Ayah 56:41[وَاَصْحٰبُ الشِّمَالِ ڏ : اور بائیں جانب والے ] [مَآ اَصْحٰبُ الشِّمَالِ : کیا (ہوں گے) بائیں جانب والے ]
Ayah 56:42[فِيْ سَمُوْمٍ : (وہ) لُو میں ] [وَّحَمِيْمٍ : اور ہمیشہ گرم رہنے والے پانی میں ہوں گے ]
Ayah 56:43[وَّظِلٍّ : اور ایک ایسے سائے میں ہوں گے جو ] [مِّنْ يَّحْمُوْمٍ : دھونویں سے ہوگا ]
Ayah 56:44[لَّا بَارِدٍ : جو نہ ٹھنڈا ہوگا ] [وَّلَا كَرِيْمٍ : اور نہ عزت والا ہوگا ]
Ayah 56:45[اِنَّهُمْ كَانُوْا : بیشک یہ لوگ تھے ] [قَبْلَ ذٰلِكَ مُتْرَفِيْنَ : اس سے پہلے خوشحالی دیئے ہوئے ]
Ayah 56:46[وَكَانُوْا يُصِرُّوْنَ : اور وہ جمے رہتے تھے ] [عَلَي الْحِنْثِ الْعَظِيْمِ : تمام بڑے گناہوں پر ]
نوٹ۔ 1: الحنث العظیم پر جو الف لام ہے اسے لام جنس بھی مانا جاسکتا ہے اور لام تعریف بھی ۔ اگر لام جنس مانا جائے تو اس سے مراد ہوں گے تمام بڑے گناہ ۔ تفہیم القرآن میں اسی مفہوم کی وضاحت کرتے ہوئے لکھا ہے ” گناہ عظیم کا لفظ جامع ہے۔ اس سے مراد کفر وشرک اور دہریت بھی ہے اور اخلاق و اعمال کا ہر بڑا گناہ بھی ۔ “ ترجمہ میں ہم نے اسی مفہوم کو ترجیح دی ہے ۔ اور اگر لام تعریف مانا جائے پھر اس سے مراد شرک ہے ]
Ayah 56:47[وَكَانُوْا يَقُوْلُوْنَ ڏ : اور وہ کہا کرتے تھے ] [اَىِٕذَا مِتْنَا : کیا جب ہم مرجائیں گے ] [وَكُنَّا تُرَابًا وَّعِظَامًا : اور ہم ہوجائیں گے مٹی اور ہڈیاں ] [ءَاِنَّا : تو کیا ہم [لَمَبْعُوْثُوْنَ : ضرور (دوبارہ) اٹھائے جانے والے ہوں گے ]
Ayah 56:48[اَوَاٰبَاۗؤُنَا الْاَوَّلُوْنَ : اور کیا ہمارے اگلے باپ دادا بھی ]
Ayah 56:49[قُلْ اِنَّ الْاَوَّلِيْنَ وَالْاٰخِرِيْنَ : آپ کہیے بیشک سارے اگلے اور سارے آخری ]
Ayah 56:50[لَمَجْمُوْعُوْنَ ڏ : یقینا جمع کیے جانے والے ہیں ] [اِلٰى مِيْقَاتِ يَوْمٍ مَّعْلُوْمٍ : ایک معلوم دن کی طے شدہ جگہ کی طرف ]
Ayah 56:51[ثُمَّ اِنَّكُمْ : پھر بیشک تم لوگ ] [اَيُّهَا الضَّاۗلُّوْنَ الْمُكَذِّبُوْنَ : اے گمراہ ہونے والو، جھٹلانے والو،]
Ayah 56:52[لَاٰكِلُوْنَ : یقینا کھانے والے ہو ] [مِنْ شَجَرٍ : ایک ایسے درخت سے ] [مِّنْ زَقُّوْمٍ : جو تھوہر سے ہوگا ]
Ayah 56:53[فَمَالِــــُٔـوْنَ : پھر بھرنے والے ہو ] [مِنْهَا الْبُطُوْنَ : اس سے پیٹوں کو ]
Ayah 56:54[فَشٰرِبُوْنَ عَلَيْهِ : پھر پینے والے ہو اس پر ] [مِنَ الْحَمِيْمِ : ہمیشہ گرم رہنے والے پانی میں سے ]
Ayah 56:55[فَشٰرِبُوْنَ : پھر پینے والے ہو ] [شُرْبَ الْهِيْمِ : پیاساے اونٹوں کا (سا) پینا ]
Ayah 56:56[ھٰذَا نُزُلُهُمْ : یہ ان کی مہمان نوازی ہوگی ] [يَوْمَ الدِّيْنِ : بدلے کے دن ]
نوٹ ۔ 2: نزل اس سامان ضیافت کو کہتے ہیں جو مہمان کے سواری سے اترنے کے بعد سب سے پہلے اس کے سامنے پیش کیا جاتا ہے ۔ (جیسے آج کل بھی کھانے کی دعوت پر آنے والے مہمانوں کو آتے ہی کوک کی بوتل یا کوئی اور مشروب پیش کیا جاتا ہے ۔ یہ نزل ہے۔ اصل دعوت بعد میں ہوتی ہے۔ مرتب) مطلب یہ ہے کہ جن لوگوں کی اولین ضیافت تھوہر اور گرم پانی سے ہوگی ، کون اندازہ کرسکتا ہے کہ بعد میں ان کے سامنے کیا کچھ آئے گا ۔ (تدبر قرآن )
Ayah 56:57[نَحْنُ : ہم نے ہی ] [خَلَقْنٰكُمْ : پیدا کیا ہے تم لوگوں کو ] [فَلَوْلَا تُصَدِّقُوْنَ : پھر تم لوگ کیوں نہیں تصدیق کرتے (اس کی) ]
نوٹ۔ 1: آیت ۔ 57 سے 74 تک جو دلائل پیش کیے گئے ہیں ان میں بیک وقت آخرت اور توحید دونوں پر استدلال کیا گیا ہے ۔ انسان اگر صرف اسی ایک بات پر غور کرے کہ وہ خود کس طرح پیدا ہوا ہے تو اسے نہ قرآن کی تعلیم توحید میں کوئی شک رہ سکتا ہے اور نہ اس کی تعلیم آخرت میں۔ استقرار حمل سے وضع حمل تک ماں کے پیٹ میں بچہ کی درجہ بدرجہ تخلیق و پرورش ، ہر بچے کی الگ صورت گری اور ہر بچے کے اندر مختلف ذہنی و جسمانی قوتوں کو ایک خاص تناسب سے رکھنا ، کیا یہ سب کچھ خدائے واحد کے سوا کسی اور کا کام ہے ؟ اگر کوئی شخص ضد اور ہٹ دھرمی میں مبتلا نہ ہو تو وہ خود محسوس کرے گا کہ انسان پورا کا پورا خدا کا ہی ساختہ وپردافتہ ہے ۔ توحید کی طرح یہ حقیقت آخرت کے معاملہ میں بھی فیصلہ کن ہے ، تمام انسان اسی طرح دنیا میں آئے ہیں اور وہ شب وروز اپنے ہی جیسے انسانوں کی پیدائش کا منظر دیکھ رہے ہیں ۔ اس کے بعد صرف عقل کا اندھا ہی یہ کہہ سکتا ہے کہ جو خدا انسانوں کو آج پیدا کررہا ہے وہ کل کسی وقت اپنے ہی پیدا کیے ہوئے ان انسانوں کو کسی اور طرح سے دوبارہ پیدا نہ کرسکے گا ۔
Ayah 56:58[اَفَرَءَيْتُمْ مَّا : کیا تم لوگوں نے غور کیا اس (نطفہ) پر جو ] [تُمْـنُوْنَ : تم لوگ ٹپکاتے ہو ]
Ayah 56:59[ءَاَنْتُمْ تَخْلُقُوْنَهٗٓ: کیا تم لوگ پیدا کرتے ہو اس (نطفہ) کو ] [اَمْ نَحْنُ الْخٰلِقُوْنَ : یا ہم پیدا کرنے والے ہیں (اس کو) ]
ترکیب : (آیت ۔ 59) تخلقونہ کی ضمیر مفعولی کو رء یتم کے مفعول ما یعنی نطفہ کے لیے بھی مانا جاسکتا ہے اور اس کے لیے بھی جو نطفہ سے پیدا ہوتا ہے یعنی انسان ۔ ترجمہ میں ہم پہلی صورت کو ترجیح دیں گے ۔
Ayah 56:60[نَحْنُ قَدَّرْنَا : ہم نے (وقت) طے کیا ہے ] [بَيْنَكُمُ الْمَوْتَ : تمہارے مابین موت کا ] [وَمَا نَحْنُ بِمَسْبُوْقِيْنَ : اور ہم عاجز کیے ہوئے نہیں ہیں ]
Ayah 56:61[عَلٰٓي اَنْ : اس پر کہ ] [نُّبَدِّلَ : ہم تبدیل کردیں (تم کو) ] [اَمْثَالَكُمْ : تمہارے جیسوں سے ] [وَنُنْشِـىَٔـكُمْ : اور ہم اٹھائیں تم کو ] [فِيْ مَا : اس میں جو ] [لَا تَعْلَمُوْنَ : تم لوگ نہیں جانتے ]
نوٹ۔ 2: آیت ۔ 61 ۔ میں ہے وَنُنْشِـىَٔـكُمْ فِيْ مَا لَا تَعْلَمُوْنَ ۔ اس سے مراد قیامت میں اٹھایا جانا ہے اور اللہ تعالیٰ کے فرمان کا مطلب یہ ہے کہ جس طرح ہم اس سے عاجز نہیں ہیں کہ تم کو تمہاری موجودہ شکل وہئیت میں پیدا کریں ، اسی طرح ہم اس سے بھی عاجز نہیں ہیں کہ تمہاری تخلیق کا طریقہ بدل کر کسی اور شکل وہیئت میں، کچھ دوسری صفات کے ساتھ تم کو پیدا کریں ، قیامت کے روز ہم تمہیں اسی عمر کے انسان میں پیدا کرسکتے ہیں جس عمر میں تم مرے تھے۔ آج تمہاری بینائی ، سماعت اور دوسرے حواس کا پیمانہ ہم نے کچھ اور رکھا ہے ۔ قیامت کے روز ہم اسے بدل کر کچھ سے کچھ کردیں گے یہاں تک کہ تم وہ کچھ دیکھ اور سن سکو گے جو یہاں نہیں دیکھ سکتے اور نہیں سن سکتے ۔ آج تمہارے ہاتھ پاؤں اور تمہاری کھال میں کوئی گویائی نہیں ہے۔ قیامت کے روز تمہارا ہر عضو اور تمہارے جسم کی کھال کا ہر ٹکڑا ہمارے حکم سے بولنے لگے گا ۔ آج تم ایک خاص حد تک ہی عذاب برداشت کرسکتے ہو جس سے زائد عذاب ہو تو تم زندہ نہیں رہ سکتے ۔ کل تم ایسا عذاب ایسی طویل مدت تک بھگت سکوگے جس کا تم تصور نہیں کرسکتے اور کسی سخت سے سخت عذاب سے بھی تمہیں موت نہ آئے ۔ آج تم سوچ نہیں سکتے کہ کوئی بوڑھا جوان ہواجائے ، کبھی بیمار نہ ہو اور ہمیشہ ہمیشہ وہ ایک ہی عمر کا جوان رہے ۔ کل ہم تمہاری زندگی کے لیے کچھ دوسرے قوانین بنا سکتے ہیں جن کے مطابق جنت میں جاتے ہی ہر بوڑھا جوان ہوجائے اور اس کی جوانی و تندرستی لازوال ہو ۔ (تفہیم القرآن سے ماخوذ)
Ayah 56:62[وَلَقَدْ عَلِمْتُمُ : اور یقینا تم لوگ جان چکے ہو ] [النَّشْاَةَ الْاُوْلٰى : پہلی اٹھان کو ] [فَلَوْلَا تَذَكَّرُوْنَ : تو تم لوگ نصیحت کیوں نہیں حاصل کرتے ]
Ayah 56:63[اَفَرَءَيْتُمْ مَّا : کیا تم لوگوں نے غور کیا اس پر جو ][ تَحْرُثُوْنَ : تم لوگ بوتے ہو ]
Ayah 56:64[ءَاَنْتُمْ تَزْرَعُوْنَهٗٓ: کیا تم لوگ اگاتے ہو اس کو ][ اَمْ نَحْنُ الزّٰرِعُوْنَ : یا ہم اگانے والے ہیں ]
اسی طرح آیت ۔ 64 ۔ کا ظاہر استدلال تو توحید کے حق میں ہے مگر اس میں جو مضمون بیان کیا گیا ہے اس پر آدمی اگر تھوڑا سا غور کرے تو اسی کے اندر آخرت کی دلیل بھی مل جاتی ہے ۔ جو بیج زمین میں بویا جاتا ہے وہ مردہ ہوتا مگر زمین کی قبر میں جب کسان اسے دفن کردیتا ہے تو اللہ تعالیٰ اس کے اندر وہ نباتی زندگی پیدا کردیتا ہے جس سے لہلہاتی کھیتیاں شان دکھاتی ہیں ۔ یہ بیشمار مردے آئے دن ہماری آنکھوں کے سامنے اپنی اپنی قبروں سے جی جی کر اٹھ رہے ہیں ۔ یہ کیا کچھ کم معجزہ ہے کہ کوئی شخص اس دوسرے معجزے کو ناممکن قرار دے جس کی خبر قرآن مجید ہمیں دے رہا ہے یعنی انسانوں کی موت کے بعد ان کی دوبارہ زندگی ۔ (تفہیم القرآن سے ماخوذ )
Ayah 56:65[لَوْ نَشَاۗءُ : اگر ہم چاہتے ][ لَجَعَلْنٰهُ : تو ہم ضرور کردیتے اس کو ][ حُطَامًا : روندا ہوا ][ فَظَلْتُمْ تَفَكَّهُوْنَ : تو تم رہ جاتے پیشمان ہوتے ہوئے ]
Ayah 56:66[اِنَّا لَمُغْرَمُوْنَ : کہ بیشک ہم تاوان ڈالے ہوئے ہیں ]
Ayah 56:67[بَلْ نَحْنُ مَحْرُوْمُوْنَ : بلکہ ہم محروم (ہوگئے) ہیں ]
Ayah 56:68[اَفَرَءَيْتُمُ الْمَاۗءَ الَّذِيْ : تو تم لوگوں نے غور کیا اس پانی پر جو ][ تَشْرَبُوْنَ : تم پیتے ہو ]
Ayah 56:69ءَاَنْتُمْ اَنْزَلْتُمُوْهُ : کای تم اتارتے ہو اس کو ][ مِنَ الْمُزْنِ : بادل سے ][ اَمْ نَحْنُ الْمُنْزِلُوْنَ : یا ہم اتارنے والے ہیں ]
م ز ن : (ن) مزنا ۔ مشکیزہ بھرنا ۔ مزن ۔ بارش والا بادل ۔ زیر مطالعہ آیت ۔ 69 ۔
Ayah 56:70[لَوْ نَشَاۗءُ جَعَلْنٰهُ : اگر ہم چاہتے تو ہم بنا دیتے اس کو ][ اُجَاجًا : کڑوا ][ فَلَوْلَا تَشْكُرُوْنَ : تو تم لوگ شکر کیوں نہیں کرتے ]
نوٹ ۔ 3: لونشاء جعلنہ اجاجا ، اس جملہ میں اللہ کی قدرت و حکمت کے ایک اہم کرشمے کی نشاندہی کی گئی ہے۔ پانی کے اندر اللہ تعالیٰ نے جو حیرت انگیز خواص رکھے ہیں ان میں ایک خاصہ یہ بھی ہے کہ اس کے اندر خواہ کتنی بھی چیزیں تحلیل ہوجائیں ، جب وہ حرارت کے اثر سے بھاپ میں تبدیل ہوتا ہے تو ساری آمیزش نیچے چھوڑ دیتا ہے ۔ اور صرف اپنے اصل آبی اجزاء کو لے ہوا میں اڑتا ہے ۔ یہ خاصیت اگر اس میں نہ ہوتی تو بھاپ میں تبدیل ہوتے وقت بھی وہ سب چیزیں اس میں شامل رہتیں ۔ اس صورت میں سمندر سے جو بھاپ اٹھتی اس میں سمندر کا نمک بھی شامل ہوتا اور اس کی بارش تمام زمین کو شور (نمک ) والی زمین بنادیتی ، نہ انسان اس پانی کو پی کر ہی جی سکتا تھا اور نہ کسی قسم کی نباتات اس سے اگ سکتی تھی ، یہ خاصیت جس کی بدولت کھاری سمندروں سے میٹھا پانی کشید ہوکر بارش کی شکل میں برستا ہے پھر آب پاشی کی خدمت انجام دیتا ہے ، اس بات کی شہادت فراہم کرتی ہے کہ اللہ تعالیٰ نے پانی میں یہ خاصیت بالارادہ ودیعت کی ہے تاکہ وہ اس کی مخلوقات کی پرورش کا ذریعہ بن سکے ۔ جو مخلوق کھاری پانی سے پرورش پاسکتی تھی وہ اس نے سمندر میں پیدا کی اور وہاں وہ خوب جی رہی ہے۔ مگر جس مخلوق کو اس نے خشکی اور ہوا میں پیدا کیا ہے اس کی پرورش کے لیے میٹھا پانی درکار تھا اور اس کی فراہمی کے لیے بارش کا انتظام کرنے سے پہلے اس نے پانی کے اندر یہ خصوصیت رکھ دی کہ بھاپ بنتے وقت وہ کوئی ایسی چیز لے کر نہ اڑے جو اس کے اندر تحلیل ہوگئی ہو ۔ (تفہیم القرآن )
Ayah 56:71[اَفَرَءَيْتُمُ النَّارَ الَّتِيْ : کای تم لوگوں نے غور کیا اس آگ پر جو ][ تُوْرُوْنَ : تم لوگ جلاتے ہو ]
Ayah 56:72[ءَاَنْتُمْ اَنْشَاْتُمْ : کیا تم لوگ اگاتے ہو ][ شَجَرَتَهَآ : اس کے درخٹ کو ][ اَمْ نَحْنُ الْمُنْشِــُٔوْنَ : یا ہم اگانے والے ہیں ]
Ayah 56:73[نَحْنُ جَعَلْنٰهَا : ہم نے بنایا ہے اس کو ][ تَذْكِرَةً : یاد دلانے کے لیے ][ وَّمَتَاعًا لِّلْمُقْوِيْنَ : اور ایک برتنے کا سامان ]
Ayah 56:74فَسَبِّحْ : پس تو تسبیح کر ][ بِاسْمِ رَبِّكَ الْعَظِيْمِ : اپنے رب کے عظیم نام کی ]
Ayah 56:75[فَلَآ : پس نہیں ][ اُقْسِمُ : میں قسم کھاتا ہوں ][ بِمَوٰقِعِ النُّجُوْمِ : ستاروں کے گر پڑنے (ڈوبنے ) کے وقت کی ]
نوٹ۔ 1: قسم کے شروع میں لفظ لا کو لانا ایک عام عربی محاورہ ہے ۔ جیسے لا واللہ (نہیں اللہ کی قسم ) اور جاہلیت کی قسموں میں لا وابیک (نہیں ، تیرے والد کی قسم ) اس کی توجیہہ یہ ہے کہ اس موقع میں صرف لا مخاطب کے گمان کی نفی کے لیے ہوتا ہے، یعنی جیسا تم کہتے اور سمجھتے ہو وہ بات نہیں ، بلکہ حقیقت وہ ہے جو آگے قسم کھا کر بتائی جارہی ہے ، (معارف القرآن )
Ayah 56:76وَاِنَّهٗ لَقَسَمٌ: اور بیشک یہ یقینا ایک ایسی قسم ہے ][ لَّوْ تَعْلَمُوْنَ عَظِيْمٌ : اگر تم لوگ جانو بڑی عظمت والی ہے ]
(آیت ۔ 74) العظیم کو اسم کی صفت بھی مانا جاسکتا ہے اور رب کی بھی ۔ ترجمہ میں ہم پہلی صورت کو ترجیح دیں گے ۔
Ayah 56:77اِنَّهٗ لَقُرْاٰنٌ كَرِيْمٌ : بیشک یہ یقینا ایک ایسا دائمی عزت والا قرآن ہے جو ]
Ayah 56:78[فِيْ كِتٰبٍ مَّكْنُوْنٍ : ایک ڈھانپی ہوئی کتا میں ہے ]
Ayah 56:79[لَّا يَمَسُّهٗٓ: نہیں چھوتے اس کو ][ اِلَّا الْمُطَهَّرُوْنَ : مگر پاک کیے ہوئے ]
نوٹ۔ 2: آیت ۔ 79 ۔ میں کفار کے اس الزام کی تردید ہے جو وہ قرآن پر لگاتے تھے کہ یہ کلام رسول اللہ ﷺ پر جن اور شیاطین القا کرتے ہیں اس کا جواب قرآن مجید میں متعدد مقامات پر دیا گیا ہے یہاں یہ ان الفاظ میں ہے کہ ” اسے مطہرین کے سوا کوئی نہیں چھوسکتا ۔ “ یعنی جن اور شیاطین کا اسے لانا یا اس کے نزول کے وقت اس میں دخل انداز ہونا تو درکنار ، جس وقت یہ لوح محفوظ سے نبی کریم ﷺ پر نازل کیا جاتا ہے اس وقت مطہرین یعنی پاک فرشتوں کے سوا کوئی قریب بھی نہیں پھٹک سکتا ۔ بعض مفسرین نے اس کا مطلب یہ بیان کیا ہے کہ کوئی ایسا شخص اسے نہ چھوئے جو پاک نہ ہو لیکن یہ تفسیر آیت کے سیاق وسباق سے مطابقت نہیں رکھتی ۔ سیاق وسباق سے الگ کرکے تو اس کے الفاظ سے یہ مطلب نکالا جاسکتا ہے۔ مگر جس سلسلہ کلام میں یہ وارد ہوئی ہے اس میں رکھ کر اسے دیکھا جائے تو یہ بات کہنے کا کوئی موقع نظر نہیں آتا ۔ یہاں تو کفار مخاطب ہیں اور ان کو بتایا جارہا ہے کہ یہ رب العالمین کی نازل کردہ کتاب ہے اور تمہارا یہ گمان قطعی غلط ہے کہ اسے شیاطین نبی کریم ﷺ پر القا کرتے ہیں ۔ اس جگہ ایک شرعی حکم بیان کرنے کا کیا موقع ہوسکتا ہے ۔ زیادہ سے زیادہ جو بات کہی جاسکتی ہے وہ یہ ہے کہ اگرچہ آیت یہ حکم دینے کے لیے نازل نہیں ہوئی ہے مگر فحوائے کلام اس بات کی طرف اشارہ کررہا ہے کہ جس طرح اللہ تعالیٰ کے ہاں اس کتاب کو صرف مطہرین ہی چھو سکتے ہیں اسی طرح دنیا میں بھی ، کم از کم وہ لوگ جو اس کے کلام الہی ہونے پر ایمان رکھتے ہیں ۔ اسے ناپاکی کی حالت میں چھونے سے اجتناب کریں ۔ (تفہیم القرآن )
بعض مفسرین نے فرمایا کہ قرآن سے مراد وہ مصحف ہے جو ہمارے ہاتھوں میں ہے اور مطہرون سے مراد وہ لوگ ہیں جو نجاست سے پاک ہوں ۔ اس طرح آیت کا مطلب یہ ہوگا کہ مصحف قرآن کو طہارت کے بغیر چھونا جائز نہیں ہے ۔ اس تفسیر کی ترجیح کے لیے بعض حضرات نے ان احادیث کو پیش کیا ہے جن میں غیر طاہر کو قرآن چھونے سے منع کیا گیا ہے ، مگر چونکہ اس مسلہ میں دوسرے صحابہ کر اختلاف ہے اور کچھ صحابہ کرام کے نزدیک اس آیت میں قرآن سے مراد وہ صحیفے ہیں جو وحی لانے والے فرشتوں کے ہاتھ میں دئیے جاتے ہیں ۔ جبکہ کچھ کے نزدیک مطہرون سے مراد فرشتے ہیں ، اس لیے بہت سے حضرات نے اس آیت سے استدلال کو چھوڑ کر صرف متعلقہ احادیث سے استدلال کیا ہے ۔
اس آیت کی تفسیر میں اختلاف کے باوجود جمہور امت اور ائمہ اربعہ یعنی حنفی ، شافعی ، مالکی اور حنبلی مسالک کا اس پر اتفاق ہے کہ قرآن کریم کو ہاتھ لگانے کے لیے طہارت شرط ہے اور اس کے خلاف کرنا گناہ ہے ۔ اختلاف صرف اس بات میں ہے کہ یہ مسئلہ جو احادیث سے ثابت اور جمہور امت کے نزدیک مسلم ہے، کیا یہ بات قرآن کی اس آیت سے بھی ثابت ہے یا نہیں ۔ اس لیے اختلاف مسئلے میں نہیں ، بلکہ اس کی دلیل میں ہوا ہے۔ (معارف القرآن سے ماخذ )
حنفی اور شافعی مسلک میں تعلیم کے لیے قرآن مجید بچوں کے ہاتھ میں دیا جاسکتا ہے خواہ وہ وضو سے ہوں یا بےوضو ۔ جبکہ مالکی مسلک میں قرآن کی تعلیم کے لیے استاد اور شاگرد دونوں مستثنی ہیں ۔ بلکہ حائضہ عورت کے لیے بھی بغرض تعلیم مصحف کو ہاتھ لگانا جائز قرار دیا گیا ہے ۔ (تفہیم القرآن)
Ayah 56:80[تَنْزِيْلٌ: یہ اتارا ہوا ہے ][ مِّنْ رَّبِّ الْعٰلَمِيْنَ : تمام جہانوں کے رب (کی طرف سے ]