80. Surah Abasa

(وَوُجُوْهٌ يَّوْمَىِٕذٍ عَلَيْهَا غَبَرَةٌ۔ تَرْهَقُهَا قَتَرَةٌ) اور کئی چہرے یعنی بدبختوں کے چہرے اس روز غبار آلود ہوں اور اسے ڈھانپ رکھا ہوگا سیاہی نے۔ پس یہ چہرے سیاہ اور نہایت تاریک ہوں گے اور ہر بھلائی سے مایوس ہوں گے اور انہیں اپنی بدبختی اور ہلاکت کا علم ہوگیا ہوگا۔

(اُولٰۗىِٕكَ هُمُ الْكَفَرَةُ الْفَجَرَةُ ) جن کا یہ وصف ہے۔ یہی وہ لوگ ہیں جنہوں نے اللہ کی نعمت کی ناشکری کی، اس کی آیتوں کو جھٹلایا اور اس کے محارم کے ارتکاب کی جسارت کی۔ ہم اللہ تعالیٰ سے عفو اور عافیت کے طلب گار ہیں وہ بڑا ہی فیاض اور نہایت کرم والا ہے۔ (والحمدللہ رب العالمین)