس کی قوم میں سے ایمان لے آئے تھے پوچھا کیا تم کو اس امر کا یقین ہے کہ صالح (علیہ السلام) اپنے رب کی طرف سے بھیجا گیا ہے اس کمزور طبقے نے جواب دیا بیشک وہ جو حکم دیکر بھیجا گیا ہے ہم اس پر کامل یقین رکھتے ہیں۔

قَالَ الَّذِیْنَ اسْتَكْبَرُوْۤا اِنَّا بِالَّذِیْۤ اٰمَنْتُمْ بِهٖ كٰفِرُوْنَ ﴿٧٦﴾Open ayah 7:76 in the Quran reader

اس پر ان سرکشوں نے کہا تم جس حکم پر ایمان لائے ہو ہم یقیناً اس کے منکر ہیں

فَعَقَرُوا النَّاقَةَ وَ عَتَوْا عَنْ اَمْرِ رَبِّهِمْ وَ قَالُوْا یٰصٰلِحُ ائْتِنَا بِمَا تَعِدُنَاۤ اِنْ كُنْتَ مِنَ الْمُرْسَلِیْنَ ﴿٧٧﴾Open ayah 7:77 in the Quran reader

آخرکار انہوں نے اس اونٹنی کو کاٹ ڈالا اور اپنے رب کے حکم سے متکبرانہ سرتابی کی اور کہنے لگے اے صالح (علیہ السلام) اس عذاب کو ہمارے پاس لے آ جس کی تو ہم کو دھمکی دیا کرتا تھا اگر واقعی تو پیغمبروں میں سے ہے۔

فَاَخَذَتْهُمُ الرَّجْفَةُ فَاَصْبَحُوْا فِیْ دَارِهِمْ جٰثِمِیْنَ ﴿٧٨﴾Open ayah 7:78 in the Quran reader

غرض ان کو زلزلے نے آپکڑا اور وہ اپنے گھروں میں منہ کے بل پڑے کے پڑے رہ گئے

فَتَوَلّٰى عَنْهُمْ وَ قَالَ یٰقَوْمِ لَقَدْ اَبْلَغْتُكُمْ رِسَالَةَ رَبِّیْ وَ نَصَحْتُ لَكُمْ وَ لٰكِنْ لَّا تُحِبُّوْنَ النّٰصِحِیْنَ ﴿٧٩﴾Open ayah 7:79 in the Quran reader

چناچہ اس وقت صالح (علیہ السلام) ان سے یہ کہتا ہوا الٹا پھرا کہ اے میری قوم میں نے تم کو اپنے رب کا پیغام پہنچا دیا اور میں نے تمہاری خیر خواہی کی مگر تم خیر خواہی کرنے والوں کو پسند ہی نہیں کرتے تھے۔

وَ لُوْطًا اِذْ قَالَ لِقَوْمِهٖۤ اَتَاْتُوْنَ الْفَاحِشَةَ مَا سَبَقَكُمْ بِهَا مِنْ اَحَدٍ مِّنَ الْعٰلَمِیْنَ ﴿٨٠﴾Open ayah 7:80 in the Quran reader

اور ہم نے لوط (علیہ السلام) کو بھیجا جب کہ اس نے اپنی قوم سے کہا کیا تم لوگ ایسی بےحیائی کا کام کرتے ہو کہ تم سے پہلے اقوام عالم میں سے کسی نے وہ کام نہیں کیا۔