37. Surah As-Saaffaat

الصافاتThose drawn up in Ranks · 182 ayahsجواھر القرآن

Read Surah As-Saaffaat in the Quran reader
Ayahs 37:79–80

سَلٰمٌ عَلٰى نُوْحٍ فِی الْعٰلَمِیْنَ Open ayah 37:79 in the Quran reader

کہ سلام ہے نوح پر سارے جہان والوں میں

اِنَّا كَذٰلِكَ نَجْزِی الْمُحْسِنِیْنَ Open ayah 37:80 in the Quran reader

ہم یوں بدلہ دیتے ہیں نیکی والوں کو35

35:۔ انا کذلک الخ : ہم نیکو کار لوگوں کو ایسی ہی جزا دیا کرتے ہیں۔ بیشک وہ ہمارے کامل الایمان بندوں میں سے تھے۔ ان کو اور ان کے متبعین کو ہم نے غرق ہونے سے بچا لیا اور دوسروں یعنی کفار کو غرق کر کے ہلاک کردیا۔
Ayahs 37:81–83

اِنَّهٗ مِنْ عِبَادِنَا الْمُؤْمِنِیْنَ Open ayah 37:81 in the Quran reader

وہ ہے ہمارے ایمان دار بندوں میں

ثُمَّ اَغْرَقْنَا الْاٰخَرِیْنَ Open ayah 37:82 in the Quran reader

پھر ڈبا دیا ہم نے دوسروں کو

وَ اِنَّ مِنْ شِیْعَتِهٖ لَاِبْرٰهِیْمَۘ Open ayah 37:83 in the Quran reader

اور اسی کی راہ والوں میں ہے ابراہیم36

36:۔ وان من الخ : یہ دوسرا قصہ حضرت ابراہیم (علیہ السلام) کا ہے۔ ابراہیم (علیہ السلام) اللہ کے نہایت ہی مطیع اور فرمانبردار بندے تھے۔ ان پر زندگی میں ایک نہایت ہی کٹھن وقت آیا۔ جب وقت کے بادشاہ نے انہیں آگ میں ڈالدیا۔ اس نازک وقت میں انہوں نے اللہ ہی کے سامنے عاجزی کی۔ اور اللہ ہی سے اس مصیبت سے نجات کی دعا کی۔ چناچہ اللہ تعالیٰ نے ان کو بچا لیا اور آگ کو ان پر سرد کردیا اس لیے وہ بھی خدا کے یہاں شفیع غالب نہیں ہوسکتے۔ من شیعتہ یعنی وہ اصول دین میں حضرت نوح (علیہ السلام) کے ہمنوا اور تابع تھے۔ قال ابن عباس ای من اھل دینہ (قرطبی ج 15 ص 91) ای ممن شایع نوحا و تابعہ فی اصول الدین (روح ج 23 ص 99) درمیان میں ان کی فرمانبرداری کا قصہ بیان کیا کہ وہ اس قدر اللہ تعالیٰ کے فرمانبردار تھے کہ اس کی راہ میں بیٹے کو ذبح کرنے پر تیار ہوگئے۔ قلب سلیم۔ جو دل کے عقیدے اور اخلاق کی خرابی سے محفوظ ہو۔ اور اس کا اصل رشتہ دنیا کے بجائے اللہ تعالیٰ کے ساتھ ہو، وہ قلب سلیم ہے۔ سلیم ای مخلص من الشرک والشک (قرطبی) ای سالم من جمیع الافات کفساد العقائد والنیات السیئۃ والصفات القبیحۃ کالحسد والغل وغیر ذلک (روح ج 23 ص 100) سلیم من الاشتغال بغیر اللہ تعالیٰ خالیا عن الغیر و حبہ کما یدل علیہ قصۃ ذبح ابنہ لامتثال امر ربہ (مظہری ج 8 ص 121) ۔
Ayahs 37:84–85

اِذْ جَآءَ رَبَّهٗ بِقَلْبٍ سَلِیْمٍ Open ayah 37:84 in the Quran reader

جب آیا اپنے رب کے پاس لیکر دل نروگا (بےروگ، ستھرا)

اِذْ قَالَ لِاَبِیْهِ وَ قَوْمِهٖ مَا ذَا تَعْبُدُوْنَۚ Open ayah 37:85 in the Quran reader

جب کہا اپنے باپ کو37 اور اس کی قوم کو تم کیا پوجتے ہو

37:۔ اذ قال الخ : یہ پہلے اذ سے بدل ہے۔ اور یہ ان کے دل کی سلامتی کا بیان ہے کہ جب انہوں نے اپنے باپ اور اپنی قوم کو شرک کرتے دیکھا تو فورًا اس پر انکار کیا۔ اور فرمایا سوچو تو سہی تم اللہ کے سوا کس کی عبادت کرتے اور کس کو پکارتے ہو ؟ کیا وہ عبادت اور پکارے جانے کے لائق ہیں ؟ افک، بدترین جھوٹ۔ والفک، اسوا الکذب (جلالین) ۔ الھۃ، افکا سے بدل الکل ہے۔ کیا تم باطل یعنی معبودان غیر اللہ کے خواہشمند اور طلبگار ہو ؟ پھر اس رب العالمین کے بارے میں تمہارا کیا خیال ہے جو حقیقت میں عبادت کا مستحق ہے ؟ کیا اس کی قدرت و عظمت میں اور اس کی ربوبیت عامہ میں تم کسی شک و شبہ میں پڑگئے ہو کہ اس کے سوا اس کی عاجز مخلوق کو بھی کارساز متصرف و مختار اور مستحق عبادت سمجھ بیٹھے ہو ؟ یا مطلب یہ ہے کہ جب تم اللہ سامنے حاضر ہوگے تو تمہارا اس کے بارے میں کیا خیال ہے۔ کیا وہ تمہیں اس کی سزا نہیں دے گا ؟ اس صورت میں یہ تخویف ہوگی۔ ای شء ظنکم بمن ھو حقیق بالعبادۃ لکونہ ربا للعلمین اشککتم فیہ حتی ترکتم عبادتہ الخ ّ (روح ج 23 ص 101) ای ما ظنکم بہ اذا لقیتموہ و قد عبدتم غیرہ، فھو تحذیر (قرطبی ج 15 ص 92) ۔
Ayahs 37:86–88

اَئِفْكًا اٰلِهَةً دُوْنَ اللّٰهِ تُرِیْدُوْنَؕ Open ayah 37:86 in the Quran reader

کیا جھوٹ بنائے ہوئے حاکموں کو اللہ کے سوائے چاہتے ہو

فَمَا ظَنُّكُمْ بِرَبِّ الْعٰلَمِیْنَ Open ayah 37:87 in the Quran reader

پھر کیا خیال کیا ہے تم نے پروردگار عالم کو

فَنَظَرَ نَظْرَةً فِی النُّجُوْمِۙ Open ayah 37:88 in the Quran reader

پھر نگاہ کی ایک بار تاروں میں38

38:۔ فنظر نظرۃ الخ :۔ حضرت ابراہیم (علیہ السلام) اس انتظار میں تھے کہ انہیں کبھی ایسا موقع ہاتھ آئے جس پر وہ معبودانِ باطلہ کی بےبسی اور بیچارگی کو مشرکین پر واضح کرسکیں۔ چناچہ مشرکین کی عید کا دن آگیا جس میں وہ سب شہر سے باہر چلے جاتے۔ اور ایک مخصوص جگہ میں عید مناتے۔ مشرکین نے حضرت ابراہیم (علیہ السلام) کو بھی عید کی خوشی میں شریک ہونے کی دعوت دی۔ وہ تو ایسے موقع کی تلاش میں تھے کہ یہ مشرکین سب باہر چلے جائیں اور وہ اکیلے شہر میں رہ جائیں تاکہ ان کے ٹھاکروں کو تور پھوڑ سکیں۔ چناچہ انہوں نے غور و فکر اور سوچ بچار کے بعد یہی فیصلہ کیا کہ انہیں کسی بہانے سے ٹال کر خود شہر ہی میں رہنا چاہئے۔ پھر شاید یہ موقع ہاتھ نہ آئے۔ اس لیے آپ نے ان سے فرما دیا۔ انی سقیم، بھیا میں تو سقیم ہوں اس لیے تمہارے ساتھ عید کی خوشی میں شریک ہونے سے معذور ہوں۔ لفظ سقیم دو معنوں کا حامل ہے۔ اول سقیم النفس یعنی بیزار۔ اراد انی سقیم النفس لکفرکم (مدارک ج 4 ص 19) ۔ دوم، مریض، بیمار۔ حضرت ابراہیم (علیہ السلام) نے اس لفظ سے دوسرا معنی مراد لیا۔ یعنی میں تمہارے کفر و شرک کی وجہ سے تم سے بیزار ہوں اور تمہاری عید میں شریک نہیں ہوسکتا۔ لیکن مشرکین اس سے پہلا معنی سمجھے۔ اس اسلوب کلام کو تعریض یا توریہ کہا جاتا ہے جو حقیقت میں صحیح اور مطابق واقعہ ہوتا ہے۔ لیکن بظاہر جھوٹ معلوم ہوتا ہے نظر نظرۃ فی النجوم، یہ محاورہ ہے جس کے معنی غور و فکر کرنے کے ہیں۔ قال الحسن المعنی انہم لما کلفوہ الخروج معہم تفکر فیما یعمل الخلیل والمبرد، یقال للرجل اذا فکر فی الشیء یدبرہ، نظر فی النجوم (قرطبی ج 15 ص 92) ، یا اس سے حقیقۃً ستاروں میں غور و فکر کرنا مراد ہے۔ یہ قوم چونکہ ستارہ پرست تھی اور ستاروں کے مختلف احوال و اوضاع کو نظام عالم میں مؤثر سمجھتی تھی اس لیے حضرت ابراہیم (علیہ السلام) نے بطور ایہام ستاروں میں دیکھ کر جواب دیا تاکہ انہیں یہ گمان ہو کہ ابراہیم (علیہ السلام) نے ستاروں میں دیکھ کر جواب دیا تاکہ انہیں یہ گمان ہو کہ ابراہیم (علیہ السلام) نے ستاروں کا حساب لگا کر جواب دیا ہے اور انہیں جواب کی صحت کا یقین ہوجائے کان قومہ نجامین او ھمہم استدلالہ علی مرضۃ بعلم النجوم (جامع البیان ص 385) ۔
Ayahs 37:89–90

فَقَالَ اِنِّیْ سَقِیْمٌ Open ayah 37:89 in the Quran reader

پھر کہا میں بیمار ہونے والا ہوں،

فَتَوَلَّوْا عَنْهُ مُدْبِرِیْنَ Open ayah 37:90 in the Quran reader

پھر پھرگئے وہ اس سے پیٹھ دے کر39

39:۔ فتولوا عنہ الخ : حضرت ابراہیم (علیہ السلام) کا جواب سن کر مشرکین نے ان پر مزید اصرار نہ کیا۔ اور صبح اپنی عید میں شرکت کے لیے سب شہر سے باہر چلے گئے۔ ابراہیم (علیہ السلام) جو ایسے ہی موقع کی تلاش میں تھے ان کے ٹھاکر دوارے میں جا گھسے۔ دیکھا ٹھاکروں کے آگے مختلف کھانے رکھے ہیں جو ان کے پجاریوں نے رکھے تھے تاکہ وہ بابرکت ہوجائیں اور عید سے واپسی پر انہیں کھائیں حضرت ابراہیم (علیہ السلام) نے بطور استہزاء ٹھاکروں سے خطاب کر کے فرمایا : یہ کھانے جو رکھے ہیں کھاتے کیوں نہیں ہو ؟ جب انہوں نے کوئی جواب نہ دیا تو بطور استہزاء دوسرا سوال کردیا، مالکم لا تنطقون، تمہیں کیا ہے۔ تم بولتے کیوں نہیں۔ اور میری بات کا جواب کیوں نہیں دیتے ؟
Ayahs 37:91–93

فَرَاغَ اِلٰۤى اٰلِهَتِهِمْ فَقَالَ اَلَا تَاْكُلُوْنَۚ Open ayah 37:91 in the Quran reader

پھر جاگھسا ان کے بتوں میں پھر بولا تم کیوں نہیں کھاتے

مَا لَكُمْ لَا تَنْطِقُوْنَ Open ayah 37:92 in the Quran reader

تم کو کیا ہے کہ نہیں بولتے

فَرَاغَ عَلَیْهِمْ ضَرْبًۢا بِالْیَمِیْنِ Open ayah 37:93 in the Quran reader

پھر گھسا ان پر40 مارتا ہوا داہنے ہاتھ سے

40:۔ فراغ علیہم الخ : اس کے بعد دونوں ہاتھوں کی پوری قوت سے کلہاڑے کے ساتھ ان پر چوٹیں لگانا اور انہیں توڑنا پھوڑنا شروع کردیا۔ الیمین قوت سے کنایہ ہے۔ بالیمین ای بالقوۃ علی ان الیمین مجاز عنہا روی انہ (علیہ السلام) کان یجمع یدیہ فی الاۃ التی یضربھا بھا وھی الف اس فیضربہا بکمال قوتہ (روح ج 3 ص 123) ۔
Ayah 37:94

فَاَقْبَلُوْۤا اِلَیْهِ یَزِفُّوْنَ Open ayah 37:94 in the Quran reader

پھر لوگ آئے اس پر دوڑ کر گھبراتے ہوئے41

41:۔ فاقبلوا الخ : اس سے پہلے اندماج ہے۔ جب مشرکین عید منا کر واپس ٹھاکر دوارے میں آئے تو ٹھاکروں کو پاش پاش دیکھ کر آپس میں کہنے لگے یہ ناشائستہ حرکت کس نے کی ہے۔ انہی میں سے بعض نے شبہ ظاہر کیا کہ یہ کام ابراہیم ہی کا ہوسکتا ہے۔ کیونکہ وہ ان معبودوں کو ہمیشہ برائی سے یاد کرتا ہے ؟ چناچہ وہ دوڑتے ہوئے حضرت ابراہیم (علیہ السلام) کے پاس آئے اور کہنے لگے اے ابراہیم ! ہم تو ان ٹھاکروں کی پوجا پاٹ کرتے تھے تم نے یہ کیا حرکت کی کہ ان کو توڑ پھوڑ دیا۔ ثم قالوا باجمعہم نحن نعبدھا وانت تکسرھا (مدارک ج 4 ص 19) ۔
Ayah 37:95

قَالَ اَتَعْبُدُوْنَ مَا تَنْحِتُوْنَۙ Open ayah 37:95 in the Quran reader

بولا کیوں پوجتے ہو42 جو آپ تراشتے ہو

42:۔ قال اتعبدون الخ : حضرت ابراہیم (علیہ السلام) نے جواب میں فرمایا : کیا تم عقل سے کام نہیں لیتے، جن ٹھاکروں کو اپنے ہاتھوں سے تراش کر بناتے ہو۔ اور جن کی شکل و صورت تمہاری تراش خراش اور تمہارے اوزاروں کی محتاج ہے پھر انہی کی عبادت کرتے ہو۔ حالانکہ عبادت تو اپنے خالق کی کرنی چاہئے اور خالق سب کا (تمہارا اور تمہارے ٹھاکروں کا) اللہ تعالیٰ ہی ہے۔ اس لیے ہر قسم کی عبادت کا مستحق بھی وہی ہے۔ ٹھاکروں کو تراشنے والے اگرچہ مشرکین ہیں، لیکن ان کے مادے کا خالق اللہ ہی ہے۔ اور ان کی اشکال و اوضاع جو مشرکین کے فعل و قوت سے حاصل ہوئی ہیں۔ اس فعل و قوت کا خالق بھی اللہ ہی ہے فان جو ھرھا بخلقہ و شکلہا وان کان بفعلہم و لذلک جعل من اعمالہم فباقدارہ ایاھم علیہ وخلقہ ما یتوقف فعلہم من الدواعی والعدد (بیضاوی) ۔
Ayahs 37:96–97

وَ اللّٰهُ خَلَقَكُمْ وَ مَا تَعْمَلُوْنَ Open ayah 37:96 in the Quran reader

اور اللہ نے بنایا تم کو اور جو تم بناتے ہو

قَالُوا ابْنُوْا لَهٗ بُنْیَانًا فَاَلْقُوْهُ فِی الْجَحِیْمِ Open ayah 37:97 in the Quran reader

بولے بناؤ اس کے واسطے ایک عمارت43 پھر ڈالو اس کو آگ کے ڈھیر میں

43:۔ قالوا ابنوا لہ الخ : جب مشرکین حضرت ابراہیم (علیہ السلام) کی گفتگو سے لاجواب ہوگئے تو انہوں نے انتقام لینے اور عوام پر اثر ڈالنے کے لیے انہیں آگ میں جلانے کا فیصلہ کیا۔ لما قہرہم بالحجۃ قصدوا تعذیبہ بذلک لئلا یظہر لعامۃ عجزھم (روح ج 23 ص 126) ، چناچہ انہوں نے ایک سو بیس گز (ذراع) مربع چار دیوار بنائی جس کی بلندی تیس گز تھی (مدارک) اور اسے ایندھن سے بھر کر آگ لگا دی، جب آگ سلگ کر خواب انگارے بن گئے اور آگ کے شعلے آسمان سے باتیں کرنے لگے تو حضرت ابراہیم (علیہ السلام) کو اس بھڑکتی آگ میں پھینکدیا۔ وارادوا بہ کیدا الخ، انہوں نے حضرت ابراہیم (علیہ السلام) کو اس تدبیر سے ہلاک کرنا چاہا۔ لیکن اللہ تعالیٰ نے آگ کو ان کے لیے سرد کر کے اور ان کو آگ سے صحیح سلامت بچا کر مشرکین کو اس مقصد میں ناکام، خائب و خاسر اور عوام کے سامنے ذلیل و رسوا کردیا۔ بلکہ یہ واقعہ حضرت ابراہیم (علیہ السلام) کی سچائی پر ایک دلیل واضح اور برہان قاطع بن گیا۔ حضرت ابراہیم (علیہ السلام) کو جب آگ میں ڈالا گیا اس وقت حسب ذیل کلمات ان کے ورد زبان تھے۔ حسبی اللہ و نعم الوکیل (قرطبی) ، اس واقعہ سے معلوم ہوا کہ حضرت ابراہیم (علیہ السلام) خود ایک مصیبت میں گرفتار ہوئے۔ اور اس میں اللہ کو پکارا اور اس کی بارگاہ میں عاجزی کا اظہار کیا۔ اس لیے وہ کسی طرح شفیع غالب نہیں ہوسکتے۔
Ayahs 37:98–99

فَاَرَادُوْا بِهٖ كَیْدًا فَجَعَلْنٰهُمُ الْاَسْفَلِیْنَ Open ayah 37:98 in the Quran reader

پھر چاہنے لگے اس پر برا داؤ کرنا پھر ہم نے ڈالا انہی کو نیچے

وَ قَالَ اِنِّیْ ذَاهِبٌ اِلٰى رَبِّیْ سَیَهْدِیْنِ Open ayah 37:99 in the Quran reader

اور بولا میں44 جاتا ہوں اپنے رب کی طرف وہ مجھ کو راہ دے گا

44:۔ وقال انی الخ : حضرت ابراہیم (علیہ السلام) نے جب اپنی قوم کی طرف سے انتہائی ضد وعناد کا مشاہدہ کرلیا اور ان کے ایمان سے مایوس ہوگئے تو اللہ نے آپ کو ملک شام اور بیت المقدس کی جانب ہجرت کرنے کا حکم دے دیا۔ اس ہجرت میں آپ کے ہمراہ صرف حضرت لوط اور حضرت بی بی سارہ تھے الی ربی الی حیث امرنی (روح) ۔
Ayah 37:100

رَبِّ هَبْ لِیْ مِنَ الصّٰلِحِیْنَ Open ayah 37:100 in the Quran reader

اے رب بخش مجھ کو45 کوئی نیک بیٹا

45:۔ رب ھب لی الخ : ملک شام میں پہنچنے کے بعد حضرت ابراہیم (علیہ السلام) نے اللہ تعالیٰ سے فرزند عطا کرنے کی دعا کی۔ فبشرنہ الخ، فرمایا ہم نے اسے ایک بلند حوصلہ فرزند کی خوشخبری دی۔ اس سے مراد حضرت اسمعیل ذبیح اللہ (علیہ السلام) ہیں۔ لیکن یہودی غلط بیانی اور تحریف سے کام لیتے ہوئے حضرت اسحاق (علیہ السلام) کو ذبیح قرار دیتے ہیں۔ علماء اسلام میں بھی دونوں قول موجود ہیں۔ لیکن راجح یہی ہے کہ حضرت اسمعیل (علیہ السلام) ہی ذبیح ہیں۔ کیونکہ ہجرت کے بعد حضرت اسمعیل (علیہ السلام) کی بشارت دی گئی۔ اور واقعہ ذبح ذکر کرنے کے بعد حضرت اسحاق (علیہ السلام) کی بشارت ہوئی تو اس سے معلوم ہوا حضرت اسحاق (علیہ السلام) کی ولادت ہی اس واقعہ کے بعد ہوئی۔ والاظہر ان المخاطب اسمعیل (علیہ السلام) لانہ الذی وھب لہ اثر الہجرۃ ولان البشارۃ باسحاق بعد معطوفۃ علی البشارۃ بھذا الغلام (بیضاوی) ۔
Ayahs 37:101–102

فَبَشَّرْنٰهُ بِغُلٰمٍ حَلِیْمٍ Open ayah 37:101 in the Quran reader

پھر خوشخبری دی ہم نے اس کو ایک لڑکے کی جو ہوگا تحمل والا

فَلَمَّا بَلَغَ مَعَهُ السَّعْیَ قَالَ یٰبُنَیَّ اِنِّیْۤ اَرٰى فِی الْمَنَامِ اَنِّیْۤ اَذْبَحُكَ فَانْظُرْ مَا ذَا تَرٰى١ؕ قَالَ یٰۤاَبَتِ افْعَلْ مَا تُؤْمَرُ١٘ سَتَجِدُنِیْۤ اِنْ شَآءَ اللّٰهُ مِنَ الصّٰبِرِیْنَ Open ayah 37:102 in the Quran reader

پھر جب پہنچا46 اس کے ساتھ دوڑنے کو کہا اے بیٹے میں دیکھتا ہوں خواب میں کہ تجھ کو ذبح کرتا ہوں پھر دیکھ تو تو کیا دیکھتا ہے بولا اے باپ47 کر ڈال جو تجھ کو حکم ہوتا ہے تو مجھ کو پائے گا اگر اللہ نے چاہا سہارنے والا

46:۔ فلما بلغ الخ : جب بیٹا ذرا بڑا ہو کر کاموں میں والد گرامی کا ہاتھ بٹانے لگا۔ اور سات آٹھ برس کا ہوگیا تو حضرت ابراہیم (علیہ السلام) نے خوب میں دیکھا کہ وہ اپنے اکلوتے بیٹے کو ذبح کر رہے ہیں۔ متواتر تین دن انہوں نے یہ خواب دیکھا تو سمجھ گئے کہ یہ اللہ کا حکم ہے۔ چناچہ بیٹے سے فرمایا بیٹا ! میں نے خوب میں دیکھا ہے، کہ میں تجھے ذبح کر رہا ہوں۔ بتاؤ اب تمہاری کیا رائے ہے۔ بیٹا فورًا سمجھ گیا کہ یہ اللہ کی طرف سے مجھے ذبح کرنے کا حکم ہے۔ کیونکہ انبیاء (علیہم السلام) کے خواب وحی کا حکم رکھتے ہیں۔ 47:۔ قال یا ابت الخ، چناچہ حضرت اسمعیل (علیہ السلام) نے جواب میں عرض کیا : اباجان ! اللہ نے آپ کو جو حکم دیا ہے آپ اس کی تعمیل فرمائیں۔ میری طرف سے کسی پس و پیش یا جزع و فزع کا اظہار نہیں ہوگا۔ انشاء اللہ آپ مجھے صابرین میں سے پائیں گے۔ فلما اسلما الخ، جب دونوں باپ بیٹا اللہ کے حکم کی تعمیل پر آمادہ ہوگئے اور حلیم باپ نے اپنے حلیم فرزند کو ذبح کرنے کی غرض سے پہلو کے بل زمین پر لٹا دیا تو اللہ کی طرف سے آواز آئی یا ابراہیم الخ، اے ابراہیم ! تو نے اپنا خواب سچا کر دکھایا۔ ہمارا مقصد اسمعیل کی جان لینا نہیں، بلکہ تیرے جذبہ اطاعت و تسلیم کا امتحان مقصود ہے جسے تو نے اپنے عمل سے ثابت کردیا ہے۔ ای حصل المقصود من تلک الریا حیث ظہر منہ کمال الطاعۃ والانقیاد لامر اللہ تعالی۔ وکذلک الولد (خازن ج 6 ص 29) ، یہ ندا حلق پر چھری چلانے سے پہلے ہی آئی۔ اخرج الامان احمد عن ابن عباس انہ (علیہ السلام) لما اخذ الشفرۃ واراد ان یذبحہ نودی من خلقہ ان یا ابراہیم قد صدقت الرویا (روح ج 23 ص 130) ۔ ذبح کے وقت حضرت ابراہیم (علیہ السلام) نے اپنے فرزند ارجمند کو پہلو کے بل لٹایا جس طرح عام طور پر جانور کو ذبح کرتے وقت لٹایا جاتا ہے۔ اس طرح لٹانے سے چونکہ جبین بھی زمین پر گر جاتی ہے۔ اس لیے، تلہ للجبین، فرمایا۔ یعنی اس کو جبین کے بل پچھاء دیا۔ صرعہ علی شقہ فوقع جبینہ علی الارض (روح) جبین پیشانی کے اس حصے کو کہا جاتا ہے جو دائیں اور بائیں جانبوں میں واقع ہے۔ اور سامنے والے حصہ کو جبۃ کہا جاتا ہے۔ صرعہ علی شقہ فوقع جبینہ علی الارض وھو احد جانبی الجبہۃ (بیضاوی) ۔ تلہ للجبین، صرعہ علیہ ولکل انسان جبینان بینہما الجبہۃ (جلالین) ۔ واقعہ ذبح کے سلسلہ میں بہت سی تفصیلات ذکر کی جاتی ہیں جو روایت و درایت کے اعتبار سے ضعیف ہیں۔ مثلاً حضرت اسماعیل (علیہ السلام) کا والد گرامی سے کہنا کہ آپ اپنی آنکھوں پر پٹی باندھ لیں۔ اور میرے ہاتھ پیر بھی رسی سے باندھ دیں اور مجھے پیشانی کے بل لٹا کر گردن کی طرف سے ذبح کریں۔ اسی طرح چھری کا باربار تیز کرنا اور بار بار حلق پر چلانا وغیرہ وغیرہ۔ یہ تفصیلات صحیح روایتوں سے ثابت نہیں ہیں۔ انا کذلک نجزی المحسنین، ہم اپنے مخلص اور فرمانبردار بندوں کو ایسی ہی جزا دیا کرتے ہیں اور اس طرح ان کو شدائد و بلیات سے نجات دیتے ہیں ای نجزیہم بالخلاص من الشدائد فی الدنیا والاخرۃ (قرطبی ج 15 ص 106) ۔
Ayahs 37:103–106

فَلَمَّاۤ اَسْلَمَا وَ تَلَّهٗ لِلْجَبِیْنِۚ Open ayah 37:103 in the Quran reader

پھر جب دونوں نے حکم مانا اور پچھاڑا اس کو ماتھے کے بل

وَ نَادَیْنٰهُ اَنْ یّٰۤاِبْرٰهِیْمُۙ Open ayah 37:104 in the Quran reader

اور ہم نے اس کو پکارا یوں کہ اے ابراہیم

قَدْ صَدَّقْتَ الرُّءْیَا١ۚ اِنَّا كَذٰلِكَ نَجْزِی الْمُحْسِنِیْنَ Open ayah 37:105 in the Quran reader

تو نے سچ کر دکھایا خواب ہم یوں دیتے ہیں بدلہ نیکی کرنے والوں کو

اِنَّ هٰذَا لَهُوَ الْبَلٰٓؤُا الْمُبِیْنُ Open ayah 37:106 in the Quran reader

بیشک یہی ہے48 صریح جانچنا

48:۔ ان ھذا الخ یہ ایک ایسا ابتلاء وا متحان تھا کہ اس سے مخلص و غیر مخلص کا واضح طور سے امتیاز ہوسکتا تھا۔ جیسا کہ حضرت ابراہیم خلیل اللہ (علیہ الصلوۃ والسلام) کا اخلاص وانقیاد ظاہر ہوا۔ و فدینہ الخ، اسمعیل (علیہ السلام) کی جگہ ہم نے ایک عظیم الشان جانور بطور فدیہ دے دیا۔ حضرت ابراہیم (علیہ السلام) نے جب یہ ندا سنی یا ابراہیم قد صدق الرویا تو سر اوپر اٹھا کر دیکھا تو جبرئیل (علیہ السلام) مینڈھا لے کر آرہے تھے۔ بیٹے کی جگہ اس کی قربانی دی۔ روی انہ لما سمع ابراہیم النداء نظر الی السماء فاذا ھو بجبریل و معہ کبش املح اقرن و قال ھذا فداء لابنک فاذبحہ دونہ (مظہری ج 8 ص 132) ۔
Ayahs 37:107–108

وَ فَدَیْنٰهُ بِذِبْحٍ عَظِیْمٍ Open ayah 37:107 in the Quran reader

اور اس کا بدلہ دیا ہم نے ایک جانور ذبح کرنے کے واسطے بڑا

وَ تَرَكْنَا عَلَیْهِ فِی الْاٰخِرِیْنَۖ Open ayah 37:108 in the Quran reader

اور باقی رکھا ہم نے49 اس پر پچھلے لوگوں میں

49:۔ وترکنا علیہ الخ، اس کی تفسیر گذر چکی ہے۔
Ayahs 37:109–110

سَلٰمٌ عَلٰۤى اِبْرٰهِیْمَ Open ayah 37:109 in the Quran reader

کہ سلام ہے ابراہیم پر

كَذٰلِكَ نَجْزِی الْمُحْسِنِیْنَ Open ayah 37:110 in the Quran reader

ہم یوں دیتے ہیں بدلہ نیکی کرنے والوں کو50

50:۔ و بشرنہ الخ، سیاق وسباق قرآن سے معلوم ہوتا ہے کہ جب ہوتا ہے کہ جب حضرت ابراہیم (علیہ السلام) ہجرت کر کے شام میں سکونت پذیر ہوئے تو انہوں نے اللہ تعالیٰ سے فرزند عطا کرنے کی دعا کی۔ اس دعا کے جواب میں اللہ تعالیٰ نے ایک غلام حلیم کی ولادت کی خوشخبری دی۔ جب یہ غلام حلیم بڑا ہوا تو اس کو ذبح کرنے کا حکم آگیا۔ پھر جب واقعہ ذبح گذر گیا تو اس کے بعد اللہ تعالیٰ نے حضرت ابراہیم (علیہ السلام) کو دوسرے فرزند حضرت اسحاق (علیہ السلام) کی خوشخبری دی۔ قرآن کا یہ سیاق واضح دلیل ہے کہ ذبیح حضرت اسمعیل (علیہ السلام) ہیں اور حضرت اسحاق (علیہ السلام) کی ولادت ہی اس واقعہ کے بعد ہوئی برکنا علیہ الخ : ابراہیم و اسحاق پر ہم نے دین و دنیا کی برکتیں نازل کیں۔ ان کی نسل کو دنیا میں پھیلایا۔ ان کی اولاد میں انبیاء اور سلاطین پیدا کیے۔ ومن ذریتہما الخ، لیکن ان کی ساری نسل ان کے دین پر قائم رنہ رہی۔ کچھ تو ان کے مسلک ایمان و احسان پر رہے اور کچھ ظلم و اسراف کی راہ پر گامزن ہوئے۔ بہر حال اخلاق کی بےراہ روی سے اسلاف پر کوئی حرف نہیں آسکتا۔ اور نہ نسب کو ہدایت و ضلالت میں کوئی دخل ہے۔ وفی ذلک تنبیہ علی ان النسب لا اثر لہ فی الہدی والضلال وان الظلم فی اعقابہما لا یضرہما (مظہری ج 8 ص 133) ۔
Ayahs 37:111–114

اِنَّهٗ مِنْ عِبَادِنَا الْمُؤْمِنِیْنَ Open ayah 37:111 in the Quran reader

وہ ہے ہمارے ایماندار بندوں میں

وَ بَشَّرْنٰهُ بِاِسْحٰقَ نَبِیًّا مِّنَ الصّٰلِحِیْنَ Open ayah 37:112 in the Quran reader

اور خوشخبری دی ہم نے اس کو اسحاق کی جو نبی ہوگا نیک بختوں میں

وَ بٰرَكْنَا عَلَیْهِ وَ عَلٰۤى اِسْحٰقَ١ؕ وَ مِنْ ذُرِّیَّتِهِمَا مُحْسِنٌ وَّ ظَالِمٌ لِّنَفْسِهٖ مُبِیْنٌ۠ Open ayah 37:113 in the Quran reader

اور برکت دی ہم نے اس پر اور اسحاق پر اور دونوں کی اولاد میں نیکی والے ہیں اور بدکار بھی ہیں اپنے حق میں صریح

وَ لَقَدْ مَنَنَّا عَلٰى مُوْسٰى وَ هٰرُوْنَۚ Open ayah 37:114 in the Quran reader

اور ہم نے احسان کیا51 موسیٰ اور ہارون پر

51:۔ ولقد مننا الخ : یہ تیسرا اور چوتھا قصہ ہے۔ حضرت موسیٰ و ہارون (علیہما السلام) کی قوم کو فرعون نے غلام بنا رکھات تھا۔ اللہ تعالیٰ نے ان کو اور ان کی قوم کو فرعون کی غلامی سے نجات دی اور پھر فرعون کے لشکر سے دریا میں معجزانہ راستے بنا کر ان کو بچایا۔ وہ تو خود مصائب میں خداوند تعالیٰ کے محتاج ہیں اسلیے شفیع غالب کس طرح ہوسکتے ہیں۔ مننا میں احسان سے دینی اور دنیوی احسانات مراد ہیں انعمنا علیہما بالنبوۃ وغیرہا من المنافع الدینیۃ والدنیویۃ (روح ج 23 ص 138) ۔
Ayah 37:115

وَ نَجَّیْنٰهُمَا وَ قَوْمَهُمَا مِنَ الْكَرْبِ الْعَظِیْمِۚ Open ayah 37:115 in the Quran reader

اور بچا دیا ہم نے52 ان کو اور ان کی قوم کو اس بڑی گھبراہٹ سے

52:۔ و نجنہما الخ : یہ اور اس کا مابعد عطف خاص علی العام کے قبیل سے ہے کیونکہ ان آیتوں میں خاص انعامات کا ذکر ہے۔ یہ ایک دنیوی انعام تھا کہ اللہ نے موسیٰ وہارون (علیہما السلام) اور ان کی قوم کو فرعون اور اس کی قوم کے مظالم سے نجات دی۔ و نصرنھم الخ، یہ بھی اللہ کا ایک انعام ہے۔ ہم نے ان کی مدد کی اور قوم فرعون پر ان کو غلبہ عطا فرمایا۔ واتینہما الکتاب المستبین الخ، یہ دینی انعمات کا ذکر ہے۔ ہم نے ان کو ایک واضح اور مفصل کتاب (تورات) عطا فرمائی۔ اور اس کتاب کے ذریعے سے صراط مستقیم کی طرف راہنمائی کی۔ وترکنا علیہما الخ۔ تا۔ من عبادنا المومنین۔ اس کی تفسیر گذر چکی۔