Ayah 56:41ثلۃ من الاولین وثلۃ من الاخرین کی تفسیر
40 ۔” وثلۃ من الآخرین “ اس امت کے مومنین میں سے۔ یہ عطاء اور مقاتل رحمہم اللہ کا قول ہے۔ عروۃ بن رویم سے روایت ہے کہ انہوں نے فرمایا جب اللہ تعالیٰ نے اپنے رسول ﷺ پر ” ثلۃ من الاولین وقلیل من الآخرین “ نازل کی تو حضرت عمر ؓ روپڑے اور کہا اے اللہ کے نبی ! ہم اللہ کے رسول پر ایمان لائے اور ہم نے اس کی تصدیق کی اور ہم میں سے کون نجات پائے گا ؟
تو اللہ تعالیٰ نے نازل کیا ” ثلۃ من الاولین وثلۃ من الآخرین “ تو رسول اللہ ﷺ نے حضرت عمر ؓ کو بلایا اور فرمایا تحقیق اللہ تعالیٰ نے اس بارے میں نازل کیا ہے جو تونے کہا تو حضرت عمر ؓ نے فرمایا ہم اپنے رب سے راضی ہوئے اور ہم نے اپنے نبی کریم ﷺ کی تصدیق کی تو رسول اللہ ﷺ نے فرمایا آدم (علیہ السلام) سے ہم تک ایک ” ثلۃ “ ہے اور مجھ سے قیامت تک ایک ” ثلۃ “ ہے اور اس کو مکمل نہیں کریں گے مگر دو سیاہ لوگ اونٹوں کے چرانے والوں میں سے ان میں جنہوں نے لا الہ الا اللہ کہا۔ ابن عباس ؓ سے روایت ہے فرماتے ہیں ہم پر رسول اللہ ﷺ ایک دن نکلے تو فرمایا مجھ پر امتیں پیش کی گئیں تو ایک نبی گزرے اور ان کے ساتھ ایک آدمی تھا اور ایک نبی گزرے اور ان کے ساتھ دو آدمی تھے اور ایک نبی گزرے ان کے ساتھ ایک جماعت تھی اور ایک نبی گزرے ان کے ساتھ کوئی نہ تھا اور میں نے ایک بہت بڑی جماعت دیکھی جس نے افق کو بند کردیا تو میں نے امید کی کہ یہ میری امت ہو تو کہا گیا یہ موسیٰ (علیہ السلام) اپنی کے قوم کے ساتھ ہیں پھر مجھے کہا گیا اب دیکھیں تو میں نے دیکھا ایک بہت بڑی جماعت ہے جس نے افق کو بند کردیا ہے تو مجھے کہا گیا آپ یہ یہ دیکھیں تو میں نے ایک بہت بڑی جماعت دیکھی جس نے افق کو بند کردیا تو کہا گیا یہ آپ (علیہ السلام) کو بلند کردیا تو کہا گیا یہ آپ (علیہ السلام) کی امت ہے اور ان کے ساتھ سترہزار ہیں جو بغیر حساب کے جنت میں داخل ہوں گے۔ پھر لوگ متفرق ہوگئے اور ان کو بیان نہیں کیا گیا پھر نبی کریم ﷺ کے اصحاب نے ایک دن یاد کیا کہنے لگے ہم شرک میں پیدا ہوئے لیکن ہم اللہ اور اس کے رسول ﷺ پر ایمان لے آئے لیکن یہ ہماری اولاد نبی کریم ﷺ کو یہ بات پہنچی تو فرمایا یہ وہ لوگ ہیں جو بدفال نہیں نکالتے اور جھاڑ پھونک نہیں کرتے اور داغ لگاتے اور اپنے رب پر بھروسہ کرتے ہیں تو عکاشہ بن محض کھڑے ہوئے اور فرمایا اور کہا کیا میں ان میں سے ہوں گا یارسول اللہ تو آپ (علیہ السلام) نے فرمایا ہاں تو دوسرے شخص کھڑے ہوئے اور کہا گیا میں ان میں سے ہوں گا ؟
تو آپ (علیہ السلام) نے فرمایا تحقیق آپ سے اس بارے میں عکاشہ ؓ سبقت کرگئے ہیں اور اس کو عبداللہ بن مسعود ؓ نے رسول اللہ ﷺ سے روایت کیا ہے کہ آپ (علیہ السلام) نے فرمایا کہ آج کے دن مجھ پر انبیاء (علیہم السلام) پیش کیے گئے اپنے متبعین کے ساتھ حتیٰ کہ مجھ پر موسیٰ (علیہ السلام) بنی اسرائیل کی بڑی جماعت لے کر آئے جب میں نے ان کو دیکھا تو انہوں نے مجھے تعجب میں ڈال دیا تو میں نے پوچھا اے میرے رب یہ لوگ ؟ کہا گیا یہ آپ (علیہ السلام) کے بھائی موسیٰ (علیہ السلام) اور بنی اسرائیل کے لوگ ہیں تو میں نے کہا اے میرے رب ! پس میری امت کہاں ہے ؟ کہا گیا آپ (علیہ السلام) اپنے دائیں جانب دیکھیں۔ پس اچانک مکہ کے ٹیلے لوگوں کی وجہ سے بند کردیئے گئے تھے۔ کہا گیا یہ آپ (علیہ السلام) کی امت ہے کیا آپ راضی ہیں، میں نے کہا میرے رب میں راضی ہوں، اے میرے رب ! میں راضی ہوں۔ کہا گیا اپنے بائیں جانب دیکھیں۔ پس اچانک افق لوگوں کی وجہ سے بند کردیا گیا۔ یہ آپ (علیہ السلام) کی امت ہے کیا آپ (علیہ السلام) راضی ہیں ؟
میں نے کہا اے میرے رب ! میں راضی ہوں تو کہا گیا ان لوگوں کے ساتھ ستر ہزار جو جنت میں بغیر حساب کے داخل ہوں گے تو اللہ کے نبی نے فرمایا کہ اگر تم طاقت رکھو تو ان ستر ہزار میں سے ہوجائو اور اگر تم عاجز ہوجائو اور کوتاہی کر بیٹھو تو ٹیلوں والوں میں سے ہوجائو اور اگر تم عاجز ہوجائو افق والوں میں سے ہوجائو کیونکہ تحقیق میں نے وہاں لوگوں کو دیکھا ہے کہ بہت بڑی تعداد میں جمع تھے۔ حضرت عبداللہ ؓ سے روایت ہے فرماتے ہیں ہم رسول اللہ ﷺ کے ساتھ ایک خیمہ میں تھے تو آپ (علیہ السلام) نے فرمایا کیا تم راضی ہو کہ تم اہل جنت کا چوتھائی حصہ ہو ؟ ہم نے کہا جی ہاں۔ فرمایا کیا تم راضی ہو کہ تم اہل جنت کا تیسرا حصہ ہو، ہم نے کہا جی ہاں۔ فرمایا قسم اس ذات کی جس کے قبضہ قدرت میں محمد ﷺ کی جان ہے، میں جیسے سفید بال سیاہ بیل کی کھال میں یا سیاہ بال سرخ بیل کی کھال میں اور ایک جماعت اس جانب گئی ہے کہ یہ دونوں ” ثلۃ “ اس امت میں سے ہیں اور یہ ابو العالیہ ، مجاہد اور عطاء بن ابی رباح اور ضحاک رحمہم اللہ کا قول ہے۔ ان حضرات نے کہا ” ثلۃ من الاولین “ اس امت کے سابقین میں سے۔ ” وثلۃ من الآخرین “ اس امت سے آخر زمانہ میں۔ سعید بن جبیر (رح) نے ابن عباس ؓ سے اسی آیت کے بارے میں نقل کیا ہے۔ ” ثلۃ من الاولین وثلۃ من الآخرین “ کہ رسول اللہ ﷺ نے فرمایا : یہ دونوں میری امت میں سے ہیں۔
Ayah 56:4241 ۔” واصحاب الشمال ما اصحاب الشمال۔
Ayah 56:4342 ۔” فی سموم “ گرم ہوا۔ ” وحمیم “ گرم ابلتے ہوئے پانی۔
Ayah 56:4443 ۔” وظل من یحموم “ دھواں سخت سیاہ۔ عرب کہتے ہیں اسود یحموم جب سخت سیاہ ہو اور ضحاک (رح) فرماتے ہیں کہ آگ سیاہ ہے اور اسی کے اہل سیاہ تر اور ہر چیز جس میں سیاہی ہو۔ ابن کیسان (رح) فرماتے ہیں ” الیحموم “ آگ کے ناموں میں سے ایک نام ہے۔
Ayah 56:4544 ۔” لابارد ولا کریم “ قتادہ (رح) فرماتے ہیں نہ ٹھنڈی جگہ اور نہ اچھا منظر ہے اور سعید بن مسیب (رح) فرماتے ہیں کہ نہ معزز ہے اور نہ اچھا۔ اس کی نظیر ” من کل زوج کریم “ ہے اور مقاتل (رح) فرماتے ہیں عمدہ۔
Ayah 56:4645 ۔” انھم کانوا قبل ذلک “ یعنی دنیا میں ” مترفین “ خوش عیش تھے۔
Ayah 56:4746 ۔” وکانوا یصرون “ قائم رہتے تھے۔ ” علی الحنث العظیم “ کبیرہ گناہ پر اور وہ شرک ہے۔ شعبی (رح) فرماتے ہیں ” الذنب العظیم “ جھوٹی قسم ” یمین غموس “ ہے اور اس کا معنی یہ ہے کہ وہ قسمیں کھاتے تھے کہ وہ نہیں اٹھائے جائیں گے اور اس میں انہوں نے جھوٹ بولا۔
Ayahs 56:48–5547 ۔” وکانوا یقولون ائذامتنا وکنا ترابا وعظاماء انا لمبعوثون “ ابو جعفر، نافع اور یعقوب رحمہم اللہ نے ” ائذا “ استفہام کے ذریعے پڑھا ہے۔ ” انا “ استفہام کو چھوڑ کر اور دیگر حضرات نے دونوں میں استفہام کے ساتھ پڑھا ہے۔
Ayah 56:5655 ۔” فشاربون شرب الھیم “ اہل مدینہ اور عاصم اور حمزہ نے ” شرب “ شین کے پیش کے ساتھ پڑھا ہے اور باقی حضرات نے شین کے زبر کے ساتھ پڑھا ہے اور یہ دونوں لغتیں ہیں۔ پس فتح مصدر کی بناء پر اور پیش اسم کی بناء پر جو مصدر کے معنی میں ہے۔ جیسے ضعف ” والھیم “ پیاسے اونٹ۔ عکرمہ اور قتادہ رحمہما اللہ فرماتے ہیں ” الھیام “ بیماری ہے جو اونٹ کو لگتی ہے جس کی وجہ سے وہ سیر نہیں ہوتا اور پانی پیتے پیتے مرجاتا ہے۔ کہا جاتا ہے ” جمل اھیم “ اور ناقۃ ھیمائ “ اور ” الابل ھیم “ اور ضحاک اور ابن عینیہ (رح) فرماتے ہیں ” الھیم “ نرم زمین ریت والی۔
Ayah 56:5756 ۔” ھذا نزلھم “ یعنی جو زقوم اور حمیم ذکر کیا گیا ہے یعنی ان کا رزق اور ان کی غذا ہوگا۔ ” یوم الدین “ جس دن ان کو ان کے اعمال کا بدلہ دیا جائے گا پھر ان بعث میں حجت ذکر کی۔
Ayah 56:5857 ۔” نحن خلقنا کم “ مقاتل (رح) فرماتے ہیں ہم نے تمہیں پیدا کیا اور تم کچھ بھی نہ تھے اور تم اس کو جانتے ہو۔ ” فلولا “ پس کیوں نہیں۔ ” تصدقون “ بعث کی۔
Ayah 56:5958 ۔” افرایتم ما تمنون “ رحموں میں ٹپکاتے ہو نطفوں سے۔
Ayah 56:6059 ۔” ء انتم تخلقونہ “ یعنی جو تم منی ڈالتے ہو کیا تم اس کو انسان بناتے ہو۔ ” ام نحن الخالقون “۔
Ayah 56:6160 ۔” نحن قدرنا “ ابن کثیر (رح) نے دال کی تخفیف کے ساتھ پڑھا ہے اور باقی حضرات نے اس کی شد کے ساتھ اور یہ دو لغتیں ہیں۔ ” بینکم الموت “ مقاتل (رح) فرماتے ہیں پس تم میں سے بعض وہ ہیں جو بڑھاپے کو پہنچتے ہیں اور بعض وہ ہیں جو بچپن یا جوانی میں مرجاتے ہیں۔
اور ضحاک (رح) فرماتے ہیں اس کی تقدیر یہ ہے کہ اس نے اہل آسمان اور اہل زمین کو اس میں برابر کردیا ہے۔ اس تفصیل پر ” قدرنا “ کا معنی قفینا ہوگا۔ ” ومانحن بمسبوقین “ مغلوب عاجز تمہارے ہلاک کرنے سے تمہاری مثل کے ساتھ تمہیں بدلنے سے۔
Ayah 56:6261 ۔ پس یہ اللہ تعالیٰ کا قول ہے ” علی ان نبدل امثالکم “ یعنی ہم لائیں مخلوق تمہاری مثل تمہارے بدلہ میں۔ ” وننشئکم “ ہم تمہیں پیدا کریں۔ ” فیما لاتعلمون “ صورتوں میں سے۔ مجاہد (رح) فرماتے ہیں جس مخلوق میں ہم چاہیں اور حسن (رح) فرماتے ہیں یعنی ہم تمہاری صفات کو تبدیل کردیں پس تمہیں بندروخنزیر بنادیں۔ جیسا کہ ہم نے تم سے پہلے لوگوں کے ساتھ کیا۔ یعنی اگر ہم ارادہ کریں کہ ہم یہ کریں تو یہ ہم سے نہ چھوٹے گا اور سعید بن مسیب (رح) فرماتے ہیں ” فیما لا تعلمون “ یعنی سیاہ پرندوں کے گھونسلوں میں جو برھوت یمن کی ایک وادی میں ہوتے ہیں۔ گویا کہ وہ درندوں کے چنگل میں۔
Ayah 56:6362 ۔” ولقد علمتم انلشاۃ الاولیٰ “ پہلی تخلیق جب تم کچھ نہ تھے۔ ” فلولا تذکرون “ کہ میں قادر ہوں تمہارے لوٹانے پر جیسا کہ میں تمہارے دشمنوں پر قادر تھا۔
Ayah 56:6463 ۔” افرایتم ما تحرثون “ یعنی زمین میں بیج ڈالتے ہو۔
Ayah 56:6564 ۔” ء انتم تزرعونہ “ تم اس کو اگاتے ہو۔ ” ام نحن الزارعون “ اگانے والے ہیں۔
Ayah 56:6665 ۔” لونشاء لجعلناہ حطاما “ عطاء (رح) فرماتے ہیں بوسہ جس میں کوئی دانہ نہ ہو اور کہا گیا ہے ٹکڑے ٹکڑے جس سے کھانے اور غذاء میں نفع نہ حاصل کیا جاسکے۔ ” فظلتم “ اس کی اصل ” فظلتم “ ہے دو لاموں میں سے ایک کو تخفیف کے لئے حذف کردیا گیا۔ ” تفکھون “ ہم تعجب کرتے اس سے جو تمہاری کھیتی میں اترا اور یہ عطاء قلبی اور مقاتل رحمہم اللہ کا قوت ہے اور کہا گیا ہے تم اپنے نفقات پر شرمندہ ہوتے ہو اور یہ یمان کا قول ہے اس کی نظیر ” فاصبح یقلب کفیہ علی ما انفق فیھا “ ہے اور حسن (رح) فرماتے ہیں تم اس معصیت پر شرمندہ ہوتے ہو جو تم سے پہلے ہوچکی جس نے یہ سزا واجب کی اور عکرمہ (رح) فرماتے ہیں تم ایک دوسرے کو ملامت کرتے ہو اور ابن کیسان (رح) فرماتے ہیں تم غم کرتے ہو اور کسائی (رح) فرماتے ہیں وہ فوت ہوجانے والی چیز پر افسوس کرنا ہے اور یہ اضداد میں سے ہے۔ عرب کہتے ہیں ” تفکھت “ یعنی میں نعمتوں میں ہوں اور ” تفکھت “ یعنی میں غمگین ہوں۔
Ayah 56:6766 ۔” انا لمغرمون “ ابوبکر نے عاصم سے ” ائنا “ دو ہمزوں کے ساتھ پڑھا ہے اور دیگر حضرات نے خبر پر پڑھا ہے اور آیت کا مجاز ہے۔ ” فظلتم تفکھون “ اور تم کہنے لگے ” انا لمغرمون “ اور مجاہد اور عکرمہ رحمہما اللہ فرماتے ہیں ہم پر مصیبت آپڑی ہے اور ابن عباس ؓ اور قتادہ (رح) نے فرمایا ہے ” معذبون “ ہم عذاب دیئے گئے ہیں اور الغرام بمعنی عذاب اور ضحاک اور ابن کیسان رحمہما اللہ فرماتے ہیں ہم نے اپنے اموال کا تاوان دیا ہے اور جو ہم نے خرچ کیا ہے وہ ہم پر تاوان ہوگیا ہے اور مغرم وہ شخص جس کا مال بغیر عوض کے چلا گیا ہو۔
Ayahs 56:68–6967 ۔” بل نحن محرومون “ یعنی ہم اس سے محروم کیے گئے جو ہم کاشت میں غلہ تلاش کرتے تھے۔
Ayah 56:70ء انتم انزلتموہ من المزن “ بادلوں سے اس کا واحد ” مزنۃ “ ہے۔ ” ام نحن المنزلون۔
Ayah 56:71لو نشاء جعلناہ اجاجا “ ابن عباس ؓ فرماتے ہیں سخت نمکین۔ حسن (رح) فرماتے ہیں کڑوا۔ ” فلو لا تشکرون “۔
Ayah 56:7271 ۔” افرایتم النار التی تورون “ جو تم جلاتے ہو اور اس کو تم اپنے چقماق کی اوپر والی لکڑی سے نکالتے ہو۔
Ayah 56:7372 ۔” ء انتم انشاتم شجر تھا “ وہ جس سے آگ جلائی جاتی ہے اور وہ مرخ اور عفارودرخت ہے۔ ” ام نحن المنشنون۔
Ayah 56:7473 ۔” نحن جعلناھا “ ہم نے اس کو یعنی دنیا کی آگ کو پیدا کیا۔ ” تذکرۃ “ بڑی آگ کے لئے۔ جب اس کو دیکھنے والا دیکھے گا تو جہنم کو یاد کرے گا۔ اس کو عکرمہ اور مجاہد اور مقاتل رحمہم اللہ نے کہا ہے اور عطائؒ فرماتے ہیں نصیحت جس کے ذریعے مومن نصیحت حاصل کرے۔ حضرت ابوہریرہ ؓ سے روایت ہے کہ رسول اللہ ﷺ نے فرمایا آدم کی آگ جو وہ جلاتے ہیں جہنم کی آگ کے ستر جزء میں سے ایک جزء ہے۔ انہوں نے عرض کیا یارسول اللہ ! اگر یہ یہوتی تو کافی تھی۔ فرمایا اس جہنم کی آگ کو اس دنیا کی آگ پر انہتر 69 جزء فضیلت دی گئی ہے۔ ” ومتاعا “ منفعت کا۔ ” للمقوین “ مسافروں کے لئے۔ المقوی زمین میں پڑائو ڈالنے والا اور ” القیٰ القواء “ چٹیل میدان جو آئادی سے دور ہو۔ کہا جاتا ہے قوت الدار جب وہ رہنے والوں سے خالی ہو اور معنی یہ ہے کہ اس سے جنگل کے رہنے والے لوگ اور مسافر نفع حاصل کرتے ہیں کیونکہ ان کا اس سے نفع حاصل کرنا مقیم لوگوں کی بہ نسبت بہت زیادہ ہے کیونکہ یہ رات کو آگ جلاتے ہیں تاکہ اس کے ڈر سے درندے بھاگ جائیں اور بھٹکے ہوئے مسافر راہ پالیں اور اس کے علاوہ بھی کئی منافع ہیں۔
یہ اکثر مفسرین رحمہم اللہ کا قول ہے اور مجاہد اور عکرمہ (رح) فرماتے ہیں ” للمقوین “ یعنی تمام لوگوں میں سے اس نفع اٹھانے والوں کے لئے خواہ مسافر ہوں یا مقیم وہ تاریکی میں اس سے روشنی حاصل کرتے ہیں اور ٹھنڈے گرمائش حاصل کرتے ہیں اور سالن روٹی پکانے میں نفع حاصل کرتے ہیں۔ حسن (رح) فرماتے ہیں مسافروں کے لئے پہنچنے کا ذریعہ ہے کہ اس کے ذریعے اپنے سفروں تک پہنچتے ہیں اس کو اپنے تھیلوں میں اٹھا لیتے ہیں اور ابن زید (رح) فرماتے ہیں بھوکوں کے لئے۔ عرب کہتے ہیں ” اقویت منذکذاوکذا “ یعنی میں نے کچھ نہیں کھایا۔ قطرب (رح) فرماتے ہیں ” المقوی “ اضداد میں سے ہے ۔ فقیر کو ” مقو “ کہا جاتا ہے اس کے مال سے خالی ہونے کی وجہ سے اور مال دار کو ” مقو “ کہا جاتا ہے اس کی اپنے ارادہ پر طاقت کی وجہ سے۔ کہا جاتا ہے ” اقوی الرجل “ الرجل جب تونے اس کو مویشی دیئے ہوں اور اس کا مال زیادہ ہوگیا ہو اور وہ قوت کی حالت میں ہوگیا ہو اور معنی یہ ہے کہ اس میں مال داروں اور فقراء سب کے لئے نفع ہے اس سے کوئی مستغنی نہیں ہے۔
Ayah 56:7574 ۔” فسبح باسم ربک العظیم “
Ayah 56:7675 ۔” فلا اقسم بمواقع النجوم “ اکثر مفسرین رحمہم اللہ فرماتے ہیں اس کا معنی اقسم ہے اور لا صلہ ہے اور عیسیٰ بن امر پڑھتے تھے فلا قسم تحقیق پر اور کہا گیا ہے اللہ تعالیٰ کا قول ” لا “ اس کا رد ہے جو کفار قرآن کے بارے میں کہتے تھے کہ یہ جادو ، شعر اور کہانت ہے اس کا معنی ہے معاملہ ویسے نہیں جیسے تم کہتے ہو، پھر قسم کو شروع کیا اور کہا ” اقسم بمواقع النجوم “ حمزہ اور کسائی رحمہما اللہ نے بموقع پڑھا ہے واحد کا صیغہ اور دیگر حضرات نے بمواقع پڑھا ہے جمع کا صیغہ۔ ابن عباس ؓ فرماتے ہیں اس سے قرآن کے نجوم (حصے) مراد ہیں کیونکہ قرآن نبی کریم ﷺ پر متفرق حصوں میں نازل ہوا ہے اور مفسرین رحمہم اللہ کی ایک جماعت نے کہا ہے کہ ستاروں کے غروب اور گرنے کی جگہ مراد ہے اور عطاء بن ابی رباح (رح) فرماتے ہیں ان کی منزلیں مراد ہیں اور حسن (رح) فرماتے ہیں ان کا ٹوٹ کر بکھر جانا ہے مراد ہے قیامت کے دن۔
Ayah 56:7776 ۔” وانہ لقسم لو تعلمون عظیم۔
Ayah 56:7877 ۔” انہ “ یعنی یہ کتاب اور یہ موضع قسم ہے۔ ” لقرآن کریم “ غالب معزز ہے اس لئے کہ وہ اللہ کی کلام ہے ۔ بعض اہل معانی فرماتے ہیں کریم وہ جس کی یہ شان ہو کہ خیر کثیر دے۔
Ayah 56:7978 ۔” فی کتاب مکنون “ اللہ کے پاس لوح محفوظ میں محفوظ ہے شیاطین سے۔
Ayah 56:80لا یمسہ الا المطھرون کی تفسیر
79 ۔” لا یمسہ “ یعنی اس چھپی ہوئی کتاب کو۔ ” الا المطھرون “ اور وہ فرشتے ہیں جو پاکی کے ساتھ موصوف میں حضرت انس ؓ سے روایت کیا گیا ہے اور یہ سعید بن جبیر (رح) اور ابوالعالیہ (رح) کا قول ہے اور قتادہ وابن زید فرماتے ہیں یہ فرشتے ہیں۔ حسان نے کلبی (رح) سے روایت کیا ہے کہ یہ لکھنے والے معزز فرشتے ہیں اور محمد بن فضل نے ان سے روایت کی ہے کہ اس کو صرف موحدین پڑھتے ہیں۔ عکرمہ (رح) فرماتے ہیں ابن عباس ؓ اس سے منع کرتے تھے کہ یہودو نصاریٰ کو قرآن کی قرات پر قدرت دی جائے۔ فرائؒ فرماتے ہیں اس کا ذائقہ اور نفع وہی شخص محسوس کرے گا جو اس پر ایمان لایا اور ایک قوم نے کہا ہے۔ اس کا معنی، اس کو نہیں چھوتے مگر وہ جو حدث اور جنابت سے پاک ہیں اور آیت کا ظاہر نفی ہے اور اس کا معنی نہیں ہے۔ انہوں نے فرمایا جنبی اور حائضہ اور بےوضو کے لئے قرآن کا اٹھانا اور چھونا جائز نہیں ہے اور یہ عطاء ، طائوس ، سالم، قاسم اور اکثر اہل علم کا قول اور اسی کے امام مالک اور شافعی رحمہما اللہ قائل ہیں اور حکم اور حماد اور امام ابوحنیفہ رحمہم اللہ فرماتے ہیں بےوضو اور جنبی کے لئے مصحف اٹھانا اور غلاف کے ساتھ چھونا جائز ہے اور پہلا اکثر فقہاء کا قول ہے ۔ عبداللہ بن ابی بکر بن محمد بن عمرو بن حزم سے روایت ہے کہ اس خط میں جس کو رسول اللہ ﷺ نے عمرو بن حزم کے لئے لکھا تھا، یہ تھا کہ قرآن کو نہ چھوئے مگر پاک شخص اور قرآن سے مصحف ہے۔ اس کا نام قرآن رکھا ہے قرب جواز اور وسعت کی بناء پر ۔ جیسا کہ روایت کیا گیا ہے کہ رسول اللہ ﷺ نے منع کیا اس نے قرآن کے ساتھ سفر کیا جائے، دشمن کی زمین کی طرف اور اس سے مصحف مراد لیا ہے۔