38. Surah Saad

صٓ وَ الْقُرْاٰنِ ذِی الذِّكْرِؕ ﴿١﴾Open ayah 38:1 in the Quran reader

صاد۔ اس نصیحت بھرے قرآن کی قسم،

بَلِ الَّذِیْنَ كَفَرُوْا فِیْ عِزَّةٍ وَّ شِقَاقٍ ﴿٢﴾Open ayah 38:2 in the Quran reader

(ان لوگوں کا انکار کسی دلیل پر مبنی نہیں) بلکہ (یہ) کافر (سخت) گھمنڈ اور ہٹ دھرمی میں (مبتلا) ہیں۔

كَمْ اَهْلَكْنَا مِنْ قَبْلِهِمْ مِّنْ قَرْنٍ فَنَادَوْا وَّ لَاتَ حِیْنَ مَنَاصٍ ﴿٣﴾Open ayah 38:3 in the Quran reader

ہم ان سے پہلے کتنی ہی امتوں کو ہلاک کرچکے ہیں (اور جب ان پر ہمارا عذاب اترا) تو انہوں نے بڑی ہائے پکار کی مگر وہ وقت چھٹکارے کا نہ تھا۔

وَ عَجِبُوْۤا اَنْ جَآءَهُمْ مُّنْذِرٌ مِّنْهُمْ١٘ وَ قَالَ الْكٰفِرُوْنَ هٰذَا سٰحِرٌ كَذَّابٌۖۚ ﴿٤﴾Open ayah 38:4 in the Quran reader

ان لوگوں کو اس بات پر تعجب ہوا کہ ان (ہی) میں سے (ایک شخص عذاب الٰہی سے) ڈرانے والا ان کے پاس آگیا۔ اور (یہ) کافر کہنے لگے کہ یہ (شخص) ساحر (اور) کذاب ہے۔

اَجَعَلَ الْاٰلِهَةَ اِلٰهًا وَّاحِدًا١ۖۚ اِنَّ هٰذَا لَشَیْءٌ عُجَابٌ ﴿٥﴾Open ayah 38:5 in the Quran reader

(ارے) کیا اس نے سارے معبودوں کی جگہ بس ایک معبود بنا ڈالا ؟ یہ تو بڑی عجیب بات ہے۔

وَ انْطَلَقَ الْمَلَاُ مِنْهُمْ اَنِ امْشُوْا وَ اصْبِرُوْا عَلٰۤى اٰلِهَتِكُمْ١ۖۚ اِنَّ هٰذَا لَشَیْءٌ یُّرَادُۖۚ ﴿٦﴾Open ayah 38:6 in the Quran reader

اور ان لوگوں کے سردار یہ کہتے ہوئے چل کھڑے ہوئے کہ چلو جی، (اس کی ایک نہ سنو) اور جمے رہو اپنے معبودوں (کی عبادت) پر، ضرور اس بات میں (اس شخص کی) کوئی (ذاتی) غرض ہے۔

مَا سَمِعْنَا بِهٰذَا فِی الْمِلَّةِ الْاٰخِرَةِ١ۖۚ اِنْ هٰذَاۤ اِلَّا اخْتِلَاقٌۖۚ ﴿٧﴾Open ayah 38:7 in the Quran reader

ہم نے یہ بات تو پچھلے دین (نصرانیت) میں بھی نہ سنی۔ یہ محض ایک من گھڑت بات ہے۔

ءَاُنْزِلَ عَلَیْهِ الذِّكْرُ مِنْۢ بَیْنِنَا١ؕ بَلْ هُمْ فِیْ شَكٍّ مِّنْ ذِكْرِیْ١ۚ بَلْ لَّمَّا یَذُوْقُوْا عَذَابِؕ ﴿٨﴾Open ayah 38:8 in the Quran reader

کیا ہم میں سے (یہی شخص رہ گیا تھا کہ) اس پر (اللہ کا) ذکر نازل کیا گیا ؟ بلکہ ان لوگوں کو (سرے سے) ہمارے کلام (ہی) میں شک ہے۔ بلکہ (اصل بات یہ ہے کہ) انہوں نے (ابھی) ہمارے عذاب (کا مزا) نہیں چکھا (ورنہ ان کی عقل ٹھکانے آگئی ہوتی) ۔

اَمْ عِنْدَهُمْ خَزَآئِنُ رَحْمَةِ رَبِّكَ الْعَزِیْزِ الْوَهَّابِۚ ﴿٩﴾Open ayah 38:9 in the Quran reader

(اے پیغمبر، ) کیا تمہارے رب کی رحمت کے خزانے جو زبردست اور بہت عطا فرمانے والا ہے ان لوگوں کے پاس ہیں ؟

اَمْ لَهُمْ مُّلْكُ السَّمٰوٰتِ وَ الْاَرْضِ وَ مَا بَیْنَهُمَا١۫ فَلْیَرْتَقُوْا فِی الْاَسْبَابِ ﴿١٠﴾Open ayah 38:10 in the Quran reader

کیا آسمان اور زمین اور جو کچھ ان کے درمیان ہے ان (سب) کا اختیار ان کو (حاصل) ہے ؟ (اگر ہے) تو ان کو چاہئے کہ سیڑھیاں لگا کر (آسمان پر) چڑھ جائیں (اور اس رحمت کو روک دیں جو اللہ اپنے پیغمبر پر نازل فرما رہا ہے) ۔

جُنْدٌ مَّا هُنَالِكَ مَهْزُوْمٌ مِّنَ الْاَحْزَابِ ﴿١١﴾Open ayah 38:11 in the Quran reader

یہ تو ایک گروہ ہے منجملہ (مخالفین انبیاء کے) گروہوں کے جو اسی جگہ شکست کھانے والا ہے۔

كَذَّبَتْ قَبْلَهُمْ قَوْمُ نُوْحٍ وَّ عَادٌ وَّ فِرْعَوْنُ ذُو الْاَوْتَادِۙ ﴿١٢﴾Open ayah 38:12 in the Quran reader

ان سے پہلے قوم نوح، اور عاد، اور میخوں والا فرعون، (یہ سب پیغمبروں کو) جھٹلا چکے ہیں۔

وَ ثَمُوْدُ وَ قَوْمُ لُوْطٍ وَّ اَصْحٰبُ لْئَیْكَةِ١ؕ اُولٰٓئِكَ الْاَحْزَابُ ﴿١٣﴾Open ayah 38:13 in the Quran reader

اور ثمود اور قوم لوط اور آیکہ والے (بڑے بڑے) یہی تو وہ گروہ تھے۔

اِنْ كُلٌّ اِلَّا كَذَّبَ الرُّسُلَ فَحَقَّ عِقَابِ۠ ﴿١٤﴾Open ayah 38:14 in the Quran reader

ان سب ہی نے پیغمبروں کو جھٹلایا تو (ہمارا) عذاب ( ان پر) چسپاں ہو کر رہا۔

وَ مَا یَنْظُرُ هٰۤؤُلَآءِ اِلَّا صَیْحَةً وَّاحِدَةً مَّا لَهَا مِنْ فَوَاقٍ ﴿١٥﴾Open ayah 38:15 in the Quran reader

اور (اب) یہ لوگ بھی بس ایک چنگھاڑ کے منتظر ہیں جس کے بعد کوئی مہلت نہیں۔

وَ قَالُوْا رَبَّنَا عَجِّلْ لَّنَا قِطَّنَا قَبْلَ یَوْمِ الْحِسَابِ ﴿١٦﴾Open ayah 38:16 in the Quran reader

اور یہ کہتے ہیں کہ اے ہمارے رب، ہم کو ہمارا حصہ روز حساب سے پہلے ہی دے دے۔

اِصْبِرْ عَلٰى مَا یَقُوْلُوْنَ وَ اذْكُرْ عَبْدَنَا دَاوٗدَ ذَا الْاَیْدِ١ۚ اِنَّهٗۤ اَوَّابٌ ﴿١٧﴾Open ayah 38:17 in the Quran reader

(اے پیغمبر، ) جیسی جیسی باتیں یہ لوگ کرتے ہیں ان پر صبر کرو اور ہمارے بندے داؤد کو یاد کرو کہ (باوجودیکہ وہ بڑی) قوت رکھتا تھا (مگر اس پر بھی) وہ (ہر معاملے میں ہماری طرف) رجوع کرنے والا تھا۔

اِنَّا سَخَّرْنَا الْجِبَالَ مَعَهٗ یُسَبِّحْنَ بِالْعَشِیِّ وَ الْاِشْرَاقِۙ ﴿١٨﴾Open ayah 38:18 in the Quran reader

ہم نے پہاڑوں کو اس کے تابع کر رکھا تھا کہ صبح و شام وہ اس کے ساتھ تسبیح (وتقدیس) کرتے تھے۔

وَ الطَّیْرَ مَحْشُوْرَةً١ؕ كُلٌّ لَّهٗۤ اَوَّابٌ ﴿١٩﴾Open ayah 38:19 in the Quran reader

اور ( اسی طرح) پرندوں کو بھی (اس کا تابع کر رکھا تھا) کہ وہ بھی (اس کے پاس) سمٹ آتے (اور) سب کے سب اس کی طرف متوجہ رہتے۔

وَ شَدَدْنَا مُلْكَهٗ وَ اٰتَیْنٰهُ الْحِكْمَةَ وَ فَصْلَ الْخِطَابِ ﴿٢٠﴾Open ayah 38:20 in the Quran reader

اور ہم نے اس کی سلطنت کو مستحکم کردیا تھا اور اسے حکمت اور فیصلہ کن بات کہنے کی صلاحیت عطا فرمائی تھی۔

وَ هَلْ اَتٰىكَ نَبَؤُا الْخَصْمِ١ۘ اِذْ تَسَوَّرُوا الْمِحْرَابَۙ ﴿٢١﴾Open ayah 38:21 in the Quran reader

اور (اے پیغمبر، ) بھلا (ان) دعویداروں کی (بھی) خبر تمہیں پہنچی ہے جب وہ دیوار پھاند کر (داؤد کے) حجرہئ (عبادت) میں داخل ہوئے تھے ؟

اِذْ دَخَلُوْا عَلٰى دَاوٗدَ فَفَزِعَ مِنْهُمْ قَالُوْا لَا تَخَفْ١ۚ خَصْمٰنِ بَغٰى بَعْضُنَا عَلٰى بَعْضٍ فَاحْكُمْ بَیْنَنَا بِالْحَقِّ وَ لَا تُشْطِطْ وَ اهْدِنَاۤ اِلٰى سَوَآءِ الصِّرَاطِ ﴿٢٢﴾Open ayah 38:22 in the Quran reader

جب وہ داؤد کے پاس پہنچے تو وہ ان (کے بےوقت اور خلاف عادت آنے) سے گھبرا گیا۔ وہ بولے، '' آپ ڈرئیے نہیں، ہم دو فریق مقدمہ ہیں۔ ہم میں سے ایک نے دوسرے پر زیادتی کی ہے تو لہذا آپ (سے درخواست ہے کہ) ہمارے درمیان منصفانہ فیصلہ کر دیجئے اور (کوئی) بےانصافی نہ کیجئے۔ اور ہمیں سیدھی راہ بتا دیجئے۔

اِنَّ هٰذَاۤ اَخِیْ١۫ لَهٗ تِسْعٌ وَّ تِسْعُوْنَ نَعْجَةً وَّلِیَ نَعْجَةٌ وَّاحِدَةٌ١۫ فَقَالَ اَكْفِلْنِیْهَا وَ عَزَّنِیْ فِی الْخِطَابِ ﴿٢٣﴾Open ayah 38:23 in the Quran reader

'' یہ شخص میرا بھائی ہے، اس کے پاس ننانوے دنبیاں ہیں اور میرے پاس صرف ایک ہی دنبی ہے۔ اب یہ کہتا ہے کہ اپنی (ایک) دنبی بھی میرے حوالے کر دے اور گفتگو میں مجھے دباتا ہے (اور اپنے آگے میری بات چلنے نہیں دیتا۔ ) ''۔

قَالَ لَقَدْ ظَلَمَكَ بِسُؤَالِ نَعْجَتِكَ اِلٰى نِعَاجِهٖ١ؕ وَ اِنَّ كَثِیْرًا مِّنَ الْخُلَطَآءِ لَیَبْغِیْ بَعْضُهُمْ عَلٰى بَعْضٍ اِلَّا الَّذِیْنَ اٰمَنُوْا وَ عَمِلُوا الصّٰلِحٰتِ وَ قَلِیْلٌ مَّا هُمْ١ؕ وَ ظَنَّ دَاوٗدُ اَنَّمَا فَتَنّٰهُ فَاسْتَغْفَرَ رَبَّهٗ وَ خَرَّ رَاكِعًا وَّ اَنَابَ۩ ﴿٢٤﴾Open ayah 38:24 in the Quran reader

(داؤد نے) کہا، '' اس شخص نے تیری دنبی اپنی دنبیوں میں ملانے کا مطالبہ کر کے واقعی تجھ پر ظلم کیا اور یہ واقعہ ہے کہ مل جل کر رہنے والے لوگ اکثر ایک دوسرے پر (اسی طرح) زیادتی کیا کرتے ہیں، مگر (ہاں) جو لوگ ایمان رکھتے اور نیک عمل کرتے ہیں (وہ اس سے بچے ہوئے ہیں) اور ایسے لوگ بہت ہی کم ہیں۔ '' اور (یہ بات کہتے کہتے) داؤد کو خیال آیا کہ ہم نے دراصل اس کی آزمائش کی ہے، چناچہ اس نے اپنے رب کے آگے (توبہ و) استغفار کی اور سجدے میں گرگیا اور (ہماری طرف) رجوع کیا۔

فَغَفَرْنَا لَهٗ ذٰلِكَ١ؕ وَ اِنَّ لَهٗ عِنْدَنَا لَزُلْفٰى وَ حُسْنَ مَاٰبٍ ﴿٢٥﴾Open ayah 38:25 in the Quran reader

تب ہم نے اس کا وہ قصور معاف کردیا اور یقینا ہمارے ہاں اس کے لئے (خاص) قرب اور اچھا ٹھکانہ ہے۔

یٰدَاوٗدُ اِنَّا جَعَلْنٰكَ خَلِیْفَةً فِی الْاَرْضِ فَاحْكُمْ بَیْنَ النَّاسِ بِالْحَقِّ وَ لَا تَتَّبِعِ الْهَوٰى فَیُضِلَّكَ عَنْ سَبِیْلِ اللّٰهِ١ؕ اِنَّ الَّذِیْنَ یَضِلُّوْنَ عَنْ سَبِیْلِ اللّٰهِ لَهُمْ عَذَابٌ شَدِیْدٌۢ بِمَا نَسُوْا یَوْمَ الْحِسَابِ۠ ﴿٢٦﴾Open ayah 38:26 in the Quran reader

(ہم نے داؤد سے فرمایا، ) '' اے داؤد، ہم نے تم کو زمین میں نائب بنایا ہے پس لوگوں کے درمیان انصاف کے ساتھ فیصلے کیا کرو اور (اپنی نفسانی) خواہش کی پیروی نہ کرو کہ وہ اللہ کے راستے سے تم کو بھٹکا دے گی۔ (اور) جو لوگ اللہ کے راستے سے بھٹکتے ہیں ان کے لئے یقینا سخت عذاب ہے اس لئے کہ وہ روز حساب کو بھولے رہے۔

وَ مَا خَلَقْنَا السَّمَآءَ وَ الْاَرْضَ وَ مَا بَیْنَهُمَا بَاطِلًا١ؕ ذٰلِكَ ظَنُّ الَّذِیْنَ كَفَرُوْا١ۚ فَوَیْلٌ لِّلَّذِیْنَ كَفَرُوْا مِنَ النَّارِؕ ﴿٢٧﴾Open ayah 38:27 in the Quran reader

اور (دیکھو، ) ہم نے آسمان اور زمین کو اور جو کچھ ان کے درمیان ہے بیکار پیدا نہیں کیا یہ تو ان لوگوں کا خیال ہے جنہوں نے کفر (کا راستہ اختیار) کیا ہے، تو (ایسے) کافروں کے لئے ہلاکت ہے (دوزخ کی) آگ سے۔

اَمْ نَجْعَلُ الَّذِیْنَ اٰمَنُوْا وَ عَمِلُوا الصّٰلِحٰتِ كَالْمُفْسِدِیْنَ فِی الْاَرْضِ١٘ اَمْ نَجْعَلُ الْمُتَّقِیْنَ كَالْفُجَّارِ ﴿٢٨﴾Open ayah 38:28 in the Quran reader

کیا ہم ان لوگوں کو جو ایمان لائے اور انہوں نے نیک عمل (بھی) کئے زمین میں فساد مچانے والوں کی طرح کردیں ؟ کیا ہم پرہیزگاروں کو بدکاروں جیسا کردیں ؟

كِتٰبٌ اَنْزَلْنٰهُ اِلَیْكَ مُبٰرَكٌ لِّیَدَّبَّرُوْۤا اٰیٰتِهٖ وَ لِیَتَذَكَّرَ اُولُوا الْاَلْبَابِ ﴿٢٩﴾Open ayah 38:29 in the Quran reader

(اے پیغمبر، انہی حقائق کی یاد دہانی کے لئے) یہ مبارک کتاب ہم نے تمہاری طرف اتاری ہے تاکہ لوگ اس کی آیتوں میں غور (وفکر) کریں اور اہل فہم (اس سے) نصیحت حاصل کریں۔

وَ وَهَبْنَا لِدَاوٗدَ سُلَیْمٰنَ١ؕ نِعْمَ الْعَبْدُ١ؕ اِنَّهٗۤ اَوَّابٌؕ ﴿٣٠﴾Open ayah 38:30 in the Quran reader

اور (دیکھو، ) ہم نے داؤد کو سلیمان (جیسا بیٹا) عنایت فرمایا (جوبہت) خوب بندہ تھا اور (اپنے رب کی طرف) بڑا ہی رجوع کرنے والا تھا۔

اِذْ عُرِضَ عَلَیْهِ بِالْعَشِیِّ الصّٰفِنٰتُ الْجِیَادُۙ ﴿٣١﴾Open ayah 38:31 in the Quran reader

(ایک دفعہ) شام کے وقت جب اس کے روبرو اصیل اور عمدہ گھوڑے پیش کئے گئے

فَقَالَ اِنِّیْۤ اَحْبَبْتُ حُبَّ الْخَیْرِ عَنْ ذِكْرِ رَبِّیْ١ۚ حَتّٰى تَوَارَتْ بِالْحِجَابِٙ ﴿٣٢﴾Open ayah 38:32 in the Quran reader

تو اس نے کہا، '' مجھے اس مال کی محبت اپنے رب کی یاد کی وجہ سے پسند آئی ہے ''۔ (پھر انہیں چلانے کا حکم دیا) یہاں تک کہ وہ پردے میں چھپ گئے۔

رُدُّوْهَا عَلَیَّ١ؕ فَطَفِقَ مَسْحًۢا بِالسُّوْقِ وَ الْاَعْنَاقِ ﴿٣٣﴾Open ayah 38:33 in the Quran reader

(پھر اس نے حکم دیا کہ) انہیں میرے پاس واپس لاؤ۔ (چنانچہ وہ لائے گئے) تو وہ ان کی پنڈلیوں اور گردنوں پر ہاتھ پھیرنے لگا۔

وَ لَقَدْ فَتَنَّا سُلَیْمٰنَ وَ اَلْقَیْنَا عَلٰى كُرْسِیِّهٖ جَسَدًا ثُمَّ اَنَابَ ﴿٣٤﴾Open ayah 38:34 in the Quran reader

اور (دیکھو، ) سلیمان کو (بھی) ہم نے آزمایا اور اس کے تخت پر ایک جسم ڈال دیا۔ پھر اس نے (ہماری طرف) رجوع کیا۔

قَالَ رَبِّ اغْفِرْ لِیْ وَهَبْ لِیْ مُلْكًا لَّا یَنْۢبَغِیْ لِاَحَدٍ مِّنْۢ بَعْدِیْ١ۚ اِنَّكَ اَنْتَ الْوَهَّابُ ﴿٣٥﴾Open ayah 38:35 in the Quran reader

(اس نے) کہا، '' اے میرے رب میرا قصور معاف فرما اور مجھے ایسی سلطنت عطا کر جو میرے بعد کسی کو سزاوار نہ ہو۔ بیشک تو بڑا فیاض ہے۔ ''

فَسَخَّرْنَا لَهُ الرِّیْحَ تَجْرِیْ بِاَمْرِهٖ رُخَآءً حَیْثُ اَصَابَۙ ﴿٣٦﴾Open ayah 38:36 in the Quran reader

تب ہم نے ہوا کو اس کے تابع کردیا جو اس کے حکم سے نرمی کے ساتھ (اس طرف) چلتی تھی جہاں وہ پہنچنا چاہتا تھا۔

وَ الشَّیٰطِیْنَ كُلَّ بَنَّآءٍ وَّ غَوَّاصٍۙ ﴿٣٧﴾Open ayah 38:37 in the Quran reader

اور (اسی طرح) شیاطین (یعنی جنات) معماروں اور غوطہ خوروں کو (بھی اس کا تابع کردیا)

وَّ اٰخَرِیْنَ مُقَرَّنِیْنَ فِی الْاَصْفَادِ ﴿٣٨﴾Open ayah 38:38 in the Quran reader

اور دوسرے (شیاطین کو بھی) جو زنجیروں میں جکڑے ہوئے رہتے۔

هٰذَا عَطَآؤُنَا فَامْنُنْ اَوْ اَمْسِكْ بِغَیْرِ حِسَابٍ ﴿٣٩﴾Open ayah 38:39 in the Quran reader

(ہم نے سلیمان سے کہا، ) '' یہ ہے ہماری بخشش، اب تم (چاہو لوگوں کو دو اور ان پر) احسان کرو یا (تمام سازو سامان) اپنے ہی پاس رکھے رہو، (تم پر) کوئی حساب نہیں۔ ''

وَ اِنَّ لَهٗ عِنْدَنَا لَزُلْفٰى وَ حُسْنَ مَاٰبٍ۠ ﴿٤٠﴾Open ayah 38:40 in the Quran reader

اور یقینا اس کے لئے ہمارے ہاں تقرب ہے اور اچھا ٹھکانہ۔