(ف 2) یعنی مکّہ مکرّمہ کی ۔

(ف 3) اس آیت سے معلوم ہوا کہ یہ عظمت مکّہ مکرّمہ کو سیّدِ عالَم صلی اللہ علیہ وآلہٖ وسلم کی رونق افروزی کی بدولت حاصل ہوئی ۔

(ف 4) ایک قول یہ بھی ہے والد سے سیّدِ عالَم صلی اللہ علیہ وآلہٖ وسلم اور اولاد سے آپ کی امّت مراد ہے ۔(حسینی)

(ف 5) کہ حمل میں ایک تنگ و تاریک مکان میں رہے ، ولادت کے وقت تکلیف اٹھائے ، دودھ پینے ، دودھ چھوڑنے ، کسبِ معاش اور حیات و موت کی مشقّتوں کو برداشت کرلے ۔

(ف 6) یہ آیت ابوالاشد اسید بن کلدہ کے حق میں نازل ہوئی وہ نہایت قوی اور زور آور تھا اور اس کی طاقت کا یہ عالَم تھا کہ چمڑہ پاؤں کے نیچے دبالیتا تھا دس دس آدمی اس کو کھینچتے اور وہ پھٹ کر ٹکڑے ٹکڑے ہوجاتا مگر جتنا اس کے پاؤں کے نیچے ہوتا ہر گز نہ نکل سکتا ۔ اور ایک یہ قول ہے کہ یہ آیت ولید بن مغیرہ کے حق میں نازل ہوئی معنٰی یہ ہیں کہ یہ کافر اپنی قوّت پر مغرور مسلمانوں کو کمزور سمجھتا ہے کس گمان میں ہے اللہ قادرِ برحق کی قدرت کو نہیں جانتا ۔ اس کے بعد اس کا مقولہ نقل فرمایا ۔

(ف 7) سیّدِعالَم صلی اللہ علیہ وآلہٖ وسلم کی عداوت میں لوگوں کو رشوتیں دے دے کر تاکہ حضور صلی اللہ علیہ وآلہٖ وسلم کو آزار پہنچائیں ۔

(ف 8) یعنی کیا اس کا یہ گمان ہے کہ اسے اللہ تعالٰی نے نہیں دیکھا اور اللہ تعالٰی اس سے نہیں سوال کرے گا کہ اس نے یہ مال کہاں سے حاصل کیا کس کام میں خرچ کیا ۔ اس کے بعد اللہ تعالٰی اپنی نعمتوں کا ذکر فرماتا ہے تاکہ اس کو عبرت حاصل کرنے کا موقع ملے ۔

(ف 9) جن سے دیکھتا ہے ۔

(ف 10) جس سے بولتا ہے اور اپنے دل کی بات بیان میں لاتا ہے ۔

(ف 11) جن سے منہ کو بند کرتا ہے اور بات کرنے اور کھانے اور پینے اورپھونکنے میں ان سے کام لیتا ہے ۔

(ف 12) یعنی چھاتیوں کی کہ پیدا ہونے کے بعدان سے دودھ پیتا اور غذا حاصل کرتا رہا ، مراد یہ کہ اللہ تعالٰی کی نعمتیں ظاہر و وافر ہیں ان کا شکر لازم ۔

(ف 13) یعنی اعمالِ صالحہ بجالا کر ان جلیل نعمتوں کا شکر ادا نہ کیا ، اس کو گھاٹی میں کودنے سے تعبیر فرمایا اس مناسبت سے کہ اس راہ میں چلنانفس پر شاق ہے ۔ (ابوالسعود)

(ف 14) اور اس میں کودنا کیا ۔ یعنی اس سے اس کے ظاہری معنٰی مراد نہیں بلکہ اس کی تفسیر وہ ہے جو اگلی آیتوں میں ارشاد ہوتی ہے ۔

(ف 15) غلامی سے خواہ اس طرح ہو کہ کسی غلام کو آزاد کردے یا اس طرح کہ مکاتب کو اتنا مال دے جس سے وہ آزادی حاصل کرسکے یا کسی غلام کو آزاد کرانے میں مدد کرے یا کسی اسیریا مدیون کے رہا کرانے میں اعانت کرے ، اور یہ معنٰی بھی ہوسکتے ہیں کہ اعمالِ صالحہ اختیار کرکے اپنی گردن عذابِ آخرت سے چھڑائے ۔ (روح البیان)

(ف 16) یعنی قحط و گرانی کے وقت کہ اس وقت مال نکالنا نفس پر بہت شاق اور اجرِ عظیم کاموجِب ہوتا ہے ۔

(ف 17) جو نہایت تنگ دست اور درماندہ ، نہ اس کے پاس اوڑھنے کو ہو ، نہ بچھانے کو ۔ حدیث شریف میں ہے یتیموں اور مسکینوں کی مدد کرنے والا جہاد میں سعی کرنے والے اور بے تکان شب بیداری کرنے والے اور مدام روزہ رکھنے والے کی مثل ہے ۔

(ف 18) یعنی یہ تمام عمل جب مقبول ہیں کہ عمل کرنے والا ایماندار ہو اور جب ہی اس کو کہا جائے گا کہ گھاٹی میں کودا اور اگر ایمان دار نہیں تو کچھ نہیں سب عمل بےکار ۔

(ف 19) معصیّتوں سے باز رہنے اور طاعتوں کے بجالانے اور ان مشقّتوں کے برداشت کرنے پر جن میں مومن مبتلا ہو ۔

(ف 20) کہ مومنین ایک دوسرے کے ساتھ شفقت و محبّت کا برتاؤ کریں ۔

(ف 21) جنہیں ان کے نامۂِ اعمال داہنے ہاتھ میں دیئے جائیں گے اور عرش کے داہنے جانب سے جنّت میں داخل ہوں گے ۔

(ف 22) کہ انہیں ان کے نامۂِ اعمال بائیں ہاتھ میں دیئے جائیں گے اور عرش کے بائیں جانب سے جہنّم میں داخل کئے جائیں گے ۔

(ف 23) کہ نہ اس میں باہر سے ہوا آسکے ، نہ اندر سے دھواں باہر جاسکے ۔