1- اے رسول! کہہ دیں: میں لوگوں کے رب کی حفاظت میں آتا ہوں اور اس کی پناہ مانگتا ہوں۔

2- جو لوگوں کا مالک ہے، ان کے امور میں جیسے چاہے رد و بدل کرتا ہے۔ اس کے سوا ان کا کوئی مالک نہیں۔

3- وہی ان کا معبود برحق ہے۔ اس کے سوا ان کا کوئی سچا معبود نہیں۔

4- شیطان کے شر سے پناہ مانگتا ہوں جو انسان کو اس وقت وسوسے ڈالتاہے جب وہ اللہ کے ذکر سے غافل ہو اور جب انسان اس کا ذکر کرے تو شیطان پیچھے ہٹ جاتا ہے۔

5- وہ اپنے وسوسے لوگوں کے دلوں میں ڈالتا ہے۔

6- اور وہ انسانوں میں سے بھی ہوتا ہے جس طرح جنوں میں سے ہوتا ہے۔