56. Surah Al-Waaqia

اِذَا وَقَعَتِ الْوَاقِعَۃُ :”الواقعۃ“ قیامت کے ناموں میں سے ایک نام ہے ، جیسے ”الطامۃ ، الازفعۃ، ”لضاحۃ“ اور ”القارعۃ“ اس کے نام ہیں۔ ان میں ’ ’ تائ“ مبالغہ کے لیے ہے۔ اس کا نام ”الواقعۃ“ اس کے یقینی ہونے کی وجہ سے رکھا گیا ہے ، کیونکہ وہ ہر حال میں ہو کر رہنے والی ہے۔ یعنی جب قیامت قائم ہوگی، جیسا کہ سورة ٔ حاقہ میں ہے :(فَاِذَا نُفِخَ فِی الصُّوْرِ نَفْخَۃٌ وَّاحِدَۃٌ وَّ حُمِلَتِ الْاَرْضُ وَالْجِبَالُ فَدُکَّتَا دَکَّۃً وَّاحِدَۃً فَیَوْمَئِذٍ وَّقَعَتِ الْوَاقِعۃَُ) (الحاقۃ : 13 تا 15)”پس جب صور میں پھونکا جائے گا ، ایک بار پھونکنا۔ اور زمین اور پہاڑوں کو اٹھایا جائے گا ، پس دونوں ٹکرا دیئے جائیں گے ، ایک بار ٹکرا دینا ، تو اس دن ہونے والی ہوجائے گی“۔

لَیْسَ لِوَقْعَتِہَا کَاذِبَۃٌ ”گا ذبۃ“ مصدر ہے بمعنی ”کذب“ جیسے ”العافیۃ“ بمعنی ”معافدۃ“ اور ”الغافیۃ“ بمعنی ”عقبیٰ“ مصادر ہیں ، یعنی اس کے واقع ہونے میں کوئی جھوٹ نہیں۔

خَافِضَۃٌ رَّافِعَۃٌ : یعنی وہ بڑے بڑے متکبروں کو جو دنیا میں معزز اور بلند مرتبہ سمجھے جاتے تھے ، گرا کر جہنم میں پھینک دے گی اور مستضعفین اہل ایمان کو جو دنیا میں حقیر اور کم مرتبہ سمجھے جاتے تھے ، اٹھا کر جنت کے اعلیٰ مراتب تک پہنچا دے گی۔ مزید دیکھئے سورة ٔ مصطففین (29 تا 35)

اِذَا رُجَّتِ الْاَرْضُ رَجًّا : یہ ”اذا وقعت الواقعۃ“ سے بدل ہے۔ ”رج یرج رجا“ (ن) شدید حرکت دینا۔ ”رجاً“ مصدر کے ساتھ تاکید میں مبالغہ مقصود ہے۔ یہ وہی بات ہے جو ”اذا زلزلت الارض زلزالھا ‘ ‘ اور ”ان زلزلۃ الساعۃ شیء عظیم“ میں بیان فرمائی گئی ہے۔

وَّ بُسَّتِ الْجِبَالُ بَسًّا :”بس یبس بسا“ (ن) ریزہ ریزہ کرنا۔”بسا“ مصدر کے ساتھ پہاڑوں کو ریزہ ریزہ کرنے میں مبالغے کا اظہار مقصود ہے ، جیسا کہ فرمایا :(وَ یَسْئَلُوْنَـکَ عَنِ الْجِبَالِ فَقُلْ یَـنْسِفُھَا رَبِّی نَسْفًا فَـیَـذَرُھَا قَاعًا صَفْصَفًا لَّا تَرٰی فِیْھَا عِوَجاً وَّلَآ اَمْتًا) (طہٰ : 105 تا 107) ”اور تجھ سے پہاڑوں کے بارے میں پوچھیں گے تو تو کہہ دے میرا رب انہیں اڑا کر بکھیر دے گا۔ پھر انہیں ایک چٹیل میدان بنا کر چھوڑے گا۔ جس میں تو نہ کوئی کچی دکھے گا اور نہ کوئی ابھری جگہ“۔

1۔ فَکَانَتْ ہَبَآئً مُّنْبَثًّا :”ھباء ً“ غبار کے ان ذرات کو کہتے ہیں جو روشن دان سے کمرے میں آنے والی دھوپ میں چمک رہے ہوتے ہیں ، پکڑنا چاہیں تو کچھ ہاتھ نہیں آتا۔ ”بث یبث بشا“ (ن) پھیلانا۔ ’ ’ انبت انبثاتا“ (انفعال) پھیلنا۔ ”مثبثاً ‘ ‘ اسم فاعل ہے ، پھیلنے والا۔ قیامت کے دن پہاڑوں پر گزرنے والے احوال کے لیے دیکھئے سورة ٔ نبا کی آیت (20) کی تفسیر۔ 2۔ ان آیات میں ”اِذَا وَقَعَتِ الْوَاقِعَۃُ“ سے لے کر ”وَّ کُنْتُمْ اَزْوَاجًا ثَلٰـثَۃً“ تک بعض واقعات صور میں پہلے نفخہ کے وقت کے بیان فرمائے ہیں ، جیسے ”اِذَا رُجَّتِ الْاَرْضُ رَجًّا“ اور ”َّ بُسَّتِ الْجِبَالُ بَسًّا“ ہے اور بعض دوسرے نفخہ کے وقت کے ہیں ، جیسے ”خَافِضَۃٌ رَّافِعَۃٌ“ اور ”َّ کُنْتُمْ اَزْوَاجًا ثَلٰـثَۃً“ اور بعض دونوں نفخوں میں مشرک ہیں ، جیسے ”اِذَا وَقَعَتِ الْوَاقِعَۃُ“ اور ”لَیْسَ لِوَقْعَتِہَا کَاذِبَۃٌ“ ہے۔ چونکہ پہلے اور دوسرے نفحے کا سارا وقت قیامت ہی کا ہے ، اس لیے اس کے ہرجڑ کو ہر واقعہ کا وقت کہا جاسکتا ہے۔ چناچہ قرآن مجید میں عموماً دونوں نفخوں کے نتیجے میں واقع ہونے والے معاملات اکٹھے ہی ذکر کیے گئے ہیں۔

وَّ کُنْتُمْ اَزْوَاجًا ثَلٰـثَۃً : یہ تمام لوگوں کو خطاب ہے ، کیونکہ قیامت کے دن سب لوگ ان تین قسموں میں تقسیم ہوں گے، سابقون ، اصحاب الیمین اور اصحاب الشمال۔ سورت کے آخر میں موت کے وقت بھی لوگوں کی یہی قسمیں بیان فرمائی ہیں۔

فَاَصْحٰبُ الْمَیْمَنَۃِ مَآ اَصْحٰبُ الْمَیْمَنَۃِ۔۔۔۔۔:”اصحاب المیمنۃ ‘ ‘ مبتداء ہے اور ”ماَصْحٰبُ الْمَیْمَنَۃِ“ جملہ ہو کر خبر ہے۔ دائیں ہاتھ والے جنہیں دائیں ہاتھ میں اعمال نامے دیئے جائیں گے۔ (دیکھئے حاقہ : 19) استفہام سے مراد ان کی عظمت شان کا اظہار ہے ، یعنی وہ اتنی شان والے ہیں کہ ان کے متعلق سوال کیا جاتا ہے کہ ”اصحاب المیمنۃ“ کیا ہیں ؟ یہاں ان کی شان اجمالاً بیان ہوئی ہے، تفصیل آگے ”واصحب الیمین ما اصحب الیمین“ میں آرہی ہے۔ اسی طرح ”وَاَصْحٰبُ الْمَشْئَمَۃِ مَآ اَصْحٰبُ الْمَشْئَمَۃِ“ میں بائیں ہاتھ والوں کی بری حالت کا اظہار مقصود ہے کہ وہ کیا ہی بری ہے ، تفصیل اس کی ”واصحب الشمال ما اصحب الشمال“ میں آرہی ہے۔

والسبقون السبقون : اس کے دو مطلب ہوسکتے ہیں ، ایک یہ کہ پہلے ”السبقون“ سے مرادعمل میں سبقت والے اور دوسرے ”السبقون“ سے مراد درجے میں سبقت لینے والے ہیں۔ یعنی جو لوگ ایمان لانے میں اور اعمال صالحہ میں دوسروں سے پہل کرنے والے اور آگے بڑھنے والے ہیں وہ جنت کے داخلے میں بھی دوسروں سے بھی پہلے اور اس کے مراتب میں دوسروں سے آگے ہوں گے۔ دوسرا مطلب یہ کہ دونوں ”السبقون“ سے مراد ایک ہی ہے اور مقصود ان کی شان کا بیان ہے ، جیسے کہا جاتا ہے :”انت انت“ کہ تم ، تم ہی ہو ، تمہارا کیا کہنا ، کوئی اور تمہارے جیسا نہیں اور جیسے شاعر نے کہا ہے ؎ انا ابو النجم وشعری شعری ”میں ابو النجم ہوں اور میرا شعر میرا ہی شعر ہے“۔ یعنی میرے شعر کی کیا بات ہے۔ یعنی سابقون سابقون ہی ہیں ، کوئی اور ان کے رتبے کو نہیں پہنچ سکتا۔

اُولٰٓـئِکَ الْمُقَرَّبُوْنَ فِیْ جَنّٰتِ النَّعِیْمِ : یعنی ایمان لانے میں اور ہر خبر کے کام میں دوسروں سے سبقت لے جانے والوں کا د رجہ بھی عام اہل ایمان سے زیادہ ہے ، اس لیے اللہ تعالیٰ کا خاص قرب بھی انہی کو حاصل ہوگا اور انہیں ملنے والی جنت اصحاب الیمین کو ملنے والی جنت سے درجے اور نعمتوں میں افضل ہوگی، جیسا کہ اس سے پہلے سورة ٔ میں گزرا ہے اور یہاں بھی ”علی سرر موضونۃ“ سے اس کی تفصیل آرہی ہے۔”جنت النعیم“ کی تفسیر کے لیے دیکھئے سورة ٔ صافات (43)

ثُلَّۃٌ مِّنَ الْاَوَّلِیْنَ وَ قَلِیْلٌ مِّنَ الْاٰخِرِیْنَ :”ثلۃ“ پر تنوین تعظیم کے لیے ہے ، ایک بڑی جماعت۔ اللہ تعالیٰ نے سابقون کے متعلق ”ثُلَّۃٌ مِّنَ الْاَوَّلِیْنَ وَ قَلِیْلٌ مِّنَ الْاٰخِرِیْنَ“ اور اصحاب الیمین کے متعلق ”ثُلَّۃٌ مِّنَ الْاَوَّلِیْنَ وَ قَلِیْلٌ مِّنَ الْاٰخِرِیْنَ“ فرمایا۔ اب دیکھنا یہ ہے کہ دونوں جگہ ”الاولین“ اور ”الاخرین“ سے مراد کیا ہے ؟ تو اس کے متعلق اہل علم کے دو قول ہیں ، ایک یہ کہ ”الاولین“ سے مراد پہلی امتیں ہیں اور ’ ’ الاخرین“ سے مراد ہماری امت ہے۔ انہیں ”الاخرین“ اس لیے کہا گیا کہ وہ تمام امتوں میں سے آخری امت ہیں۔ مطلب یہ ہے کہ سابقون پہلی امتوں میں سے ایک بڑی جماعت ہیں اور آخری امت میں سے قلیل ہیں۔ طبری نے تفسیر میں یہی قول ذکر فرمایا ہے، کوئی اور قول ذکر ہی نہیں کیا اور راحج قول بھی یہی قوم ہوتا ہے ، کیونکہ آدم ؑ سے لے کر رسول اللہ ﷺ تک مشہور قول کے مطابق ایک لاکھ سے زیادہ تو انبیاء ہی گزرے ہیں۔ انبیاء سمیت ان کی امتوں کے سابقون یقینا بہت بڑی جماعت ہوں گے ، ان کی نسبت سے ہماری امت کے سابقون کی تعداد کم ہوگی۔ ہاں اصحاب الیمین جس طرح پہلی امتوں کے بہت بڑی جماعت ہوں گے ، ان کی نسبت سے ہماری امت کے سابقون کی تعداد کم ہوگی۔ ہاں اصحاب الیمین جس طرح پہلی امتوں کے بہت بڑی جماعت ہوں گے ہماری امت کے بھی بہت بڑی جماعت ہوں گے ، حتیٰ کہ ہماری امت کے افراد اہل جنت کا نصف ہوں گے ، جیسا کہ ”ثلثۃ من الاخرین“ کی تفسیر میں احادیث آرہی ہیں۔ اس قول کے راحج ہونے کی ایک اور وجہ یہ ہے کہ اس سورت میں قیامت کا ذکر ہو رہا ہے اور اس دن یہ تین گروہ صرف ہماری امت کے نہیں ہوں گے بلکہ آدم ؑ سے لے کر آخری ابن آدم تک سب لوگ تین گروہوں میں تقسیم ہوں گے۔ اس اعتبار سے بھی اولین سے مراد پہلی امتیں ہیں اور آخرین سے مراد امت محمد ﷺ کے لوگ ہیں۔ رسول اللہ ﷺ کی اس حدیث سے بھی اس قول کی تائید ہوتی ہے ، آپ ﷺ نے فرمایا :(نحن الاخرون السابقون یوم القیاۃ بید انھم اوتوا الکتاب من قلبنا ، ثم ھذا یومھم الذی فرض علیھم فاختلفوا فیہ ، فھدانا اللہ ، فالناس لنا فیہ تبع ، الیھود عذر والنصاری بعد غد) (بخاری ، الجمعۃ ، باب فرض الجمعۃ۔۔۔۔۔ 876، عن ابی ہریرۃ ؓ) ”ہم آخر میں آنے والے ہیں ، قیامت ے دن پہلے ہوں گے۔ اس لیے ان لوگوں کو ہم سے پہلے کتاب دی گئی ، پھر یہ (جمعہ کا) دن جو ان پر فرض کیا گیا تو انہوں نے اس میں اختلاف کیا ، تو اللہ تعالیٰ نے ہمیں ہدایت دی ، چناچہ لوگ اس میں ہمارے پیچھے ہیں ، یہود اگلے دن اور نصاری اس سے اگلے دن“۔ دوسرا قول جسے ابن کثیر نے ترجیح دی ہے ، یہ ہے کہ دونوں جگہ اولین اور آخرین سے مراد امت محمد ﷺ کے اولین و آخرین ہیں اور مطلب یہ ہے کہ سابقون اس امت کے شروع کے لوگوں میں سے ایک بہت بڑی جماعت ہوں گے اور بعد کے لوگوں میں سے کم تعداد میں ہوں گے۔ البتہ اصحاب الیمین امت کے شروع کے لوگوں میں بہت بڑی جماعت ہوں گے اور آخرحصے کے لوگوں سے بھی بہت بڑی جماعت ہوں گے۔ شروع کے لوگوں سے مراد صحابہ کرام ؓ اور ان سے قریب زمانوں کے لوگ ہیں۔ عبد اللہ بن مسعود ؓ بیان کرتے ہیں کہ رسول اللہ ﷺ نے فرمایا :(خیر الناس قرنی ثم الذین یلونھم ثم الذین یلونھم ثم یحییٰ ء قوم تسبق شھادۃ احدھم یمینہ و یمینہ شھادتہ) (بخاری ، فضائل الصحابۃ ، باب فضائل اصحاب النبی ﷺ۔۔۔۔: 3651)”سب لوگوں سے بہتر میرا زمانہ ہے ، پھر وہ لوگ جو ان سے ملیں گے ، پھر وہ لوگ جو ان سے ملیں گے ، پھر کچھ لوگ آئیں گے جن کی شہادت ان کی قسم سے پہلے اور ان کی قسم ان کی شہادت سے پہلے ہوگی۔“ ابن کثیر ؒ تعالیٰ نے ایک تیسرا قول ذکر فرمایا ہے کہ ہر امت کے ابتدائی لوگوں میں سابقون کی ایک بڑی جماعت ہوئی ہے جب کہ بعد کے لوگوں میں وہ قلیل ہوئے ہیں۔ حقیقت یہ ہے کہ ان تینوں اقوال میں کوئی تعارض نہیں ، اپنی اپنی جگہ تینوں درست ہیں ، البتہ آیات کے سیاق کے مطابق یہاں پہلا راجح معلوم ہوتا ہے۔ (واللہ اعلم)

عَلٰی سُرُرٍ مَّوْضُوْنَۃٍ :”سرر“ ”سریر“ کی جمع ہے ، جس کا معنی تخت بھی ہے اور چار پائی بھی اور ”وضنن بضن وضنا“ (ض) بننا ، مضبوطی اور باریکی سے بننا ، سونے اور جواہر کے ساتھ بننا۔ طبری نے مجاہد کے طریق سے صحیح سند کے ساتھ ابن عباس ؓ کا قول ذکر فرمایا ہے :”مرمولۃ بالذھب ، ای منسوجۃ بالذھب“ یعنی سونے کے تاروں کے ساتھ بنے ہوئے“۔

مُّتَّکِئِیْنَ عَلَیْہَا مُتَقٰبِلِیْنَ : اس کی تفصیل کے لیے دیکھئے سورة ٔ صافات (44) کی تفسیر۔

یَطُوْفُ عَلَیْہِمْ وِلْدَانٌ مُّخَلَّدُوْنَ : اس کے لیے دیکھئے سورة ٔ دہر کی آیت (19) کی تفسیر۔

بِاَکْوَابٍ وَّاَبَارِیْقَ :”اکواب“ ”کو ب“ کی جمع ہے ، برتن جس کی نہ دستی ہو نہ ٹوٹنی۔”ابایق“ ”ابریق“ کی جمع ہے ، مادہ اس کا ”برق“ (چمک) ہے ، وہ برتن جس کی ٹوٹنی یا پکڑنے کی دستی ہو یا دونوں ہوں۔ چمک کی وجہ سے اس کا نام ”ابریق“ رکھا گیا ہے۔ بعض کہتے ہیں کہ یہ فارسی لفظ ”ابریز“ کا معرب ہے۔ 2۔ وَکَاْسٍ مِّنْ مَّعِیْنٍ اس کے لیے دیکھئے سورة ٔ صافات (45) کی تفسیر۔

لَّا یُصَدَّعُوْنَ عَنْہَا وَلَا یُنْزِفُوْنَ :”الصداع“ دردسر کو کہتے ہیں،”صد ع و صدع فلان“ (مجہول) اسے درد سر ہوگیا۔”ینزفون“ سورة ٔ صافات (47) ک میں ”زائ“ کے فتحہ کے ساتھ مضارع مجہول ہے ، یہاں ”زائ“ کے کسرہ کے ساتھ مضارع معلوم ہے۔”نزف ماء البئر“ کنویں کا سارا پانی نکال لیا گیا۔ ”نزف الرجل“ آدمی کی عقل جاتی رہی وہ نشے میں مدہوش ہوگیا۔”انزف الرجل“ آدمی کے پاس کوئی چیز باقی نہ رہی۔ اس کی عقل جاتی رہی ، نشے میں مدہوش ہوگیا۔ خلاصہ یہ ہے کہ ”ینزفون“ معروف و مجہول دونوں کا معنی نشے میں بےہوش ہونا اور عقل کا مارا جانا ہے۔ تفسیر کے لیے دیکھئے سورة ٔ صافات (47)

وَ فَاکِہَۃٍ مِّمَّا یَتََََخَیَّرُوْنَ ”فَاکِہَۃٍ“ کا عطف ”باکواب“ پر ہے ، یعنی سونے سے بنے ہوئے تختوں پر آمنے سامنے ٹیک لگا کر بیٹھے ہوئے جنتوں پر ”والدین مخلدون“ شراب کے جام اور ان کے پسند کردہ پھل اور ان کی خواہش کے مطابق پرندوں کا گوشت لے کر چکر لگا رہے ہوں گے۔ خدمت گاروں کے پھل لا کر پیش کرنے میں جو لطف ہے وہ بھی انہیں حاصل ہوگا اور اپنے ہاتھوں سے توڑ کر کھانا چاہیں گے تو وہ بھی انہیں ہر وقت میسر ہوگا، جیسا کہ فرمایا :(وجنا الجنتین دان) (الرحمن : 54)”اور دونوں باغوں کا پھل قریب ہے“۔ اور فرمایا (قطوفھا دانیۃ) (الحاقۃ : 123)”جس کے میوے قریب ہوں گے“۔”فاکھۃ“ کے معنی کے لیے دیکھئے سورة ٔ صافات (42)

وَلَحْمِ طَیْرٍ مِّمَّا یَشْتَہُوْنَ :”یشتھون“ ”شھوۃ“ (خواہش) سے باب افتعال کا مضارع معلوم ہے۔ پرندوں کا گوشت لذت ، غذائیت اور قوت تینوں اعتبار سے چوپاؤں کے گوشت سے اعلیٰ اور عمدہ ہوتا ہے۔

وَ حُوْرٌ عِیْنٌ :”حورعین“ مرفوع ہے، اس کا عطف ”والدین مخلدون“ پر ہے ، مطلب یہ ہے کہ شراب کے جام ، پھل اور گوشت وغیرہ لے کر ”ولدان مخلدون“ ان پر چکر لگا رہے ہوں گے اور ”حورعین“ بھی۔ بعض نے فرمایا کہ یہ مبتداء ہے اور خبر اس کی محذوف ہے :”ای والھم فیھا حورعین“ یعنی ان کے لیے اس میں حوریں ہوں گی۔ ترجمہ اسی کے مطابق کیا گیا ہے۔ مزید دیکھئے سورة ٔ دخان (54)

کَاَمْثَالِ اللُّؤْلُوئِ الْمَکْنُوْنِ اس آیت کی وضاحت کے لیے دیکھئے سورة ٔ رحمن (58) اور سورة ٔ صافات (49) کی تفسیر۔

ا یَسْمَعُوْنَ فِیْہَا لَغْوًا وَّلَا تَاْثِیْمًا۔۔۔۔۔”تاثیماً“ ”اثم“ سے باب تفعیل کا مصدر بمعنی اسم فاعل ہے، گناہ گار کرنے والی بات۔ ”قیل“ اور ”قول“ دونوں ”قال یقول“ کے مصدر ہیں۔ ”سلما ً سلما ً“ ”قلیلاً“ سے بدل ہے یا اس کا مقولہ ہے۔ تفسیر کے لیے دیکھئے سورة ٔ مریم (62) اور سورة ٔ نبا (35)

وَ اَصْحٰبُ الْیَمِیْنِ مَآ اَصْحٰبُ الْیَمِیْنِ : سابقون کا حال بیان کرنے کے بعد اب اصحاب الیمین یعنی عام مومنوں کی خوش حالی اور عین و تنعیم کا بیان ہے۔”وَ اَصْحٰبُ الْیَمِیْنِ مَآ اَصْحٰبُ الْیَمِیْنِ“ سے وہی مراد ہیں جو فاصحب الیمنۃ ما اصحب المیمنۃ“ سے ہیں۔

فِیْ سِدْرٍ مَّخْضُوْدٍ :”سدر“ (بیری) اسم جنس ہے جو ایک اور زیادہ سب پر بولا جاتا ہے۔ لفظ مفرد ہونے کی وجہ سے صفت ”مخضود“ مفرد آئی ہے۔ ”طلح منضود“ بھی اسی طرح ہے۔ ایک بیری کہنا ہو تو ”سدرۃ“ کہتے ہیں۔ ”خضدا“ (ض) ”الشجر“ درخت کے کاٹنے کاٹ دینا۔ دنیا کی بیریوں میں کاٹنے ہوتے ہیں ، جنت کے بیری کے درختوں میں کاٹنے نہیں ہوں گے۔ اس کا ذکر اس لیے فرمایا کہ عرب بیری سے آشنا تھے ، کیونکہ ان کے بادیہ میں یہ درخت بہت ہوتا ہے ، مگر اکثر خاردار ہوتا ہے۔ باغوں میں کاشت کیے جانے والے درختوں کے کاٹنے کم اور پھل لذیز ہوتا ہے ، پھر کاٹنے جتنے کم ہوں گے پھل اتنا ہی زیادہ لذیز اور نفیس ہوتا ہے۔ جنت کی بیریوں میں کانٹے بالکل نہیں ہوں گے اور حقیقت یہ ہے کہ جنت کے پھلوں کے صرف نام دنیا کے پھلوں والے ہیں ، ان کے ذائقے ، لذت اور نفاست سے دنیا کے پھلوں کی کوئی نسبت نہیں۔

وَّطَلْحٍ مَّنْضُوْدٍ :”طلح“ کیکر کو بھی کہتے ہیں اور کیلے کو بھی۔”منصود“ (تہ بہ تہ) سے تعیین ہوگئی کہ یہاں کیلے مراد ہیں۔

وَّ ظِلٍّ مَّمْدُوْدٍ : ابوہریرہ ؓ رسول اللہ ﷺ سے بیان کرتے ہیں کہ آپ ﷺ نے فرمایا :(ان فی الجنۃ شجرۃ یسیرا الراکب فی ظلھا مائۃ عام لا یقطعھا واقرء وان شئتم :(وظلل ممدود) (بخاری ، التفسیر باب قولہ :(وظلل ممدود): 4881) ”جنت میں ایک درخت ہے جس کے سائے میں سوار سو سال چلتا رہے گا۔ چاہو تو یہ آیت پڑھو لو :(وظلل ممدود) ”اور ایسے سائے میں جو خوب پھیلا ہوا ہے“۔ ”ممدود“ میں سائے کا جگہ کے لحاظ سے پھیلاؤ بھی شامل ہے اور زمانے کے لحاظ سے بھی ، جیسا کہ فرمایا :(اکلھا دائم وظلھا) (الرعد : 35) ”اس کا پھل دائمی ہے اور اس کا سایہ بھی“۔

وَّمَآئٍ مَّسْکُوْبٍ :”سکب یکسب سکبا و تسکابا“ (ن) ”المائ“ پانی گرانا۔ ’ ’ السکب“ لگاتار بارش۔”ماء مسکوب“ سے مراد آبشاروں سے گرنے والا اور مسلسل بہنے والا پانی ہے۔”تسنیم“ میں بھی یہی مفہوم پایا جاتا ہے۔ (دیکھئے مطففین : 27) واضح رہے کہ جنت کی بیشمار نعمتیں ایسی ہیں جو سابقون اور اصحاب الیمین دونوں کے لیے مشترک ہیں ، البتہ ان کی کیفیت میں فرق ہوسکتا ہے۔ اگلی آیتوں میں ”فاکھۃ کثیرۃ“ کا بھی یہ معاملہ ہے۔

وَّ فَاکِہَۃٍ کَثِیْرَۃٍ :”بہت زیادہ“ میں پھلوں کی قسموں کا بہت زیادہ ہونا بھی شامل ہے اور مقدار میں بہت زیادہ ہونا بھی۔ اس کثرت کا مقصد اصحاب الیمین کی ضیافت اور عزت افزائی ہے ، آگے ان کی مرضی ہے ، جتنا چاہیں جب چاہیں کھائیں۔

ا مَقْطُوْعَۃٍ“: دنیا میں ہر پھل کا ایک موسم ہے ، اس کے بعد وہ ختم ہوجاتا ہے ، اسی طرح اس کا ایک علاقہ ہے دوسرے علاقے میں نہیں ملتا۔ جنت کے پھل ایسے نہیں کہ کسی موسم یا کسی جگہ میں نہ ملیں ، بلکہ وہ ہر جگہ اور ہر وقت تیار ملیں گے۔ 2۔ وَّلَا مَمْنُوْعَۃٍ : دنیا میں پھلوں کے حصول میں کئی رکاوٹیں ہوتی ہیں ، مثلاً یہ کہ کسی اور کی ملکیت ہیں ، خریدنے کے لیے قیمت موجود نہیں ، اپنے بھی ہیں تو ابھی تیار نہیں یا درختوں سے اتارنا مشکل ہے۔ جنت کے پھلوں کے حصول میں کوئی رکاوٹ نہیں ، ان کی ملکیت وراثتی ملکیت ہے اور دائمی ہے، فرمایا :(اُولٰٓـئِکَ ہُمُ الْوٰرِثُوْنَ الَّذِیْنَ یَرِثُوْنَ الْفِرْدَوْسَط ہُمْ فِیْہَا خٰـلِدُوْنَ) المومنون : 10، 11) ”یہ لوگ ہیں جو وارث ہیں۔ جو فردوس کے وارث ہوں گے ، وہ اس میں ہمیشہ رہنے والے ہیں۔“ اور اس کے پھل ہر وقت تیار ہیں اور ہر طرح کھانے والوں کی دسترس میں ہیں۔

وَّ فُرُشٍ مَّرْفُوْعَۃٍ : اونچے بستروں سے مراد عالی شان ہیں۔ ترمذی وغیرہ کی ایک روایت میں رسول اللہ ﷺ سے مروی ہے کہ ان کی بلندی اتنی ہے جتنی آسمان و زمین کے درمیان ہے ، جو پانچ سو سال کا فاصلہ ہے ، مگر ایسی کوئی روایت صححی نہیں اور نہ ہی بظاہر ایسی بلندی سے کچھ فائدہ ہے۔

اِنَّـآ اَنْشَاْنٰـہُنَّ اِنْشَآئً :”انشانھن“ میں ”ھن“ کی ضمیر ان عورتوں کی طرف جا رہی ہے جن کا پچھلی آیت ”وَّ فُرُشٍ مَّرْفُوْعَۃٍ“ کے ضمن میں ذکر ہے ، کیونکہ جنتیوں کے بستروں میں ان کے ساتھ ان کی بیویاں بھی ہوں گی ، جیسا کہ فرمایا :(ہُمْ وَاَزْوَاجُہُمْ فِیْ ظِـلٰـلٍ عَلَی الْاَرَآئِکِ مُتَّکِئُوْنَ) (یٰسین : 56)”وہ اور ان کی بیویاں گھنے سایوں میں تختوں پر تکیہ لگائے ہوئے ہوں گے“۔ ”انشا ینشی انشاء“ کا معنی نیا پیدا کرنا“ ہے۔ آیت کا مطلب یہ ہے کہ دنیا کی مومن عورتیں بوڑھی یا بد صورت جیسی بھی تھیں۔ اللہ تعالیٰ انہیں نئے سرے سے جوان، کنواری ، خوبصورت اور ان اوصاف والی بنا دے گا جس کا ان آیات میں ذکر ہے۔ اس کے علاوہ ان الفاظ میں وہ ”حورعین“ بھی شامل ہیں جنہیں اللہ تعالیٰ جنتیوں ہی کے لیے پیدا فرمائے گا۔

فَجَعَلْنٰـہُنَّ اَبْکَارًا :”ابکارا“ ”بکر“ کی جمع ہے ، کنواریاں۔ جمع دنیا میں شوہر والی مومن عورتوں کو بھی اللہ تعالیٰ باکرہ بنا دے گا۔ اس کے علاوہ دنیا کی عورتیں ہوں یا جنتیوں کے لیے پیدا کی گئی نئی عورتیں سب ہمیشہ باکرہ رہیں گی ، ان کے خاوند جب بھی ان سے ملاپ کریں گے انہیں باکرہ پائیں گے۔

عُرُبًا اَتْرَابًا لِّاَصْحٰبِ الْیَمِیْنِ ”عربا“”عروب“ (بفتح عین) کی جمع ہے ، جیسے ”رسول“ کی جمع ”رسل“ ہے۔ یہ ”اعرب فلان فی قولہ“ سے ہے ، جب کوئی شخص فصاحت اور حسن بیان سے بات کرے۔ یعنی میٹھی میٹھی باتوں اور ناز و انداز سے خاوند کا دل لبھانے والی اور اس کی محبت حاصل کرنے والی عورتیں ، خاوند کی محبوب عورتیں۔ ”اترابا“”ترب“ کی جمع ہے، ہم عمر جو مل کر مٹی میں کھیلتے رہے ہوں۔ ”لا صحب الیمین“”اترابا“ سے متعلق ہے ، یعنی وہ اصحاب الیمین کی ہم عمر ہوں گی۔ ہم عمر ی میں جو موافقت پائی جاتی ہے وہ اس کے سوا میں حاصل نہیں ہوتی۔ واضح رہے کہ ان آیات کا یہ مطلب نہیں کہ سابقون کو ملنے والی نعمتیں اور ہوں گی اور اصحاب الیمین کو ملنے والی دوسری ، بلکہ دونوں کو ملنے والی بیشمار نعمتیں مشترک ہوں گی ، مثلاً جنت کے پھل ، مکانات ، نہریں ، بیویاں ، خدام وغیرہ۔ ہاں ، ان کی کیفیت میں ضرور فرق ہوگا ساتھیوں کو ملنے والی نعمتیں اصحاب الیمین کو ملنے والی نعمتوں سے اعلیٰ درجے کی ہوں گی۔ دونوں کے لیے نعمتوں کے بیان سے مقصود ترغیب اور ان کا شو ق دلانا ہے۔

ثُلَّۃٌ مِّنَ الْاَوَّلِیْنَ وَ ثُلَّۃٌ مِّنَ الْاٰخِرِیْنَ : یعنی اصحاب الیمین پہلی امتوں میں سے بہت بڑی جماعت ہوں گے اور آخری امت سے بھی بہت بڑی جماعت ہوں گے۔ اس میں یہ وضاحت نہیں کہ دونوں میں سے کون سی جماعت تعداد میں دوسری سے زیادہ ہوگی ، یہ بات رسول اللہ ﷺ نے واضح فرمائی ہے ، عبد اللہ بن مسعود ؓ بیان کرتے ہیں :(کا مع رسول اللہ ﷺ فی قبۃ نحوا من اربعین رجلا فقال اترضون ان تکونوا ربع اھل الجنۃ قال قلنا نعم ، قلنا اترضون ان تکونوا ثلث اھل الجنۃ ؟ فقلنا نعم ، فقال والذی نفسی بیدہ ! انی لارجو ان تکونو نصف اھل الجنۃ واذلک ان الجنۃ لا یدخلھا الا نفس مسلمۃ وما انتم فی اھل الشرک الا کا لشعرۃ البیضاء فی جلد الثور الاسود او کا لشعرۃ السوداء فی جلد الثور الاحمر) (مسلم ، الایمان ، باب کون ھذہ الامۃ نصف اھل الجنۃ : 377، 321)”ہم رسول اللہ ﷺ کے ساتھ ایک خیمہ میں تقریباً چالیس آدمی تھے ، آپ ﷺ نے فرمایا :”کیا تم پسند کرتے ہو کہ تم اہل جنت کا چوتھا حصہ ہو ؟“ ہم نے کہا : ”ہاں !“ پھر فرمایا :”کیا تم پسند کرتے ہو کہ تم اہل جنت کا تیسرا حصہ ہو ؟“ ہم نے کہا :”ہاں !“ تو آپ ﷺ نے فرمایا :”قسم اس ذات کی جس کے ہاتھ میں میری جان ہے ! میں امید کرتا ہوں کہ تم اہل ِ جنت کا نصف ہوگے اور یہ اس لیے کہ جنت میں مسلمان کے سوا کوئی نہیں جائے گا۔ اور مشرکوں کے مقابلے میں تمہاری تعداد اتنی ہی ہے جتنی سیاہ بیل کی جلد میں ایک سفید بال یا سرخ بیل کی جلد میں ایک سیاہ بال“۔