102. Surah At-Takaathur

التكاثرCompetition · 8 ayahsتفسیر الکتاب

Read Surah At-Takaathur in the Quran reader
Ayahs 102:1–3

اَلْهٰىكُمُ التَّكَاثُرُۙ Open ayah 102:1 in the Quran reader

(لوگو، ) بہتات کی حرص نے تمہیں (آخرت سے) غافل کر رکھا ہے

حَتّٰى زُرْتُمُ الْمَقَابِرَؕ Open ayah 102:2 in the Quran reader

یہاں تک کہ (مر کر) تم قبروں میں پہنچ جاتے ہو۔

كَلَّا سَوْفَ تَعْلَمُوْنَۙ Open ayah 102:3 in the Quran reader

ہرگز نہیں، تمہیں جلد معلوم ہوجائے گا۔

[1] اصل میں لفظ تکاثر استعمال ہوا ہے جس کے معنی ہیں متاع دنیا سے زیادہ حاصل کرنے کی طلب اور اس کے حصول میں لوگوں کا ایک دوسرے سے بڑھ جانے کی کوشش کرنا۔
Ayahs 102:4–6

ثُمَّ كَلَّا سَوْفَ تَعْلَمُوْنَؕ Open ayah 102:4 in the Quran reader

ہرگز نہیں، پھر تمہیں جلد معلوم ہوجائے گا۔

كَلَّا لَوْ تَعْلَمُوْنَ عِلْمَ الْیَقِیْنِؕ Open ayah 102:5 in the Quran reader

ہاں ہاں، اگر تم یقینی طور پر جان لیتے

لَتَرَوُنَّ الْجَحِیْمَۙ Open ayah 102:6 in the Quran reader

کہ تم ضرور دوزخ سے دوچار ہو گے (تو تمہاری روش یہ نہ ہوتی) ۔

[2] یعنی تمہارا یہ خیال ہرگز صحیح نہیں ہے کہ متاع دنیا ہی کام آنے والی چیز ہے۔ مرتے ہی یہ حقیقت تم پر منکشف ہوجائے گی کہ جن مشاغل میں تم نے دنیا میں اپنی عمر کھپائی وہ سعادت و خوش بختی کا ذریعہ تھے یا بدانجامی اور بدبختی کا۔
Ayahs 102:7–8

ثُمَّ لَتَرَوُنَّهَا عَیْنَ الْیَقِیْۙنِ Open ayah 102:7 in the Quran reader

پھر (سن لو) کہ ایک دن تم بالکل یقین کے ساتھ اسے دیکھ لو گے۔

ثُمَّ لَتُسْئَلُنَّ یَوْمَئِذٍ عَنِ النَّعِیْمِ۠ Open ayah 102:8 in the Quran reader

پھر (یہ بھی سن لو کہ) اس دن (دنیا کی) نعمتوں کے بارے میں تم سے باز پرس (بھی) ہوگی (کہ کہاں تک تم نے ان نعمتوں کا شکر ادا کیا) ۔

[3] آیت کا لفظی ترجمہ ہے تم بالکل یقین کی آنکھ سے اسے دیکھ لو گے۔ یقین کی آنکھ یعنی وہ یقین جو براہ راست مشاہدے سے حاصل ہوتا ہے۔