زیادہ کھانا بے برکتی کی علامت ہے
عن عائشة أن رسول الله صلى الله عليه وسلم أراد أن يشتري غلاما فألقى بين يديه تمرا فأكل الغلام فأكثر فقال رسول الله صلى الله عليه وسلم : إن كثرة الأكل شؤم . وأمر برده . رواه البيهقي في شعب الإيمان
اور حضرت عائشہ ؓ سے روایت ہے کہ (ایک مرتبہ) رسول کریم ﷺ نے ایک غلام کو خریدنے کا ارادہ فرمایا تو (آزمائش کے طور پر) اس کے آگے کھجوریں رکھ دیں، چناچہ وہ غلام (خوراک سے) بہت زیادہ کھجوریں کھا گیا، رسول کریم ﷺ نے (یہ دیکھ کر فرمایا کہ زیادہ کھانا بےبرکتی کا سبب اور بےبرکتی کی علامت ہے۔ (پھر آپ ﷺ نے اس غلام کو واپس کردینے کا حکم دیا۔ (بیہقی )