الٓمّٓ ۟ۚالٓمّٓۚ
الم
Tafseer of 2:1
1- الٓمّٓ: یہ حروفِ مقطعات ہیں جن سے بعض سورتوں کی ابتدا ہوتی ہے۔ ان حروف کو اگر علیحدہ علیحدہ (ا، ب، ت)کی صورت میں پڑھا جائے تو ان کے کوئی ذاتی معنی نہیں ہوتے لیکن یہاں ان کے ذکر میں کوئی نہ کوئی مقصد اور حکمت ضرور ہے کیونکہ قرآن میں کچھ بھی بے مقصد نہیں۔ ایک اہم حکمت یہ ہے کہ ان حروف سے اس چیلنج کی طرف اشارہ ہے کہ قرآن مجید انھی حروف سے بنا ہے جن سے تم واقف ہو اور جن کو بول کر تم باہم گفتگو کرتے ہو، اگر ہمت ہے تو اس جیسا کلام پیش کرو۔ یہی وجہ ہے کہ ان حروف کے بعد عموماً قرآن مجید ہی کا ذکر ہوتا ہے جیساکہ اس سورت میں ہے۔