Muhammad · Medinan · 38 ayahs · 4 rukus
بِسْمِ اللّٰهِ الرَّحْمٰنِ الرَّحِیْمِ
اَلَّذِیْنَ كَفَرُوْا وَصَدُّوْا عَنْ سَبِیْلِ اللّٰهِ اَضَلَّ اَعْمَالَهُمْ ۟اَلَّذِيۡنَ كَفَرُوۡا وَصَدُّوۡا عَنۡ سَبِيۡلِ اللّٰهِ اَضَلَّ اَعۡمَالَهُمۡ
جن لوگوں نے کفر کیا اور (اَوروں کو) خدا کے رستے سے روکا۔ خدا نے ان کے اعمال برباد کر دیئے
1- جن لوگوں نے اللہ کے ساتھ کفر کیا اور لوگوں کو اللہ کے دین سے روکا، اللہ تعالیٰ نے ان کے اعمال برباد کر دیے۔
وَالَّذِیْنَ اٰمَنُوْا وَعَمِلُوا الصّٰلِحٰتِ وَاٰمَنُوْا بِمَا نُزِّلَ عَلٰی مُحَمَّدٍ وَّهُوَ الْحَقُّ مِنْ رَّبِّهِمْ ۙ— كَفَّرَ عَنْهُمْ سَیِّاٰتِهِمْ وَاَصْلَحَ بَالَهُمْ ۟وَالَّذِيۡنَ اٰمَنُوۡا وَعَمِلُوا الصّٰلِحٰتِ وَاٰمَنُوۡا بِمَا نُزِّلَ عَلٰى مُحَمَّدٍ وَّهُوَ الۡحَقُّ مِنۡ رَّبِّهِمۡۙ كَفَّرَ عَنۡهُمۡ سَيِّاٰتِهِمۡ وَاَصۡلَحَ بَالَهُمۡ
اور جو ایمان لائے اور نیک عمل کرتے رہے اور جو (کتاب) محمدﷺ پر نازل ہوئی اسے مانتے رہے اور وہ ان کے پروردگار کی طرف سے برحق ہے ان سے ان کے گناہ دور کردیئے اور ان کی حالت سنوار دی
2- جو لوگ اللہ تعالیٰ پر ایمان لائے، انھوں نے نیک عمل کیے اور اس پر ایمان لائے جو اللہ تعالیٰ نے اپنے رسول محمد صلى اللہ عليہ وسلم پر اتارا ہے … اور وہی ان کے رب کی طرف سےحق ہے … تو اس نے ان سے ان کی برائیاں دور کر دیں، اس لیے وہ ان پر ان کی پکڑ نہیں کرے گا اور اس نے ان کے دنیا و آخرت کے معاملات کی اصلاح فرما دی۔
ذٰلِكَ بِاَنَّ الَّذِیْنَ كَفَرُوا اتَّبَعُوا الْبَاطِلَ وَاَنَّ الَّذِیْنَ اٰمَنُوا اتَّبَعُوا الْحَقَّ مِنْ رَّبِّهِمْ ؕ— كَذٰلِكَ یَضْرِبُ اللّٰهُ لِلنَّاسِ اَمْثَالَهُمْ ۟ذٰ لِكَ بِاَنَّ الَّذِيۡنَ كَفَرُوۡا اتَّبَعُوا الۡبَاطِلَ وَاَنَّ الَّذِيۡنَ اٰمَنُوا اتَّبَعُوا الۡحَقَّ مِنۡ رَّبِّهِمۡؕ كَذٰلِكَ يَضۡرِبُ اللّٰهُ لِلنَّاسِ اَمۡثَالَهُمۡ
یہ (حبط اعمال اور اصلاح حال) اس لئے ہے کہ جن لوگوں نے کفر کیا انہوں نے جھوٹی بات کی پیروی کی اور جو ایمان لائے وہ اپنے پروردگار کی طرف سے (دین) حق کے پیچھے چلے۔ اسی طرح خدا لوگوں سے ان کے حالات بیان فرماتا ہے
3- ان دونوں گروہوں کی یہ جزا اس لیے ہے کہ جن لوگوں نے اللہ تعالیٰ کے ساتھ کفر کیا انھوں نے باطل کی پیروی کی اور بلاشبہ جو لوگ اللہ تعالیٰ اور اس کے رسول( صلى اللہ عليہ وسلم ) پر ایمان لائے، انھوں نے اپنے رب کی طرف سے آنے والے حق کی پیروی کی، اس لیے ان کی کوششوں کے فرق کی وجہ سے ان کی جزا بھی مختلف ہوگئی۔ جس طرح اللہ تعالیٰ نے دونوں گروہوں کے بارے میں اپنا حکم بیان کیا ہے، یعنی مومنوں کے گروہ کا اور کافروں کے گروہ کا، اسی طرح اللہ تعالیٰ لوگوں کے لیے ان کی مثالیں بیان کرتا ہے تاکہ ہر گروہ اپنے جیسے گروہ سے مل جائے۔
فَاِذَا لَقِیْتُمُ الَّذِیْنَ كَفَرُوْا فَضَرْبَ الرِّقَابِ ؕ— حَتّٰۤی اِذَاۤ اَثْخَنْتُمُوْهُمْ فَشُدُّوا الْوَثَاقَ ۙۗ— فَاِمَّا مَنًّا بَعْدُ وَاِمَّا فِدَآءً حَتّٰی تَضَعَ الْحَرْبُ اَوْزَارَهَا ذٰؔلِكَ ۛؕ— وَلَوْ یَشَآءُ اللّٰهُ لَانْتَصَرَ مِنْهُمْ ۙ— وَلٰكِنْ لِّیَبْلُوَاۡ بَعْضَكُمْ بِبَعْضٍ ؕ— وَالَّذِیْنَ قُتِلُوْا فِیْ سَبِیْلِ اللّٰهِ فَلَنْ یُّضِلَّ اَعْمَالَهُمْ ۟فَاِذَا لَقِيۡتُمُ الَّذِيۡنَ كَفَرُوۡا فَضَرۡبَ الرِّقَابِ ؕ حَتّٰٓى اِذَاۤ اَثۡخَنۡتُمُوۡهُمۡ فَشُدُّوۡا الۡوَثَاقَ ۙ فَاِمَّا مَنًّۢا بَعۡدُ وَاِمَّا فِدَآءً حَتّٰى تَضَعَ الۡحَـرۡبُ اَوۡزَارَهَا ۛۚ ذٰ لِكَ ۛؕ وَلَوۡ يَشَآءُ اللّٰهُ لَانْـتَصَرَ مِنۡهُمۡ وَلٰـكِنۡ لِّيَبۡلُوَا۟ بَعۡضَكُمۡ بِبَعۡضٍؕ وَالَّذِيۡنَ قُتِلُوۡا فِىۡ سَبِيۡلِ اللّٰهِ فَلَنۡ يُّضِلَّ اَعۡمَالَهُمۡ
جب تم کافروں سے بھڑ جاؤ تو ان کی گردنیں اُڑا دو۔ یہاں تک کہ جب ان کو خوب قتل کرچکو تو (جو زندہ پکڑے جائیں ان کو) مضبوطی سے قید کرلو۔ پھر اس کے بعد یا تو احسان رکھ کر چھوڑ دینا چاہیئے یا کچھ مال لے کر یہاں تک کہ (فریق مقابل) لڑائی (کے) ہتھیار (ہاتھ سے) رکھ دے۔ (یہ حکم یاد رکھو) اور اگر خدا چاہتا تو (اور طرح) ان سے انتقام لے لیتا۔ لیکن اس نے چاہا کہ تمہاری آزمائش ایک (کو) دوسرے سے (لڑوا کر) کرے۔ اور جو لوگ خدا کی راہ میں مارے گئے ان کے عملوں کو ہرگز ضائع نہ کرے گا
4- پھر اے مومنو! جب تم جنگ کرنے والے کافروں سے ٹکراؤ تو اپنی تلواروں سے ان کی گردنیں اڑاؤ اور اس وقت تک ان سے لڑو جب تک ان کی اکثریت کو قتل نہ کر لو اور ان کی شان و شوکت خاک میں نہ ملا دو۔ جب تم انھیں اچھی طرح قتل کر لو تو قیدیوں کی بیڑیاں خوب کس لو۔ جب تم انھیں قیدی بنا لو تو اپنے مفاد کے مطابق تمھیں اختیار ہے کہ ان سے کچھ لیے بغیر ان پر احسان کرتے ہوئے انھیں چھوڑ دو یا مال وغیرہ کی صورت میں فدیہ لے کر چھوڑ دو۔ یہ لڑائی کرنا اور قیدی بنانا اس وقت تک جاری رکھو جب تک کافروں کے اسلام قبول کرنے یا ان کے ساتھ معاہدہ ہو جانے کی وجہ سے لڑائی ختم نہ ہو جائے۔ مومنوں کی کافروں کے ساتھ مذکورہ آزمائش وقت کا ہیر پھیر اور ان کا ایک دوسرے پر غلبہ درحقیقت اللہ تعالیٰ کا فیصلہ ہے۔ اگر اللہ تعالیٰ بغیر جنگ کے کافروں سے بدلہ لینا چاہتا تو لے لیتا لیکن اس نے جہاد اس لیے فرض کیا تاکہ تمھیں ایک دوسرے کے ساتھ آزمائے اور امتحان لے کہ کون مومن اس کی راہ میں جہاد کرتا ہے اور کون قتال نہیں کرتا، اور کافر کو مومن کے ساتھ آزمائے، چنانچہ اگر کافر نے مومن کو قتل کر دیا تو مومن جنت میں داخل ہوگا اور اگر مومن نے کافرکو قتل کر دیا تو کافر آگ میں داخل ہو گا۔ جن لوگوں نے اللہ کی راہ میں لڑائی کی، اللہ تعالیٰ ان کے اعمال ہرگز برباد نہیں کرے گا۔
سَیَهْدِیْهِمْ وَیُصْلِحُ بَالَهُمْ ۟ۚسَيَهۡدِيۡهِمۡ وَيُصۡلِحُ بَالَهُمۡۚ
ان کو سیدھے رستے پر چلائے گا اور ان کی حالت درست کر دے گا
5- اللہ تعالیٰ انھیں دنیا کی زندگی میں ضرور حق کی پیروی کرنے کی توفیق دے گا اور ان کے حالات درست فرمائے گا۔
وَیُدْخِلُهُمُ الْجَنَّةَ عَرَّفَهَا لَهُمْ ۟وَيُدۡخِلُهُمُ الۡجَـنَّةَ عَرَّفَهَا لَهُمۡ
اور ان کو بہشت میں جس سے انہیں شناسا کر رکھا ہے داخل کرے گا
6- اور قیامت کے دن انھیں جنت میں داخل کرے گا جس کی صفات اس نے دنیا میں انھیں اچھی طرح بتا دی ہیں اور وہ اسے پہچان چکے ہیں اور آخرت میں اس کے اندر ان کی قیام گاہیں بھی انھیں بتا دی جائیں گی۔
یٰۤاَیُّهَا الَّذِیْنَ اٰمَنُوْۤا اِنْ تَنْصُرُوا اللّٰهَ یَنْصُرْكُمْ وَیُثَبِّتْ اَقْدَامَكُمْ ۟يٰۤـاَيُّهَا الَّذِيۡنَ اٰمَنُوۡۤا اِنۡ تَـنۡصُرُوا اللّٰهَ يَنۡصُرۡكُمۡ وَيُثَبِّتۡ اَقۡدَامَكُمۡ
اے اہل ایمان! اگر تم خدا کی مدد کرو گے تو وہ بھی تمہاری مدد کرے گا اور تم کو ثابت قدم رکھے گا
7- اے اللہ تعالیٰ پر ایمان لانے اور اس کی شریعت کے مطابق عمل کرنے والے لوگو! اگر تم اللہ تعالیٰ کی مدد کرو، اس طرح کہ اس کے نبی اور دین کی حمایت کرو اور کافروں سے جنگ کرو، تو وہ تمھیں ان پر غلبہ دے کر تمھاری مدد کرے گا اور جنگ میں جب ان سے ٹاکرا ہوگا تو وہ تمھیں ثابت قدم رکھے گا۔
وَالَّذِیْنَ كَفَرُوْا فَتَعْسًا لَّهُمْ وَاَضَلَّ اَعْمَالَهُمْ ۟وَالَّذِيۡنَ كَفَرُوۡا فَتَعۡسًا لَّهُمۡ وَاَضَلَّ اَعۡمَالَهُمۡ
اور جو کافر ہیں ان کے لئے ہلاکت ہے۔ اور وہ ان کے اعمال کو برباد کر دے گا
8- جن لوگوں نے اللہ تعالیٰ اور اس کے رسول کے ساتھ کفر کیا، ان کے لیے نقصان اور بربادی ہے اور اللہ تعالیٰ نے ان کے اعمال کا ثواب ضائع کر دیا ہے۔
ذٰلِكَ بِاَنَّهُمْ كَرِهُوْا مَاۤ اَنْزَلَ اللّٰهُ فَاَحْبَطَ اَعْمَالَهُمْ ۟ذٰلِكَ بِاَنَّهُمۡ كَرِهُوۡا مَاۤ اَنۡزَلَ اللّٰهُ فَاَحۡبَطَ اَعۡمَالَهُمۡ
یہ اس لئے کہ خدا نے جو چیز نازل فرمائی انہوں نے اس کو ناپسند کیا تو خدا نے بھی ان کے اعمال اکارت کردیئے
9- یہ سزا انھیں اس وجہ سے ملے گی کہ انھوں نے اس قرآن کو ناپسند کیا جو اللہ تعالیٰ نے اپنے رسول( صلى اللہ عليہ وسلم ) پر نازل کیا کیونکہ اس میں اللہ کی توحید ہے، چنانچہ اللہ تعالیٰ نے ان کے عمل ضائع کر دیے اور وہ دنیا و آخرت میں ناکام ہو گئے۔
اَفَلَمْ یَسِیْرُوْا فِی الْاَرْضِ فَیَنْظُرُوْا كَیْفَ كَانَ عَاقِبَةُ الَّذِیْنَ مِنْ قَبْلِهِمْ ؕ— دَمَّرَ اللّٰهُ عَلَیْهِمْ ؗ— وَلِلْكٰفِرِیْنَ اَمْثَالُهَا ۟اَفَلَمۡ يَسِيۡرُوۡا فِى الۡاَرۡضِ فَيَنۡظُرُوۡا كَيۡفَ كَانَ عَاقِبَةُ الَّذِيۡنَ مِنۡ قَبۡلِهِمۡؕ دَمَّرَ اللّٰهُ عَلَيۡهِمۡ وَلِلۡكٰفِرِيۡنَ اَمۡثَالُهَا
کیا انہوں نے ملک میں سیر نہیں کی تاکہ دیکھتے کہ جو لوگ ان سے پہلے تھے ان کا انجام کیسا ہوا؟ خدا نے ان پر تباہی ڈال دی۔ اور اسی طرح کا (عذاب) ان کافروں کو ہوگا
10- کیا یہ جھٹلانے والے زمین میں چلے پھرے نہیں کہ وہ اس بات پر غور و فکر کرتے کہ ان لوگوں سے پہلے جنھوں نے جھٹلایا ان کا انجام کیا ہوا؟ ان کا انجام یقیناً نہایت درد ناک تھا۔ اللہ تعالیٰ نے ان کے گھر برباد کر دیے اور انھیں اور ان کی اولادوں اور مالوں کو تہس نہس کر دیا اور کافروں کے لیے ہر دور میں اور ہر جگہ اسی طرح کی سزائیں ہیں۔
ذٰلِكَ بِاَنَّ اللّٰهَ مَوْلَی الَّذِیْنَ اٰمَنُوْا وَاَنَّ الْكٰفِرِیْنَ لَا مَوْلٰی لَهُمْ ۟۠ذٰ لِكَ بِاَنَّ اللّٰهَ مَوۡلَى الَّذِيۡنَ اٰمَنُوۡا وَاَنَّ الۡكٰفِرِيۡنَ لَا مَوۡلٰى لَهُمۡ
یہ اس لئے کہ جو مومن ہیں ان کا خدا کارساز ہے اور کافروں کا کوئی کارساز نہیں
11- یہ مذکورہ دونوں گروہوں کی جزا ہے کیونکہ اللہ تعالیٰ ان لوگوں کی مدد کرنے والا ہے جو اس پر ایمان لائے اور بلاشبہ کافروں کا کوئی مددگار نہیں۔
اِنَّ اللّٰهَ یُدْخِلُ الَّذِیْنَ اٰمَنُوْا وَعَمِلُوا الصّٰلِحٰتِ جَنّٰتٍ تَجْرِیْ مِنْ تَحْتِهَا الْاَنْهٰرُ ؕ— وَالَّذِیْنَ كَفَرُوْا یَتَمَتَّعُوْنَ وَیَاْكُلُوْنَ كَمَا تَاْكُلُ الْاَنْعَامُ وَالنَّارُ مَثْوًی لَّهُمْ ۟اِنَّ اللّٰهَ يُدۡخِلُ الَّذِيۡنَ اٰمَنُوۡا وَعَمِلُوا الصّٰلِحٰتِ جَنّٰتٍ تَجۡرِىۡ مِنۡ تَحۡتِهَا الۡاَنۡهٰرُ ؕ وَالَّذِيۡنَ كَفَرُوۡا يَتَمَتَّعُوۡنَ وَيَاۡكُلُوۡنَ كَمَا تَاۡكُلُ الۡاَنۡعَامُ وَالنَّارُ مَثۡوًى لَّهُمۡ
جو لوگ ایمان لائے اور عمل نیک کرتے رہے ان کو خدا بہشتوں میں جن کے نیچے نہریں بہہ رہی ہیں داخل فرمائے گا۔ اور جو کافر ہیں وہ فائدے اٹھاتے ہیں اور (اس طرح) کھاتے ہیں جیسے حیوان کھاتے ہیں۔ اور ان کا ٹھکانہ دوزخ ہے
12- جو لوگ اللہ تعالیٰ اور اس کے رسول پر ایمان لائے اور انھوں نے نیک عمل کیے، یقیناً اللہ تعالیٰ انھیں ایسی جنتوں میں داخل کرے گا جن کے محلات اور درختوں کے نیچے سے نہریں بہتی ہیں اور جن لوگوں نے اللہ تعالیٰ اور اس کے رسول ( صلى اللہ عليہ وسلم ) کا انکار کیا، وہ اپنی نفسانی خواہشات کی پیروی کرکے دنیا ہی میں فائدہ اٹھا رہے ہیں اور وہ ایسے کھاتے ہیں جیسے جانور کھاتے ہیں۔ انھیں بس اپنے پیٹوں اور شرمگاہوں ہی کی فکر ہوتی ہے۔ آگ ہی قیامت کے دن ان کا ٹھکانا ہوگی جس میں وہ جا پڑیں گے۔
وَكَاَیِّنْ مِّنْ قَرْیَةٍ هِیَ اَشَدُّ قُوَّةً مِّنْ قَرْیَتِكَ الَّتِیْۤ اَخْرَجَتْكَ ۚ— اَهْلَكْنٰهُمْ فَلَا نَاصِرَ لَهُمْ ۟وَكَاَيِّنۡ مِّنۡ قَرۡيَةٍ هِىَ اَشَدُّ قُوَّةً مِّنۡ قَرۡيَتِكَ الَّتِىۡۤ اَخۡرَجَتۡكَۚ اَهۡلَكۡنٰهُمۡ فَلَا نَاصِرَ لَهُمۡ
اور بہت سی بستیاں تمہاری بستی سے جس (کے باشندوں نے تمہیں وہاں) سے نکال دیا زور وقوت میں کہیں بڑھ کر تھیں ہم نے ان کا ستیاناس کردیا اور ان کا کوئی مددگار نہ ہوا
13- پہلی امتوں کی بستیوں میں سے کتنی ہی بستیاں ایسی ہیں جو مکے کی اس بستی سے زیادہ طاقتور اور مالی اور افرادی قوت میں اس سے کہیں زیادہ بڑھ کر تھیں جہاں کے باشندوں نے آپ صلى اللہ عليہ وسلم کو وہاں سے نکالا ہے، ہم نے انھیں ہلاک کردیا جب انھوں نے اپنے رسولوں کو جھٹلایا، چنانچہ ان پر جب اللہ کا عذاب آیا تو کوئی مددگار ان کو بچانے نہ اٹھا، لهٰذا اگر ہم نے اہلِ مکہ کو تباہ کرنے کا ارادہ کیا تو ہمیں کوئی نہیں روک سکے گا۔
اَفَمَنْ كَانَ عَلٰی بَیِّنَةٍ مِّنْ رَّبِّهٖ كَمَنْ زُیِّنَ لَهٗ سُوْٓءُ عَمَلِهٖ وَاتَّبَعُوْۤا اَهْوَآءَهُمْ ۟اَفَمَنۡ كَانَ عَلٰى بَيِّنَةٍ مِّنۡ رَّبِّهٖ كَمَنۡ زُيِّنَ لَهٗ سُوۡٓءُ عَمَلِهٖ وَاتَّبَعُوۡۤا اَهۡوَآءَهُمۡ
بھلا جو شخص اپنے پروردگار (کی مہربانی) سے کھلے رستے پر (چل رہا) ہو وہ ان کی طرح (ہوسکتا) ہے جن کے اعمال بد انہیں اچھے کرکے دکھائی جائیں اور جو اپنی خواہشوں کی پیروی کریں
14- کیا بھلا جس کے پاس اس کے رب کی طرف سے صاف دلیل اور واضح نشانی ہو اور وہ سوچ سمجھ کر اس کی عبادت بھی کرتا ہو، وہ اس شخص کی طرح ہوسکتا ہے جس کے لیے شیطان نے اس کا برا عمل خوشنما بنا دیا ہو اور وہ بتوں کی عبادت کرنے، گناہوں کا ارتکاب کرنے اور رسولوں کو جھٹلانے جیسی اپنی خواہشات کی پیروی کرتا ہو؟
مَثَلُ الْجَنَّةِ الَّتِیْ وُعِدَ الْمُتَّقُوْنَ ؕ— فِیْهَاۤ اَنْهٰرٌ مِّنْ مَّآءٍ غَیْرِ اٰسِنٍ ۚ— وَاَنْهٰرٌ مِّنْ لَّبَنٍ لَّمْ یَتَغَیَّرْ طَعْمُهٗ ۚ— وَاَنْهٰرٌ مِّنْ خَمْرٍ لَّذَّةٍ لِّلشّٰرِبِیْنَ ۚ۬— وَاَنْهٰرٌ مِّنْ عَسَلٍ مُّصَفًّی ؕ— وَلَهُمْ فِیْهَا مِنْ كُلِّ الثَّمَرٰتِ وَمَغْفِرَةٌ مِّنْ رَّبِّهِمْ ؕ— كَمَنْ هُوَ خَالِدٌ فِی النَّارِ وَسُقُوْا مَآءً حَمِیْمًا فَقَطَّعَ اَمْعَآءَهُمْ ۟مَثَلُ الۡجَـنَّةِ الَّتِىۡ وُعِدَ الۡمُتَّقُوۡنَؕ فِيۡهَاۤ اَنۡهٰرٌ مِّنۡ مَّآءٍ غَيۡرِ اٰسِنٍ ۚ وَاَنۡهٰرٌ مِّنۡ لَّبَنٍ لَّمۡ يَتَغَيَّرۡ طَعۡمُهٗ ۚ وَاَنۡهٰرٌ مِّنۡ خَمۡرٍ لَّذَّةٍ لِّلشّٰرِبِيۡنَ ۚ وَاَنۡهٰرٌ مِّنۡ عَسَلٍ مُّصَفًّى ؕ وَلَهُمۡ فِيۡهَا مِنۡ كُلِّ الثَّمَرٰتِ وَمَغۡفِرَةٌ مِّنۡ رَّبِّهِمۡؕ كَمَنۡ هُوَ خَالِدٌ فِى النَّارِ وَسُقُوۡا مَآءً حَمِيۡمًا فَقَطَّعَ اَمۡعَآءَهُمۡ
جنت جس کا پرہیزگاروں سے وعدہ کیا جاتا ہے۔ اس کی صفت یہ ہے کہ اس میں پانی کی نہریں ہیں جو بو نہیں کرے گا۔ اور دودھ کی نہریں ہیں جس کا مزہ نہیں بدلے گا۔ اور شراب کی نہریں ہیں جو پینے والوں کے لئے (سراسر) لذت ہے۔ اور شہد مصفا کی نہریں ہیں (جو حلاوت ہی حلاوت ہے) اور (وہاں) ان کے لئے ہر قسم کے میوے ہیں اور ان کے پروردگار کی طرف سے مغفرت ہے۔ (کیا یہ پرہیزگار) ان کی طرح (ہوسکتے) ہیں جو ہمیشہ دوزخ میں رہیں گے اور جن کو کھولتا ہوا پانی پلایا جائے گا تو ان کی انتڑیوں کو کاٹ ڈالے گا
15- اس جنت کی صفت، جس میں داخل کرنے کا اللہ تعالیٰ نے ان پرہیزگاروں سے وعدہ کیا ہے جو اس کے حکم ماننے والے اور اس کے منع کیے ہوئے کاموں سے بچنے والے ہیں، یہ ہے کہ اس میں ایسے پانی کی نہریں ہیں جو زیادہ دیر رکے رہنے کی وجہ سے بدبودار ہوتا ہے نہ اس کا ذائقہ بدلتا ہے، اس میں ایسے دودھ کی نہریں ہیں جس کا ذائقہ نہیں بدلتا، اس میں ایسی شراب کی نہریں ہیں جو پینے والوں کے لیے انتہائی لذیذ ہے اور اس میں ایسے شہد کی نہریں ہیں جو ملاوٹ سے پاک صاف ہے اور اس میں ان کے لیے من چاہے ہر قسم کے پھل ہیں اور ان کے لیے ان سب چیزوں سے بڑھ کر اللہ تعالیٰ کی طرف سے اپنے گناہوں کی معافی ہے، لہٰذا وہ ان پر اُن کی پکڑ نہیں کرے گا۔ جس کی جزا یہ ہو، کیا بھلا وہ اس کے برابر ہوسکتا ہے جو ہمیشہ آگ میں رہنے والا ہو اور اس سے کبھی نہ نکل سکے اور اسے سخت گرم پانی پلایا جائے جو شدتِ حرارت کی وجہ سے اس کے پیٹ کی آنتیں کاٹ دے؟!
وَمِنْهُمْ مَّنْ یَّسْتَمِعُ اِلَیْكَ ۚ— حَتّٰۤی اِذَا خَرَجُوْا مِنْ عِنْدِكَ قَالُوْا لِلَّذِیْنَ اُوْتُوا الْعِلْمَ مَاذَا قَالَ اٰنِفًا ۫— اُولٰٓىِٕكَ الَّذِیْنَ طَبَعَ اللّٰهُ عَلٰی قُلُوْبِهِمْ وَاتَّبَعُوْۤا اَهْوَآءَهُمْ ۟وَمِنۡهُمۡ مَّنۡ يَّسۡتَمِعُ اِلَيۡكَۚ حَتّٰٓى اِذَا خَرَجُوۡا مِنۡ عِنۡدِكَ قَالُوۡا لِلَّذِيۡنَ اُوۡتُوا الۡعِلۡمَ مَاذَا قَالَ اٰنِفًا ۚ اُولٰٓئِكَ الَّذِيۡنَ طَبَعَ اللّٰهُ عَلٰى قُلُوۡبِهِمۡ وَ اتَّبَعُوۡۤا اَهۡوَآءَهُمۡ
اور ان میں بعض ایسے بھی ہیں جو تمہاری طرف کان لگائے یہاں تک کہ (سب کچھ سنتے ہیں لیکن) جب تمہارے پاس سے نکل کر چلے جاتے ہیں تو جن لوگوں کو علم (دین) دیا گیا ہے ان سے کہتے ہیں کہ (بھلا) انہوں نے ابھی کیا کہا تھا؟ یہی لوگ ہیں جن کے دلوں پر خدا نے مہر لگا رکھی ہے اور وہ اپنی خواہشوں کے پیچھے چل رہے ہیں
16- اے رسول( صلى اللہ عليہ وسلم )! منافقوں میں سے کئی لوگ قبول نہ کرنے کی غرض سے اعراض کرتے ہوئے آپ کی بات سنتے ہیں، حتی کہ جب وہ آپ کے پاس سے اٹھ کر جاتے ہیں تو ان لوگوں سے کہتے ہیں جنھیں اللہ تعالیٰ نے علم دیا ہے: ابھی آپ( صلى اللہ عليہ وسلم ) نے اپنی گفتگو میں کیا کہا؟ یہ بات وہ اپنی طرف سے اَنجان بنتے ہوئے اور حق سے منہ پھیرنے کی خاطر کرتے ہیں۔ انھی لوگوں کے دلوں پر اللہ تعالیٰ نے مہر لگا دی ہے، چنانچہ ان تک خیر نہیں پہنچتی۔ انھوں نے اپنی خواہشات کی غلامی کی جنھوں نے انھیں حق دیکھنے سے اندھا کر دیا۔
وَالَّذِیْنَ اهْتَدَوْا زَادَهُمْ هُدًی وَّاٰتٰىهُمْ تَقْوٰىهُمْ ۟وَالَّذِيۡنَ اهۡتَدَوۡا زَادَهُمۡ هُدًى وَّاٰتٰٮهُمۡ تَقۡوٰٮهُمۡ
اور جو لوگ ہدایت یافتہ ہیں ان کو وہ ہدایت مزید بخشتا اور پرہیزگاری عنایت کرتا ہے
17- جو لوگ راہِ حق کی ہدایت پا گئے اور جو چیز رسول صلى اللہ عليہ وسلم لائے انھوں نے اس کی پیروی کی تو ان کا رب انھیں خیر و ہدایت کی مزید توفیق دے گا اور انھیں ایسے عمل کا الہام کرے گا جو انھیں آگ سے بچائے گا۔
فَهَلْ یَنْظُرُوْنَ اِلَّا السَّاعَةَ اَنْ تَاْتِیَهُمْ بَغْتَةً ۚ— فَقَدْ جَآءَ اَشْرَاطُهَا ۚ— فَاَنّٰی لَهُمْ اِذَا جَآءَتْهُمْ ذِكْرٰىهُمْ ۟فَهَلۡ يَنۡظُرُوۡنَ اِلَّا السَّاعَةَ اَنۡ تَاۡتِيَهُمۡ بَغۡتَةً ۚ فَقَدۡ جَآءَ اَشۡرَاطُهَا ۚ فَاَنّٰى لَهُمۡ اِذَا جَآءَتۡهُمۡ ذِكۡرٰٮهُمۡ
اب تو یہ لوگ قیامت ہی کو دیکھ رہے ہیں کہ ناگہاں ان پر آ واقع ہو۔ سو اس کی نشانیاں (وقوع میں) آچکی ہیں۔ پھر جب وہ ان پر آ نازل ہوگی اس وقت انہیں نصیحت کہاں (مفید ہوسکے گی؟)
18- کافر کیا اس بات کے منتظر ہیں کہ قیامت ان کے پاس اچانک آجائے جس کی انھیں پہلے کانوں کان خبر نہ ہو؟! یقیناً اس کی نشانیاں تو آگئی ہیں اور ان میں سے ایک آپ صلى اللہ عليہ وسلم کی بعثت ہے اور دوسری چاند کا دو ٹکڑے ہونا، پھر ان کے لیے نصیحت حاصل کرنا کیسے ممکن ہوگا جب قیامت ان کے پاس آگئی؟
فَاعْلَمْ اَنَّهٗ لَاۤ اِلٰهَ اِلَّا اللّٰهُ وَاسْتَغْفِرْ لِذَنْۢبِكَ وَلِلْمُؤْمِنِیْنَ وَالْمُؤْمِنٰتِ ؕ— وَاللّٰهُ یَعْلَمُ مُتَقَلَّبَكُمْ وَمَثْوٰىكُمْ ۟۠فَاعۡلَمۡ اَنَّهٗ لَاۤ اِلٰهَ اِلَّا اللّٰهُ وَاسۡتَغۡفِرۡ لِذَنۡۢبِكَ وَلِلۡمُؤۡمِنِيۡنَ وَ الۡمُؤۡمِنٰتِ ؕ وَاللّٰهُ يَعۡلَمُ مُتَقَلَّبَكُمۡ وَمَثۡوٰٮكُمۡ
پس جان رکھو کہ خدا کے سوا کوئی معبود نہیں اور اپنے گناہوں کی معافی مانگو اور (اور) مومن مردوں اور مومن عورتوں کے لئے بھی۔ اور خدا تم لوگوں کے چلنے پھرنے اور ٹھیرنے سے واقف ہے
19- اے رسول( صلى اللہ عليہ وسلم )! آپ یقین رکھیں کہ اللہ کے سوا کوئی معبودِ برحق نہیں اور اللہ تعالیٰ سے اپنے گناہوں کی بخشش مانگا کریں اور مومن مردوں اور مومن عورتوں کے گناہوں کی بھی اللہ تعالیٰ سے بخشش مانگیں۔ اللہ تعالیٰ دن کے وقت تمھاری مصروفیات اور رات کے وقت تمھارے قرار پکڑنے کی جگہ کو جانتا ہے۔ اس میں سے کوئی چیز اس سے چھپی نہیں۔
وَیَقُوْلُ الَّذِیْنَ اٰمَنُوْا لَوْلَا نُزِّلَتْ سُوْرَةٌ ۚ— فَاِذَاۤ اُنْزِلَتْ سُوْرَةٌ مُّحْكَمَةٌ وَّذُكِرَ فِیْهَا الْقِتَالُ ۙ— رَاَیْتَ الَّذِیْنَ فِیْ قُلُوْبِهِمْ مَّرَضٌ یَّنْظُرُوْنَ اِلَیْكَ نَظَرَ الْمَغْشِیِّ عَلَیْهِ مِنَ الْمَوْتِ ؕ— فَاَوْلٰى لَهُمْ ۟ۚوَيَقُوۡلُ الَّذِيۡنَ اٰمَنُوۡا لَوۡلَا نُزِّلَتۡ سُوۡرَةٌ ۚ فَاِذَاۤ اُنۡزِلَتۡ سُوۡرَةٌ مُّحۡكَمَةٌ وَّذُكِرَ فِيۡهَا الۡقِتَالُۙ رَاَيۡتَ الَّذِيۡنَ فِىۡ قُلُوۡبِهِمۡ مَّرَضٌ يَّنۡظُرُوۡنَ اِلَيۡكَ نَظَرَ الۡمَغۡشِىِّ عَلَيۡهِ مِنَ الۡمَوۡتِؕ فَاَوۡلٰى لَهُمۡۚ
اور مومن لوگ کہتے ہیں کہ (جہاد کی) کوئی سورت کیوں نازل نہیں ہوتی؟ لیکن جب کوئی صاف معنوں کی سورت نازل ہو اور اس میں جہاد کا بیان ہو تو جن لوگوں کے دلوں میں (نفاق کا) مرض ہے تم ان کو دیکھو کہ تمہاری طرف اس طرح دیکھنے لگیں جس طرح کسی پر موت کی بےہوشی (طاری) ہو رہی ہو۔ سو ان کے لئے خرابی ہے
20- اللہ پر ایمان لانے والے کہتے ہیں جبکہ ان کی خواہش ہوتی ہے کہ اللہ تعالیٰ اپنے رسول صلى اللہ عليہ وسلم پر کوئی سورت نازل فرمائے جو جہاد و قتال کے حکم پر مشتمل ہو: اللہ تعالیٰ نے کوئی سورت کیوں نہیں اتاری جس میں قتال کا ذکر ہو، پھر جب اللہ تعالیٰ نے اپنے بیان اور احکام میں محکم سورت اتار دی جو جہاد کے ذکر پر مشتمل تھی، تو اے رسول( صلى اللہ عليہ وسلم )! آپ دیکھتے ہیں کہ جن منافقوں کے دلوں میں شک کی بیماری ہے، وہ آپ کی طرف اس شخص کی طرح دیکھتے ہیں جس پر شدتِ خوف اور رعب سے موت کی بے ہوشی طاری ہو۔ سو اللہ تعالیٰ نے ان سے وعدہ کیا ہے کہ قتال و جہاد سے منہ موڑنے اور خوف کھانے کی وجہ سے ان کا عذاب ان پر آیا ہی چاہتا ہے اور ان کے بہت قریب ہے۔
طَاعَةٌ وَّقَوْلٌ مَّعْرُوْفٌ ۫— فَاِذَا عَزَمَ الْاَمْرُ ۫— فَلَوْ صَدَقُوا اللّٰهَ لَكَانَ خَیْرًا لَّهُمْ ۟ۚطَاعَةٌ وَّقَوۡلٌ مَّعۡرُوۡفٌ ۚ فَاِذَا عَزَمَ الۡاَمۡرُ فَلَوۡ صَدَقُوا اللّٰهَ لَـكَانَ خَيۡرًا لَّهُمۡۚ
(خوب کام تو) فرمانبرداری اور پسندیدہ بات کہنا (ہے) پھر جب (جہاد کی) بات پختہ ہوگئی تو اگر یہ لوگ خدا سے سچے رہنا چاہتے تو ان کے لئے بہت اچھا ہوتا
21- ان کے لیے بہترتھا کہ وہ اللہ کا حکم بجا لاتے اور بغیر حیل و حجت کے اچھی بات کہتے، پھر جب جہاد فرض ہوگیا اور طے پا گیا کہ جنگ ہوگی، تو اب بھی اگر یہ اللہ پر ایمان اور اس کی اطاعت میں سچے رہے تو یہ ان کے لیے منافقت اور اللہ کے حکموں کی نافرمانی کرنے سے بہت بہتر ہوگا۔
فَهَلْ عَسَیْتُمْ اِنْ تَوَلَّیْتُمْ اَنْ تُفْسِدُوْا فِی الْاَرْضِ وَتُقَطِّعُوْۤا اَرْحَامَكُمْ ۟فَهَلۡ عَسَيۡتُمۡ اِنۡ تَوَلَّيۡتُمۡ اَنۡ تُفۡسِدُوۡا فِى الۡاَرۡضِ وَتُقَطِّعُوۡۤا اَرۡحَامَكُمۡ
(اے منافقو!) تم سے عجب نہیں کہ اگر تم حاکم ہو جاؤ تو ملک میں خرابی کرنے لگو اور اپنے رشتوں کو توڑ ڈالو
22- تمھارے حال سے یہی لگتا ہے کہ اگر تم نے اللہ پر ایمان لانے اور اس کی اطاعت کرنے سے منہ پھیرا تو تم کفر اور گناہوں کے ذریعے سے زمین میں فساد برپا کرو گے اور اپنے رشتے ناتے توڑ دو گے جیسا کہ تم جاہلیت کے دور میں کرتے تھے۔
اُولٰٓىِٕكَ الَّذِیْنَ لَعَنَهُمُ اللّٰهُ فَاَصَمَّهُمْ وَاَعْمٰۤی اَبْصَارَهُمْ ۟اُولٰٓئِكَ الَّذِيۡنَ لَعَنَهُمُ اللّٰهُ فَاَصَمَّهُمۡ وَاَعۡمٰٓى اَبۡصَارَهُمۡ
یہی لوگ ہیں جن پر خدا نے لعنت کی ہے اور ان (کے کانوں) کو بہرا اور (ان کی) آنکھوں کو اندھا کردیا ہے
23- جو لوگ زمین میں فساد برپا کرنے اور رشتے ناتے توڑنے والے ہیں، انھی لوگوں کو اللہ تعالیٰ نے اپنی رحمت سے دور کردیا ہے اور قبول کرنے اور ماننے کے لیے حق سننے سے ان کے کان بہرے کردیے اور ان کی آنکھیں عبرت کے لیے دیکھنے سے اندھی کر دی ہیں۔
اَفَلَا یَتَدَبَّرُوْنَ الْقُرْاٰنَ اَمْ عَلٰی قُلُوْبٍ اَقْفَالُهَا ۟اَفَلَا يَتَدَبَّرُوۡنَ الۡقُرۡاٰنَ اَمۡ عَلٰى قُلُوۡبٍ اَ قۡفَالُهَا
بھلا یہ لوگ قرآن میں غور نہیں کرتے یا (ان کے) دلوں پر قفل لگ رہے ہیں
24-ان منہ پھیرنے والوں نے قرآن میں غور و فکر کیوں نہیں کیا؟! اگر وہ اس میں غور و فکر کرتے تو وہ ہر خیر اور بھلائی کی طرف ان کی راہنمائی کرتا اور ہر شر اور برائی سے انھیں دور رکھتا، یا ان کے دلوں پر تالے لگے ہیں جنھیں مضبوطی سے بند کر دیا گیا ہے، اس لیے کوئی وعظ وہاں تک پہنچتا ہے نہ کوئی نصیحت اثر کرتی ہے؟
اِنَّ الَّذِیْنَ ارْتَدُّوْا عَلٰۤی اَدْبَارِهِمْ مِّنْ بَعْدِ مَا تَبَیَّنَ لَهُمُ الْهُدَی ۙ— الشَّیْطٰنُ سَوَّلَ لَهُمْ ؕ— وَاَمْلٰی لَهُمْ ۟اِنَّ الَّذِيۡنَ ارۡتَدُّوۡا عَلٰٓى اَدۡبَارِهِمۡ مِّنۡۢ بَعۡدِ مَا تَبَيَّنَ لَهُمُ الۡهُدَىۙ الشَّيۡطٰنُ سَوَّلَ لَهُمۡ ؕ وَاَمۡلٰى لَهُمۡ
جو لوگ راہ ہدایت ظاہر ہونے کے بعد پیٹھ دے کر پھر گئے۔ شیطان نے (یہ کام) ان کو مزین کر دکھایا اور انہیں طول (عمر کا وعدہ) دیا
25- بلاشبہ جو لوگ کفر اور منافقت اختیار کر کے ایمان سے پھر گئے، حالانکہ ان پر حجت قائم ہو چکی تھی اور نبیٔ اکرم صلى اللہ عليہ وسلم کی سچائی بھی ان پر واضح ہو گئی تھی، یقیناً شیطان نے ان کے لیے کفر و نفاق کو خوشنما بنا دیا ہے اور اسے ان کے لیے آسان کر دیا ہے اور انھیں لمبی امیدوں کے دھوکے میں ڈال رکھا ہے۔
ذٰلِكَ بِاَنَّهُمْ قَالُوْا لِلَّذِیْنَ كَرِهُوْا مَا نَزَّلَ اللّٰهُ سَنُطِیْعُكُمْ فِیْ بَعْضِ الْاَمْرِ ۖۚ— وَاللّٰهُ یَعْلَمُ اِسْرَارَهُمْ ۟ذٰلِكَ بِاَنَّهُمۡ قَالُوۡا لِلَّذِيۡنَ كَرِهُوۡا مَا نَزَّلَ اللّٰهُ سَنُطِيۡعُكُمۡ فِىۡ بَعۡضِ الۡاَمۡرِ ۖۚ وَاللّٰهُ يَعۡلَمُ اِسۡرَارَهُمۡ
یہ اس لئے کہ جو لوگ خدا کی اُتاری ہوئی (کتاب) سے بیزار ہیں یہ ان سے کہتے ہیں کہ بعض کاموں میں ہم تمہاری بات بھی مانیں گے۔ اور خدا ان کے پوشیدہ مشوروں سے واقف ہے
26-یہ گمراہی ان کا مقدر اس لیے بنی کہ انھوں نے ان مشرکوں سے خفیہ طور پر کہا جنھوں نے اس وحی کو ناپسند کیا جو اللہ نے اپنے رسول( صلى اللہ عليہ وسلم ) پر اتاری: ہم بھی بعض کاموں میں تمھارا کہا مانیں گے،جیسے قتال کرنے سے بزدلی اور سستی کا مظاہرہ کرنا۔ اللہ تعالیٰ خوب جانتا ہے جو وہ چھپاتے اور اوجھل رکھتے ہیں۔ اس سے کوئی چیز چھپی نہیں، اس لیے وہ جو چاہے اس میں سے اپنے رسول صلى اللہ عليہ وسلم کے سامنے ظاہر کر دے۔
فَكَیْفَ اِذَا تَوَفَّتْهُمُ الْمَلٰٓىِٕكَةُ یَضْرِبُوْنَ وُجُوْهَهُمْ وَاَدْبَارَهُمْ ۟فَكَيۡفَ اِذَا تَوَفَّتۡهُمُ الۡمَلٰٓئِكَةُ يَضۡرِبُوۡنَ وُجُوۡهَهُمۡ وَاَدۡبَارَهُمۡ
تو اُس وقت (ان کا) کیسا (حال) ہوگا جب فرشتے ان کی جان نکالیں گے اور ان کے مونہوں اور پیٹھوں پر مارتے جائیں گے
27- جب روحیں نکالنے پر مقرر فرشتے ان کی روحیں قبض کرتے ہیں تو اس وقت جس عذاب اور برے حالات سے وہ گزرتے ہیں، آپ اسے کیسے جان سکتے ہیں، وہ لوہے کے ہتھوڑے ان کے چہروں اور ان کی پیٹھوں پر مارتے ہیں۔
ذٰلِكَ بِاَنَّهُمُ اتَّبَعُوْا مَاۤ اَسْخَطَ اللّٰهَ وَكَرِهُوْا رِضْوَانَهٗ فَاَحْبَطَ اَعْمَالَهُمْ ۟۠ذٰلِكَ بِاَنَّهُمُ اتَّبَعُوۡا مَاۤ اَسۡخَطَ اللّٰهَ وَكَرِهُوۡا رِضۡوَانَهٗ فَاَحۡبَطَ اَعۡمَالَهُمۡ
یہ اس لئے کہ جس چیز سے خدا ناخوش ہے یہ اس کے پیچھے چلے اور اس کی خوشنودی کو اچھا نہ سمجھے تو اُس نے بھی ان کے عملوں کو برباد کر دیا
28- یہ عذاب انھیں اس وجہ سے ہوتا ہے کہ انھوں نے کفر، نفاق اور اللہ اور اس کے رسول( صلى اللہ عليہ وسلم ) کی دشمنی کا ہر وہ کام کیا جس نے اللہ تعالیٰ کو غصہ دلایا اور انھوں نے ہر اس چیز کو ناپسند کیا جو انھیں ان کے رب کے قریب کرے اور اس کی رضا کا باعث بنے، جیسے اللہ تعالیٰ پر ایمان اور اس کے رسول( صلى اللہ عليہ وسلم ) کی پیروی، لہٰذا اللہ تعالیٰ نے ان کے اعمال برباد کردیے۔
اَمْ حَسِبَ الَّذِیْنَ فِیْ قُلُوْبِهِمْ مَّرَضٌ اَنْ لَّنْ یُّخْرِجَ اللّٰهُ اَضْغَانَهُمْ ۟اَمۡ حَسِبَ الَّذِيۡنَ فِىۡ قُلُوۡبِهِمۡ مَّرَضٌ اَنۡ لَّنۡ يُّخۡرِجَ اللّٰهُ اَضۡغَانَهُمۡ
کیا وہ لوگ جن کے دلوں میں بیماری ہے یہ خیال کئے ہوئے ہیں کہ خدا ان کے کینوں کو ظاہر نہیں کرے گا؟
29- جن منافقوں کے دلوں میں شک ہے، کیا وہ یہ سمجھتے ہیں کہ اللہ تعالیٰ ان کی دشمنی اور بغض ظاہر نہیں کرے گا۔ اللہ تعالیٰ انھیں آزمائشوں میں ڈال کر ضرور اسے ظاہر کرے گا تاکہ سچے ایمان دار اور جھوٹے میں تمیز ہو جائے اور مومن نکھر کر سامنے آجائے اور منافق پوری طرح رسوا ہو۔
وَلَوْ نَشَآءُ لَاَرَیْنٰكَهُمْ فَلَعَرَفْتَهُمْ بِسِیْمٰهُمْ ؕ— وَلَتَعْرِفَنَّهُمْ فِیْ لَحْنِ الْقَوْلِ ؕ— وَاللّٰهُ یَعْلَمُ اَعْمَالَكُمْ ۟وَلَوۡ نَشَآءُ لَاَرَيۡنٰكَهُمۡ فَلَعَرَفۡتَهُمۡ بِسِيۡمٰهُمۡؕ وَلَتَعۡرِفَنَّهُمۡ فِىۡ لَحۡنِ الۡقَوۡلِؕ وَاللّٰهُ يَعۡلَمُ اَعۡمَالَكُمۡ
اور اگر ہم چاہتے تو وہ لوگ تم کو دکھا بھی دیتے اور تم ان کو ان کے چہروں ہی سے پہچان لیتے۔ اور تم انہیں (ان کے) انداز گفتگو ہی سے پہچان لو گے! اور خدا تمہارے اعمال سے واقف ہے
30- اور اے رسول( صلى اللہ عليہ وسلم )! اگر ہم چاہتے کہ ان منافقوں کی پوری معلومات آپ کو دیں تو ہم ضرور آپ کو ان کی پہچان کرا دیتے، پھر آپ ان کی علامتوں سے انھیں پہچان لیتے۔ آپ عنقریب ان کے اندازِ گفتگو سے انھیں جان لیں گے۔ اللہ تعالیٰ تمھارے عملوں کو خوب جانتا ہے، اس سے تمھارا کوئی عمل چھپا نہیں اور وہ ضرور تمھیں ان کی جزا دے گا۔
وَلَنَبْلُوَنَّكُمْ حَتّٰی نَعْلَمَ الْمُجٰهِدِیْنَ مِنْكُمْ وَالصّٰبِرِیْنَ ۙ— وَنَبْلُوَاۡ اَخْبَارَكُمْ ۟وَلَـنَبۡلُوَنَّكُمۡ حَتّٰى نَعۡلَمَ الۡمُجٰهِدِيۡنَ مِنۡكُمۡ وَالصّٰبِرِيۡنَ ۙ وَنَبۡلُوَا۟ اَخۡبَارَكُمۡ
اور ہم تو لوگوں کو آزمائیں گے تاکہ جو تم میں لڑائی کرنے والے اور ثابت قدم رہنے والے ہیں ان کو معلوم کریں۔ اور تمہارے حالات جانچ لیں
اِنَّ الَّذِیْنَ كَفَرُوْا وَصَدُّوْا عَنْ سَبِیْلِ اللّٰهِ وَشَآقُّوا الرَّسُوْلَ مِنْ بَعْدِ مَا تَبَیَّنَ لَهُمُ الْهُدٰی ۙ— لَنْ یَّضُرُّوا اللّٰهَ شَیْـًٔا ؕ— وَسَیُحْبِطُ اَعْمَالَهُمْ ۟اِنَّ الَّذِيۡنَ كَفَرُوۡا وَصَدُّوۡا عَنۡ سَبِيۡلِ اللّٰهِ وَشَآقُّوا الرَّسُوۡلَ مِنۡۢ بَعۡدِ مَا تَبَيَّنَ لَهُمُ الۡهُدٰىۙ لَنۡ يَّضُرُّوا اللّٰهَ شَيۡــئًا ؕ وَسَيُحۡبِطُ اَعۡمَالَهُمۡ
جن لوگوں کو سیدھا رستہ معلوم ہوگیا (اور) پھر بھی انہوں نے کفر کیا اور (لوگوں کو) خدا کی راہ سے روکا اور پیغمبر کی مخالفت کی وہ خدا کا کچھ بھی بگاڑ نہیں سکیں گے۔ اور خدا ان کا سب کیا کرایا اکارت کردے گا
یٰۤاَیُّهَا الَّذِیْنَ اٰمَنُوْۤا اَطِیْعُوا اللّٰهَ وَاَطِیْعُوا الرَّسُوْلَ وَلَا تُبْطِلُوْۤا اَعْمَالَكُمْ ۟يٰۤاَيُّهَا الَّذِيۡنَ اٰمَنُوۡۤا اَطِيۡعُوا اللّٰهَ وَاَطِيۡعُوا الرَّسُوۡلَ وَلَا تُبۡطِلُوۡۤا اَعۡمَالَـكُمۡ
مومنو! خدا کا ارشاد مانو اور پیغمبر کی فرمانبرداری کرو اور اپنے عملوں کو ضائع نہ ہونے دو
اِنَّ الَّذِیْنَ كَفَرُوْا وَصَدُّوْا عَنْ سَبِیْلِ اللّٰهِ ثُمَّ مَاتُوْا وَهُمْ كُفَّارٌ فَلَنْ یَّغْفِرَ اللّٰهُ لَهُمْ ۟اِنَّ الَّذِيۡنَ كَفَرُوۡا وَصَدُّوۡا عَنۡ سَبِيۡلِ اللّٰهِ ثُمَّ مَاتُوۡا وَهُمۡ كُفَّارٌ فَلَنۡ يَّغۡفِرَ اللّٰهُ لَهُمۡ
جو لوگ کافر ہوئے اور خدا کے رستے سے روکتے رہے پھر کافر ہی مرگئے خدا ان کو ہرگز نہیں بخشے گا
فَلَا تَهِنُوْا وَتَدْعُوْۤا اِلَی السَّلْمِ ۖۗ— وَاَنْتُمُ الْاَعْلَوْنَ ۖۗ— وَاللّٰهُ مَعَكُمْ وَلَنْ یَّتِرَكُمْ اَعْمَالَكُمْ ۟فَلَا تَهِنُوۡا وَتَدۡعُوۡۤا اِلَى السَّلۡمِۖ وَاَنۡـتُمُ الۡاَعۡلَوۡنَۖ وَاللّٰهُ مَعَكُمۡ وَلَنۡ يَّتِـرَكُمۡ اَعۡمَالَـكُمۡ
تو تم ہمت نہ ہارو اور (دشمنوں کو) صلح کی طرف نہ بلاؤ۔ اور تم تو غالب ہو۔ اور خدا تمہارے ساتھ ہے وہ ہرگز تمہارے اعمال کو کم (اور گم) نہیں کرے گا
اِنَّمَا الْحَیٰوةُ الدُّنْیَا لَعِبٌ وَّلَهْوٌ ؕ— وَاِنْ تُؤْمِنُوْا وَتَتَّقُوْا یُؤْتِكُمْ اُجُوْرَكُمْ وَلَا یَسْـَٔلْكُمْ اَمْوَالَكُمْ ۟اِنَّمَا الۡحَيٰوةُ الدُّنۡيَا لَعِبٌ وَّلَهۡوٌ ؕ وَاِنۡ تُؤۡمِنُوۡا وَتَتَّقُوۡا يُؤۡتِكُمۡ اُجُوۡرَكُمۡ وَلَا يَسۡـئَــلۡكُمۡ اَمۡوَالَكُمۡ
دنیا کی زندگی تو محض کھیل اور تماشا ہے۔ اور اگر تم ایمان لاؤ گے اور پرہیزگاری کرو گے تو وہ تم کو تمہارا اجر دے گا۔ اور تم سے تمہارا مال طلب نہیں کرے گا
اِنْ یَّسْـَٔلْكُمُوْهَا فَیُحْفِكُمْ تَبْخَلُوْا وَیُخْرِجْ اَضْغَانَكُمْ ۟اِنۡ يَّسۡئَــلۡكُمُوۡهَا فَيُحۡفِكُمۡ تَبۡخَلُوۡا وَيُخۡرِجۡ اَضۡغَانَكُمۡ
اگر وہ تم سے مال طلب کرے اور تمہیں تنگ کرے تو تم بخل کرنے لگو اور وہ (بخل) تمہاری بدنیتی ظاہر کرکے رہے
هٰۤاَنْتُمْ هٰۤؤُلَآءِ تُدْعَوْنَ لِتُنْفِقُوْا فِیْ سَبِیْلِ اللّٰهِ ۚ— فَمِنْكُمْ مَّنْ یَّبْخَلُ ۚ— وَمَنْ یَّبْخَلْ فَاِنَّمَا یَبْخَلُ عَنْ نَّفْسِهٖ ؕ— وَاللّٰهُ الْغَنِیُّ وَاَنْتُمُ الْفُقَرَآءُ ۚ— وَاِنْ تَتَوَلَّوْا یَسْتَبْدِلْ قَوْمًا غَیْرَكُمْ ۙ— ثُمَّ لَا یَكُوْنُوْۤا اَمْثَالَكُمْ ۟۠هٰۤاَنۡـتُمۡ هٰٓؤُلَاۤءِ تُدۡعَوۡنَ لِتُنۡفِقُوۡا فِىۡ سَبِيۡلِ اللّٰهِ ۚ فَمِنۡكُمۡ مَّنۡ يَّبۡخَلُ ۚ وَمَنۡ يَّبۡخَلۡ فَاِنَّمَا يَبۡخَلُ عَنۡ نَّـفۡسِهٖ ؕ وَاللّٰهُ الۡغَنِىُّ وَاَنۡـتُمُ الۡفُقَرَآءُ ۚ وَاِنۡ تَتَوَلَّوۡا يَسۡتَـبۡدِلۡ قَوۡمًا غَيۡرَكُمۡ ۙ ثُمَّ لَا يَكُوۡنُوۡۤا اَمۡثَالَـكُم
دیکھو تم وہ لوگ ہو کہ خدا کی راہ میں خرچ کرنے کے لئے بلائے جاتے ہو۔ تو تم میں ایسے شخص بھی ہیں جو بخل کرنے لگتے ہیں۔ اور جو بخل کرتا ہے اپنے آپ سے بخل کرتا ہے۔ اور خدا بےنیاز ہے اور تم محتاج۔ اور اگر تم منہ پھیرو گے تو وہ تمہاری جگہ اور لوگوں کو لے آئے گا اور وہ تمہاری طرح کے نہیں ہوں گے