53. Surah An-Najm

ترکیب :۔ اعندہ : الجملۃ المفعول الثانی لرایت بمعنی اخبرت۔ ان لا تزر : ان مخفۃ وضمیر الشان، اسمھا محذوف ای انہ لا تزر والجملۃ المنفیۃ فی محل الجر علی انھا بدل مما فی صحف موسی۔ تفسیر :۔ نیکوں کا بیان کر کے ان مقابلے میں بعض بدوں کا حال بیان فرماتا ہے کہ ایسے بھی بدکار ہوتے ہیں۔ فقال : افرایت الذی تولی۔ کہ اے محمد ! تو نے ایسے لوگ بھی دیکھے کہ جو ہماری یاد سے منہ پھیرتے ہیں اور کچھ تھوڑسا سا دے کر دل کو سکیڑ لیتے ہیں کیا ان کو علم غیب ہے کہ یہ مال ان کے پاس ہمیشہ رہے گا اور ان کو کسی سے حاجت نہیں ہوگی۔ قرآن مجید میں ان طریقوں سے انسانی طبائع کے جزر و مد اور اخیر و شر میں اس کے جذبات بتلائے جاتے ہیں اس میں تعمیم ہے جس کا ایسا حال ہوا اور یہی تعمیم منصب وعظ کے لیے مناسب ہے مگر اس کی تعمیم میں کہیں کسی شخص خاص کی طرف بھی اشارہ ہوتا ہے جس کو بطور نمونہ کے پیش کیا ہے۔ اس لیے مفسرین کہتے ہیں اس الذی سے ولید بن مغیرہ کی طرف اشارہ ہوتا ہے جو اسلام لا کر خیرات کرنے لگا تھا۔ پھر کسی کے عار دلانے سے پھر گیا اور ہاتھ روک لیا۔ اب اس کو پہلے انبیاء کے صحیفوں یعنی کتابوں کے مضامین یاد دلا کر سمجھایا جاتا ہے۔ فقال : ام لم ینبا بما فی صحف موسی۔ وابراھیم کہ موسیٰ اور ابراہیم وفا دار بندے کے صحیفوں میں کیا لکھا ہوا تھا۔ معلوم نہیں ؟ صحف موسیٰ توریت یا اور ان کی بعض مفقود شدہ کتابیں۔ اسی طرح ابراہیم (علیہ السلام) پر بھی کچھ صحیفے نازل ہوئے تھے، جواب بالکل مفقود ہیں۔ ان صحیفوں کی پہلی بات :۔ الا تزر کہ کوئی کسی کا بوجھ یعنی گناہ نہیں اٹھائے گا۔ یعنی کرے کوئی بھرے کوئی۔ کسی کے گناہ میں قیامت کو دوسرا نہیں پکڑا جائے گا۔ اس کے کہنے سے کہ تو گناہ کرلے اور تیرا گناہ مجھ پر، یہ بری نہ ہوگا۔ و ان لیس الخ۔ انسان کو اپنی کمائی یعنی اعمال کا پھل ملتا ہے کرایہ کے لوگوں کے اعمال اس کو نفع نہ دیں گے یعنی گناہ سے ڈرنا چاہیے اور نیکی میں آپ کو کوشش کرنی چاہیے۔ 1؎ اس سے یہ غرض نہیں کہ ایماندار کو اس کے ایمان کی برکت اور اس کی کوشش سے اس کو آخرت میں کسی کی شفاعت سے نفع نہ ہوگا یا اس کے لیے کسی کی دعا فائدہ مند ہوگی یا مرنے کے بعد کسی کے لیے صدقات و اعمال صالحہ کی برکت سے جو اس کے لیے دعا و صلہ ہے نفع نہ ہوگا جیسا کہ معتزلہ اور دیگر لوگوں نے سمجھ لیا ہے۔ 3 ۔ و ان سعیہ الخ۔ انسان کی کوشش رائیگاں نہ جائے گی۔ اگر یہ خود اس کے رائگاں کرنے کا کام نہ کرے گا ورنہ عمل حبط بھی ہوجاتے ہیں۔ 4 ۔ اس کو اپنے اعمال کا پورا بدلہ ملے گا۔ 5 ۔ خدا کے پاس ہر ایک کو جانا ہے۔ 6 ۔ یہ کہ خوشی و غم خدا ہی کی طرف سے ہے۔ 7 ۔ مارنا جلانا بھی اسی کے ہاتھ ہے۔ 8 ۔ نر و مادہ اسی نے بنائے ہیں قطرہ منی سے۔ 9 ۔ وہی مارنے کے بعد بار دیگر حشر میں زندہ کرے گا۔ 10 ۔ وہی فراغ دستی و تنگ دستی دیتا ہے۔ 11 ۔ یہ نہ ستاروں کی تاثیر ہے نہ اور کوئی تدبیر کس لیے کہ وہ شعری 2؎ یعنی ستاروں کا بھی مالک ہے۔ 12 ۔ اور یہ نہ سمجھنا چاہیے کہ دنیا میں اعمال بد کا ثمرہ نہیں ملتا کس لیے کہ اس نے قوم عاد 3؎ وثمود اور نوح کی قوم کو غارت کردیا کسی کو باقی نہ چھوڑا کیوں کہ وہ ظالم اور سرکش تھے۔ یہ بارہ باتیں ہوئیں جو اس کی سعادت کے لیے نہایت نافع ہیں۔ توحید و توکل و اعتقاد صحیح اور نیکی میں کوشش کرنے اور بدی سے بچنے کی بابت اور برے اعمال کے بد نتیجے کے پیش آنے بابت۔ انہ، انہ کو جمہور نے بالفتح پڑھا ہے سب کا عطف لفظ ما پر ہے جس سے لازم ہوگا کہ سب موسیٰ اور ابراہیم کے صحیفوں کی باتیں ہیں۔ ؎1 عیسائیوں کے عقیدہ کفار نے ان دونوں باتوں سے ان کو غافل کردیا اور انسان کو بےقید بنا دیا۔ 1؎ شعری ایک ستارہ ہے جو گرمی کے موسم میں جوزا کے بعد نکلتا ہے۔ یہ دو ہیں ایک نہایت روشن ہے اس کو عبور کہتے ہیں۔ دوسرا اس سے کم اس کو غمیصا کہتے ہیں۔ بہت لوگ ان کو پوجتے تھے من جملہ ان کے عرب میں جس نے اس کی پستش اول اختیار کی وہ آنحضرت ﷺ کے ننھیال میں سے ایک شخص ابن ابی کبشہ نامی تھا۔ اور ستارے عرض میں آسمان کو قطع کرتے ہیں مگر یہ طول میں۔ اس لیے سب کے خلاف اس نے یہ بات نکالی تھی اس لیے اوب سفیان مخالفت عرب کی وجہ سے آنحضرت صلی کو ابن ابی کبشہ کہا کرتا تھا۔

ترکیب : الموتفکۃ منصوب 1؎ ضربۃ، فبای الحاء متعلق تتماری۔ من دون باھوی الائتکاف الانقلاب تقول افکۃ اذا قلبتہ الموتفکۃ المنقلبۃ ما غشی مفعول ثان ویحتمل ان یکون فاعلا یقال ضربہ من زائدۃ تقدیر لیس لھا غیر اللہ کاشفۃ ھی صفۃ المونث ای نفس کاشفۃ وقیل التاء للمبالغة تفسیر : فرماتا ہے کہ قوم عاد وثمود و قوم نوح پر کیا موقوف ہے ان کے بعد الٹی ہوئی بستیوں کو بھی جو قوم لوط کی بستیاں تھیں سدوم وغیرہ حضرت ابراہیم (علیہ السلام) کے عہد میں ان کو اس قوم کی بدکاری پر الٹ دیا۔ جو اے قریش ! جو شام کے سفر میں آتے جاتے تم کو ان کے آثار دکھائی دیتے ہیں۔ ان بستیوں کو ڈھانک لیا اس چیز نے کہ ڈھانک لیا تھا۔ اس ڈھانکنے والی چیز کے ابہام میں ہول دلانا مقصود ہے وہ کیا چیز تھی ؟ پتھر تھے جو ان پر برسے اور ممکن ہے کہ جمیع الامم کی طرف ضمیر راجع ہو اور ڈھانکے والی چیز قہر الٰہی اور اس کا عذاب شدید تھا جو ان پر ہر طرف سے محیط ہو رہا تھا۔ پھر ان دلائل کے بعد فرماتا ہے :۔ فبای الاء ربک تتماری۔ کہ انسان تو خدا کی کس کس نعمت میں جھگڑا کرے گا اس کی ہر ایک نعمت اس کی توحید پر برہان قاطع ہے۔ کس کس کو غیر کی طرف منسوب کرے گا اور غیر کو اس میں شریک کرنا ان نعمتوں میں جھگڑا کرنا ہے۔ توحید کے بعد پھر رسالت کے مسئلہ کو سورت کے خاتمہ ذکر کرتا ہے فقال : ھذا نذیر من النذر الاولی۔ کہ جس طرح اول نذیر یعنی ڈر سنانے والے انبیاء کرام (علیہم السلام) بھیجے گئے ہیں، حضرت ہود، صالح، نوح، ابراہیم، لوط اور موسیٰ (علیہم السلام) انہی میں سے ایک یہ بھی ہیں : محمد صلی اللہ علیہم وسلم۔ یہ کوئی نئی بات نہیں جس سے تم انکار کرتے ہو۔ اس کے بعد تیسرے مسئلہ حشر کو ذکر کرتا ہے : ازفت الازفۃ کہ قیامت (جس کا نام ہے آزفہ یعنی قریب آنے والی ہے) قریب آ لگی آنے والی چیز کو گنتی ہی دور ہو، مگر آنا بہ فانا قریب قریب ہوتی جاتی ہے۔ اس پر شاید منکر یہ کہتے ہوں کہ وہ کب آئے گی ؟ اس کا جواب دیتا ہے۔ لیس لھا من دون اللہ کاشفۃ کہ اس کو اللہ کے سوا کوئی ظاہر نہیں کرسکتا کہ وہ کب ہوگی ؟ قیامت کا وقت خدا تعالیٰ نے اس مصلحت سے مخفی رکھا ہے کہ اگر اس کا وقت بتا دیا جاتا تو اس وقت کو دور دراز سمجھ کر لوگ غافل ہوجاتے اب جو ابہام ہے تو ایماندار کو ہر وقت خوف لگا رہتا ہے اور سمجھتا ہے کہ اس سے پہلے جو کچھ کرنا ہے کرلینا چاہیے پھر مہلت کہاں ؟ اور کی قیامت اس کی موت ہے جس میں کسی کو بھی شبہ نہیں اور اس کا بھی وقت معلوم نہیں مگر اس پر بھی غفلت ہے۔ افمن ھذا الحدیث تعجبون۔ و تضحکون و لا تبکون۔ کہ کیا تم قیامت کے دن سے تعجب کرتے ہو کہ بھلا یہ عالم جو ہزاروں برسوں سے ہے فنا ہوجائے گا ؟ اور جو دہریت و فلسفہ کی غلاظت میں آلودہ ہیں وہ تو اس پر ہنستے ہیں اور روتے نہیں حالانکہ اس مصیبت کے وقت کو سن کر رونا چاہیے۔ وانتم سمدون۔ تم بھول اور غفلت میں پڑے ہوئے ہو۔ سمود : غفلت و سہو۔ غفلت کی یہ حالت ہے کہ جہاں چند روز رہنا ہے وہاں کے لیے رات دن ان تدابیر جائز و ناجائز میں گرفتار ہے کہ دوسرے کا ہوش نہیں کہ کہیں جانا بھی ہے اور عمر ہے کہ اپنے منازل بڑی سرعت کے ساتھ طے کر رہی ادھر لذات و شہوات کا وہ نشہ چڑھا ہوا ہے کہ بےہوشی اسی طرف سے طاری ہو رہی ہے۔ اس لیے اس عالم جاودانی کا توشہ جمع کرنے کے لیے ایمانداروں کو حکم دیتا ہے اور اسی پر سورت کو تمام کرتا ہے فقال : فاسجدو للہ : کہ اللہ کو سجدہ کرو۔ عام ہے کہ صرف سجدہ کرو یا نماز پڑھو کہ اس میں سجدہ بھی ہے اور سجدہ بندے کا خدا سے پور نیاز مندی کا اظہار ہے اور سجدہ نماز ہی پر موقوف نہیں بلکہ واعبدوا اس کی ہر طرح سے عبادت کرو تسبیح و تہلیل و استغفار و ذکر و مراقبہ خیرات و صدقات سب کو شامل ہے۔ مسائل ثلاثہ کو ثابت کر کے سورت کو کس موقع پر تمام کیا ہے