58. Surah Al-Mujaadila

1۔ ابن ابی حاتم نے سدی (رح) سے روایت کیا آیت الم تر الی الذین تولوا کیا آپ نے ان لوگوں کو نہیں دیکھا جو ایسے لوگوں سے دوستی کرتے ہیں جن کے بارے میں ہم کو یہ بات پہنچی ہے کہ یہ آیت عبداللہ بن نبتل کے بارے میں نازل ہوئی اور منافقین میں سے تھا۔ 2۔ ابن المنذر نے ابن جریج (رح) سے روایت کیا کہ آیت الم تر الی الذین تولوا قوما غضب اللہ علیہم۔ کیا آپ نے ان لوگوں کو نہیں دیکھا جو ایسے لوگوں سے دوستی کرتے ہیں جن پر اللہ کا غضب ہوا اور وہ یہودی اور منافق ہیں اور وہ جھوٹی قسمیں کھاتے ہیں اور وہ اپنی قسموں کے ذریعے یہ بتاتے ہیں کہ وہ لوگ تم میں سے ہیں۔ 3۔ عبد بن حمید نے قتادہ (رح) سے آیت الم تر الی الذین تولوا قوما کے بارے میں روایت کیا کہ وہ منافقین ہیں جو یہودیوں سے دوستی لگاتے ہیں یوم یبعثہم اللہ۔ جس دن اللہ تعالیٰ ان کو اٹھائیں گے الایۃ۔ یعنی منافقین قیامت کے دن اپنے رب کے سامنے اس طرح قسمیں کھائیں گے جیسے وہ اپنے دوستوں سے دنیا میں قسمیں کھاتے تھے۔ شیطان کی آنکھ سے دیکھنے والا 4۔ احمد والبزار والطبرانی وابن المنذر وابن ابی حاتم وابن مردویہ والحاکم وصححہ و بیہقی نے دلائل میں ابن عباس ؓ سے روایت کیا کہ رسول اللہ ﷺ نے اپنے حجروں میں سے ایک حجرے کے سائے میں تشریف فرما تھے۔ اور آپ کے پاس مسلمانوں کی ایک جماعت بیٹھی ہوئی تھی۔ آپ نے فرمایا عنقریب تمہارے پاس ایک ایسا انسان آئے گا وہ تمہاری طرف شیطان کی آنکھ سے دیکھے گا جب وہ تمہارے پاس آئے تو اس سے بات نہ کرنا۔ تھوڑی دیر گزری تھی کہ ان پر نیلی آنکھوں والا کانا آدمی نمودار ہوا۔ آپ نے جب اس کو دیکھا تو فرمایا تو اور تیرے ساتھی مجھے کیوں گالیاں دیتے ہو پھر آپ نے فرمایا مجھے چھوڑ تو ان کو لے کر آ، وہ گیا اور ان کو بلا کرلے آیا انہوں نے جھوٹی قسمیں کھائیں اور معذرت کرلی تو اللہ تعالیٰ نے یہ اور اس کے بعد والی آیت نازل فرمائی یوم یبعثہم اللہ جمیعا فیحلفون لہ کما یحلفون لکم۔ جس دن اللہ تعالیٰ ان سب کو اٹھائے گا تو وہ اس کے لیے قسمیں کھائیں گے جیسے تمہارے لیے قسمیں کھاتے ہیں۔

1۔ ابو داوٗد والنسائی والحاکم وصححہ وابن مردوی نے ابوداوٗد ؓ سے روایت کیا کہ میں نے رسول اللہ ﷺ کو یہ فرماتے ہوئے سنا کہ کسی گاؤں یا کسی جنگل میں تین آدمی ہوں اور ان میں نماز باجماعت کا اہتمام نہ کیا جاتا ہو۔ تو ان پر شیطان تسلط جمالیتا ہے۔ اس لیے جماعت کو لازم پکڑو کیونکہ بھیڑیا دور رہ جانے والی علیحدہ رہ جانے والی بکری کو کھاجا تا ہے۔

2۔ عبد بن حمید وابن المنذر نے قتادہ (رح) سے روایت کیا کہ آیت کتب اللہ لاغلبن انا ورسلی اللہ تعالیٰ نے لوح محفوظ میں کھ دیا ہے کہ میں اور میرے پیغمبر آخر کار غالب رہیں گے۔ یعنی اللہ تعالیٰ نے جو تحریر لکھ دی ہے وہ اسے ضرور پورا کرے گا۔ بدر کی لڑائی میں ایمانی غیرت کا واقعہ۔ 3۔ ابن ابی حاتم والطبرانی والحاکم وابو نعیم فی الحلیۃ والبیہقی فی سننہ وابن عساکر نے عبداللہ بن شوذب (رح) سے روایت کیا کہ ابوعبیدہ بن جراح ؓ کے والد ابو عبیدہ کو بدر کی لڑائی کے دن چیلنج کرتے رہے لیکن حضرت عبیدہ اس سے بچتے رہے لیکن جب ان کی طرف سے بار بار بکثرت ایسا ہوتا رہا تو ابوعبیدہ نے ان کو قتل کردیا تو یہ آیت نازل ہوئی۔ آیت لاتجد قوما یومنون باللہ۔ الایۃ۔ 4۔ ابن المنذر نے ابن جریج (رح) سے روایت کیا کہ یہ بات بیان کی گئی کہ ابو قحافہ نے نبی ﷺ کو گالی دی۔ تو ابوبکر ؓ نے اسے زور سے ایک تھپڑ رسید کیا تو وہ گرپڑے۔ یہ بات نبی ﷺ کو بتائی گئی۔ تو آپ نے فرمایا اے ابوبکر کیا تو نے ایسا کیا۔ انہوں نے کہا اللہ کی قسم ! اگر تلوار میرے قریب ہوتی تو میں اس کو ماردیتا۔ تو یہ آیت لاتجد قوما نازل ہوئی۔ 5۔ ابن مردویہ نے کثیر بن عطیہ رحمہا للہ سے اور انہوں نے ایک آدمی سے روایت کیا کہ رسول اللہ ﷺ نے فرمایا یعنی یہ دعا فرمائی۔ اللہم لاتجعل لفاجر ولا لفاسق عندی ید ولا نعمۃ فانی وجدت فیہا او حیتہ الی۔ اے اللہ کسی فاجر اور کسی فاسق کے لیے میرے پاس کوئی احسان اور نیکی نہ رکھ۔ کہ میں ان کو اس طرح پاتا ہوں جیسا کہ آپ نے ان کے بارے میں میری طرف وحی فرمائی ہے۔

6۔ آیت لاتجد قوما یومنون باللہ والیوم الاخر یوادون من حاد اللہ ورسولہ۔ جو لوگ اللہ پر اور روز قیامت پر ایمان رکھتے ہیں آپ ان کو نہیں دیکھیں گے کہ وہ ایسے لوگوں سے دوستی کرتے ہیں ج واللہ اور اس کے رسول کے مخالف ہیں۔ سفیان نے کہا کہ وہ یہ خیال کرتے ہیں کہ یہ آیت ان لوگوں کے بارے میں نازل ہوئی جو بادشاہ سے میل جول رکھتے ہیں۔ 7۔ ابن ابی شیبہ والحکیم والترمذی فی نوادر الاصول وابن ابی حاتم نے ابن عباس ؓ سے روایت کیا کہ انہوں نے فرمایا اللہ کی رضا کے لیے محبت کر، اللہ کی رضا کے لیے بغض رکھ۔ اللہ کی رضا کے لیے دشمنی رکھ۔ اور اللہ کی رضا کے لیے دوستی قائم کر۔ کیونکہ اللہ تعالیٰ کی دوستی اور ولایت اسی سے حاصل کی جاسکتی ہے۔ پھر یہ آیت پڑھی۔ لا تجد قوم یومنون باللہ والیوم الاٰخر یوادون من حاد اللہ ورسولہ۔ الاٰیۃ۔ اللہ کے لیے دوستی اور دشمنی 8۔ ابونعیم نے الحلیہ میں ابن مسعود ؓ سے روایت کیا کہ رسول اللہ ﷺ نے فرمایا : اللہ تعالیٰ نے انبیاء میں سے ایک نبی کی طرف وحی بھیجی۔ کہ فلاں عابد سے کہہ دو کہ دنیا میں تیرا زہد یہ ہے کہ تو نے اپنے نفس کی راحت و آرام کو جلدی پالیا اور دنیا میں تیرا انقطاع یعنی دنیا سے کٹ کر میری طرف متوجہ ہونا۔ یہ ہے کہ تو نے میرے ساتھ فخر کیا۔ اور قوت حاصل کی۔ پس اس بارے میں تو نے کونسا عمل کیا تو میرے لیے تجھ پر لازم ہے۔ فرمایا کیا تو نے میرے لیے کسی دوست سے دوستی کی یا تو نے میرے لیے کسی دشمن سے دشمنی کی۔ 9۔ الحکیم الترمذی نے واثلہ بن اسقع ؓ سے روایت کیا کہ رسول اللہ ﷺ نے فرمایا قیامت کے دن اللہ تعالیٰ ایک بندے کو اٹھائیں گے کہ اس کا گناہ نہ ہوگا۔ تو اس سے فرمائیں گے دو کاموں میں سے کون سا کام تجھے محبوب ہے ؟ کہ میں تجھ کو بدلہ دوں تیرے عمل کا اور جزاء عطا کروں یا تجھ پر اپنے احسان اور مہربانی کے ساتھ تجھے جزاء عطا کروں وہ کہے گا۔ اے میرے رب ! تو جانتا ہے کہ میں نے تیری نافرمانی نہیں کی۔ پھر فرمائیں گے میرے بندے کو میری نعمتوں میں سے ایک نعمت کے بدلے میں پکڑ لو تو اس کی ایک نیکی بھی باقی نہیں بچے گی۔ مگر یہ کہ وہ نعمت ان سب کو گھیر لے گی (پھر) وہ بندہ کہے گا اے میرے رب اپنے احسان اور اپنی رحمت کے طفیل مجھے جزاء عطا فرما یعنی جنت عطا فرمائیے پھر اللہ تعالیٰ فرمائیں گے میری مہربانی اور میری رحمت کے ساتھ اپنی ذات میں انتہائی نیکی کرنے والا لایا جائے گا۔ وہ یہ گمان نہیں کرے گا کہ اس کا بھی کوئی گناہ ہے پھر اس سے کہا جائے گا کیا تو نے میرے دوستوں سے دوستی کی تھی۔ تو وہ کہے گا۔ اے میرے رب تو تو لوگوں سے سالم و محفوظ تھا۔ پھر رب کریم فرمائے گا کیا تو نے میرے دشمنوں سے دشمنی کی۔ وہ کہے گا اے میرے رب۔ میں یہ پسند نہیں کرتا تھا کہ میرے اور کسی ایک کے درمیان کوئی عداوت ہو۔ تو اللہ تبارک وتعالیٰ فرمائیں گے میری عزت کی قسم ! میری رحمت نہ پہنچے گی جو میرے دوستوں سے دوستی نہ کرے گا اور میری دشمنوں سے دشمنی نہ کرے گی۔ 10۔ طیالسی وابن ابی شیبہ نے براء بن عازب ؓ سے روایت کیا کہ رسول اللہ ﷺ نے فرمایا خالص اور مضبوط ترین ایمان اللہ کے لیے محبت کرنا اور اللہ کے لیے بغض رکھنا ہے۔ 11۔ دیلمی نے حسن کے طریق سے معاذ ؓ سے روایت کیا کہ رسول اللہ ﷺ نے فرمایا اے اللہ ! کسی فاجر کے لیے میرے پاس کوئی احسان یا کوئی نعمت نہ رکھ کہ میرا دل اس سے محبت کرنے لگے۔ اور میں اس کے بارے میں وہی پاتا ہوں جو تو نے میری طرف وحی کی۔ پھر یہ آیت پڑھی۔ آیت لاتجد قوما یومنون باللہ والیوم الاٰخر یوادون من حاد اللہ ورسولہ۔ جو لوگ اللہ پر اور روز قیامت پر ایمان رکھتے ہیں۔ آپ ان کو نہیں دیکھیں گے کہ وہی ایسے لوگوں سے دوستی کرتے ہوں جو اللہ اور اس کے رسول کے مخالف ہیں۔