1- نبیٔ اکرم صلى اللہ عليہ وسلم کے چچا ابولہب بن عبدالمطلب کے اعمال کی ناکامی کی وجہ سے اس کے دونوں ہاتھ برباد ہوگئے کیونکہ وہ نبیٔ اکرم صلى اللہ عليہ وسلم کو تکلیف دیتا تھا اور اس کی یہ ساری کوششیں ضائع ہوگئیں۔

2- کون سی چیز اس کے کام آئی، اس کا مال اور اس کی اولاد؟ وہ دونوں اس سے عذاب ٹال سکے نہ اس کے لیے رحمت لا سکے۔

3- عنقریب قیامت کے دن وہ شعلوں والی آگ میں داخل ہوگا جس کی تپش اور گرمی جھیلے گا۔

4- اور عنقریب اسی آگ میں اس کی بیوی ام جمیل بھی داخل ہوگی جو نبیٔ اکرم صلى اللہ عليہ وسلم کے راستے میں کانٹے بچھا کر آپ کو تکلیف دیتی تھی۔

5- اس کی گردن میں مضبوط بٹی ہوئی رسی ہوگی جس کے ساتھ اسے آگ کی طرف گھسیٹا جائے گا۔