56. Surah Al-Waaqia

1۔ 12۔ مشرکین مکہ قیامت کے منکر تھے اس واسطے اللہ تعالیٰ نے چند سورتوں میں قیامت کا حال بیان فرما کر ان کے انکار کو توڑا ہے حاصل معنی ان آیتوں کے یہ ہیں کہ اب تو یہ لوگ قیامت کا انکار کرتے ہیں لیکن جب قیامت قائم ہوجائے گی اور دوسرے صور کی آواز سن کر یہ لوگ قبروں سے ٹڈیوں کی طرح نکل کھڑے ہوں گے اور ان کے قبروں سے نکلتے ہی ایک آگ ان پر تعینات ہوجائے گی جو ان کو محشر کے میدان تک گھیر کرلے جائے گی۔ ابوہریرہ ؓ کی حدیث میں اس آگ کا ذکر ہے اگرچہ اس حدیث کے معنی میں دو قول ہیں ایک تو یہ ہے کہ یہ آگ علامات قیامت میں سے ہے جو قیامت سے پہلے عدن سے نکلے گی۔ دوسرا قول یہ ہے کہ قیامت کے دن قبروں سے اٹھنے کے وقت یہ آگ بد لوگوں کے ساتھ ہوگی۔ یہ دونوں قول اوپر بیان کئے جا چکے ہیں لیکن ابوہریرہ ؓ کی اس حدیث میں یوم القیامۃ کا لفظ موجود ہے جس سے دوسرے قول کی پوری تائید ہوتی ہے غرض اس آگ سے ان لوگوں کو میدان محشر میں اور دوزخ میں طرح طرح کی تکلیفیں پیش آئیں گی۔ اسی وقت ان کو اس انکار کی حقیقت کھل جائے گی کہ اس وقت یہ اپنی کسی تکلیف کو ٹال نہ سکیں گے قیامت کے حال میں اوتارتی چڑھاتی جو فرمایا۔ حضرت عبد 1 ؎ اللہ بن عباس کے قول کے موافق اسکا مطلب یہ ہے کہ دنیا میں بہت سے لوگ جو بڑھ چڑھ کر گزران کرتے اور اپنی اس دنیا کی خوشحالی کے سبب سے عقبیٰ سے بالکل غافل تھے قیامت کے دن وہ ذلیل و خوار ہوجائیں گے اور دنیا کی جس خوشحالی نے ان کو عقبیٰ سے غافل کردیا تھا اس دن کے عذاب کے آگے وہ دنیا کی چند روزہ خوشحالی ان کو یاد بھی نہ رہے گی۔ اسی طرح جو ایماندار لوگ دنیا میں گری ہوئی حالت سے اپنی گزر کرتے تھے وہ اس دن نہایت چڑھی بڑھی حالت سے ہوجائیں گے اور دنیا کی وہ اپنی گری ہوئی حالت سے اپنی گزر کرتے تھے وہ اس دن نہایت چڑھی بڑھی حالت سے ہوجائیں گے اور دنیا کی وہ اپنی گری ہوئی حالت ان کو یاد بھی نہ رہے گی۔ صحیح 3 ؎ مسلم کی اسی مضمون کی انس بن مالک کی حدیث اوپر گزر چکی ہے اس سے حضرت عبد اللہ بن عباس کے اس قول کی پوری تائید ہوتی ہے زمین کا ہلنا اور پھٹنا اور پہاڑوں کا غبار کی طرح اڑنا اگرچہ یہ پہلے صور کے وقت ہوگا لیکن یہ قیامت کے شروع ہوجانے کی باتیں ہیں اس لئے دوسرے صور کے بعد کی باتوں کے ساتھ ان کا بھی ذکر فرمایا۔ اب قیامت کے دن سب لوگوں کی تین قسمیں جو ہوں گی ان کا ذکر فرمایا۔ داہنے ہاتھ والوں کی تفسیر میں حضرت عبد اللہ 1 ؎ بن عباس ؓ نے فرمایا ہے کہ یہ وہ لوگ ہیں جو حضرت آدم (علیہ السلام) کی پشت سے روحیں نکالنے کے وقت حضرت آدم ( علیہ السلام) کی سیدھی طرف تھے اور بائیں ہاتھ والے وہ لوگ ہیں جو حضرت آدم ( علیہ السلام) کی بائیں جانب تھے۔ یہ مسلم بن یسار کی حضرت عمر ؓ والی حدیث کا مضمون ہے جس کے موافق حضرت عبد اللہ بن عباس ؓ نے داہنے اور بائیں ہاتھ والوں کی تفسیر کی ہے۔ یہ حدیث موطا ترمذی 2 ؎ اور ابو داؤود میں ہے اگرچہ بعض علما نے اس حدیث کی سند پر یہ اعتراض کیا ہے کہ مسلم بن یسار نے حضرت عمر ؓ کو نہ دیکھا نہ ان دونوں کی کبھی ملاقات ہوئی پھر یہ روایت کیونکر صحیح ہوسکتی ہے لیکن موطا مسند امام احمد اور مستدرک حاکم کی سندیں ایسی نہیں ان میں یہ اعتراض نہیں ہے اس لئے یہ حدیث معتبر ہے اور حضرت عبد اللہ بن عباس ؓ نے جو تفسیر کی ہے۔ وہ صحیح ہے اس حدیث کا حاصل مطلب یہ ہے کہ اللہ تعالیٰ نے جب آدم (علیہ السلام) کو پیدا کیا تو ان کی پشت سے ان روحوں کو نکالا جو قیامت تک دنیا میں آنے والی تھیں۔ اور داہنی جانب کی روحوں کو جنتی لوگوں کی روحیں اور بائیں جانب کی روحوں کو دوزخی لوگوں کی روحیں فرمایا۔ صحیح 3 ؎ مسلم کی ابوذر ؓ کی اس حدیث سے بھی اس حدیث کی تائید ہوتی ہے جس میں آنحضرت ﷺ نے معراج کے وقت حضرت آدم (علیہ السلام) کے داہنے ہاتھ کی طرف اہل جنت کی اور بائیں ہاتھ کی طرف اہل دوزخ کی روحیں دیکھیں۔ بعض مفسروں نے داہنے ہاتھ والوں کی تفسیر میں لکھا ہے کہ نیک عمل لوگ اور بعضوں نے لکھا ہے کہ وہ لوگ جن کے نامہ اعمال داہنے ہاتھ میں دیئے جائیں گے مگر حضرت عبد اللہ بن عباس کی تفسیر ان سب باتوں کو شامل اور سب پر صادق آتی ہے کیونکہ جو لوگ پیدا ہونے کے پہلے جنتی قرار پا چکے ہیں وہ ضرور دنیا میں عمل بھی نیک کریں گے اور قیامت کے دن ان کا اعمال نامہ بھی داہنے ہاتھ میں دیا جائے گا۔ داہنے ہاتھ والوں میں سے جن کو اللہ تعالیٰ نے اپنا رسول کیا یا امتوں میں سے وہ لوگ جو نیک عملوں میں پیش قدمی کرتے رہے ان کو آگے والے اور مقرب فرمایا۔ مقرب وہ جن کے درجے جنت میں بڑے بڑے ہوں گے۔ (1 ؎ دیکھئے تفسیر ہذا جلد ہذا ص 74۔ ) (3 ؎ صحیح مسلم باب فی الکفار ص 374 ج 2۔ ) (1 ؎ تفسیر ابن کثیر ص 282 ج 4 و تفسیر الدر المنثور ص 154 ج 6۔ ) (2 ؎ جامع ترمذی تفسیر سورة الاعراف ص 155 ج 2۔ ) (3 ؎ صحیح مسلم باب الاسراء برسول اللہ ﷺ الخ ص 92 ج 1۔ )

13۔ 26۔ یہ مقربین کی تفصیل ہے کہ وہ پہلے لوگوں میں بہت ہیں اور پچھلوں میں تھوڑے۔ اس میں مفسرین کا اختلاف ہے 4 ؎ کہ پہلوں سے مراد حضرت آدم (علیہ السلام) سے آنحضرت ﷺ تک کے لوگ ہیں یا اسی امت کے پہلے لوگ۔ اکثر سلف کا یہی قول ہے کہ اولین و آخرین اسی امت کے پہلے اور پچھلے لوگوں کو فرمایا ہے آیت کنتم خیرا مۃ سے اور اسی مضمون کی بہز بن حکیم کی اس حدیث سے جس کو ترمذی 1 ؎ ابن ماجہ اور دارمی نے روایت کیا ہے اس قول کی پوری تائید ہوتی ہے کیونکہ جب یہ امت اور امتوں سے بہتر ہے تو یہ نہیں ہوسکتا کہ مقربین کی تعداد بہ نسبت اس امت کے اور امتوں میں زیادہ ہو۔ بہزبن حکم کی حدیث کو ترمذی نے حسن کہا ہے یہ بہزبن حکیم بن معاویہ اپنے باپ اور دادا سے روایت کرتے ہیں اگرچہ صحیح بخاری و مسلم میں ان کی کوئی روایت نہیں ہے لیکن ابن عدی نے اس سند کو قابل اعتبار ٹھہرایا ہے۔ مقربین کی جنت میں ساز و سامان یہ ہوگا کہ سونے کے تاروں کے بنے ہوئے تختوں پر ٹکیہ لگائے آمنے سامنے بیٹھے ہوں گے۔ نو عمر خوبصورت خادم پانی کے آبخورے شراب کے جام ‘ طرح طرح کے میوے کے طباق اور کباب کی رکابیاں لئے ہوئے حاضر ہوں گے۔ شراب وہ ہوگی کہ جس سے دنیا کی طرح نہ سر میں درد ہوگا نہ حواس میں کچھ فتور پڑے گا آبدار موتی کی صورت حوریں ہم نشینی کے لئے موجود ہوں گی۔ مخلدون کا یہ مطلب ہے کہ وہ نو عمر خادم ہمیشہ نو عمری کی حالت پر رہیں گے۔ صحیح قول یہی ہے کہ وہ و عمر لڑکے حوروں کی طرح جنت میں جدا پیدا کئے گئے ہیں اولاد آدم میں سے نہیں ہیں پھر یہ فرمایا کہ جنتی لوگ آپس میں سلام علیک جو کریں گے اسی کی آواز چاروں طرف سے آئے گی اور کسی طرح کی ایسی بےہودہ کوئی بات چیت نہ ہوگی جس سے جنت کے عیش میں کچھ خلل پڑے۔ سورة رحمن میں گزر چکا ہے کہ مقربین کی جنت کی منزلیں بھی بلند ہوں گی اور ان کا ساز و سامان بھی اعلیٰ درجہ کا ہوگا۔ (4 ؎ دیکھئے تفسیر ابن کثیر ص 284 ج 4۔ ) (1 ؎ جامع ترمذی تفسیر سورة آل عمران ص 46 1 ج 2۔ )

27۔ 38۔ مقربین کے حال کے بعد یہ داہنے ہاتھ والوں کا حال فرمایا۔ طائف کے پاس ایک جگہ ہے جس کا نام وج ہے وہاں بیری اور کیلے کے درختوں کا سایہ بہت ہے اس جگہ کو سایہ اور ٹھنڈک کے سبب سے اہل مکہ بہت پسند کرتے تھے اس لئے فرمایا کہ جنت میں بھی یہ سایہ دار درخت ہوں گے بلکہ اتنی بات بڑھ کر ہوگی کہ دنیا کے بیریوں میں کانٹے ہوتے ہیں جنت کی بیریوں میں سایہ ہوگا پھل ہوں گے مگر کانٹے نہ ہوں گے دنیا کے لمبے درختوں کے نیچے کا حصہ پھل سے خالی ہوتا ہے جنت کے درخت ایسے نہیں ہیں ان میں جڑ کے پاس سے ہی میوے کی شاخیں شروع ہوجاتی ہیں۔ معتبر 1 ؎ سند سے بیہقی کی عبد اللہ بن عباس ؓ کی یہ حدیث اوپر گزر چکی ہے کہ جنت کی چیزوں کے فقط نام دنیا کی چیزوں سے ملتے ہیں ورنہ جنت کی چیزوں کے آگے دنیا کی چیزوں کی کچھ حقیقت نہیں۔ اس لئے ان بیروں اور کیلوں کے مزہ کو دنیا کے بیر اور کیلوں پر قیاس نہ کرنا چاہئے۔ صحیح بخاری 2 ؎ مسلم اور ترمذی میں ابو سعید خدری سے روایت ہے جس کا حاصل یہ ہے کہ آنحضرت ﷺ نے فرمایا جنت میں بعض سایہ دار درخت ایسے ہیں کہ ان کا سایہ سوار آدمی سے بھی سو برس کے عرصہ میں طے نہیں ہوسکتا ترمذی 3 ؎ نے اس حدیث کو ظل ممدود کی تفسیر قرار دیا ہے حضرت عبد 4 ؎ اللہ بن عباس کی معتبر روایتوں کے موافق جنت میں نہ سورج ہے نہ دھوپ ‘ وہاں تو ہمیشہ ایسا وقت رہے گا جیسا وقت دنیا میں طلوع فجر سے سورج کے نکلنے تک رہتا ہے اس لئے وہاں کا سایہ فقط تفریح کے لئے ہوگا۔ مسند 5 ؎ امام احمد اور ترمذی میں جو روایتیں ہیں انکا حاصل یہ ہے کہ جنت میں دوھ شہد شراب اور میٹھے پانی کے دریا ہیں جن میں سے یہ چیزیں بہہ کر جنت کے ہر ایک مکان کی نہروں میں آئیں گی اور ہمیشہ وہ ہریں جاری رہیں گی۔ ترمذی نے اس حدیث کو صحیح کہا ہے اور یہی حدیث ماء مسکوب کی تفسیر ہے جس کا مطلب یہ ہے کہ میٹھے پانی کے دریا میں سے جنت کی نہروں میں پانی گرے گا اور ہمیشہ جاری رہے گا۔ حضرت 6 ؎ عبد اللہ بن عباس کے صحیح قول کے موافق جنت کی نہروں کے کنارے اور ان میں گہرائی نہیں ہے بلکہ اللہ کے حکم سے مسطح زمین پر وہ نہریں جاری ہوں گی تاکہ بغیر دقت کے ان میں سے دودھ شہد شراب پانی ہر چیز لی جاسکے۔ صحیح بخاری 7 ؎ و مسلم کی حضرت عبد اللہ بن عباس ؓ کی حدیث مشہور ہے جس میں آنحضرت ﷺ نے سورج گہن کی نماز پڑھتے میں جنت اور دوزخ کو دیکھا اور جنت کے انگور کی بیل میں سے ایک خوشہ توڑنا چاہا اور پھر اللہ کا حکم نہ ہونے سے وہ خوشہ آپ ﷺ نے نہیں توڑا اور فرمایا کہ اگر میں اس خوشہ کو توڑ لیتا تو قیامت تک لوگ اس کے انگور کھایا کرتے یہ حدیث و فاکھۃ کثیرۃ کی گویا تفسیر ہے جس سے معلوم ہوتا ہے کہ جنت کے میوے کا ایک ایک خوشہ ہزاروں آدمیوں کے ہزار ہا برس کے کھانے کے قابل میوے سے لدا ہوا ہے لامقطوعۃ کی تفسیر میں حضرت عبد اللہ بن عباس ؓ نے فرمایا کہ جس طرح دنیا کے میوے خاص خاص موسم پر ہوتے ہیں اور موسم کے بعد ان کی پیداواری کا سلسلہ مقطوع اور منقطع ہوجاتا ہے جنت کے میووں کا یہ حال نہیں ہے بلکہ وہاں ہر موسم میں کل میوے موجود ہوں گے۔ لاممنوعۃ کی تفسیر انہی کے قول کے موافق یہ ہے کہ لیٹے بیٹھے ہر حالت میں جنتی لوگ جنت کے پیڑوں کا میوہ کھا سکیں گے۔ کسی حالت میں کچھ رکاؤ نہ ہوگا۔ فرش مرفوعہ کا یہ مطلب ہے کہ کئی کئی بچھونے اوپر تلے بچھانے سے وہ بچھونے اونچے ہوجائیں گے۔ ترمذی 1 ؎ میں ابو سعید خدری کی جو روایت ہے اس سے ان بچھونوں کی اونچائی پانسو برس کے راستہ کی معلوم ہوتی ہے۔ ترمذی 2 ؎ نے اس حدیث کو حسن غریب کہہ کر یہ کہا ہے کہ رشد بن سعد اس حدیث کی روایت عمرو بن الحارث سے تن تنہا کرتا ہے۔ یہ رشد بن سعد اگرچہ ضعیف ہے لیکن صححذ ابن حبان اور بیہقی کی سند میں عبد اللہ بن وہب نے بھی اس حدیث کو عمرو بن الحارث سے روایت 3 ؎ کیا ہے اور عبد اللہ بن وہب کے ثقہ ہونے میں کسی کو کلام نہیں ہے۔ اس لئے یہ حدیث حسن کے درجہ سے کسی طرح کم نہیں ہے اناانشاناھن انشاء کا مطلب حضرت عبد 4 ؎ اللہ بن عباس ؓ کے قول کے موافق یہ ہے کہ جنت کی عورتیں ہمیشہ ناکت خدا عورت کی حالت میں رہیں گی۔ عربا کے معنی اپنے شوہر سے الفت کرنے والیاں اتحاباً کے معنی ہم عمر ہے۔ (1 ؎ الترغیب و الترہیب فصل فی ان اعلیٰ مایخطر علی البال الخ ص 1039۔ ) (2 ؎ صحیح بخاری باب صفۃ الجنۃ والنار ص 970 ج 2 و و صحیح مسلم باب الجنۃ وصفۃ نعیمھا اھلھا ص 378 ج 2۔ ) (3 ؎ جامع ترمذی تفسیر سورة الواقعۃ ص 184 ج 2۔ ) (4 ؎ الترغیب والترہیب فصل فی انھار الجنۃ ص 962 ج 4۔ ) (5 ؎ جامع ترمذی باب ماجاء فی انھار الجنۃ ص 94 ج 2۔ ) (6 ؎ الترغیب و الترہیب فصل فی انھار الجنۃ ص 962 ج 4۔ ) (7 ؎ صحیح بخاری باب صلوٰۃ الکسوف جماعۃ الخ ص 143 ج 1 و صحیح مسلم کتاب الکسوف ص 398 ج 1۔ ) (1 ؎ جامع ترمذی باب ماجاء فی ثیاب اھل الجنۃ ص 90 ج 2۔ ) (2 ؎ جامع ترمذی باب ماجاء فی ثیاب اھل الجنۃ ص 90 ج 2۔ ) (3 ؎ الترغیب و الترہیب فصل فی فرش الجنۃ ص 984 ج 2۔ ) (4 ؎ تفسیر الدر المنثور ص 158 ج 6۔

39۔ 40۔ ترمذی 5 ؎ میں حضرت بریدہ ؓ کی حدیث ہے جس کو ترمذی نے حسن کہا ہے۔ حاصل اس حدیث کا یہ ہے کہ آنحضرت ﷺ نے فرمایا کہ اہل جنت کی کل ایک سو بیس صفیں ہوں گی ان میں سے اسی صفیں امت محمدیہ کی ہوں گی اور چالیس صفیں اور امتوں کی ہوں گی۔ اس حدیث سے یہ حساب تو صحیح معلوم ہوگیا کہ بہ نسبت اور امتوں کے اس امت کے جنتی لوگ دوگنے ہوں گے۔ اب جنتی لوگوں کی اللہ تعالیٰ نے اس سورة میں اور سورة فاطر میں دو قسمیں فرمائی ہیں ایک تو اعلیٰ درجہ کے لوگ ہیں جن کو نیک کاموں میں سبقت لے جانے والے اور مقرب فرمایا ہے دوسرے بیچ کی راس کے لوگ جن کو سیدھے ہاتھ والے فرمایا ہے ان دونوں قسموں کے ذکر میں یہ جو فرمایا ہے مقرب لوگ پہلے لوگوں میں بہت ہوں گے اور پچھلوں میں تھوڑے اس کی تفسیر میں تابعیوں کے زمانہ سے اب تک یہ اختلاف چلا آتا ہے کہ پہلے اور پچھلے لوگوں سے اس امت کے اگلے اور پچھلے مراد ہیں یا پہلے لوگوں سے پہلی امتیں مراد ہیں اور پچھلے لوگوں سے یہ امت مراد ہے اوپر آیت ثلۃ من الاولین و قلیل من الاخرین کی جو تفسیر گزر چکی اس میں اس اختلاف کو تو رفع کردیا گیا ہے۔ رہی اس آیت کی تفسیر اس تفسیر کی بابت طبرانی میں 6 ؎ ابی بکر سے روایت ہے کہ آنحضرت ﷺ نے فرمایا۔ اس آیت میں اولین اور آخرین سے مقصود اسی امت کے لوگ ہیں۔ اس حدیث کی سند میں ایک راوی علی بن زید ہیں اگرچہ بعض علماء نے اس میں کلام کیا ہے لیکن صاحب مجمع الزوائد نے اس کو ثقہ لکھا ہے۔ بعض مفسروں نے اس آیت سے آیت ثلۃ من الاولین وقلیل من الاخرین کو منسوخ جو کہا ہے وہ قول صحیح نہیں ہے۔ (5 ؎ جامع ترمذی باب ماجاء فی کم صف اھل الجنۃ ص 91 ج 2۔ ) (6 ؎ تفسیر الدر المنثور ص 159 جلد 6۔ )