58. Al-Mujaadilaالمجادلة

The Pleading Woman · Medinan · 22 ayahs · 3 rukus

بِسْمِ اللّٰهِ الرَّحْمٰنِ الرَّحِیْمِ

قَدْ سَمِعَ اللّٰهُ قَوْلَ الَّتِیْ تُجَادِلُكَ فِیْ زَوْجِهَا وَتَشْتَكِیْۤ اِلَی اللّٰهِ ۖۗ— وَاللّٰهُ یَسْمَعُ تَحَاوُرَكُمَا ؕ— اِنَّ اللّٰهَ سَمِیْعٌ بَصِیْرٌ ۟قَدۡ سَمِعَ اللّٰهُ قَوۡلَ الَّتِىۡ تُجَادِلُكَ فِىۡ زَوۡجِهَا وَ تَشۡتَكِىۡۤ اِلَى اللّٰهِ ‌ۖ وَاللّٰهُ يَسۡمَعُ تَحَاوُرَكُمَا‌ ؕ اِنَّ اللّٰهَ سَمِيۡعٌ ۢ بَصِيۡرٌ‏

(اے پیغمبر) جو عورت تم سے اپنے شوہر کے بارے میں بحث جدال کرتی اور خدا سے شکایت (رنج وملال) کرتی تھی۔ خدا نے اس کی التجا سن لی اور خدا تم دونوں کی گفتگو سن رہا تھا۔ کچھ شک نہیں کہ خدا سنتا دیکھتا ہے

Tafseer of 58:1

1- اے رسول( صلى اللہ عليہ وسلم )! یقیناً اللہ تعالیٰ نے اس عورت، یعنی خولہ بنت ثعلبہ رضی اللہ عنہا کی بات سن لی جو اپنے خاوند اوس بن صامت رضی اللہ عنہ کے بارے میں آپ سے تکرار کر رہی تھی جب انھوں نے اس سے ظِہار کر لیا تھا۔ وہ اپنے خاوند کے طرزِ عمل کا شکوہ اللہ تعالیٰ سے کر رہی تھی اور اللہ تعالیٰ تم دونوں کی گفتگو میں تکرار کو سن رہا تھا۔ ان میں سے کوئی چیز اس سے چھپی نہیں۔ بلاشبہ اللہ تعالیٰ اپنے بندوں کے اقوال خوب سننے والا، ان کے افعال خوب دیکھنے والا ہے، اس سے ان کی کوئی چیز چھپی نہیں۔

اَلَّذِیْنَ یُظٰهِرُوْنَ مِنْكُمْ مِّنْ نِّسَآىِٕهِمْ مَّا هُنَّ اُمَّهٰتِهِمْ ؕ— اِنْ اُمَّهٰتُهُمْ اِلَّا الّٰٓـِٔیْ وَلَدْنَهُمْ ؕ— وَاِنَّهُمْ لَیَقُوْلُوْنَ مُنْكَرًا مِّنَ الْقَوْلِ وَزُوْرًا ؕ— وَاِنَّ اللّٰهَ لَعَفُوٌّ غَفُوْرٌ ۟اَلَّذِيۡنَ يُظٰهِرُوۡنَ مِنۡكُمۡ مِّنۡ نِّسَآئِهِمۡ مَّا هُنَّ اُمَّهٰتِهِمۡ‌ؕ اِنۡ اُمَّهٰتُهُمۡ اِلَّا الّٰٓـىِٔۡ وَلَدۡنَهُمۡ‌ؕ وَاِنَّهُمۡ لَيَقُوۡلُوۡنَ مُنۡكَرًا مِّنَ الۡقَوۡلِ وَزُوۡرًا‌ؕ وَ اِنَّ اللّٰهَ لَعَفُوٌّ غَفُوۡرٌ

جو لوگ تم میں سے اپنی عورتوں کو ماں کہہ دیتے ہیں وہ ان کی مائیں نہیں (ہوجاتیں)۔ ان کی مائیں تو وہی ہیں جن کے بطن سے وہ پیدا ہوئے۔ بےشک وہ نامعقول اور جھوٹی بات کہتے ہیں اور خدا بڑا معاف کرنے والا (اور) بخشنے والا ہے

Tafseer of 58:2

2- جو لوگ اپنی بیویوں سے ظہار کر لیں اس طرح کہ کوئی ان میں سے اپنی بیوی سے کہے: تو میرے لیے میری ماں کی طرح ہے، تو ان کی یہ بات جھوٹ ہے کیونکہ ان کی بیویاں ان کی مائیں نہیں ہیں۔ ان کی مائیں صرف وہ ہیں جنھوں نے انھیں جنم دیا ہے۔ بلاشبہ جب وہ یہ بات کہتے ہیں تو نہایت بری اور جھوٹی بات کرتے ہیں۔ بلاشبہ اللہ تعالیٰ بہت معاف کرنے والا، نہایت بخشنے والا ہے، اس لیے اس نے انھیں گناہ سے نکالنے کے لیے ان کی خاطر کفارہ مسنون ٹھہرایا ہے۔

وَالَّذِیْنَ یُظٰهِرُوْنَ مِنْ نِّسَآىِٕهِمْ ثُمَّ یَعُوْدُوْنَ لِمَا قَالُوْا فَتَحْرِیْرُ رَقَبَةٍ مِّنْ قَبْلِ اَنْ یَّتَمَآسَّا ؕ— ذٰلِكُمْ تُوْعَظُوْنَ بِهٖ ؕ— وَاللّٰهُ بِمَا تَعْمَلُوْنَ خَبِیْرٌ ۟وَالَّذِيۡنَ يُظٰهِرُوۡنَ مِنۡ نِّسَآئِهِمۡ ثُمَّ يَعُوۡدُوۡنَ لِمَا قَالُوۡا فَتَحۡرِيۡرُ رَقَبَةٍ مِّنۡ قَبۡلِ اَنۡ يَّتَمَآسَّا‌ ؕ ذٰ لِكُمۡ تُوۡعَظُوۡنَ بِهٖ‌ ؕ وَاللّٰهُ بِمَا تَعۡمَلُوۡنَ خَبِيۡرٌ

اور جو لوگ اپنی بیویوں کو ماں کہہ بیٹھیں پھر اپنے قول سے رجوع کرلیں تو (ان کو) ہم بستر ہونے سے پہلے ایک غلام آزاد کرنا (ضروری) ہے۔ (مومنو) اس (حکم) سے تم کو نصیحت کی جاتی ہے۔ اور جو کچھ تم کرتے ہو خدا اس سے خبردار ہے

Tafseer of 58:3

3- جو لوگ اس طرح کی قابلِ نفرت بات کرتے ہیں اور پھر ان عورتوں سے ہمبستری کرنا چاہتے ہیں جن سے انھوں نے ظہار کیا تو انھیں چاہیے کہ ان بیویوں سے مباشرت کرنے سے پہلے ایک غلام آزاد کر کے کفارہ ادا کریں۔ یہ مذکورہ حکم تمھیں ظہار سے باز رکھنے کے لیے دیا جا رہا ہے اور جو عمل تم کرتے ہو، اللہ ان سے باخبر ہے، تمھارے اعمال میں سے کوئی چیز اس سے چھپی نہیں۔

فَمَنْ لَّمْ یَجِدْ فَصِیَامُ شَهْرَیْنِ مُتَتَابِعَیْنِ مِنْ قَبْلِ اَنْ یَّتَمَآسَّا ۚ— فَمَنْ لَّمْ یَسْتَطِعْ فَاِطْعَامُ سِتِّیْنَ مِسْكِیْنًا ؕ— ذٰلِكَ لِتُؤْمِنُوْا بِاللّٰهِ وَرَسُوْلِهٖ ؕ— وَتِلْكَ حُدُوْدُ اللّٰهِ ؕ— وَلِلْكٰفِرِیْنَ عَذَابٌ اَلِیْمٌ ۟فَمَنۡ لَّمۡ يَجِدۡ فَصِيَامُ شَهۡرَيۡنِ مُتَتَابِعَيۡنِ مِنۡ قَبۡلِ اَنۡ يَّتَمَآسَّاؕ فَمَنۡ لَّمۡ يَسۡتَطِعۡ فَاِطۡعَامُ سِتِّيۡنَ مِسۡكِيۡنًا‌ؕ ذٰلِكَ لِتُؤۡمِنُوۡا بِاللّٰهِ وَرَسُوۡلِهٖ‌ؕ وَتِلۡكَ حُدُوۡدُ اللّٰهِ‌ؕ وَلِلۡكٰفِرِيۡنَ عَذَابٌ اَلِیْمٌ

جس کو غلام نہ ملے وہ مجامعت سے پہلے متواتر دو مہینے کے روزے (رکھے) جس کو اس کا بھی مقدور نہ ہوا (اسے) ساٹھ مسکینوں کو کھانا کھلانا (چاہیئے)۔ یہ (حکم) اس لئے (ہے) کہ تم خدا اور اسکے رسول کے فرمانبردار ہوجاؤ۔ اور یہ خدا کی حدیں ہیں۔ اور نہ ماننے والوں کے لئے درد دینے والا عذاب ہے

Tafseer of 58:4

4- تم میں سے جن کے پاس آزاد کرنے کے لیے غلام نہ ہو تو اسے چاہیے کہ جس بیوی سے ظہار کیا ہے، اس سے تعلق قائم کرنے سے پہلے دو ماہ کے مسلسل روزے رکھے اور جو دو ماہ کے مسلسل روزے نہ رکھ سکے تو اس کے ذمے ساٹھ مسکینوں کو کھانا کھلانا ہے، یہ حکم ہم نے اس لیے دیا ہے تاکہ تم ایمان رکھو کہ اللہ تعالیٰ نے اس کا حکم دیا ہے اور پھر اس کے حکم پر عمل کرو اور اس کے رسول صلى اللہ عليہ وسلم کی پیروی کرو۔ یہ احکام جو ہم نے تمھارے لیے مقرر کیے ہیں، یہ اللہ تعالیٰ کی وہ حدیں ہیں جو اس نے اپنے بندوں کے لیے مقرر کی ہیں تاکہ تم ان سے آگے نہ بڑھو اور ان کافروں کے لیے دردناک عذاب ہے جو اللہ کے حکموں اور اس کی مقرر کی ہوئی حدوں کے منکر ہیں۔

اِنَّ الَّذِیْنَ یُحَآدُّوْنَ اللّٰهَ وَرَسُوْلَهٗ كُبِتُوْا كَمَا كُبِتَ الَّذِیْنَ مِنْ قَبْلِهِمْ وَقَدْ اَنْزَلْنَاۤ اٰیٰتٍ بَیِّنٰتٍ ؕ— وَلِلْكٰفِرِیْنَ عَذَابٌ مُّهِیْنٌ ۟ۚاِنَّ الَّذِيۡنَ يُحَآدُّوۡنَ اللّٰهَ وَرَسُوۡلَهٗ كُبِتُوۡا كَمَا كُبِتَ الَّذِيۡنَ مِنۡ قَبۡلِهِمۡ‌ وَقَدۡ اَنۡزَلۡنَاۤ اٰيٰتٍۢ بَيِّنٰتٍ‌ ؕ وَ لِلۡكٰفِرِيۡنَ عَذَابٌ مُّهِيۡنٌ‌

جو لوگ خدا اور اس کے رسول کی مخالفت کرتے ہیں وہ (اسی طرح) ذلیل کئے جائیں گے جس طرح ان سے پہلے لوگ ذلیل کئے گئے تھے اور ہم نے صاف اور صریح آیتیں نازل کردی ہیں۔ جو نہیں مانتے ان کو ذلت کا عذاب ہوگا

Tafseer of 58:5

5- بلاشبہ جو لوگ اللہ تعالیٰ اور اس کے رسول صلى اللہ عليہ وسلم سے دشمنی رکھتے ہیں، انھیں ذلیل و رسوا کیا جائے گا جس طرح پہلی امتوں کے ان لوگوں کو ذلیل و رسوا کیا گیا جنھوں نے رسولوں سے دشمنی رکھی۔ یقیناً ہم نے واضح آیات اتاری ہیں اور اللہ تعالیٰ، اس کے رسولوں اور اس کی آیتوں کا انکار کرنے والوں کے لیے ذلیل و رسوا کرنے والا عذاب ہے۔

یَوْمَ یَبْعَثُهُمُ اللّٰهُ جَمِیْعًا فَیُنَبِّئُهُمْ بِمَا عَمِلُوْا ؕ— اَحْصٰىهُ اللّٰهُ وَنَسُوْهُ ؕ— وَاللّٰهُ عَلٰی كُلِّ شَیْءٍ شَهِیْدٌ ۟۠يَوۡمَ يَبۡعَثُهُمُ اللّٰهُ جَمِيۡعًا فَيُنَبِّئُهُمۡ بِمَا عَمِلُوۡا‌ ؕ اَحۡصٰٮهُ اللّٰهُ وَنَسُوۡهُ‌ ؕ وَاللّٰهُ عَلٰى كُلِّ شَىۡءٍ شَهِيۡدٌ

جس دن خدا ان سب کو جلا اٹھائے گا تو جو کام وہ کرتے رہے ان کو جتائے گا۔ خدا کو وہ سب (کام) یاد ہیں اور یہ ان کو بھول گئے ہیں اور خدا ہر چیز سے واقف ہے

Tafseer of 58:6

6- جس دن اللہ تعالیٰ ان سب کو اٹھائے گا، ان میں سے کسی ایک کو بھی نہیں چھوڑے گا، پھر انھیں ان کے ان بدترین اعمال کی خبر دے گا جو وہ دنیا میں کرتے رہے جنھیں اللہ نے ان کے خلاف شمار کر رکھا ہے، ان کا کوئی عمل اس سے اوجھل نہیں رہتا۔ وہ اسے بھول گئے مگر اسے ان صحیفوں میں لکھا ہوا پائیں گے جو ہر چھوٹا اور بڑا عمل محفوظ کر لیتے ہیں۔ اللہ تعالیٰ کو ہر چیز کی اطلاع ہے، ان کا کوئی عمل اس سے چھپا ہوا نہیں۔

اَلَمْ تَرَ اَنَّ اللّٰهَ یَعْلَمُ مَا فِی السَّمٰوٰتِ وَمَا فِی الْاَرْضِ ؕ— مَا یَكُوْنُ مِنْ نَّجْوٰی ثَلٰثَةٍ اِلَّا هُوَ رَابِعُهُمْ وَلَا خَمْسَةٍ اِلَّا هُوَ سَادِسُهُمْ وَلَاۤ اَدْنٰی مِنْ ذٰلِكَ وَلَاۤ اَكْثَرَ اِلَّا هُوَ مَعَهُمْ اَیْنَ مَا كَانُوْا ۚ— ثُمَّ یُنَبِّئُهُمْ بِمَا عَمِلُوْا یَوْمَ الْقِیٰمَةِ ؕ— اِنَّ اللّٰهَ بِكُلِّ شَیْءٍ عَلِیْمٌ ۟اَلَمۡ تَرَ اَنَّ اللّٰهَ يَعۡلَمُ مَا فِى السَّمٰوٰتِ وَمَا فِى الۡاَرۡضِ‌ؕ مَا يَكُوۡنُ مِنۡ نَّجۡوٰى ثَلٰثَةٍ اِلَّا هُوَ رَابِعُهُمۡ وَلَا خَمۡسَةٍ اِلَّا هُوَ سَادِسُهُمۡ وَلَاۤ اَدۡنٰى مِنۡ ذٰ لِكَ وَلَاۤ اَكۡثَرَ اِلَّا هُوَ مَعَهُمۡ اَيۡنَ مَا كَانُوۡا‌ۚ ثُمَّ يُنَبِّئُهُمۡ بِمَا عَمِلُوۡا يَوۡمَ الۡقِيٰمَةِ‌ ؕ اِنَّ اللّٰهَ بِكُلِّ شَىۡءٍ عَلِيۡمٌ

کیا تم کو معلوم نہیں کہ جو کچھ آسمانوں میں ہے اور جو کچھ زمین میں ہے خدا کو سب معلوم ہے۔ (کسی جگہ) تین (شخصوں) کا (مجمع اور) کانوں میں صلاح ومشورہ نہیں ہوتا مگر وہ ان میں چوتھا ہوتا ہے اور نہ کہیں پانچ کا مگر وہ ان میں چھٹا ہوتا ہے اور نہ اس سے کم یا زیادہ مگر وہ ان کے ساتھ ہوتا ہے خواہ وہ کہیں ہوں۔ پھر جو جو کام یہ کرتے رہے ہیں قیامت کے دن وہ (ایک ایک) ان کو بتائے گا۔ بےشک خدا ہر چیز سے واقف ہے

Tafseer of 58:7

7- اے رسول( صلى اللہ عليہ وسلم )! کیا آپ نے نہیں دیکھاکہ بلاشبہ اللہ تعالیٰ وہ سب کچھ جانتا ہے جو آسمانوں میں ہے اور وہ زمین میں موجود ہر چیز کو بھی جانتا ہے۔ ان دونوں میں موجود کوئی چیز اس سے چھپی ہوئی نہیں۔ تین آدمیوں کی خفیہ گفتگو ہوتوان میں چوتھا اپنے علم کے اعتبار سے اللہ پاک ہوتا ہے اور پانچ آدمی آپس میں سرگوشی کرتے ہیں تو ان میں چھٹا اپنے علم کے اعتبار سے اللہ تعالیٰ ہوتا ہے اور وہ اس سے تھوڑی تعداد میں ہوں یا زیادہ ہوں، نیز جہاں بھی ہوں اللہ تعالیٰ اپنے علم کے اعتبار سے ان کے ساتھ ہوتا ہے۔ اس سے ان کی کوئی گفتگو چھپی نہیں رہتی، پھر قیامت کے دن اللہ تعالیٰ انھیں ان کے عملوں کی خبر دے گا، بلاشبہ اللہ تعالیٰ ہر چیز کو خوب جاننے والا ہے، اس سے کوئی چیز چھپی نہیں۔

اَلَمْ تَرَ اِلَی الَّذِیْنَ نُهُوْا عَنِ النَّجْوٰی ثُمَّ یَعُوْدُوْنَ لِمَا نُهُوْا عَنْهُ وَیَتَنٰجَوْنَ بِالْاِثْمِ وَالْعُدْوَانِ وَمَعْصِیَتِ الرَّسُوْلِ ؗ— وَاِذَا جَآءُوْكَ حَیَّوْكَ بِمَا لَمْ یُحَیِّكَ بِهِ اللّٰهُ ۙ— وَیَقُوْلُوْنَ فِیْۤ اَنْفُسِهِمْ لَوْلَا یُعَذِّبُنَا اللّٰهُ بِمَا نَقُوْلُ ؕ— حَسْبُهُمْ جَهَنَّمُ ۚ— یَصْلَوْنَهَا ۚ— فَبِئْسَ الْمَصِیْرُ ۟اَلَمۡ تَرَ اِلَى الَّذِيۡنَ نُهُوۡا عَنِ النَّجۡوٰى ثُمَّ يَعُوۡدُوۡنَ لِمَا نُهُوۡا عَنۡهُ وَيَتَنٰجَوۡنَ بِالۡاِثۡمِ وَالۡعُدۡوَانِ وَمَعۡصِيَتِ الرَّسُوۡلِ وَاِذَا جَآءُوۡكَ حَيَّوۡكَ بِمَا لَمۡ يُحَيِّكَ بِهِ اللّٰهُۙ وَيَقُوۡلُوۡنَ فِىۡۤ اَنۡفُسِهِمۡ لَوۡلَا يُعَذِّبُنَا اللّٰهُ بِمَا نَقُوۡلُ‌ؕ حَسۡبُهُمۡ جَهَنَّمُ‌ۚ يَصۡلَوۡنَهَا‌ۚ فَبِئۡسَ الۡمَصِيۡرُ

کیا تم نے ان لوگوں کو نہیں دیکھا جن کو سرگوشیاں کرنے سے منع کیا گیا تھا۔ پھر جس (کام) سے منع کیا گیا تھا وہی پھر کرنے لگے اور یہ تو گناہ اور ظلم اور رسول (خدا) کی نافرمانی کی سرگوشیاں کرتے ہیں۔ اور جب تمہارے پاس آتے ہیں تو جس (کلمے) سے خدا نے تم کو دعا نہیں دی اس سے تمہیں دعا دیتے ہیں۔ اور اپنے دل میں کہتے ہیں کہ (اگر یہ واقعی پیغمبر ہیں تو) جو کچھ ہم کہتے ہیں خدا ہمیں اس کی سزا کیوں نہیں دیتا؟ (اے پیغمبر) ان کو دوزخ (ہی کی سزا) کافی ہے۔ یہ اسی میں داخل ہوں گے۔ اور وہ بری جگہ ہے

Tafseer of 58:8

8- اے رسول( صلى اللہ عليہ وسلم )! کیا آپ نے یہودیوں کو نہیں دیکھا کہ جب وہ کسی ایمان والے کو دیکھتے ہیں تو سرگوشی شروع کر دیتے ہیں۔ اللہ تعالیٰ نے انھیں سرگوشی سے منع کیا مگر وہ پھر وہی کام کرتے ہیں جس سے اللہ تعالیٰ نے انھیں منع کیا ہے اور وہ آپس میں گناہ پر مبنی سرگوشیاں کرتے ہیں، جیسے اہلِ ایمان کی غیبت، ان سے زیادتی کے مشورے اور اللہ کے رسول صلى اللہ عليہ وسلم کی نافرمانی کی باتیں۔ اے رسول( صلى اللہ عليہ وسلم )! جب وہ آپ کے پاس آتے ہیں تو آپ کو ان لفظوں میں سلام کہتے ہیں جن لفظوں میں اللہ نے نہیں کہا اور وہ یوں کہتے ہيں: اَلسَّامُ عَلَیْکَ۔ اس سے ان کی مراد موت ہوتی ہے اور وہ نبیٔ اکرم صلى اللہ عليہ وسلم کو جھٹلانے کے لیے کہتے ہیں: اللہ تعالیٰ ہمیں ہماری باتوں کی وجہ سے عذاب کیوں نہیں دیتا، یعنی اگر آپ اپنے دعوے میں سچے ہیں کہ آپ اللہ کے نبی ہیں تو اللہ ہمیں ان باتوں پر عذاب کیوں نہیں دیتا جو ہم آپ کے بارے میں کہتے ہیں! ان کے قول کی سزا کے لیے جہنم ہی انھیں کافی ہے۔ وہ اس کی گرمی جھیلیں گے اور ان کا ٹھکانا نہایت برا ہے۔

یٰۤاَیُّهَا الَّذِیْنَ اٰمَنُوْۤا اِذَا تَنَاجَیْتُمْ فَلَا تَتَنَاجَوْا بِالْاِثْمِ وَالْعُدْوَانِ وَمَعْصِیَتِ الرَّسُوْلِ وَتَنَاجَوْا بِالْبِرِّ وَالتَّقْوٰی ؕ— وَاتَّقُوا اللّٰهَ الَّذِیْۤ اِلَیْهِ تُحْشَرُوْنَ ۟يٰۤاَيُّهَا الَّذِيۡنَ اٰمَنُوۡۤا اِذَا تَنَاجَيۡتُمۡ فَلَا تَـتَـنَاجَوۡا بِالۡاِثۡمِ وَالۡعُدۡوَانِ وَمَعۡصِيَتِ الرَّسُوۡلِ وَتَنَاجَوۡا بِالۡبِرِّ وَالتَّقۡوٰى‌ؕ وَاتَّقُوا اللّٰهَ الَّذِىۡۤ اِلَيۡهِ تُحۡشَرُوۡنَ

مومنو! جب تم آپس میں سرگوشیاں کرنے لگو تو گناہ اور زیادتی اور پیغمبر کی نافرمانی کی باتیں نہ کرنا بلکہ نیکوکاری اور پرہیزگاری کی باتیں کرنا۔ اور خدا سے جس کے سامنے جمع کئے جاؤ گے ڈرتے رہنا

Tafseer of 58:9

10- اے اللہ تعالیٰ پر ایمان لانے اور اس کی شریعت کے مطابق عمل کرنے والو! تم ایسی سرگوشی نہ کرو جس میں گناہ، کسی سے زیادتی یا رسول صلى اللہ عليہ وسلم کی نافرمانی ہو، تاکہ تم یہودیوں کی طرح نہ ہو جاؤ بلکہ تم اللہ کی اطاعت اور اس کی نافرمانیوں سے باز رہنے کی باتوں پر سرگوشی کرو اور اللہ کے حکم مان کر اور اس کے منع کیے ہوئے کاموں سے بچ کراس سے ڈرو کیونکہ وہی ہے جس کی طرف قیامت کے دن تمھیں حساب کتاب اور جزا سزا کے لیے اکٹھا کیا جائے گا۔

اِنَّمَا النَّجْوٰی مِنَ الشَّیْطٰنِ لِیَحْزُنَ الَّذِیْنَ اٰمَنُوْا وَلَیْسَ بِضَآرِّهِمْ شَیْـًٔا اِلَّا بِاِذْنِ اللّٰهِ ؕ— وَعَلَی اللّٰهِ فَلْیَتَوَكَّلِ الْمُؤْمِنُوْنَ ۟اِنَّمَا النَّجۡوٰى مِنَ الشَّيۡطٰنِ لِيَحۡزُنَ الَّذِيۡنَ اٰمَنُوۡا وَلَيۡسَ بِضَآرِّهِمۡ شَيۡئًـا اِلَّا بِاِذۡنِ اللّٰهِ‌ؕ وَعَلَى اللّٰهِ فَلۡيَتَوَكَّلِ الۡمُؤۡمِنُوۡنَ‏

کافروں کی) سرگوشیاں تو شیطان (کی حرکات) سے ہیں (جو) اس لئے (کی جاتی ہیں) کہ مومن (ان سے) غمناک ہوں مگر خدا کے حکم کے سوا ان سے انہیں کچھ نقصان نہیں پہنچ سکتا۔ تو مومنو کو چاہیئے کہ خدا ہی پر بھروسہ رکھیں

Tafseer of 58:10

0 بلاشبہ جو سرگوشی گناہ، زیادتی اور رسول صلى اللہ عليہ وسلم کی نافرمانی پر مشتمل ہو، وہ شیطان کی خوشنمائی اور اپنے دوستوں کو وسوسے ڈالنے کے باعث ہے تاکہ وہ ایمان والوں کو پریشان کرے کہ ان کے خلاف سازش ہو رہی ہے جبکہ شیطان اور اس کی خوشنمائی مومنوں کا کچھ نہیں بگاڑ سکتی مگر اللہ تعالیٰ کی مشیت و ارادے کے ساتھ۔ مومنوں کو چاہیے کہ اپنے تمام معاملات میں اللہ تعالیٰ ہی پر بھروسا کریں۔

یٰۤاَیُّهَا الَّذِیْنَ اٰمَنُوْۤا اِذَا قِیْلَ لَكُمْ تَفَسَّحُوْا فِی الْمَجٰلِسِ فَافْسَحُوْا یَفْسَحِ اللّٰهُ لَكُمْ ۚ— وَاِذَا قِیْلَ انْشُزُوْا فَانْشُزُوْا یَرْفَعِ اللّٰهُ الَّذِیْنَ اٰمَنُوْا مِنْكُمْ ۙ— وَالَّذِیْنَ اُوْتُوا الْعِلْمَ دَرَجٰتٍ ؕ— وَاللّٰهُ بِمَا تَعْمَلُوْنَ خَبِیْرٌ ۟يٰۤاَيُّهَا الَّذِيۡنَ اٰمَنُوۡۤا اِذَا قِيۡلَ لَـكُمۡ تَفَسَّحُوۡا فِى الۡمَجٰلِسِ فَافۡسَحُوۡا يَفۡسَحِ اللّٰهُ لَـكُمۡ‌ ۚ وَاِذَا قِيۡلَ انْشُزُوۡا فَانْشُزُوۡا يَرۡفَعِ اللّٰهُ الَّذِيۡنَ اٰمَنُوۡا مِنۡكُمۡ ۙ وَالَّذِيۡنَ اُوۡتُوا الۡعِلۡمَ دَرَجٰتٍ ‌ؕ وَاللّٰهُ بِمَا تَعۡمَلُوۡنَ خَبِيۡرٌ

مومنو! جب تم سے کہا جائے کہ مجلس میں کھل کر بیٹھو تو کھل بیٹھا کرو۔ خدا تم کو کشادگی بخشے گا۔ اور جب کہا جائے کہ اُٹھ کھڑے ہو تو اُٹھ کھڑے ہوا کرو۔ جو لوگ تم میں سے ایمان لائے ہیں اور جن کو علم عطا کیا گیا ہے خدا ان کے درجے بلند کرے گا۔ اور خدا تمہارے سب کاموں سے واقف ہے

Tafseer of 58:11

جب اللہ تعالیٰ نے گفتگو کے آداب ذکر کیے تو ساتھ ہی مجالس کے آداب کا تذکرہ بھی فرما دیا، چنانچہ فرمایا:

11- اے اللہ تعالیٰ پر ایمان لانے اور اس کی شریعت پر عمل کرنے والو! جب تم سے کہا جائے کہ مجلسوں میں ذرا کھل کر بیٹھو تو ان میں کشادہ ہو جاؤ، اللہ تعالیٰ تمھیں دنیا و آخرت میں کشادگی دے گا اور جب تم سے کہا جائے کہ بعض مجالس سے اٹھ کھڑے ہو جاؤ تاکہ وہاں شرف و فضل والے افراد بیٹھیں تو وہاں سے اٹھ جایا کرو۔ اللہ پاک ان لوگوں کو، جو تم میں سے ایمان لائے ہیں اور جن کو علم دیا گیا ہے، عظیم الشان اور اونچے درجے عطا کرے گا۔ جو تم عمل کرتے ہو، اللہ تعالیٰ اس سے پوری طرح باخبر ہے۔ تمھارے اعمال میں سے کوئی چیز اس سے چھپی ہوئی نہیں اور وہ ضرور تمھیں ان کی جزا دے گا۔

یٰۤاَیُّهَا الَّذِیْنَ اٰمَنُوْۤا اِذَا نَاجَیْتُمُ الرَّسُوْلَ فَقَدِّمُوْا بَیْنَ یَدَیْ نَجْوٰىكُمْ صَدَقَةً ؕ— ذٰلِكَ خَیْرٌ لَّكُمْ وَاَطْهَرُ ؕ— فَاِنْ لَّمْ تَجِدُوْا فَاِنَّ اللّٰهَ غَفُوْرٌ رَّحِیْمٌ ۟يٰۤاَيُّهَا الَّذِيۡنَ اٰمَنُوۡۤا اِذَا نَاجَيۡتُمُ الرَّسُوۡلَ فَقَدِّمُوۡا بَيۡنَ يَدَىۡ نَجۡوٰٮكُمۡ صَدَقَةً  ‌ؕ ذٰ لِكَ خَيۡرٌ لَّكُمۡ وَاَطۡهَرُ ‌ؕ فَاِنۡ لَّمۡ تَجِدُوۡا فَاِنَّ اللّٰهَ غَفُوۡرٌ رَّحِيۡمٌ

مومنو! جب تم پیغمبر کے کان میں کوئی بات کہو تو بات کہنے سے پہلے (مساکین کو) کچھ خیرات دے دیا کرو۔ یہ تمہارے لئے بہت بہتر اور پاکیزگی کی بات ہے۔ اور اگر خیرات تم کو میسر نہ آئے تو خدا بخشنے والا مہربان ہے

Tafseer of 58:12

12-جب صحابۂ کرام رضی اللہ عنہم نے نبیٔ اکرم صلى اللہ عليہ وسلم سے بہت زیادہ سرگوشیاں شروع کر دیں تو اللہ تعالیٰ نے فرمایا: اے ایمان والو! جب تم رسول صلى اللہ عليہ وسلم سے سرگوشی کا ارادہ کرو تو اپنی سرگوشی کرنے سے پہلے صدقہ کرو۔ یہ پیشگی صدقہ تمھارے لیے بہت بہتر اور زیادہ پاکیزگی کا باعث ہے کیونکہ اس میں اللہ تعالیٰ کی اطاعت ہے جو دلوں کو پاک کرتی ہے۔ ہاں اگر تمھیں صدقہ کرنے کے لیے کچھ نہ ملے تو پھر اس کے بغیر سرگوشی کرنے میں تم پر کوئی حرج اور گناہ نہیں۔ بلاشبہ اللہ تعالیٰ اپنے بندوں کے گناہ بے حد بخشنے والا، ان پر ایسا رحم کرنے والا ہے کہ اس نے انھیں کسی ایسی چیز کا پابند نہیں کیا جو ان کی طاقت میں نہ ہو۔

ءَاَشْفَقْتُمْ اَنْ تُقَدِّمُوْا بَیْنَ یَدَیْ نَجْوٰىكُمْ صَدَقٰتٍ ؕ— فَاِذْ لَمْ تَفْعَلُوْا وَتَابَ اللّٰهُ عَلَیْكُمْ فَاَقِیْمُوا الصَّلٰوةَ وَاٰتُوا الزَّكٰوةَ وَاَطِیْعُوا اللّٰهَ وَرَسُوْلَهٗ ؕ— وَاللّٰهُ خَبِیْرٌ بِمَا تَعْمَلُوْنَ ۟۠ءَاَشۡفَقۡتُمۡ اَنۡ تُقَدِّمُوۡا بَيۡنَ يَدَىۡ نَجۡوٰٮكُمۡ صَدَقٰتٍ‌ ؕ فَاِذۡ لَمۡ تَفۡعَلُوۡا وَتَابَ اللّٰهُ عَلَيۡكُمۡ فَاَقِيۡمُوا الصَّلٰوةَ وَ اٰتُوا الزَّكٰوةَ وَاَطِيۡعُوا اللّٰهَ وَرَسُوۡلَهٗ‌ ؕ وَاللّٰهُ خَبِيۡرٌۢ بِمَا تَعۡمَلُوۡنَ

کیا تم اس سےکہ پیغمبر کے کان میں کوئی بات کہنے سے پہلے خیرات دیا کرو ڈر گئے؟ پھر جب تم نے (ایسا) نہ کیا اور خدا نے تمہیں معاف کردیا تو نماز پڑھتے اور زکوٰة دیتے رہو اور خدا اور اس کے رسول کی فرمانبرداری کرتے رہو۔ اور جو کچھ تم کرتے ہو خدا اس سے خبردار ہے

Tafseer of 58:13

13- کیا رسول صلى اللہ عليہ وسلم سے سرگوشی کرنے سے پہلے صدقہ کرنے کی وجہ سے تم فقر اور محتاجی سے ڈرتے ہو؟! سو جب تم نے یہ نہیں کیا جس کا اللہ نے تمھیں حکم دیا اور اللہ نے بھی تم پر کرم فرمایا کہ تمھیں اس کے چھوڑنے کی اجازت دے دی تو اب نمازیں کامل طریقے سے ادا کرو، اپنے مالوں کی زکاۃ دو اور اللہ تعالیٰ اور اس کے رسول صلى اللہ عليہ وسلم کی اطاعت کرو۔ اللہ تعالیٰ پوری طرح باخبر ہے اس سے جو تم عمل کرتے ہو۔ تمھارا کوئی عمل اس سے چھپا ہوا نہیں اور وہ ضرور تمھیں ان کا بدلہ دے گا۔

اَلَمْ تَرَ اِلَی الَّذِیْنَ تَوَلَّوْا قَوْمًا غَضِبَ اللّٰهُ عَلَیْهِمْ ؕ— مَا هُمْ مِّنْكُمْ وَلَا مِنْهُمْ ۙ— وَیَحْلِفُوْنَ عَلَی الْكَذِبِ وَهُمْ یَعْلَمُوْنَ ۟ۚاَلَمۡ تَرَ اِلَى الَّذِيۡنَ تَوَلَّوۡا قَوۡمًا غَضِبَ اللّٰهُ عَلَيۡهِمؕۡ مَّا هُمۡ مِّنۡكُمۡ وَلَا مِنۡهُمۡۙ وَيَحۡلِفُوۡنَ عَلَى الۡكَذِبِ وَهُمۡ يَعۡلَمُوۡنَ

بھلا تم نے ان لوگوں کو نہیں دیکھا جو ایسوں سے دوستی کرتے ہیں جن پر خدا کا غضب ہوا۔ وہ نہ تم میں ہیں نہ ان میں۔ اور جان بوجھ کر جھوٹی باتوں پر قسمیں کھاتے ہیں

Tafseer of 58:14

14- اے رسول( صلى اللہ عليہ وسلم )! کیا آپ نے ان منافقوں کو نہیں دیکھا جو ان یہودیوں سے دوستی رکھتے ہیں جن پر ان کے کفر اور نافرمانیوں کے سبب اللہ تعالیٰ کا غضب ہوا۔ یہ منافق، مومنوں میں سے نہیں اور نہ یہ یہود ہیں بلکہ وہ تذبذب کا شکار ہیں، نہ اس طرف نہ اس طرف۔ وہ قسمیں کھاتے ہیں کہ وہ مسلمان ہیں اور یہ کہ انھوں نے مسلمانوں کی خبریں یہود کو نہیں پہنچائیں، حالانکہ وہ اپنی ان قسموں میں جھوٹے ہیں۔

اَعَدَّ اللّٰهُ لَهُمْ عَذَابًا شَدِیْدًا ؕ— اِنَّهُمْ سَآءَ مَا كَانُوْا یَعْمَلُوْنَ ۟اَعَدَّ اللّٰهُ لَهُمۡ عَذَابًا شَدِيۡدًا‌ ؕ اِنَّهُمۡ سَآءَ مَا كَانُوۡا يَعۡمَلُوۡنَ

خدا نے ان کے لئے سخت عذاب تیار کر رکھا ہے۔ یہ جو کچھ کرتے ہیں یقیناً برا ہے

Tafseer of 58:15

15- اللہ تعالیٰ نے ان کے لیے آخرت میں شدید عذاب تیار کر رکھا ہے کہ وہ انھیں آگ کے سب سے نچلے طبقے میں داخل کرے گا۔ بلاشبہ دنیا میں وہ جو کفریہ اعمال کرتے تھے، وہ نہایت برے ہیں۔

اِتَّخَذُوْۤا اَیْمَانَهُمْ جُنَّةً فَصَدُّوْا عَنْ سَبِیْلِ اللّٰهِ فَلَهُمْ عَذَابٌ مُّهِیْنٌ ۟اِتَّخَذُوۡۤا اَيۡمَانَهُمۡ جُنَّةً فَصَدُّوۡا عَنۡ سَبِيۡلِ اللّٰهِ فَلَهُمۡ عَذَابٌ مُّهِيۡنٌ

انہوں نے اپنی قسموں کو ڈھال بنا لیا اور (لوگوں کو) خدا کے راستے سے روک دیا ہے سو ان کے لئے ذلت کا عذاب ہے

Tafseer of 58:16

16- جو قسمیں وہ کھاتے ہیں، ان قسموں کو انھوں نے قتل سے بچاؤ کا ذریعہ بنا لیا جس کے وہ کفر کے سبب حق دار تھے، اس طرح کہ انھوں نے ان قسموں کے ذریعے سے اسلام کا اظہار کیا تاکہ وہ اپنے خون اور مال بچا سکیں اور پھر مسلمانوں کو کمزور کر کے اور ان کے حوصلے پست کر کے لوگوں کو حق سے پھیرا، چنانچہ ان کے لیے رسوا کرنے والا عذاب ہے جو انھیں ذلیل و خوار کرے گا۔

لَنْ تُغْنِیَ عَنْهُمْ اَمْوَالُهُمْ وَلَاۤ اَوْلَادُهُمْ مِّنَ اللّٰهِ شَیْـًٔا ؕ— اُولٰٓىِٕكَ اَصْحٰبُ النَّارِ ؕ— هُمْ فِیْهَا خٰلِدُوْنَ ۟لَنۡ تُغۡنِىَ عَنۡهُمۡ اَمۡوَالُهُمۡ وَلَاۤ اَوۡلَادُهُمۡ مِّنَ اللّٰهِ شَيۡـئًـا‌ ؕ اُولٰٓئِكَ اَصۡحٰبُ النَّارِ‌ ؕ هُمۡ فِيۡهَا خٰلِدُوۡنَ

خدا کے (عذاب کے) سامنے نہ تو ان کا مال ہی کچھ کام آئے گا اور نہ اولاد ہی (کچھ فائدہ دے گی)۔ یہ لوگ اہل دوزخ ہیں اس میں ہمیشہ (جلتے) رہیں گے

Tafseer of 58:17

17- ان کے مال اور ان کی اولاد انھیں اللہ سے ہرگز نہ بچا سکیں گے، یہی لوگ ہیں آگ میں داخل ہونے والے جو اس میں ہمیشہ رہیں گے، عذاب ان سے کبھی ختم نہیں ہوگا۔

یَوْمَ یَبْعَثُهُمُ اللّٰهُ جَمِیْعًا فَیَحْلِفُوْنَ لَهٗ كَمَا یَحْلِفُوْنَ لَكُمْ وَیَحْسَبُوْنَ اَنَّهُمْ عَلٰی شَیْءٍ ؕ— اَلَاۤ اِنَّهُمْ هُمُ الْكٰذِبُوْنَ ۟يَوۡمَ يَبۡعَثُهُمُ اللّٰهُ جَمِيۡعًا فَيَحۡلِفُوۡنَ لَهٗ كَمَا يَحۡلِفُوۡنَ لَـكُمۡ‌ وَيَحۡسَبُوۡنَ اَنَّهُمۡ عَلٰى شَىۡءٍ‌ ؕ اَلَاۤ اِنَّهُمۡ هُمُ الۡكٰذِبُوۡنَ

جس دن خدا ان سب کو جلا اٹھائے گا تو جس طرح تمہارے سامنے قسمیں کھاتے (اسی طرح) خدا کے سامنے قسمیں کھائیں گے اور خیال کریں گے کہ (ایسا کرنے سے) کام لے نکلے ہیں۔ دیکھو یہ جھوٹے (اور برسر غلط) ہیں

Tafseer of 58:18

18- جس دن اللہ تعالیٰ ان سب کو اٹھائے گا۔ ان میں سے کسی کو بھی جزا دینے کے لیے اٹھائے بغیر نہیں چھوڑے گا، تو وہ اللہ کے سامنے قسمیں کھائیں گے کہ وہ کفر اور نفاق پر نہیں تھے، وہ تو پکے مومن تھے جو اللہ کی رضا کے کام کرتے تھے۔ اے مومنو! وہ اللہ کے سامنے آخرت میں اسی طرح قسمیں کھائیں گے جس طرح دنیا میں تمھارے سامنے قسمیں کھاتے ہیں کہ وہ مسلمان ہیں اور وہ یہ سمجھیں گے کہ وہ اللہ کے سامنے جو قسمیں کھا رہے ہیں، اس وجہ سے وہ کسی ایسی چیز پر ہیں جو ان کے لیے نفع بخش ہو سکتی ہے یا ان سے کوئی نقصان دور کر سکتی ہے۔ یقین مانو کہ وہ دنیا میں جو قسمیں کھاتے تھے، ان میں سراسر جھوٹے تھے اور آخرت میں بھی جھوٹی قسمیں کھائیں گے۔

اِسْتَحْوَذَ عَلَیْهِمُ الشَّیْطٰنُ فَاَنْسٰىهُمْ ذِكْرَ اللّٰهِ ؕ— اُولٰٓىِٕكَ حِزْبُ الشَّیْطٰنِ ؕ— اَلَاۤ اِنَّ حِزْبَ الشَّیْطٰنِ هُمُ الْخٰسِرُوْنَ ۟اِسۡتَحۡوَذَ عَلَيۡهِمُ الشَّيۡطٰنُ فَاَنۡسٰٮهُمۡ ذِكۡرَ اللّٰهِ‌ؕ اُولٰٓئِكَ حِزۡبُ الشَّيۡطٰنِ‌ؕ اَلَاۤ اِنَّ حِزۡبَ الشَّيۡطٰنِ هُمُ الۡخٰسِرُوۡنَ

شیطان نے ان کو قابو میں کرلیا ہے۔ اور خدا کی یاد ان کو بھلا دی ہے۔ یہ (جماعت) شیطان کا لشکر ہے۔ اور سن رکھو کہ شیطان کا لشکر نقصان اٹھانے والا ہے

Tafseer of 58:19

19- شیطان ان پر غالب آگیا اور اس نے اپنے وسوسے کے ذریعے سے انھیں اللہ کا ذکر بھلا دیا تو انھوں نے اللہ کی رضا کے کام نہ کیے اور صرف اللہ کی ناراضی کے کام کیے۔ مذکورہ صفات کے حامل لوگ ہی شیطان کے لشکر اور اس کے پیروکار ہیں۔ خبردار! بلاشبہ شیطان کے لشکر اور اس کے پیروکار ہی دنیا و آخرت میں گھاٹا پانے والے ہیں کیونکہ انھوں نے گمراہی کے بدلے ہدایت کو بیچ دیا اور آگ کے بدلے جنت کو۔

اِنَّ الَّذِیْنَ یُحَآدُّوْنَ اللّٰهَ وَرَسُوْلَهٗۤ اُولٰٓىِٕكَ فِی الْاَذَلِّیْنَ ۟اِنَّ الَّذِيۡنَ يُحَآدُّوۡنَ اللّٰهَ وَرَسُوۡلَهٗۤ اُولٰٓئِكَ فِى الۡاَذَلِّيۡنَ

جو لوگ خدا اور اس کے رسول کی مخالفت کرتے ہیں وہ نہایت ذلیل ہوں گے

Tafseer of 58:20

20- بلاشبہ جو لوگ اللہ تعالیٰ سے دشمنی رکھتے ہیں اور اس کے رسول صلى اللہ عليہ وسلم سے دشمنی رکھتے ہیں، وہ مِن جملہ ان کافر امتوں سے ہوں گے جنھیں اللہ تعالیٰ نے دنیا و آخرت میں ذلیل و رسوا کیا۔

كَتَبَ اللّٰهُ لَاَغْلِبَنَّ اَنَا وَرُسُلِیْ ؕ— اِنَّ اللّٰهَ قَوِیٌّ عَزِیْزٌ ۟كَتَبَ اللّٰهُ لَاَغۡلِبَنَّ اَنَا وَرُسُلِىۡ‌ؕ اِنَّ اللّٰهَ قَوِىٌّ عَزِيۡزٌ

خدا کا حکم ناطق ہے کہ میں اور میرے پیغمبر ضرور غالب رہیں گے۔ بےشک خدا زورآور (اور) زبردست ہے

Tafseer of 58:21

21- اللہ تعالیٰ اپنے پیشگی علم کی بنا پر یہ فیصلہ کر چکا کہ میں اور میرے رسول دلیل و قوت کے ساتھ اپنے دشمنوں پر ضرور غالب رہیں گے۔ بلاشبہ اللہ تعالیٰ اپنے رسولوں کی مدد کرنے کی خوب طاقت رکھتا ہے۔ وہ سب پر ایسا غالب ہے جو اپنے دشمنوں سے انتقام اور بدلہ لیتا ہے۔

لَا تَجِدُ قَوْمًا یُّؤْمِنُوْنَ بِاللّٰهِ وَالْیَوْمِ الْاٰخِرِ یُوَآدُّوْنَ مَنْ حَآدَّ اللّٰهَ وَرَسُوْلَهٗ وَلَوْ كَانُوْۤا اٰبَآءَهُمْ اَوْ اَبْنَآءَهُمْ اَوْ اِخْوَانَهُمْ اَوْ عَشِیْرَتَهُمْ ؕ— اُولٰٓىِٕكَ كَتَبَ فِیْ قُلُوْبِهِمُ الْاِیْمَانَ وَاَیَّدَهُمْ بِرُوْحٍ مِّنْهُ ؕ— وَیُدْخِلُهُمْ جَنّٰتٍ تَجْرِیْ مِنْ تَحْتِهَا الْاَنْهٰرُ خٰلِدِیْنَ فِیْهَا ؕ— رَضِیَ اللّٰهُ عَنْهُمْ وَرَضُوْا عَنْهُ ؕ— اُولٰٓىِٕكَ حِزْبُ اللّٰهِ ؕ— اَلَاۤ اِنَّ حِزْبَ اللّٰهِ هُمُ الْمُفْلِحُوْنَ ۟۠لَا تَجِدُ قَوۡمًا يُّؤۡمِنُوۡنَ بِاللّٰهِ وَالۡيَوۡمِ الۡاٰخِرِ يُوَآدُّوۡنَ مَنۡ حَآدَّ اللّٰهَ وَرَسُوۡلَهٗ وَلَوۡ كَانُوۡۤا اٰبَآءَهُمۡ اَوۡ اَبۡنَآءَهُمۡ اَوۡ اِخۡوَانَهُمۡ اَوۡ عَشِيۡرَتَهُمۡ‌ؕ اُولٰٓئِكَ كَتَبَ فِىۡ قُلُوۡبِهِمُ الۡاِيۡمَانَ وَاَيَّدَهُمۡ بِرُوۡحٍ مِّنۡهُ‌ ؕ وَيُدۡخِلُهُمۡ جَنّٰتٍ تَجۡرِىۡ مِنۡ تَحۡتِهَا الۡاَنۡهٰرُ خٰلِدِيۡنَ فِيۡهَا‌ ؕ رَضِىَ اللّٰهُ عَنۡهُمۡ وَرَضُوۡا عَنۡهُ‌ ؕ اُولٰٓئِكَ حِزۡبُ اللّٰهِ‌ ؕ اَلَاۤ اِنَّ حِزۡبَ اللّٰهِ هُمُ الۡمُفۡلِحُوۡنَ

جو لوگ خدا پر اور روز قیامت پر ایمان رکھتے ہیں تم ان کو خدا اور اس کے رسول کے دشمنوں سے دوستی کرتے ہوئے نہ دیکھو گے۔ خواہ وہ ان کے باپ یا بیٹے یا بھائی یا خاندان ہی کے لوگ ہوں۔ یہ وہ لوگ ہیں جن کے دلوں میں خدا نے ایمان (پتھر پر لکیر کی طرح) تحریر کردیا ہے اور فیض غیبی سے ان کی مدد کی ہے۔ اور وہ ان کو بہشتوں میں جن کے تلے نہریں بہہ رہی ہیں داخل کرے گا ہمیشہ ان میں رہیں گے۔ خدا ان سے خوش اور وہ خدا سے خوش۔ یہی گروہ خدا کا لشکر ہے۔ (اور) سن رکھو کہ خدا ہی کا لشکر مراد حاصل کرنے والا ہے

Tafseer of 58:22

22- اے رسول( صلى اللہ عليہ وسلم )! جو لوگ اللہ تعالیٰ پر ایمان رکھتے ہیں اور قیامت کے دن پر ایمان رکھتے ہیں، آپ انھیں ایسا نہیں پائیں گے کہ وہ اللہ تعالیٰ اور اس کے رسول صلى اللہ عليہ وسلم سے دشمنی رکھنے والوں سے محبت اور دوستی کریں، خواہ اللہ تعالیٰ اور اس کے رسول صلى اللہ عليہ وسلم کے یہ دشمن ان کے باپ یا بیٹے یا بھائی یا خاندان والے ہی ہوں جن کی طرف وہ خود کو نسبت دیتے ہیں، اس لیے کہ ایمان اللہ تعالیٰ اور اس کے رسول صلى اللہ عليہ وسلم کے دشمنوں سے دوستی کرنے سے روکتا ہے اور اس لیے کہ ایمان کا تعلق تمام رشتہ داریوں سے بڑھ کر ہے اور اختلاف کے وقت یہ رشتے داری پر بھی مقدم ہوتا ہے۔ یہ لوگ جو اللہ تعالیٰ اور اس کے رسول صلى اللہ عليہ وسلم سے دشمنی رکھنے والوں سے دوستی نہیں رکھتے، خواہ وہ ان کے قریبی عزیز ہی ہوں، انھی کے دلوں میں اللہ تعالیٰ نے ایمان گاڑ دیا ہے اور وہ بدلتا نہیں۔ اس نے انھیں اپنی طرف سے دلیل اور نور عطا کر کے مضبوط کیا ہے اور وہ قیامت کے دن انھیں ہمیشہ کی ایسی جنتوں میں داخل کرے گا جن کے محلات اور درختوں کے نیچے سے نہریں بہ رہی ہیں جن میں وہ ہمیشہ رہیں گے۔ ان کی نعمتیں ان سے ختم ہوں گی نہ وہ خود فنا ہوں گے۔ اللہ تعالیٰ ان سے ایسا راضی ہوگا کہ اس کے بعد کبھی ان سے ناراض نہ ہوگا اور وہ بھی اس کی نہ ختم ہونے والی نعمتوں کے ملنے پر جن میں اس کے دیدار کا شرف بھی شامل ہوگا، اس سے خوش ہوں گے۔ یہ مذکورہ اوصاف کے حامل لوگ ہی اللہ کا لشکر ہیں جو اس کے حکم پر عمل کرتے ہیں اور جس سے وہ منع کرے، اس سے رک جاتے ہیں۔ آگاہ رہو کہ اللہ کا لشکر ہی اپنے مطلوب کو پا کر اور جس چیز سے وہ ڈرتا ہے، اس سے بچ کر دنیا و آخرت میں کامیاب ہونے والا ہے۔