51. Surah Adh-Dhaariyat

الذارياتThe Winnowing Winds · 60 ayahsتفسیر مطالعہ قرآن

Read Surah Adh-Dhaariyat in the Quran reader
Ayah 51:1

وَ الذّٰرِیٰتِ ذَرْوًاۙ Open ayah 51:1 in the Quran reader

قسم ہے اُن ہواؤں کی جو گرد اڑانے والی ہیں

وَالذّٰرِيٰتِ [ قسم ہے دھواں اڑانے والیوں (ہواؤں ) کی ] ذَرْوًا [ جیسا اڑانے کا حق ہے ] ترکیب : (آیات ۔ 1 تا 4) ۔ الحملت ۔ الجریت اور المقسمت ۔ یہ سب واو قسمیہ پر عطف ہونے کی وجہ سے حالت جر میں ہیں ۔ الجریت اسم الفاعل جار کی مونث جاریۃ کی جمع ہے ۔ جس کے لغوی معنی ہیں جاری ہونے والیاں ، پھر یہ کشتی کے لیے بھی آتا ہے۔ یہاں پر اس کا ترجمہ اگر ” کشتیاں “ کیا جائے تو یسرا بےمعنی ہوجائے گا ، اس لیے یہاں اس کا لغوی ترجمہ کرنا بہتر ہے۔
Ayah 51:2

فَالْحٰمِلٰتِ وِقْرًاۙ Open ayah 51:2 in the Quran reader

پھر پانی سے لدے ہوئے بادل اٹھانے والی ہیں

فَالْحٰمِلٰتِ [ پھر اٹھانے والیوں کی ] وِقْرًا [ بوجھ (بادل ) کو ]
Ayah 51:3

فَالْجٰرِیٰتِ یُسْرًاۙ Open ayah 51:3 in the Quran reader

پھر سبک رفتاری کے ساتھ چلنے والی ہیں

فَالْجٰرِيٰتِ [ پھر چلنے والیوں کی ] يُسْرًا [نرمی ہوتے ہوئے ]
Ayah 51:4

فَالْمُقَسِّمٰتِ اَمْرًاۙ Open ayah 51:4 in the Quran reader

پھر ایک بڑے کام (بارش) کی تقسیم کرنے والی ہیں

فَالْمُقَسِّمٰتِ [ پھر تقسیم کرنے والیوں کی ] اَمْرًا [ ایک حکم کو ]
Ayah 51:5

اِنَّمَا تُوْعَدُوْنَ لَصَادِقٌۙ Open ayah 51:5 in the Quran reader

حق یہ ہے کہ جس چیز کا تمہیں خوف دلایا جا رہا ہے وہ سچی ہے

اِنَّمَا [ کچھ نہیں سوائے اس کے کہ ] تُوْعَدُوْنَ [ تم لوگوں سے وعدہ کیا جاتا ہے ] لَصَادِقٌ [ (وہ) یقینا سچ ہونے والا ہے ]
Ayah 51:6

وَّ اِنَّ الدِّیْنَ لَوَاقِعٌؕ Open ayah 51:6 in the Quran reader

اور جزائے اعمال ضرور پیش آنی ہے

وَّاِنَّ الدِّيْنَ [ اور بیشک بدلہ ] لَوَاقِــعٌ [یقینا واقع ہونے والا ہے ]
Ayah 51:7

وَ السَّمَآءِ ذَاتِ الْحُبُكِۙ Open ayah 51:7 in the Quran reader

قسم ہے متفرق شکلوں والے آسمان کی

وَالسَّمَاۗءِ [قسم ہے آسمان کی ] ذَاتِ الْحُبُكِ [ جو راستوں والا ہے ] ح ب ک : (ن) حبکا ۔ مضبوط کرنا ، جو لائے کا کپڑے کو عمدہ بننا ۔ حبیک فعیل کے وزن پر صفت ہے ۔ اسم المفعول کے معنی میں ۔ مضبوط کیا ہوا ۔ بنا ہوا۔ حبیکۃ ۔ ج : حبک ۔ حبیک کا مؤنث ہے۔ ریت کے ٹیلے کا راستہ ۔ ستاروں کے درمیان کا راستہ ۔ زیرمطالعہ آیت ۔ 7 ۔
Ayah 51:8

اِنَّكُمْ لَفِیْ قَوْلٍ مُّخْتَلِفٍۙ Open ayah 51:8 in the Quran reader

(آخرت کے بارے میں) تمہاری بات ایک دوسرے سے مختلف ہے

اِنَّكُمْ [ یقیناتم لوگ ] لَفِيْ قَوْلٍ مُّخْتَلِفٍ [ لازما ایک اختلاف کرنے والی بات میں ہو ]
Ayah 51:9

یُّؤْفَكُ عَنْهُ مَنْ اُفِكَؕ Open ayah 51:9 in the Quran reader

اُس سے وہی برگشتہ ہوتا ہے جو حق سے پھرا ہوا ہے

يُّؤْفَكُ [ پھیرا جاتا ہے ] عَنْهُ [ اس (دین ) سے ] مَنْ [ اس کو جو ] اُفِكَ [ ضعیف العقل ہوا ] (آیت ۔ 9) عنہ میں ہ کی ضمیر قول مختلف کے لیے نہیں ہے ۔ اگر اس کے لیے ہوتی تو یؤفک بہ آتا ۔ ضمیر کے ساتھ عن کا صلہ بتارہا ہے کہ ضمیر اس کے لیے ہے جس کے بارے میں قول یعنی رائے مختلف ہے ، اور وہ الدین ہے۔
Ayah 51:10

قُتِلَ الْخَرّٰصُوْنَۙ Open ayah 51:10 in the Quran reader

مارے گئے قیاس و گمان سے حکم لگانے والے

قُتِلَ الْخَــرّٰصُوْنَ [ مارے جائیں جھوٹ اڑانے والے ] (آیت ۔ 10) قتل یہاں خبر یہ نہیں بلکہ دعائیہ ہے ۔ یہ ہم بتا چکے ہیں کہ دعا کی بعض صورتوں میں عربی میں فعل امر کے بجائے ماضی یا مضارع استعمال ہوتا ہے ۔ (دیکھیں آیت ۔ 2:72، نوٹ ۔ 2) ۔
Ayah 51:11

الَّذِیْنَ هُمْ فِیْ غَمْرَةٍ سَاهُوْنَۙ Open ayah 51:11 in the Quran reader

جو جہالت میں غرق اور غفلت میں مدہوش ہیں

الَّذِيْنَ هُمْ [ وہ لوگ کہ وہی ] فِيْ غَمْرَةٍ [ مدہوشی میں ] سَاهُوْنَ [ غافل ہونے والے ہیں ] س ھ و : (ن) سھوا ۔ دل کا دوسری طرف پھرجانا ۔ غافل ہونا ، بھولنا ، چوک جانا ۔ ساھ ۔ فاعل کے وزن پر صفت ہے ۔ بھولنے والا ۔ غافل ۔ زیر مطالعہ آیت 11 ۔
Ayah 51:12

یَسْئَلُوْنَ اَیَّانَ یَوْمُ الدِّیْنِؕ Open ayah 51:12 in the Quran reader

پوچھتے ہیں آخر وہ روز جزاء کب آئے گا؟

يَسْـَٔـلُوْنَ اَيَّانَ [ پوچھتے ہیں کب ہے ] يَوْمُ الدِّيْنِ [ بدلے کا دن ]
Ayah 51:13

یَوْمَ هُمْ عَلَى النَّارِ یُفْتَنُوْنَ Open ayah 51:13 in the Quran reader

وہ اُس روز آئے گا جب یہ لوگ آگ پر تپائے جائیں گے

يَوْمَ هُمْ عَلَي النَّارِ [ جس دن وہ لوگ آگ پر ] يُفْتَنُوْنَ [ عذاب دیئے جائیں گے ]
Ayah 51:14

ذُوْقُوْا فِتْنَتَكُمْ١ؕ هٰذَا الَّذِیْ كُنْتُمْ بِهٖ تَسْتَعْجِلُوْنَ Open ayah 51:14 in the Quran reader

(اِن سے کہا جائے گا) اب چکھو مزا اپنے فتنے کا یہ وہی چیز ہے جس کے لیے تم جلدی مچا رہے تھے

ذُوْقُوْا فِتْنَتَكُمْ ۭ [ تم لوگ چکھو اپنے عذاب کو ] ھٰذَا الَّذِيْ [ یہ وہ ہے ] كُنْتُمْ بِهٖ [ تم لوگ جس کی ] تَسْتَعْجِلُوْنَ [ جلدی مچاتے تھے ] نوٹ۔ 1: پچھلی سورة (ق) میں ان لوگوں کو جواب دیا گیا ہے جو قرآن کے اس دعوے کو بعید از امکان قرار دیتے تھے کہ لوگ مرنے کے بعد از سر نو زندہ کرکے اٹھائے جائیں گے ۔ اس سورة میں ایک قدم اور آگے بڑھ کر قرآن کے عذاب کے وعدے (دھمکی ) کو بھی ثابت کیا گیا ہے اور جزاء وسزا (بدلہ ) کو بھی ۔ استدلال کی بنیاد آفاق وانفس کے دلائل پر ہے۔ (تدبر قرآن ) یہاں جن مظاہر کائنات کی قسم کھائی ہے وہ یہ ہے کہ غبار اڑانے والی یعنی تیز وتند و ہوائیں جب چلتی ہیں تو بادلوں کو لے کر چلتی ہیں۔ پھر روئے زمین کے مختلف حصوں میں پھیل کر اللہ تعالیٰ کے حکم کے مطابق جہاں جتنا حکم ہوتا ہے، پانی تقسیم کرتی ہیں ۔ قسم اس بات پر کھائی گئی ہے کہ عذاب کا وعدہ اور جزاء وسزا یقینی ہے ۔ اس قسم کا مطلب یہ ہے کہ جس نظم اور باقاعدگی کے ساتھ بارش کا یہ نظام تمہاری آنکھوں کے سامنے چل رہا ہے وہ اس بات کی گواہی دے رہا ہے کہ یہ دنیا کوئی بےمقصد اور بےمعنی گھروندا نہیں ہے بلکہ یہ ایک حکیمانہ نظام ہے جس میں ہر کام کسی مقصد اور کسی مصلحت کے لیے ہورہا ہے ۔ اس نظام میں یہ کسی طرح ممکن نہیں ہے کہ انسان جیسی باشعور اور تمیز و تصرف کے اختیار والی مخلوق کو ایسے ہی چھوڑ دیا جائے اور اس سے کبھی کوئی باز پرس نہ ہو۔ جزاء وسزا کے تصور میں جس طرح بعث بعد الموت کا تصور از خود شامل ہے ، اسی طرح جزاء وسزا کی دلیل کے طور پر جس نظام کائنات کو بطور گواہ پیش کیا گیا ہے اسی طرح بعث بعد الموت کی دلیل بھی اس نظام میں از خود شامل ہے ۔ سورج کی شعاعیں روئے زمین کے ان تمام ذخائر آب پر اثر انداز ہوتی ہیں جن تک ان کی حرارت پہنچتی ہے ۔ اس عمل سے پانی کے بےحدوحساب قطرے اڑ جاتے ہیں اور اپنے مخزن میں باقی نہیں رہتے ۔ مگر وہ فنا نہیں ہوجاتے بلکہ بھاپ بن کر ایک ایک قطرہ ہوا میں محفوظ رہتا ہے ۔ پھر جب خدا کا حکم ہوتا ہے تو یہی ہوا ان قطروں کی بھاپ کو سمیٹ لاتی ہے، اس کو کثیف بادلوں کی شکل میں جمع کرتی ہے ، ان بادلوں کو لے کر روئے زمین کے مختلف حصوں میں پھیل جاتی ہے اور خدا کی طرف سے جو وقت مقرر ہے ٹھیک اسی وقت ایک ایک قطرے کو اسی شکل میں جس میں وہ پہلے تھا زمین پر واپس پہنچا دیتی ہے۔ یہ منظر جو آئے دن انسان کی آنکھوں کے سامنے گزر رہا ہے اس بات کی شہادت دیتا ہے کہ مرے ہوئے انسان کے اجزاء جسم اللہ تعالیٰ کے ایک اشارے پر جمع ہوسکتے ہیں اور انسان کو اسی شکل میں پھر اٹھا کر کھڑا کیا جاسکتا ہے جس میں وہ پہلے تھا ۔ (تفہیم القرآن سے ماخوذ) نوٹ۔ 2: یہ ہم پڑھ چکے ہیں کہ مفعول کے ساتھ ما کا استعمال اسے غیر معین کرتا ہے ، جیسے مثلا ما کا مطلب ہے کوئی سی بھی مثال ۔ (دیکھیں آیت ۔ 2: 26، نوٹ ۔ 1) اسی طرح تمیز کے ساتھ بھی ما کا استعمال ہوتا ہے ۔ جیسے قلیلا ما کا مطلب ہے بہت ہی تھوڑا ۔ گذشتہ متعدد آیات میں ہم نے اسی لحاظ سے ترجمہ کیا ہے، جیسے الاعراف کی آیات ۔ 3 اور ۔ 10 ۔ وغیرہ ۔ زیرمطالعہ آیت ۔ 17 میں گنجائش ہے کہ قلیلا من الیل ما میں ما کو قلیلا سے متعلق مانا جائے ۔ ایسی صورت میں آیت کا مطلب ہوجاتا ہے کہ رات میں بہت ہی تھوڑا سا سوتے تھے لیکن یہ مفہوم سورة المزمل سے مطابقت نہیں رکھتا ۔ وہاں ہدایت ہے کہ رات میں قیام کرو سوائے تھوڑی سی (قلیلا) رات کے۔ اس کے آگے قلیلا کی وضاحت ہے کہ آدھی رات یا اس سے کچھ کم یا اس سے کچھ زیادہ ۔ اردو محاورہ میں اس کو یوں سمجھیں کہ لگ بھگ آدھی رات قیام کے لیے اور لگ بھگ آدھی رات یا اس سے کچھ کم یا اس سے کچھ زیادہ ۔ اردو محاروہ میں اس کو یوں سمجھیں کہ لگ بھگ آدھی رات قیام کے لیے اور لگ بھگ آدھی رات سونے کے لیے پسندیدہ ہے یہ مفہوم قلیلا ما سے نہیں بلکہ قلیلا سے ادا ہوتا ہے ۔ اس لیے اس آیت میں ہم نے ما کو زائدہ ماننے کو ترجیح دی ہے ۔
Ayah 51:15

اِنَّ الْمُتَّقِیْنَ فِیْ جَنّٰتٍ وَّ عُیُوْنٍۙ Open ayah 51:15 in the Quran reader

البتہ متقی لوگ اُس روز باغوں اور چشموں میں ہوں گے

اِنَّ الْمُتَّقِيْنَ [ یقینا پرہیزگار لوگ ] فِيْ جَنّٰتٍ وَّعُيُوْنٍ [ باغوں اور چشموں میں ہوں گے ]
Ayah 51:16

اٰخِذِیْنَ مَاۤ اٰتٰىهُمْ رَبُّهُمْ١ؕ اِنَّهُمْ كَانُوْا قَبْلَ ذٰلِكَ مُحْسِنِیْنَؕ Open ayah 51:16 in the Quran reader

جو کچھ اُن کا رب انہیں دے گا اسے خوشی خوشی لے رہے ہوں گے وہ اُس دن کے آنے سے پہلے نیکو کار تھے

اٰخِذِيْنَ [ لینے والے ہوتے ہوئے ] مَآ اٰتٰىهُمْ رَبُّهُمْ ۭ [ اس کو جو دے گا ان کو ان کا رب ] اِنَّهُمْ كَانُوْا [ بیشک یہ لوگ تھے ] قَبْلَ ذٰلِكَ [ اس سے پہلے ] مُحْسِنِيْنَ [ حسن دینے والے (نیکی کو ) ]
Ayah 51:17

كَانُوْا قَلِیْلًا مِّنَ الَّیْلِ مَا یَهْجَعُوْنَ Open ayah 51:17 in the Quran reader

راتوں کو کم ہی سوتے تھے

كَانُوْا [یہ لوگ ] قَلِيْلًا مِّنَ الَّيْلِ مَا [ رات میں سے تھوڑا سا ] يَهْجَعُوْنَ [ سویا کرتے تھے ] ھ ج ع : (ف) ھجوعا ۔ رات کو سونا۔ زیر مطالعہ آیت ۔ 17 ۔ (آیت ۔ 17) اس آیت کی مختلف ترکیبیں کی گئی ہیں ۔ سادہ اور عام فہم ترکیب یہ ہے کہ کانوا یھجعون کو ماضی استمراری مانا جائے ۔ ایسی صورت میں مازائدہ ہوگا اور اس کے کوئی معنی نہیں ہوں گے ۔
Ayah 51:18

وَ بِالْاَسْحَارِ هُمْ یَسْتَغْفِرُوْنَ Open ayah 51:18 in the Quran reader

پھر وہی رات کے پچھلے پہروں میں معافی مانگتے تھے

وَبِالْاَسْحَارِ [ اور صبح کے تڑکوں میں ] هُمْ يَسْتَغْفِرُوْنَ [ وہ لوگ مغفرت مانگتے تھے ] نوٹ۔ 3: آیت نمبر۔ 18 ۔ میں ان کی شب بیداری اور عبادت کی غایت بیان ہوئی ہے کہ ان کا آخری کام یہ ہوتا ہے کہ سحر کیوقت اپنے گناہوں کی معافی مانگتے ہیں ۔ اس سے معلوم ہوا کہ وہ اس بات کی توقع نہیں رکھتے کہ اس شب بیداری کے صلہ میں ان کو حضور وشہود کا کوئی بڑامقام حاصل ہوگا ۔ اس سے یہ حقیقت بھی واضح ہوجاتی ہے کہ اسلام میں عبادت اور ریاضت کا مقصود دوسرے مذاہب سے بالکل مختلف ہے۔ دوسرے مذاہب میں عبادت و ریاضت کا اصل مقصود کشف ، مشاہدہ ، تجلی ذات ، ذات خداوندی میں انضمام اور اس قبیل کی دوسری چیزیں ہیں، جوگی، سنیاسی اور راہب جو ریاضتیں کرتے ہیں ان سے ان کے پیش نظر یہی چیزیں ہوتی ہیں ۔ لیکن اسلام میں ریاضت و عبادت کا اصل مقصود صرف اللہ تعالیٰ کی مغفرت اور اس کی خوشنودی کی طلب ہے۔ اس کے علاوہ کوئی دوسری چیز اگر عبادت کے مقصد کی حیثیت حاصل کرلے تو اسلام میں اس عبادت کی کوئی قدروقیمت نہیں ہے۔ (تدبر قرآن )
Ayah 51:19

وَ فِیْۤ اَمْوَالِهِمْ حَقٌّ لِّلسَّآئِلِ وَ الْمَحْرُوْمِ Open ayah 51:19 in the Quran reader

اور اُن کے مالوں میں حق تھا سائل اور محروم کے لیے

وَفِيْٓ اَمْوَالِهِمْ [ اور ان کے مالوں میں ] حَقٌّ [ حق ہوتا تھا ] لِّلسَّاۗىِٕلِ وَالْمَحْرُوْمِ [مانگنے والوں کے لیے اور محروم لوگوں کے لیے ]
Ayah 51:20

وَ فِی الْاَرْضِ اٰیٰتٌ لِّلْمُوْقِنِیْنَۙ Open ayah 51:20 in the Quran reader

زمین میں بہت سی نشانیاں ہیں یقین لانے والوں کے لیے

وَفِي الْاَرْضِ اٰيٰتٌ [ اور زمین میں نشانیاں ہیں ] لِّلْمُوْقِنِيْنَ [ یقین کرنے والوں کے لیے ]
Ayah 51:21

وَ فِیْۤ اَنْفُسِكُمْ١ؕ اَفَلَا تُبْصِرُوْنَ Open ayah 51:21 in the Quran reader

اور خود تمہارے اپنے وجود میں ہیں کیا تم کو سوجھتا نہیں؟

وَفِيْٓ اَنْفُسِكُمْ ۭ [ اور تمہاری جانوں میں بھی ] اَفَلَا تُبْصِرُوْنَ [ تو کیا تم لوگوں کو سجھائی نہیں دیتا ]
Ayah 51:22

وَ فِی السَّمَآءِ رِزْقُكُمْ وَ مَا تُوْعَدُوْنَ Open ayah 51:22 in the Quran reader

آسمان ہی میں ہے تمہارا رزق بھی اور وہ چیز بھی جس کا تم سے وعدہ کیا جا رہا ہے

وَفِي السَّمَاۗءِ رِزْقُكُمْ [ اور آسمانوں میں تمہارا رزق ] وَمَا [ اور وہ (بھی) ہے جس کا ] تُوْعَدُوْنَ [ تم سے وعدہ کیا جاتا ہے ]
Ayah 51:23

فَوَرَبِّ السَّمَآءِ وَ الْاَرْضِ اِنَّهٗ لَحَقٌّ مِّثْلَ مَاۤ اَنَّكُمْ تَنْطِقُوْنَ۠ Open ayah 51:23 in the Quran reader

پس قسم ہے آسمان اور زمین کے مالک کی، یہ بات حق ہے، ایسی ہی یقینی جیسے تم بول رہے ہو

فَوَرَبِّ السَّمَاۗءِ وَالْاَرْضِ [ تو زمین و آسمان کے رب کی قسم ہے ] اِنَّهٗ لَحَقٌّ [ کہ یہ (دین ) لازما حق ہے ] مِّثْلَ مَآ اَنَّكُمْ [ اس کے مانند جیسے کہ تم لوگ ] تَنْطِقُوْنَ [ بولتے ہو ]
Ayah 51:24

هَلْ اَتٰىكَ حَدِیْثُ ضَیْفِ اِبْرٰهِیْمَ الْمُكْرَمِیْنَۘ Open ayah 51:24 in the Quran reader

اے نبیؐ، ابراہیمؑ کے معزز مہمانوں کی حکایت بھی تمہیں پہنچی ہے؟

هَلْ اَتٰىكَ [ کیا پہنچی آپ کے پاس ] حَدِيْثُ ضَيْفِ اِبْرٰهِيْمَ الْمُكْرَمِيْنَ [ ابراہیم کے عزت دیئے ہوئے مہمانوں کی بات ] ترکیب : ” ض ی‘ ‘ کی لغت میں ہم بتا چکے ہیں کہ ضیف کا لفظ مذکر ، مؤنث ، واحد جمع سب کے لیے آتا ہے اور اس کی جمع ضیوف بھی آتی ہے ۔ یہاں ضیف جمع کے مفہوم میں آیا ہے، اسی لیے اس کی صفت المکرمین جمع میں آئی ہے آگے افعال دخلوا اور قالوا جمع کے صیغے میں آئے ہیں ۔ قالوا کے آگے سلما کی نصب بتارہی ہے کہ یہ قالوا کا مفعول ہے یعنی بات (Tenselndirect) میں جب کہ آگے ، قال کے بعد سلم حالت رفع میں ہے ۔ یہ بات (Direct Tense) میں ہے ۔ (دیکھیں آیت نمبر ۔ 2:58، ترکیب )
Ayah 51:25

اِذْ دَخَلُوْا عَلَیْهِ فَقَالُوْا سَلٰمًا١ؕ قَالَ سَلٰمٌ١ۚ قَوْمٌ مُّنْكَرُوْنَۚ Open ayah 51:25 in the Quran reader

جب وہ اُس کے ہاں آئے تو کہا آپ کو سلام ہے اُس نے کہا "آپ لوگوں کو بھی سلام ہے کچھ نا آشنا سے لوگ ہیں"

اِذْ دَخَلُوْا عَلَيْهِ [ جب وہ داخل ہوئے ان پر ] فَقَالُوْا سَلٰمًا ۭ [ تو انہوں نے کہا سلامتی ہو ] قَالَ سَلٰمٌ ۚ [ انھوں (ابراہیم ) نے کہا سلامتی ہے ] قَوْمٌ مُّنْكَرُوْنَ [(تم ) اجنبی لوگ ہو ]
Ayah 51:26

فَرَاغَ اِلٰۤى اَهْلِهٖ فَجَآءَ بِعِجْلٍ سَمِیْنٍۙ Open ayah 51:26 in the Quran reader

پھر وہ چپکے سے اپنے گھر والوں کے پاس گیا، اور ایک موٹا تازہ بچھڑا لا کر

فَرَاغَ اِلٰٓى اَهْلِهٖ [ پھر وہ آئے اپنے گھر والوں کی طرف ] فَجَاۗءَ بِعِجْلٍ سَمِيْنٍ [ تو وہ لائے ایک فربہ بچھڑا (تلا ہوا )
Ayah 51:27

فَقَرَّبَهٗۤ اِلَیْهِمْ قَالَ اَلَا تَاْكُلُوْنَ٘ Open ayah 51:27 in the Quran reader

مہمانوں کے آگے پیش کیا اُس نے کہا آپ حضرات کھاتے نہیں؟

فَقَرَّبَهٗٓ [ پھر انہوں نے قریب کیا اس کو ] اِلَيْهِمْ [ ان لوگوں کی طرف ] قَالَ [ انہوں نے کہا ] اَلَا تَاْكُلُوْنَ [ کیا تم لوگ کھاتے نہیں ہو ]
Ayah 51:28

فَاَوْجَسَ مِنْهُمْ خِیْفَةً١ؕ قَالُوْا لَا تَخَفْ١ؕ وَ بَشَّرُوْهُ بِغُلٰمٍ عَلِیْمٍ Open ayah 51:28 in the Quran reader

پھر وہ اپنے دل میں ان سے ڈرا انہوں نے کہا ڈریے نہیں، اور اُسے ایک ذی علم لڑکے کی پیدائش کا مژدہ سنایا

فَاَوْجَسَ [تو انہوں نے محسوس کیا ] مِنْهُمْ [ ان لوگوں سے ] خِيْفَةً ۭ [ ایک خوف ] قَالُوْا لَا تَخَـفْ ۭ [ ان لوگوں نے کہا آپ مت ڈریں ] وَبَشَّرُوْهُ [ اور ان لوگوں نے بشارت دی ان کو ] بِغُلٰمٍ عَلِيْمٍ [ ایک علم والے لڑکے کی ]
Ayah 51:29

فَاَقْبَلَتِ امْرَاَتُهٗ فِیْ صَرَّةٍ فَصَكَّتْ وَجْهَهَا وَ قَالَتْ عَجُوْزٌ عَقِیْمٌ Open ayah 51:29 in the Quran reader

یہ سن کر اُس کی بیوی چیختی ہوئی آگے بڑھی اور اس نے اپنا منہ پیٹ لیا اور کہنے لگی، "بوڑھی، بانجھ!"

فَاَقْبَلَتِ امْرَاَتُهٗ [ تو سامنے آئیں ان کی بیوی ] فِيْ صَرَّةٍ [ اونچی آواز میں (بولتی ہوئی ) ] فَصَكَّتْ وَجْهَهَا [ پھر انہوں نے پیٹا اپنے چہرے کو ] وَقَالَتْ [اور کہا ] عَجُوْزٌ عَقِيْمٌ [ (کیا جنے گی ) بڑھیا بانجھ ] ص ک ک : (ن) صکا ۔ اپنا سر پیٹنا ۔ کسی کو تھپڑ مارنا ۔ زیر مطالعہ آیت ۔ 29 ۔
Ayah 51:30

قَالُوْا كَذٰلِكِ١ۙ قَالَ رَبُّكِ١ؕ اِنَّهٗ هُوَ الْحَكِیْمُ الْعَلِیْمُ Open ayah 51:30 in the Quran reader

انہوں نے کہا "یہی کچھ فرمایا ہے تیرے رب نے، وہ حکیم ہے اور سب کچھ جانتا ہے"

قَالُوْا كَذٰلِكِ ۙ [ ان لوگوں نے کہا اسی طرح ] قَالَ رَبُّكِ ۭ [ کہا آپ کے رب نے ] اِنَّهٗ هُوَ الْحَكِيْمُ الْعَلِيْمُ [ بیشک وہ ہی حکمت والا علم والا ہے ] نوٹ۔ 1: اس سورة میں اب تک جو دعوے مذکور ہیں، اب (آیات 24 تا 46) ان کے حق میں تاریخی شہادت پیش کی جارہی ہے۔ قرآن کا یہ عام اصول ہے کہ وہ عقلی وانفسی دلائل کے پہلو بہ پہلو تاریخی شواہد بھی پیش کرتا ہے تاکہ مخاطب کے سامنے بات اچھی طرح مبرہن بھی ہوجائے اور اگر دلوں کے اندر اثر پذیری کی کچھ رمق ہو تو ان سے لوگ عبرت بھی حاصل کریں ۔ ان شہادتوں میں تین پہلو ملحوظ ہیں ایک یہ کہ جن قوموں کی ہلاکت بیان ہوئی ہے ان کی تباہی میں بادل اور ہوا کے تصرفات کو خاص دخل رہا ہے ۔ اس پہلو سے یہ واقعات گویا ان قسموں کی تصدیق ہیں جو اس سورة کے شروع میں کھائی گئی ہیں، دوسرا یہ کہ ان میں جزا اور سزا دونوں پہلو نمایاں ہوئے ہیں ، جو فرشتے حضرت لوط (علیہ السلام) قوم کے لیے عذاب لے کر آئے تھے وہی حضرت ابراہیم (علیہ السلام) کے لیے اولاد کی بشارت لے کر آئے تھے، تیسرا یہ کہ اللہ کی گرفت بالکل بےپناہ ہے، کوئی قوم کتنی ہی زور آور ہو لیکن اللہ تعالیٰ جب اس کو فنا کرنا چاہتا ہے تو چشم زدن میں فنا کردیتا ہے ۔ (تدبر قرآن)
Ayah 51:31

قَالَ فَمَا خَطْبُكُمْ اَیُّهَا الْمُرْسَلُوْنَ Open ayah 51:31 in the Quran reader

ابراہیمؑ نے کہا "اے فرستادگان الٰہی، کیا مہم آپ کو در پیش ہے؟

قَالَ [ انھوں (ابراہیم ) نے کہا ] فَمَا خَطْبُكُمْ [ پھر تمہارا کیا مدعا ہے ] اَيُّهَا الْمُرْسَلُوْنَ [ اے بھیجے ہوئے لوگو ]
Ayah 51:32

قَالُوْۤا اِنَّاۤ اُرْسِلْنَاۤ اِلٰى قَوْمٍ مُّجْرِمِیْنَۙ Open ayah 51:32 in the Quran reader

انہوں نے کہا "ہم ایک مجرم قوم کی طرف بھیجے گئے ہیں

قَالُوْٓا اِنَّآ اُرْسِلْنَآ [ ان لوگوں نے کہا بیشک ہم بھیجے گئے ہیں ] اِلٰى قَوْمٍ مُّجْـرِمِيْنَ [ ایک مجرم قوم کی طرف ]
Ayah 51:33

لِنُرْسِلَ عَلَیْهِمْ حِجَارَةً مِّنْ طِیْنٍۙ Open ayah 51:33 in the Quran reader

تاکہ اُس پر پکی ہوئی مٹی کے پتھر برسا دیں

لِنُرْسِلَ عَلَيْهِمْ [ تاکہ ہم چھوڑیں ان پر ] حِجَارَةً [ کچھ ایسے پتھر جو ] مِّنْ طِيْنٍ [ گارے سے ہوں ]
Ayah 51:34

مُّسَوَّمَةً عِنْدَ رَبِّكَ لِلْمُسْرِفِیْنَ Open ayah 51:34 in the Quran reader

جو آپ کے رب کے ہاں حد سے گزر جانے والوں کے لیے نشان زدہ ہیں"

مُّسَوَّمَةً [ نشان لگے ہوئے ] عِنْدَ رَبِّكَ [ آپ کے رب کے پاس ] لِلْمُسْرِفِيْنَ [ حد سے بڑھنے والوں کے لیے ] نوٹ۔ 2: آیت ۔ 34 اور 35 کے درمیان یہ قصہ چھوڑ دیا گیا ہے کہ حضرت ابراہیم (علیہ السلام) کے پاس یہ فرشتے کس طرح حضرت لوط (علیہ السلام) کے ہاں پہنچے اور وہ ان ان کے اور قوم لوط کے درمیان کیا کچھ پیش آیا ۔ یہ تفصیلات سورة ہود، الحجر ، اور العنکبوت میں گزر چکی ہیں، یہاں صرف آخری وقت کا ذکر ہے جب اس قوم پر عذاب نازل ہونے والا تھا ۔ (تفہیم القرآن ) فرشتوں کی بات آیت ۔ 34 پر ختم ہوگئی ہے۔ اب آگے کی سرگزشت خود اللہ تعالیٰ کی طرف سے ہے کہ ان کے بعد اس نے انکے ساتھ کیا معاملہ کیا ۔ (تدبر قرآن ) ۔ آیت ۔ 37 ۔ میں نشانی سے مراد بحیرہ مردار ہے جس کا جنوبی علاقہ آج بھی ایک عظیم الشان تباہی کے آثار پیش کررہا ہے ۔ (تفہیم القرآن ) نوٹ ۔ 1: آیت 34 میں ہے کہ ایک وقت تک مزے کرلو ۔ اس بارے میں دو رائے ہیں کہ اس سے کون سی مہلت مراد ہے ۔ ایک رائے یہ ہے کہ یہ سورة ہود کی اس آیت کی طرف اشارہ ہے کہ جب ثمود کے لوگوں نے اونٹنی کو ہلاک کردیا تو اللہ تعالیٰ کی طرف سے ان کو خبردار کردیا گیا کہ تین دن تک مزے کرلو ، اس کے بعد تم پر عذاب آئے گا ۔ دوسری رائے یہ ہے کہ یہ بات حضرت صالح (علیہ السلام) نے اپنی دعوت کے آغاز میں اپنی قوم سے فرمائی تھی کہ تم اگر توبہ وایمان کی راہ اختیار نہ کرو گے تو ایک خاص وقت تک ہی عیش کرنے کہ مہلت نصیب ہوسکے گی ۔ اس کے بعد تم پر عذاب آجائے گا ۔ دوسری رائے زیادہ صحیح معلوم ہوتی ہے ۔ کیونکہ آگے کی آیت میں ہے کہ انھون نے اپنے رب کے حکم سے سرتابی کی ، یہ بات بتاتی ہے کہ جس مہلت کا یہاں ذکر کیا جارہا ہے وہ سرتابی سے پہلے دی گئی تھی اور انہوں نے سرتابی اس تنیبہ کے بعد کی ۔ اس کے برعکس سورة ہود والی آیت میں جس مہلت کا ذکر کیا گیا ہے وہ ان کی طرف سے آخری اور فیصلہ کن سرتابی کا ارتکاب ہوجانے کے بعد دی گئی تھی ۔ (تفہیم القرآن )
Ayah 51:35

فَاَخْرَجْنَا مَنْ كَانَ فِیْهَا مِنَ الْمُؤْمِنِیْنَۚ Open ayah 51:35 in the Quran reader

پھر ہم نے اُن سب لوگوں کو نکال لیا جو اُس بستی میں مومن تھے

فَاَخْرَجْنَا [ پھر ہم نے نکالا ] مَنْ كَانَ فِيْهَا [ اس کو جو تھا اس (بستی ) میں ] مِنَ الْمُؤْمِنِيْنَ [ ایمان لانے والوں میں سے ]
Ayah 51:36

فَمَا وَجَدْنَا فِیْهَا غَیْرَ بَیْتٍ مِّنَ الْمُسْلِمِیْنَۚ Open ayah 51:36 in the Quran reader

اور وہاں ہم نے ایک گھر کے سوا مسلمانوں کا کوئی گھر نہ پایا

فَمَا وَجَدْنَا فِيْهَا [ توہم نے نہیں پایا اس میں ] غَيْرَ بَيْتٍ [ سوائے ایک گھر کے ] مِّنَ الْمُسْلِمِيْنَ [ فرمانبرداری کرنے والوں میں سے ]
Ayah 51:37

وَ تَرَكْنَا فِیْهَاۤ اٰیَةً لِّلَّذِیْنَ یَخَافُوْنَ الْعَذَابَ الْاَلِیْمَؕ Open ayah 51:37 in the Quran reader

اس کے بعد ہم نے وہاں بس ایک نشانی اُن لوگوں کے لیے چھوڑ دی جو درد ناک عذاب سے ڈرتے ہوں

وَتَرَكْنَا فِيْهَآ اٰيَةً [ اور ہم نے چھوڑی اس میں ایک نشانی ] لِّلَّذِيْنَ يَخَافُوْنَ [ ان لوگوں کے لیے جو خوف کھاتے ہیں ] الْعَذَابَ الْاَلِيْمَ [ دردناک عذاب سے ]
Ayah 51:38

وَ فِیْ مُوْسٰۤى اِذْ اَرْسَلْنٰهُ اِلٰى فِرْعَوْنَ بِسُلْطٰنٍ مُّبِیْنٍ Open ayah 51:38 in the Quran reader

اور (تمہارے لیے نشانی ہے) موسیٰؑ کے قصے میں جب ہم نے اُسے صریح سند کے ساتھ فرعون کے پاس بھیجا

وَفِيْ مُوْسٰٓى [ اور (ہم نے چھوڑی ایک نشانی ) موسیٰ میں ] اِذْ اَرْسَلْنٰهُ [ جب ہم نے بھیجا ان کو ] اِلٰى فِرْعَوْنَ [ فرعون کی طرف ] بِسُلْطٰنٍ مُّبِيْنٍ [ ایک واضح دلیل کے ساتھ ]
Ayah 51:39

فَتَوَلّٰى بِرُكْنِهٖ وَ قَالَ سٰحِرٌ اَوْ مَجْنُوْنٌ Open ayah 51:39 in the Quran reader

تو وہ اپنے بل بوتے پر اکڑ گیا اور بولا یہ جادوگر ہے یا مجنوں ہے

فَتَوَلّٰى [ تو اس (فرعون ) نے منہ موڑا ] بِرُكْنِهٖ [ اپنے سہاروں (لشکر) کے ساتھ ] وَقَالَ سٰحِرٌ اَوْ مَجْنُوْنٌ [ اور اس نے کہا ( یہ ) جادوگر ہے یا مجنون ہے ]
Ayah 51:40

فَاَخَذْنٰهُ وَ جُنُوْدَهٗ فَنَبَذْنٰهُمْ فِی الْیَمِّ وَ هُوَ مُلِیْمٌؕ Open ayah 51:40 in the Quran reader

آخر کار ہم نے اُسے اور اس کے لشکروں کو پکڑا اور سب کو سمندر میں پھینک دیا اور وہ ملامت زدہ ہو کر رہ گیا

فَاَخَذْنٰهُ وَجُنُوْدَهٗ [ پھر ہم نے پکڑا اس کو اور اس کے لشکروں کو ] فَنَبَذْنٰهُمْ [ تو ہم نے پھینک دیا ان سب کو ] فِي الْيَمِّ [ پانی میں ] وَهُوَ مُلِيْمٌ [ اس حال میں کہ وہ خود کو ملامت کرنے والا تھا ]