Ayahs 21:81–8256:۔ ” وَلِسُلَیْمٰنَ الرِّیْحَ الخ “ یہ مع داؤود پر معطوف ہے ای سخرنا لہ الریح الخ (روح) ۔ یعنی ہم ہی نے اپنے حکم سے ہوا کو سلیمان (علیہ السلام) کے تابع فرمان بنادیا اور ہم ہی ہر چیز کو جاننے والے ہیں دوسرا کوئی نہیں۔ ” وَ مِنَ الشَّیَاطِیْنِ مَنْ یّغُوْصُوْنَ الخ “ الریح پر معطوف ہے اور من الشیاطین اس کا بیان ہے یعنی ہم نے جنوں کو مسخر کردیا کہ وہ اس کے حکم کے مطابق کام کرتے تھے۔ ” وَ کُنَّا لَھُمْ حَافِظِیْنَ “ لیکن سرکشی اور طغیان سے جنوں کو بچانا اور ان پر کنٹرول رکھنا یہ ہمارا کام تھا تاکہ وہ شر و فساد نہ کریں۔ داؤود و سلیمان (علیہما السلام) پر یہ تمام احسانات و انعامات ہم نے کیے تھے اور وہ ہمارے شکر گذار بندے تھے اس لیے وہ خود متصرف و کارساز اور لائق الوہیت نہ تھے۔ ” کُنَّا لِحُکْمِھِمْ شَاھِدِیْنَ “ ان کے فیصلے کو ہم ہی جانتے تھے۔ ” فَفَھَّمْنَا ھَا سُلَیْمٰن “ سلیمان (علیہ السلام) کو یہ فیصلہ ہم ہی نے سمجھایا۔ ” وَ کُلَّاً اٰتَیْنَا حُکْمًا “ دونوں کو علم و حکمت ہم ہی نے دی۔ ” وَ سَخَّرْنَا “ پہاڑوں کو ہم ہی نے تابع فرمان کیا ” وَ کُنَّا بِکُلِّ شَیْءٍ عٰلِمِیْنَ “ اور ہر چیز کو ہم ہی جانتے تھے۔ ” وَ کُنَّا لَھُمْ حٰفِظِیْنَ “ اور ان کی حفاظت کرنے والے بھی ہم ہی تھے۔
Ayahs 21:83–8457:۔ ” وَ اَیُّوْبَ اِذْ نَادٰي الخ “ یہ چھٹی تفصیلی نقلی دلیل ہے۔ ایوب (علیہ السلام) پر ابتلا آیا۔ تو انہوں نے دفع مضرت اور کشف مصیبت کیلئے ہمیں پکارا تو ہم نے ان کو مصیبت سے نجات دیدی اور تمام کھوئی ہوئی نعمتیں ان کو واپس دیدیں۔ ” رحمةً الخ “ یہ مفعول لہ ہے یعنی ہم نے یہ سب کچھ ایوب (علیہ السلام) پر رحمت و شفقت کیلئے کیا اور تاکہ دوسرے عبادت گذار بندوں کو اس سے نصیحت و عبرت حاصل ہو اور وہ مصائب و مشکلات میں صبر کریں اور صرف اللہ تعالیٰ ہی سے مصائب و مشکلات میں استعانت و استغاثہ کریں۔ ” فَاسْتَجَبْنَا لَهٗ “ ان کی دعا ہم ہی نے قبول کی۔ ” فَکَشَفْنَا “ ان کی تکلیف ہم ہی نے دور کی۔
Ayahs 21:85–8658:۔ ” وَ اِسْمَا عِیْلَ وَ اِدْرِیْسَ الخ “ یہ ساتویں تفصیلی نقلی دلیل ہے۔ یہ سب صبرو استقلال سے توحید سناتے رہے۔ ” وَ اَدْخَلْنٰھُمْ فِیْ رَحْمَتِنَا “ ان کو ہم نے کافروں کے شر سے بچا کر اپنی رحمت میں داخل کیا۔
Ayahs 21:87–8859:۔ ” وَ ذَالنُّوْنِ اِذْ الخ “ یہ آٹھویں تفصیلی عقلی دلیل ہے حضرت یونس (علیہ السلام) عرصہ تک اپنی قوم کو دعوت و تبلیغ کے بعد ان کے ایمان سے مایوس ہوگئے اور ان کے انکار و اصرار پر ناراض ہو کر ہجرت کرلی حالانکہ ابھی تک اللہ کی جانب سے اس قسم کا کوئی حکم ان پر نازل نہیں ہوا۔ غالباً اپنے اجتہاد سے یہ فیصلہ کیا کہ ان لوگوں پر اب حجت خداوندی تام ہوچکی ہے اور ان کے یمان لانے کی کوئی امید نہیں اب تو عنقریب ہی ان پر اللہ تعالیٰ کا عذاب نازل ہونے والا ہے اس لیے یہاں سے ہجرت کر جانا چاہئے۔ ” مُغَاضِبًا “ ای غضبان علی قومہ لشدۃ شکیمتھم وتمادی اصرارھم مع طول دعوتہ ایاھم وکان ذھابہ ھذا ھجرۃ عنھم لکنہ لم یومر بہ (روح ج 17 ص 83) ۔ چناچہ جب وہ اپنے شہر سے نکل کر روانہ ہوئے اور بحیرہ روم کے کنارے پہنچے تو کشتی تیار تھی اس میں سوار ہوگئے کشتی گرداب میں پھنس گئی اور غرق ہونے لگی تو ملاحوں نے کہا کہ سواریوں میں کوئی بھاگا ہوا غلام ہے اور ہمارا دستور یہ ہے کہ ایسے موقع پر ہم قرعہ اندازی کرتے ہیں جس کے نام کا قرعہ نکلے اسے سمندر میں پھینک دیتے ہیں چناچہ تین مرتبہ قرعہ ڈالا گیا تینوں مرتبہ حضرت یونس (علیہ السلام) کا نام نکلا اب وہ سمجھے کہ انہوں نے بلا امر ربانی ہجرت کر کے غلطی کی ہے اور ملاحوں سے کہا بیشک میں ہی اپنے آقا کے حکم کے بغیر بھاگا ہوا غلام ہوں اور سمندر میں چھلانگ لگا دی ایک بڑی مچھلی نے ان کو نگل لیا۔ اللہ نے مچھلی کو حکم دیا کہ یونس کو کوئی تکلیف نہ دینا میں نے اسے تیری غذا نہیں بنایا بلکہ تیرے پیٹ کو اس کے لیے قید خانہ بنایا ہے۔
60:۔ ” وَ ظَنَّ انْ لَّنْ نَّقْدِرَ الخ “ نقدر یہاں قدرۃ سے نہیں بلکہ قدر سے ہے جس کے معنی قضا یا تنگی کرنے کے ہیں۔ یعنی یونس (علیہ السلام) قبل نزول امر ہجرت کر کے چلے گئے اور ان کا خیال تھا کہ اس فعل پر ان کو سزا دینے کا ہم کوئی فیصلہ نہیں کرینگے یا ہم ان پر کسی قسم کی تنگی نہیں کرینگے۔ ای لن نقضی علیہ العقوبۃ قالہ ابن عباس فی روایۃ عنہ وقیل معناہ فظن ان لن نضیق علیہ الحبس (خازن ج 4 ص 258) ۔ فظن ان لن نقدر علیہ ای لن نضیق علیہ وھو کقولہ تعالیٰ اللہ یبسط الرزق لمن یشاء من عبادہ و یقدر ای یضیق و من قدر علیہ رزقہ ای ضیق الخ (کبیرج 6 ص 189) ۔
61:۔ ” فَنَادٰي فِی الظُّلُمٰتِ الخ “ مچھلی کے پیٹ میں پہنچ کر حضرت یونس (علیہ السلام) نے اپنے قصور کا اعتراف کیا اور اللہ کی تسبیح و تقدیس میں مصروف ہوگئے آخر اللہ تعالیٰ نے ان کی آہ وزاری قبول فرمائی اور مچھلی کے پیٹ سے باہر نکالا۔ حضرت یونس (علیہ السلام) نے اس مصیبت سے نجات حاصل کرنے کے لیے مچھلی کے پیٹ میں خدا کو پکارا اس سے معلوم ہوا کہ وہ خود متصرف و کارساز نہ تھے کہ اپنے آپ کو اس مصیبت سے بچا لیتے۔ ” فَاسْتَجَبْنَا لَهٗ “ ان کی دعا ہم ہی نے قبول کی۔ ” وَ نَجَّیْنَاه “ اور مصیبت سے ہم ہی نے ان کو بچایا۔
Ayahs 21:89–9062:۔ ” وَ زَکَرِیَّا اِذْ نَادٰي الخ “ یہ نویں تفصیلی نقلی دلیل ہے یعنی زکریا (علیہ السلام) نے آخری عمر میں ہم سے بیٹا مانگا اور ہم ہی نے اس عمر میں ان کو بیٹا عطا کیا اور ہم ہی دینے والے ہیں ان کو اس پر قدرت نہ تھی۔ ” فَاسْتَجَبْنَا لَهٗ “ زکریا کی دعا ہم ہی نے قبول کی۔ ” وَ وَھَبْنَا لَهٗ “ اور ہم ہی نے اس کو بیٹا عطا کیا۔ ” وَ اَصْلَحْنَا “ اور ہم ہی نے اس کی بیوی کو اولاد کے قابل بنایا۔ ” اِنَّھُمْ کَانُوْا الخ “ اس سے تمام مذکور انبیاء (علیہم السلام) مراد ہیں یعنی وہ تمام ہم سے توقع رکھ کر اور ہم سے ڈر کر حاجات و مشکلات میں غائبانہ ہمیں ہی پکارتے تھے۔ ” یَدْعُوْنَنَا “ تمام انبیاء (علیہم السلام) امید و بیم میں ہمیں ہی پکارتے تھے۔ ” وَ کَانُوْا لَنَا خٰشِعِیْنَ “ اور ہمارے ہی سامنے عاجزی کرتے تھے آیت کا یہ حصہ تمام انبیاء (علیہم السلام) سے متعلق ہے یا اس سے حضرت زکریا، ان کی بیوی اور یحییٰ (علیہم السلام) مراد ہیں۔
Ayah 21:9163:۔ ” وَ الَّتِیْ اَحْصَنَتْ الخ “ یہ دسویں تفصیلی نقلی دلیل ہے حضرت مریم صدیقہ اور حضرت مسیح (علیہما السلام) سے۔ ” اَحْصَنَتْ فَرْجَهَا “ یعنی اپنے جذبات کو قابو میں رکھا اور دامن عصمت کی حفاظت کی ” وَ اَحْصَنَتْ “ یعنی عفت فامتنعت من الفاحشة (قرطبی ج 11 ص 338) ۔ یا مطلب یہ ہے کہ اپنے آپ کو نکاح سے باز رکھا اور کسی شادی نہ کی حضرت مریم اور عیسیٰ (علیہما السلام) دونوں ماں بیٹا تمام بنی آدم کے لیے ہماری قدرت کاملہ اور مشیت نافذۃ کی واضح نشانی اور دلیل تھے مریم کا بغیر مس بشر بیٹا جننا اور عیسیٰ (علیہ السلام) کا بغیر باپ کے پیدا ہونا مخلوق کے لیے ایک اعجوبہ اور ہماری قدرت کی علامت ہے۔ وافروا ایۃ لان حالھما لمجموعھما ایۃ واحدۃ وھی ولاد تھا ایاہ من غیر محل (بحر ج 6 ص 336) ۔ ای علامۃ واعجوبۃ للخلق وعلی نبوۃ عیسیٰ ودلالۃ علی نفوذ قدرتنا فیما نشا (قرطبی) ۔ تو معلوم ہوا کہ مریم و عیسیٰ کا قصہ تو ہماری قدرت کی دلیل ہے اس لیے وہ الوہیت اور صفات کارسازی کے لائق نہیں ہیں۔
Ayah 21:9264:۔ ” اِنَّ ھٰذِهٖ اُمَّتُکُمْ الخ “ یہ تمام مذکورہ دلائل نقلیہ سے متعلق ہے یعنی ان تمام انبیاء (علیہم السلام) کا دین ایک ہی تھا اور وہ سارے کے سارے توحید پر متفق تھے اور سب کا یہی مسلک تھا کہ اللہ تعالیٰ کے سوا کوئی عبادت کا مستحق نہیں اور اس کے سوا حاجات میں غائبانہ پکار کے لائق بھی کوئی نہیں۔ ” اُمَّةً “ یہاں ملت اور دین کے معنوں میں مستعمل ہے اور مراد ملت اسلام اور ملت توحید ہے جو تمام انبیاء (علیہم السلام) کی ملت ہے۔ الامۃ الملۃ وھذہ الاشارۃ الی ملۃ الاسلام وھی ملۃ جمیع الانبیاء (مدرک ج 3 ص 68) ۔ خطاب للناس قاطبۃ والاشارۃ الی ملۃ التوحید والاسلام (روح ج 17 ص 89) ۔ لما ذکر الانبیاء قال ھؤلاء کلھم مجتمعون علی التوحید فالامۃ بمعنی الدین الذی ھو الاسلام قالہ ابن عباس و مجاھد وغیرھما (قرطبی) ۔
65:۔ ” وَ اَنَا رَبُّکُمْ الخ “ حضرت شیخ فرماتے ہیں۔ واؤ تفسیریہ ہے اور جملہ ماقبل کی تفسیر ہے یعنی تمام انبیاء (علیہم السلام) کی ملت واحدہ یہ ہے کہ میں تم سب کا رب اور کارساز ہوں لہذا تم سب صرف میری عبادت کرو اور صرف مجھے ہی پکارو ای لادین سوی دینی ولا رب غیری فاعبدونی ووحدونی (خازن ج 4 ص 260) ای انا الھکم الہ واحد (فاعبدونی) خاصۃ (روح ج 17 ص 90) ۔
Ayah 21:9366:۔ ” وَ تُقَطِّعُوْا اَمْرَھُمْ الخ “ یہ سوال مقدر کا جواب ہے یعنی جب تمام انبیاء (علیہم السلام) کا دین ایک ہی تھا اور سب توحید پر متفق تھے اور سب توحید ہی کی اشاعت کرتے رہے تو پھر بعد کے لوگوں میں شرک کہاں سے آگیا ؟ تو اس کا جواب دیا گیا کہ بعد کے بد عمل اور ناخلف جانشینوں نے توحید میں اختلاف ڈال دیا اور دنیوی دولت اور لالچ کی وجہ سے شرک کو رواج دینے میں منہمک ہوگئے اچھا سب کو ہمارے پاس ہی آنا ہے اس لیے اپنے کیے کی سزا پالیں گے۔ یعنی دین سب کا ایک تھا سب کا کارساز بھی ایک ہی تھا۔ اور تمام پیغمبر ایک ہی ملت پر متفق تھے لیکن بعد کے لوگوں نے ملت توحید کو پارہ پارہ کردیا۔ وحاصل المعنی الملۃ واحدۃ والرب واھد والانبیاء (علیہم السلام) متفقون علیھا وھؤلاء البعداء جعلوا امر الدین الواحد قطعا الخ (روح ج 17 ص 89) ۔
Ayah 21:9467:۔ ” فَمَنْ یَّعْمَلْ الخ “ ایمان و توحید والوں اور نیکو کاروں کے لیے بشارت اخروی۔
Ayah 21:9568:۔ ” وَ حَرَامٌ عَلیٰ قَرْیَةٍ الخ “ حرام یعنی ناممکن اور ممتنع۔ ” اَھْلَکْنَا “ یعنی ہم نے ان کی ہلاکت کا فیصلہ کردیا۔ ” لَایَرْجِعُوْنَ “ بمعنی مصدر ہے یعنی عدم رجوعھم اور مطلب یہ ہوگا کہ جزاء کے لیے ان کا ہماری طرف واپس نہ آنا ممتنع ہے یعنی ضرور ہمارے پاس آئیں گے ای ممتنع البتۃ عدم رجوعھم الینا للجزاء (روح) یا ” لا “ زائدہ اور سیف خطیب ہے یعنی جن لوگوں کی تباہی اور ہلاکت کا ہم نے فیصلہ کردیا ان کا شرک و کفر سے توبہ کر کے توحید اور اسلام کی طرف آنا ممتنع اور ناممکن ہے کیونکہ عذاب سے ہلاک کرنے کا فیصلہ اس وقت کیا جاتا ہے جب حجت خداوندی پوری ہوجائے اور منکرین کے دلوں پر ان کے مسلسل ضد وعناد کی وجہ سے مہر جباریت لگ جائے اور ان کے رجوع الی الحق کے تمام امکانات ختم ہوجائیں۔ المعنی و ممتنع علی قریۃ قدرنا ھلاکھا او حکمنا بہ رجوعھم الینا ای توبتھم علی ان (لا) سیف خطیب مثلھا فی قولہ تعالیٰ (ما منعک) ان لا تسجد فی قول (روح ج 17 ص 91) ۔ حضرت شیخ (رح) وفرماتے ہیں کہ حرام مبتداء محذوف کی خبر ہے یعنی الایمان حرام الخ اس صورت میں انھم لا یرجعون جملہ ماقبل سے بدل ہوگا اور لا زائدہ نہیں ہوگا قال مجاھد والحسن لایرجعون من الشرک ولایتوبون عنہ وھو قول مجاھد والھسن (کبیر ج 6 ص 194) ۔
Ayah 21:9669:۔ ” حتی اذا فتحت الخ “ یہ تخویف اخری ہے۔ ھم کی ضمیر سے سب لوگ مراد ہیں یا صرف یاجوج ماجوج پہلی صورت میں مطلب یہ ہوگا کہ نفخہ ثانیہ کے بعد لوگ زمین کے ہر مرتفع حصے کو روندتے اور تیزی سے قدم اٹھاتے ہوئے موقف کی طرف دوڑیں گے دوسری صورت میں مطلب یہ ہوگا کہ جب قیامت کے قریب یاجوج ماجوج کو آزاد کردیا جائیگا تو وہ زمین کے ہر حصہ میں پہاڑوں اور ٹیلوں کو روندتے ہوئے دنیا میں پھیل جائیں گے اور ہر طرف شر و فساد بر پا کر کے ایک تباہی مچادینگے ثم قیل فی الذین ینسلون من کل حدب انھم یاجوج و ماجوج وھو الاظھر وھو قول ابن مسعود وابن عباس و قیل جمیع الخلق فانھم یحشرون الی ارض الموقف وھم یسرعون من کل حدب (قرطبی ج 11 ص 341) ۔
Ayah 21:9770:۔ ” وَاقْتَرَبَ الْوَعْدُ الخ “ الوعد الحق سے قیامت مراد ہے وھو ما بعد النخۃ الاولی (روح ج 17 ص 92) ۔
Ayah 21:9871:۔ ” اِنَّکُمْ وَ مَا تَعْبُدُوْنَ الخ “” مَاتَعبُدُوْنَ “ سے برے پیر مراد ہیں جو اپنی پرستش پر راضی ہوں نیز انبیاء (علیہم السلام) اور اولیاء کرام کی مورتیاں جن کی مشرکین پرستش کرتے تھے۔ انبیاء (علیہم السلام) ملائکہ کرام اور اولیاء اللہ اس میں شامل نہیں ہیں۔ بقرینۃ ان الذی سبقت لھم منا الحسنی الخ۔
Ayahs 21:99–10072:۔ ” لَوْ کَانَ ھٰؤُلَاءِ الخ “ اگر یہ معبود اور کارساز ہوتے جیسا کہ مشرکین کا خیال ہے تو آگ میں ہرگز داخل نہ ہوتے حالانکہ وہ جہنم میں داخل کیے جائیں گے اور پھر اس میں ہمیشہ رہیں گے۔ ” زَفِیْر “ رونے چلانے کی آواز جس میں سینے کی خرخراہٹ بھی شامل ہوگی۔ انین وبکاء عویل (مدارک ج 3 ص 69) ۔
Ayah 21:10173:۔ ” اِنَّ الَّذِیْنَ سَبَقَتق لَھُمْ مِّنَّا الْحُسْنیٰ الخ “ حضرت ابن عباس ؓ فرماتے ہیں جب ” اِنَّکُمْ وَ مَا تَعْبُدُوْنَ الخ “ نازل ہوئی تو کفار قریش اپنے ایک سر کردہ ابن الزبعری کے پاس آئے اور اسے اس آیت کی اطلاع دی تو اس نے کہا اگر میں إحمد کے پاس ہوتا تو اس کو اسکا معقول جواب دیتا۔ قریش نے اس سے پوچھا تو کیا جواب دیتا تو اس نے کہا۔ میں کہتا کہ یہ مسیح بن مریم ہے جس کی نصاریٰ پرستش کرتے ہیں اور یہ عزیر ہے جس کی یہود پرستش کرتے ہیں تو کیا یہ بھی جہنم کا ایندھن ہوں گے کفار قریش یہ سن کر بہت خوش ہوئے۔ اور انہوں نے سمجھا کہ ابن الزبعری کی بات لاجواب ہے اور محمد کے پاس اس کا کوئی جواب نہیں۔ اس پر یہ آیت نازل ہوئی۔ جس میں اللہ تعالیٰ نے انبیاء علیہم السلام، فرشتوں اور اولیاء کرم کو آیت سابقہ کے حکم سے مستثنی فرمادیا۔ کیونکہ ان کے حق میں ” اَلْحُسْنیٰ “ (جنت یا بھلائی اور نیک انجام) کا وعدہ ازل سے ہوچکا ہے۔ من القرطبی وابن کثیر وغیرھما۔
74:۔ ” اَلْحُسْنیٰ “ اس سے مراد جنت ہے یا رحمت وسعادت یا توفیق طاعت۔ الحسنی ای الجنۃ (قرطبی ج 11 ص 345) ۔ الحسنی یعنی السعادۃ والعدۃ الجمیلۃ الجنۃ (خازن و معالم ج 4 ص 262) ۔ الحسنی ای الخصلۃ المفضلۃ فی الھسن وھی السعادۃ وقیل التوفیق للطاعۃ والمراد من سبق ذلک تقدیرہ فی الازل (روح ج 7 ص 97) ۔ الحسنی الرحمۃ والسعادۃ (جامع البیان ص 289) ۔ 75:۔ ” عَنھَا ای عن جَهَنَّم “ یعنی جن کے لیے حسنی کا وعدہ ہوچکا ہے انہیں جہنم سے دور رکھا جائیگا وہ تو جنت میں ہوں گے۔
Ayah 21:10276:۔ ” لَایَسْمَعُوْنَ الخ “ جملہ مبعدون سے بدل ہے اس میں دوزخ سے ان کے بعد کی قدرے تفصیل دی گئی ہے یعنی ان کو دوزخ سے اتنا دور کیا جائے گا کہ وہ آتش دوزخ کی خفیف سی آواز بھی نہیں سن پائیں گے حالانکہ حدیث شریف میں آتا ہے کہ دوزخ کی بھڑکتی آگ کا شور ہزاروں میلوں کے فاصلہ تک سنائی دے گا۔ یہ اس وقت ہوگا جب وہ جنت میں داخل ہوجائیں گے۔
Ayah 21:10377:۔ ” لَا یَحْزُنُھُمُ الْفَزَعُ الخ “ نار جہنم سے ان کی نجات کا اعلان کرنے کے بعد فرمایا۔ نفخہ ثانیہ سے لے کر دخول جنت تک وہ ہر قسم کے خوف وہراس اور بڑی سے بڑی گھبراہٹ سے بھی محفوظ رہیں گے۔ بیان لنجاتھم من الافزاع بالکلیۃ بعد نجاتھم من النار لانھم اذا لم یحزنھم اکبر الافزاع لم یحزنھم ماعداہ بالضرورۃ کذا قیل (روح ج 7 ص 99) ۔ ” اَلْفَزَعُ الْاَکْبَرُ “ سے نفخہ ثانیہ یا تمام اہوال قیامت مراد ہیں۔
78:۔ ” تَتَلَقّٰھُمُ الْمَلٰئِکةُ الخ “ حضرت ابن عباس فرماتے ہیں جب وہ قبروں سے اٹھیں گے اس وقت فرشتے ان کا استقبال کریں گے اور ان سے کہیں گے یہی وہ دن ہے جس کی آمد کا تم سے وعدہ کیا گیا تھا یا جنت میں داخل ہونے کے وقت فرشتوں کا استقبال مراد ہے ای تستقبلھم الملئکۃ علی ابواب الجنۃ یھنئوھم و یقولون لھم ” ھٰذَا یَوْمُکُمُ الَّذِيْ کُنْتُمْ تُوْعَدُوْنَ “ وقیل تستقبلھم ملائکۃ الرحمۃ عند خروجھم من القبور (قرطبی ج 11 ص 346) ۔
Ayah 21:10479:۔ ” یَوْمَ نَطْوِي السَّمَاءَ الخ “” یوم “ کا عامل ” اذکر “ محذوف مانا گیا ہے مگر اس کی ضرورت نہیں۔ حضرت شیخ قدس سرہ کے اصول کے مطابق اس کا عامل لا یحزنھم یا تتلقھم ہے۔ منصوب باذکر وقیل ظرف للا یحزنم وقیل ظر لتتلقاھم (روح) ۔ اعلم ان التقدیر لا یحزنھم الفزع الاکبر یوم نطوی السماء او وتتلقھم الملئکۃ یوم نطوی السماء (کبیر ج 6 ص 200) ۔
80:۔ ” کَطَیِّ السِّجِل الخ “ جس طرح بہت سے کاغذوں کے طومار کو لپیٹ دیا جاتا ہے اس طرح قیامت کے دن آسمانوں کی صفوں کو لپیٹ دیا جائے گا۔ یہ نظام عالم کے درہم برہم کرنے سے کنایہ ہے۔ آسمانی تعلیم از آدم تا خاتم النبیین علیہم الصلوۃ والسلام اس پر ناطق ہے کہ یہ عالم کون و فساد حادث ہے اور وہ فنا ہوجائیگا۔ فلاسفہ ملاحدہ نے اس میں اختلاف کیا ہے اور وہ عالم کو ازلی و ابدی مانتے ہیں جو صریح البطلان ہے البتہ صدر الدین شیرازی نے اپنی کتاب اسفار اربعہ میں لکھا ہے کہ متقدین میں اساطین فلاسفہ فناء عالم کے قائل تھے البتہ متاخرین کوتاہ نظری اور بےبصیرتی کی وجہ سے عالم کی ابدیت کے قائل ہیں۔ متقدمین فلاسفہ جو فناء عالم کے قائل ہیں ان میں سے کچھ کے نام یہ ہیں۔ انکسیمائس ملطی۔ فیثا غورث۔ افلاطون اور اس کا شاگرد ارسطا طالیس (کذا فی الروح ج 17 ص 100) ۔ واللہ تعالیٰ اعلم بالصواب۔
81:۔ ” کَمَا بَدَاْنَا اَوَّلَ خَلْقٍ الخ “ جس طرح آسانی اور سہولت کے ساتھ ہم نے اس ساری مخلوق کو پیدا کیا تھا۔ بالکل اس طرح ہم دوبارہ پیدا کرلیں گے یہ نہایت پختہ بات ہے اور ہم اس پر قادر ہیں اور لا محالہ ایسا کریں گے۔ ” وَعْدًا “ مفعول مطلق ہے۔ فعل مقدر کا۔ ای وعدنا وعدا۔ ” عَلَیْنَا “ یہ مبتدا محذوف کی خبر ہے ای علینا انجازہ والوفاء بہ ای من البعث والاعادۃ (قرطبی ج 11 ص 348) ۔
Ayah 21:10582:۔ ” وَلَقَدْ کَتَبْنَا الخ “ یہ مومنین کے لیے بشارت اخروی ہے۔ زبور سے حضرت داوٗد (علیہ السلام) کی کتاب مراد ہے اور ذکر سے تورات یا صحف ابراہیم مراد ہیں۔ ” اَلْاَرْضُ “ جنت کی زمین۔ احسن ما قیل فیہ انہ یراد بھا ارض الجنۃ کما قال سعید بن جبیر لان الارض فی الدنیا قد ورثھا الصالحون وغیرھم وھو قول ابن عباس و مجاھد وغیرھما الخ (قرطبی ) ۔ یا ارض مقدس یا ارض شام مراد ہے اور یہ امت محمدیہ کے لیے بشارت دنیوی ہے۔ وقیل الارض المقدسۃ یرثھا امة محمد ﷺ (بحر ج 6 ص 344) ۔ وقیل المراد بھا الارض المقدسۃ وقیل الشام (روح ج 17 ص 104) ۔
83:۔ ” عِبَادِيَ الصّٰلِحُوْنَ الخ “ اس سے امت محمدیہ علی صاحبہا الصلوۃ والسلام مراد ہے۔ یعنی ارض الجنۃ یرثھا امۃ محمد ﷺ (خازن ج 4 ص 263) ۔ قال مجاھد یعنی امۃ محمد ﷺ (معالم) و اکثر المفسرین علی ان المراد بالعباد الصالحین امۃ مھمد ﷺ (قرطبی ج 11 ص 349) ۔ لیکن انسب یہ ہے کہ اگر الارض سے ارض جنت مراد ہو تو عبادی الصلحون۔ تمام صلحاء کو شامل ہو۔ خواہ وہ کسی پیغمبر کی امت ہوں اور اگر الارض سے ارض شام یا بیت المقدس مراد ہو تو عبادی الصلھون سے امت محمدیہ مراد ہو۔ واللہ تعالیی اعلم بالصواب۔
Ayah 21:10684:۔ ” اِنَّ فِیْ ھٰذَا الخ “ ھذا کا اشارہ اس سورت میں مذکور تمام امور کی طرف ہے بعض مفسرین نے اس سے تمام قرآن مراد لیا۔ والاول اوفق ای فیما جری ذکرہ فی ھذہ السورۃ من الوعظ والتنبیہ وقیل ان فی القرآن (قرطبی) ای القرآن او فی المذکور فی ھذہ السورۃ من الاخبار والوعد والوعید والمواعظ (مدارک ج 3 ص 70) ۔
Ayah 21:107ف 85” وَ مَا اَرْسَلْنٰکَ الخ “ آپ تمام جہانوں کے لیے باعث رحمت اس طرح ہیں کہ آپ نے اللہ کے حکم سے سب کے لیے توحید کا اعلان کیا اور صراط مستقیم جو جنت کی سیدھی راہ ہے وہ سب کے لیے واضح کردی اور اللہ کی طرف جو پیغام آپ لے کر آئے وہ تمام بنی آدم کے لیے سعادت دارین کا باعث ہے البتہ کافروں نے سوء استعداد اور ضد وعناد کی وجہ سے فائدہ نہ اٹھایا۔ حضرت ابن عباس نے فرمایا۔ آپ مومن و کافر دونوں کے لیے باعث رحمت ہیں۔ مومن آپ پر ایمان لانے سے خوش نصیب ہوگیا اور کافر غرق و خسف اور دیگر دنیوی عذابوں سے بچ گئے جن سے اقوام سابقہ کو ہلاک کیا گیا۔ عن ابن عباس کان محمد ﷺ رحمۃ لجمیع الناس فمن اٰمن بہ و صدق بہ سعد، ومن لم یومن بہ سلم مما الحق الامم من الخصف والغرق (قرطبی ج 11 ص 350) ۔ والظاھر ان المراد بالعلمین ما یشمل الکفار ووجہ ذلک علیہ انہ (علیہ الصلوۃ والسلام) ارسل بما ھو سبب لسعادۃ الدارین و مصلحۃ النشاتین الا ان الکافر فوت علی نفسہ الانتفاع بذلک واعرض لفساد استعدادہ عما ھنالک (روح ج 17 ص 104) ۔
Ayah 21:10886:۔ ” قُلْ اِنَّمَا یُوْحی الخ “ یہ توحید پر دلیل وحی ہے انبیاء (علیہم السلام) سے دلائل نقلیہ کے بعد دلیل وحی ذکر کی گئی۔ جس طرح انبیاء سابقین تمام مصائب و بلیات کے وقت صرف اللہ تعالیٰ ہی کو متصرف و کارساز سمجھتے اور صرف اسی کو پکارتے تھے سی طرح میری طرف بھی یہی وحی بھیجی گئی ہے کہ میرا اور تم سب کا معبود اور کارساز اور حاجت روا بھی اللہ ہی ہے اس کے سوا اور کوئی نہیں جب میرا اور مجھ سے پہلے تمام انبیاء (علیہم السلام) کا یہی عقیدہ تھا کہ اللہ تعالیٰ کے سوا کوئی معبود اور کارساز نہیں اور اس کے سوا کوئی حاجت روا اور پکاریں سننے والا نہیں تو کیا اب بھی تم مانو گے یا نہیں ؟ استفہام سے مقصود طلب فعل ہے ای منقادون لتوحید اللہ تعالیٰ : ای فاسلموا کقولہ تعالیٰ ” فَھَلْ اَنْتُمْ مُّنْتَھُوْنَ “ ای انتھوا (قرطبی ج 11 ص 350) ۔ استفہام یتضمن الامر باخلاص التوحید والانقیاد الی اللہ تعالیٰ (بحر ج 6 ص 344) ۔ تمام انبیاء (علیہم السلام) دعوت توحید اور رد شرک پر متفق ہیں اور انبیاء (علیہم السلام) کا اس پر اتفاق و اجماع اس کے حق ہونے پر بہت بڑی دلیل ہے۔ قال فی شرح المقاصد ان بعثۃ الانبیاء علیہم الصلوۃ والسلام و صدقھم لا یتوقف علی الوحدانیۃ فیجور التمسک بالادلۃ السمیعۃ کا جماع الانبیاء (علیہم السلام) علی الدعوۃ الی التوحید ونفی الشریک وکالنصوص القطعیۃ من کتاب اللہ تعالیٰ علی ذلک (روح ج 17 ص 107) ۔
Ayah 21:10987:۔ ” فَاِنْ تَوَلَّوْا الخ “” اٰذَنْتُکُمْ “ کا مفعول ثانی محذوف ہے ای ما اوحی الی اور ” عَلیٰ سَوَاءٍ “ مفعول اول سے حال واقع ہے یعنی جن امور کی بذریعہ وحی مجھے اطلاع دی گئی ہے اور جن کی تبلیغ کا حکم مجھے دیا گیا ہے مثلاً مسئلہ توحید، انکار کرنے والوں کے لیے عذاب شدید کی وعید اور آخر کار غلبہ اسلام وغیرہ ان امور کی میں نے بلا تخصیص تم سب کو اطلاع دے دی ہے ایسا نہیں کیا کہ کچھ لوگوں کو بتائے ہوں اور کچھ لوگوں سے ان کو چھپا رکھا ہو ای کائنین علی سواء فی الاعلام بذلک لم اخص احدا منکم دون احد (روح ج 17 ص 107) ۔ فقد اعلمتکم ما ھو الواجب علیکم من التوحید وغیرہ علی سواء، فلم افرق فی الابلاغ والبیان بینکم لانی بعثبت معلما۔ (کبیر ج 6 ص 204) ۔ یا ” عَلی سواء “ فاعل اور مفعول دونوں سے حال ہے یعنی میں نے تمہیں مسئلہ توحید عقل و نقل اور وحی کے دلائل سے اس طرح واضح اور عیاں کر کے بتا اور سمجھا دیا ہے کہ اب اس مسئلہ کے جاننے اور سمجھنے میں اور تم برابر ہیں۔ یہ الگ بات ہے کہ ضد اور عناد کی وجہ سے تم اس کا اقرار نہ کرو۔ ای مستویا انا وانتم فی العلم بما اعلمتکم بہ من وحدانیۃ اللہ تعالیٰ لقیام الادلۃ علیھا (روح ) ۔ 88:۔ ” وَ اِنْ اَدْرِيْ الخ “ یہ دعوی سورت کا اعادہ ہے کہ اللہ تعالیٰ کے سوا کوئی عالم الغیب نہیں یعنی میں نے تمہیں یہ بات تو صاف صاف بتا دی ہے کہ مسئلہ توحید نہ مانوگے تو آخرت میں ذلت آمیز عذاب اور ہولناک عقاب میں متبلاء کیے جاؤ گے اور دنیا میں بھی آخر تم مغلوب ہوگے اور اسلام کا بول بالا ہوگا۔ یہ سب کچھ ضرور ہوگا مگر اس بات کا علم نہیں کہ یہ امور کب واقع ہوں گے۔ تمہاری تباہی و بربادی ہوجا کر اسلام کو کس سنہ میں غلبہ نصیب ہوگا اور قیامت کب قائم ہوگی۔ ان امور کا علم اللہ تعالیٰ مجھے عطاء نہیں فرمایا وھذا الایذان ھو اعلان بما یحل بمن تولی من العقاب وغلبۃ الاسلام ولکنی لا ادری متی یکون ذلک (بحر ج 6 ص 346) ۔ ” مَا تُوْعَدُوْنَ “ کی تفسیر میں مختلف اقوال ہیں۔ غلبہ اسلام، مشرکین پر دنیوی عذاب اور قیامت وغیرہ بہرحال اس سے جو بھی مراد ہو۔ وہ نزول آیت کے بعد زمانہ مستقبل میں واقع ہونے والا ہے اپنی ذات سے جس کے علم کی نفی کرنے کا آپ ﷺ کو حکم دیا گیا ہے۔ سید محمود آلوسی لکھتے ہیں۔ ” ما توعدون “ من غلبۃ المسلمین و ظہور الدین او الحشر مع کونہ اتیا لا محالۃ (روح) ۔ امام رازی فرماتے ہیں۔ اقریب ام بعید ما توعدون من یوم القیامۃ و من عذاب الدنیا ان ما یوعدون بہ من غلبۃ المسلمین علیھم کائن لا محالۃ ولابد ان یلحقہھم بذالک الذل والصغار وان کنت لا ادری متی یکون ذلک لان اللہ تعالیٰ لم یطلعنی علیہ (کبیر ج 6 ص 205) ۔ یعنی جس چیز کا تم سے وعدہ کیا گیا ہے وہ لا محالہ ہو کر رہے گی مگر مجھے یہ معلوم نہیں کہ وہ کب واقع ہوگی۔ کیونکہ اللہ تعالیٰ نے مجھے اس کی اطلاع نہیں دی اور مجھے اس کے معین وقت کا علم عطاء نہیں فرمایا۔ امام ابو البرکات نسفی حنفی رقمطراز ہیں ای لادری متی یکون یوم القیامۃ لان اللہ تعالیٰ لم یطلعنی علیہ ولکنی اعلم بانہ کائن لامحالۃ او لا دری متی یحل بکم العذاب ان لم تومنوا (مدارک ج 3 ص 71) ۔ علامہ خازن راقم ہیں ” ماتوعدون “ یعنی یوم القیامۃ لا یعلمہ الا اللہ (خازن ج 4 ص 264) ۔ علامہ قرطبی خامہ فرسا ہیں ” ما توعدون “ یعنی اجل یوم القیامۃ لا یدریہ احد لا نبی مرسل ولا ملک مقرب قالہ ابن عباس وقیل اذنتکم بالھرب ولکنی لا ادری متی یوذن لی فی محاربتکم (قرطبی ج 11 ص 350) ۔ حافظ ابن کثیر فرماتے ہیں۔ ای ھو واقع لا محالۃ ولکن لا علم لی بقربہ ولا ببعدہ (قبن کثیر ج 3 ص 202) ۔
Ayah 21:11089:۔ ” اِنَّهٗ یَعْلَمُ الخ “ یہ ماقبل کی دلیل اور علت ہے۔
Ayah 21:11190:۔ ” وَ اِنْ اَدْرِيْ الخ “ اور مجھے یہ بھی معلوم نہیں کہ اس تاخیر عذاب میں کیا حکمت ہے۔ شاید اس سے تمہارا امتحان اور تمہیں ایک مقررہ وقت تک عطیات قدرت سے متمتع ہونے کا موقع دے کر تم پر حجت تام کرنا مقصود ہو کیونکہ اللہ تعالیٰ مجرموں اور اپنے احکام کے باغیوں کو فورًا بلا مہلت نہیں پکڑتا بلکہ ان کو انعامات بےپایاں سے نواز کر اور مہلت دے کر موقع فراہم کرتا ہے تاکہ وہ غور وفکر کر کے حق و باطل میں امتیاز کرسکیں۔
Ayah 21:11291:۔ ” قَالَ رَبِّ احْکُمْ بِالْحَقِّ الخ “ یہ تخویف اخروی ہے کیو کہ اللہ تعالیٰ نے حضور ﷺ کی دعا کی حکایت فرمائی ہے کہ اے پروردگار ہمارے اور ان مشرکین کے درمیان جلد فیصلہ فرما دے۔ ہمیں غلبہ عطا کر اور ان کو مغلوب و مقہور اور ذلیل و خوار کر تو گویا یہ ان کے لیے عذاب دنیا کی بد دعا ہے ای رب اقض بیننا وبین اھل مکۃ بالعدل المقتضی لتعجیل العذاب والتشدید علیہم فھو دعاء بالتعجیل والتشدید والانکل قضائہ تعالیٰ عدل و وحق (روح ج 17 ص 108) ۔
92:۔ ” وَ رَّبُّنَا الرَّحْمٰنُ الخ “ اور ہمارا رب اپنے بندوں پر بڑا ہی مہربان ہے اور ہر آڑے وقت میں ہمارا کارساز اور مددگار ہے اے مشرکین جو کچھ تم کہہ رہے ہو۔ اور اپنی بہادری اور دلیری کی جو ڈینگیں مار رہے ہو۔ اللہ تعالیٰ ان سب کو ناکام کرے گا اور تمہارے مقابلے میں ہماری مدد کرے گا۔ مشرکین کہتے تھے کہ آخر شوکت و غلبہ ان کو حاصل ہوگا اور وہ اسلام کا جھنڈا سرنگوں کردیں گے۔ مگر اللہ نے ایمان والوں کو غلبہ اور عزت سے سرفراز فرمایا اور مشرکین کو سرنگوں کردیا اور اپنے پیغمبر ﷺ کی دعا قبول فرما لی۔ انھم کانوا یقولون ان الشوکۃ تکون لھم وان رایۃ الاسلام تخفق۔ فاستجاب اللہ عز وجل دعوۃ رسولہ ﷺ فخیب اٰمالم و غیر احوالھم ونصر اولیاء ہٗ علیھم فاصابھم یوم بدر ما اصابھم (روح ج 17 ص 108) ۔ واخر دعوانا ان الحمد للہ رب العالمین۔
سورة انبیاء ختم ہوئی