الٓرٰ ۫— كِتٰبٌ اُحْكِمَتْ اٰیٰتُهٗ ثُمَّ فُصِّلَتْ مِنْ لَّدُنْ حَكِیْمٍ خَبِیْرٍ ۟ۙالٓرٰ ۚكِتٰبٌ اُحۡكِمَتۡ اٰيٰـتُهٗ ثُمَّ فُصِّلَتۡ مِنۡ لَّدُنۡ حَكِيۡمٍ خَبِيۡرٍۙ
الٓرا۔ یہ وہ کتاب ہے جس کی آیتیں مستحکم ہیں اور خدائے حکیم وخبیر کی طرف سے بہ تفصیل بیان کردی گئی ہے
Tafseer of 11:1
1- ﴿الٓرٰ﴾ حروف مقطعات کے بارے میں تفصیل سورۂ بقرہ کے شروع میں گزر چکی ہے۔ قرآن مجید وہ عظیم کتاب ہے جس کی آیات نظم و معانی میں نہایت محکم اور مضبوط ہیں۔ آپ کو ان میں کسی قسم کا خلل اور نقص نظر نہیں آئے گا، پھر حلال و حرام، امر و نہی، وعد و وعید اور قصوں کا ذکر کر کے اسے اچھی طرح کھول کر بیان کر دیا گیا ہے۔ یہ اس اللہ کی طرف سے ہے جو اپنی تدبیر اور شریعت سازی میں کمال حکمت والا ہے۔ وہ اپنے بندوں کے احوال اور ان کی مصلحت سے پوری طرح باخبر ہے۔