اذان اور اذان کا جواب دینے کی فضیلت کا بیان
وَعَنِ ابْنِ عَبَّاسٍ قَالَ قَالَ رَسُوْلُ اﷲِ صَلَّی اﷲُ عَلَیْہِ وَسَلَّمَ مَنْ اَذَّنَ سَبْعَ سَنِیْنَ مُحْتَسِبًا کُتِبَ لَہُ بَرَاءَ ۃٌ مِنَ النَّارِ۔ (رواہ الترمذی وابوداؤد و ابن ماجہ)
اور حضرت عبداللہ ابن عباس ؓ راوی ہیں کہ سرور کائنات ﷺ نے فرمایا جو آدمی (مزدوری و اجرت کے لالچ کے بغیر) محض ثواب حاصل کرنے کے لئے سات سال تک اذان دے تو اس کے لئے دوزخ سے نجات لکھ دی جاتی ہے۔ (جامع ترمذی، سنن ابن ماجہ)