88. Surah Al-Ghaashiya

(ف 1) اے محبوب ﷺ قیامت کے دن نیک وبد پر جو کچھ حالت گذرے گی اس کا حال تمہاری امت کو اکثر آیات قرآنی سے معلوم ہوچکا ہے پھر اس حالت کی تفصیل فرمائی جس کا حاصل یہ ہے کہ اہل دوزخ اور اس دن طرح طرح سے خوار ہوں گے۔ اور اہل جنت طرح طرح کی عزت اور راحت پائیں گے۔

نیک کام کرنے کی دشواری اور اس کی فضیلت۔ (ف 2) فرمایا کہ کتنے لوگ ہیں جو دنیا میں محنتیں کرتے کرتے تھک جاتے ہیں مگر ان کی سب محنتیں طریق حق پر نہ ہونے کی وجہ سے سب اکارت ہیں یہاں بھی تکلیفیں اٹھائیں اور وہاں بھی مصیبت میں رہے۔ حضرت ابن عباس ؓ نے فرمایا اس سے مراد وہ لوگ ہیں جو دین اسلام پر نہ تھے بت پرست تھے یاکتابی کافر مثل راہبوں اور پجاریوں کے انہوں نے محنتیں بھی اٹھائیں مشقتیں بھی جھیلیں اور نتیجہ یہ ہوا کہ جہنم میں گئے۔

(ف 1) جب دوزخ کی گرمی ان کے باطن میں سخت تشنگی پیدا کرے گی بےاختیار پیاس پیاس پکاریں گے کہ شاید پانی پینے سے یہ تشنگی دور ہو، اس وقت ایک گرم کھولتے ہوئے چشمہ کا پانی دیاجائے، اور جب وہ پانی پلایاجائے گا انتڑیاں کٹ کر گرپڑیں گی اور وہی پانی ان کے سرپرڈالا جائے گا جس سے جسم کے اندر تک حرارت پہنچ کر دل اور جگر سب نکل پڑے گا پھر ہر دوزخی کو اصلی حال پر لایاجائے گا اور اسی طرح ہمیشہ عذاب میں گرفتار رہیں گے، اور جب دوزخی بھوک کے عذاب سے جلائیں گے تو یہ کانٹوں دار گھانس ان کو نگلائی جائے گی جو تلخی میں ایلوئے سے زیادہ اور بدبو میں مردار سے بدتر اور گرمی میں آگ سے بڑھ کر ہے جب ان کے حلق میں پھنس جائے گی اس کو حلق سے اتارنے کے لیے جب وہ پانی مانگیں گے تو یہی گرم پانی پلایاجائے گا اور یہ گھاس کچھ پیٹ میں اترے گی تو اس سے پیٹ نہ بھرے گا۔

(ف 2) شان نزول : جب اوپر کی آیت نازل ہوئی کہ دوزخیوں کی خوراک ضریع کانٹوں دار گھانس ہوگی تو مشرکین کہنے لگے ضریع تو اچھی چیز ہے اس سے تو ہمارے اونٹ موٹے ہوجاتے ہیں اس پر اللہ تعالیٰ نے یہ آیتوں کا ٹکڑا نازل فرمایا کہ اس گھاس سے نہ کسی کا پیٹ بھرے گا اور نہ کوئی موٹا ہوگا بلکہ وہ شدید عذاب ہے۔

اہل جنت کی نعمتوں کا ذکر۔ (ف 3) اہل دوزخ کے ذکر کے بعد ان آیتوں میں اہل جنت کا ذکر فرمایا کہ وہ اپنی ایک ایک نیکی کا دس گنا سے سات سو تک اور بعض نیکوں کا اس سے بھی زیادہ اجرپائیں گے تو اپنے نیک عملوں کے نتیجہ سے خوش ہوجائیں گے اوپرگذرچکا ہے کہ جنت کے درجے ہیں جیسا جس کا عمل ہوگا ویسا ہی اس کو درجہ ملے گا، لیکن دوزخ کے مقابلے میں جنت کا ہر درجہ بلند اور عالی ہے ، اس لیے فی جنۃ عالیہ۔ فرمایا سورة بقرہ میں آیت ، اذ تبرالذین اتبعوا من الذین انتبعواگذرچ کی ہے جس کا مطلب یہ ہے کہ اہل دوزخ آپس میں لغوباتیں اور ایک دوسرے کو لعن طعن کریں گے اس واسطے فرمایا اہل جنت نہ کوئی لغو بات کہین گے اور نہ کوئی ایسی لغو یات کسی دوسرے سے سنیں گے پھر فرمایا وہاں طرح طرح کی نہریں جاری ہوں گی ان نہروں کے کناروں پر کو زے رکھے ہوں گے جن کے دیکھنے سے لذت حاصل ہو اور جب پینا چاہیں تو وہ بھرے ملیں گے اور تحت بچھے ہوں گے ان تختوں پر جابجا طرح طرح کے بچھونے اورت کیے ہوں گے جہاں جو کوئی چاہے بیٹھے لیٹے غرض جنت کی نعمتیں وہ ہیں کہ نہ کسی بادشاہ و امیر نے آنکھوں سے دیکھیں نہ کانوں سے سنیں نہ کسی کے دل میں ان کا تصور معلوم ہوگی اب دنیا کی کسی زبان یاقلم میں وہ طاقت کہاں کہ ان نعمتوں کی تفصیل بیان کرسکے۔

اونٹ کا قدرت الٰہی کانمونہ ۔ (ف 1) شان نزول۔ تفسیر ابن جریر اور تفسیر ابن ابی حاتم میں قتادہ سے روایت ہے کہ اوپر کی آیتوں میں جب اللہ تعالیٰ نے جنت کی نعمتوں کا ذکر فرمایا تو مشرکین مکہ کو وہ نعمتیں جنت کی چیزیں خلاف عقل معلوم ہوئیں اور جنت کی چیزوں کا تعجب کے طور پر وہ لوگ آپس میں ذکر کرنے لگے، اس پر اللہ نے یہ آیتیں نازل فرمائیں ، اور فرمایا کہ ان کی آنکھوں کے سامنے جس اللہ نے خلاف عقل اور جانوروں کی عادت کے خلاف عقل اور جانوروں کی عادت کے خلاف اونٹ کو اس طرح کی عادت کا جانو پیدا کیا کہ کانٹے کھاکر اپنی گذر کرتا اور منزلوں بوجھ لے جاتا ہے اور عرب کا ملک جس طرح کا خشک تھا اور اس ملک میں پانی کی کمی تھی اسی عادت کا یہ جانور ہے کہ دس دس دن تک اس کو پانی کی خواہش نہیں ہوتی، غریب ایسا کہ ایک بچہ بھی نکیل پکڑ لیوے تو جہاں چاہے لے جائے کسی جانور کی یہ عادت نہیں کہ اس کو بٹھلا کر اس کی پیٹھ پر بوجھ لاداجائے اور پھر بوجھ پیٹھ پر لے کر وہ جانور کھڑا ہوجائے ۔ برخلاف اور جانوروں کے یہ اونٹ کی ہی عادت ہے کہ اس کو بٹھلاکر اس کی پیٹھ پر بوجھ لادا جاتا ہے اور پھر وہ اسی بوجھ کو سرپرلے کر کھڑا ہوجاتا ہے اسی طرح جس طرح اللہ تعالیٰ نے خلاف عقل آسمان کو بغیرستون کے اس طرح قائم کردیا، اور زمین کو پانی پر بچھادیا اور زمین میں پہاروں کی کیلیں ٹھونک دیں اس طرح کے ہزارہا کروڑ عجائبات قدرت الٰہی کو یہ لوگ نظر غور سے دیکھیں گے تو ان کو ہرگز یہ تعجب نہ ہوگا، کہ دوزخ یا جنت میں کسی خلاف عقل چیز کو پیدا کرنا اللہ تعالیٰ کی قدرت سے باہر ہے دنیا میں انسان کی چند روزہ زندگی کے لیے یہ کچھ عجائبات پیدا کیے ہیں جہاں انسان کا ہمیشہ کا رہنا اللہ تعالیٰ نے مقرر کیا ہے وہاں جس قدر عجائبات ہوں کچھ عقل سے دور نہیں ہیں غرض جو چیز عقل میں نہ آئے اس کو قدرت الٰہی کے باہرجاننا کسی عقل مندی کا کام نہیں ، خود اللہ تعالیٰ نے عقل کو پیدا کیا ہے پھر عقل میں یہ جرات کیونکرہوسکتی ہے کہ وہ اپنے پیدا کرنے والے کی قدرت کا انکار کرسکے، غرض اسی عقلی غلطی کے سبب یہ کفار لوگ حشر کا انکار کرتے ہیں ، ان لوگوں کی یہ غلطی بھی عجائبات قدرت پر غور کرنے سے رفع دفع ہوسکتی ہے آگے فرمایا کہ اے محبوب ﷺ جب یہ لوگ باوجود قیام دلائل واضحہ غور نہیں کرتے تو آپ بھی ان کی فکر میں زیادہ نہ پڑے۔ بلکہ صرف نصیحت کردیاکیجئے، اگر یہ نہیں سمجھتے تو آپ ان پر مسلط نہیں کیے گئے کہ زبردستی منواکرچھوڑیں اور ان کے دلون کو بدل ڈالیں یہ کام مقلب ہی کا ہے اور فرمایا کہ جس نے اللہ کی اطاعت سے روگردانی کی اور ان آیتوں کا انکار کیا وہ آخرت کے بڑ عذاب اور اللہ کی سخت ترین سزا بچ نہیں سکتا، یقینا ان کو ایک روز ہماری طرف سے لوٹ کر آنا ہے اور ہم کو ان سے رتی رتی کا حساب لینا ہے غرض آپ اپنافرض ادا کردیجئے اور ان کا مستقبل ہمارے سپرد کیجئے۔