27. Surah An-Naml

وَ مَاۤ اَنْتَ بِهٰدِی الْعُمْیِ عَنْ ضَلٰلَتِهِمْ١ؕ اِنْ تُسْمِعُ اِلَّا مَنْ یُّؤْمِنُ بِاٰیٰتِنَا فَهُمْ مُّسْلِمُوْنَ ﴿٨١﴾Open ayah 27:81 in the Quran reader

اور نہ تم اندھوں کو ان کی گمراہی سے (نکال کر) راہ راست پر لاسکتے ہو۔ تم تو بس انہی لوگوں کو (اپنی باتیں) سنا سکتے ہو جو ہماری آیتوں پر ایمان لاتے ہیں (اور) پھر فرماں بردار بن جاتے ہیں۔

وَ اِذَا وَقَعَ الْقَوْلُ عَلَیْهِمْ اَخْرَجْنَا لَهُمْ دَآبَّةً مِّنَ الْاَرْضِ تُكَلِّمُهُمْ١ۙ اَنَّ النَّاسَ كَانُوْا بِاٰیٰتِنَا لَا یُوْقِنُوْنَ۠ ﴿٨٢﴾Open ayah 27:82 in the Quran reader

اور (دیکھو) جب (ہمارا) وعدہ (قیامت) ان لوگوں پر پورا (ہونے کو) ہوگا تو ہم زمین سے ان کے لئے ایک (عجیب) جانور نکال کھڑا کریں گے جو ان سے کلام کرے گا اس واسطے کہ لوگ ہماری آیتوں پر یقین نہیں کرتے تھے۔

وَ یَوْمَ نَحْشُرُ مِنْ كُلِّ اُمَّةٍ فَوْجًا مِّمَّنْ یُّكَذِّبُ بِاٰیٰتِنَا فَهُمْ یُوْزَعُوْنَ ﴿٨٣﴾Open ayah 27:83 in the Quran reader

اور (اے پیغمبر، ذرا تصور کرو اس دن کا) جس دن ہم ہر امت میں سے ایک فوج (کی فوج) ان لوگوں کی جمع کریں گے جو ہماری آیتوں کو جھٹلایا کرتے تھے۔ پھر وہ صف بستہ کھڑے کر دئیے جائیں گے۔

حَتّٰۤى اِذَا جَآءُوْ قَالَ اَكَذَّبْتُمْ بِاٰیٰتِیْ وَ لَمْ تُحِیْطُوْا بِهَا عِلْمًا اَمَّا ذَا كُنْتُمْ تَعْمَلُوْنَ ﴿٨٤﴾Open ayah 27:84 in the Quran reader

یہاں تک کہ جب سب حاضر ہوجائیں گے تو (اللہ ان سے) پوچھے گا، '' کیا تم نے ہماری آیتوں کو جھٹلایا تھا حالانکہ تم نے ان کا علمی احاطہ بھی نہیں کیا تھا ؟ یا (یہ نہیں تو اور) کیا کرتے رہے ؟

وَ وَقَعَ الْقَوْلُ عَلَیْهِمْ بِمَا ظَلَمُوْا فَهُمْ لَا یَنْطِقُوْنَ ﴿٨٥﴾Open ayah 27:85 in the Quran reader

اور چونکہ یہ (لوگ دنیا کی زندگی میں) بڑی زیادتیاں کرتے رہے تھے (اس لئے اب) ان پر (عذاب کا) وعدہ پورا ہوگا اور یہ لوگ بات بھی نہ کرسکیں گے۔

اَلَمْ یَرَوْا اَنَّا جَعَلْنَا الَّیْلَ لِیَسْكُنُوْا فِیْهِ وَ النَّهَارَ مُبْصِرًا١ؕ اِنَّ فِیْ ذٰلِكَ لَاٰیٰتٍ لِّقَوْمٍ یُّؤْمِنُوْنَ ﴿٨٦﴾Open ayah 27:86 in the Quran reader

کیا ان کو نظر نہ آتا تھا کہ ہم نے رات اس لئے بنائی تھی کہ اس میں سکون حاصل کریں اور دن کو روشن کیا تھا (کہ اس میں چیزوں کو دیکھیں بھالیں) ؟ بلاشبہ اس (روز وشب کے اختلاف) میں (بہت سی) نشانیاں ہیں ان لوگوں کے لئے جو ایمان رکھتے ہیں۔

وَ یَوْمَ یُنْفَخُ فِی الصُّوْرِ فَفَزِعَ مَنْ فِی السَّمٰوٰتِ وَ مَنْ فِی الْاَرْضِ اِلَّا مَنْ شَآءَ اللّٰهُ١ؕ وَ كُلٌّ اَتَوْهُ دٰخِرِیْنَ ﴿٨٧﴾Open ayah 27:87 in the Quran reader

اور جس دن صور پھونکا جائے گا تو وہ سب جو آسمانوں اور زمین میں ہیں (اس کی آواز سن کر) گھبرا جائیں گے سوائے ان کے جنہیں اللہ (اس گھبراہٹ سے بچانا) چاہے اور سب (کے سب) کان دبائے اس کے حضور حاضر ہوجائیں گے۔

وَ تَرَى الْجِبَالَ تَحْسَبُهَا جَامِدَةً وَّ هِیَ تَمُرُّ مَرَّ السَّحَابِ١ؕ صُنْعَ اللّٰهِ الَّذِیْۤ اَتْقَنَ كُلَّ شَیْءٍ١ؕ اِنَّهٗ خَبِیْرٌۢ بِمَا تَفْعَلُوْنَ ﴿٨٨﴾Open ayah 27:88 in the Quran reader

(اے انسان، ) آج تو پہاڑوں کو دیکھ کر خیال کرتا ہے کہ وہ (اپنی جگہ پر) جمے ہوئے ہیں (اور ہل نہیں سکتے) مگر یہ (قیامت کے دن) بادل کی طرح اڑے اڑے پھریں گے۔ (یہ بھی) اللہ کی کاریگری ہے جس نے ہر چیز کو مضبوط بنا رکھا ہے۔ بلاشبہ جو کچھ بھی تم کرتے ہو وہ اس سے پوری طرح باخبر ہے۔

مَنْ جَآءَ بِالْحَسَنَةِ فَلَهٗ خَیْرٌ مِّنْهَا١ۚ وَ هُمْ مِّنْ فَزَعٍ یَّوْمَئِذٍ اٰمِنُوْنَ ﴿٨٩﴾Open ayah 27:89 in the Quran reader

جو شخص نیکی لے کر حاضر ہوگا تو اس کو اس سے بہتر (بدلہ) ملے گا اور ایسے لوگ اس دن (کے) ہول سے امن میں ہوں گے۔

وَ مَنْ جَآءَ بِالسَّیِّئَةِ فَكُبَّتْ وُجُوْهُهُمْ فِی النَّارِ١ؕ هَلْ تُجْزَوْنَ اِلَّا مَا كُنْتُمْ تَعْمَلُوْنَ ﴿٩٠﴾Open ayah 27:90 in the Quran reader

اور جو شخص بدی لے کر آئے گا تو ایسے لوگ اوندھے منہ دوزخ میں ڈال دئیے جائیں گے۔ (اور ان سے کہا جائے گا، ) کیا تم لوگ اپنے کرتوتوں کی اس کے سوا کوئی اور جزا پاسکتے ہو ؟۔

اِنَّمَاۤ اُمِرْتُ اَنْ اَعْبُدَ رَبَّ هٰذِهِ الْبَلْدَةِ الَّذِیْ حَرَّمَهَا وَ لَهٗ كُلُّ شَیْءٍ١٘ وَّ اُمِرْتُ اَنْ اَكُوْنَ مِنَ الْمُسْلِمِیْنَۙ ﴿٩١﴾Open ayah 27:91 in the Quran reader

(اے پیغمبر، ان لوگوں سے کہو کہ) مجھے تو بس یہی حکم دیا گیا ہے کہ اس شہر (مکہ) کے مالک (حقیقی) کی عبادت کروں جس نے اسے محترم بنایا ہے اور (جو) ہر چیز کا مالک ہے۔ اور مجھے یہ حکم (بھی) دیا گیا ہے کہ (اسی کی) فرماں برداری میں رہوں۔

وَ اَنْ اَتْلُوَا الْقُرْاٰنَ١ۚ فَمَنِ اهْتَدٰى فَاِنَّمَا یَهْتَدِیْ لِنَفْسِهٖ١ۚ وَ مَنْ ضَلَّ فَقُلْ اِنَّمَاۤ اَنَا مِنَ الْمُنْذِرِیْنَ ﴿٩٢﴾Open ayah 27:92 in the Quran reader

اور یہ کہ (لوگوں کو) قرآن پڑھ کر سناؤں۔ پس (میری تبلیغ کے بعد) جس نے ہدایت پائی تو اس نے اپنے بھلے کے لئے ہدایت پائی اور جو گمراہ ہوا تو کہہ دو کہ میں تو بس خبردار کردینے والوں میں سے ہوں۔

وَ قُلِ الْحَمْدُ لِلّٰهِ سَیُرِیْكُمْ اٰیٰتِهٖ فَتَعْرِفُوْنَهَا١ؕ وَ مَا رَبُّكَ بِغَافِلٍ عَمَّا تَعْمَلُوْنَ۠ ﴿٩٣﴾Open ayah 27:93 in the Quran reader

اور (اے پیغمبر، ان لوگوں سے) کہو کہ ساری تعریف اللہ ہی کے لئے ہے۔ عنقریب وہ تمہیں اپنی نشانیاں دکھائے گا اور تم انھیں پہچان لو گے۔ اور تمہارا رب ان کاموں سے بیخبر نہیں ہے جو تم لوگ کرتے ہو۔