77. Surah Al-Mursalaat

المرسلاتThe Emissaries · 50 ayahsتفسیر الکتاب

Read Surah Al-Mursalaat in the Quran reader
Ayahs 77:37–44

وَیْلٌ یَّوْمَئِذٍ لِّلْمُكَذِّبِیْنَ Open ayah 77:37 in the Quran reader

تباہی ہے اس دن جھٹلانے والوں کے لئے۔

هٰذَا یَوْمُ الْفَصْلِ١ۚ جَمَعْنٰكُمْ وَ الْاَوَّلِیْنَ Open ayah 77:38 in the Quran reader

(اس دن ہم ان سے کہیں گے کہ) یہی ہے وہ فیصلے کا دن (جس کی تکذیب میں تم لگے رہتے تھے۔ آج) ہم نے تم کو بھی اور اگلوں کو بھی (حساب کے لئے) جمع کرلیا ہے۔

فَاِنْ كَانَ لَكُمْ كَیْدٌ فَكِیْدُوْنِ Open ayah 77:39 in the Quran reader

تو (ہماری گرفت سے نکلنے کے لئے) تمہارے پاس کوئی داؤ ہے تو وہ ہم سے کر دیکھو۔

وَیْلٌ یَّوْمَئِذٍ لِّلْمُكَذِّبِیْنَ۠ Open ayah 77:40 in the Quran reader

تباہی ہے اس دن جھٹلانے والوں کے لئے۔

اِنَّ الْمُتَّقِیْنَ فِیْ ظِلٰلٍ وَّ عُیُوْنٍۙ Open ayah 77:41 in the Quran reader

(اس دن) متقی لوگ (بہشت کے باغوں کی) چھاؤں اور چشموں میں ہوں گے۔

وَّ فَوَاكِهَ مِمَّا یَشْتَهُوْنَؕ Open ayah 77:42 in the Quran reader

اور مرغوب میووں میں (عیش کرتے) ہوں گے۔

كُلُوْا وَ اشْرَبُوْا هَنِیْٓئًۢا بِمَا كُنْتُمْ تَعْمَلُوْنَ Open ayah 77:43 in the Quran reader

(ہم ان سے کہیں گے کہ) خوب مزے سے کھاؤ اور پیو ان (نیک اعمال) کے صلے میں جو تم (دنیا میں) کرتے رہے ہو۔

اِنَّا كَذٰلِكَ نَجْزِی الْمُحْسِنِیْنَ Open ayah 77:44 in the Quran reader

یقینا ہم نیکوکاروں کو ایسا ہی بدلہ دیا کرتے ہیں۔

[15] یعنی جب یہ حال ہو کہ نہ وہ خود کوئی بات زبان سے نکالنے میں پہل کرسکیں گے اور نہ ان کو کوئی عذر پیش کرنے کی اجازت ملے گی تو تباہی و ہلاکت کے سوا ان کے لئے کیا باقی رہا۔
Ayahs 77:45–46

وَیْلٌ یَّوْمَئِذٍ لِّلْمُكَذِّبِیْنَ Open ayah 77:45 in the Quran reader

تباہی ہے اس دن جھٹلانے والوں کے لئے۔

كُلُوْا وَ تَمَتَّعُوْا قَلِیْلًا اِنَّكُمْ مُّجْرِمُوْنَ Open ayah 77:46 in the Quran reader

(منکرو، ) تم (بھی دنیا میں) چند دن کھا (پی لو) اور رس بس لو (مگر) حقیقت میں تم لوگ مجرم ہو۔

[16] منکرین قیامت کے لئے ایک مصیبت تو وہ ہوگی جو اوپر بیان ہوچکی ہے اور دوسری مصیبت بالائے مصیبت یہ ہوگی کہ وہی اہل ایمان جنہیں دنیا میں وہ بیوقوف کہتے تھے اور جن کا مذاق اڑایا کرتے تھے اور انہیں حقیر وذلیل سمجھتے تھے انہی کو وہ جنت میں عیش کرتے ہوئے دیکھیں گے۔ تب انہیں اپنی بدبختی اور تباہی کا صحیح اندازہ ہوگا۔
Ayah 77:47

وَیْلٌ یَّوْمَئِذٍ لِّلْمُكَذِّبِیْنَ Open ayah 77:47 in the Quran reader

تباہی ہے اس دن جھٹلانے والوں کے لئے۔

[17] یعنی اس دنیا میں جو عیش و آرام تمہیں حاصل ہے اس سے اس مغالطے میں نہ رہو کہ آخرت ہوئی تو یہی کچھ تمہیں وہاں بھی حاصل ہوگا۔ تکذیب کے نتیجے میں تمہیں وہ کچھ ملے گا جس کی تفصیل سنا دی گئی۔
Ayah 77:48

وَ اِذَا قِیْلَ لَهُمُ ارْكَعُوْا لَا یَرْكَعُوْنَ Open ayah 77:48 in the Quran reader

اور جب ان لوگوں سے کہا جاتا ہے کہ جھکو (اپنے رب کے آگے) تو نہیں جھکتے۔

[18] رب کے آگے جھکنے سے مراد صرف نماز ہی نہیں ہے بلکہ اللہ کے احکام کی اطاعت بھی ہے۔
Ayahs 77:49–50

وَیْلٌ یَّوْمَئِذٍ لِّلْمُكَذِّبِیْنَ Open ayah 77:49 in the Quran reader

تباہی ہے اس دن جھٹلانے والوں کے لئے۔

فَبِاَیِّ حَدِیْثٍۭ بَعْدَهٗ یُؤْمِنُوْنَ۠ Open ayah 77:50 in the Quran reader

اب اس (قدر وعظ و نصیحت) کے بعد (ایسی اور) کون سی بات ہے جس سے یہ لوگ ایمان لائیں گے ؟

[19] اس دن پچھتائیں گے کہ دنیا میں احکام الٰہی کے آگے کیوں نہ جھکے۔ وہاں سر جھکاتے تو یہاں تباہی سے دوچار نہ ہوتے۔