72. Al-Jinnالجن

The Jinn · Meccan · 28 ayahs · 2 rukus

بِسْمِ اللّٰهِ الرَّحْمٰنِ الرَّحِیْمِ

قُلْ اُوْحِیَ اِلَیَّ اَنَّهُ اسْتَمَعَ نَفَرٌ مِّنَ الْجِنِّ فَقَالُوْۤا اِنَّا سَمِعْنَا قُرْاٰنًا عَجَبًا ۟ۙقُلۡ اُوۡحِىَ اِلَىَّ اَنَّهُ اسۡتَمَعَ نَفَرٌ مِّنَ الۡجِنِّ فَقَالُوۡۤا اِنَّا سَمِعۡنَا قُرۡاٰنًاعَجَبًا

(اے پیغمبر لوگوں سے) کہہ دو کہ میرے پاس وحی آئی ہے کہ جنوں کی ایک جماعت نے (اس کتاب کو) سنا تو کہنے لگے کہ ہم نے ایک عجیب قرآن سنا

Tafseer of 72:1

1- اے رسول( صلى اللہ عليہ وسلم )! اپنی امت سے کہہ دیں: اللہ تعالیٰ نے میری طرف وحی کی ہے کہ وادیٔ نخلہ میں جنوں کی ایک جماعت نے میری تلاوتِ قرآن بڑے غور سے سنی اور جب وہ اپنی قوم کی طرف لوٹے تو انھوں نے ان سے کہا: بلاشبہ آج ہم نے ایک کلام سنا ہے جو پڑھا جارہا تھا۔ وہ اپنے بیان اور فصاحت و بلاغت میں حیران کن ہے۔

یَّهْدِیْۤ اِلَی الرُّشْدِ فَاٰمَنَّا بِهٖ ؕ— وَلَنْ نُّشْرِكَ بِرَبِّنَاۤ اَحَدًا ۟ۙيَّهۡدِىۡۤ اِلَى الرُّشۡدِ فَاٰمَنَّا بِهٖ‌ ؕ وَلَنۡ نُّشۡرِكَ بِرَبِّنَاۤ اَحَدًا

جو بھلائی کا رستہ بتاتا ہے سو ہم اس پر ایمان لے آئے۔ اور ہم اپنے پروردگار کے ساتھ کسی کو شریک نہیں بنائیں گے

Tafseer of 72:2

2- یہ کلام جو ہم نے سنا ہے، یہ عقیدے، قول اور عمل کی درست راہنمائی کرتا ہے، چنانچہ ہم اس پر ایمان لے آئے اور ہم اپنے رب کے ساتھ کبھی کسی کو شریک نہیں کریں گے جس نے یہ اتارا ہے۔

وَّاَنَّهٗ تَعٰلٰی جَدُّ رَبِّنَا مَا اتَّخَذَ صَاحِبَةً وَّلَا وَلَدًا ۟ۙوَّاَنَّهٗ تَعٰلٰى جَدُّ رَبِّنَا مَا اتَّخَذَ صَاحِبَةً وَّلَا وَلَدًا

اور یہ کہ ہمارے پروردگار کی عظمت (شان) بہت بڑی ہے اور وہ نہ بیوی رکھتا ہے نہ اولاد

Tafseer of 72:3

3- ہمارے رب کی عظمت و شان بلند ہو! ہم اس پر ایمان لائے ہیں کہ اس نے کسی کو اپنی بیوی بنایا ہے نہ بیٹا جیسا کہ مشرک کہتے ہیں۔

وَّاَنَّهٗ كَانَ یَقُوْلُ سَفِیْهُنَا عَلَی اللّٰهِ شَطَطًا ۟ۙوَّ اَنَّهٗ كَانَ يَقُوۡلُ سَفِيۡهُنَا عَلَى اللّٰهِ شَطَطًا

اور یہ کہ ہم میں سے بعض بےوقوف خدا کے بارے میں جھوٹ افتراء کرتا ہے

Tafseer of 72:4

4- اور یہ کہ ابلیس اللہ تعالیٰ کے بارے میں ناحق اور غلط بات کہتا تھا کہ اس نے بیوی اور بیٹا بنایا ہے۔

وَّاَنَّا ظَنَنَّاۤ اَنْ لَّنْ تَقُوْلَ الْاِنْسُ وَالْجِنُّ عَلَی اللّٰهِ كَذِبًا ۟ۙوَّاَنَّا ظَنَنَّاۤ اَنۡ لَّنۡ تَقُوۡلَ الۡاِنۡسُ وَالۡجِنُّ عَلَى اللّٰهِ كَذِبًا

اور ہمارا (یہ) خیال تھا کہ انسان اور جن خدا کی نسبت جھوٹ نہیں بولتے

Tafseer of 72:5

5- اور ہم یہی سمجھتے رہے کہ مشرک انسان اور جِنّ اللہ تعالیٰ کے متعلق جھوٹی باتیں نہیں کہتے جب وہ خیال کرتے تھے کہ اللہ تعالیٰ کی بیوی اور بیٹا ہے، اس لیے ہم نے بھی ان کی پیروی میں انھیں سچا سمجھا۔

وَّاَنَّهٗ كَانَ رِجَالٌ مِّنَ الْاِنْسِ یَعُوْذُوْنَ بِرِجَالٍ مِّنَ الْجِنِّ فَزَادُوْهُمْ رَهَقًا ۟ۙوَّاَنَّهٗ كَانَ رِجَالٌ مِّنَ الۡاِنۡسِ يَعُوۡذُوۡنَ بِرِجَالٍ مِّنَ الۡجِنِّ فَزَادُوۡهُمۡ رَهَقًا

اور یہ کہ بعض بنی آدم بعض جنات کی پناہ پکڑا کرتے تھے (اس سے) ان کی سرکشی اور بڑھ گئی تھی

Tafseer of 72:6

6- اور یہ کہ زمانۂ جاہلیت میں انسانوں میں سے کئی ایسے مرد تھے جو کسی ڈراؤنی اور خوفناک جگہ میں پڑاؤ کرتے تو جنوں کے آدمیوں کی پناہ طلب کرتے تھے۔ ان میں سے کوئی ایک یوں کہتا: میں اس وادی کے سردار جن کی پناہ میں آتا ہوں اس کی قوم کے بیوقوفوں کے شر سے۔ اس طرح انسانوں کے آدمیوں پر جنوں کے آدمیوں کا خوف اور رعب مزید بڑھ جاتا۔

وَّاَنَّهُمْ ظَنُّوْا كَمَا ظَنَنْتُمْ اَنْ لَّنْ یَّبْعَثَ اللّٰهُ اَحَدًا ۟ۙوَّاَنَّهُمۡ ظَنُّوۡا كَمَا ظَنَنۡتُمۡ اَنۡ لَّنۡ يَّبۡعَثَ اللّٰهُ اَحَدًا

اور یہ کہ ان کا بھی یہی اعتقاد تھا جس طرح تمہارا تھا کہ خدا کسی کو نہیں جلائے گا

Tafseer of 72:7

7- اے جنات! انسانوں نے بھی تمھاری طرح یہ خیال کیا تھا کہ اللہ تعالیٰ، مرنے کے بعد ہرگز کسی کو حساب کتاب اور جزا سزا کے لیے نہیں اٹھائے گا۔

وَّاَنَّا لَمَسْنَا السَّمَآءَ فَوَجَدْنٰهَا مُلِئَتْ حَرَسًا شَدِیْدًا وَّشُهُبًا ۟ۙوَّاَنَّا لَمَسۡنَا السَّمَآءَ فَوَجَدۡنٰهَا مُلِئَتۡ حَرَسًا شَدِيۡدًا وَّشُهُبًا

اور یہ کہ ہم نے آسمان کو ٹٹولا تو اس کو مضبوط چوکیداروں اور انگاروں سے سے بھرا پایا

Tafseer of 72:8

8- اور ہم نے آسمان کی خبریں جاننا چاہیں تو آسمان کو فرشتوں کے طاقتور پہرے داروں سے بھرا ہوا پایا جو ہمیں چوری چھپے باتیں سننے سے روکنے کے لیے جو ہم سنا کرتے تھے، اس کی حفاظت کر رہے تھے اور آسمان کو آگ کے ان شعلوں سے بھرا ہوا پایا جو آسمان کے قریب جانے والے پر پھینکے جاتے ہیں۔

وَّاَنَّا كُنَّا نَقْعُدُ مِنْهَا مَقَاعِدَ لِلسَّمْعِ ؕ— فَمَنْ یَّسْتَمِعِ الْاٰنَ یَجِدْ لَهٗ شِهَابًا رَّصَدًا ۟ۙوَّاَنَّا كُنَّا نَقۡعُدُ مِنۡهَا مَقَاعِدَ لِلسَّمۡعِ‌ ؕ فَمَنۡ يَّسۡتَمِعِ الۡاٰنَ يَجِدۡ لَهٗ شِهَابًا رَّصَدًا

اور یہ کہ پہلے ہم وہاں بہت سے مقامات میں (خبریں) سننے کے لئے بیٹھا کرتے تھے۔ اب کوئی سننا چاہے تو اپنے لئے انگارا تیار پائے

Tafseer of 72:9

9- بلاشبہ اس سے پہلے ہم نے آسمان میں ایسی جگہیں بنا رکھی تھیں جہاں سے ہم فرشتوں کا تبادلۂ خیال سن لیتے تھے اور آ کر ہم وہ زمین کے کاہنوں کو بتا دیتے اور اب یقیناً یہ معاملہ بدل گیا ہے، لہٰذا اب ہم میں سے جو کوئی سننے کی کوشش کرتا ہے، وہ اپنے لیے آگ کا شعلہ تیار پاتا ہے۔ جونہی وہ قریب ہوتا ہے، وہ اس پر چھوڑ دیا جاتا ہے اور اسے جلا کر راکھ کر دیتا ہے۔

وَّاَنَّا لَا نَدْرِیْۤ اَشَرٌّ اُرِیْدَ بِمَنْ فِی الْاَرْضِ اَمْ اَرَادَ بِهِمْ رَبُّهُمْ رَشَدًا ۟ۙوَّاَنَّا لَا نَدۡرِىۡۤ اَشَرٌّ اُرِيۡدَ بِمَنۡ فِى الۡاَرۡضِ اَمۡ اَرَادَ بِهِمۡ رَبُّهُمۡ رَشَدًا

اور یہ کہ ہمیں معلوم نہیں کہ اس سے اہل زمین کے حق میں برائی مقصود ہے یا ان کے پروردگار نے ان کی بھلائی کا ارادہ فرمایا ہے

Tafseer of 72:10

10- ہم نہیں جانتے تھے کہ اس شدید پہرے داری کا سبب کیا ہے؟ کیا زمین والوں کے ساتھ کسی شر کا ارادہ کیا گیا ہے یا اللہ تعالیٰ ان کے ساتھ کوئی خیر اور بھلائی کرنا چاہتا ہے۔ یقیناً ہم سے آسمان کی خبر وں کا سلسلہ ختم ہوگیا ہے۔

وَّاَنَّا مِنَّا الصّٰلِحُوْنَ وَمِنَّا دُوْنَ ذٰلِكَ ؕ— كُنَّا طَرَآىِٕقَ قِدَدًا ۟ۙوَّاَنَّا مِنَّا الصّٰلِحُوۡنَ وَمِنَّا دُوۡنَ ذٰلِكَ‌ؕ كُنَّا طَرَآئِقَ قِدَدًا

اور یہ کہ ہم میں کوئی نیک ہیں اور کوئی اور طرح کے۔ ہمارے کئی طرح کے مذہب ہیں

Tafseer of 72:11

11- بلاشبہ ہم جنوں کے گروہ میں کچھ متقی و نیکوکار ہیں اور کچھ ہم میں سے وہ ہیں جو کافر اور نافرمان ہیں۔ ہم مختلف گروہوں اور مختلف خواہشات میں بٹے ہوئے تھے۔

وَّاَنَّا ظَنَنَّاۤ اَنْ لَّنْ نُّعْجِزَ اللّٰهَ فِی الْاَرْضِ وَلَنْ نُّعْجِزَهٗ هَرَبًا ۟ۙوَّاَنَّا ظَنَنَّاۤ اَنۡ لَّنۡ نُّعۡجِزَ اللّٰهَ فِى الۡاَرۡضِ وَلَنۡ نُّعۡجِزَهٗ هَرَبًا

اور یہ کہ ہم نے یقین کرلیا ہے کہ ہم زمین میں (خواہ کہیں ہوں) خدا کو ہرا نہیں سکتے اور نہ بھاگ کر اس کو تھکا سکتے ہیں

Tafseer of 72:12

12- اور ہم نے یقین کر لیا کہ جب اللہ تعالیٰ ہمارے ساتھ کسی معاملے کا ارادہ کرے تو ہم اس سے بچ سکتے ہیں نہ اس سے بھاگ کر کہیں نکل سکتے ہیں کیونکہ ہم اس کے گھیرے میں ہیں۔

وَّاَنَّا لَمَّا سَمِعْنَا الْهُدٰۤی اٰمَنَّا بِهٖ ؕ— فَمَنْ یُّؤْمِنْ بِرَبِّهٖ فَلَا یَخَافُ بَخْسًا وَّلَا رَهَقًا ۟ۙوَّاَنَّا لَمَّا سَمِعۡنَا الۡهُدٰٓى اٰمَنَّا بِهٖ‌ ؕ فَمَنۡ يُّؤۡمِنۡۢ بِرَبِّهٖ فَلَا يَخَافُ بَخۡسًا وَّلَا رَهَقًا

اور جب ہم نے ہدایت (کی کتاب) سنی اس پر ایمان لے آئے۔ تو جو شخص اپنے پروردگار پر ایمان لاتا ہے اس کو نہ نقصان کا خوف ہے نہ ظلم کا

Tafseer of 72:13

13- بلاشبہ جب ہم نے قرآن سنا جو سب سے سیدھی راہ دکھاتا ہے تو ہم اس پر ایمان لے آئے۔ جو اپنے رب پر ایمان لے آئے، اسے نیکیوں میں کمی کا خوف ہوگا نہ کسی گناہ کا جو اس کے پہلے گناہوں کے ساتھ شامل کر دیا جائے۔

وَّاَنَّا مِنَّا الْمُسْلِمُوْنَ وَمِنَّا الْقٰسِطُوْنَ ؕ— فَمَنْ اَسْلَمَ فَاُولٰٓىِٕكَ تَحَرَّوْا رَشَدًا ۟وَّاَنَّا مِنَّا الۡمُسۡلِمُوۡنَ وَمِنَّا الۡقٰسِطُوۡنَ‌ؕ فَمَنۡ اَسۡلَمَ فَاُولٰٓئِكَ تَحَرَّوۡا رَشَدًا‏

اور یہ کہ ہم میں بعض فرمانبردار ہیں اور بعض (نافرمان) گنہگار ہیں۔ تو جو فرمانبردار ہوئے وہ سیدھے رستے پر چلے

Tafseer of 72:14

14- بلاشبہ ہم میں سے کچھ مسلمان ہیں جو اللہ تعالیٰ کی اطاعت کر کے اس کے فرمانبردار ہیں اور کچھ اعتدال اور ثابت قدمی کی راہ سے ہٹے ہوئے ہیں، پھر جو اطاعت اور نیک عمل کے ذریعے سے اللہ کے سامنے جھک گیا تو وہی لوگ ہیں جنھوں نے ہدایت اور صحیح راستے کا انتخاب کیا۔

وَاَمَّا الْقٰسِطُوْنَ فَكَانُوْا لِجَهَنَّمَ حَطَبًا ۟ۙوَاَمَّا الۡقٰسِطُوۡنَ فَكَانُوۡا لِجَهَنَّمَ حَطَبًا

اور جو گنہگار ہوئے وہ دوزخ کا ایندھن بنے

Tafseer of 72:15

15- اور جو سیدھی اور ثابت قدمی کی راہ سے ہٹے ہوئے ہیں، وہ جہنم کا ایندھن ہوں گے جن کے ساتھ اسے بھڑکایا جائے گا۔ ان کے ساتھ ان جیسے انسان اور بھی ہوں گے۔

وَّاَنْ لَّوِ اسْتَقَامُوْا عَلَی الطَّرِیْقَةِ لَاَسْقَیْنٰهُمْ مَّآءً غَدَقًا ۟ۙوَّاَنْ لَّوِ اسۡتَقَامُوۡا عَلَى الطَّرِيۡقَةِ لَاَسۡقَيۡنٰهُمۡ مَّآءً غَدَقًا

اور (اے پیغمبر) یہ (بھی ان سے کہہ دو) کہ اگر یہ لوگ سیدھے رستے پر رہتے تو ہم ان کے پینے کو بہت سا پانی دیتے

Tafseer of 72:16

16- جس طرح آپ( صلى اللہ عليہ وسلم ) کی طرف یہ وحی کی گئی کہ جنوں کی ایک جماعت نے غور سے سنا، اسی طرح آپ کی طرف یہ وحی بھی کی گئی کہ اگر جن اور انسان اسلام کے راستے پر قائم رہتے اور اس کے احکام پر عمل کرتے تو اللہ تعالیٰ انھیں بہت زیادہ پانی مہیا کرتا (ان پرخوب بارش برساتا) اور انھیں کئی طرح کی نعمتوں سے نوازتا۔

لِّنَفْتِنَهُمْ فِیْهِ ؕ— وَمَنْ یُّعْرِضْ عَنْ ذِكْرِ رَبِّهٖ یَسْلُكْهُ عَذَابًا صَعَدًا ۟ۙلِّنَفۡتِنَهُمۡ فِيۡهِ‌ ؕ وَمَنۡ يُّعۡرِضۡ عَنۡ ذِكۡرِ رَبِّهٖ يَسۡلُكۡهُ عَذَابًا صَعَدًا

تاکہ اس سے ان کی آزمائش کریں۔ اور جو شخص اپنے پروردگار کی یاد سے منہ پھیرے گا وہ اس کو سخت عذاب میں داخل کرے گا

Tafseer of 72:17

17- تاکہ اس بارے میں ہم انھیں آزما لیں کہ وہ اللہ تعالیٰ کی نعمتوں کی شکر گزاری کرتے ہیں یا ان کی ناقدری کرتے ہیں؟ اور جو قرآن اور اس میں آنے والی نصیحتوں سے منہ پھیرے، اسے اس کا رب ایسے مشقت والے عذاب میں داخل کرے گا جسے وہ برداشت نہیں کر سکے گا۔

وَّاَنَّ الْمَسٰجِدَ لِلّٰهِ فَلَا تَدْعُوْا مَعَ اللّٰهِ اَحَدًا ۟ۙوَّاَنَّ الۡمَسٰجِدَ لِلّٰهِ فَلَا تَدۡعُوۡا مَعَ اللّٰهِ اَحَدًا

اور یہ کہ مسجدیں (خاص) خدا کی ہیں تو خدا کے ساتھ کسی اور کی عبادت نہ کرو

Tafseer of 72:18

18- بلاشبہ مسجدیں صرف اس پاک ذات کی ہیں، کسی اور کی نہیں، لہٰذا ان میں اللہ کے ساتھ کسی اور کو نہ پکارو ورنہ تم بھی یہودیوں اور عیسائیوں کی طرح کرو گے جو کچھ وہ اپنے گرجوں اور عبادت خانوں میں کرتے ہیں۔

وَّاَنَّهٗ لَمَّا قَامَ عَبْدُ اللّٰهِ یَدْعُوْهُ كَادُوْا یَكُوْنُوْنَ عَلَیْهِ لِبَدًا ۟ؕ۠وَّاَنَّهٗ لَمَّا قَامَ عَبۡدُ اللّٰهِ يَدۡعُوۡهُ كَادُوۡا يَكُوۡنُوۡنَ عَلَيۡهِ لِبَدًا

اور جب خدا کے بندے (محمدﷺ) اس کی عبادت کو کھڑے ہوئے تو کافر ان کے گرد ہجوم کرلینے کو تھے

Tafseer of 72:19

19- یقیناً جب اللہ کے بندے محمد رسول اللہ صلى اللہ عليہ وسلم اپنے رب کی عبادت کے لیے وادیٔ نخلہ میں کھڑے ہوئے تو جنوں نے قرآن سننے کے لیے اتنا رش کیا کہ قریب تھا وہ آپ پر گر پڑیں۔

قُلْ اِنَّمَاۤ اَدْعُوْا رَبِّیْ وَلَاۤ اُشْرِكُ بِهٖۤ اَحَدًا ۟قُلۡ اِنَّمَاۤ اَدۡعُوۡا رَبِّىۡ وَلَاۤ اُشۡرِكُ بِهٖۤ اَحَدًا

کہہ دو کہ میں تو اپنے پروردگار ہی کی عبادت کرتا ہوں اور کسی کو اس کا شریک نہیں بناتا

Tafseer of 72:20

20- اے رسول( صلى اللہ عليہ وسلم )! ان مشرکوں سے کہہ دیں: میں تو صرف اپنے رب کو پکارتا ہوں اور عبادت میں کسی دوسرے کو اس کا شریک نہیں ٹھہراتا، خواہ کوئی بھی ہو۔

قُلْ اِنِّیْ لَاۤ اَمْلِكُ لَكُمْ ضَرًّا وَّلَا رَشَدًا ۟قُلۡ اِنِّىۡ لَاۤ اَمۡلِكُ لَـكُمۡ ضَرًّا وَّلَا رَشَدًا

(یہ بھی) کہہ دو کہ میں تمہارے حق میں نقصان اور نفع کا کچھ اختیار نہیں رکھتا

Tafseer of 72:21

21- ان سے کہہ دیں: میں تم سے کسی قسم کی کوئی تکلیف دور کرنے کا اختیار نہیں رکھتا جو اللہ تعالیٰ نے تمھارے مقدر میں کر دی ہو اور نہ ایسا نفع تمھیں دینے کا مالک ہوں جو اللہ تعالیٰ تم سے روک لے۔

قُلْ اِنِّیْ لَنْ یُّجِیْرَنِیْ مِنَ اللّٰهِ اَحَدٌ ۙ۬— وَّلَنْ اَجِدَ مِنْ دُوْنِهٖ مُلْتَحَدًا ۟ۙقُلۡ اِنِّىۡ لَنۡ يُّجِيۡرَنِىۡ مِنَ اللّٰهِ اَحَدٌ  ۙ وَّلَنۡ اَجِدَ مِنۡ دُوۡنِهٖ مُلۡتَحَدًا

(یہ بھی) کہہ دو کہ خدا (کے عذاب) سے مجھے کوئی پناہ نہیں دے سکتا۔ اور میں اس کے سوا کہیں جائے پناہ نہیں دیکھتا

Tafseer of 72:22

22- ان سے کہہ دیں: مجھے اللہ سے ہرگز کوئی نہیں بچا سکے گا اگر میں نے اس کی نافرمانی کی اور نہ اس کے سوا میری کوئی پناہ گاہ ہے جس میں پناہ لے لوں۔

اِلَّا بَلٰغًا مِّنَ اللّٰهِ وَرِسٰلٰتِهٖ ؕ— وَمَنْ یَّعْصِ اللّٰهَ وَرَسُوْلَهٗ فَاِنَّ لَهٗ نَارَ جَهَنَّمَ خٰلِدِیْنَ فِیْهَاۤ اَبَدًا ۟ؕاِلَّا بَلٰغًا مِّنَ اللّٰهِ وَرِسٰلٰتِهٖ‌ ؕ وَمَنۡ يَّعۡصِ اللّٰهَ وَرَسُوۡلَهٗ فَاِنَّ لَهٗ نَارَ جَهَنَّمَ خٰلِدِيۡنَ فِيۡهَاۤ اَبَدًا

ہاں خدا کی طرف سے احکام کا اور اس کے پیغاموں کا پہنچا دینا (ہی) میرے ذمے ہے۔ اور جو شخص خدا اور اس کے پیغمبر کی نافرمانی کرے گا تو ایسوں کے لئے جہنم کی آگ ہے ہمیشہ ہمیشہ اس میں رہیں گے

Tafseer of 72:23

23- لیکن میں جس چیز کا مالک ہوں، وہ یہ ہے کہ میرے اللہ نے مجھے تم تک جو پیغام پہنچانے کا حکم دیا ہے، وہ میں تمھیں پہنچا دوں اور اس کی عطا کی ہوئی اس رسالت کا مالک ہوں جو اس نے مجھے دے کر تمھاری طرف بھیجا ہے۔ جو اللہ تعالیٰ اور اس کے رسول( صلى اللہ عليہ وسلم ) کی نافرمانی کرے، اس کا انجام جہنم کی آگ میں داخل ہونا ہے جہاں وہ ہمیشہ ہمیشہ رہے گا، اس سے کبھی نہیں نکلے گا۔

حَتّٰۤی اِذَا رَاَوْا مَا یُوْعَدُوْنَ فَسَیَعْلَمُوْنَ مَنْ اَضْعَفُ نَاصِرًا وَّاَقَلُّ عَدَدًا ۟حَتّٰٓى اِذَا رَاَوۡا مَا يُوۡعَدُوۡنَ فَسَيَعۡلَمُوۡنَ مَنۡ اَضۡعَفُ نَاصِرًا وَّاَقَلُّ عَدَدًا‏

یہاں تک کہ جب یہ لوگ وہ (دن) دیکھ لیں گے جس کا ان سے وعدہ کیا جاتا ہے تب ان کو معلوم ہو جائے گا کہ مددگار کس کے کمزور اور شمار کن کا تھوڑا ہے

Tafseer of 72:24

24- یہ کافر اپنے کفر پر اس وقت تک اڑے رہیں گے جب تک قیامت کے دن وہ عذاب اپنی آنکھوں سے نہ دیکھ لیں جس کا دنیا میں ان سے وعدہ کیا جاتا ہے۔ اس وقت وہ ضرور جان لیں گے کہ کس کے مددگار کمزور اور تعداد میں تھوڑے ہیں۔

قُلْ اِنْ اَدْرِیْۤ اَقَرِیْبٌ مَّا تُوْعَدُوْنَ اَمْ یَجْعَلُ لَهٗ رَبِّیْۤ اَمَدًا ۟قُلۡ اِنۡ اَدۡرِىۡۤ اَقَرِيۡبٌ مَّا تُوۡعَدُوۡنَ اَمۡ يَجۡعَلُ لَهٗ رَبِّىۡۤ اَمَدًا‏

کہہ دو کہ جس (دن) کا تم سے وعدہ کیا جاتا ہے میں نہیں جانتا کہ وہ (عن) قریب (آنے والا ہے) یا میرے پروردگار نے اس کی مدت دراز کر دی ہے

Tafseer of 72:25

25- اے رسول( صلى اللہ عليہ وسلم )! ان دوبارہ اٹھائے جانے کے منکر مشرکوں سے کہہ دیں: میں نہیں جانتا کہ جس عذاب کا وعدہ تم سے کیا جاتا ہے، وہ قریب ہے یا اس کی کوئی لمبی مدت ہے۔ اسے اللہ کے سوا کوئی نہیں جانتا۔

عٰلِمُ الْغَیْبِ فَلَا یُظْهِرُ عَلٰی غَیْبِهٖۤ اَحَدًا ۟ۙعٰلِمُ الۡغَيۡبِ فَلَا يُظۡهِرُ عَلٰى غَيۡبِهٖۤ اَحَدًا

غیب (کی بات) جاننے والا ہے اور کسی پر اپنے غیب کو ظاہر نہیں کرتا

Tafseer of 72:26

26- وہ پاک رب ہر قسم کا غیب جاننے والا ہے، اس میں سے کوئی چیز اس سے چھپی نہیں۔ وہ اپنے غیب سے کسی کو آگاہ نہیں کرتا بلکہ وہ اسی کے علم کے ساتھ خاص رہتا ہے۔

اِلَّا مَنِ ارْتَضٰی مِنْ رَّسُوْلٍ فَاِنَّهٗ یَسْلُكُ مِنْ بَیْنِ یَدَیْهِ وَمِنْ خَلْفِهٖ رَصَدًا ۟ۙاِلَّا مَنِ ارۡتَضٰى مِنۡ رَّسُوۡلٍ فَاِنَّهٗ يَسۡلُكُ مِنۡۢ بَيۡنِ يَدَيۡهِ وَمِنۡ خَلۡفِهٖ رَصَدًا

ہاں جس پیغمبر کو پسند فرمائے تو اس (کو غیب کی باتیں بتا دیتا اور اس) کے آگے اور پیچھے نگہبان مقرر کر دیتا ہے

Tafseer of 72:27

27- ہاں اللہ تعالیٰ رسولوں میں سے جس کسی کو پسند کر لے تو اسے جس کی چاہے خبر کردیتا ہے اور اس رسول کے آگے پیچھے نگران فرشتے بھیجتا ہے جو اس کی حفاظت کرتے ہیں تاکہ رسول کے علاوہ کسی کو اس غیب کی اطلاع نہ ہونے پائے۔

لِّیَعْلَمَ اَنْ قَدْ اَبْلَغُوْا رِسٰلٰتِ رَبِّهِمْ وَاَحَاطَ بِمَا لَدَیْهِمْ وَاَحْصٰی كُلَّ شَیْءٍ عَدَدًا ۟۠لِّيَـعۡلَمَ اَنۡ قَدۡ اَبۡلَغُوۡا رِسٰلٰتِ رَبِّهِمۡ وَاَحَاطَ بِمَا لَدَيۡهِمۡ وَاَحۡصٰى كُلَّ شَىۡءٍ عَدَدًا

تاکہ معلوم فرمائے کہ انہوں نے اپنے پروردگار کے پیغام پہنچا دیئے ہیں اور (یوں تو) اس نے ان کی سب چیزوں کو ہر طرف سے قابو کر رکھا ہے اور ایک ایک چیز گن رکھی ہے

Tafseer of 72:28

28- تاکہ وہ رسول یہ جان لے کہ اس سے پہلے رسولوں نے اپنے رب کے وہ پیغامات پوری طرح پہنچا دیے جن کی تبلیغ کا اس نے انھیں حکم دیا تھا کیونکہ اللہ تعالیٰ نے ان کا پورے اہتمام سے احاطہ کیا ہوا تھا اور فرشتوں اور رسولوں کے پاس جو ہے، اللہ تعالیٰ نے اپنے علم سے اس کا بھی احاطہ کر رکھا ہے اور اس میں سے کوئی چیز اس سے چھپی نہیں اور اس نے ہر چیز کی تعداد کو شمار کر رکھا ہے اور اس پاک رب سے کوئی چیز اوجھل نہیں۔