28. Surah Al-Qasas
القصصThe Stories · 88 ayahsتفسیر الکتاب
فَخَرَجَ عَلٰى قَوْمِهٖ فِیْ زِیْنَتِهٖ١ؕ قَالَ الَّذِیْنَ یُرِیْدُوْنَ الْحَیٰوةَ الدُّنْیَا یٰلَیْتَ لَنَا مِثْلَ مَاۤ اُوْتِیَ قَارُوْنُ١ۙ اِنَّهٗ لَذُوْ حَظٍّ عَظِیْمٍ Open ayah 28:79 in the Quran reader
پھر (ایک دن) وہ اپنی قوم کے سامنے اپنے پورے ٹھاٹھ سے نکلا (تو) جو لوگ دنیا کی زندگی کے طالب تھے (اس کو دیکھ کر) کہنے لگے کہ جو کچھ قارون کو ملا ہے کاش ہمارے پاس بھی ہوتا۔ بلاشبہ یہ بڑا نصیبے والا ہے۔
وَ قَالَ الَّذِیْنَ اُوْتُوا الْعِلْمَ وَیْلَكُمْ ثَوَابُ اللّٰهِ خَیْرٌ لِّمَنْ اٰمَنَ وَ عَمِلَ صَالِحًا١ۚ وَ لَا یُلَقّٰىهَاۤ اِلَّا الصّٰبِرُوْنَ Open ayah 28:80 in the Quran reader
اور جن لوگوں کو (دین کا) فہم عطا ہوا تھا (وہ ان لوگوں سے) کہنے لگے، '' افسوس تمہارے حال پر ! اللہ کے ہاں ثواب کہیں بہتر ہے اس شخص کے لئے جو ایمان لائے اور نیک عمل (بھی) کرے اور یہ (دولت) نہیں ملتی مگر صبر کرنے والوں کو ''۔
فَخَسَفْنَا بِهٖ وَ بِدَارِهِ الْاَرْضَ١۫ فَمَا كَانَ لَهٗ مِنْ فِئَةٍ یَّنْصُرُوْنَهٗ مِنْ دُوْنِ اللّٰهِ١ۗ وَ مَا كَانَ مِنَ الْمُنْتَصِرِیْنَ Open ayah 28:81 in the Quran reader
آخرکار ہم نے اسے اور اس کے گھر کو زمین میں دھنسا دیا تو کوئی جماعت نہ تھی جو اللہ کے مقابلے میں اس کی مدد کرتی اور نہ وہ خود ہی بدلہ لے سکا۔
وَ اَصْبَحَ الَّذِیْنَ تَمَنَّوْا مَكَانَهٗ بِالْاَمْسِ یَقُوْلُوْنَ وَیْكَاَنَّ اللّٰهَ یَبْسُطُ الرِّزْقَ لِمَنْ یَّشَآءُ مِنْ عِبَادِهٖ وَ یَقْدِرُ١ۚ لَوْ لَاۤ اَنْ مَّنَّ اللّٰهُ عَلَیْنَا لَخَسَفَ بِنَا١ؕ وَیْكَاَنَّهٗ لَا یُفْلِحُ الْكٰفِرُوْنَ۠ Open ayah 28:82 in the Quran reader
اور جو لوگ کل (شام) اس کی جگہ (ہونے) کی تمنا کر رہے تھے وہ (آج) صبح کہنے لگے، '' افسوس، (ہم بھول گئے تھے کہ) اللہ اپنے بندوں میں سے جس کی روزی چاہتا ہے فراخ کردیتا ہے اور (جس کی چاہتا ہے) نپی تلی کردیتا ہے۔ اگر اللہ ہم پر (اپنا) کرم نہ کرتا تو (قارون کی طرح) ہمیں بھی دھنسا دیتا۔ افسوس، (ہمیں یاد نہ رہا کہ) کافر (کبھی) فلاح نہیں پایا کرتے ''۔
تِلْكَ الدَّارُ الْاٰخِرَةُ نَجْعَلُهَا لِلَّذِیْنَ لَا یُرِیْدُوْنَ عُلُوًّا فِی الْاَرْضِ وَ لَا فَسَادًا١ؕ وَ الْعَاقِبَةُ لِلْمُتَّقِیْنَ Open ayah 28:83 in the Quran reader
یہ آخرت کا گھر تو ہم نے انہی لوگوں کے لئے مخصوص کر رکھا ہے جو دنیا میں نہ بڑا بننا چاہتے ہیں اور نہ فساد کرنا اور انجام (نیک تو) متقیوں ہی کے لئے ہے۔
مَنْ جَآءَ بِالْحَسَنَةِ فَلَهٗ خَیْرٌ مِّنْهَا١ۚ وَ مَنْ جَآءَ بِالسَّیِّئَةِ فَلَا یُجْزَى الَّذِیْنَ عَمِلُوا السَّیِّاٰتِ اِلَّا مَا كَانُوْا یَعْمَلُوْنَ Open ayah 28:84 in the Quran reader
جو شخص (قیامت کے دن) نیکی لے کر حاضر ہوگا اس کو اس سے بہتر (بدلہ ملے گا) اور جو بدی لے کر حاضر ہوگا تو جن لوگوں نے برے عمل کئے ہیں ان کو بس ویسا ہی بدلہ ملے گا جیسا کہ وہ (دُنیا میں) کرتے رہے تھے۔
اِنَّ الَّذِیْ فَرَضَ عَلَیْكَ الْقُرْاٰنَ لَرَآدُّكَ اِلٰى مَعَادٍ١ؕ قُلْ رَّبِّیْۤ اَعْلَمُ مَنْ جَآءَ بِالْهُدٰى وَ مَنْ هُوَ فِیْ ضَلٰلٍ مُّبِیْنٍ Open ayah 28:85 in the Quran reader
پس (اے پیغمبر) جس ( اللہ) نے یہ قرآن تم پر فرض کیا ہے۔ وہ ضرور تم کو پھیر لے جائے گا پہلی جگہ (جہاں تم پھرنا چاہتے ہو) ۔ (ان لوگوں سے) کہہ دو کہ میرے رب کو خوب معلوم ہے کہ کون (ان کی طرف سے) ہدایت لے کر آیا ہے اور کون صریح گمراہی میں (پڑا) ہے
وَ مَا كُنْتَ تَرْجُوْۤا اَنْ یُّلْقٰۤى اِلَیْكَ الْكِتٰبُ اِلَّا رَحْمَةً مِّنْ رَّبِّكَ فَلَا تَكُوْنَنَّ ظَهِیْرًا لِّلْكٰفِرِیْنَ٘ Open ayah 28:86 in the Quran reader
اور (اے پیغمبر، ) تم کو (ہرگز) توقع نہ تھی کہ (اللہ کی طرف سے) تم پر کتاب نازل کی جائے گی۔ یہ تو محض تمہارے رب کی مہربانی سے (تم پر نازل ہوئی ہے) پس تم (بےلاگ لپیٹ اسے سناؤ اور) ہرگز کافروں کے مددگار نہ بنو۔
وَ لَا یَصُدُّنَّكَ عَنْ اٰیٰتِ اللّٰهِ بَعْدَ اِذْ اُنْزِلَتْ اِلَیْكَ وَ ادْعُ اِلٰى رَبِّكَ وَ لَا تَكُوْنَنَّ مِنَ الْمُشْرِكِیْنَۚ Open ayah 28:87 in the Quran reader
اور (دیکھو، ایسا نہ ہونے پائے کہ) جب احکام الٰہی تم پر نازل ہو چکیں تو اس کے بعد یہ لوگ تمہیں ان (کی تعمیل) سے روکیں (اور تم رک جاؤ بلکہ صبر و استقلال کے ساتھ اپنا فرض رسالت ادا کئے جاؤ) اور اپنے رب کی طرف (لوگوں کو) بلائے چلے جاؤ اور مشرکوں میں (ہرگز) شامل نہ ہو
وَ لَا تَدْعُ مَعَ اللّٰهِ اِلٰهًا اٰخَرَ١ۘ لَاۤ اِلٰهَ اِلَّا هُوَ١۫ كُلُّ شَیْءٍ هَالِكٌ اِلَّا وَجْهَهٗ١ؕ لَهُ الْحُكْمُ وَ اِلَیْهِ تُرْجَعُوْنَ۠ Open ayah 28:88 in the Quran reader
اور نہ (کبھی) اللہ کے ساتھ کسی معبود کو پکارو (کیونکہ) اس کے سوا کوئی اور معبود نہیں۔ ہر چیز فنا ہونے والی ہے سوائے اس کی ذات کے۔ حکومت اسی کی ہے اور اسی کی طرف تم (سب) کو لوٹ کر جانا ہے۔