90. Surah Al-Balad

سورة البلد۔ آیات 1 تا 20۔ اسرار ومعارف۔ قسم ہے اس شہر عظیم کی یعنی اس شہر کا تقدس جو بنائے کعبہ کے باعث تھا اور کفار ومشرکین بھی اس کی عظمت کے قائل تھے جو آپ کے یہاں تشریف فرما ہونے سے دو بالا ہوگیا اس کی ساری عظمت بھی تو اللہ کی عظمت پہ گواہ ہے مفسرین نے اس کے ساتھ یہ بھی فرمایا کہ یہ حرمت والاشہر عنقریب آپ کے لیے کفار کے ساتھ جنگ کرنے کو حلال کردیاجائے گا گویا فتح مکہ کی خوش خبری بھی ہے اور خود آدم (علیہ السلام) اور ان کی ساری اولاد ، تمام انسانوں کی پیدائش سے موت تک کی زندگی ، اس بات پر گواہ ہے کہ انسان تخلیقی طور پر محنت ومشقت کرنے پر مجبور ہے اس کی زندگی کا کوئی لمحہ مشقت سے خالی نہیں شاہ وگدا سب جسمانی وذہنی ہر طرح کی مشقت کا شکار رہتے ہیں چاہیے تو یہ تھا کہ اپنی حیثیت پہچان کر اور لمحہ بہ لمحہ محتاجی کو دیکھ کر اللہ کی اطاعت اختیار کرتا لیکن کفار نے بغاوت کا راستہ اپنا یا جیسے ان کا خیال ہو کہ اب ان پر کسی کا بس نہ چلے گا اور اپنی طاغوتی کوششوں میں بہت خرچ کرکے گویا اپنی حفاظت کا سامان کیے بیٹھے ہیں یا حرام مال سے اپنی شہرت کے لیے خرچ کرکے سمجھتے ہیں کہ آخرت کے عذاب سے محفوظ ہوگئے۔ مال حرام سے تحفظ حاصل کرنے کا خیال۔ جیسے آج کل بدنصیب مسلمان امرائ ، اور حکمران لوگوں کے حقوق غضب کرکے اور ملکی خزانہ لوٹ کر پھر حج اور عمرے کرتے ہیں اور اپنی رائے میں لوگو پہ خرچ کرتے ہیں اور سمجھتے ہیں کہ بخشش کا سبب ہوگیا کیا ان سب کا یہ خیال ہے کہ ان کے کام اور کردار کی اصلیت سے کوئی واقف نہی یا اللہ حقیقت حال کو دیکھ نہیں رہے ذرایہ سوچیں کیا ہم نے ان کو دیکھنے کی صلاحیت اور دو آنکھیں نہیں عطا کردیں جو خالق حقیقی مخلوق کو نظر بانٹنا ہے وہ خود ہر شے اپنی شان کے مطابق ہر آن دیکھ رہا ہے پھر انہیں زبان عطا کردی اور ہونٹ بخشے کہ آن واحد میں دل میں خیال آیا ذہن نے ترتیب دیا زبان نے آواز نکالی اور ہونٹوں نے اپنی حرکات سے اسے الفاظ میں ڈھال دیا ان کا حال دن بیان کرنے کو انہیں اتناخوبصورت نظام جس مالک نے بخشا ہے وہ اس پورے نظام کی ہر بات سے ہر وقت آگاہ بھی ہے کہ اسی کے چلانے سے تو یہ عظیم مشینری چل رہی ہے پھر وہ اس سے کس طرح وقف نہ ہوگا اور پھر انہیں نیک وبد کا شعور دیا اور نبی بھیج کر دونوں راستے الگ الگ واضح کردیے کہ بھلا کیا ہے اور برائی کا راستہ کون سا ہے مگر انہوں نے دنیا کے لیے ہر مشقت برداشت کرلی مگر دین کے لیے انہیں پر مشقت راستہ قبول نہیں کہ عقبہ گھاٹی کو کہتے ہیں مشکل پہاڑوں سے گزرنے کا تنگ راستہ ، شریعت مطہرہ بھی خواہشات کے پہاڑوں سے گزرنے کا محفوظ راستہ ہے مگر گزرنے کی مشقت توسہناپڑتی ہے جو انہوں نے برداشت نہ کی اور یہ گھاٹی ہے کیا حقوق وفرائض کی وہ خوبصورت تقسیم جو اسلام نے عطا کی مثلا کسی کی گردن غلامی کے بوجھ سے آزاد کرانا۔ آزادی دلاناسب سے اعلی نیکی ہے۔ جیسے آج کل اللہ کے ایماندار بندے کافرانہ نظام کی قید میں اس باطل نطام سے چھٹکارا دلاناعظیم نیکی ہے اسی طرح بھوکے نڈھال اور مجبور لوگوں کو ان کا حق دلانا ان کے روزی کے وسائل ان تک پہنچانے کا اہتمام کرنا اور یتیم وبے کس عزیز و اقارب کی نگہداشت کے ساتھ اللہ کی ساری کمزوری اور بےبس مخلوق کے حقوق ان تک پہنچانے کا کام کرنا گوپہلا کام باطل نظام سے لوگوں کی رہائی کہ اس کے بغیر آپ ان کے حقوق دلانے کا کام نہیں کرسکتے اور دوسرا کام ہر مستحق کا حق اس تک بلاروک ٹوک پہنچانا خواہ وہ غریب ، یتیم ، بےکس اور بےبس ہی کیوں نہ ہوں یہی دو کام سارا اسلام ہیں اور ایسے ہی لوگ ایماندار شمار ہوتے ہیں یہی مومن ہیں جو تقاضائے ایمان پورا کرنے میں مشقت برداشت کرتے ہیں اور عبادت الٰہی پہ استقامت کی تلقین کرتے ہیں اور ایک دوسرے سے بھی محبت کی تلقین کرتے ہیں اور خلق خدا پر بھی محبت و شفقت کی تلقین کرتے ہیں یہ وہ لوگ ہیں جو دائیں طرف والے ہیں کہ انہیں اعمال نامہ دائیں ہاتھ میں ملے گا اور کامیاب ہوں گے اور جن لوگوں نے انکار کا راستہ اختیار کیا اور میری آیات کو جھٹلایا ، یعنی قرآن کا انکار کیا براہ راست یا قرآن نظام کا عملا انکار بھی تو اسی کا حصہ ہے۔ یہ لوگ بہت بڑے بدبخت ہیں کہ انہیں آگ میں چن دیاجائے گا کہ ہمیشہ دوزخ میں رہنے کی شکل ایسی ہے جیسے کسی کو دیوار میں چن دیا گیا ہو۔