36. Surah Yaseen

49:۔ الذی جعل الخ :۔ اس کی قدرت کاملہ کا ایک ادنی کرشمہ یہ ہے کہ وہ سبز درخت سے آگ نکالتا ہے۔ جسے تم روشن کرتے ہو۔ سبز درخت سے عفار بانس اور مرخ مراد ہیں۔ ان تینوں درختوں کی تازہ لکڑیوں کو باہم رگڑ کر آگ حاصل کی جاتی تھی۔ وھی الزنا والتی توری بھا الاعراب و اکثرھا من المرخ والعفار (مدارک ج 4 ص 12) ۔

50:۔ اولیس الخ :۔ جس قادر و توانا اور قیوم و دانا نے آسمانوں اور زمین کو پیدا کرلیا۔ کیا وہ انسانوں کو دوبارہ اپنی پہلو شکلوں پر پیدا نہیں کرسکتا ؟ کیوں نہیں ! ضرور پیدا کرسکتا ہے جبکہ وہ ساری کائنات کا خالق اور سب کچھ جاننے والا ہے۔ انما امرہ الخ : اس کے لیے کسی چیز کا پیدا کرنا کوئی مشکل نہیں، بلکہ نہایت ہی آسان ہے۔ وہ جب کسی چیز کو پیدا کرنے کا ارادہ کرتا ہے، تو اس کے ارادہ کرتے ہی وہ چیز خلعت وجود پہن لیتی ہے اسی طرح انسانوں کو دوبارہ پیدا کرنے کے لیے صرف اس کا ارادہ کافی ہے۔

ٖف 51:۔ فسبحن الخ :۔ یہ آخر میں ساری سورت کا خلاصہ ہے اللہ تعالیٰ ان تمام شریکوں سے برتر اور پاک ہے جن کو مشرکین اللہ کے سوا معبود اور شفعاء بنائے ہوئے ہیں ساری کائنات کا مکمل قبضہ اس کے ہاتھ میں ہے۔ ساری کائنات میں وہی مختار کل اور متصرف مطلق ہے اور آخرت میں بھی سب اسی کی بارگاہ میں حاضر ہوں گے اس لیے اس کے سوا کوئی معبود اور کارساز نہیں اور نہ کوئی اس کی بارگاہ میں شفیع غالب ہے اس لیے حاجات و مشکلات میں مافوق الاسباب اسی کو پکارا کرو۔ واخر دعوانا ان الحمد للہ رب العلمین۔ سورة یسین میں آیات توحید 1:۔ وما لی لا اعبد الذی فطرنی۔ تا۔ لا تغن عنی شفاعتہم شیئا ولا ینقذون (رکوع 2) نفی شرک اعتقادی و نفی شفاعت قہری۔ 2:۔ وایۃ لہم الارض المیتۃ۔ تا۔ فلا صریخ لہم ولا ینقذون (رکوع 3) نفی شرک فی التصرف 3 ۔ وما علمنہ الشعر۔ تا۔ وقران مبین۔ (رکوع 5) نفی علم شعر از نبی کریم ﷺ و دلیل صداقت آنحضرت ﷺ ۔ 4 ۔ اولم یروا انا خلقنا۔ تا۔ افلا یشکرون (رکوع 5) نفی شرک فی التصرف۔ 5 ۔ فسبحن الذی بیدہ ملکوت کل شیء والیہ ترجعون۔ (رکوع 5) ۔ نفی شرک ہر قسم و نفی شفاعت قہری۔ سورة یسین ختم ہوئی