80. Surah Abasa

اہل کفر کے چہروں کا جو حال ہو گا اس کی تصویر یوں کھینچی ہے کہ ’وَوُجُوْہٌ یَّوْمَئِذٍ عَلَیْھَا غَبَرَۃٌ تَرْھَقُھَا قَتَرَۃٌ‘ کہ ان پر خاک اڑ رہی اور سیاہی چھائی ہوئی ہو گی۔ اس لیے کہ ان پر امید کے تمام دروازے بند ہو چکے ہوں گے۔

’اُولٰٓئِکَ ھُمُ الْکَفَرَۃُ الْفَجَرَۃُ‘۔ یہ آخر میں ان کی فرد قرار داد جرم کی طرف اجمالی اشارہ ہے کہ ان کا یہ حشر اس وجہ سے ہو گا کہ یہ خدا کے ناشکرے اور اس کے باغی و نافرمان رہے ہیں۔