63. Al-Munaafiqoonالمنافقون

The Hypocrites · Medinan · 11 ayahs · 2 rukus

بِسْمِ اللّٰهِ الرَّحْمٰنِ الرَّحِیْمِ

اِذَا جَآءَكَ الْمُنٰفِقُوْنَ قَالُوْا نَشْهَدُ اِنَّكَ لَرَسُوْلُ اللّٰهِ ۘ— وَاللّٰهُ یَعْلَمُ اِنَّكَ لَرَسُوْلُهٗ ؕ— وَاللّٰهُ یَشْهَدُ اِنَّ الْمُنٰفِقِیْنَ لَكٰذِبُوْنَ ۟ۚاِذَا جَآءَكَ الۡمُنٰفِقُوۡنَ قَالُوۡا نَشۡهَدُ اِنَّكَ لَرَسُوۡلُ اللّٰهِ ‌ۘ وَاللّٰهُ يَعۡلَمُ اِنَّكَ لَرَسُوۡلُهٗ ؕ وَاللّٰهُ يَشۡهَدُ اِنَّ الۡمُنٰفِقِيۡنَ لَـكٰذِبُوۡنَ‌

(اے محمدﷺ) جب منافق لوگ تمہارے پاس آتے ہیں تو (از راہ نفاق) کہتے ہیں کہ ہم اقرار کرتے ہیں کہ آپ بےشک خدا کے پیغمبر ہیں اور خدا جانتا ہے کہ درحقیقت تم اس کے پیغمبر ہو لیکن خدا ظاہر کئے دیتا ہے کہ منافق (دل سے اعتقاد نہ رکھنے کے لحاظ سے) جھوٹے ہیں

Tafseer of 63:1

1- اے رسول( صلى اللہ عليہ وسلم )! جب آپ کی مجلس میں منافق حاضر ہوتے ہیں جو اسلام کا اظہار کرتے اور دل میں کفر چھپاتے ہیں تو وہ کہتے ہیں: ہم گواہی دیتے ہیں کہ آپ یقیناً اللہ تعالیٰ کے سچے رسول ہیں اور اللہ جانتا ہے کہ بلاشبہ آپ واقعی اس کے سچے رسول ہیں جبکہ اللہ گواہی دیتا ہے کہ منافق اپنے اس دعوے میں سو فیصد جھوٹے ہیں کہ وہ دل کی گہرائی سے آپ کے رسول ہونے کی گواہی دیتے ہیں۔

اِتَّخَذُوْۤا اَیْمَانَهُمْ جُنَّةً فَصَدُّوْا عَنْ سَبِیْلِ اللّٰهِ ؕ— اِنَّهُمْ سَآءَ مَا كَانُوْا یَعْمَلُوْنَ ۟اِتَّخَذُوۡۤا اَيۡمَانَهُمۡ جُنَّةً فَصَدُّوۡا عَنۡ سَبِيۡلِ اللّٰهِ‌ؕ اِنَّهُمۡ سَآءَ مَا كَانُوۡا يَعۡمَلُوۡنَ

انہوں نے اپنی قسموں کو ڈھال بنا رکھا ہے اور ان کے ذریعے سے (لوگوں کو) راہ خدا سے روک رہے ہیں۔ کچھ شک نہیں کہ جو کام یہ کرتے ہیں برے ہیں

Tafseer of 63:2

2- وہ اپنے ایمان کا دعویٰ ثابت کرنے کے لیے جو قسمیں کھاتے ہیں، ان قسموں کو انھوں نے قتل اور قید سے بچنے کے لیے آڑ اور ڈھال بنایا ہوا ہے۔ وہ شکوک و شبہات اور غلط فہمیاں پھیلا کر لوگوں کو ایمان سے روکتے ہیں۔ بلاشبہ ان کا منافقانہ کردار اور جھوٹی قسمیں کھانا نہایت برا عمل ہے۔

ذٰلِكَ بِاَنَّهُمْ اٰمَنُوْا ثُمَّ كَفَرُوْا فَطُبِعَ عَلٰی قُلُوْبِهِمْ فَهُمْ لَا یَفْقَهُوْنَ ۟ذٰلِكَ بِاَنَّهُمۡ اٰمَنُوۡا ثُمَّ كَفَرُوۡا فَطُبِعَ عَلٰى قُلُوۡبِهِمۡ فَهُمۡ لَا يَفۡقَهُوۡنَ‏

یہ اس لئے کہ یہ (پہلے تو) ایمان لائے پھر کافر ہوگئے تو ان کے دلوں پر مہر لگادی گئی۔ سو اب یہ سمجھتے ہی نہیں

Tafseer of 63:3

3- یہ اس لیے ہے کہ انھوں نے ایمان لانے میں منافقت اختیار کی ہے اور ایمان ان کے دلوں تک نہیں پہنچا۔ انھوں نے خفیہ طور پر اللہ کے ساتھ کفر کیا تو اس نے ان کے کفر کے باعث ان کے دلوں پر مہر لگا دی تو ان میں ایمان داخل نہ ہو سکا، چنانچہ وہ اس مہر لگنے کی و جہ سے ایسی کوئی بات سمجھ نہیں پاتے جس میں ان کی اصلاح اور ہدایت ہو۔

وَاِذَا رَاَیْتَهُمْ تُعْجِبُكَ اَجْسَامُهُمْ ؕ— وَاِنْ یَّقُوْلُوْا تَسْمَعْ لِقَوْلِهِمْ ؕ— كَاَنَّهُمْ خُشُبٌ مُّسَنَّدَةٌ ؕ— یَحْسَبُوْنَ كُلَّ صَیْحَةٍ عَلَیْهِمْ ؕ— هُمُ الْعَدُوُّ فَاحْذَرْهُمْ ؕ— قٰتَلَهُمُ اللّٰهُ ؗ— اَنّٰی یُؤْفَكُوْنَ ۟وَاِذَا رَاَيۡتَهُمۡ تُعۡجِبُكَ اَجۡسَامُهُمۡ‌ ؕ وَاِنۡ يَّقُوۡلُوۡا تَسۡمَعۡ لِقَوۡلِهِمۡ‌ ؕ كَاَنَّهُمۡ خُشُبٌ مُّسَنَّدَةٌ   ‌ؕ يَحۡسَبُوۡنَ كُلَّ صَيۡحَةٍ عَلَيۡهِمۡ‌ ؕ هُمُ الۡعَدُوُّ فَاحۡذَرۡهُمۡ‌ ؕ قَاتَلَهُمُ اللّٰهُ‌ اَنّٰى يُـؤۡفَكُوۡنَ

اور جب تم ان (کے تناسب اعضا) کو دیکھتے ہو تو ان کے جسم تمہیں (کیا ہی) اچھے معلوم ہوتے ہیں۔ اور جب وہ گفتگو کرتے ہیں تو تم ان کی تقریر کو توجہ سے سنتے ہو (مگر فہم وادراک سے خالی) گویا لکڑیاں ہیں جو دیواروں سے لگائی گئی ہیں۔ (بزدل ایسے کہ) ہر زور کی آواز کو سمجھیں (کہ) ان پر بلا آئی۔ یہ (تمہارے) دشمن ہیں ان سے بےخوف نہ رہنا۔ خدا ان کو ہلاک کرے۔ یہ کہاں بہکے پھرتے ہیں

Tafseer of 63:4

4- اے دیکھنے والے! جب تو انھیں دیکھے گا تو ان کی ہیئت اور شکل و صورت تجھے بھلی لگے گی کیونکہ وہ بڑے خوشحال اور نعمتوں میں ہیں اور اگر وہ بات کریں تو ان کی بلاغت کی وجہ سے تُو ان کی بات غور سے سنے گا۔ اے رسول( صلى اللہ عليہ وسلم )! وہ آپ کی مجلس میں ایسے بیٹھتے ہیں جیسے دیوار میں گاڑی ہوئی لکڑیاں ہوں۔ وہ کچھ سمجھتے ہیں نہ بات یاد رکھتے ہیں۔ وہ اپنے اندر موجود بزدلی کی وجہ سے سمجھتے ہیں کہ ہر آواز کا رخ ان کی طرف ہے۔ یہی اصل میں دشمن ہیں، لہٰذا اے رسول( صلى اللہ عليہ وسلم )! ان سے بچ کر رہیں کہ وہ آپ کا کوئی بھید کھول دیں یا آپ کے خلاف کوئی سازش کریں۔ اللہ تعالیٰ کی لعنت ہو ان پر، وہ اتنے واضح دلائل اور روشن ثبوتوں کے باوجود ایمان سے کہاں پھرے جاتے ہیں؟

وَاِذَا قِیْلَ لَهُمْ تَعَالَوْا یَسْتَغْفِرْ لَكُمْ رَسُوْلُ اللّٰهِ لَوَّوْا رُءُوْسَهُمْ وَرَاَیْتَهُمْ یَصُدُّوْنَ وَهُمْ مُّسْتَكْبِرُوْنَ ۟وَاِذَا قِيۡلَ لَهُمۡ تَعَالَوۡا يَسۡتَغۡفِرۡ لَـكُمۡ رَسُوۡلُ اللّٰهِ لَـوَّوۡا رُءُوۡسَهُمۡ وَرَاَيۡتَهُمۡ يَصُدُّوۡنَ وَهُمۡ مُّسۡتَكۡبِرُوۡنَ

اور جب ان سے کہا جائے کہ آؤ رسول خدا تمہارے لئے مغفرت مانگیں تو سر ہلا دیتے ہیں اور تم ان کو دیکھو کہ تکبر کرتے ہوئے منہ پھیر لیتے ہیں

Tafseer of 63:5

5- جب ان منافقوں سے کہا جاتا ہے کہ تم سے جو کچھ ہوا ہے، آ کر اللہ کے رسول( صلى اللہ عليہ وسلم ) سے اس کی معذرت کر لو، وہ تمھارے لیے اللہ تعالیٰ سے تمھارے گناہوں کی بخشش کی درخواست کریں گے تو ٹھٹھا اڑا کر اور حقارت سے اپنے سر موڑ لیتے ہیں۔ آپ انھیں دیکھیں گے کہ جو حکم انھیں دیا گیا، اس سے منہ پھیر لیتے ہیں اور حق قبول کرنے اور اس کے سامنے جھک جانے سے تکبر کرتے ہیں۔

سَوَآءٌ عَلَیْهِمْ اَسْتَغْفَرْتَ لَهُمْ اَمْ لَمْ تَسْتَغْفِرْ لَهُمْ ؕ— لَنْ یَّغْفِرَ اللّٰهُ لَهُمْ ؕ— اِنَّ اللّٰهَ لَا یَهْدِی الْقَوْمَ الْفٰسِقِیْنَ ۟سَوَآءٌ عَلَيۡهِمۡ اَسۡتَغۡفَرۡتَ لَهُمۡ اَمۡ لَمۡ تَسۡتَغۡفِرۡ لَهُمۡؕ لَنۡ يَّغۡفِرَ اللّٰهُ لَهُمۡ‌ؕ اِنَّ اللّٰهَ لَا يَهۡدِى الۡقَوۡمَ الۡفٰسِقِيۡنَ

تم ان کے لئے مغفرت مانگو یا نہ مانگو ان کے حق میں برابر ہے۔ خدا ان کو ہرگز نہ بخشے گا۔ بےشک خدا نافرمانوں کو ہدایت نہیں دیا کرتا

Tafseer of 63:6

6- اے رسول صلى اللہ عليہ وسلم ! آپ کا ان کے لیے گناہوں کی بخشش طلب کرنا اور ان کے لیے معافی نہ مانگنا برابر ہے۔ اللہ تعالیٰ ان کے لیے ان کے گناہ ہرگز نہیں بخشے گا۔ بلاشبہ اللہ تعالیٰ اپنی اطاعت سے نکلنے والی اور اپنی نافرمانیوں پر اصرار کرنے والی قوم کو ہدایت کی توفیق نہیں دیتا۔

هُمُ الَّذِیْنَ یَقُوْلُوْنَ لَا تُنْفِقُوْا عَلٰی مَنْ عِنْدَ رَسُوْلِ اللّٰهِ حَتّٰی یَنْفَضُّوْا ؕ— وَلِلّٰهِ خَزَآىِٕنُ السَّمٰوٰتِ وَالْاَرْضِ وَلٰكِنَّ الْمُنٰفِقِیْنَ لَا یَفْقَهُوْنَ ۟هُمُ الَّذِيۡنَ يَقُوۡلُوۡنَ لَا تُنۡفِقُوۡا عَلٰى مَنۡ عِنۡدَ رَسُوۡلِ اللّٰهِ حَتّٰى يَنۡفَضُّوۡا‌ؕ وَلِلّٰهِ خَزَآئِنُ السَّمٰوٰتِ وَالۡاَرۡضِ وَلٰـكِنَّ الۡمُنٰفِقِيۡنَ لَا يَفۡقَهُوۡنَ

یہی ہیں جو کہتے ہیں کہ جو لوگ رسول خدا کے پاس (رہتے) ہیں ان پر (کچھ) خرچ نہ کرو۔ یہاں تک کہ یہ (خود بخود) بھاگ جائیں۔ حالانکہ آسمانوں اور زمین کے خزانے خدا ہی کہ ہیں لیکن منافق نہیں سمجھتے

Tafseer of 63:7

7- یہی ہیں جو کہتے ہیں کہ جو فقراء اور مدینے کے آس پاس کے دیہاتی رسول اکرم صلى اللہ عليہ وسلم کے پاس ہیں، ان پر اپنے مال خرچ نہ کرو، تاکہ وہ آپ کو چھوڑ کر بکھر جائیں، حالانکہ آسمانوں اور زمین کے خزانے صرف اکیلے اللہ کے پاس ہیں، جنھیں وہ اپنے بندوں میں سے جسے چاہے عطا فرما دیتاہے، لیکن منافق یہ نہیں جانتے کہ رزق کے خزانے صرف اس پاک ذات کے ہاتھ میں ہیں۔

یَقُوْلُوْنَ لَىِٕنْ رَّجَعْنَاۤ اِلَی الْمَدِیْنَةِ لَیُخْرِجَنَّ الْاَعَزُّ مِنْهَا الْاَذَلَّ ؕ— وَلِلّٰهِ الْعِزَّةُ وَلِرَسُوْلِهٖ وَلِلْمُؤْمِنِیْنَ وَلٰكِنَّ الْمُنٰفِقِیْنَ لَا یَعْلَمُوْنَ ۟۠يَقُوۡلُوۡنَ لَئِنۡ رَّجَعۡنَاۤ اِلَى الۡمَدِيۡنَةِ لَيُخۡرِجَنَّ الۡاَعَزُّ مِنۡهَا الۡاَذَلَّ ‌ؕ وَلِلّٰهِ الۡعِزَّةُ وَلِرَسُوۡلِهٖ وَلِلۡمُؤۡمِنِيۡنَ وَلٰـكِنَّ الۡمُنٰفِقِيۡنَ لَا يَعۡلَمُوۡنَ

کہتے ہیں کہ اگر ہم لوٹ کر مدینے پہنچے تو عزت والے ذلیل لوگوں کو وہاں سے نکال باہر کریں گے۔ حالانکہ عزت خدا کی ہے اور اس کے رسول کی اور مومنوں کی لیکن منافق نہیں جانتے

Tafseer of 63:8

8- ان کا بڑا چودھری عبداللہ بن اُبی کہتا ہے کہ اگر ہم مدینے واپس گئے تو عزت والے ضرور ذلت والوں کو وہاں سے نکال دیں گے۔ عزت والوں سے مراد وہ خود کو اور اپنی قوم کو لے رہا تھا اور ذلت والوں سے اس کا اشارہ محمد رسول اللہ صلى اللہ عليہ وسلم اور آپ کے صحابہ کی طرف تھاحالانکہ عزت تو صرف اللہ تعالیٰ، اس کے رسول اور اہلِ ایمان کے لیے ہے، عبداللہ بن اُبی اور اس کے ساتھیوں کے لیے نہیں، لیکن منافق یہ نہیں جانتے کہ بلاشبہ عزت اللہ تعالیٰ، اس کے رسول اور ایمان والوں ہی کے لیے ہے۔

یٰۤاَیُّهَا الَّذِیْنَ اٰمَنُوْا لَا تُلْهِكُمْ اَمْوَالُكُمْ وَلَاۤ اَوْلَادُكُمْ عَنْ ذِكْرِ اللّٰهِ ۚ— وَمَنْ یَّفْعَلْ ذٰلِكَ فَاُولٰٓىِٕكَ هُمُ الْخٰسِرُوْنَ ۟يٰۤاَيُّهَا الَّذِيۡنَ اٰمَنُوۡا لَا تُلۡهِكُمۡ اَمۡوَالُكُمۡ وَلَاۤ اَوۡلَادُكُمۡ عَنۡ ذِكۡرِ اللّٰهِ‌ۚ وَمَنۡ يَّفۡعَلۡ ذٰلِكَ فَاُولٰٓئِكَ هُمُ الۡخٰسِرُوۡنَ

مومنو! تمہارا مال اور اولاد تم کو خدا کی یاد سے غافل نہ کردے۔ اور جو ایسا کرے گا تو وہ لوگ خسارہ اٹھانے والے ہیں

Tafseer of 63:9

جب اللہ تعالیٰ نے منافقوں کی خواہش کا ذکر کیا کہ وہ چاہتے ہیں کہ لوگ اللہ کی راہ میں خرچ نہ کریں اور ان کا مقصد یہ ہے کہ اس طرح (نادار) لوگ اللہ کے دین سے دور رہیں گے تو اللہ تعالیٰ نے مومنوں کو بخل سے ڈرایا اور انھیں اللہ کی راہ میں خرچ کرنے کا حکم دیا، چنانچہ فرمایا:

9- اے اللہ تعالیٰ پر ایمان لانے اور اس کی شریعت پر عمل کرنے والو! تمھارے مال اور تمھاری اولادیں تمھیں نماز اور اسلام کے دیگر فرائض سے غافل نہ کر دیں۔ جسے اس کے مال اور اولاد نے ان فرائض و واجبات سے غافل کر دیا جو اللہ تعالیٰ نے نماز وغیرہ کی صورت میں اس پر ضروری قرار دیے ہیں تو یہی لوگ صحیح معنوں میں نقصان اٹھانے والے ہیں جنھوں نے اپنے آپ کو اور اپنے اہل خانہ کو قیامت کے دن نقصان میں ڈال لیا۔

وَاَنْفِقُوْا مِنْ مَّا رَزَقْنٰكُمْ مِّنْ قَبْلِ اَنْ یَّاْتِیَ اَحَدَكُمُ الْمَوْتُ فَیَقُوْلَ رَبِّ لَوْلَاۤ اَخَّرْتَنِیْۤ اِلٰۤی اَجَلٍ قَرِیْبٍ ۙ— فَاَصَّدَّقَ وَاَكُنْ مِّنَ الصّٰلِحِیْنَ ۟وَاَنۡفِقُوۡا مِنۡ مَّا رَزَقۡنٰكُمۡ مِّنۡ قَبۡلِ اَنۡ يَّاۡتِىَ اَحَدَكُمُ الۡمَوۡتُ فَيَقُوۡلَ رَبِّ لَوۡلَاۤ اَخَّرۡتَنِىۡۤ اِلٰٓى اَجَلٍ قَرِيۡبٍۙ فَاَصَّدَّقَ وَاَكُنۡ مِّنَ الصّٰلِحِيۡنَ

اور جو (مال) ہم نے تم کو دیا ہے اس میں سے اس (وقت) سے پیشتر خرچ کرلو کہ تم میں سے کسی کی موت آجائے تو (اس وقت) کہنے لگے کہ اے میرے پروردگار تو نے مجھے تھوڑی سی اور مہلت کیوں نہ دی تاکہ میں خیرات کرلیتا اور نیک لوگوں میں داخل ہوجاتا

Tafseer of 63:10

10- ان مالوں میں سے خرچ کرو جو اللہ تعالیٰ نے تمھیں بطور رزق دیے ہیں، اس سے پہلے کہ تم میں سے کسی کو موت آجائے، پھر وہ اپنے رب سے کہے: اے میرے رب! تو مجھے تھوڑی دیر کی مہلت کیوں نہیں دیتا کہ میں اپنا مال اللہ کی راہ میں صدقہ کروں اور اللہ کے نیک بندوں میں سے ہو جاؤں جن کے عمل نیک ہوتے ہیں۔

وَلَنْ یُّؤَخِّرَ اللّٰهُ نَفْسًا اِذَا جَآءَ اَجَلُهَا ؕ— وَاللّٰهُ خَبِیْرٌ بِمَا تَعْمَلُوْنَ ۟۠وَلَنۡ يُّؤَخِّرَ اللّٰهُ نَفۡسًا اِذَا جَآءَ اَجَلُهَا‌ؕ وَاللّٰهُ خَبِيۡرٌۢ بِمَا تَعۡمَلُوۡنَ

اور جب کسی کی موت آجاتی ہے تو خدا اس کو ہرگز مہلت نہیں دیتا اور جو کچھ تم کرتے ہو خدا اس سے خبردار ہے

Tafseer of 63:11

11-جب کسی انسان کا مقررہ وقت آجاتا ہے اور اس کی عمر ختم ہو جاتی ہے تو اللہ تعالیٰ اسے ہرگز مہلت نہیں دیتا۔ اللہ تعالیٰ اس سے پوری طرح باخبر ہے جو عمل تم کرتے ہو۔ تمھارے اعمال میں سے کچھ بھی اس سے چھپا ہوا نہیں اور وہ ضرور تمھیں ان کی جزا دے گا۔ اگر عمل اچھے ہوئے تو جزا بھی اچھی اور اگر عمل برے ہوئے تو جزا بھی بری۔