95. Surah At-Tin

(ف 1) انجیر نہایت عمدہ میوہ ہے جس میں فضلہ نہیں، سریع الہضم، کثیر النفع ملین محلل رافع ریگ ، مفتح سدہ جگر بدن کافر بہ کرنے والابلغم کو چھانٹنے والا اور زیتون ایک مبارک درخت ہے اس کا تیل روشنی کے کام میں بھی لایاجاتا ہے اور سالن میں بھی کھایاجاتا ہے یہ وصف دنی ا کے کسی تیل مین نہیں، اس کا درخت خشک پہاڑوں میں پیدا ہوتا ہے جن میں دھنیت کا نام ونشان نہیں بغیر خدمت کے پرورش پاتا ہے ہزاروں برس رہتا ہے ان چیزوں میں قدرت الٰہی کے آثار ظاہر ہیں۔

(ف 2) یہ وہ پہاڑ ہے جس پر اللہ تعالیٰ نے حضرت موسیٰ کو کلام سے مشرف فرمایا اور سینا اس جگہ کا نام ہے جہاں یہ پہاڑ واقع ہے یا بمعنی خوش منظر کے ہے جہاں کثرت سے پھل دار درخت ہوں۔

(ف 3) امن والا شہر مکہ معظمہ ہے جہاں سارے عالم کے سردار حضرت محمدرسول اللہ مبعوث ہوئے اور اللہ کی سب سے بڑی اور آخری امانت قرآن کریم اسی شہر میں اتاری گئی۔

(ف 4) ہم نے انسان کو کیسے اچھے سانچے میں ڈھالا، اور کیسی کی کچھ قوتیں اور ظاہری وباطنی خوبیاں اس کے وجود میں جمع کی ہیں دل ایک ایسی چیز عنایت ہوئی ہے کہ اگر اس کو صاف کرلیا جائے تو محبوب حقیقی کے جمال کا آئنہ بن جائے ، آگے فرمایا کہ ہم نے انسان کو ہرنیچی سے نیچی حالت یعنی بڑھاپے کی طرف پھیردیا جس سے بدن ضعیف ، اعضا ناکارہ، عقل ناقص، پشت خم بال سفید ہوجاتے ہیں ، جلد میں جھریاں پڑجاتی ہیں اپنی ضروریات انجام دینے میں مجبور ہوتا ہے یا یہ معنی ہیں کہ جب اس سے اچھی شکل و صورت کی شکرگزاری نہ کی اور نافرمانی پر جمارہا اور ایمان نہ لایا تو جہنم کے اسفل ترین درجات کو ہم نے اس کاٹھکانہ کردیا، آگے فرمایا کہ جو لوگ ایمان لائے اور نیک عمل بھی کرتے رہے ان کے واسطے بیحد ثواب ہے جو کبھی کم یا ختم نہ ہوگا، اور ان کو جنت ملے گی ، پھر فرمایا اے کافر ان قدرتوں کو دیکھنے کے بعد قیامت کے فیصلہ کا کیوں انکار کرتا ہے کیا تیرے نزدیک اللہ سب حاکموں کا حکم نہیں ہیے دنیا کے حاکم جب مقدمات فیصل کرتے ہیں وردربار جماتے ہیں تو پھر وہ ذات مقدس جس کے یہ حاکم بھی ادنی غلام ہیں کیا مظلوموں کا انصاف نہ کرے گا، انصاف ضروری شے ہے پس اس کی پیشی دن بھی ضرور مقرر ہونا چاہیے۔