38. Surah Saad

صThe letter Saad · 88 ayahsکشف الرحمٰن

Read Surah Saad in the Quran reader
Ayah 38:81

اِلٰى یَوْمِ الْوَقْتِ الْمَعْلُوْمِ Open ayah 38:81 in the Quran reader

اس مقرر ہ وقت کے دن تک۔

(81) اس مقررہ وقت کے دن تک۔ یعنی ابلیس کہ یہ درخواست منظور کرلی گئی دن وہی جس دن نفخہ اول ہوگا اور وقت معلوم کا یہ مطلب ہے کہ وہ وقت اللہ تعالیٰ کے علم میں ہے۔
Ayah 38:82

قَالَ فَبِعِزَّتِكَ لَاُغْوِیَنَّهُمْ اَجْمَعِیْنَۙ Open ayah 38:82 in the Quran reader

ابلیس نے کہا تیری عزت کی قسم میں تمام اولاد آدم کو گمراہ کروں گا۔

(82) ابلیس نے کا تیری عزت کی قسم میں تمام اولاد آدم کو گمراہ کروں گا۔
Ayah 38:83

اِلَّا عِبَادَكَ مِنْهُمُ الْمُخْلَصِیْنَ Open ayah 38:83 in the Quran reader

مگر ہاں اولاد آدم میں سے تیرے وہ بندے محفوظ رہیں گے جو چیدہ اور مخلص ہوں گے ۔

(83) مگرہاں اولاد آدم میں سے تیرے وہ بندے محفوظ رہیں گے جو چیدہ اور مخلص ہوں گے۔ یعنی سب کو بہکائوں گا اور گمراہ کروں گا مگر تیرے چیدہ بندے میرے قبضے میں نہیں آئیں گے۔
Ayah 38:84

قَالَ فَالْحَقُّ١٘ وَ الْحَقَّ اَقُوْلُۚ Open ayah 38:84 in the Quran reader

اللہ تعالیٰ نے فرمایا میں حق ہوں اور ہمیشہ حق ہی کہا کرتا ہوں

(84) اللہ تعالیٰ نے فرمایا تو ٹھیک بات یہ ہے اور میں ٹھیک ہی بات کہتا ہوں ہم نے ترجمے اور تیسیر میں دونوں کو ظاہر کردیا ہے مطلب یہ ہے کہ ہمیشہ سچ ہی کہتا ہوں۔
Ayah 38:85

لَاَمْلَئَنَّ جَهَنَّمَ مِنْكَ وَ مِمَّنْ تَبِعَكَ مِنْهُمْ اَجْمَعِیْنَ Open ayah 38:85 in the Quran reader

کہ میں بھی تجھ سے اور جو لوگ بنی آدم میں سے تیری پیروی کریں گے ان سب سے دوزخ کو بھر دوں گا۔

(85) یقینا میں تجھ سے اور اولاد آدم میں سے جو تیری پیروی کریں گے اور تیرے کہنے پرچلیں گے ان سب سے دوزخ کو بھردوں گا۔ تو جن کو ان میں سے یعنی اولاد آدم (علیہ السلام) میں سے بہکالے گا تو تجھ سے اور ان سب سے جہنم کو بھردوں گا۔
Ayah 38:86

قُلْ مَاۤ اَسْئَلُكُمْ عَلَیْهِ مِنْ اَجْرٍ وَّ مَاۤ اَنَا مِنَ الْمُتَكَلِّفِیْنَ Open ayah 38:86 in the Quran reader

اے پیغمبر آپ ان سے کہہ دیجئے کہ میں تم سے اس قرآن کریم کی تبلیغ پر نہ کچھ مزدوری طلب کرتا ہوں اور نہ میں بناوٹ اور تصنع کرنے والوں میں سے ہوں۔

(86) اے پیغمبر آپ فرمادیجئے کہ میں تم سے اس قرآن کریم کی تبلیغ پر نہ کوئی مزدوری اور اجرت طلب کرتا ہوں اور نہ میں بناوٹ اور تصنع کرنے والوں میں سے ہوں۔ یعنی نہ تم سے اس قرآن کریم کی تبلیغ پر کسی اجرت کا خواہاں ہوں اور نہ میں بہ تکلف بنتا ہوں بلکہ اللہ کا فرستادہ اور اسلام کا داعی ہوں۔
Ayah 38:87

اِنْ هُوَ اِلَّا ذِكْرٌ لِّلْعٰلَمِیْنَ Open ayah 38:87 in the Quran reader

یہ قرآن تو بس اقوام عالم کے لئے ایک بہت بڑی نصیحت وفہمائش ہے۔

(87) یہ قرآن تو بس اقوام عالم کے لئے ایک بہت بڑی نصیحت اور فہمائش ہے۔ یعنی یہ قرآن کریم تو اللہ کا کلام ہے جو اقوام عالم کی ہدایت کے لئے بھیجا گیا ہے۔
Ayah 38:88

وَ لَتَعْلَمُنَّ نَبَاَهٗ بَعْدَ حِیْنٍ۠ Open ayah 38:88 in the Quran reader

اور تھوڑے ہی دنوں کے بعد تم اس قرآن کو صحیح حقیقت کا حال معلوم کرلوگے۔

(88) اور تھوڑے ہی دنوں کے بعد تم اس قرآن کی صحیح حقیقت کا حال معلوم کرلو گے۔ یعنی دم نکلتے ہی سب معلوم ہوجائے گا کہ یہ قرآن کریم کیا چیز تھا اور قرآن کریم سے کیا فائدہ پہنچتا اور قرآن کریم پر ایمان نہ لائنے سے کیا نقصان ہوتا ہے۔ سورت کے شروع میں فرمایا والقران ذی الذکر اور آخر میں فرمایا ان ھوالا ذکر للعلمین تم سورة ص ٓ