38. Surah Saad

70۔ (کہ تو بھی اپنے دل کے حوصلے نکال دیکھ)

71۔ ابلیس اپنے سارے دم خم، اور اتنے بلند بانگ دعو وں کے باوجود حق تعالیٰ کے ان بندوں کے سامنے شروع ہی سے ہار مانے ہوئے ہے جو اپنے کو اس کے اثرات سے بچانے کی فکر واہتمام میں لگے ہوتے ہیں اور ان کے حق میں اسے اغواء تک کی ہمت نہیں ہوتی۔ (آیت) ” الا ...... المخلصین “۔ امام رازی (رح) نے یہاں یہ نکتہ کہا ہے کہ ابلیس نے یہ استثناء کرکے اپنی سچائی کو قائم رکھا، یعنی اندھا دھند یہ دعوی نہیں کر بیٹھا کہ میں سارے ہی انسانون کو بہکالوں گا، بلکہ اللہ کے نیک وپارسا بندوں کو اس سے مستثنی کردیا، تو جھوٹ ایسی گندی چیز ہے جس سے ابلیس تک حیا آئی، تو اس مسلمان کی حالت پر حیف ہے جو مومن ہو کر جھوٹ سے پرہیز نہ کرے ! وعند ھذا یقال ان الکذب شحتیء یستنکف منہ ابلیس فیکف یلیق بالمسلم الاقدام علیہ (کبیر) (آیت) ” لاغوینھم اجمعین “۔ امام رازی (رح) نے کہا ہے کہ شیطان اس فقرہ میں اغواء کو اپنی ذات کی جانب منسوب کرنے سے معلوم ہوتا ہے کہ اس باب میں وہ حیران ومترددہی ہے، وھذا یدل انہ متحیر فی ھذہ المسلہ (کبیر) (آیت) ” لاغوینھم “ لفظ اغواء پر خوب غور کرلیا جائے، اغواء کی حقیقت صرف وسوسہ اندازی کی ہے، ابلیس کے میں اس سے زیادہ کچھ بھی نہیں کہ وہ معصیتوں اور نافرمانیوں کو خوشنما اور خوش رنگ بنا کر پیش کردے، وہ زیادہ بس یہی کرسکتا ہے، اور اس سے آگے اپنے فخریہ اور تعلی آمیز دعو وں کے وقت بھی نہیں بڑھتا۔

72۔ یعنی تو اگر اپنے دعوے میں کامیاب ہو بھی گیا، تو اس میں حق تعالیٰ کا کیا ضرر، تو خود اور تیرے چیلے چانٹے، جو بھی تیرا دم بھریں گے خود ہی سزا بھگتیں گے۔ (آیت) ” منک “۔ مراد جنس شیطانی سے ہے۔ اے من جنسک وھم الشیاطین (کبیر) اس سے ملتا ہوا مضمون سورة الاعراف (پ 8) میں اور سورة ہود (پ 11) میں آچکا ہے، وہاں کے حاشیے بھی ملاحظہ کرلیے جائیں۔

73۔ (کہ اپنی عادت تصنع کے مطابق جھوٹا دعوئے نبوت کررہا ہے) جھوٹے دعوئے نبوت کے محرک دو ہی ممکن تھے، یا جاہ ومال کے قسم سے کسی معاوضہ کا خیال تو اس کی نفی (آیت) ” مااسئلکم علیہ من اجر “۔ میں آگئی۔ اور یا محض عادت یا اقتضاء طبعی۔ سو اس کی نفی (آیت) ” وما انا من المتکلفین “۔ سے ہورہی ہے۔

74۔ یعنی مرنے کے ساتھ ہی حقیقت کھل جائے گی، لیکن اس وقت نفع کچھ بھی نہ ہوگا۔ مفسر تھانوی (رح) نے کہا کہ اس سورت میں قرآن مجید کی مدح تین جگہ آئی اور تینوں جگہ اس کو ذکر سے تعبیر فرمایا گیا ہے۔ شروع میں ذی الذکر سے، درمیان میں ” لیتذکر “ سے اور آخر میں (آیت) ” ذکر للعلمین “۔ سے۔ (آیت) ” ان ..... للعلمین “۔ یعنی یہ کلام تو تمہارے ہی نفع کے لیے ہے اور میں اس کی تبلیغ پر مامور۔