40. Surah Al-Ghaafir

غافرThe Forgiver · 85 ayahsتفسیر مطالعہ قرآن

Read Surah Al-Ghaafir in the Quran reader
Ayah 40:81

وَ یُرِیْكُمْ اٰیٰتِهٖ١ۖۗ فَاَیَّ اٰیٰتِ اللّٰهِ تُنْكِرُوْنَ Open ayah 40:81 in the Quran reader

اللہ اپنی یہ نشانیاں تمہیں دکھا رہا ہے، آخر تم اُس کی کن کن نشانیوں کا انکار کرو گے

وَيُرِيْكُمْ [ اور وہ دکھاتا ہے تم لوگوں کو ] اٰيٰتِهٖ ڰ [ اپنی نشانیاں ] فَاَيَّ اٰيٰتِ اللّٰهِ [ تو اللہ کی کون کون سی نشانیوں کا ] تُنْكِرُوْنَ [ تم لوگ انکار کروگے ]
Ayah 40:82

اَفَلَمْ یَسِیْرُوْا فِی الْاَرْضِ فَیَنْظُرُوْا كَیْفَ كَانَ عَاقِبَةُ الَّذِیْنَ مِنْ قَبْلِهِمْ١ؕ كَانُوْۤا اَكْثَرَ مِنْهُمْ وَ اَشَدَّ قُوَّةً وَّ اٰثَارًا فِی الْاَرْضِ فَمَاۤ اَغْنٰى عَنْهُمْ مَّا كَانُوْا یَكْسِبُوْنَ Open ayah 40:82 in the Quran reader

پھر کیا یہ زمین میں چلے پھرے نہیں ہیں کہ اِن کو اُن لوگوں کا انجام نظر آتا جو اِن سے پہلے گزر چکے ہیں؟ وہ اِن سے تعداد میں زیادہ تھے، اِن سے بڑھ کر طاقتور تھے، اور زمین میں اِن سے زیادہ شاندار آثار چھوڑ گئے ہیں جو کچھ کمائی اُنہوں نے کی تھی، آخر وہ اُن کے کس کام آئی؟

اَفَلَمْ يَسِيْرُوْا [ تو کیا یہ لوگ چلے پھرے نہیں ] فِي الْاَرْضِ [ زمین میں ] فَيَنْظُرُوْا [نتیجتا وہ دیکھتے ] كَيْفَ كَانَ [ کیسا تھا ] عَاقِبَةُ الَّذِيْنَ [ ان لوگوں کا انجام جو ] مِنْ قَبْلِهِمْ ۭ[ ان سے پہلے تھے ] كَانُوْٓا [ وہ لوگ تھے ] اَكْثَرَ [تعداد میں زیادہ ] مِنْهُمْ [ ان لوگوں سے ] وَاَشَدَّ [ اور زیادہ سخت ] قُوَّةً [ بلحاظ قوت کے ] وَّاٰثَارًا [ اور بلحاظ نشانات (چھوڑنے کے ) ] فِي الْاَرْضِ [ زمین میں ] فَمَآ اَغْنٰى عَنْهُمْ [ تو کام نہ آئی ان کے ] مَّا [ وہ جو ] كَانُوْا يَكْسِبُوْنَ [ وہ لوگ کمائی کرتے تھے ]
Ayah 40:83

فَلَمَّا جَآءَتْهُمْ رُسُلُهُمْ بِالْبَیِّنٰتِ فَرِحُوْا بِمَا عِنْدَهُمْ مِّنَ الْعِلْمِ وَ حَاقَ بِهِمْ مَّا كَانُوْا بِهٖ یَسْتَهْزِءُوْنَ Open ayah 40:83 in the Quran reader

جب ان کے رسول ان کے پاس بینات لے کر آئے تو وہ اُسی علم میں مگن رہے جو ان کے اپنے پاس تھا، اور پھر اُسی چیز کے پھیر میں آ گئے جس کا وہ مذاق اڑاتے تھے

فَلَمَّا [ پھر جب ] جَاۗءَتْهُمْ [ آئے ان کے پاس ] رُسُلُهُمْ [ ان کے رسول ] بِالْبَيِّنٰتِ [ واضح (نشانیوں ) کے ساتھ ] فَرِحُوْا [ تو وہ لوگ شاداں رہے ] بِمَا [ اس کے ساتھ جو ] عِنْدَهُمْ [ ان کے پاس تھا ] مِّنَ الْعِلْمِ [ علم میں سے ] وَحَاقَ [ اور گھیر لیا ] بِهِمْ [ ان کو ] مَّا [ اس نے ] كَانُوْا بِهٖ يَسْتَهْزِءُوْنَ [ یہ لوگ مذاق اڑاتے تھے جس کا ] نوٹ ۔ 1: آیت ۔ 83 ۔ میں کافروں کا اپنے علم پر خوش رہنے کا مطلب یہ ہے کہ اپنے فلسفے اور سائنس ، اپنے قانون ، اپنے دنیوی علوم اور اپنے پیشواؤں کے گھڑے ہوئے مذہبی افسانوں (Mythology) وغیرہ کو ہی انھوں نے اصل علم سمجھا اور انبیاء (علیہم السلام) کے لائے ہوئے علم کو ہیچ سمجھ کر اس کی طرف کوئی التفات نہ کیا ۔ (تفہیم القرآن ) ان کے علم سے مراد دنیا کی تجارت صنعت وغیرہ کا علم ہے جس میں یہ لوگ فی الواقع ماہر تھے اور قرآن کریم نے ان کے اس علم کا ذکر سورة روم کی آیت ۔ 7 ۔ میں اس طرح کیا ہے کہ یہ لوگ دنیا کی ظاہری زندگی اور اس سے منافع حاصل کرنے کو تو کچھ جانتے سمجھتے ہیں ، مگر آخرت جہاں ہمیشہ رہنا ہے اور جہاں کی راحت وکلفت دائمی ہے ، اس سے بالکل جاہل وغافل ہیں ، اس آیت میں بھی علم ظاہر دنیا کا مراد لیا جائے گا تو مطلب یہ ہوگا کہ یہ لوگ چونکہ قیامت اور آخرت کے منکر ہیں اس لئے اپنے اسی ظاہری ہنر پر خوش اور مگن ہوکر انبیاء کے علوم کی طرف توجہ نہیں دیتے ۔ ( معارف القرآن )
Ayah 40:84

فَلَمَّا رَاَوْا بَاْسَنَا قَالُوْۤا اٰمَنَّا بِاللّٰهِ وَحْدَهٗ وَ كَفَرْنَا بِمَا كُنَّا بِهٖ مُشْرِكِیْنَ Open ayah 40:84 in the Quran reader

جب انہوں نے ہمارا عذاب دیکھ لیا تو پکار اٹھے کہ ہم نے مان لیا اللہ وحدہُ لا شریک کو اور ہم انکار کرتے ہیں اُن سب معبودوں کا جنہیں ہم شریک ٹھیراتے تھے

فَلَمَّا رَاَوْا [ پھر جب انہوں نے دیکھا ] بَاْسَنَا [ ہماری سختی کو ] قَالُوْٓا [ تو انہوں نے کہا ] اٰمَنَّا بِاللّٰهِ [ ہم ایمان لائے اللہ پر ] وَحْدَهٗ [ اس کے واحد ہوتے ہوئے ] وَكَفَرْنَا بِمَا [ اور ہم نے انکار کیا اس کا ] كُنَّا بِهٖ [ ہم تھے جسے ] مُشْرِكِيْنَ [ شریک کرنے والے ]
Ayah 40:85

فَلَمْ یَكُ یَنْفَعُهُمْ اِیْمَانُهُمْ لَمَّا رَاَوْا بَاْسَنَا١ؕ سُنَّتَ اللّٰهِ الَّتِیْ قَدْ خَلَتْ فِیْ عِبَادِهٖ١ۚ وَ خَسِرَ هُنَالِكَ الْكٰفِرُوْنَ۠ Open ayah 40:85 in the Quran reader

مگر ہمارا عذاب دیکھ لینے کے بعد ان کا ایمان اُن کے لیے کچھ بھی نافع نہ ہو سکتا تھا، کیونکہ یہی اللہ کا مقرر ضابطہ ہے جو ہمیشہ اس کے بندوں میں جاری رہا ہے، اور اس وقت کافر لوگ خسارے میں پڑ گئے

فَلَمْ يَكُ [ پھر ہوا ہی نہیں (کہ ) ] يَنْفَعُهُمْ [ فائدہ دے ان کو ] اِيْمَانُهُمْ [ ان کا ایمان ] لَمَّا رَاَوْا [ جب انہوں نے دیکھا ] بَاْسَـنَا ۭ [ ہماری سختی کو ] سُنَّتَ اللّٰهِ الَّتِيْ [ (آپ پائیں گے ) اللہ کی اس سنت کو جو ] قَدْ خَلَتْ [ گزری ہے ] فِيْ عِبَادِهٖ ۚ [ اس کے بندوں میں ] وَخَسِرَ [اور گھاٹے میں رہے ] هُنَالِكَ [ وہاں ] الْكٰفِرُوْنَ [ کافر لوگ ]