23. Surah Al-Muminoon

المؤمنونThe Believers · 118 ayahsتفسیر درِ منثور

Read Surah Al-Muminoon in the Quran reader
Ayahs 23:115–116

اَفَحَسِبْتُمْ اَنَّمَا خَلَقْنٰكُمْ عَبَثًا وَّ اَنَّكُمْ اِلَیْنَا لَا تُرْجَعُوْنَ Open ayah 23:115 in the Quran reader

کیا تم نے یہ خیال کیا کہ ہم نے تمہیں بطور عبث پیدا کیا اور یہ کہ تم ہماری طرف لوٹائے نہ جاؤ گے

فَتَعٰلَى اللّٰهُ الْمَلِكُ الْحَقُّ١ۚ لَاۤ اِلٰهَ اِلَّا هُوَ١ۚ رَبُّ الْعَرْشِ الْكَرِیْمِ Open ayah 23:116 in the Quran reader

سو برتر ہے اللہ جو بادشاہ ہے حق ہے۔ اس کے سوا کوئی معبود نہیں وہ عرش کریم کا رب ہے

1۔ الحکیم الترمذی وابویعلی وابن ابی حاتم وابن السنی فی عمل یوم ولیلۃ ابونعیم فی الھلیہ وابن مردویہ نے ابن مسعود ؓ سے روایت کیا کہ انہوں نے ایک بیمار کے کان میں آیت ” افحسبتم انما خلقنکم عبثا پڑھا یہاں تک کہ سورة کو ختم فرمایا تو وہ تندرست ہوگیا رسول اللہ ﷺ نے پوچھا تو نے اس کے کان میں کیا پڑھا تھا انہوں نے آپ کو بتایا تو رسول اللہ ﷺ نے فرمایا اس ذات کی قسم جس کے قبضہ میں میری جان ہے اگر کوئی یقین والا یہ آیت کسی پہاڑ پر پڑھے تو البتہ وہ اپنی جگہ سے ہل جائے۔ 2۔ ابن السنی وابن المنذر و ابونعیم فی المعرفہ بسند حسن من طریق محمد بن ابراہیم بن حارث التیمی سے روایت کیا کہ وہ اپنے والد سے روایت کرتے ہیں کہ ہم کو رسول اللہ ﷺ نے ایک لشکر میں بھیجا اور ہم کو حکم فرمایا کہ ہم یہ کلمات پڑھیں جب ہم شام کریں یا صبح کریں آیت ” افحسبتم انما خلقنکم عبثا وانکم الینا لا ترجعون “ ہم نے اس کو پڑھا تو ہم نے غنیمت کا مال پایا اور ہم سلامت رہے واللہ اعلم۔
Ayah 23:117

وَ مَنْ یَّدْعُ مَعَ اللّٰهِ اِلٰهًا اٰخَرَ١ۙ لَا بُرْهَانَ لَهٗ بِهٖ١ۙ فَاِنَّمَا حِسَابُهٗ عِنْدَ رَبِّهٖ١ؕ اِنَّهٗ لَا یُفْلِحُ الْكٰفِرُوْنَ Open ayah 23:117 in the Quran reader

اور جو کوئی شخص اللہ کے ساتھ کسی دوسرے معبود کو پکارے جس کی اس کے پاس کوئی دلیل نہیں ہے سو اس کا حساب اس کے رب کے پاس ہے، بلاشبہ بات یہ ہے کہ کافر لوگ کامیاب نہیں ہوں گے۔

1۔ ابن ابی شیبہ وعبد بن حمید وابن جریر وابن المنذر وابن ابی حاتم نے مجاہد (رح) سے روایت کیا کہ آیت ” لابرہان لہ “ سے مراد ہے کہ اس کے لیے کوئی گواہ نہیں۔ 2۔ عبد بن حمید نے قتادہ (رح) سے روایت کیا کہ آیت ” لابرہان لہ “ سے مراد ہے کہ اس کے لیے کوئی گواہ نہیں۔ 3۔ ابن جریر نے مجاہد (رح) سے روایت کیا کہ آیت ” لابرہان لہ “ سے مراد ہے کہ اس کے لیے کوئی دلیل نہیں۔ 4۔ عبد بن حمید نے عاصم (رح) سے روایت کیا کہ انہوں نے اس طرح پڑھا آیت ” انہ لا یفلح الکفرون “ انہ میں الف کے کسرہ کے ساتھ۔ 5۔ عبد بن حمید نے حسن (رح) سے روایت کیا کہ انہوں نے یوں پڑھا آیت ” اَ نہ لایفلح الکفرون “ انہ ہمزہ کے نصب کے ساتھ۔ 6۔ عبد بن حمید وابن ابی حاتم نے قتادہ (رح) سے روایت کیا کہ آیت ” فانما حسابہ عند ربہ، انہ لایفلح الکفرون “ سے مراد ہے کہ وہ کافر کا حساب ہوگا اللہ تعالیٰ کے پاس اور وہ کامیاب نہیں ہوگا۔
Ayah 23:118

وَ قُلْ رَّبِّ اغْفِرْ وَ ارْحَمْ وَ اَنْتَ خَیْرُ الرّٰحِمِیْنَ۠ Open ayah 23:118 in the Quran reader

اور آپ یوں دعا کیجئے کہ اے میرے رب بخش دیجئے اور رحم فرمائیے بلاشبہ آپ رحم کرنے والوں میں سب سے بہتر رحم فرمانے والے ہیں

1۔ ابن ابی شیبہ واحمد والبخاری ومسلم والترمذی والنسائی وابن ماجہ وابن خزیمہ وابن ابی حاتم وابن حبان والبیہقی نے ابوبکر صدیق ؓ سے روایت کیا کہ انہوں نے عرض کیا یا رسول اللہ مجھے کوئی دعا سکھائیے کہ جس کے ذریعہ میں اپنی نماز میں دعا کرتا رہوں آپ نے فرمایا یوں کہو۔ اللہم انی ظلمت نفسی ظلم کثیر وانہ لا یغفر الذنوب الا انت فاغفر لی مغفرۃ من عندہ وارحمنی انک انت الغفور الرحیم۔ اے اللہ میں نے اپنی جان پر بہت ظلم کیا اور بلاشبہ آپ کے سوا کوئی گناہ نہیں بخش سکتا مجھے بخش دیجئے اپنے پاس سے مغفرت کرتے ہوئے اور مجھ پر رحم فرمائیے بلاشبہ آپ ہی بخشنے والے اور رحم کرنے والے ہیں۔ الحمد للہ سورة المومنون ختم ہوئی۔