61. Surah As-Saff

سَبَّحَ لِلّٰهِ مَا فِی السَّمٰوٰتِ وَ مَا فِی الْاَرْضِ١ۚ وَ هُوَ الْعَزِیْزُ الْحَكِیْمُ ﴿١﴾Open ayah 61:1 in the Quran reader

اللہ ہی کی تسبیح (وتقدیس) کرتی ہیں (ساری چیزیں) جو آسمانوں میں ہیں اور جو زمین میں ہیں، اور وہی زبردست (اور) حکمت والا ہے۔

یٰۤاَیُّهَا الَّذِیْنَ اٰمَنُوْا لِمَ تَقُوْلُوْنَ مَا لَا تَفْعَلُوْنَ ﴿٢﴾Open ayah 61:2 in the Quran reader

اے لوگو جو ایمان لائے ہو، ایسی بات کیوں کہتے ہو جو کرتے نہیں ہو ؟

كَبُرَ مَقْتًا عِنْدَ اللّٰهِ اَنْ تَقُوْلُوْا مَا لَا تَفْعَلُوْنَ ﴿٣﴾Open ayah 61:3 in the Quran reader

اللہ کو (یہ) سخت ناپسند ہے کہ تم ایسی بات کہو جو کرو نہیں۔

اِنَّ اللّٰهَ یُحِبُّ الَّذِیْنَ یُقَاتِلُوْنَ فِیْ سَبِیْلِهٖ صَفًّا كَاَنَّهُمْ بُنْیَانٌ مَّرْصُوْصٌ ﴿٤﴾Open ayah 61:4 in the Quran reader

اللہ تو ان لوگوں کو محبوب رکھتا ہے جو اس کی راہ میں صف بستہ ہو کر (اس طرح) لڑتے ہیں گویا وہ ایک سیسہ پلائی ہوئی دیوار ہیں۔

وَ اِذْ قَالَ مُوْسٰى لِقَوْمِهٖ یٰقَوْمِ لِمَ تُؤْذُوْنَنِیْ وَ قَدْ تَّعْلَمُوْنَ اَنِّیْ رَسُوْلُ اللّٰهِ اِلَیْكُمْ١ؕ فَلَمَّا زَاغُوْۤا اَزَاغَ اللّٰهُ قُلُوْبَهُمْ١ؕ وَ اللّٰهُ لَا یَهْدِی الْقَوْمَ الْفٰسِقِیْنَ ﴿٥﴾Open ayah 61:5 in the Quran reader

اور (اے پیغمبر، وہ وقت یاد کرو) جب موسیٰ نے اپنی قوم سے کہا تھا کہ اے میری قوم (کے لوگو، ) تم مجھے کیوں ایذا پہنچاتے ہو حالانکہ تم خوب جانتے ہو کہ میں تمہاری طرف اللہ کا (بھیجا ہوا) رسول ہوں ؟ پھر جب ان لوگوں نے کجی اختیار کی تو اللہ نے بھی ان کے دل کج کر دئیے، اور اللہ (ایسے) نافرمان لوگوں کو ہدایت نہیں دیا کرتا۔

وَ اِذْ قَالَ عِیْسَى ابْنُ مَرْیَمَ یٰبَنِیْۤ اِسْرَآءِیْلَ اِنِّیْ رَسُوْلُ اللّٰهِ اِلَیْكُمْ مُّصَدِّقًا لِّمَا بَیْنَ یَدَیَّ مِنَ التَّوْرٰىةِ وَ مُبَشِّرًۢا بِرَسُوْلٍ یَّاْتِیْ مِنْۢ بَعْدِی اسْمُهٗۤ اَحْمَدُ١ؕ فَلَمَّا جَآءَهُمْ بِالْبَیِّنٰتِ قَالُوْا هٰذَا سِحْرٌ مُّبِیْنٌ ﴿٦﴾Open ayah 61:6 in the Quran reader

اور (اے پیغمبر، وہ وقت بھی یاد کرو) جب عیسیٰ ابن مریم نے کہا تھا کہ اے بنی اسرائیل، میں تمہاری طرف اللہ کا (بھیجا ہوا) رسول ہوں (اور) تصدیق کرنے والا ہوں اس تورات کی جو مجھ سے پہلے (نازل ہوچکی) ہے اور بشارت دینے والا ہوں ایک رسول کی جو میرے بعد آئے گا جس کا نام احمد ہوگا۔ پھر جب وہ بنی اسرائیل کے پاس کھلی کھلی نشانیاں لے کر آیا تو وہ لگے کہنے کہ یہ تو صریح جادو ہے۔

وَ مَنْ اَظْلَمُ مِمَّنِ افْتَرٰى عَلَى اللّٰهِ الْكَذِبَ وَ هُوَ یُدْعٰۤى اِلَى الْاِسْلَامِ١ؕ وَ اللّٰهُ لَا یَهْدِی الْقَوْمَ الظّٰلِمِیْنَ ﴿٧﴾Open ayah 61:7 in the Quran reader

اور اس سے بڑھ کر ظالم (اور) کون ہوگا جو اللہ پر جھوٹ باندھے حالانکہ اسے اسلام کی طرف بلایا جا رہا ہو ؟ اللہ (ایسے) ظالموں کو ہدایت نہیں دیا کرتا۔

یُرِیْدُوْنَ لِیُطْفِئُوْا نُوْرَ اللّٰهِ بِاَفْوَاهِهِمْ وَ اللّٰهُ مُتِمُّ نُوْرِهٖ وَ لَوْ كَرِهَ الْكٰفِرُوْنَ ﴿٨﴾Open ayah 61:8 in the Quran reader

(یہ لوگ) چاہتے ہیں کہ اللہ کے نور کو اپنے منہ سے (پھونک مار کر) بجھا دیں اور اللہ (فیصلہ کرچکا ہے کہ) اپنے نور کو (کامل طور پر) پھیلا کر رہے گا گو کافروں کو برا ہی (کیوں نہ) لگے۔

هُوَ الَّذِیْۤ اَرْسَلَ رَسُوْلَهٗ بِالْهُدٰى وَ دِیْنِ الْحَقِّ لِیُظْهِرَهٗ عَلَى الدِّیْنِ كُلِّهٖ وَ لَوْ كَرِهَ الْمُشْرِكُوْنَ۠ ﴿٩﴾Open ayah 61:9 in the Quran reader

وہ ( اللہ) ہی تو ہے جس نے اپنے رسول (محمد ﷺ کو ہدایت اور دین حق کے ساتھ بھیجا تاکہ اس (دین) کو تمام دینوں پر غالب کر دے گو مشرکین کو برا ہی ( کیوں نہ) لگے۔

یٰۤاَیُّهَا الَّذِیْنَ اٰمَنُوْا هَلْ اَدُلُّكُمْ عَلٰى تِجَارَةٍ تُنْجِیْكُمْ مِّنْ عَذَابٍ اَلِیْمٍ ﴿١٠﴾Open ayah 61:10 in the Quran reader

(اے پیغمبر کہو کہ) اے لوگو جو ایمان لائے ہو کیا میں تم کو ایسی تجارت بتاؤں جو تمہیں (آخرت کے) دردناک عذاب سے بچائے ؟

تُؤْمِنُوْنَ بِاللّٰهِ وَ رَسُوْلِهٖ وَ تُجَاهِدُوْنَ فِیْ سَبِیْلِ اللّٰهِ بِاَمْوَالِكُمْ وَ اَنْفُسِكُمْ١ؕ ذٰلِكُمْ خَیْرٌ لَّكُمْ اِنْ كُنْتُمْ تَعْلَمُوْنَۙ ﴿١١﴾Open ayah 61:11 in the Quran reader

(وہ یہ ہے کہ) ایمان لاؤ اللہ اور اس کے رسول پر اور جہاد کرو اللہ کی راہ میں اپنے مالوں سے اور اپنی جانوں سے۔ یہی بہتر ہے تمہارے حق میں اگر تم سمجھو۔

یَغْفِرْ لَكُمْ ذُنُوْبَكُمْ وَ یُدْخِلْكُمْ جَنّٰتٍ تَجْرِیْ مِنْ تَحْتِهَا الْاَنْهٰرُ وَ مَسٰكِنَ طَیِّبَةً فِیْ جَنّٰتِ عَدْنٍ١ؕ ذٰلِكَ الْفَوْزُ الْعَظِیْمُۙ ﴿١٢﴾Open ayah 61:12 in the Quran reader

(ایسا کرو گے تو) اللہ تمہارے گناہ معاف کر دے گا اور تم کو ایسے باغوں میں داخل کرے گا جن کے نیچے نہریں بہہ رہی ہوں گی اور ہمیشگی کے باغوں میں بہترین گھر (عطا فرمائے گا) ۔ یہی بڑی کامیابی ہے۔

وَ اُخْرٰى تُحِبُّوْنَهَا١ؕ نَصْرٌ مِّنَ اللّٰهِ وَ فَتْحٌ قَرِیْبٌ١ؕ وَ بَشِّرِ الْمُؤْمِنِیْنَ ﴿١٣﴾Open ayah 61:13 in the Quran reader

اور (ان نعمتوں کے علاوہ) ایک اور (نعمت بھی) ہے جس کو تم (دل سے) پسند کرتے ہو (یعنی) اللہ کی طرف سے مدد اور جلد فتحیابی (اے پیغمبر، ) ایمان والوں کو (اس کی) خوشخبری سنا دو ۔

یٰۤاَیُّهَا الَّذِیْنَ اٰمَنُوْا كُوْنُوْۤا اَنْصَارَ اللّٰهِ كَمَا قَالَ عِیْسَى ابْنُ مَرْیَمَ لِلْحَوَارِیّٖنَ مَنْ اَنْصَارِیْۤ اِلَى اللّٰهِ١ؕ قَالَ الْحَوَارِیُّوْنَ نَحْنُ اَنْصَارُ اللّٰهِ فَاٰمَنَتْ طَّآئِفَةٌ مِّنْۢ بَنِیْۤ اِسْرَآءِیْلَ وَ كَفَرَتْ طَّآئِفَةٌ١ۚ فَاَیَّدْنَا الَّذِیْنَ اٰمَنُوْا عَلٰى عَدُوِّهِمْ فَاَصْبَحُوْا ظٰهِرِیْنَ۠ ﴿١٤﴾Open ayah 61:14 in the Quran reader

اے لوگو جو ایمان لائے ہو، اللہ کے مددگار بنو جیسا کہ عیسیٰ ابن مریم نے (اپنے) حواریوں سے کہا تھا کہ کون ہے اللہ کی طرف (بلانے میں) میرا مددگار ؟ (اس پر) حواریوں نے جواب دیا تھا کہ ہم ہیں اللہ کے (رسول کے) مددگار۔ تو (اس وقت) بنی اسرائیل کا ایک گروہ ایمان لایا اور ایک (دوسرے) گروہ نے انکار کیا۔ پھر جو لوگ ایمان لائے تھے ہم نے ان کی دشمنوں کے مقابلے میں مدد کی پس وہی غالب ہو کر رہے۔