86. At-Taariqالطارق

The Morning Star · Meccan · 17 ayahs · 1 ruku

بِسْمِ اللّٰهِ الرَّحْمٰنِ الرَّحِیْمِ

Introduction· خزائن العرفان

Loading…

وَالسَّمَآءِ وَالطَّارِقِ ۟ۙوَالسَّمَآءِ وَالطَّارِقِۙ

آسمان کی قسم اور رات کو آنے والے کی (ف۲)

— خزائن العرفان

وَمَاۤ اَدْرٰىكَ مَا الطَّارِقُ ۟ۙوَمَاۤ اَدۡرٰٮكَ مَا الطَّارِقُۙ‏

اور کچھ تم نے جانا وہ رات کو آنے والا کیا ہے

— خزائن العرفان

النَّجْمُ الثَّاقِبُ ۟ۙالنَّجۡمُ الثَّاقِبُۙ‏

خو ب چمکتا تارا

— خزائن العرفان

Tafseer of 86:1–3

(ف 2) یعنی ستارے کی جو رات کو چمکتا ہے ۔

شانِ نزول : ایک شب سیّدِ عالَم صلی اللہ علیہ وآلہٖ وسلم کی خدمت میں ابو طالب کچھ ہدیہ لائے ، حضور صلی اللہ علیہ وآلہٖ وسلم اس کو تناول فرمارہے تھے ، اس درمیان میں ایک تارا ٹوٹا اور تمام فضا آ گ سے بھر گئی ابو طالب گھبرا کر کہنے لگے یہ کیا ہے ، سیّدِ عالَم صلی اللہ علیہ وآلہٖ وسلم نے فرمایا یہ ستارہ ہے ، جس سے شیاطین مارے جاتے ہیں اور یہ قدرتِ الٰہی کی نشانیوں میں سے ہے ، ابو طالب کو اس سے تعجّب ہوا اور یہ سورت نازل ہوئی ۔

اِنْ كُلُّ نَفْسٍ لَّمَّا عَلَیْهَا حَافِظٌ ۟ؕاِنۡ كُلُّ نَفۡسٍ لَّمَّا عَلَيۡهَا حَافِظٌؕ

کوئی جان نہیں جس پر نگہبان نہ ہو (ف۳)

— خزائن العرفان

Tafseer of 86:4

(ف 3) اس کے رب کی طرف سے جو اس کے اعمال کی نگہبانی کرے اور اس کی نیکی بدی سب لکھ لے ، حضرت ابنِ عباس رضی اللہ تعالٰی عنہما نے فرمایا کہ مراد اس سے فرشتے ہیں ۔

فَلْیَنْظُرِ الْاِنْسَانُ مِمَّ خُلِقَ ۟ؕفَلۡيَنۡظُرِ الۡاِنۡسَانُ مِمَّ خُلِقَؕ

تو چاہیے کہ آدمی غور کرے کہ کس چیز سے بنایا گیا (ف۴)

— خزائن العرفان

Tafseer of 86:5

(ف 4) تاکہ وہ جانے کہ اس کا پیدا کرنے والا اس کو بعدِ موت جزا کے لئے زندہ کرنے پر قادر ہے ۔ پس اس کو روزِجزا کے لئے عمل کرنا چاہئے ۔

خُلِقَ مِنْ مَّآءٍ دَافِقٍ ۟ۙخُلِقَ مِنۡ مَّآءٍ دَافِقٍۙ

جَسْت کرتے(اُچھلتے ہوئے)پانی سے (ف۵)

— خزائن العرفان

Tafseer of 86:6

(ف 5) یعنی مرد و عورت کے نطفوں سے ، جو رحم میں مل کر ایک ہوجاتے ہیں ۔

یَّخْرُجُ مِنْ بَیْنِ الصُّلْبِ وَالتَّرَآىِٕبِ ۟ؕيَّخۡرُجُ مِنۡۢ بَيۡنِ الصُّلۡبِ وَالتَّرَآئِبِؕ

جو نکلتا ہے پیٹھ اور سینوں کے بیچ سے(ف۶)

— خزائن العرفان

Tafseer of 86:7

(ف 6) یعنی مرد کی پشت سے اور عورت کے سینہ کے مقام سے ۔ حضرت ابنِ عباس نے فرمایا سینہ کے اس مقام سے جہاں ہار پہنا جاتا ہے اورانہیں سے منقول ہے کہ عورت کی دونوں چھاتیوں کے درمیان سے ، یہ بھی کہا گیا ہے کہ منی انسان کے تمام اعضاء سے برآمد ہوتی ہے اور اس کا زیادہ حصّہ دماغ سے مرد کی پشت میں آتا ہے اورعورت کے بدن کے اگلے حصّہ کی بہت سی رگوں میں جوسینہ کے مقام پر ہیں نازل ہوتا ہے ، اسی لئے ان دونوں مقاموں کا ذکر خصوصیّت سے فرمایا گیا ۔

اِنَّهٗ عَلٰی رَجْعِهٖ لَقَادِرٌ ۟ؕاِنَّهٗ عَلٰى رَجۡعِهٖ لَقَادِرٌؕ

بے شک اللّٰہ اس کے واپس کردینے پر (ف۷)قادر ہے

— خزائن العرفان

Tafseer of 86:8

(ف 7) یعنی موت کے بعد زندگی کی طرف لوٹا دینے پر ۔

یَوْمَ تُبْلَی السَّرَآىِٕرُ ۟ۙيَوۡمَ تُبۡلَى السَّرَآئِرُۙ‏

جس دن چُھپی باتوں کی جانچ ہوگی(ف۸)

— خزائن العرفان

Tafseer of 86:9

(ف 8) چُھپی باتوں سے مراد عقائد اورنیّتیں اور وہ اعمال ہیں جن کو آدمی چُھپاتا ہے ، روزِ قیامت اللہ تعالٰی ان سب کو ظاہر کردے گا ۔

فَمَا لَهٗ مِنْ قُوَّةٍ وَّلَا نَاصِرٍ ۟ؕفَمَا لَهٗ مِنۡ قُوَّةٍ وَّلَا نَاصِرٍؕ

تو آدمی کے پاس نہ کچھ زور ہوگانہ کوئی مددگار (ف۹)

— خزائن العرفان

Tafseer of 86:10

(ف 9) یعنی جوآدمی منکِرِ بعث ہے ، نہ اس کو ایسی قوّت ہوگی جس سے عذاب کو روک سکے ، نہ اس کا کوئی ایسا مددگار ہوگا جو اسے بچاسکے ۔

وَالسَّمَآءِ ذَاتِ الرَّجْعِ ۟ۙوَالسَّمَآءِ ذَاتِ الرَّجۡعِۙ‏

آسمان کی قسم جس سے مینہ اترتا ہے (ف۱۰)

— خزائن العرفان

Tafseer of 86:11

(ف 10) جو ارضی پیداوار نبات و اشجار کے لئے ، مثل باپ کے ہے ۔

وَالْاَرْضِ ذَاتِ الصَّدْعِ ۟ۙوَالۡاَرۡضِ ذَاتِ الصَّدۡعِۙ

اور زمین کی جو اس سے کِھلتی ہے (ف۱۱)

— خزائن العرفان

Tafseer of 86:12

(ف 11) اور نباتات کے لئے ، مثل ماں کے ہے اور یہ دونوں اللہ تعالٰی کی عجیب نعمتیں ہیں اور ان میں قدرتِ الٰہی کے بے شمار آثار نمودار ہیں جن میں غور کرنے سے آدمی کو بعث بعد الموت کے بہت سے دلائل ملتے ہیں ۔

اِنَّهٗ لَقَوْلٌ فَصْلٌ ۟ۙاِنَّهٗ لَقَوۡلٌ فَصۡلٌۙ

بے شک قرآن ضرور فیصلہ کی بات ہے (ف۱۲)

— خزائن العرفان

Tafseer of 86:13

(ف 12) کہ حق وباطل میں فرق و امتیاز کردیتا ہے ۔

وَّمَا هُوَ بِالْهَزْلِ ۟ؕوَّمَا هُوَ بِالۡهَزۡلِؕ

اور کوئی ہنسی کی بات نہیں(ف۱۳)

— خزائن العرفان

Tafseer of 86:14

(ف 13) جو نکمی اور بے کار ہو ۔

اِنَّهُمْ یَكِیْدُوْنَ كَیْدًا ۟ۙاِنَّهُمۡ يَكِيۡدُوۡنَ كَيۡدًا

بے شک کافر اپنا سا داؤں چلتے ہیں (ف۱۴)

— خزائن العرفان

Tafseer of 86:15

(ف 14) اور دِینِ الٰہی کے مٹانے اور نورِ حق کو بجھانے اور سیّدِ عالَم صلی اللہ علیہ وآلہٖ وسلم کو ایذا پہنچانے کے لئے طرح طرح کے داؤں کرتے ہیں ۔

وَّاَكِیْدُ كَیْدًا ۟ۚۖوَّاَكِيۡدُ كَيۡدًا

اور میں اپنی خفیہ تدبیر فرماتا ہوں (ف۱۵)

— خزائن العرفان

Tafseer of 86:16

(ف 15) جس کی انہیں خبر نہیں ۔

فَمَهِّلِ الْكٰفِرِیْنَ اَمْهِلْهُمْ رُوَیْدًا ۟۠فَمَهِّلِ الۡكٰفِرِيۡنَ اَمۡهِلۡهُمۡ رُوَيۡدًا

تو تم کافروں کو ڈھیل دو (ف۱۶) انہیں کچھ تھوڑی مہلت دو(ف۱۷)

— خزائن العرفان

Tafseer of 86:17

(ف 16) اے سیّدِ انبیاء صلی اللہ علیہ وآلہٖ وسلم ۔

(ف 17) چند روز کہ وہ عنقریب ہلاک کئے جائیں گے چنانچہ ایسا ہی ہوا اور بدر میں انہیں عذابِ الٰہی نے پکڑا ۔ ( وَنُسِخَ الْاِمْہَالُ بِآیَۃِ السَّیْفِ)