74. Surah Al-Muddaththir

المدثرThe Cloaked One · 56 ayahsتفسیر الکتاب

Read Surah Al-Muddaththir in the Quran reader
Ayahs 74:40–47

فِیْ جَنّٰتٍ١ۛؕ۫ یَتَسَآءَلُوْنَۙ Open ayah 74:40 in the Quran reader

(وہ رہن سے چھوٹ کر بہشت کے) باغوں میں (ہوں گے) اور پوچھیں گے

عَنِ الْمُجْرِمِیْنَۙ Open ayah 74:41 in the Quran reader

ان مجرموں سے

مَا سَلَكَكُمْ فِیْ سَقَرَ Open ayah 74:42 in the Quran reader

تمہیں کیا چیز دوزخ میں لے گئی ؟

قَالُوْا لَمْ نَكُ مِنَ الْمُصَلِّیْنَۙ Open ayah 74:43 in the Quran reader

وہ جواب دیں گے، ہم نماز پڑھنے والوں میں سے نہ تھے

وَ لَمْ نَكُ نُطْعِمُ الْمِسْكِیْنَۙ Open ayah 74:44 in the Quran reader

اور مسکین کو کھانا نہیں کھلاتے تھے

وَ كُنَّا نَخُوْضُ مَعَ الْخَآئِضِیْنَۙ Open ayah 74:45 in the Quran reader

اور (دین کے بارے میں) کٹ حجتیاں کرنے والوں کے ساتھ مل کر ہم بھی کٹ حجتیاں کیا کرتے تھے

وَ كُنَّا نُكَذِّبُ بِیَوْمِ الدِّیْنِۙ Open ayah 74:46 in the Quran reader

اور روز جزا کو جھٹلایا کرتے تھے۔

حَتّٰۤى اَتٰىنَا الْیَقِیْنُؕ Open ayah 74:47 in the Quran reader

یہاں تک کہ وہ یقینی بات ہمارے سامنے آگئی۔

[17] یقینی چیز سے مراد موت بھی ہے اور آخرت بھی۔
Ayahs 74:48–52

فَمَا تَنْفَعُهُمْ شَفَاعَةُ الشّٰفِعِیْنَؕ Open ayah 74:48 in the Quran reader

تو اس وقت سفارش کرنے والوں کی سفارش ان کو (کچھ) نفع نہ دے گی۔

فَمَا لَهُمْ عَنِ التَّذْكِرَةِ مُعْرِضِیْنَۙ Open ayah 74:49 in the Quran reader

آخر ان لوگوں کو کیا ہوگیا ہے کہ یہ اس نصیحت سے روگردانی کر رہے ہیں،

كَاَنَّهُمْ حُمُرٌ مُّسْتَنْفِرَةٌۙ Open ayah 74:50 in the Quran reader

گویا یہ بد کے ہوئے گدھے ہیں۔

فَرَّتْ مِنْ قَسْوَرَةٍؕ Open ayah 74:51 in the Quran reader

جو شیر سے (ڈر کر) بھاگے جا رہے ہیں۔

بَلْ یُرِیْدُ كُلُّ امْرِئٍ مِّنْهُمْ اَنْ یُّؤْتٰى صُحُفًا مُّنَشَّرَةًۙ Open ayah 74:52 in the Quran reader

بلکہ ان میں سے تو ہر ایک یہ چاہتا ہے کہ اسے کھلے ہوئے (آسمانی) صحیفے دئیے جائیں۔

[18] یعنی پیغمبر کی بات ماننا نہیں چاہتے بلکہ ان میں سے ہر شخص کی آرزو یہ ہے کہ خود اس پر اللہ تعالیٰ صحیفے نازل کرے اور وہ پیغمبر بنادیا جائے۔ یا یہ مطلب ہے کہ ان میں سے ہر ایک کے پاس براہ راست ایک نوشتہ اللہ تعالیٰ کی طرف سے آئے جس میں محمد ﷺ کے اتباع کا حکم دیا گیا ہو۔
Ayah 74:53

كَلَّا١ؕ بَلْ لَّا یَخَافُوْنَ الْاٰخِرَةَؕ Open ayah 74:53 in the Quran reader

ہرگز نہیں، بلکہ (بات یہ ہے کہ) یہ لوگ آخرت کا خوف نہیں رکھتے۔

[19] یعنی ان کا مطالبہ ہرگز پورا نہ کیا جائے گا۔
Ayahs 74:54–56

كَلَّاۤ اِنَّهٗ تَذْكِرَةٌۚ Open ayah 74:54 in the Quran reader

ہرگز نہیں، یہ تو ایک نصیحت ہے

فَمَنْ شَآءَ ذَكَرَهٗؕ Open ayah 74:55 in the Quran reader

تو جو چاہے اس سے سبق حاصل کرلے۔

وَ مَا یَذْكُرُوْنَ اِلَّاۤ اَنْ یَّشَآءَ اللّٰهُ١ؕ هُوَ اَهْلُ التَّقْوٰى وَ اَهْلُ الْمَغْفِرَةِ۠ Open ayah 74:56 in the Quran reader

اور یہ کوئی سبق حاصل نہ کریں گے مگر یہ کہ اللہ ہی ایسا چاہے۔ وہی ڈرنے کے قابل ہے اور وہی مغفرت کرنے کا اہل ہے۔

[20] یعنی کسی شخص کا نصیحت حاصل کرنا سراسر اس کی اپنی مشیت ہی پر موقوف نہیں ہے بلکہ اسے نصیحت اسی وقت نصیب ہوتی ہے جبکہ اللہ کی بھی مشیت یہ ہو کہ وہ اسے نصیحت حاصل کرنے کی توفیق بخشے۔ دوسرے الفاظ میں یہاں اس حقیقت کا اظہار کیا گیا ہے کہ بندے کا کوئی فعل بھی تنہا بندے کی اپنی مشیت سے ظہور میں نہیں آتا جب تک اللہ کی مشیت بندے کی مشیت سے نہ مل جائے۔ اگر اس دنیا میں ہر انسان کو یہ قدرت حاصل ہوتی کہ جو کچھ وہ کرنا چاہے کر گزرے تو ساری دنیا کا نظام درہم برہم ہوجاتا۔ جو نظم و ضبط اس دنیا میں قائم ہے وہ اسی وجہ سے ہے کہ اللہ کی مشیت ساری مشیتوں پر غالب ہے۔ انسان کوئی کام اسی وقت کرسکتا ہے جبکہ اللہ بھی یہ چاہے کہ انسان کو وہ کام کرنے دیا جائے۔