عبداللہ بن مسعود ؓ کہتے ہیں کہ جب رسول اللہ ﷺ کی وفات ہوئی تو انصار کہنے لگے: ایک امیر ہم (انصار) میں سے ہوگا اور ایک امیر تم (مہاجرین) میں سے، تو عمر ؓ ان کے پاس آئے، اور کہا: کیا تم لوگوں کو معلوم نہیں کہ رسول اللہ ﷺ نے ابوبکر ؓ کو لوگوں کو نماز پڑھانے کا حکم دیا ہے ١ ؎، تو اب بتاؤ ابوبکر ؓ سے آگے بڑھنے پر تم میں سے کس کا جی خوش ہوگا؟ ٢ ؎ تو لوگوں نے کہا: ہم ابوبکر ؓ سے آگے بڑھنے پر اللہ کی پناہ مانگتے ہیں ٣ ؎۔
It was narrated that Abdullah (RA) said: "When the Messenger of Allah ﷺ passed away, the Ansar said: Let there be an Amir from among us and an Amir from among you. Then Umar (RA) came to them and said: Do you not know that the Messenger of Allah ﷺ commanded Abu Bakr (RA) to lead the people in prayer? Who among you could accept to put himself ahead of Abu Bakr? They said: We seek refuge with Allah from putting ourselves ahead of Abu Bakr".
حسن الإسنادصحيح وضعيف سنن النسائي الألباني: حديث نمبر 777
Notes · وضاحت
١ ؎: اس سے معلوم ہوا کہ امامت کے لیے صاحب علم وفضل کو آگے بڑھانا چاہیئے۔ ٢ ؎: اس سے صحابہ کرام ؓ نے سمجھا کہ امامت صغریٰ کے لیے رسول اللہ ﷺ کا ابوبکر ؓ کو آگے بڑھانا اس بات کا اشارہ تھا کہ وہی امامت کبریٰ کے بھی اہل ہیں، اس سے یہ بھی معلوم ہوا کہ زیادہ علم والا، زیادہ قرآن پڑھنے والے پر مقدم ہوگا، اس لیے کہ نبی اکرم ﷺ نے ابی بن کعب ؓ کے متعلق اقرأکم أبی فرمایا ہے، اس کے باوجود آپ نے ابوبکر ؓ کو امامت کے لیے مقدم کیا۔ ٣ ؎: اس کے بعد ابوبکر ؓ کی خلافت پر انصار ؓ بھی راضی ہوگئے۔
ابوالعالیہ البراء کہتے ہیں کہ زیاد نے نماز میں دیر کردی تو میرے پاس (عبداللہ ابن صامت) ابن صامت آئے میں نے ان کے لیے ایک کرسی لا کر رکھی، وہ اس پہ بیٹھے، میں نے ان سے زیاد کی کارستانیوں کا ذکر کیا، تو انہوں نے اپنے دونوں ہونٹوں کو بھینچا ١ ؎ اور میری ران پر ہاتھ مارا، اور کہا: میں نے بھی ابوذر ؓ سے اسی طرح پوچھا جس طرح تم نے مجھ سے پوچھا ہے، تو انہوں نے میری ران پہ ہاتھ مارا جس طرح میں نے تیری ران پہ مارا ہے، اور کہا: میں نے رسول اللہ ﷺ سے اسی طرح پوچھا ہے، جس طرح تم نے مجھ سے پوچھا ہے تو آپ نے تمہاری ران پہ ہاتھ مارا جس طرح میں نے تمہاری ران پہ مارا ہے، اور فرمایا: نماز اس کے وقت پر پڑھ لیا کرو، اور اگر تم ان کے ساتھ نماز کا وقت پاؤ تو ان کے ساتھ بھی پڑھ لو، اور یہ نہ کہو کہ میں نے نماز پڑھ لی ہے، لہٰذا اب نہیں پڑھوں گا ٢ ؎۔
It was narrated that Abu Aliyah Al-Barra said: "Ziyad delayed the prayer, then Ibn Samit came to me and I gave him a chair and he sat on it. I told him what Ziyad had done and he bit his lip (in disapproval), and he struck me on the thigh and said: I asked Abu Dharr the same question you asked me, and he struck me on the thigh as I struck you on the thigh and said: I asked the Messenger of Allah ﷺ the same question as you have asked me and he struck me on the thigh as I have struck you on the thigh and said: Offer the prayer on time, and if you catch up with them, then pray with them, and do not say: I have already prayed so I will not pray(now)".
صحيحصحيح وضعيف سنن النسائي الألباني: حديث نمبر 778
Notes · وضاحت
١ ؎: اس سے اس کے فعل پر ناپسندیدگی کا اظہار مقصود تھا۔ ٢ ؎: کیونکہ اس سے فتنے کا اندیشہ ہے۔
Takhrij · تخریج
صحیح مسلم/المساجد ٤١ (٦٤٨)، وقد أخرجہ: (تحفة الأشراف: ١١٩٤٨)، مسند احمد ٥/١٤٧، ١٦٠، ١٦٨، سنن الدارمی/الصلاة ٢٥ (١٢٦٣)، ویأتی عند المؤلف في الإمامة ٥٥ (برقم: ٨٦٠) (صحیح )
عبداللہ بن مسعود ؓ کہتے ہیں کہ رسول اللہ ﷺ نے فرمایا: عنقریب تم کچھ ایسے لوگوں کو پاؤ گے جو نماز کو بےوقت کر کے پڑھیں گے، تو اگر تم ایسے لوگوں کو پاؤ تو تم اپنی نماز وقت پر پڑھ لیا کرو، اور ان کے ساتھ بھی پڑھ لیا کرو ١ ؎ اور اسے سنت (نفل) بنا لو ٢ ؎۔
It was narrated that Abdullah (RA) said: "The Messenger of Allah ﷺ said: You may live to meet people who will be offering the prayer outside its (prayer) time. If you meet them, then offer the prayer on time, then pray with them and make that a voluntary prayer".
حسن صحيحصحيح وضعيف سنن النسائي الألباني: حديث نمبر 779
Notes · وضاحت
١ ؎: اس سے ظالم حکمرانوں کے ساتھ نماز پڑھنے کا جواز ثابت ہوتا ہے۔ ٢ ؎: صحیح مسلم کے الفاظ یہ ہیں واجعلوا صلاتکم معہم نافل ۃ یعنی بعد میں ان کے ساتھ جو نماز پڑھو اسے نفل سمجھو۔
Takhrij · تخریج
سنن ابن ماجہ/إقامة ١٥٠ (١٢٥٥)، (تحفة الأشراف: ٩٢١١)، مسند احمد ١/٣٧٩، ٤٥٥، ٤٥٩، وقد أخرجہ: صحیح مسلم/المساجد ٥ (٥٣٤) (صحیح )
ابومسعود (عقبہ بن عمرو) ؓ کہتے ہیں کہ رسول اللہ ﷺ نے فرمایا: لوگوں کی امامت وہ کرے جسے اللہ کی کتاب (قرآن مجید) سب سے زیادہ یاد ہو، اور سب سے اچھا پڑھتا ہو ١ ؎، اور اگر قرآن پڑھنے میں سب برابر ہوں تو جس نے ان میں سے سب پہلے ہجرت کی ہے وہ امامت کرے، اور اگر ہجرت میں بھی سب برابر ہوں تو جو سنت کا زیادہ جاننے والا ہو وہ امامت کرے ٢ ؎، اور اگر سنت (کے جاننے) میں بھی برابر ہوں تو جو ان میں عمر میں سب سے بڑا ہو وہ امامت کرے، اور تم ایسی جگہ آدمی کی امامت نہ کرو جہاں اس کی سیادت و حکمرانی ہو، اور نہ تم اس کی مخصوص جگہ ٣ ؎ پر بیٹھو، إلا یہ کہ وہ تمہیں اجازت دیدے ٤ ؎۔
It was narrated that Abu Masud (RA) said: "The Messenger of Allah ﷺsaid: Let the one who has most knowledge of the Book of Allah lead the people in prayer. If they are equal in terms of knowledge of the Qurh, let the one who emigrated first (lead them). If they are equal in terms of emigration, let the one who has more knowledge of the Sunnah, (lead them). If they are equal in terms of knowledge of the Sunnah, let the one who is oldest (lead them). Do not lead a man in prayer in his place of authority, and do not sit in his place of honor, unless he gives you permission".
صحيحصحيح وضعيف سنن النسائي الألباني: حديث نمبر 780
Notes · وضاحت
١ ؎: یہ اس صورت میں ہے جب وہ قرآن سمجھتا ہو (واللہ اعلم) ٢ ؎: کیونکہ ہجرت میں سبقت اور پہل کے شرف کا تقاضا ہے کہ اسے آگے بڑھایا جائے صحیح مسلم کی روایت (جو ابومسعود ؓ ہی سے مروی ہے) میں سنت کے جانکار کو ہجرت میں سبقت کرنے والے پر مقدم کیا گیا ہے، ابوداؤد اور ترمذی میں بھی یہی ہے اور یہی زیادہ صحیح ہے (واللہ اعلم)۔ ٣ ؎: مثلاً کسی کی مخصوص کرسی یا مسند وغیرہ پر۔ ٤ ؎: إلا ا ٔن یاذن لکم کا تعلق دونوں فعلوں یعنی امامت کرنے اور مخصوص جگہ پر بیٹھنے سے ہے، لہٰذا اس استثناء کی رو سے مہمان میزبان کی اجازت سے اس کی امامت کرسکتا ہے۔
مالک بن حویرث ؓ کہتے ہیں کہ میں اور میرے ایک چچازاد بھائی (اور کبھی انہوں) نے کہا: میں اور میرے ایک ساتھی، دونوں رسول اللہ ﷺ کے پاس آئے، تو آپ ﷺ نے فرمایا: جب تم دونوں سفر کرو تو تم دونوں اذان اور اقامت کہو، اور تم میں سے جو بڑا ہو وہ امامت کرے ١ ؎۔
It was narrated that Malik bin Al-Huwairith (RA) said: "I came to the Messenger of Allah ﷺ with a cousin of mine "once he said, "with a friend of mine" - and he said: When you travel, call the Adhan and Iqamah, and let the older of you lead the prayer".
صحيحصحيح وضعيف سنن النسائي الألباني: حديث نمبر 781
Notes · وضاحت
١ ؎: یعنی ایک اذان کہے دوسرا اس کا جواب دے، یا دونوں میں سے کوئی اذان دے اور دوسرا امامت کرائے۔
ابو سعید خدری ؓ کہتے ہیں کہ نبی اکرم ﷺ نے فرمایا: جب تین شخص ہوں تو ان میں سے ایک کو امامت کرنی چاہیئے، اور ان میں امامت کا زیادہ حقدار وہ ہے جسے قرآن زیادہ یاد ہو ۔
It was narrated from Abu Saeed (RA) that the Prophet (صلی اللہ علیہ وسلم) said: "when there are three people let one of them lead the prayer, and the one who is most entitled to lead the prayer is the one who has most knowledge of the Quran".
صحيحصحيح وضعيف سنن النسائي الألباني: حديث نمبر 782
ابومسعود ؓ کہتے ہیں کہ رسول اللہ ﷺ نے فرمایا: آدمی کی امامت ایسی جگہ نہ کی جائے جہاں اس کی سیادت و حکمرانی ہو، اور بغیر اجازت اس کی مخصوص نشست گاہ پر نہ بیٹھا جائے ١ ؎۔
It was narrated that Abu Masud (RA) said: "The Messenger of Allah ﷺ said: A man should not be led in prayer in his place of authority, and no one should sit in his place of honor except with his permission".
صحيحصحيح وضعيف سنن النسائي الألباني: حديث نمبر 783
Notes · وضاحت
١ ؎: اس روایت سے معلوم ہوا کہ اگر حاکم موجود ہو تو وہی امامت کا مستحق ہے۔
سہل بن سعد ؓ سے روایت ہے کہ رسول اللہ ﷺ کو یہ بات پہنچی کہ بنی عمرو بن عوف کے لوگوں میں کچھ اختلاف ہوگیا ہے تو رسول اللہ ﷺ اپنے ساتھ کچھ لوگوں کو لے کر نکلے تاکہ آپ ان میں صلح کرا دیں، تو رسول اللہ ﷺ اسی معاملہ میں مشغول رہے یہاں تک کہ ظہر کا وقت آپ پہنچا ١ ؎ تو بلال ؓ ابوبکر ؓ کے پاس آئے، اور کہنے لگے: ابوبکر! رسول اللہ ﷺ (ابھی تک) نہیں آسکے ہیں، اور نماز کا وقت ہوچکا ہے تو کیا آپ لوگوں کی امامت کردیں گے؟ انہوں نے کہا: ہاں کر دوں گا اگر تم چاہو، چناچہ بلال ؓ نے تکبیر کہی تو ابوبکر ؓ آگے بڑھے، اور اللہ اکبر کہہ کر لوگوں کو نماز پڑھانی شروع کردی، اسی دوران رسول اللہ ﷺ تشریف لے آئے، اور آپ صفوں میں چلتے ہوئے آئے یہاں تک کہ (پہلی) صف میں آ کر کھڑے ہوگئے، اور (رسول اللہ ﷺ کو دیکھ کر) لوگ تالیاں بجانے لگے، اور ابوبکر ؓ اپنی نماز میں ادھر ادھر متوجہ نہیں ہوتے تھے، تو جب لوگوں نے کثرت سے تالیاں بجائیں تو وہ متوجہ ہوئے، تو کیا دیکھتے ہیں کہ آپ ﷺ موجود ہیں، تو رسول اللہ ﷺ نے انہیں اشارے سے حکم دیا کہ وہ نماز پڑھائیں، اس پر ابوبکر ؓ نے اپنے ہاتھوں کو اٹھا کر اللہ تعالیٰ کا شکر ادا کیا، پھر وہ الٹے پاؤں اپنے پیچھے لوٹ کر صف میں کھڑے ہوگئے، تو رسول اللہ ﷺ آگے بڑھے اور جا کر لوگوں کو نماز پڑھائی، اور جب آپ نماز سے فارغ ہوئے تو لوگوں کو مخاطب کر کے فرمایا: لوگو! تمہیں کیا ہوگیا ہے؟ جب تمہیں نماز میں کوئی بات پیش آتی ہے تو تالیاں بجانے لگتے ہو حالانکہ تالی بجانا عورتوں کے لیے مخصوص ہے، جسے اس کی نماز میں کوئی بات پیش آئے وہ سبحان اللہ کہے، کیونکہ جب کوئی سبحان اللہ کہے گا تو جو بھی اسے سنے گا اس کی طرف ضرور متوجہ ہوگا (پھر آپ ابوبکر ؓ کی طرف متوجہ ہوئے) اور فرمایا: ابوبکر! جب میں نے تمہیں اشارہ کردیا تھا تو تم نے لوگوں کو نماز کیوں نہیں پڑھائی؟ ، تو ابوبکر ؓ نے جواب دیا؟ ابوقحافہ کے بیٹے کو یہ زیب نہیں دیتا کہ وہ رسول اللہ ﷺ کے سامنے نماز پڑھائے ٢ ؎۔
It was narrated from Sahl bin Sad (RA) that the Messenger of Allah ﷺ heard that there was a dispute among Banu Amr bin Awf, so he went to them with some other people to reconcile between them. The Messenger of Allah ﷺ was delayed there, and the time for Zuhr came. Bilal (RA) came to Abu Bakr (RA) and said to him: "The Messenger of Allah ﷺ has been delayed (there) and the time for prayer has come, will you lead the people in prayer"? Abu Bakr said: Yes, if you wish. Bilal (RA) said the Iqamah and Abu Bakr (RA) went forward and said the Takbir for the people. Then the Messenger of Allah ﷺ came, passing through the rows (of praying people) and stood in the (first) row and the people started clapping. Abu Bakr (RA) would never glance sideways in his prayer but when the people clapped so much he looked back and saw Messenger of Allah ﷺ. The Messenger of Allah ﷺ gestured to him to carry on praying. Aha Bakr (RA) raised his hands praising Allah the Mighty and Sublime, and retreated till he reached the (first) row. Then the Messenger of Allah ﷺ went forward and led the people in the prayer. When he completed the prayer he turned to face the people and said: O people, why did you start clapping when something unusual happened to you in the prayer? Clapping is only for women. So whoever among you comes across something in the prayer should say: Subhan Allah for there is none who will not turn round when they hear him saying Subhan Allah. O Abu Bakr! What prevented you from leading the people in the prayer when I gestured to you to do so? Abu Bakr replied: It is not fitting for the son of Abu Quhafah to lead the prayer in the presence of the Messenger of Allah ﷺ".
صحيحصحيح وضعيف سنن النسائي الألباني: حديث نمبر 784
Notes · وضاحت
١ ؎: صحیح بخاری میں اور خود مؤلف کے یہاں (حدیث رقم: ٧٩٤ میں) یہ صراحت ہے کہ یہ عصر کا وقت تھا۔ ٢ ؎: اس حدیث سے ثابت ہوتا ہے کہ اگر امام راتب (مستقل امام) کہیں گیا ہوا ہو، اور اس کی جگہ کوئی اور نماز پڑھا رہا ہو، تو جب امام راتب درمیان نماز آجائے تو چاہے تو وہی نائب نماز پڑھاتا رہے، اور چاہے تو وہ پیچھے ہٹ آئے اور امام راتب نماز پڑھائے، مگر یہ بات اس وقت تک ہے جب نائب نے ایک رکعت بھی نہ پڑھائی ہو، اور اگر ایک رکعت پڑھا دی ہو تو پھر باقی نماز بھی وہی پوری کرائے، امام ابن عبدالبر کے نزدیک یہ بات نبی کریم ﷺ کے ساتھ خاص تھی۔
Takhrij · تخریج
صحیح البخاری/الأذان ٤٨ (٦٨٤)، العمل في الصلاة ٣ (١٢٠١)، ٥ (١٢٠٤)، ١٦ (١٢١٨)، السھو ٩ (١٢٣٤)، الصلح ١ (٢٦٩٠)، الأحکام ٣٦ (٧١٩٠)، صحیح مسلم/الصلاة ٢٢ (٤٢١)، وقد أخرجہ: مسند احمد ٥/٣٣٦، ٣٣٨، سنن الدارمی/الصلاة ٩٥ (١٤٠٤، ١٤٠٥) (صحیح )
انس ؓ کہتے ہیں کہ لوگوں کے ساتھ رسول اللہ ﷺ کی آخری نماز وہ تھی جسے آپ نے ابوبکر ؓ کے پیچھے ایک کپڑے میں اس حال میں پڑھی تھی کہ اس کے دونوں کنارے بغل سے نکال کر آپ کندھے پر ڈالے ہوئے تھے۔
It was narrated that Anas (RA) said: "In the last prayer that the Messenger of Allah ﷺ prayed with the people, he prayed wrapped up in a single garment, behind Abu Bakr".
صحيح الإسنادصحيح وضعيف سنن النسائي الألباني: حديث نمبر 785
مالک بن حویرث ؓ کہتے ہیں کہ میں نے رسول اللہ ﷺ کو کہتے ہوئے سنا ہے: جب تم میں سے کوئی کسی قوم کی زیارت کے لیے جائے تو وہ انہیں ہرگز نماز نہ پڑھائے ١ ؎۔
It was narrated that Malik bin Al-Huwairith (RA) said: "I heard the Messenger of Allah ﷺ say: When any one of you visits some people,he should not lead them in prayer".
صحيحصحيح وضعيف سنن النسائي الألباني: حديث نمبر 787
Notes · وضاحت
١ ؎: إلا یہ کہ وہ لوگ اس کی اجازت دیں جیسا کہ ابن مسعود ؓ کی روایت میں ہے، جو اوپر گزر چکی ہے جس میں إلا بإذنہ کے الفاظ وارد ہیں۔
محمود بن ربیع سے روایت ہے کہ عتبان بن مالک ؓ اپنے قبیلہ کی امامت کرتے تھے اور وہ نابینا تھے، تو انہوں نے رسول اللہ ﷺ سے کہا: رات میں تاریکی ہوتی ہے اور کبھی بارش ہوتی ہے اور راستے پانی میں بھر جاتا ہے، اور میں آنکھوں کا اندھا آدمی ہوں، تو اللہ کے رسول! آپ میرے گھر میں کسی جگہ نماز پڑھ دیجئیے تاکہ میں اسے مصلیٰ بنا لوں! تو رسول اللہ ﷺ آئے، اور آپ نے پوچھا: تم کہاں نماز پڑھوانی چاہتے ہو؟ انہوں نے گھر میں ایک جگہ کی طرف اشارہ کیا، تو رسول اللہ ﷺ نے اس جگہ میں نماز پڑھی ١ ؎۔
It was narrated from Mahmiid bin Ar-Rabi that Itbk bin Milk used to lead his people in prayer, and he was blind. He said to the Messenger of Allah ﷺ: "Sometimes it is dark or rainy or there is a flood, and I am a blind man; 0 Messenger of Allah ﷺ, (come and) pray in a place in my house that I may take as a prayer-place". He said: "Where would you like me to pray for you?" He showed him a place in his house, and the Messenger of Allah ﷺ prayed there.
صحيحصحيح وضعيف سنن النسائي الألباني: حديث نمبر 788
Notes · وضاحت
١ ؎: یہ حدیث اس بات پر دلالت کرتی ہے کہ نابینا کی امامت بغیر کراہت جائز ہے۔
عمرو بن سلمہ جرمی ؓ کہتے ہیں کہ ہمارے پاس سے قافلے گزرتے تھے تو ہم ان سے قرآن سیکھتے تھے (جب) میرے والد نبی اکرم ﷺ کے پاس آئے، تو آپ ﷺ نے فرمایا: تم میں سے امامت وہ آدمی کرے جسے قرآن زیادہ یاد ہو ، تو جب میرے والد لوٹ کر آئے تو انہوں نے کہا کہ رسول اللہ ﷺ نے فرمایا ہے: تم میں سے امامت وہ آدمی کرے جسے قرآن زیادہ یاد ہو ، تو لوگوں نے نگاہ دوڑائی تو ان میں سب سے بڑا قاری میں ہی تھا، چناچہ میں ہی ان کی امامت کرتا تھا، اور اس وقت میں آٹھ سال کا بچہ تھا ١ ؎۔
Amr bin Salamah Al-Jarmi said: "Riders used to pass by us and we would learn the Quran from them. My father came to the Prophet ﷺ and he said: Let the one of you who knows most Quran leads the prayer. My father came and said that the Messenger of Allah ﷺ had said: Let the one of you who knows most Quran lead you in prayer. They looked and found that I was the one who knew most Quran, so I used to lead them in prayer when I was eight years old.
صحيحصحيح وضعيف سنن النسائي الألباني: حديث نمبر 789
Notes · وضاحت
١ ؎: ابوداؤد کی روایت میں ٧ سال کا ذکر ہے، اس حدیث میں اس بات کی دلیل ہے کہ غیر مکلف نابالغ بچہ مکلف لوگوں کی امامت کرسکتا ہے، اس لیے کہ یؤم القوم أقراہم لکتاب اللہ کہ عموم میں صبی ممیز (باشعور بچہ) بھی داخل ہے، اور کتاب و سنت میں کوئی بھی نص ایسا نہیں جو اس سے متعارض و متصادم ہو، رہا بعض لوگوں کا یہ کہنا کہ عمرو بن سلمہ ؓ کے قبیلہ نے انہیں اپنے اجتہاد سے اپنا امام بنایا تھا، نبی اکرم ﷺ کو اس کی اطلاع نہیں تھی، تو یہ صحیح نہیں ہے اس لیے کہ نزول وحی کا یہ سلسلہ ابھی جاری تھا، اگر یہ چیز درست نہ ہوتی تو نبی اکرم ﷺ کو اس کی اطلاع دے دی جاتی، اور آپ اس سے ضرور منع فرما دیتے۔
ابوقتادہ ؓ کہتے ہیں کہ رسول اللہ ﷺ نے فرمایا: جب نماز کے لیے اذان دی جائے، تو جب تک مجھے دیکھ نہ لو کھڑے نہ ہوا کرو ١ ؎۔
It was narrated from Abdullah bin Abi Qatadah (RA) that his father said: "The Messenger of Allah ﷺ said: When the call to prayer is given, do not stand up until you see me".
صحيحصحيح وضعيف سنن النسائي الألباني: حديث نمبر 790
Notes · وضاحت
١ ؎: یہ ممانعت اس وجہ سے تھی کہ کہیں لوگوں کو دیر تک کھڑا رہنا نہ پڑجائے کیونکہ بسا اوقات کسی وجہ سے آنے میں تاخیر ہوسکتی ہے۔
انس ؓ کہتے ہیں کہ نماز کے لیے اقامت کہی جا چکی تھی، اور رسول اللہ ﷺ ایک شخص سے راز داری کی باتیں کر رہے تھے، تو آپ نماز کے لیے کھڑے نہیں ہوئے یہاں تک کہ لوگ سونے لگے ١ ؎۔
It was narrated that Anas (RA) said: "The Iqamah for prayer was said, and the Messenger of Allah ﷺ was conversing privately with a man, and did not commence the prayer until the people slept".
صحيحصحيح وضعيف سنن النسائي الألباني: حديث نمبر 791
Notes · وضاحت
١ ؎: ہوسکتا ہے یہ گفتگو کسی ضروری امر پر مشتمل رہی ہو یا آپ ﷺ نے بیان جواز کے لیے ایسا کیا ہو، اس سے یہ بھی معلوم ہوا کہ اقامت میں اور نماز شروع کرنے میں فصل کرنا نماز کے لیے مضر نہیں۔
Takhrij · تخریج
وقد أخرجہ: صحیح مسلم/الحیض ٣٣ (٣٧٦)، (تحفة الأشراف: ١٠٠٣)، مسند احمد ٣/١٠١، ١١٤، ١٨٢ (صحیح )
ابوہریرہ ؓ کہتے ہیں کہ نماز کے لیے اقامت کہی گئی، تو لوگوں نے اپنی صفیں درست کیں، اور رسول اللہ ﷺ حجرے سے نکل کر نماز پڑھنے کی جگہ پر آ کر کھڑے ہوئے، پھر آپ کو یاد آیا کہ غسل نہیں کیا ہے ١ ؎ تو آپ نے لوگوں سے فرمایا: تم اپنی جگہوں پر رہو ، پھر آپ واپس اپنے گھر گئے پھر نکل کر ہمارے پاس آئے، اور آپ کے سر سے پانی ٹپک رہا تھا، اور ہم صف باندھے کھڑے تھے۔
It was narrated that Abu Hurairah (RA) said: "The Iqamah for prayer was said and the people stood in rows, and the Messenger of Allah ﷺ came out. Then when he stood in the place where he prayed, he remembered that he had not performed Ghusl. He said to the people: Stay where you are. Then he went back to his house, then he came out with his head dripping with water. He performed Ghusl while we were standing in our rows".
صحيحصحيح وضعيف سنن النسائي الألباني: حديث نمبر 792
Notes · وضاحت
١ ؎: اس سے بظاہر یہی لگتا ہے کہ آپ نے ابھی نماز شروع نہیں کی تھی۔
سہل بن سعد ؓ کہتے ہیں کہ قبیلہ بنی عمرو بن عوف میں آپس میں لڑائی ہوئی، یہ خبر نبی اکرم ﷺ کے پاس پہنچی تو آپ نے ظہر پڑھی، پھر ان کے پاس آئے تاکہ ان میں صلح کرا دیں، اور بلال ؓ سے فرمایا: بلال! جب عصر کا وقت آجائے اور میں نہ آسکوں تو ابوبکر سے کہنا کہ وہ لوگوں کو نماز پڑھا دیں ، چناچہ جب عصر کا وقت آیا، تو بلال ؓ نے اذان دی، پھر اقامت کہی، اور ابوبکر ؓ سے کہا: آگے بڑھیے، تو ابوبکر ؓ آگے بڑھے، اور نماز پڑھانے لگے، اتنے میں رسول اللہ ﷺ تشریف لے آئے، اور لوگوں کو چیرتے ہوئے آگے آئے ١ ؎ یہاں تک کہ ابوبکر ؓ کے پیچھے آ کر کھڑے ہوگئے، تو لوگوں نے تالیاں بجانی شروع کردیں، اور ابوبکر ؓ کا حال یہ تھا کہ جب وہ نماز شروع کردیتے تو کسی اور طرف متوجہ نہیں ہوتے، مگر جب انہوں نے دیکھا کہ برابر تالی بج رہی ہے تو وہ متوجہ ہوئے، تو رسول اللہ ﷺ نے ان کی طرف اپنے ہاتھ سے اشارہ کیا کہ تم نماز جاری رکھو ، تو اس بات پر انہوں نے اللہ تعالیٰ کا شکر ادا کیا، پھر وہ اپنی ایڑیوں کے بل الٹے چل کر پیچھے آگئے، جب رسول اللہ ﷺ نے یہ دیکھا تو آپ نے آگے بڑھ کر لوگوں کو نماز پڑھائی، پھر جب اپنی نماز پوری کرچکے تو آپ نے فرمایا: ابوبکر! جب میں نے تمہیں اشارہ کردیا تھا تو تم نے نماز کیوں نہیں پڑھائی؟ تو انہوں نے عرض کیا: ابوقحافہ کے بیٹے کو یہ بات زیب نہیں دیتی کہ وہ رسول اللہ ﷺ کی امامت کرے، پھر آپ ﷺ نے لوگوں سے فرمایا: جب تمہیں نماز کے اندر کوئی بات پیش آجائے، تو مرد سبحان اللہ کہیں، اور عورتیں تالی بجائیں ۔
Sahl bin Sad (RA) said: "There was some fighting among Banu Amr bin Awf, and news of that reached the Prophet (صلی اللہ علیہ وسلم). He prayed Zuhr, then he went to them to reconcile between them. Then he said to Bilal (RA): O Bilal, if the time for Asr comes and I have not come back, then tell Abu Bakr to lead the people in prayer. When the time (for Asr) came, Bilal (RA) called the Adhan, then the Iqamah, then he said to Abu Bakr: Go forward. So Abu Bakr (RA) went forward and started to pray. Then the Messenger of Allah ﷺ came and started passing through the rows of people until he stood behind Abu Bakr (RA), and the people clapped. Abu Bakr was such that whenever he started praying, he would never glance sideways, but when he noticed that the clapping persisted he turned around. The Messenger of Allah ﷺ gestured to him to carry on praying. Abu Bakr (RA) praised Allah the Mighty and Sublime for the Messenger of Allah ﷺ having told him to continue. Then Abu Bakr moved backward on his heels, and when the Messenger of Allah ﷺ saw that, he came forward and led the people in prayer. When he completed the prayer he said: O Abu Bakr, when I gestured to you, what kept you from continuing (to lead the people)? He said: It does not befit the son of Abu Quhafah (RA) to lead the Messenger of Allah ﷺ in prayer. And he (the Prophet (صلی اللہ علیہ وسلم) said to the people: If you notice something (during the prayer), men should say Subhan Allah and women should clap".
صحيحصحيح وضعيف سنن النسائي الألباني: حديث نمبر 793
Notes · وضاحت
١ ؎: صفوں کو چیر کر اندر داخل ہونا درست نہیں، پھر یا تو امام کے لیے یہ جائز ہو، یا پھر آپ نے پہلی صف میں خالی جگہ دیکھی ہو اسے پُر کرنے کے لیے آپ نے ایسا کیا ہو۔
انس ؓ سے روایت ہے کہ رسول اللہ ﷺ گھوڑے سے اپنے داہنے پہلو پر گرپڑے، تو لوگ آپ کی عیادت کرنے آئے، اور نماز کا وقت آپ پہنچا، جب آپ نے نماز پوری کرلی تو فرمایا: امام بنایا ہی اس لیے گیا ہے کہ اس کی اقتداء کی جائے، جب وہ رکوع کرے تو تم بھی رکوع کرو، اور جب وہ سر اٹھائے تو تم بھی سر اٹھاؤ، اور جب وہ سجدہ کرے تو تم بھی سجدہ کرو، اور جب وہ سمع اللہ لمن حمده کہے تو تم ربنا لک الحمد کہو ۔
It was narrated from Anas that the Messenger of Allah ﷺ fell from a horse onto his right side.They came to visit him and the time for prayer came. When the prayer was over he said: "The Imam is appointed to be followed. When he bows, then bow, when he stands up, then stand up, when he prostrates, then prostrate, and when he says Sami Allahu liman hamidah (Allah hears the one who praises Him), then say, Rabbanna lakal-hamd (Our Lord, to You be the praise)".
صحيحصحيح وضعيف سنن النسائي الألباني: حديث نمبر 794
Takhrij · تخریج
صحیح البخاری/الصلاة ١٨ (٣٧٨)، والأذان ٥١ (٦٨٩)، ٨٢ (٧٣٢)، ١٢٨ (٨٠٥) مطولاً، تقصیر الصلاة ١٧ (١١١٤)، صحیح مسلم/الصلاة ١٩ (٤١١)، وقد أخرجہ: سنن ابن ماجہ/إقامة ١٤٤ (١٢٣٨)، (تحفة الأشراف: ١٤٨٥)، موطا امام مالک/الجماعة ٥ (١٦)، مسند احمد ٣/١١٠، ١٦٢، سنن الدارمی/الصلاة ٤٤ (١٢٩١)، ویأتی عند المؤلف برقم: ١٠٦٢ (صحیح )
ابو سعید خدری ؓ سے روایت ہے کہ نبی اکرم ﷺ نے اپنے صحابہ میں پیچھے رہنے کا عمل دیکھا تو آپ نے فرمایا: تم لوگ آگے آؤ اور میری اقتداء کرو، اور جو تمہارے بعد ہیں وہ تمہاری اقتداء کریں، یاد رکھو کچھ لوگ برابر (اگلی صفوں سے) پیچھے رہتے ہیں یہاں تک کہ اللہ تعالیٰ بھی انہیں (اپنی رحمت سے یا اپنی جنت سے) پیچھے کردیتا ہے ١ ؎۔
It was narrated from Abu Saeed (RA) that the Messenger of Allah ﷺ saw that his companions tended to stand in the rear, so he said: "Come forward and follow me, and let those who are behind you follow your lead. If people continue to lag behind, Allah, the Mighty and Sublime, will put them back".
صحيحصحيح وضعيف سنن النسائي الألباني: حديث نمبر 795
Notes · وضاحت
١ ؎: اس حدیث میں امام کے قریب کھڑے ہونے کی تاکید اور نیکی کے کاموں میں بڑھ چڑھ کر حصہ لینے کی ترغیب ہے۔