Ayah 30:41(30:41) ظھر۔ ماضی واحد مذکر غائب ۔ ظاہر ہوا۔ آشکار ہوا۔ غالب ہوا۔ پھیل پڑا ۔ ظھور (باب فتح) مصدر سے۔
بما۔ الباء سببیہ ہے ما موصولہ ہے۔
لیذیقھم۔ لام تعلیل کا ہے۔ لوگوں کی بداعمالی کے نتیجے میں خشکی اور تری کا نظام بگڑ گیا۔ اور یہ بگاڑ اپنے اثرات میں امن و سکون کو ختم کرنے کا باعث بنا اور اللہ تعالیٰ نے ان کا امن و سکون اس واسطے ختم کردیا کہ وہ لوگوں کو ان کے بعض اعمال کے نتائج کا مزہ چکھائے (کیونکہ جملہ اعمال کی سز اوجزاء کا دن روز قیامت ہے) یذیق مضارع واحد مذکر غائب اذافۃ (افعال) مصدر۔ ہم ضمیر مفعول جمع مذکر غائب (الناس کی رعایت سے یہاں صیغہ جمع آیا ہے۔ وہ ان کو مزہ چکھائے) ۔
لعلہم یرجعون۔ تاکہ وہ لوگ باز آجائیں۔
Ayahs 30:42–43(30:43) فاقم وجھل للدین القیم ملاحظہ ہو 30:30
مرد۔ مصدر میمی۔ رد مادہ۔ لوٹنا۔ پھر آنا۔
من اللہ۔ یہ یا تو یاتی سے متعلق ہے یا مرد سے۔ پہلی صورت میں ترجمہ ہوگا :۔ بیشتر اس کے کہ اللہ کی طرف سے وہ دن آجائے جو لوٹنے والا نہیں ۔ دوسری صورت میں : قبل اس کے کہ اللہ کی طرف سے وہ دن آجائے کہ جس کے لئے پھر اللہ کی طرف سے ہٹنا نہ ہوگا۔
یصدعون۔ مضارع جمع مذکر غائب تصدع (تفعل) مصدر سے۔ اصل میں یہ یتصدعون تھا۔ تاء کو ص سے بدلا بھر ص کو ص میں مدغم کیا۔ وہ منتشر ہوجائیں گے۔ ای فریق فی الجنۃ وفریق فی السعیر۔ اہل جنت کا فریق الگ دوزخ کا فریق الگ۔ اس کا مادہ صدع ہے جس کے معنی پھاڑ دینے کے ہیں۔ تصدع القوم قوم کا جدا جدا ہوجانا۔ مختلف ٹولیوں میں بٹ جانا۔
یمھدون ۔ مضارع جمع مذکر غائب۔ مھد (فتح) مصدر۔ وہ درستی کرتے ہیں۔ وہ ہموار کرتے ہیں۔ وہ بچھاتے ہیں۔ المھد گہوارہ جو بچہ کے لئے تیار کیا جائے۔ جیسے من کان فی المھد صبیا۔ (19:29) جو ابھی گود کا بچہ ہے۔ فلا نفسھم یمھدون۔ اپنی استراحت کے لئے فرش بچھا رہے ہیں۔ وہ اپنے راحت کا فرش ہموار کر رہے ہیں۔
علامہ قرطبی لکھتے ہیں :۔ بچے کے پن گھوڑے کو مھد اور بستر کو مھاد کہتے ہیں۔
Ayahs 30:44–45(30:45) لیجزی۔ میں لام تعلیل کا ہے اور جملہ لیجزی الذین امنوا وعملوا الصلحت من فضلہ۔ علت ہے یمھدون کی یا یصدعون کی۔
Ayah 30:46(30:46) مبشرات۔ اسم فاعل جمع مؤنث تبشیر (تفعیل) مصدر۔ خوشخبری دینے والیاں َ بارش کی خوشخبری دینے والی ٹھنڈی ہوائیں جو بارش ہونے سے کچھ پہلے چلتی اور پیام رحمت لاتی ہیں۔
ولیذیقکم۔ واؤ عطف کا ہے اس کا عطف علت محذوف پر ہے جس پر مبشرات کے معنی دلالت کرتے ہیں۔ عبارت یوں ہوگی۔ لیبشرکم ولیذیقکم۔ لام تعلیل کا ہے تاکہ وہ تمہیں (اپنی رحمت کا مزہ) چکھائے بارش برساکر۔ یذیقکم مضارع واحد مذکر غائب منصوب بوجہ لام تعلیل۔
ولتجری الفلک۔ اور تاکہ کشتیاں چلیں۔ اس میں بھی واؤ عاطفہ ہے اور معطوف علیہ یا تو لیذیقکم ہے۔ تجری واحد مؤنث غائب۔ منصوب بوجہ لام تعلیل۔ جری ضرب سے مصدر۔
ولتبتغوا۔ اور تاکہ تم ڈھونڈو۔ تم تلاش کرو۔ ابتغاء (افتعال) مصدر۔ مضارع جمع مذکر حاضر۔ اصل میں تبتغون تھا۔ نون اعرابی بوجہ عمل ان گرگیا۔ جو لام تعلیل کے بعد مقدر ہے واؤ عاطفہ ہے اور اس کا معطوف علیہ لتجری ہے یا اس کا عطف حسب بالا لیبشرکم ہے اور تاکہ تم تلاش کرو۔
ولعلکم تشکرون ۔ اور تاکہ تم شکر ادا کرو۔
Ayah 30:47(30:47) انتقمنا۔ ماضی جمع متکلم انتقام (افعال) مصدر۔ نقم مادہ۔ نقم و نقم (باب سمع و ضرب) کسی چیز کو برا سمجھنا۔ یہ کبھی زبان کے ساتھ عیب لگانے اور کبھی سزا دینے پر بولا جاتا ہے قرآن مجید میں ہے وما نقموا منہم الا ان منوا باللہ (85:8) وہ ان کی کسی چیز کو برا نہیں سمجھتے تھے سوائے اس کے کہ وہ خدا پر ایمان لائے ہوئے تھے۔ یعنی ان کو مومنوں کی یہی بات بری لگتی تھی کہ وہ اللہ پر ایمان لائے ہوئے تھے۔
باب افتعال سے بمعنی سزا دینا مثلا فانتقمنا منہم فاغرقنھم فی الیم (7:36) تو ہم نے ان سے بدلہ لیکر ہی چھوڑا کہ ان کو دریا میں غرق کردیا۔ آیۃ ہذا میں بھی بمعنی سزا دینے کے ہے۔ فانتقمنا من الذین اجرموا۔ پھر ہم نے ان لوگوں سے انتقام لے لیا جنہوں نے جرم کئے۔
وکان حقا علینا نصر المؤمنین۔ نصر المؤمنین اسم کان حقا علینا خبرہ اور اہل ایمان کی مدد کرنا ہمارا ذمہ تھا۔
Ayah 30:48(30:48) تثیر۔ مضارع واحد مؤنث غائب اثارہ (افعال) سے۔ ثار یثور تورا (باب نصر) ثار الغبار وثار السحاب کے معنی غبار یا بادل کے اوپر اٹھنے اور پھیلنے کے ہیں۔ باب افعال سے فعل متعدی اوپر اٹھانا فتثیر سحابا۔ پس (وہ ہوائیں) بادل کو اوپر اٹھاتی ہیں۔ اور زمین جوتنے کے معنی میں بھی آتا ہے کیونکہ زمین جب جوتی جاتی ہے تو ابھرتی ہے اوپر اٹھتی ہے۔ اور بیل کو الثور بھی اسی لئے کہتے ہیں کہ اس سے زمین جوتی جاتی ہے یہ اصل میں مصدر بمعنی فاعل ہے جیسے ضیف بمعنی ضائف استعمال ہوتا ہے۔
یبسطہ۔ مضارع واحد مذکر غائب بسط مصدر (باب نصر) کشادہ کرتا ہے، فراخ کرتا ہے ۔ وسیع کرتا ہے۔ پھیلاتا ہے ۔ ضمیر فاعل کا مرجع اللہ ہے۔ ہ ضمیر مفعول واحد مذکر غائب سحاب کے لئے۔ یعنی اللہ تعالیٰ بادل کو (آسمان میں) پھیلاتا ہے۔
کسفا : کسفۃ کی جمع اکساف وکسوف۔ ٹکڑے ۔ (اور اسے ٹکڑے ٹکڑے کردیتا ہے) ۔
الودق بعض نے کہا ہے کہ بارش میں جو غبار سا نظر آتا ہے اسے ودق کہا جاتا ہے اور کبھی اس سے مراد بارش بھی ہوتی ہے فتری الودق یخرج من خللہ پھر تو بارش کو دیکھتا ہے کہ اس کے اندر سے نکلتی ہے۔ یہی جملہ انہی معنوں میں (24:43) میں استعمال ہوا ہے
خللہ۔ مضاف مضاف الیہ۔ خلال بمعنی درمیان۔ وسط۔ بیچ۔ جمع خلل۔ دو چیزوں کے درمیانی لشادگی۔ ہ ضمیر واحد مذکر غائب سحاب کے لئے ہے۔ یعنی بادل میں سے بادل کے اندر سے۔
اصاب بہ : اصاب یصیب اصابۃ (افعال) پہنچما۔ پالینا۔ بہ میں ب تعدیہ کی ہے۔ پہنچانا۔ ہ ضمیر کا مرجع الودق ہے اصاب بہ ماضی بمعنی حال ہے وہ اسے پہنچاتا ہے یعنی پھر جب وہ (اللہ تعالی) اپنے بندوں میں سے جسے چاہتا ہے اس بارش کو پہنچا دیتا ہے (اپنے بندوں کے علاوہ میں)
الصواب (صوب مادہ) صحیح بات کو کہتے ہیں۔ اس کا استعمال دو طرح سے ہوتا ہے :۔
(1) کسی چیز کی ذات کے اعتبار سے ۔ یعنی جب وہ چیز اپنی ذات کے اعتبار سے قابل تعریف ہو اور عقل و شریعت کی رو سے پسندیدہ ہو مثلا الکریم صواب (کرم و بخشش صواب ہے)
(2) قصد کرنے والے کے لحاظ سے۔ مثلا اصابہ بالسھم۔ اس نے اسے ٹھیک نشانہ پر تیر مارا اور مصیبۃ اس تیر کو کہتے ہیں جو کہ ٹھیک نشانہ پر جاکر بیٹھ جائے۔ اس کے بعد عرف عام میں ہر حادثہ اور واقعہ کے ساتھ یہ لفظ مخصوص ہوگیا۔
صوب بارش کو بھی کہتے ہیں اس سے مبالغہ کا صیغہ صیب استعمال ہوتا ہے۔ مثلا او کصیب من السماء (2:18) یا ان کی مثال اس بارش کی سی ہے جو آسمان سے برس رہی ہو۔ یا فیصیب بہ من یشاء ویصرفہ عن من یشاء (24:43) تو جس پر چاہتا ہے اسے برسا دیتا ہے اور جس سے چاہتا ہے پھیر دیتا ہے۔
بعض نے کہا ہے کہ جب اصاب کا لفظ خیر کے معنی میں استعمال ہوتا ہے تو یہ صوب بمعنی بارش سے مشتق ہوتا ہے اور جب برے معنی میں آتا ہے تو یہ معنی اصاب السھم (تیر نشانہ پر ٹھیک جالگا) کے محاورہ سے ماخوذ ہے۔ مگر ان دونوں معنی کی اصل ایک ہی ہے۔
اذا ہم یستبشرون : اذا مفاجاتیہ ہے۔ تو لو، یکدم ۔ یستبشرون مضارع کا صیغہ جمع مذکر غائب ہے استبشار مصدر باب استفعال خوش ہونا۔ تولو وہ خوشی سے کھل اٹھتے ہیں ۔ وہ یکدم خوش ہوجاتے ہیں۔
Ayah 30:49(30:49) وان کانوا من قبل ان ینزل علیہم من قبلہ لمبلسین واؤ حالیہ ہے اور جملہ حالیہ ہے ان ان سے مخففہ ہے ان ینزل علیہم میں ان مصدریہ ہے۔ قبلہ میں ضمیر ہ کا مرجع المطر ہے۔ لام تاکید کے لئے ہے اور مبلسین ۔۔ کانوا کی خبر ہے۔ وہ پیشترازیں بارش برستے سے قبل مایوس ہو رہے تھے۔
من قبل کا تکرار تاکید کے لئے ہے۔ من قبل ان ینزل علیہم : ای من قبل تنزل المطر۔ بارش برسنے سے قبل۔ مبلسین۔ اسم فاعل جمع مذکر بحالت نصب۔ مبلس واحد۔ ناامید۔ مایوس غمگین۔
Ayah 30:50(30:50) اثر۔ اثرات، نشانیاں ۔ علامتیں (جو کوئی شے پیچھے چھوڑ جائے) لیکن مختلف معنی میں استعمال ہوتا ہے۔ مثلا :۔
(1) نقش قدم۔ جیسے فھم علی اثارھم یھرعون (37:70) سو وہ انہی کے نقش قدم پر ثلے جاتے ہیں۔
(2) طریقہ۔ جیسے ہم اولاء علی اثری (20:85) وہ میرے طریقہ پر کاربند ہیں۔
(3) بطور استعارہ بمعنی فضیلت جیسے تاللہ لقد اثرک اللہ علینا (12: 91) بجدا اللہ نے تجھ کو ہم پر فضیلت بخشی ہے۔
رحمۃ اللہ۔ مضاف مضاف الیہ۔ اللہ کی رحمت بصورت بارش۔
یحی۔ میں ضمیر فاعل اللہ کے لئے ہے۔ ذلک : ای اللہ الزی قدر علی احیاء الارض بعد موتھا۔
لمحی۔ میں لام تاکید کا ہے۔ الموتی ، المیت کی جمع ہے۔ مردے۔ (بےشک وہی خدا مردوں کا زندہ کرنے والا ہے)
لئن میں لام لام موطئہ ہے جو حرف شرط پر آیا ہے۔ اسے موطئہ اس لئے کہتے ہیں کہ شرط کے لئے راہ ہموار کرتا ہے اسے لام الموذنہ بھی کہتے ہیں۔ ان حرف شرط ہے۔
ریحا۔ ہوا ۔ امام رازی (رح) رقمطراز ہیں کہ نفع بخش ہواؤں کو جمع کے لفاظ سے لایا گیا ہے اور مضرت رساں ہواؤں کو بصیغہ واحد استعمال کیا گیا ہے کیونکہ اس کی رحمت ہوتی رہتی ہے اور اس کا عذاب کبھی کبھی آتا ہے۔
فراوہ۔ اس میں الفاء فصیحت کا ہے اور ہ ضمیر واحد مذکر غائب کھیتی کی طرف راجع ہے۔ جیسا کہ صاحب کشاف، روح المعانی، معالم التنزیل میں ہے۔ رأو ماضی جمع مذکر غائب رویۃ مصدر۔
مصفرا۔ اسم مفعول واحد مذکر۔ اصفرار (افعلال) مصدر۔ صفر مادہ۔ زرد اور پیلا پڑا ہوا ۔ اور جہ قرآن مجید میں ہے ثم یھیج فترہ مصفرا (39:21) پھر وہ (کھیتی) خشک ہوجاتی ہے تو تو اس کو دیکھتا ہے زرد۔
لظلوا۔ لام جواب قسم کا ہے ظلوا۔ ماضی (بمعنی مستقبل) کا صیغہ جمع مذکر غائب ہے وہ ہوگئے۔ افعال ناقصہ سے ہے اور خبر کو دن بھر کے لئے ثابت کرتا ہے۔ جس طرح بات رات کے وقت کوئی کام کرنے کے لئے آتا ہے ۔ کبھی یہ سار کے معنی بھی دیتا ہے اس وقت دن کی تخصیص نہیں رہتی۔ آیۃ ہذا میں بھی صار کے معنی میں ہی استعمال ہوا ہے۔
من بعدہ میں ہ ضمیر واحد مذکر غائب کی مندرجہ ذیل صورتیں ہوسکتی ہیں :۔
(1) من بعد ارسال الریح ہوا کے بھیجنے کے بعد۔
(2) من بعد اصفرا رزرعھم۔ ان کی کھیتوں کے زرد پڑجانے کے بعد۔
(3) ان کے (پہلی صورت میں) خوش ہوجانے کے بعد ۔ من بعد الاستبشار۔
یکفرون۔ مضارع جمع مذکر غائب ۔ وہ ناشکری کرتے ہیں یا کریں گے۔ کرنے لگیں گے۔ آیت کا ترجمہ ہوا۔ اور اگر ہم (کوئی ایسی) ہوا بھیجیں (جس کے اثر سے) وہ کھیتوں کو زرد (اور مرجھایا ہوا) پائیں تو اس کے بعد وہ ناشکری کرنے لگیں گے۔
ان کا رویہ ہر دو صورت میں مذموم ہے چاہیے تو یہ تھا کہ جب اللہ کی طرف سے ان پر رحمت ہوئی اور بارش سے کھیت لہلہا اٹھے تو اس کا شکر ادا کرتے نہ کہ اس کو اپنے دنیاوی اسباب پر محمول کرتے ہوئے پھولے نہ سماتے اور جب خدا کی طرف سے ان کی اپنی شامت اعمال کی وجہ سے کھیتیاں زرد پڑگئیں تو بجائے خدا کی ناشکری کرنے کے ان کو استغفار سے کام لینا چاہیے تھا۔
Ayahs 30:51–53(30:53) ھدا لعمی۔ مضاف مضاف الیہ۔ ھادی کی ی بوجہ اضافت ساقط ہوگئی۔ اندھوں کو ہدایت دینے والا۔ وما انت بھد العمی ای وما انت بھدی العمی اور تو اندھوں کو ہدایت نہیں دے سکتا۔
ضللتھم۔ مضاف مضاف الیہ۔ ان کی گمراہی۔
ان تسمع۔ میں ان نافیہ ہے۔ تو نہیں سنا سکتا۔
فہم مسلمون : تعریف ہے من یؤمن بایتنا کی۔ پھر وہ ان آیات کو مانتے بھی ہیں۔ یعنی ان میں جو احکام دئیے گئے ہیں ان کے آگے سر تسلیم خم کرتے ہیں ۔
Ayah 30:54(30:54) ضعف اصل میں ضعیف ہے مصدر کو مبالغہ کے لئے صفت کے لئے استعمال کیا ہے یا اس سے مراد من ذی ضعف ہے یعنی نطفہ۔ جسے دوسری جگہ ماء مہین (بہت حقیر) کہا گیا ہے۔
من بعد ضعف قوۃ۔ (عطا کی) کمزوری کے بعد طاقت (جوابی) اور من بعد قوۃ ضعفا وشیبۃ اور قوت کے بعد کمزوری اور بڑھاپا (جوانی کے بعد الخطاط اور پھر بڑھاپا) شیبۃ بڑھاپا۔ بالوں کا سفید ہونا۔ اشیب بوڑھا آدمی اس کی جمع شیب جیسے ابیض کی جمع بیض ہے۔ اور جگہ قرآن مجید میں ہے :۔ یجعل الولدان شیبا (73:17) (جو) بچوں کو بوڑھا بنا دیگا۔ شیب مادہ۔
القدیر۔ صفت مشبہ کا صیغہ ہے۔ قدیر وہ ہے جو اقتضائے حکمت کے موافق جو چاہے کرے۔ اللہ تعالیٰ کی ذات کے سوا کسی کو قدیر نہیں کہہ سکتے۔ البتہ قادر عام ہے۔
Ayah 30:55(30:55) ویوم : ای واذکر یوم۔ اور یاد کرو وہ دن۔
یقوم الساعۃ۔ قیامت قائم ہوگی۔ جب قیامت کی گھڑی آجائے گی۔ الساعۃ (وقت) اجزائے زمانہ میں سے ایک جزء کا نام ہے ساعت، گھڑی، پل، الساعۃ بول کر قیامت بھی مراد لی جاتی ہے۔ س و ع مادہ۔
یقسم۔ مضارع واحد مذکر غائب ۔ اقسام (افعال) مصدر۔ قسمیں کھائیں گے۔
یؤفکون ۔ مضارع مجہول جمع مذکر غائب۔ ماضی استمراری کے معنی میں۔ وہ پھیرے جاتے تھے۔ الٹے چلتے رہتے تھے۔
علامہ قرطبی (رح) لکھتے ہیں :۔ ای اکنوا یکذبون فی الدنیا یعنی وہ دنیا میں بھی جھوٹ بولا کرتے تھے۔ فرماتے ہیں کہ جب کوئی آدمی سچائی اور بھلائی سے روگرداں ہوجائے تو اہل عرب کہتے ہیں۔ افک الرجل۔
مدارک التنزیل میں ہے کہ :۔ ای مثل ذلک الصرف کانوا یصرفون عن الصدق الی الکذب فی الدنیا۔ یعنی جس طرح اب یہ حقیقت سے پھرگئے ہیں اسی طرح دنیا میں بھی یہ سچ سے جھوٹ کی طرف پھر جایا کرتے تھے : نیز ملاحظہ ہو 29:61
Ayah 30:56(30:56) فی کتب اللہ : فی علم اللہ او ما کتبہ سبحانہ : اواللوح المحفوظ علم الٰہی کے مطابق یا نوشتہ الٰہی کے مطابق یا جیسا کہ لوح محفوظ میں تحریر ہے۔
یوم البعث۔ مضاف مضاف الیہ۔ جی کر اٹھ کھڑا ہونے کے دن۔ یعنی روز قیامت۔ بعث کے معنی جی اٹھنا۔ بھیجنا۔ جیسے اللہ تعالیٰ کا رسولوں کو مبعوث کرنا ۔ یعنی بھیجنا۔
فھذا۔ میںجواب شرط ہے تقدیر کلام ہے : ان کنتم منکرین للبعث فھذا یوم البعث الذی انکر تمرہ۔ اگر تم یوم بعث سے انکار کیا کرتے تھے تو یہ ہے یوم بعث جس سے تم منکر تھے۔
ولکنکم کنتم لا تعلمون۔ لیکن تم تو سمجھتے ہی نہ تھے۔ یعنی یقین ہی نہ کیا کرتے تھے۔
Ayah 30:57(30:57) یؤمئذ۔ اس دن۔ یوم اسم ظرف۔ مضاف اذ مضاف الیہ۔ جیسے کہ حینئذ ، حین مضاف اذ مضاف الیہ۔ اس وقت۔
معذرتھم۔ مضاف مضاف الیہ۔ ان کی معذرت۔ ان کا عذر۔
ولاہم یستعتبون۔ واؤ عاطفہ۔ لا یستعتبون۔ مضارع منفی مجہول جمع مذکر غائب۔ ہم ضمیر جمع مذکر غائب کا دوبارہ تاکید کے لئے لایا گیا ہے۔ اور نہ اسن کی معذرت قبول کرکے عتاب کو دور کیا جائے گا۔
استعتب : عتب سے باب استفعال ہے العتب ہر اس جگہ کو کہتے ہیں کہ جو وہاں اترنے والے کے لئے سازگار نہ ہو۔ استعارہ کے طور پر وعتب کے معنی ناراضگی یا سختی کے ہیں جو انسان کے دل میں دوسرے کے متعلق پیدا ہوجاتی ہے۔
الاستعتاب رضا مندی چاہنا۔ کسی سے یہ خواہش کرتا کہ وہ عتاب کو دور کر دے تاکہ راضی ہوجائے۔ ولا ہم یستعتبون اور نہ ان کی معذرت قبول کرکے ان سے عتاب کو دور کیا جائے گا۔ نیز ملاحظہ ہو 16:84 ۔
Ayahs 30:58–59(30:59) کذلک یطبع اللہ علی قلوب الذین لا یعلمون ۔ اس طرح مہر کردیتا ہے اللہ تعالیٰ ان لوگوں کے دلوں پر جو سمجھتے نہیں ہیں۔ یعنی جب وہ لوگ اللہ تعالیٰ کی آیات کو اور اس کی صریح مثالوں کو سمجھنے کی کوشش نہیں کرتے اور نتیجۃً یقین و ایمان سے عاری رہتے ہیں تو اللہ تعالیٰ ان کے دلوں کو مہر کردیتے ہیں اور پھر وہ حق کو بھی ناحق سمجھنے لگتے ہیں اور خدا کی صریح آیات کو اور پیغمبر کے معجزات کا کبھی سحر سے تشبیہ دیتے ہیں اور کبھی کاہن کے کرشمے بتاتے ہیں۔
Ayah 30:60(30:60) لایستخفن۔ مضارع منفی تاکید بانون ثقیلہ استخفاف (اسفتعال) مصدر خفیف سے۔ خ، ف، ف، مادہ۔ الخفیف اس کے مختلف معانی ہیں :۔
(1) وزن کے لحاظ سے ہلکا ہونا۔ ثقیل کے مقابلہ میں۔
(2) تقابل زمانی کے اعتبار سے سبک رفتار کو خفیف اور سست رفتار کو ثقیل کہیں گے۔
(3) جو ثیز طبیعت کو خوش کر دے اسے خفیف اور جو طبیعت پر گراں گزرے اسے ثقیل کہتے ہیں۔
(4) جو شخص جلد طیش میں آجائے اسے خفیف اور جو پروقار ہوا سے ثقیل کہا جاتا ہے۔
(5) جو شخص سطحی اقدار کا مالک ہو اور ان سے بھر جانے میں دیر نہ کرتا ہو وہ خفیف اور جس کی اقدار ٹھوس اور محکم بنیادوں پر مبنی ہوں وہ ثقیل کہلاتا ہے۔
انہی معنی میں ہے فاستخفف قومہ فاطاعوہ (43:54) (فرعون نے) اپنی قوم کو ڈھلمل کردیا تھا اور وہ اس کے پیچھے لگ گئے یعنی ان کا یقین حضرت موسیٰ کے بارے میں ہلکا پڑگیا تھا۔ انہی معنوں میں یہاں استعمال ہوا ہے۔ فرمایا (اے پیغمبر) تو ان کی قولی و فعلی سختیوں پر صبر استقلال سے کام لے تحقیق اللہ کا وعدہ پورا ہوکر رہیگا (مجرموں سے انتقام لینا اور مومنوں کی امداد و نصرت آیہ 47 ۔ مذکورہ بالا)
اور یہ لوگ جو یقین سے خود عاری ہیں کہیں تمہارے پائے استقلال کو ڈگمگا نہ دیں لا یستخفنک۔ تم میں بےیقینی کی کیفیت پیدا نہ کردیں۔ صاحب المفردات رقمطراز ہیں :۔ ولا یستخفنک اور وہ تمہیں اوچھا نہ بنادیں۔ یعنی شبہات پیدا کرکے تمہیں تمہارے عقائد سے متزلزل اور برگشتہ نہ کریں۔