6. Surah Al-An'aam

الأنعامThe Cattle · 165 ayahsتفسیر مطالعہ قرآن

Read Surah Al-An'aam in the Quran reader
Ayah 6:119

وَ مَا لَكُمْ اَلَّا تَاْكُلُوْا مِمَّا ذُكِرَ اسْمُ اللّٰهِ عَلَیْهِ وَ قَدْ فَصَّلَ لَكُمْ مَّا حَرَّمَ عَلَیْكُمْ اِلَّا مَا اضْطُرِرْتُمْ اِلَیْهِ١ؕ وَ اِنَّ كَثِیْرًا لَّیُضِلُّوْنَ بِاَهْوَآئِهِمْ بِغَیْرِ عِلْمٍ١ؕ اِنَّ رَبَّكَ هُوَ اَعْلَمُ بِالْمُعْتَدِیْنَ Open ayah 6:119 in the Quran reader

آخر کیا وجہ ہے کہ تم وہ چیز نہ کھاؤ جس پر اللہ کا نام لیا گیا ہو، حالانکہ جن چیزوں کا استعمال حالت اضطرار کے سوا دوسری تمام حالتوں میں اللہ نے حرام کر دیا ہے اُن کی تفصیل وہ تمہیں بتا چکا ہے بکثرت لوگوں کا حال یہ ہے کہ علم کے بغیر محض اپنی خواہشات کی بنا پر گمراہ کن باتیں کرتے ہیں، ان حد سے گزرنے والوں کو تمہارا رب خوب جانتا ہے

وَمَا لَكُمْ [ اور تمہیں کیا ہے ] اَلَّا تَاْكُلُوْا [ کہ تم لوگ نہیں کھاتے ] مِمَّا [ اس میں سے ] ذُكِرَ اسْمُ اللّٰهِ [ اللہ کا نام یاد کیا گیا ] عَلَيْهِ [ جس پر ] وَ [ حالانکہ ] قَدْ فَصَّلَ [ اس نے تفصیل سے بیان کیا ہے ] لَكُمْ [ تمہارے لئے ] مَّا [ اس کو جو ] حَرَّمَ [ اس نے حرام کیا ] عَلَيْكُمْ [ تم پر ] اِلَّا [ مگر ] مَا [ وہ چیز ] اضْطُرِرْتُمْ [ تم لوگ مجبور کئے گئے ] اِلَيْهِ ۭ [ جس کی طرف ] وَاِنَّ [ اور بیشک ] كَثِيْرًا [ یقینا بھٹکاتے ہیں ] بِاَهْوَاۗىِٕهِمْ [ اپنی خواہشات سے ] بِغَيْرِ عِلْمٍ ۭ [ کسی علم کے بغیر ] اِنَّ رَبَّكَ [ بیشک آپ کا رب ] هُوَ [ وہ ہی ] اَعْلَمُ [ سب سے زیادہ جاننے والا ہے ] بِالْمُعْتَدِيْنَ [ حد سے بڑھنے والوں کو ]
Ayah 6:120

وَ ذَرُوْا ظَاهِرَ الْاِثْمِ وَ بَاطِنَهٗ١ؕ اِنَّ الَّذِیْنَ یَكْسِبُوْنَ الْاِثْمَ سَیُجْزَوْنَ بِمَا كَانُوْا یَقْتَرِفُوْنَ Open ayah 6:120 in the Quran reader

تم کھلے گناہوں سے بھی بچو اور چھپے گناہوں سے بھی، جو لوگ گناہ کا اکتساب کرتے ہیں وہ اپنی اس کمائی کا بدلہ پاکر رہیں گے

وَ [ اور ] ذَرُوْا [ تم لوگ چھوڑدو ] ظَاهِرَ الْاِثْمِ [ گناہ کے ظاہر کو ] وَبَاطِنَهٗ ۭ [ اور اس کے باطن کو ] اِنَّ [ بیشک ] الَّذِيْنَ [ جو لوگ ] يَكْسِبُوْنَ [ کماتے ہیں ] الْاِثْمَ [ گناہ کو ] سَيُجْزَوْنَ [ ان کو بدلہ دیا جائے گا ] بِمَا [ بسبب اس کے جس کا ] كَانُوْا يَقْتَرِفُوْنَ [ وہ لوگ ارتکاب کرتے تھے ]
Ayah 6:121

وَ لَا تَاْكُلُوْا مِمَّا لَمْ یُذْكَرِ اسْمُ اللّٰهِ عَلَیْهِ وَ اِنَّهٗ لَفِسْقٌ١ؕ وَ اِنَّ الشَّیٰطِیْنَ لَیُوْحُوْنَ اِلٰۤى اَوْلِیٰٓئِهِمْ لِیُجَادِلُوْكُمْ١ۚ وَ اِنْ اَطَعْتُمُوْهُمْ اِنَّكُمْ لَمُشْرِكُوْنَ۠ Open ayah 6:121 in the Quran reader

اور جس جانور کو اللہ کا نام لے کر ذبح نہ کیا گیا ہو اس کا گوشت نہ کھاؤ، ایسا کرنا فسق ہے شیاطین اپنے ساتھیوں کے دلوں میں شکوک و اعتراضات القا کرتے ہیں تاکہ وہ تم سے جھگڑا کریں لیکن اگر تم نے اُن کی اطاعت قبول کر لی تو یقیناً تم مشرک ہو

وَلَا تَاْكُلُوْا [ اور تم لوگ مت کھاؤ] مِمَّا [ اس میں سے ] لَمْ يُذْكَرِ [ یاد نہیں کیا گیا ] اسْمُ اللّٰهِ [ اللہ کا نام ] عَلَيْهِ [ جس پر ] وَاِنَّهٗ [ اور بیشک یہ ] لَفِسْقٌ ۭ [ یقینا نافرمانی ہے ] وَاِنَّ [ اور بیشک ] الشَّيٰطِيْنَ [ شیطان لوگ ] لَيُوْحُوْنَ [ یقینا پیغام رسانی کرتے ہیں ] اِلٰٓي اَوْلِيٰۗـــِٕــهِمْ [ اپنے کارسازوں کی طرف ] لِيُجَادِلُوْكُمْ ۚ [ تاکہ وہ تم لوگوں سے مناظرہ کریں ] وَاِنْ [ اور اگر ] اَطَعْتُمُوْهُمْ [ تم لوگ اطاعت کروگے ان کی ] اِنَّكُمْ [ تو بیشک تم لوگ ] لَمُشْرِكُوْنَ [ یقینا شرک کرنے والے ہو۔
Ayah 6:122

اَوَ مَنْ كَانَ مَیْتًا فَاَحْیَیْنٰهُ وَ جَعَلْنَا لَهٗ نُوْرًا یَّمْشِیْ بِهٖ فِی النَّاسِ كَمَنْ مَّثَلُهٗ فِی الظُّلُمٰتِ لَیْسَ بِخَارِجٍ مِّنْهَا١ؕ كَذٰلِكَ زُیِّنَ لِلْكٰفِرِیْنَ مَا كَانُوْا یَعْمَلُوْنَ Open ayah 6:122 in the Quran reader

کیا وہ شخص جو پہلے مُردہ تھا پھر ہم نے اسے زندگی بخشی اور اس کو وہ روشنی عطا کی جس کے اجالے میں وہ لوگوں کے درمیان زندگی کی راہ طے کرتا ہے اُس شخص کی طرح ہو سکتا ہے جو تاریکیوں میں پڑا ہوا ہو اور کسی طرح اُن سے نہ نکلتا ہو؟ کافروں کے لیے تو اسی طرح ان کے اعمال خوشنما بنا دیے گئے ہیں

اَوَمَنْ [ اور کیا وہ ، جو ] كَانَ [ تھا ] مَيْتًا [ مردہ ] فَاَحْيَيْنٰهُ [ پھر ہم نے زندگی دی اس کو ] وَجَعَلْنَا [ اور ہم نے بنایا ] لَهٗ [ اس کے لئے ] نُوْرًا [ ایک نور ] يَّمْشِيْ [ وہ چلتا پھرتا ہے ] بِهٖ [ اس سے ] فِي النَّاسِ [ لوگوں میں ] كَمَنْ [ اس کی مانند ہے ] مَّثَلُهٗ [ جس کے جیسا ] فِي الظُّلُمٰتِ [ اندھیروں میں ہے ] لَيْسَ بِخَارِجٍ [ (وہ ) نکلنے والا نہیں ہے ] مِّنْهَا ۭ [ ان سے ] كَذٰلِكَ [ اس طرح ] زُيِّنَ [ سجایا گیا ] لِلْكٰفِرِيْنَ [ کافروں کے لیے ] مَا [ اس کو جو ] كَانُوْا يَعْمَلُوْنَ [ یہ لوگ کرتے ہیں ] ص غ ر : (س) صغرا چھوٹا ہونا ۔ صغیر ، فعیل کے وزن پر صفت ہے ۔ چھوٹا ۔ وَكُلُّ صَغِيْرٍ وَّكَبِيْرٍ مُّسْـتَـطَرٌ [ اور چھوٹا بڑا سب کچھ لکھا ہوا ہے ] 54:53 ۔ اصغر ، افعل تفضیل ہے ۔ زیادہ چھوٹا ۔ لَآ اَصْغَرَ مِنْ ذٰلِكَ وَلَآ اَكْبَرَ اِلَّا فِيْ كِتٰبٍ مُّبِيْنٍ [ نہ اس سے زیادہ کوئی چھوٹی چیز ہے اور نہ ہی کوئی بڑی چیز ہے مگر یہ کہ وہ ایک واضح کتاب میں ہے ] 10:61 ۔ (ک) صغارا حقیر ہونا ، ذلیل ہونا ۔ صغار ۔ اسم ذات بھی ہے ۔ ذلت ۔ زیر مطالعہ آیت ۔ 124 ۔ صاغر ۔ اسم الفاعل ہے ۔ چھوٹا ہونے والا ۔ حقیر ہونے والا ۔ ذلیل ہونے والا ۔ اِنَّكَ مِنَ الصّٰغِرِيْنَ [ بیشک تو حقیر و ذلیل ہونے والوں میں سے ہے ] 7:13 ۔ ش ر ح : (ف) شرحا (1) گوشت کے لمبے لمبے ٹکڑے کاٹ کر اسے پھیلانا ۔ پھر مطلقا وسعت دینا ، کشادہ کرنا کے لئے آتا ہے ۔ اَلَمْ نَشْرَحْ لَكَ صَدْرَكَ [ کیا ہم نے کشادہ نہیں کیا آپ کے لئے آپ کے سینے کو ] 94:1 ۔ (2) کسی کام یا مسئلہ کے گہرے مطالب کو کھولنا ۔ پھر مطلقا کھولنا کے لئے آتا ہے ۔ زیر مطالعہ آیت ۔ 125 ۔ اشرح ۔ فعل امر ہے ۔ تو کشادہ کر ۔ تو کھول ۔ رَبِّ اشْرَحْ لِيْ صَدْرِيْ [ اے میرے رب تو کھول دے میرے لئے میرے سینے کو ] 20:25 ۔ ض ی ق : (ض) ضیقا : تنگ ہونا۔ گھٹنا ۔ وَّضَاقَتْ عَلَيْكُمُ الْاَرْضُ [ اور تنگ ہوگئی تم لوگوں پر زمین ] 9:25 ۔ ضیق ۔ اسم ذات ہے ۔ تنگی ذات ہے ۔ تنگی ۔ گھٹن ۔ وَلَا تَكُ فِيْ ضَيْقٍ مِّمَّا يَمْكُرُوْنَ [ اور آپ مت پڑیں گھٹن میں اس سے جو یہ لوگ مکر کرتے ہیں ] 16:127 ۔ اسم الفاعل ہے۔ تنگ ہونے والا ۔ گھٹنے والا ۔ فَلَعَلَّكَ تَارِكٌۢ بَعْضَ مَا يُوْحٰٓى اِلَيْكَ وَضَاۗىِٕقٌۢ بِهٖ صَدْرُكَ [ تو شائد کہ آپ چھوڑنے والے ہوں اس کے بعض کو جو وحی کیا جاتا ہے آپ کی طرف اور گھٹنے والا ہو اس سے آپ کا سینہ ] 11:12 ۔ ضیق ۔ فعیل کے وزن پر صفت ہے۔ تنگ ۔ زیر مطالعہ آیت ۔ 125 ۔ (تفعیل ) تضیقا ۔ تنگ کرنا ۔ گھوٹنا ۔ وَلَا تُضَاۗرُّوْهُنَّ لِتُضَيِّقُوْا عَلَيْهِنَّ [ اور تم لوگ تکلیف مت دو ان کو تاکہ تنگ کرو ان کو ] 65:6 ۔ ترکیب : (آیت ۔ 122 ) نورا نکرہ مخصوصہ ہے اور یمشی بہ اس کی خصوصیت ہے ۔ مثلہ مبتدا ہے ۔ اور اس کی خبر محذوف ہے ۔ لیس کا اسم ھو بھی محذوف ہے ۔ کانوا یعملون ماضی استمراری ہے۔ لیکن یہ آفاقی صداقت کا بیان ہے اس لئے اردو محاورہ میں اس کا ترجمہ حال میں ہوگا ۔ (آیت ۔ 123) اکابر مجرمیھا مرکب اضافی ہے اور جعل کا مفعول اول ہے جبکہ اس کا مفعول ثانی محذوف ہے ۔ (آیت ۔ 124) سیصیب کا مفعول الذین اجرموا ہے جبکہ صغار اور عذاب شدید اس کے فاعل ہیں ۔ فمن کا من شرطیہ ہے اس لئے یرد اور یشرح مجزوم ہیں ۔ یجعل کا مفعول ثانی ضیقا ہے جبکہ حرجا حال ہے ۔ یصعد دراصل مادہ ” ص ع د “ سے باب تفعل کا مضارع یتصعد ہے جو قاعدہ کے مطابق تبدیل ہو کر یصعد استعمال ہوا ہے ۔ اسی طرح یذکرون بھی دراصل یتذکرون ہے اور اس سے پہلے مستقیما حال ہے۔ نوٹ 1: (الف) یہاں موت سے مراد کفر کی زندگی ہے اور حیات سے مراد ایمان کی زندگی ہے ۔ نور سے مراد وہ کتاب ہے جو اللہ تعالیٰ نے حق و باطل کے درمیان امتیاز اور حلال و حرام کی تفصیل کے لئے اتاری ہے ۔ ظلمات سے مراد ظنون وادہام اور خواہشات وبدعات ہیں ۔ (تدبر القرآن ) (ب) یمشی بہ فی الناس فرما کر اس طرف بھی ہدایت کردی گئی ہے کہ نور ایمان صرف کسی مسجد یا خانقاہ کے ساتھ مخصوص نہیں ہے ۔ جس کو اللہ تعالیٰ نے یہ نور دیا ہے وہ سب جگہ لوگوں کے رزم وبزم میں اس کو لئے پھرتا ہے اور ہر جگہ اس روشنی سے خود بھی فائدہ اٹھاتا ہے اور دوسروں کو بھی فائدہ پہنچاتا ہے ۔ نور کسی ظلمت سے دب نہیں سکتا ۔ ایک ٹمٹماتا ہوا چراغ بھی اندھیرے میں مغلوب نہیں ہوتا ۔ اس کی روشنی تیز ہوتی ہے تو دور تک پھیلتی ہے ، کم ہوتی ہے تو تھوڑی جگہ کو روشن کرتی ہے، مگر اندھیری پر بہرحال غالب ہی رہتی ہے ۔ وہ روشنی ہی نہیں جو اندھیری سے مغلوب ہوجائے۔ اسی طرح وہ ایمان ہی نہیں جو کفر سے مغلوب یا مرعوب ہوجائے۔ یہ نور ایمانی انسانی زندگی کے ہر شعبہ ، ہر حال اور ہر دور میں انسان کے ساتھ ہے۔ (معارف القرآن ) (ج) کمن مثلہ عربی محاورہ ہے جیسے ہم کہتے ہیں کہ تیرے جیسا آدمی تو یہ کام نہیں کرسکتا ۔ اس سے ہماری اصل مراد یہ ہوتی ہے کہ تو یہ کام نہیں کرسکتا ۔ اسی طرح عربی میں یہ کہنا کہ اس کی مانند جس کے جیسا اندھیروں میں ہے ، اس سے اصل مراد یہی ہے کہ اس کی مانند جو اندھیروں میں ہے ۔ (حافظ احمد یار صاحب مرحوم) ۔ (د) زین ۔ فعل مجہول ہے یعنی اس کا فاعل نامعلوم ہے اور یہ پتہ نہیں کہ سجانے والا کون ہے ۔ لیکن انسانی ذہن تفتیش کرنے سے باز نہیں آتا اور سوچتا ہے کہ سجانے والا کون ہوسکتا ہے ۔ تو یہ بات ذہن میں واضح کرلیں کہ زین کا بھی فاعل حقیقی اللہ تعالیٰ ہی ہے ۔ اس دنیا میں جو کچھ بھی ہوتا ہے اس میں ہر کام کا فاعل حقیقی اللہ تعالیٰ ہی ہوتا ہے ۔ کیونکہ ہر کام اسی کے بنائے ہوئے اسباب وعلل (CAUSE ANDEFFECT) کے قوانین کے تحت ہوتا ہے ۔ البتہ ہر کام کا ایک فاعل مجازی بھی ہوتا ہے ۔ جس کو ترک واختیار کی آزادی (FREe DOM OF CHOICE) اللہ تعالیٰ نے عطا کی ہوئی ہے ۔ وہ اپنی آزاد مرضی سے کسی کام کو ترک کرتا ہے ۔ کسی کو اختیار کرتا ہے اور اسی بنیاد پر وہ اپنے اعمال کا جوابدہ ہے اس لحاظ سے زین کے فاعل مجازی شیاطین جن وانس ہیں ۔ یہ قرآن مجید کا اعجاز ہے کہ یہاں فعل مجہول لا کر اس نے سجائے کے عمل کے دونوں پہلوؤں کا احاطہ کرلیا ہے ۔ (ھ) صحابہ کرام نے رسول اللہ ﷺ سے پوچھا کہ ہم کیسے پہچانیں کہ کسی کو شرح صدر حاصل ہے ۔ تو آپ نے فرمایا کہ اس کا پتہ اس بات سے چلے گا کہ کون دار الآخرت کی طرف زیادہ جھکا ہوا ہے اور دنیا کے تمتعات سے کس قدر دور رہتا ہے اور موت آنے سے پہلے ہی موت کے لئے خود کو کس قدر تیار کر رکھا ہے ۔ (ابن کثیر )
Ayah 6:123

وَ كَذٰلِكَ جَعَلْنَا فِیْ كُلِّ قَرْیَةٍ اَكٰبِرَ مُجْرِمِیْهَا لِیَمْكُرُوْا فِیْهَا١ؕ وَ مَا یَمْكُرُوْنَ اِلَّا بِاَنْفُسِهِمْ وَ مَا یَشْعُرُوْنَ Open ayah 6:123 in the Quran reader

اور اسی طرح ہم نے ہر بستی میں اس کے بڑے بڑے مجرموں کو لگا دیا ہے کہ وہاں اپنے مکر و فریب کا جال پھیلائیں دراصل وہ اپنے فریب کے جال میں آپ پھنستے ہیں، مگر اُنہیں اس کا شعور نہیں ہے

وَكَذٰلِكَ [ اور اس طرح ] جَعَلْنَا [ ہم نے بنایا ] فِيْ كُلِّ قَرْيَةٍ [ ہر ایک بستی میں ] اَكٰبِرَ مُجْرِمِيْهَا [ اس کے مجرموں کے سردار ] لِيَمْكُرُوْا [ تاکہ وہ ساز باز کریں ] فِيْهَا ۭ [ اس میں ] وَمَا يَمْكُرُوْنَ [ اور وہ ساز باز نہیں کرتے ] اِلَّا [ مگر ] بِاَنْفُسِهِمْ [ اپنی جانوں پر ] وَ [ اس حالت میں کہ ] مَا يَشْعُرُوْنَ [ وہ شعور نہیں رکھتے ]
Ayah 6:124

وَ اِذَا جَآءَتْهُمْ اٰیَةٌ قَالُوْا لَنْ نُّؤْمِنَ حَتّٰى نُؤْتٰى مِثْلَ مَاۤ اُوْتِیَ رُسُلُ اللّٰهِ١ؔۘؕ اَللّٰهُ اَعْلَمُ حَیْثُ یَجْعَلُ رِسَالَتَهٗ١ؕ سَیُصِیْبُ الَّذِیْنَ اَجْرَمُوْا صَغَارٌ عِنْدَ اللّٰهِ وَ عَذَابٌ شَدِیْدٌۢ بِمَا كَانُوْا یَمْكُرُوْنَ Open ayah 6:124 in the Quran reader

جب ان کے سامنے کوئی آیت آتی ہے تو وہ کہتے ہیں "ہم نہ مانیں گے جب تک کہ وہ چیز خود ہم کو نہ دی جائے جو اللہ کے رسولوں کو دی گئی ہے" اللہ زیادہ بہتر جانتا ہے کہ اپنی پیغامبری کا کام کس سے لے اور کس طرح لے قریب ہے وہ وقت جب یہ مجرم اپنی مکاریوں کی پاداش میں اللہ کے ہاں ذلت اور سخت عذاب سے دو چار ہوں گے

وَاِذَا [ اور جب بھی ] جَاۗءَتْهُمْ [ آتی ہے ان کے پاس ] اٰيَةٌ [ کوئی نشانی ] قَالُوْا [ تو وہ لوگ کہتے ہیں ] لَنْ نُّؤْمِنَ [ ہم ہرگز ایمان نہیں لائیں گے ] حَتّٰي [ یہاں تک کہ ] نُؤْتٰى [ ہم کو دیا جائے ] مِثْلَ مَآ [ اس کے جیسا جو ] اُوْتِيَ [ دیا گیا ] رُسُلُ اللّٰهِ [ اللہ کے رسولوں کو ] ۂاَللّٰهُ [ اللہ ] اَعْلَمُ [ سب سے زیادہ جاننے والا ہے ] حَيْثُ [ (کہ ) کہاں ] يَجْعَلُ [ وہ بنائے (یعنی رکھے) ] رِسَالَتَهٗ ۭ [ اپنی رسالت کو ] سَيُصِيْبُ [ پہنچے گی ] الَّذِيْنَ [ ان لوگوں کو جنہوں نے ] اَجْرَمُوْا [ جرم کیا ] صَغَارٌ [ ایک ذلت ] عِنْدَ اللّٰهِ [ اللہ کے پاس سے ] وَعَذَابٌ شَدِيْدٌۢ [ اور ایک شدید عذاب ] بِمَا [ بسبب اس کے جو ] كَانُوْا يَمْكُرُوْنَ [ یہ لوگ ساز باز کرتے ہیں ]
Ayah 6:125

فَمَنْ یُّرِدِ اللّٰهُ اَنْ یَّهْدِیَهٗ یَشْرَحْ صَدْرَهٗ لِلْاِسْلَامِ١ۚ وَ مَنْ یُّرِدْ اَنْ یُّضِلَّهٗ یَجْعَلْ صَدْرَهٗ ضَیِّقًا حَرَجًا كَاَنَّمَا یَصَّعَّدُ فِی السَّمَآءِ١ؕ كَذٰلِكَ یَجْعَلُ اللّٰهُ الرِّجْسَ عَلَى الَّذِیْنَ لَا یُؤْمِنُوْنَ Open ayah 6:125 in the Quran reader

پس (یہ حقیقت ہے کہ) جسے اللہ ہدایت بخشنے کا ارادہ کرتا ہے اُس کا سینہ اسلام کے لیے کھول دیتا ہے اور جسے گمراہی میں ڈالنے کا ارادہ کرتا ہے اُس کے سینے کو تنگ کر دیتا ہے اور ایسا بھینچتا ہے کہ (اسلام کا تصور کرتے ہی) اُسے یوں معلوم ہونے لگتا ہے کہ گویا اس کی روح آسمان کی طرف پرواز کر رہی ہے اِس طرح اللہ (حق سے فرار اور نفرت کی) ناپاکی اُن لوگوں پر مسلط کر دیتا ہے جو ایمان نہیں لاتے

فَمَنْ [ پس جس کے لئے ] يُّرِدِ [ ارادہ کرتا ہے ] اللّٰهُ [ اللہ ] اَنْ [ کہ ] يَّهدِيَهٗ [ وہ ہدایت دے اس کو ] يَشْرَحْ [ تو وہ کشادہ کردیتا ہے ] صَدْرَهٗ [ اس کے سینے کو ] لِلْاِسْلَامِ ۚ [ اسلام کے لئے ] وَمَنْ [ اور جس کے لئے ] يُّرِدْ [ وہ ارادہ کرتا ہے ] اَنْ [ کہ ] يُّضِلَّهٗ [ وہ بھٹکا دے اس کو ] يَجْعَلْ [ تو وہ بنا دیتا ہے ] صَدْرَهٗ [ اس کے سینے کو ] ضَيِّقًا [ تنگ ] حَرَجًا [ تنگ ہوتے ہوئے ] كَاَنَّمَا [ گویا کہ ] يَصَّعَّدُ [ وہ ہانپتے کانپتے چڑھتا ہے ] فِي السَّمَاۗءِ ۭ [ آسمان میں ] كَذٰلِكَ [ اس طرح ] يَجْعَلُ [ رکھ دیتا ہے ] اللّٰهُ [ اللہ ] الرِّجْسَ [ نجاست کو ] عَلَي الَّذِيْنَ ] ان لوگوں پر جو ] لَا يُؤْمِنُوْنَ [ ایمان نہیں لاتے ]
Ayah 6:126

وَ هٰذَا صِرَاطُ رَبِّكَ مُسْتَقِیْمًا١ؕ قَدْ فَصَّلْنَا الْاٰیٰتِ لِقَوْمٍ یَّذَّكَّرُوْنَ Open ayah 6:126 in the Quran reader

حالانکہ یہ راستہ تمہارے رب کا سیدھا راستہ ہے اور اس کے نشانات اُن لوگوں کے لیے واضح کر دیے گئے ہیں جو نصیحت قبول کرتے ہیں

وَھٰذَا [ اور یہ ] صِرَاطُ رَبِّكَ [ آپ کے رب کا راستہ ہے ] مُسْتَقِـيْمًا ۭ [ ہر کجی اور جھکاؤ سے پاک ہوتے ہوئے ] قَدْ فَصَّلْنَا [ ہم نے تفصیل سے بیان کردیا ہے ] الْاٰيٰتِ [ نشانیوں کو ] لِقَوْمٍ [ ایسے لوگوں کے لئے جو ] يَّذَّكَّرُوْنَ [ نصیحت حاصل کرتے ہیں ]
Ayah 6:127

لَهُمْ دَارُ السَّلٰمِ عِنْدَ رَبِّهِمْ وَ هُوَ وَلِیُّهُمْ بِمَا كَانُوْا یَعْمَلُوْنَ Open ayah 6:127 in the Quran reader

اُن کیلیے اُن کے رب کے پاس سلامتی کا گھر ہے اور وہ ان کا سر پرست ہے اُس صحیح طرز عمل کی وجہ سے جو انہوں نے اختیار کیا

لَهُمْ [ ان کے لئے ] دَارُ السَّلٰمِ [ سلامتی کا گھر ہے ] عِنْدَ رَبِّهِمْ [ ان کے رب کے پاس ] وَهُوَ [ اور وہ ] وَلِيُّهُمْ [ ان کا کارساز ہے ] بِمَا [ بسبب اس کے جو ] كَانُوْا يَعْمَلُوْنَ [ یہ لوگ کرتے ہیں
Ayah 6:128

وَ یَوْمَ یَحْشُرُهُمْ جَمِیْعًا١ۚ یٰمَعْشَرَ الْجِنِّ قَدِ اسْتَكْثَرْتُمْ مِّنَ الْاِنْسِ١ۚ وَ قَالَ اَوْلِیٰٓؤُهُمْ مِّنَ الْاِنْسِ رَبَّنَا اسْتَمْتَعَ بَعْضُنَا بِبَعْضٍ وَّ بَلَغْنَاۤ اَجَلَنَا الَّذِیْۤ اَجَّلْتَ لَنَا١ؕ قَالَ النَّارُ مَثْوٰىكُمْ خٰلِدِیْنَ فِیْهَاۤ اِلَّا مَا شَآءَ اللّٰهُ١ؕ اِنَّ رَبَّكَ حَكِیْمٌ عَلِیْمٌ Open ayah 6:128 in the Quran reader

جس روز اللہ ان سب لوگوں کو گھیر کر جمع کرے گا، اس روز وہ جنوں سے خطاب کر کے فرمائے گا کہ "ا ے گروہ جن! تم نے نوع انسانی پر خوب ہاتھ صاف کیا" انسانوں میں سے جو اُن کے رفیق تھے وہ عرض کریں گے "پروردگار! ہم میں سے ہر ایک نے دوسرے کو خو ب استعمال کیا ہے، اور اب ہم اُس وقت پر آ پہنچے ہیں جو تو نے ہمارے لیے مقرر کر دیا تھا" اللہ فرمائے گا "اچھا اب آگ تمہارا ٹھکانا ہے، اس میں تم ہمیشہ رہو گے" ا"س سے بچیں گے صرف وہی جنہیں اللہ بچانا چاہے گا، بے شک تمہارا رب دانا اور علیم ہے

وَيَوْمَ [ اور جس دن ] يَحْشُرُهُمْ [ وہ اکٹھا کرے گا ان لوگوں کو ] جَمِيْعًا ۚ [ سب کے سب کو ] يٰمَعْشَرَالْجِنِّ [ (پھر کہے گا) اے جنوں کے گروہ ] قَدِ اسْتَكْثَرْتُمْ [ تم نے بہت جمع کیا ہے ] مِّنَ الْاِنْسِ ۚ [ انسانوں میں سے ] وَقَالَ [ اور کہیں گے ] اَوْلِيٰۗـؤُهُمْ [ ان کے ساتھی ] مِّنَ الْاِنْسِ [ انسانوں میں سے ] رَبَّنَا [ اے ہمارے رب ] اسْتَمْتَعَ [ فائدہ اٹھایا ] بَعْضُنَا [ ہمارے بعض نے ] بِبَعْضٍ [ بعض سے ] وَّبَلَغْنَآ [ اور ہم پہنچے ] اَجَلَنَا الَّذِيْٓ [ اپنی اس مدت کو جو ] اَجَّلْتَ [ تو نے وقت مقرر کیا ] لَنَا ۭ [ ہمارے لئے ] قَالَ [ وہ (یعنی اللہ ) کہے گا ] النَّارُ [ آگ ] مَثْوٰىكُمْ [ تمہارا ٹھکانہ ہے ] خٰلِدِيْنَ [ ہمیشہ رہنے والے ہوتے ہوئے ] فِيْهَآ [ اس میں ] اِلَّا [ مگر ] مَا [ وہ جو ] شَاۗءَ [ چاہے ] اللّٰهُ ۭ [ اللہ ] اِنَّ [ بیشک ] رَبَّكَ [ آپ کا رب ] حَكِيْمٌ [ حکمت والا ہے ] عَلِيْمٌ [ جاننے والا ہے ] ترکیب : (آیت ۔ 128) یحشر کی ضمیر فاعلی گزشتہ آیت میں ربہم کے لئے ہے ۔ جمیعا تاکید کے لئے ہے اور اس کے آگے فیقول محذوف ہے ۔ الجن والانس پر لام جنس ہے ۔ (آیت ۔ 130) ینذرون کا مفعول اول کم ہے اور مفعول ثانی لقاء ہے ۔ (آیت ۔ 133) الغنی صفت ہے ۔ رب کی اور یہ پورا مرکب اضافی مبتدا ہے ، جبکہ ذوالرحمۃ اس کی خبر ہے ۔ آخرین مضاف الیہ قوم کی صفت ہے ۔ (آیت ۔ 134) ات اسم الفاعل ہے اور ان کی خبر ہونے کی وجہ سے حالت رفع میں ہے جب کہ ان کا اسم ماتوعدون ہے۔ توعدون مجہول ہے ۔ ثلاثی مجرد اور باب افعال کے مجہول ہم شکل ہوجاتے ہیں ۔ اس کو اگر ثلاثی کا مجہول مانیں تو معنی ہوں گے ” وعدہ دیئے جاتے ہو۔ “ اگر افعال کا مجہول مانیں تو معنی ہوں گے ۔” دھمکائے جاتے ہو یا ڈرائے جاتے ہو۔ “ دونوں طرح سے ترجمہ کو درست مانا جائے گا ۔ (آیت ۔ 135) عاقبۃ کی صفت محذوف ہے اور الدار پر لام تعریف ہے ۔ انہ ضمیر الشان ہے ۔
Ayah 6:129

وَ كَذٰلِكَ نُوَلِّیْ بَعْضَ الظّٰلِمِیْنَ بَعْضًۢا بِمَا كَانُوْا یَكْسِبُوْنَ۠ Open ayah 6:129 in the Quran reader

دیکھو، اس طرح ہم (آخر ت میں) ظالموں کو ایک دوسرے کا ساتھی بنائیں گے اُس کمائی کی وجہ سے جو وہ (دنیا میں ایک دوسرے کے ساتھ مل کر) کرتے تھے

وَكَذٰلِكَ [ اور اس طرح ] نُوَلِّيْ [ ہم پھیر دیں گے (یعنی ساتھ ملا دیں گے ) ] بَعْضَ الظّٰلِمِيْنَ [ ظالموں کے بعض کو ] بَعْضًۢا [ بعض کے ساتھ ] بِمَا [ بسبب اس کے جو ] كَانُوْا يَكْسِبُوْنَ [ وہ کمائی کرتے تھے ]
Ayah 6:130

یٰمَعْشَرَ الْجِنِّ وَ الْاِنْسِ اَلَمْ یَاْتِكُمْ رُسُلٌ مِّنْكُمْ یَقُصُّوْنَ عَلَیْكُمْ اٰیٰتِیْ وَ یُنْذِرُوْنَكُمْ لِقَآءَ یَوْمِكُمْ هٰذَا١ؕ قَالُوْا شَهِدْنَا عَلٰۤى اَنْفُسِنَا وَ غَرَّتْهُمُ الْحَیٰوةُ الدُّنْیَا وَ شَهِدُوْا عَلٰۤى اَنْفُسِهِمْ اَنَّهُمْ كَانُوْا كٰفِرِیْنَ Open ayah 6:130 in the Quran reader

(اس موقع پر اللہ ان سے پوچھے گا کہ) "اے گروہ جن وانس، کیا تمہارے پاس خود تم ہی میں سے وہ پیغمبر نہیں آئے تھے جو تم کو میری آیات سناتے اور اِس دن کے انجام سے ڈراتے تھے؟" وہ کہیں گے "ہاں، ہم اپنے خلاف خود گواہی دیتے ہیں" آج دنیا کی زندگی نے اِن لوگوں کو دھوکے میں ڈال رکھا ہے، مگر اُس وقت وہ خود اپنے خلاف گواہی دیں گے کہ وہ کافر تھے

يٰمَعْشَرَ الْجِنِّ وَالْاِنْسِ [ اے انسانوں اور جنوں کے گروہ ] اَ [ کیا ] لَمْ يَاْتِكُمْ [ نہیں پہنچے تمہارے پاس ] رُسُلٌ [ کچھ رسول ] مِّنْكُمْ [ تم میں سے ] يَقُصُّوْنَ [ وہ بیان کرتے تھے ] عَلَيْكُمْ [ تم پر ] اٰيٰتِيْ [ میری آیتوں (یعنی ہدایات) کو ] وَيُنْذِرُوْنَكُمْ [ اور خبردار کرتے تھے تم کو ] لِقَاۗءَ يَوْمِكُمْ ھٰذَا ۭ [ تمہارے اس دن کے ملاقات کرنے سے ] قَالُوْا [ وہ کہیں گے ] شَهِدْنَا [ ہم نے گواہی دی ] عَلٰٓي اَنْفُسِـنَا [ اپنی جانوں کے خلاف ] وَغَرَّتْهُمُ [ اور (یہ کہ ) ان کو دھوکہ دیا ] الْحَيٰوةُ الدُّنْيَا [ دنیوی زندگی نے ] وَشَهِدُوْا [ اور وہ گواہی دیں گے ] عَلٰٓي اَنْفُسِهِمْ [ اپنی جانوں کے خلاف ] اَنَّهُمْ [ کہ وہ ] کانوا [ تھے ] كٰفِرِيْنَ [ کفر کرنے والے ] نوٹ 1: آیت نمبر 130، سے معلوم ہوتا ہے کہ انسانوں اور جنوں ، دونوں میں رسول آئے تھے ۔ لیکن اس ضمن میں علماء کی رائے مختلف ہیں ۔ بعض کا کہنا ہے کہ رسول اور نبی صرف انسان ہی ہوئے ہیں ۔ جنوں میں سے کوئی بلاواسطہ رسول نہیں ہوا ۔ بلکہ ایسا ہوا ہے کہ انسانی رسول کا کلام اپنی قوم کو پہنچانے کے لئے جنوں میں کچھ لوگ ہوتے ہیں ۔ جو درحقیقت رسولوں کے قاصد اور پیغامبر ہوتے تھے ۔ مجازی طور پر ان کو بھی رسول کہہ دیا جاتا ہے ۔ ایک رائے یہ ہے کہ خاتم الانبیاء ﷺ سے پہلے انسانوں میں انسانی رسول آتے تھے اور جنوں میں انہیں میں سے رسول ہوتے تھے ۔ ہمارے نبی کریم ﷺ کی یہ خصوصیت ہے کہ آپ کو سارے عالم کے انسانوں اور جنوں کا رسول بنا کر بھیجا گیا اور وہ بھی کسی ایک زمانے کے لئے نہیں بلکہ قیامت تک پیدا ہونے والے تمام جن وانس آپ کی امت ہیں ۔ ایک اور رائے یہ ہے کہ جب یہ ثابت ہے کہ انسانوں سے پہلے زمین پر جن آباد تھے اور وہ بھی انسانوں کی طرح احکام شرع کے مکلف ہیں تو از روئے عقل ضروری ہے کہ ان میں بھی رسول اور پیغمبر ہوں (معارف القرآن )
Ayah 6:131

ذٰلِكَ اَنْ لَّمْ یَكُنْ رَّبُّكَ مُهْلِكَ الْقُرٰى بِظُلْمٍ وَّ اَهْلُهَا غٰفِلُوْنَ Open ayah 6:131 in the Quran reader

(یہ شہادت اُن سے اس لیے لی جائے گی کہ یہ ثابت ہو جائے کہ) تمہارا رب بستیوں کو ظلم کے ساتھ تباہ کرنے والا نہ تھا جبکہ ان کے باشندے حقیقت سے نا واقف ہوں

ذٰلِكَ [ یہ ] اَنْ [ کہ ] لَّمْ يَكُنْ [ تھا ہی نہیں ] رَّبُّكَ [ آپ کا رب ] مُهْلِكَ الْقُرٰي [ بستیوں کو ہلاک کرنے والا ] بِظُلْمٍ [ ظلم سے ] وَّ [ اس حال میں کہ ] اَهْلُهَا [ اس کے لوگ ] غٰفِلُوْنَ [ غافل ہوں ]
Ayah 6:132

وَ لِكُلٍّ دَرَجٰتٌ مِّمَّا عَمِلُوْا١ؕ وَ مَا رَبُّكَ بِغَافِلٍ عَمَّا یَعْمَلُوْنَ Open ayah 6:132 in the Quran reader

ہر شخص کا درجہ اُس کے عمل کے لحاظ سے ہے اور تمہارا رب لوگوں کے اعمال سے بے خبر نہیں ہے

وَلِكُلٍّ [ اور ہر ایک کے لئے ] دَرَجٰتٌ [ درجے ہیں ] مِّمَّا [ اس میں سے جو ] عَمِلُوْا ۭ [ انہوں نے عمل کئے ] وَمَارَبُّكَ [ اور آپ کا رب نہیں ہے ] بِغَافِلٍ [ غافل ] عَمَّا [ اس سے جو ] يَعْمَلُوْنَ [ یہ لوگ عمل کرتے ہیں ]
Ayah 6:133

وَ رَبُّكَ الْغَنِیُّ ذُو الرَّحْمَةِ١ؕ اِنْ یَّشَاْ یُذْهِبْكُمْ وَ یَسْتَخْلِفْ مِنْۢ بَعْدِكُمْ مَّا یَشَآءُ كَمَاۤ اَنْشَاَكُمْ مِّنْ ذُرِّیَّةِ قَوْمٍ اٰخَرِیْنَؕ Open ayah 6:133 in the Quran reader

تمہارا رب بے نیاز ہے اور مہربانی اس کا شیوہ ہے اگر و ہ چاہے تو تم لوگوں کو لے جائے اور تمہاری جگہ دوسرے جن لوگوں کو چاہے لے آئے جس طرح اُس نے تمہیں کچھ اور لوگوں کی نسل سے اٹھایا ہے

وَرَبُّكَ الْغَنِيُّ [ اور آپ کا بےنیاز رب ] ذُو الرَّحْمَةِ ۭ [ رحمت والا ہے ] اِنْ [ اگر ] يَّشَاْ [ وہ چاہے ] يُذْهِبْكُمْ [ تو لے جائے تم لوگوں کو ] وَيَسْتَخْلِفْ [ اور جانشین بنائے ] مِنْۢ بَعْدِكُمْ [ تمہارے بعد ] مَّا [ جس کو ] يَشَاۗءُ [ وہ چاہے ] كَمَآ [ جیسے کہ ] اَنْشَاَكُمْ [ اس نے پیدا کیا تم کو ] مِّنْ ذُرِّيَّةِ قَوْمٍ اٰخَرِيْنَ [ ایک دوسری قوم کی اولاد سے ]
Ayah 6:134

اِنَّ مَا تُوْعَدُوْنَ لَاٰتٍ١ۙ وَّ مَاۤ اَنْتُمْ بِمُعْجِزِیْنَ Open ayah 6:134 in the Quran reader

تم سے جس چیز کا وعدہ کیا جا رہا ہے وہ یقیناً آنے والی ہے اور تم خدا کو عاجز کر دینے کی طاقت نہیں رکھتے

اِنَّ [ بیشک ] مَا تُوْعَدُوْنَ [ جس چیز سے تم کو ڈرایا جاتا ہے وہ ] لَاٰتٍ ۙ [ یقینا آنے والی ہے ] وَّمَآ اَنْتُمْ [ اور تم لوگ نہیں ہو ] بِمُعْجِزِيْنَ [ عاجز کرنے والے ]
Ayah 6:135

قُلْ یٰقَوْمِ اعْمَلُوْا عَلٰى مَكَانَتِكُمْ اِنِّیْ عَامِلٌ١ۚ فَسَوْفَ تَعْلَمُوْنَ١ۙ مَنْ تَكُوْنُ لَهٗ عَاقِبَةُ الدَّارِ١ؕ اِنَّهٗ لَا یُفْلِحُ الظّٰلِمُوْنَ Open ayah 6:135 in the Quran reader

اے محمدؐ! کہہ دو کہ لوگو! تم اپنی جگہ عمل کرتے رہو اور میں بھی اپنی جگہ عمل کر رہا ہوں، عنقریب تمہیں معلوم ہو جائے گا کہ انجام کار کس کے حق میں بہتر ہوتا ہے، بہر حال یہ حقیقت ہے کہ ظالم کبھی فلاح نہیں پا سکتے

قُلْ [ آپ کہے ] يٰقَوْمِ [ اے میری قوم ] اعْمَلُوْا [ تم لوگ عمل کرو ] عَلٰي مَكَانَتِكُمْ [ اپنی جگہ پر ] اِنِّىْ [ بیشک میں (بھی) ] عَامِلٌ ۚ [ ایک عمل کرنے والا ہوں ] فَسَوْفَ [ تو عنقریب ] تَعْلَمُوْنَ ۙ [ تم لوگ جان لوگے ] مَنْ [ (کہ ) کون ہے،] تَكُوْنُ [ ہوگا ] لَهٗ [ جس کے لئے ] عَاقِبَةُ الدَّارِ ۭ [ گھر کا (اچھا ) انجام ] اِنَّهٗ [ حقیقت یہ ہے کہ ] لَايُفْلِحُ [ فلاح نہیں پاتے ] الظّٰلِمُوْنَ [ ظلم کرنے والے ]
Ayah 6:136

وَ جَعَلُوْا لِلّٰهِ مِمَّا ذَرَاَ مِنَ الْحَرْثِ وَ الْاَنْعَامِ نَصِیْبًا فَقَالُوْا هٰذَا لِلّٰهِ بِزَعْمِهِمْ وَ هٰذَا لِشُرَكَآئِنَا١ۚ فَمَا كَانَ لِشُرَكَآئِهِمْ فَلَا یَصِلُ اِلَى اللّٰهِ١ۚ وَ مَا كَانَ لِلّٰهِ فَهُوَ یَصِلُ اِلٰى شُرَكَآئِهِمْ١ؕ سَآءَ مَا یَحْكُمُوْنَ Open ayah 6:136 in the Quran reader

اِن لوگوں نے اللہ کے لیے خود اُسی کی پیدا کی ہوئی کھیتیوں اور مویشیوں میں سے ایک حصہ مقرر کیا ہے اور کہتے ہیں یہ اللہ کے لیے ہے، بزعم خود، اور یہ ہمارے ٹھیرائے ہوئے شریکوں کے لیے پھر جو حصہ ان کے ٹھیرائے ہوئے شریکوں کے لیے ہے وہ تو اللہ کو نہیں پہنچتا مگر جو اللہ کے لیے ہے وہ ان کے شریکوں کو پہنچ جاتا ہے کیسے برے فیصلے کرتے ہیں یہ لوگ!

وَجَعَلُوْا [ اور وہ لوگ بناتے ہیں ] لِلّٰهِ [ اللہ کے لئے ] مِمَّا [ اس میں سے جو ] ذَرَاَ [ اس نے پیدا کیا ] مِنَ الْحَرْثِ [ کھیتی میں سے ] وَالْاَنْعَامِ [ اور مویشیوں میں سے ] نَصِيْبًا [ ایک حصہ ] فَقَالُوْا [ پھر کہتے ہیں ] ھٰذَا [ یہ ] لِلّٰهِ [ اللہ کے لئے ہے ] بِزَعْمِهِمْ [ ان کے گمان میں ] وَھٰذَا [ اور یہ ] لِشُرَكَاۗىِٕنَا ۚ [ ہمارے شریکوں کے لئے ہے ] فَمَا [ پس جو ] كَانَ [ ہوتا ہے ] لِشُرَكَاۗىِٕهِمْ [ ان کے شریکوں کے لئے ] فَلَا يَصِلُ [ تو وہ نہیں پہنچتا ] اِلَى اللّٰهِ ۚ [ اللہ تک ] وَمَا [ اور جو ] كَانَ [ ہوتا ہے ] لِلّٰهِ [ اللہ کیلئے ] فَهُوَ يَصِلُ [ تو وہ پہنچتا ہے ] اِلٰي شُرَكَاۗىِٕهِمْ ۭ [ ان کے شریکوں تک ] سَاۗءَ [ کتنا برا ہے ] مَا [ وہ جو ] يَحْكُمُوْنَ [ یہ لوگ فیصلہ کرتے ہیں ] ذرء : (ف) ذرءا ۔ اللہ تعالیٰ کا اپنے ارادے کو ظاہر کرنا ۔ (1) پیدا کرنا ۔ (زیر مطالعہ آیت ۔ 136) (2) بکھیرنا ۔ پھیلانا ۔ وَمَا ذَرَاَ لَكُمْ فِي الْاَرْضِ مُخْتَلِفًا اَلْوَانُهٗ [ اور وہ جو اس نے بکھیرا تمہارے لئے زمین میں مختلف ہوتے ہوئے ان کے رنگ ] پ 14:13 ۔ ترکیب : (آیت ۔ 136) جعلوا کا مفعول نصیبا ہے ۔ (آیت ۔ 137) زین کا مفعول قتل اولادہم اور اس کا فاعل شرکاء ہم (آیت ۔ 138) ھذہ مبتدا ہے ۔ انعام اور حرث اس کی خبریں ہیں جبکہ حجر ان دونوں کی صفت ہے ۔ اس کے آگے انعام “ دومرتبہ آیا ہے اور دونوں جگہ یہ نکرہ مخصوصہ ہے۔ افتراء حال ہے اور علیہ کی ضمیر اللہ کے لئے ہے۔ (آیت ۔ 139) ما موصولہ مبتدا ہے ۔ فی بطون ھذہ الانعام قائم مقام خبر ہے ۔ اس کی خبر موجود ‘ محذوف ہے جبکہ خالصۃ اور محرم صفت ہیں ۔ ان آیات میں مشرکین کی مستقل عادت کا بیان ہے اس لئے اردو محاورہ کی ضرورت کے تحت افعال ماضی کا ترجمہ حال میں ہوگا ۔ نوٹ 1: مشرکین رواج کے مطابق اللہ کے نام پر کچھ نکال تو دیتے لیکن اگر اتفاق سے کسی بت کے نام کی بکری مرگئی یا چوری ہوگئی یا اس کے نام کا غلہ چوہے کھاگئے، تو اس کی تلافی لازما خدا کے حصے میں سے کردی جاتی اور اگر اسی قسم کی کوئی آفت خدا کے نام پر نکالے ہوئے حصے پر آجاتی تو یہ ممکن نہیں کہ اس کی تلافی معبودوں کے حصے کے مال سے کرنے کی جرات کریں ۔ (تدبر القرآن) ان توہمات کی اصل جڑ کیا ہے ۔ اس کو سمجھنے کیلئے یہ جان لینا بھی ضروری ہے کہ جو حصہ خدا کے نام پر نکالا جاتا ہے وہ فقیروں ، مسکینوں وغیرہ پر خرچ کیا جاتا ہے اور جو حصہ شریکوں کے لئے نکالا جاتا ہے وہ یا تو براہ راست مذہبی طبقوں کے پیٹ میں جاتا ہے یا نذر ونیاز اور چڑھاوے کی صورت میں بالواسطہ مجاوروں تک پہنچ جاتا ہے ۔ اس لئے مذہبی پیشواؤں نے مسلسل تلقین سے جاہلوں کے دل میں یہ بات بٹھا دی ہے کہ خدا کے حصے میں کمی ہوجائے تو کوئی مضائقہ نہیں ، لیکن ” خدا کے پیاروں “ کے حصے میں کمی نہ ہونی چاہیے ۔ (تفہیم القرآن )
Ayah 6:137

وَ كَذٰلِكَ زَیَّنَ لِكَثِیْرٍ مِّنَ الْمُشْرِكِیْنَ قَتْلَ اَوْلَادِهِمْ شُرَكَآؤُهُمْ لِیُرْدُوْهُمْ وَ لِیَلْبِسُوْا عَلَیْهِمْ دِیْنَهُمْ١ؕ وَ لَوْ شَآءَ اللّٰهُ مَا فَعَلُوْهُ فَذَرْهُمْ وَ مَا یَفْتَرُوْنَ Open ayah 6:137 in the Quran reader

اور اسی طرح بہت سے مشرکوں کے لیے ان کے شریکوں نے اپنی اولاد کے قتل کو خوشنما بنا دیا ہے تاکہ ان کو ہلاکت میں مبتلا کریں اور ان پر ان کے دین کو مشتبہ بنا دیں اگر اللہ چاہتا تو یہ ایسا نہ کرتے، لہٰذا انہیں چھوڑ دو کہ اپنی افترا پرداز یوں میں لگے رہیں

وَكَذٰلِكَ [ اور اس طرح ] زَيَّنَ [ سجایا ] لِكَثِيْرٍ [ بہتوں کے لئے ] مِّنَ الْمُشْرِكِيْنَ [ شرک کرنے والوں میں سے ] قَتْلَ اَوْلَادِهِمْ [ اپنی اولاد کے قتل کرنے کو ] شُرَكَاۗؤُهُمْ [ ان کے شریکوں نے ] لِيُرْدُوْهُمْ [ تاکہ وہ تباہ و برباد کریں ان کو ] وَلِيَلْبِسُوْا [ اور تاکہ وہ گڈمڈ کریں ] عَلَيْهِمْ [ ان پر ] دِيْنَهُمْ ۭ [ ان کے دین کو ] وَلَوْ [ اور اگر ] شَاۗءَ [ چاہتا ] اللّٰهُ [ اللہ ] مَا فَعَلُوْهُ [ تو وہ نہ کرتے اس کو ] فَذَرْهُمْ [ پس آپ چھوڑ دیں ان کو ] وَمَا [ اور اس کو جو ] يَفْتَرُوْنَ [ وہ گھڑتے ہیں ]
Ayah 6:138

وَ قَالُوْا هٰذِهٖۤ اَنْعَامٌ وَّ حَرْثٌ حِجْرٌ١ۖۗ لَّا یَطْعَمُهَاۤ اِلَّا مَنْ نَّشَآءُ بِزَعْمِهِمْ وَ اَنْعَامٌ حُرِّمَتْ ظُهُوْرُهَا وَ اَنْعَامٌ لَّا یَذْكُرُوْنَ اسْمَ اللّٰهِ عَلَیْهَا افْتِرَآءً عَلَیْهِ١ؕ سَیَجْزِیْهِمْ بِمَا كَانُوْا یَفْتَرُوْنَ Open ayah 6:138 in the Quran reader

کہتے ہیں یہ جانور اور یہ کھیت محفوظ ہیں، ا نہیں صرف وہی لوگ کھا سکتے ہیں جنہیں ہم کھلانا چاہیں، حالانکہ یہ پابندی ان کی خود ساختہ ہے پھر کچھ جانور ہیں جن پر سواری اور بار برداری حرام کر دی گئی ہے اور کچھ جانور ہیں جن پر اللہ کا نام نہیں لیتے، اور یہ سب کچھ انہوں نے اللہ پر افترا کیا ہے، عنقریب اللہ انہیں ان افترا پرداز یوں کا بدلہ دے گا

وَقَالُوْا [ اور وہ لوگ کہتے ہیں ] هٰذِهٖٓ [ یہ ] اَنْعَامٌ وَّحَرْثٌ حِجْرٌ ڰ [ یہ ممنوع مویشی اور کھیتی ہیں ] لَّا يَطْعَمُهَآ [ نہیں کھاتا اس کو ] اِلَّا [ مگر ] مَنْ [ وہ جسے ] نَّشَاۗءُ [ ہم چاہیں ] بِزَعْمِهِمْ [ ان کے گمان میں ] وَاَنْعَامٌ [ اور مویشی ] حُرِّمَتْ [ حرام کیا گیا ] ظُهُوْرُهَا [ جن پر سوار ہونا ] وَاَنْعَامٌ [ اور مویشی ] لَّا يَذْكُرُوْنَ [ وہ لوگ یاد نہیں کرتے ] اسْمَ اللّٰهِ [ اللہ کا نام ] عَلَيْهَا [ جن پر ] افْتِرَاۗءً [ گھڑتے ہوئے ] عَلَيْهِ ۭ [ اس پر (یعنی اللہ پر )] سَيَجْزِيْهِمْ [ وہ بدلہ دے گا ان کو ] بِمَا [ بسبب اس کے جو ] كَانُوْا يَفْتَرُوْنَ [ وہ لوگ گھڑتے ہیں ]
Ayah 6:139

وَ قَالُوْا مَا فِیْ بُطُوْنِ هٰذِهِ الْاَنْعَامِ خَالِصَةٌ لِّذُكُوْرِنَا وَ مُحَرَّمٌ عَلٰۤى اَزْوَاجِنَا١ۚ وَ اِنْ یَّكُنْ مَّیْتَةً فَهُمْ فِیْهِ شُرَكَآءُ١ؕ سَیَجْزِیْهِمْ وَصْفَهُمْ١ؕ اِنَّهٗ حَكِیْمٌ عَلِیْمٌ Open ayah 6:139 in the Quran reader

اور کہتے ہیں کہ جو کچھ ان جانوروں کے پیٹ میں ہے یہ ہمارے مردوں کے لیے مخصوص ہے اور ہماری عورتوں پر حرام، لیکن اگر وہ مُردہ ہو تو دونوں اس کے کھانے میں شریک ہو سکتے ہیں یہ باتیں جو انہوں نے گھڑ لی ہیں ان کا بدلہ اللہ انہیں دے کر رہے گا یقیناً وہ حکیم ہے اور سب باتوں کی اسے خبر ہے

وَقَالُوْا [ اور وہ لوگ کہتے ہیں ] مَا [ وہ جو ] فِيْ بُطُوْنِ هٰذِهِ الْاَنْعَامِ [ ان مویشیوں کے پیٹوں میں ہے ] خَالِصَةٌ [ خاص ہے ] لِّذُكُوْرِنَا [ ہمارے مردوں کے لئے ] وَمُحَرَّمٌ [ اور حرام کیا ہوا ہے ] عَلٰٓي اَزْوَاجِنَا ۚ [ ہماری بیویوں پر ] وَاِنْ [ اور اگر ] يَّكُنْ [ وہ ہو ] مَّيْتَةً [ مردہ ] فَهُمْ [ تو وہ (سب) ] فِيْهِ [ اس میں ] شُرَكَاۗءُ ۭ [ شریک ہیں ] سَيَجْزِيْهِمْ [ وہ بدلہ دے گا ان کو ] وَصْفَهُمْ ۭ [ ان کی صفت بیان کرنے کا ] اِنَّهٗ [ یقینا وہ ] حَكِيْمٌ [ حکمت والا ہے ] عَلِيْمٌ [ جاننے والا ہے ]
Ayah 6:140

قَدْ خَسِرَ الَّذِیْنَ قَتَلُوْۤا اَوْلَادَهُمْ سَفَهًۢا بِغَیْرِ عِلْمٍ وَّ حَرَّمُوْا مَا رَزَقَهُمُ اللّٰهُ افْتِرَآءً عَلَى اللّٰهِ١ؕ قَدْ ضَلُّوْا وَ مَا كَانُوْا مُهْتَدِیْنَ۠ Open ayah 6:140 in the Quran reader

یقیناً خسارے میں پڑ گئے وہ لوگ جنہوں نے اپنی اولاد کو جہالت و نادانی کی بنا پر قتل کیا اور اللہ کے دیے ہوئے رزق کو اللہ پر افترا پردازی کر کے حرام ٹھیرا لیا یقیناً وہ بھٹک گئے اور ہرگز وہ راہ راست پانے والوں میں سے نہ تھے

قَدْ خَسِرَ [ خسارے میں پڑچکے ہیں ] الَّذِيْنَ [ وہ لوگ جنہوں نے ] قَتَلُوْٓا [ قتل کیا ] اَوْلَادَهُمْ [ اپنی اولاد کو ] سَفَهًۢا [ احمق ہوتے ہوئے ] بِغَيْرِ عِلْمٍ [ کسی علم کے بغیر ] وَّحَرَّمُوْا [ اور انہوں نے حرام کیا ] مَا [ اس کو جو ] رَزَقَهُمُ [ رزق دیا ان کو ] اللّٰهُ [ اللہ نے ] افْتِرَاۗءً [ گھڑتے ہوئے ] عَلَي اللّٰهِ ۭ [ اللہ پر ] قَدْ ضَلُّوْا [ وہ لوگ بھٹک چکے ہیں ] وَمَا كَانُوْا [ اور وہ نہیں ہیں ] مُهْتَدِيْنَ [ ہدایت پانے والے ]
Ayah 6:141

وَ هُوَ الَّذِیْۤ اَنْشَاَ جَنّٰتٍ مَّعْرُوْشٰتٍ وَّ غَیْرَ مَعْرُوْشٰتٍ وَّ النَّخْلَ وَ الزَّرْعَ مُخْتَلِفًا اُكُلُهٗ وَ الزَّیْتُوْنَ وَ الرُّمَّانَ مُتَشَابِهًا وَّ غَیْرَ مُتَشَابِهٍ١ؕ كُلُوْا مِنْ ثَمَرِهٖۤ اِذَاۤ اَثْمَرَ وَ اٰتُوْا حَقَّهٗ یَوْمَ حَصَادِهٖ١ۖ٘ وَ لَا تُسْرِفُوْا١ؕ اِنَّهٗ لَا یُحِبُّ الْمُسْرِفِیْنَۙ Open ayah 6:141 in the Quran reader

وہ اللہ ہی ہے جس نے طرح طرح کے باغ اور تاکستان اور نخلستان پیدا کیے، کھیتیاں اگائیں جن سے قسم قسم کے ماکولات حاصل ہوتے ہیں، زیتون اور انار کے درخت پیدا کیے جن کے پھل صورت میں مشابہ اور مزے میں مختلف ہوتے ہیں کھاؤ ان کی پیداوار جب کہ یہ پھلیں، اور اللہ کا حق ادا کرو جب اس کی فصل کاٹو، اور حد سے نہ گزرو کہ اللہ حد سے گزرنے والوں کو پسند نہیں کرتا

وَهُوَ [ اور وہ ] الَّذِيْٓ [ وہ ہے جس نے ] اَنْشَاَ [ پیدا کیے ] جَنّٰتٍ مَّعْرُوْشٰتٍ [ چھپڑ پر ڈالے ہوئے باغات کو ] وَّغَيْرَ مَعْرُوْشٰتٍ [ اور چھپر پر نہ ڈالے ہوؤں کو ] وَّالنَّخْلَ [ اور کھجور کو ] وَالزَّرْعَ [ اور کھیتی کو ] مُخْتَلِفًا [ مختلف ہوتے ہوئے ] اُكُلُهٗ [ اس کا پھل ] وَالزَّيْتُوْنَ [ اور زیتون کو ] وَالرُّمَّانَ [ اور انارکو ] مُتَشَابِهًا [ باہم مشابہ ہونے والے ] وَّغَيْرَ مُتَشَابِهٍ ۭ [ اور باہم مشابہ نہ ہونے والے ] كُلُوْا [ تم لوگ کھاؤ] مِنْ ثَمَرِهٖٓ [ اس کے پھل میں سے ] اِذَآ [ جب بھی ] اَثْمَرَ [ وہ پھل دے ] وَاٰتُوْا [ اور تم لوگ دو ] حَقَّهٗ [ اس کا حق ] يَوْمَ حَصَادِهٖ [ اس کی فصل کاٹنے کے دن ] ڮ وَلَا تُسْرِفُوْا ۭ [ اور ضرورت سے زیادہ مت خرچ کرو ] اِنَّهٗ [ بیشک وہ [ لَا يُحِبُّ [ پسند نہیں کرتا ] الْمُسْرِفِيْنَ [ ضرور سے زیادہ خرچ کرنے والوں کو ] زرع : (ف) زرعا ۔ کھیتی کو اگانا ۔ اَفَرَءَيْتُمْ مَّا تَحْرُثُوْنَ ءَاَنْتُمْ تَزْرَعُوْنَهٗٓ اَمْ نَحْنُ الزّٰرِعُوْنَ [ تو کیا تم لوگوں نے غور کیا اس پر جو تم لوگ بوتے ہو۔ کیا تم لوگ اگاتے ہو اس کو یا ہم اگانے والے ہیں ] 56:63 تا 64 ۔ زارع ۔ فاعل کے وزن پر اسم الفاعل ہے۔ اگانے والا ۔ زراع ۔ (ج) زراع ، فعال کے وزن پر مبالغہ ہے ۔ بار بار اگانے والا یعنی کسان ۔ یعجب الزراع [ بھلی لگتی ہے کسانوں کو ] 48:29 ۔ زرع ۔ (ج) زروع اسم ذات ہے ۔ اصلا اگی ہوئی چیز کو کہتے ہیں پھر عرف عام میں کھیتی کہہ دیتے ہیں ۔ وَّزُرُوْعٍ وَّنَخْلٍ طَلْعُهَا هَضِيْمٌ [ اور کھیتیوں میں اور کھجوروں میں جن کی کونپل ملائم ہے ] 26:148 ۔ ح ص د : (ن ، ض) حصادا (1) کھیتی کاٹنا ۔ (2) کسی چیز کو تہس نہس کرنا ۔ فَمَا حَصَدْتُّمْ فَذَرُوْهُ فِيْ سُنْۢبُلِهٖٓ [ پھر جو تم لوگ کاٹو تو اس کو چھوڑ دو اس کی بال میں ] 12:47 ۔ حصید ، فعیل کے وزن پر صفت ہے اسم المفعول کے معنی میں (1) کاٹا ہوا (2) تہس نہس کیا ہوا۔ فَاَنْۢبَتْنَا بِهٖ جَنّٰتٍ وَّحَبَّ الْحَصِيْدِ [ پھر ہم نے اگائے اس سے باغات اور کاٹا جانے والا اناج ] 50:9 ۔ ذٰلِكَ مِنْ اَنْۢبَاۗءِ الْقُرٰي نَقُصُّهٗ عَلَيْكَ مِنْهَا قَاۗىِٕمٌ وَّحَصِيْدٌ [ یہ بستیوں کی خبروں میں سے ہے، ہم بیان کرتے ہیں ان کو آپ پر ان میں سے کچھ قائم ہیں اور کچھ تہس نہس کی ہوئی ہیں ] 11:100 ۔ ضء ن : (ف) ضانا ، دنبوں کو بکریوں سے الگ کرنا ۔ ضان ۔ اسم جنس ہے ۔ دنبہ ، بھیڑ ، زیر مطالعہ آیت ۔ 143 ۔ م ع ز : (ف) معزا ۔ بکریوں کو بھیڑیوں سے الگ کرنا۔ معز ۔ اسم جنس ہے ۔ بکری ۔ زیرمطالعہ آیت ۔ 143 ۔ ش م ل : (ن) شملا ۔ بائیں جانب لینا ۔ (س) شملا۔ کسی چیز کو کسی چیز میں لپیٹنا ۔ شمال (ج) شمائل بایاں جانب ۔ وَّنُقَلِّبُهُمْ ذَاتَ الْيَمِيْنِ وَذَاتَ الشِّمَالِ ڰ [ اور پلٹتے ہیں ان کو دائیں جانب والی (کروٹ) اور بائیں جانب والی ] 18:18 ۔ وَعَنْ اَيْمَانِهِمْ وَعَنْ شَمَاۗىِٕلِهِمْ [ اور ان کے دائیں جانب سے اور ان کے بائیں جانب سے ] 7:17 ۔ (افتعال ) اشتمالا ۔ کسی چیز پر پورا لپٹنا ۔ زیر مطالعہ آیت ۔ 143 ۔ ء ب ل : (س) ابلا ۔ اونٹوں کا اچھی طرح انتظام کرنا۔ ابل ۔ اسم جنس ہے ، اونٹ ۔ زیرمطالعہ آیت ۔ 144 ۔ ابابیل ۔ اونٹوں کا قطار درقطار چلنا ۔ اس کا استعمال عام ہے ۔ کسی کا بھی قطار در قطار چلنا یا جھنڈ در جھنڈ اڑنا ۔ وَّاَرْسَلَ عَلَيْهِمْ طَيْرًا اَبَابِيْلَ [ اور اس نے بھیجا ان پر جھنڈ در جھنڈ پرندوں کو ] 105:3 ۔ ترکیب : (آیت ۔ 141) انشا کا مفعول ہونے کی وجہ سے جنت معروشت حالت نصب میں ہے جبکہ غیر معروشت میں غیر کا مضاف الیہ ہونے کی وجہ سے معروشت حالت جر میں ہے اور یہ مرکب اضافی بھی انشا کا مفعول ہے اس لئے غیر پر نصب آئی ہے ۔ اس کے آگے النخل ، الزرع ، اور الرمان ، یہ سب بھی انشاء کے مفعول ہیں ۔ حقہ کی ضمیر ھوالذی یعنی اللہ کے لئے ہے (آیت ۔ 142) من الانعام سے پہلے انشاء محذوف ہے ۔ اسی طرح ثمنیۃ ازواج میں ثمنیۃ کی نصب بتارہی ہے کہ اس سے پہلے بھی انشاء محذوف ہے ۔ الذکرین حرم کا مفعول مقدم ہے جب کہ الانثیین اور اما (جو دراصل ام ما ہے ) ۔ بھی حرم کے مفعول ہیں ۔ کنتم کا اسم اس میں شام انتم کی ضمیر ہے اور شھداء اس کی خبر ہے۔ نوٹ 1: اسراف کا مطلب ہے کہ کسی بھی کام میں حد سے تجاوز کرنا ۔ لیکن یہ دین اسلام کی ایک اصلاح بھی ہے جس کا مطلب ہے کسی جائز ضرورت پر ضرورت سے زیادہ خرچ کرنا ۔ مثلا کپڑا پہننا جائز ضرورت ہے ۔ کسی کے پاس اگر دو چار جوڑے کپڑے ہوں تو یہ ضرورت پوری ہوجاتی ہے ۔ لیکن کسی کی الماری میں اگر اتنے جوڑے لٹکے ہوں کہ صبح کو یہ فیصلہ کرنا مشکل ہوجائے کہ آج کون سا جوڑا پہنا جائے تو یہ اسراف ہے ۔ س اسراف سے اللہ تعالیٰ نے منع کیا ہے ۔ اس میں ایک حکمت یہ سمجھ آتی ہے کہ جو شخص اپنی ضروریات پر ضرورت سے زیادہ خرچ کرتا ہے ، اس سے رشتہ داروں اور غریبوں کے حقوق کی ادائیگی میں کوتاہی ہوتی ہے ۔ اسی طرح سے کوئی شخص اپنا سب کچھ اللہ کی راہ میں خرچ کرکے خود خالی ہوکر بیٹھ جائے تو وہ اپنے اہل و عیال کے اور خود اپنے نفس کے حقوق ادا نہیں کرسکتا ۔ اس لئے اسراف کسی بھی شکل میں ہو ، وہ اللہ کو پسند نہیں ہے ۔
Ayah 6:142

وَ مِنَ الْاَنْعَامِ حَمُوْلَةً وَّ فَرْشًا١ؕ كُلُوْا مِمَّا رَزَقَكُمُ اللّٰهُ وَ لَا تَتَّبِعُوْا خُطُوٰتِ الشَّیْطٰنِ١ؕ اِنَّهٗ لَكُمْ عَدُوٌّ مُّبِیْنٌۙ Open ayah 6:142 in the Quran reader

پھر وہی ہے جس نے مویشیوں میں سے وہ جانور بھی پیدا کیے جن سے سواری و بار برداری کا کام لیا جاتا ہے اور وہ بھی جو کھانے اور بچھانے کے کام آتے ہیں کھاؤ اُن چیزوں میں سے جو اللہ نے تمہیں بخشی ہیں اور شیطان کی پیرو ی نہ کرو کہ وہ تمہارا کھلا دشمن ہے

وَمِنَ الْاَنْعَامِ [ اور (اس نے پیدا کئے ) مویشیوں میں سے ] حَمُوْلَةً [ کوئی بکثرت بوجھ اٹھانے والا ] وَّفَرْشًا ۭ [ اور کوئی بچھا ہوا ] كُلُوْا [ تم لوگ کھاؤ ] مِمَّا [ اس میں سے جو ] رَزَقَكُمُ [ رزق دیا تم کو ] اللّٰهُ [ اللہ نے ] وَلَا تَتَّبِعُوْا [ اور تم لوگ پیروی مت کرو ] خُطُوٰتِ الشَّيْطٰنِ ۭ [ شیطان کے نقوش قدم کی ] اِنَّهٗ [ بیشک وہ ] لَكُمْ [ تمہارے لئے ] عَدُوٌّ مُّبِيْنٌ [ ایک کھلا دشمن ہے ]
Ayah 6:143

ثَمٰنِیَةَ اَزْوَاجٍ١ۚ مِنَ الضَّاْنِ اثْنَیْنِ وَ مِنَ الْمَعْزِ اثْنَیْنِ١ؕ قُلْ ءٰٓالذَّكَرَیْنِ حَرَّمَ اَمِ الْاُنْثَیَیْنِ اَمَّا اشْتَمَلَتْ عَلَیْهِ اَرْحَامُ الْاُنْثَیَیْنِ١ؕ نَبِّئُوْنِیْ بِعِلْمٍ اِنْ كُنْتُمْ صٰدِقِیْنَۙ Open ayah 6:143 in the Quran reader

یہ آٹھ نر و مادہ ہیں، دو بھیڑ کی قسم سے اور دو بکری کی قسم سے، اے محمدؐ! ان سے پوچھو کہ اللہ نے اُن کے نر حرام کیے ہیں یا مادہ، یا وہ بچے جو بھیڑوں اور بکریوں کے پیٹ میں ہوں؟ ٹھیک ٹھیک علم کے ساتھ مجھے بتاؤ اگر تم سچے ہو

ثَمٰنِيَةَ اَزْوَاجٍ ۚ [ (اس نے پیدا کئے ) آٹھ جوڑ ] مِنَ الضَّاْنِ [ بھیڑ میں سے ] اثْنَيْنِ [ دو ] وَمِنَ الْمَعْزِ [ اور بکری میں سے ] اثْنَيْنِ ۭ [ دو ] قُلْ [ آپ کہئے (یعنی پوچھئے) ] ءٰۗالذَّكَرَيْنِ [ کیا دو مذکر کو ] حَرَّمَ [ اس نے حرام کیا ] اَمِ [ یا ] الْاُنْثَيَيْنِ [ دو مونث کو ] اَمَّا [ یا اس کو ] اشْـتَمَلَتْ [ لپٹیں ] عَلَيْهِ [ جس پر ] اَرْحَامُ الْاُنْثَيَيْنِ ۭ [ دو مونث کی بچہ دانیاں ] نَبِّـــــُٔـوْنِيْ [ تم لوگ بتاؤ مجھ کو ] بِعِلْمٍ [ کسی علم (یعنی سند) سے ] اِنْ [ اگر ] كُنْتُمْ [ تم لوگ ] صٰدِقِيْنَ [ سچ کہنے والے ہو ]
Ayah 6:144

وَ مِنَ الْاِبِلِ اثْنَیْنِ وَ مِنَ الْبَقَرِ اثْنَیْنِ١ؕ قُلْ ءٰٓالذَّكَرَیْنِ حَرَّمَ اَمِ الْاُنْثَیَیْنِ اَمَّا اشْتَمَلَتْ عَلَیْهِ اَرْحَامُ الْاُنْثَیَیْنِ١ؕ اَمْ كُنْتُمْ شُهَدَآءَ اِذْ وَصّٰىكُمُ اللّٰهُ بِهٰذَا١ۚ فَمَنْ اَظْلَمُ مِمَّنِ افْتَرٰى عَلَى اللّٰهِ كَذِبًا لِّیُضِلَّ النَّاسَ بِغَیْرِ عِلْمٍ١ؕ اِنَّ اللّٰهَ لَا یَهْدِی الْقَوْمَ الظّٰلِمِیْنَ۠ Open ayah 6:144 in the Quran reader

اور اسی طرح دو اونٹ کی قسم سے ہیں اور دو گائے کی قسم سے پوچھو، اِن کے نر اللہ نے حرام کیے ہیں یا مادہ، یا وہ بچے جو اونٹنی اور گائے کے پیٹ میں ہوں؟ کیا تم اُس وقت حاضر تھے جب اللہ نے ان کے حرام ہونے کا حکم تمہیں دیا تھا؟ پھر اُس شخص سے بڑھ کر ظالم اور کون ہوگا جو اللہ کی طرف منسوب کر کے جھوٹی بات کہے تاکہ علم کے بغیر لوگوں کی غلط راہ نمائی کرے یقیناً اللہ ایسے ظالموں کو راہ راست نہیں دکھاتا

وَمِنَ الْاِبِلِ [ اور اونٹ میں سے ] اثْنَيْنِ [ دو ] وَمِنَ الْبَقَرِ [ اور گائے میں سے ] اثْنَيْنِ ۭ [ دو ] قُلْ [ آپ پوچھئے ] ءٰۗ الذَّكَرَيْنِ [ کیا دو مذکر کو ] حَرَّمَ [ اس نے حرام کیا ] اَمِ [ یا ] الْاُنْثَيَيْنِ [ دو مونث کو ] اَمَّا [ یا اس کو ] اشْتَمَلَتْ [ لپٹیں ] عَلَيْهِ [ جس پر ] اَرْحَامُ الْاُنْثَيَيْنِ ۭ [ دو مونث کی بچہ دانیاں ] اَمْ [ یا ] كُنْتُمْ [ تم لوگ ] شُهَدَاۗءَ [ موجود تھے ] اِذْ [ جب ] وَصّٰىكُمُ [ تاکید کی تم کو ] اللّٰهُ [ اللہ نے ] بِھٰذَا ۚ [ اس کی ] فَمَنْ [ پس کون ] اَظْلَمُ [ زیادہ ظالم ہے ] مِمَّنِ [ اس سے جس نے ] افْتَرٰي [ گھڑا ] عَلَي اللّٰهِ [ اللہ پر ] كَذِبًا [ ایک جھوٹ ] لِّيُضِلَّ [ تاکہ وہ گمراہ کرے ] النَّاسَ [ لوگوں کو ] بِغَيْرِ عِلْمٍ ۭ [ کسی علم کے بغیر ] اِنَّ [ بیشک ] اللّٰهَ [ اللہ ] لَا يَهْدِي [ ہدایت نہیں دیتا ] الْقَوْمَ الظّٰلِمِيْنَ [ ظلم کرنے والے گروہ کو ]
Ayah 6:145

قُلْ لَّاۤ اَجِدُ فِیْ مَاۤ اُوْحِیَ اِلَیَّ مُحَرَّمًا عَلٰى طَاعِمٍ یَّطْعَمُهٗۤ اِلَّاۤ اَنْ یَّكُوْنَ مَیْتَةً اَوْ دَمًا مَّسْفُوْحًا اَوْ لَحْمَ خِنْزِیْرٍ فَاِنَّهٗ رِجْسٌ اَوْ فِسْقًا اُهِلَّ لِغَیْرِ اللّٰهِ بِهٖ١ۚ فَمَنِ اضْطُرَّ غَیْرَ بَاغٍ وَّ لَا عَادٍ فَاِنَّ رَبَّكَ غَفُوْرٌ رَّحِیْمٌ Open ayah 6:145 in the Quran reader

اے محمدؐ! ان سے کہو کہ جو وحی تمہارے پاس آئی ہے اس میں تو میں کوئی چیز ایسی نہیں پاتا جو کسی کھانے والے پر حرام ہو، الا یہ کہ وہ مُردار ہو، یا بہایا ہوا خون ہو، یاسور کا گوشت ہو کہ وہ ناپاک ہے، یا فسق ہو کہ اللہ کے سوا کسی اور کے نام پر ذبح کیا گیا ہو پھر جو شخص مجبوری کی حالت میں (کوئی چیز اِن میں سے کھا لے) بغیر اس کے کہ وہ نافرمانی کا ارادہ رکھتا ہو اور بغیر اس کے کہ وہ حد ضرورت سے تجاوز کرے، تو یقیناً تمہارا رب در گزر سے کام لینے والا اور رحم فرمانے والا ہے

قُلْ [ آپ کہہ دیجئے ] لَّآ اَجِدُ [ میں نہیں پاتا ] فِيْ مَآ [ اس میں جو ] اُوْحِيَ [ وحی کیا گیا ] اِلَيَّ [ میری طرف ] مُحَرَّمًا [ حرام کیا ہوا ] عَلٰي طَاعِمٍ [ کسی کھانے والے پر ] يَّطْعَمُهٗٓ [ وہ کھاتا ہے جس کو ] اِلَّآ اَنْ [ سوائے اس کے کہ ] يَّكُوْنَ [ وہ ہو ] مَيْتَةً [ کوئی مردہ ] اَوْ [ یا ] دَمًا مَّسْفُوْحًا [ بہایا ہوا خون ] اَوْ [ یا ] لَحْمَ خِنْزِيْرٍ [ سور کا گوشت ] فَاِنَّهٗ [ پس بیشک یہ ] رِجْسٌ [ نجاست ہے ] اَوْ [ یا ] فِسْقًا [ ایسی نافرمانی ] اُهِلَّ [ (کہ ) پکارا گیا ] لِغَيْرِ اللّٰهِ [ غیر اللہ کیلئے ] بِهٖ ۚ [ جس پر ] فَمَنِ [ پھر جو ] اضْطُرَّ [ مجبور کیا گیا ] غَيْرَ بَاغٍ [ بغیر باغی ہوتے ہوئے ] وَّلَا عَادٍ [ اور نہ حد سے تجاوز کرنے والا ہوتے ہوئے ] فَاِنَّ [ تو بیشک ] رَبَّكَ [ آپ کا رب ] غَفُوْرٌ [ بےانتہا بخشنے والا ] رَّحِيْمٌ [ ہمیشہ رحم کرنے والا ہے ] ظر ـــ ـ: (ض) ظفرا ۔ چہرا پر ناخن مارنا ۔ ظفر۔ اسم ذات ہے ۔ ناخن ۔ زیرمطالعہ آیت ۔ 146 ۔ (س) ظفرا مقصد میں کامیاب ہونا۔ (افعال ) اظفارا ۔ کامیاب کرنا ۔ غالب کرنا ۔ مِنْۢ بَعْدِ اَنْ اَظْفَرَكُمْ عَلَيْهِمْ ۭ [ اس کے بعد کہ اس نے غالب کیا تم کو ان پر ] 48:24 ۔ ش ح م : (ف) شحما ۔ چربی کھلانا ۔ شحم ۔ اسم جنس بھی ہے ۔ واحد شحمۃ ، جمع شحوم ، چربی ۔ زیرمطالعہ آیت ۔ 146 ۔ ح و ی : (ض) حوایۃ ۔ جمع کرنا ۔ قبضہ کرنا ۔ حوی۔ مؤنث حویۃ ج حوایا ۔ چھوٹا حوض ۔ انتڑی ۔ زیرمطالعہ آیت ۔ 146 ۔ حوی ۔ سبزی مائل سیاہ ہونا۔ احوی ۔ افعل الوان وعیوب ہے ۔ سبزی مائل سیاہ ۔ فَجَعَلَهٗ غُثَاۗءً اَحْوٰى [ پھر اس نے کردیا اس کو سیاہ کوڑا ] 87:5 ۔ ہ ل م : ثلاثی مجرد سے فعل نہیں آتا ۔ ھلم ، اسم فعل ہے ۔ (1) حاضر کرو ۔ لے آؤ ۔ زیرمطالعہ آیت ۔ 150 ۔ (2) چلے آؤ ۔ وَالْقَاۗىِٕلِيْنَ لِاِخْوَانِهِمْ هَلُمَّ اِلَيْنَا [ اور کہنے والے اپنے بھائیوں سے چلے آؤ ہماری طرف ] 33:18 ۔ ترکیب : (آیت ۔ 145) میتۃ ، دما مسفوحا ، لحم خنزیر اور فسقا ، یہ سب یکون کی خبر ہونے کی وجہ سے حالت نصب میں ہیں ۔ ۔ فسقا نکرہ مخصوصہ بھی ہے اور اھل لغیر اللہ بہ اس کی خصوصیت ہے ۔ غیر باغ ولا عاد حال ہیں اس لیے غیر پر نصب آئی ہے ۔ (آیت ۔ 146) حملت کا مفعول ما ہے ۔ جبکہ ظہورھما اور الحوایا اس کے فاعل ہیں ۔ (آیت ۔ 148) تخرجوا فعل امر نہیں ہے۔ اگر فعل امر ہوتا تو اخرجوا آتا ۔ یہ مضارع تخرجون تھا جو فاسببیہ کی وجہ سے حالت نصب میں آیا ہے ۔ الحجۃ البالغۃ مبتدا مؤخر ہے اور للہ قائم مقام خبر مقدم ہے ۔ یعدلون کا مفعول غیر اللہ محذوف ہے۔
Ayah 6:146

وَ عَلَى الَّذِیْنَ هَادُوْا حَرَّمْنَا كُلَّ ذِیْ ظُفُرٍ١ۚ وَ مِنَ الْبَقَرِ وَ الْغَنَمِ حَرَّمْنَا عَلَیْهِمْ شُحُوْمَهُمَاۤ اِلَّا مَا حَمَلَتْ ظُهُوْرُهُمَاۤ اَوِ الْحَوَایَاۤ اَوْ مَا اخْتَلَطَ بِعَظْمٍ١ؕ ذٰلِكَ جَزَیْنٰهُمْ بِبَغْیِهِمْ١ۖ٘ وَ اِنَّا لَصٰدِقُوْنَ Open ayah 6:146 in the Quran reader

اور جن لوگوں نے یہودیت اختیار کی ان پر ہم نے سب ناخن والے جانور حرام کر دیے تھے، اور گائے اور بکری کی چربی بھی بجز اُس کے جو اُن کی پیٹھ یا اُن کی آنتوں سے لگی ہوئی ہو یا ہڈی سے لگی رہ جائے یہ ہم نے ان کی سرکشی کی سزا اُنہیں دی تھی اور یہ جو کچھ ہم کہہ رہے ہیں بالکل سچ کہہ رہے ہیں

وَعَلَي الَّذِيْنَ [ اور ان لوگوں پر جو ] هَادُوْا [ یہودی ہوئے ] حَرَّمْنَا [ ہم نے حرام کیا ] كُلَّ ذِيْ ظُفُرٍ ۚ [ سب ناخن والے (جانوروں کو ) ] وَمِنَ الْبَقَرِ وَالْغَنَمِ [ اور گائے اور بکری میں سے ] حَرَّمْنَا [ ہم نے حرام کیا ] عَلَيْهِمْ [ ان پر ] شُحُوْمَهُمَآ [ دونوں کی چربی کو ] اِلَّا مَا [ سوائے اس کے جس کو ] حَمَلَتْ [ اٹھایا ] ظُهُوْرُهُمَآ [ دونوں کی پیٹھوں نے ] اَوِ [ یا ] الْحَوَايَآ [ انتڑیوں نے ] اَوْ [ یا ] مَا [ وہ جو ] اخْتَلَطَ [ رم مل گئی ] بِعَظْمٍ ۭ [ کسی ہڈی سے ] ذٰلِكَ [ یہ ] جَزَيْنٰهُمْ [ ہم نے بدلہ دیا ] بِبَغْيِهِمْ ڮ [ ان کی سرکشی کا ] وَاِنَّا [ اور بیشک ہم ] لَصٰدِقُوْنَ [ یقینا سچ کہنے والے ہیں ]
Ayah 6:147

فَاِنْ كَذَّبُوْكَ فَقُلْ رَّبُّكُمْ ذُوْ رَحْمَةٍ وَّاسِعَةٍ١ۚ وَ لَا یُرَدُّ بَاْسُهٗ عَنِ الْقَوْمِ الْمُجْرِمِیْنَ Open ayah 6:147 in the Quran reader

اب اگر وہ تمہیں جھٹلائیں تو ان سے کہہ دو کہ تمہارے رب کا دامن رحمت وسیع ہے اور مجرموں سے اس کے عذاب کو پھیرا نہیں جاسکتا

فَاِنْ [ پھر اگر ] كَذَّبُوْكَ [ اور جھٹلائیں آپ کو ] فَقُلْ [ تو آپ کہہ دیں ] رَّبُّكُمْ [ تم لوگوں کا رب ] ذُوْ رَحْمَةٍ وَّاسِعَةٍ ۚ [ وسیع رحمت والا ہے ] وَ [ اور (یعنی مگر) ] لَا يُرَدُّ [ نہیں لوٹائی جائے ] بَاْسُهٗ [ اس کی سختی ] عَنِ الْقَوْمِ الْمُجْرِمِيْنَ [ جرم کرنے والے گروہ سے ]
Ayah 6:148

سَیَقُوْلُ الَّذِیْنَ اَشْرَكُوْا لَوْ شَآءَ اللّٰهُ مَاۤ اَشْرَكْنَا وَ لَاۤ اٰبَآؤُنَا وَ لَا حَرَّمْنَا مِنْ شَیْءٍ١ؕ كَذٰلِكَ كَذَّبَ الَّذِیْنَ مِنْ قَبْلِهِمْ حَتّٰى ذَاقُوْا بَاْسَنَا١ؕ قُلْ هَلْ عِنْدَكُمْ مِّنْ عِلْمٍ فَتُخْرِجُوْهُ لَنَا١ؕ اِنْ تَتَّبِعُوْنَ اِلَّا الظَّنَّ وَ اِنْ اَنْتُمْ اِلَّا تَخْرُصُوْنَ Open ayah 6:148 in the Quran reader

یہ مشرک لوگ (تمہاری ان باتوں کے جواب میں) ضرور کہیں گے کہ "اگر اللہ چاہتا تو نہ ہم شرک کرتے اور نہ ہمارے باپ دادا، اور نہ ہم کسی چیز کو حرام ٹھراتے" ایسی ہی باتیں بنا بنا کر اِن سے پہلے کے لوگوں نے بھی جھٹلایا تھا یہاں تک کہ آخر کار ہمارے عذاب کا مزا انہوں نے چکھ لیا ان سے کہو "کیا تمہارے پاس کوئی علم ہے جسے ہمارے سامنے پیش کرسکو؟ تم تو محض گمان پر چل رہے ہو اور نری قیاس آرائیاں کرتے ہو"

سَيَقُوْلُ الَّذِيْنَ [ وہ لوگ کہیں گے جنہوں نے ] اَشْرَكُوْا [ شریک بنائے ] لَوْ [ اگر ] شَاۗءَ [ چاہتا ] اللّٰهُ [ اللہ ] مَآ اَشْرَكْنَا [ تو نہ ہم شریک بناتے ] وَلَآ اٰبَاۗؤُنَا [ اور نہ ہی ہمارے آباؤاجداد ] وَلَا حَرَّمْنَا ] اور ہم حرام نہ کرتے ] مِنْ شَيْءٍ ۭ [ کسی بھی چیز کو ] كَذٰلِكَ [ اس طرح ] كَذَّبَ [ جھٹلایا ] الَّذِيْنَ [ انہوں نے جو ] مِنْ قَبْلِهِمْ [ ان سے پہلے تھے ] حَتّٰي [ یہاں تک کہ ] ذَاقُوْا [ انہوں نے چکھا ] بَاْسَـنَا ۭ [ ہماری سختی کو ] قُلْ [ آپ پوچھیے ] هَلْ [ کیا ] عِنْدَكُمْ [ تم لوگوں کے پاس ] مِّنْ عِلْمٍ [ کوئی بھی (سند) ہے ] فَتُخْرِجُوْهُ [ کہ تم لوگ نکال سکو اس کو ] لَنَا ۭ [ ہمارے لئے ] اِنْ تَتَّبِعُوْنَ [ تم لوگ پیروی نہیں کرتے ] اِلَّا [ مگر ] الظَّنَّ [ گمان کی ] وَاِنْ اَنْتُمْ [ اور تم لوگ نہیں ہو ] اِلَّا [ سوائے اس کے کہ ] تَخْرُصُوْنَ [ اٹکل لگاتے ہو ] نوٹ 1: آیت نمبر ۔ 148 میں اسی پرانے عذر کی نشا ندہی کی گئی ہے جو ہمیشہ سے مجرم اور غلط کار لوگ پیش کرتے رہے ہیں ۔ وہ کہتے ہیں کہ ہمارے حق میں اللہ کی مشیت یہی ہے کہ ہم شرک کریں اور جن چیزوں کو ہم نے حرام ٹھہرارکھا ہے ۔ انہیں حرام ٹھہرائیں ۔ ورنہ اگر اللہ نہ چاہتا کہ ہم ایسا کریں تو کیوں کر ممکن تھا کہ یہ افعال ہم سے صادر ہوتے ۔ چونکہ ہم اللہ کی مشیت کے مطابق یہ سب کچھ کررہے ہیں ۔ اس لئے ہم ایسا ہی کرنے پر مجبور ہیں ۔ اس عذر کے جواب میں پہلی بات یہ فرمائی کہ اپنی گمراہی کے لیے مشیت الہی کو معذرت کے طور پر پیش کرنا اور اسے بہانہ بنا کر صحیح رہنمائی قبول کرنے سے انکار کرنا مجرموں کا قدیم شیوہ رہا ہے ۔ اس کا انجام یہ ہوا کہ وہ تباہ ہوئے اور حق کے خلاف چلنے کا برا نتیجہ انہوں نے دیکھ لیا ۔ پھر فرمایا کہ یہ عذر جو تم پیش کررہے ہو یہ دراصل کسی حقیقی علم پر مبنی نہیں ہے بلکہ محض گمان اور تخمینہ ہے ۔ تم نے محض مشیت کا لفظ کہیں سے سن لیا اور اس پر قیاسات کی ایک عمارت کھڑی کرلی ۔ تم نے یہ سمجھا ہی نہیں کہ انسان کے حق میں فی الواقع اللہ کی مشیت کیا ہے ۔ تم مشیت کے معنی یہ سمجھ رہے ہو کہ چور اگر مشیت الہی کے تحت چوری کررہا ہے تو ہو مجرم نہیں ہے ، حالانکہ دراصل انسان کے حق میں اللہ کی مشیت یہ ہے کہ وہ شکر اور کفر ، ہدایت اور گمراہی ، اطاعت اور نافرمانی میں جو راہ بھی اپنے لیے منتخب کرے گا ، اللہ تعالیٰ وہی راہ اس کے لیے کھول دے گا۔ پھر غلط یا صحیح ، جو کام بھی انسان کرنا چاہے گا ، اللہ تعالیٰ اپنی عالمگیر مصلحتوں کا لحاظ کرتے ہوئے جس حد تک مناسب سمجھے گا ، اسے اس کام کی اجازت اور توفیق بخش دے گا ۔ لہذا اگر تم نے اور تمہارے باپ دادا نے مشیت الہی کے تحت شرک کرنے اور حلال کو حرام کرنے کا جرم کیا تو اس کے یہ معنی ہرگز نہیں ہیں کہ تم اپنے اعمال کے ذمہ دار اور جواب دہ نہیں ہو ۔ اپنے غلط انتخاب راہ کے ذمہ دار تو تم خود ہی ہو ۔ (تفہیم القرآن )
Ayah 6:149

قُلْ فَلِلّٰهِ الْحُجَّةُ الْبَالِغَةُ١ۚ فَلَوْ شَآءَ لَهَدٰىكُمْ اَجْمَعِیْنَ Open ayah 6:149 in the Quran reader

پھر کہو (تمہاری اس حجت کے مقابلہ میں) "حقیقت رس حجت تو اللہ کے پاس ہے، بے شک اگر اللہ چاہتا تو تم سب کو ہدایت دے دیتا"

قُلْ [ آپ کہئے ] فَلِلّٰهِ [ پس اللہ کے لئے ہی ہے ] الْحُجَّةُ الْبَالِغَةُ ۚ [ پہنچنے والی حجت ] فَلَوْ [ پھر اگر ] شَاۗءَ [ وہ چاہتا ] لَهَدٰىكُمْ [ تو ضرور ہدایت دیتا تم لوگوں کو ] اَجْمَعِيْنَ [ سب کے سب کو ]
Ayah 6:150

قُلْ هَلُمَّ شُهَدَآءَكُمُ الَّذِیْنَ یَشْهَدُوْنَ اَنَّ اللّٰهَ حَرَّمَ هٰذَا١ۚ فَاِنْ شَهِدُوْا فَلَا تَشْهَدْ مَعَهُمْ١ۚ وَ لَا تَتَّبِعْ اَهْوَآءَ الَّذِیْنَ كَذَّبُوْا بِاٰیٰتِنَا وَ الَّذِیْنَ لَا یُؤْمِنُوْنَ بِالْاٰخِرَةِ وَ هُمْ بِرَبِّهِمْ یَعْدِلُوْنَ۠ Open ayah 6:150 in the Quran reader

ان سے کہو کہ "لاؤ اپنے وہ گواہ جو اس بات کی شہادت دیں کہ اللہ ہی نے اِن چیزوں کو حرام کیا ہے" پھر اگر وہ شہادت دے دیں تو تم ان کے ساتھ شہادت نہ دینا، اور ہرگز اُن لوگوں کی خواہشات کے پیچھے نہ چلنا جنہوں نے ہماری آیات کو جھٹلایا ہے، اور جو آخرت کے منکر ہیں، اور جو دوسروں کو اپنے رب کا ہمسر بناتے ہیں

قُلْ [ آپ کہئے ] هَلُمَّ [ لے آؤ ] شُهَدَاۗءَكُمُ [ اپنے گواہوں کو ] الَّذِيْنَ [ جو لوگ ] يَشْهَدُوْنَ [ گواہی دیتے ہیں ] اَنَّ [ کہ ] اللّٰهَ [ اللہ نے ] حَرَّمَ [ حرام کیا ] ھٰذَا ۚ [ اس کو ] فَاِنْ [ پھر اگر ] شَهِدُوْا [ وہ گواہی دیں ] فَلَا تَشْهَدْ [ تو آپ گواہی مت دیں ] مَعَهُمْ ۚ [ ان کے ساتھ ] وَلَا تَتَّبِعْ [ اور آپ پیروی مت کریں ] اَهْوَاۗءَ الَّذِيْنَ [ ان کی خواہشات کی جنہوں نے ] كَذَّبُوْا [ جھٹلایا ] بِاٰيٰتِنَا [ ہماری نشانیوں کو ] وَالَّذِيْنَ [ اور ان لوگوں کی جو ] لَا يُؤْمِنُوْنَ [ ایمان نہیں لاتے ] بِالْاٰخِرَةِ [ آخرت پر ] وَهُمْ [ اور وہ لوگ ] بِرَبِّهِمْ [ اپنے رب کے ] يَعْدِلُوْنَ [ برابر کرتے ہیں (غیر اللہ کو ) ]
Ayah 6:151

قُلْ تَعَالَوْا اَتْلُ مَا حَرَّمَ رَبُّكُمْ عَلَیْكُمْ اَلَّا تُشْرِكُوْا بِهٖ شَیْئًا وَّ بِالْوَالِدَیْنِ اِحْسَانًا١ۚ وَ لَا تَقْتُلُوْۤا اَوْلَادَكُمْ مِّنْ اِمْلَاقٍ١ؕ نَحْنُ نَرْزُقُكُمْ وَ اِیَّاهُمْ١ۚ وَ لَا تَقْرَبُوا الْفَوَاحِشَ مَا ظَهَرَ مِنْهَا وَ مَا بَطَنَ١ۚ وَ لَا تَقْتُلُوا النَّفْسَ الَّتِیْ حَرَّمَ اللّٰهُ اِلَّا بِالْحَقِّ١ؕ ذٰلِكُمْ وَصّٰىكُمْ بِهٖ لَعَلَّكُمْ تَعْقِلُوْنَ Open ayah 6:151 in the Quran reader

اے محمدؐ! ان سے کہو کہ آؤ میں تمہیں سناؤں تمہارے رب نے تم پر کیا پابندیاں عائد کی ہیں: یہ کہ اس کے ساتھ کسی کو شریک نہ کرو، اور والدین کے ساتھ نیک سلوک کرو، اور اپنی اولاد کو مفلسی کے ڈر سے قتل نہ کرو، ہم تمہیں بھی رزق دیتے ہیں اور ا ن کو بھی دیں گے اور بے شرمی کی باتوں کے قریب بھی نہ جاؤ خواہ وہ کھلی ہوں یا چھپی اور کسی جان کو جسے اللہ نے محترم ٹھیرایا ہے ہلاک نہ کرو مگر حق کے ساتھ یہ باتیں ہیں جن کی ہدایت اس نے تمہیں کی ہے، شاید کہ تم سمجھ بوجھ سے کام لو

قُلْ [ آپ کہئے ] تَعَالَوْا [ تم لوگ آؤ] اَتْلُ [ میں پڑھتا ہوں ] مَا [ اس کو جو ] حَرَّمَ [ حرام کیا ] رَبُّكُمْ [ تمہارے رب نے ] عَلَيْكُمْ [ تم لوگوں پر ] اَلَّا تُشْرِكُوْا [ کہ شریک مت بناؤ ] بِهٖ [ اس کے ساتھ ] شَـيْــــًٔـا [ کسی چیز کو ] وَّبِالْوَالِدَيْنِ [ اور والدین کے ساتھ ] اِحْسَانًا ۚ [ (حسن سلوک کرو) جیسا حسن سلوک کا حق ہے ] وَلَا تَقْتُلُوْٓا [ اور قتل مت کرو ] اَوْلَادَكُمْ [ اپنی اولاد کو ] مِّنْ اِمْلَاقٍ ۭ [ مفلس ہونے (کے خوف ) سے ] نَحْنُ [ ہم ] نَرْزُقُكُمْ [ رزق دیتے ہیں تم کو ] وَاِيَّاهُمْ ۚ [ اور ان کو بھی ] وَلَا تَقْرَبُوا [ اور قریب مت جاؤ] الْفَوَاحِشَ [ بےحیائیوں کے ] مَا [ جو ] ظَهَرَ [ ظاہر ہو ] مِنْهَا [ اس سے ] وَمَا [ اور جو ] بَطَنَ ۚ [ پوشیدہ ہو ] وَلَا تَقْتُلُوا [ اور قتل مت کرو ] النَّفْسَ الَّتِيْ [ اس جان کو جس کو ] حَرَّمَ [ (قتل کرنا ) حرام کیا ] اللّٰهُ [ اللہ نے ] اِلَّا [ مگر ] بِالْحَقِّ ۭ [ حق کے ساتھ ] ذٰلِكُمْ [ یہ ہے ] وَصّٰىكُمْ [ اس نے تاکید کی تم کو ] بِهٖ [ جس کی ] لَعَلَّكُمْ [ شائد تم لوگ ] تَعْقِلُوْنَ [ عقل استعمال کرو ] م ل ق : (ف) ملقا ۔ نرم کرنا ۔ مٹانا ۔ (افعال) املاقا ۔ مفلس ہونا ۔ زیر مطالعہ آیت ۔ 151 ۔ ک ی ل : (ض) کیلا ۔ غلہ وغیرہ کسی پیمانہ سے ناپ کردینا ۔ پھر دونوں طرح آتا ۔ (1) ناپنا ۔ (2) ناپ کردینا ۔ وَاِذَا كَالُوْهُمْ اَوْ وَّزَنُوْهُمْ يُخْسِرُوْنَ [ اور جب بھی وہ لوگ ناپ کردیتے ہیں ان کو یا تول کردیتے ہیں ان کو تو گھٹا دیتے ہیں ] 83:3 ۔ مکیال مفعال ، کے وزن پر اسم الآلہ ہے۔ ناپنے کا آلہ ۔ پیمانہ ۔ وَلَا تَنْقُصُوا الْمِكْيَالَ وَالْمِيْزَانَ [ اور کمی مت کرو پیمانے میں اور ترازو میں ] 11:84 ۔ (افتعال) اکتیالا ۔ اپنے لئے پیمانہ بھرنا ۔ ناپ کرلینا ، فَاَرْسِلْ مَعَنَآ اَخَانَا نَكْتَلْ [ پس آپ بھیجیں ہمارے ساتھ ہمارے بھائی کو تم ہم اپنے لئے پیمانہ بھریں ] 12:63 ۔ وزن : (ض) وزنا ۔ (1) تولنا۔ (2) تول کردینا ۔ اوپر آیت نمبر 83:3 دیکھیں ۔ زن ۔ فعل امر ہے ۔ تو تول ۔ وَزِنُوْا بِالْقِسْطَاسِ الْمُسْـتَقِيْمِ [ اور تم لوگ تو لو سیدھی ترازو سے ] 26:182 ۔ موزون ۔ اسم المفعول ہے وزن کیا ہوا ۔ وَاَنْۢبَتْنَا فِيْهَا مِنْ كُلِّ شَيْءٍ مَّوْزُوْنٍ [ اور ہم نے اگایا اس میں ہر ایک وزن کی ہوئی چیز میں سے یعنی ایک اندازے سے ] 15:19 ۔ میزان ۔ ج ، جوازین ۔ اسم الآلہ ہے۔ وزن کرنے کا آلہ ۔ ترازو [ فَمَنْ ثَقُلَتْ مَوَازِيْنُهٗ فَاُولٰۗىِٕكَ هُمُ الْمُفْلِحُوْنَ [ پس وہ بھاری ہوئے جن کے ترازو تو وہ لوگ ہی مراد پانے والے ہیں ] 7:8 ۔ ترکیب : (آیت ۔ 151) تعالوا فعل ہے ، اس کا جواب امر ہونے کی وجہ سے مضارع اتلو مجزوم ہوا ہے اور اس کی واوگری تو اتل آیا ہے ۔ اس کا مفعول ما ہے ۔ علیکم کا تعلق اتل سے نہیں بلکہ حرم سے ہے۔ بالوالدین کے بعد فعل امر احسنوا محذوف ہے اور احسانا اس کا مفعول مطلق ہے ۔ املاق سے پہلے اس کا مضاف خشیۃ محذوف ہے۔ (آیت ۔ 152) بالتی میں التی کا مرجع محذوف ہے یعنی یہ الا بطریقۃ التی ہے ۔ ھی مبتدا ہے ۔ اس کی خبر حسنی کے بجائے احسن آئی ہے ۔ اس کی وجہ یہ ہے کہ حسنی صرف مؤنث کے لئے آتا ہے ، مذکر کے لیے نہیں آسکتا ۔ جبکہ احسن مذکر کرکے لئے آتا ہے ۔ لیکن مؤنث کے لیے بھی آسکتا ہے ۔ قلتم کا مفعول قولا محذوف ہے ۔ (آیت ۔ 153) تفرق اصل میں السبل کی وجہ سے واحد مؤنث کا صیغہ تتفرق ہے۔ قاعدے کے مطابق ایک تا گری ہوئی ہے اور فاسببیہ کی وجہ سے مضارع منصوب ہوا ہے اس میں ضمیر فاعلیھی السبل کے لیے ہے۔ نوٹ۔ 1: غور کیا جائے تع اولاد کی تعلیم و تربیت پر توجہ نہ دینا بھی ایک طرح سے قتل اولاد کی ہی ایک شکل ہے ۔ کیونکہ ایسی اولاد اللہ کی اطاعت ، رسول اللہ ﷺ کی پیروی اور آخرت کی فکر سے بےپرواہ ہوجاتی ہے ۔ قرآن مجید نے ایسے شخص کو مردہ قرار دیا ہے (6:122) جو لوگ اپنی اولاد کو آزاد چھوڑ دیتے ہیں یا ایسی غلط تعلیم دلاتے ہیں ۔ جس کے نتیجے میں اسلامی اخلاق تباہ ہوں ، وہ بھی ایک حیثیت سے قتل اولاد کے مجرم ہیں (معارف القرآن ) نوٹ ۔ 2: کسی انسانی جان کو ہلاک کرنا ، اللہ تعالیٰ نے حرام قرار دیا ہے سوائے اس کے کہ کسی کو حق کے ساتھ قتل کیا جائے ۔ اب سوال یہ ہے کہ ” حق کے ساتھ “ کا کیا مفہوم ہے، تو اس کی تین صورتیں قرآن مجید میں بیان کی گئی ہیں اور اس پر زائد دو صورتیں رسول اللہ ـ ﷺ نے بیان فرمائی ہیں ۔ قرآن کی بیان کردہ صورتیں یہ ہیں ۔ (1) انسان کسی کے قتل عمد کا مجرم ہو اور اس پر قصاص کا حق قائم ہوگیا ہو۔ (2) دین حق کے قیام کی راہ میں مزاحم ہو اور اس سے جنگ کیے بغیر چارہ نہ ہو ۔ (3) دارالسلام کی حدود میں بدامنی پھیلائے یا اسلامی نظام حکومت کو الٹنے کی سعی کرے ۔ باقی دوصورتیں جو حدیث میں ارشاد ہوئی ہیں (1) شادی شدہ ہونے کے باوجود زنا کرے ۔ (2) ارتداد اور خروج از جماعت کا مرتکب ہو۔ ان پانچ صورتوں کے سوا کسی صورت میں انسان کا قتل انسان کے لیے حلال نہیں ہے ۔ خواہ وہ مومن ہو یا ذمی ہو یا عام کافر ہو ۔ (تفہیم القرآن )
Ayah 6:152

وَ لَا تَقْرَبُوْا مَالَ الْیَتِیْمِ اِلَّا بِالَّتِیْ هِیَ اَحْسَنُ حَتّٰى یَبْلُغَ اَشُدَّهٗ١ۚ وَ اَوْفُوا الْكَیْلَ وَ الْمِیْزَانَ بِالْقِسْطِ١ۚ لَا نُكَلِّفُ نَفْسًا اِلَّا وُسْعَهَا١ۚ وَ اِذَا قُلْتُمْ فَاعْدِلُوْا وَ لَوْ كَانَ ذَا قُرْبٰى١ۚ وَ بِعَهْدِ اللّٰهِ اَوْفُوْا١ؕ ذٰلِكُمْ وَصّٰىكُمْ بِهٖ لَعَلَّكُمْ تَذَكَّرُوْنَۙ Open ayah 6:152 in the Quran reader

اور یہ کہ یتیم کے مال کے قریب نہ جاؤ مگر ایسے طریقہ سے جو بہترین ہو، یہاں تک کہ وہ اپنے سن رشد کو پہنچ جائے اور ناپ تول میں پورا انصاف کرو، ہم ہر شخص پر ذمہ داری کا اتنا ہی بار رکھتے ہیں جتنا اس کے امکان میں ہے، اور جب بات کہو انصاف کی کہو خواہ معاملہ اپنے رشتہ دار ہی کا کیوں نہ ہو، اور اللہ کے عہد کو پورا کرو ان باتوں کی ہدایت اللہ نے تمہیں کی ہے شاید کہ تم نصیحت قبول کرو

وَلَا تَقْرَبُوْا [ اور قریب مت جاؤ ] مَالَ الْيَتِيْمِ [ یتیم کے مال کے ] اِلَّا [ مگر ] بِالَّتِيْ [ اس (طریقہ ) سے کہ ] هِىَ [ وہ ] اَحْسَنُ [ بہترین ہو ] حَتّٰي [ یہاں تک کہ ] يَبْلُغَ [ وہ پہنچے ] اَشُدَّهٗ ۚ [ اپنی پختگی کو ] وَاَوْفُوا [ اور پورا کرو ] الْكَيْلَ [ پیمانے کو ] وَالْمِيْزَانَ [ اور ترازوکو ] بِالْقِسْطِ ۚ [ انصاف سے ] لَا نُكَلِّفُ [ ہم پابند نہیں کرتے ] نَفْسًا [ کسی جان کو ] اِلَّا [ مگر ] وُسْعَهَا ۚ [ اس کی وسعت کو ] وَاِذَا [ اور جب بھی ] قُلْتُمْ [ تم لوگ کہو (کوئی بات ) ] فَاعْدِلُوْا [ تو عدل کرو ] وَلَوْ [ اور اگرچہ ] كَانَ [ وہ ہو ] ذَا قُرْبٰي ۚ [ قرابت والا ] وَبِعَهْدِ اللّٰهِ [ اور اللہ کے عہد کو ] اَوْفُوْا ۭ [ تم لوگ پورا کرو ] ذٰلِكُمْ [ یہ ہے ] وَصّٰىكُمْ [ اس نے تاکید کی تم کو ] بِهٖ [ جس کی ] لَعَلَّكُمْ [ شائد تم لوگ ] تَذَكَّرُوْنَ [ نصیحت حاصل کرو ]