1- تباہی اور سخت عذاب ہے اس شخص کے لیے جو لوگوں کی بہت زیادہ چغل خوری کرتا اور ان کو طعنے دیتا ہے۔

2- جس کی ساری فکر مال جمع کرنا اور اسے گِن گِن کر رکھنا ہے، اس کے سوا اس کی کوئی سوچ نہیں ہوتی۔

3- وہ یہ سمجھتا ہے کہ جو مال اس نے جمع کیا ہے، وہ ضرور اسے موت سے نجات دے گا اور وہ دنیا میں ہمیشہ ہمیشہ رہے گا۔

4- معاملہ ایسے نہیں جیسے یہ جاہل سمجھتا ہے۔ اسے ضرور جہنم کی آگ میں پھینکا جائے گا جو اپنے عذاب کی شدت سے ہر اس چیز کو توڑ پھوڑ کر ٹکڑے ٹکڑے کر دے گی جو اس میں ڈالی جائے گی۔

5- اے رسول! آپ کو کیا معلوم کہ وہ آگ کیا ہے جو ہر اس چیز کو توڑ پھوڑ دے گی جو اس میں ڈالی جائے گی؟

6- بلاشبہ وہ اللہ تعالیٰ کی بھڑکائی ہوئی آگ ہوگی۔

7- جو لوگوں کے جسموں سے ان کے دلوں تک پہنچ جائے گی۔

8- بلاشبہ جنھیں اس میں عذاب دیا جائے گا، وہ ان پر بند ہو گی۔

9- لمبے پھیلے ہوئے ستونوں کے ساتھ یہاں تک کہ وہ اس سے نکل نہیں پائیں گے۔