خوشبو کی دھونی لینے کا ذکر
وعن نافع قال كان ابن عمر إذا استجمر استجمر بألوة غير مطراة وبكافور يطرحه مع الألوة ثم قال هكذا كان يستجمر رسول الله صلى الله عليه وسلم . رواه مسلم .
اور حضرت نافع ؓ کہتے ہیں کہ حضرت ابن عمر ؓ جب خوشبو کی دھونی لیتے تو (کبھی تو صرف) اگر کی دھونی لیتے جس میں مشک وغیرہ مخلوط نہ ہوتا اور (کبھی) کافور کی دھونی لیتے کہ اس اگر ساتھ یعنی دونوں کو ملا کر آگ میں ڈالتے، نیز حضرت ابن عمر ؓ نے فرمایا کہ رسول کریم ﷺ بھی اسی طرح دھونی لیتے تھے کہ کبھی تو صرف اگر کی دھونی لیتے اور کبھی کافور اور اگر دونوں مخلوط کر کے اس کی دھونی لیتے۔ (مسلم )