Ayah 90:11 : لَآ اُقْسِمُ بِھٰذَا الْبَلَدِ ۔
(میں قسم کھاتا ہوں۔ اس شہر کی) اللہ تعالیٰ نے مکہ مکرمہ کی قسم کھائی ہے۔ اور اس بات پر قسم کھائی کہ خلقت انسانی تکالیف اور مشقتوں میں ڈوبی ہوئی ہے۔ اور قسم اور مقسم علیہ کے درمیان وانت حل بھذا البلد کو بطور جملہ معترضہ لایا گیا ہے۔
Ayah 90:22 : وَاَنْتَ حِلٌّم بِھٰذَا الْبَلَدِ (آپ کو اس شہر میں لڑائی حلال ہونے والی ہے) مطلب یہ ہے کہ مشقتوں میں سے ایک یہ بھی ہے کہ آپ جیسا عظمت و شان والا اس شہر مکہ کو لڑائی کیلئے حلال قرار دیگا۔ جیسے غیر حرم میں شکارکو حلال قرار دیا جاتا ہے۔
بقول شرحبیل :
مشرکین مکہ اس سرزمین میں شکار کرنا تو ناجائز قرار دیتے مگر آپ کے نکالنے اور قتل کرنے کو حلال سمجھتے ہیں۔ اس میں رسول اللہ ﷺ کو ثابت قدمی پر آمادہ کر کے ان تکالیف کو سہنے کا حکم دیا گیا ہے جو کفار مکہ کی طرف سے آرہی تھیں نیز کفار مکہ کی حالت جو آپ کی عداوت کے سلسلہ میں چل رہی تھی اس پر تعجب ظاہر کیا گیا ہے۔
رسول اللہ ﷺ کو آپ کے شہر کی قسم اٹھا کر تسلی دی گئی ہے کہ تکالیف کے اٹھانے سے کسی انسان کو مفر نہیں درمیان میں تسلی و اطمینان کی تکمیل کے لئے فتح مکہ کے عظیم الشان وعدہ کو ذکر کردیا۔ اور فرمایا آپ اس شہر کو عنقریب حلال کرنے والے ہیں آپ کو اس میں قتل و قید کی اجازت ہوگی وہ اسی طرح ہوا کہ مکہ کو فتح کردیا گیا اور آپ کیلئے قتل و قتال کو جائز کردیا۔
اس سے پہلے مکہ کسی پر نہ فتح ہوا اور نہ حلال کیا گیا۔ پس آپ نے فتح کے وقت جس چیز کو چاہا حلال کیا اور جس کو چاہا حرام کیا۔ چناچہ ابن خطل کو ایسی حالت میں قتل کروایا کہ وہ کعبہ شریف کے پردوں کو تھامے ہوئے تھا اور اسی طرح مقیس بن صبابہ وغیرہما کو اور دارابی سفیان کو حرام قراردیا۔ اور انت حل کے معنی مستقبل کے ہیں۔ اس کی نظیر یہ اللہ تعالیٰ کا قول ہے۔ اِنَّکَ مَیِّتٌ وَّاِنَّہُمْ مَّیِّتُوْنَ (الزمر۔ 30) اور اتنی دلیل ہی اس معنی کیلئے کافی ہے کہ یہ سورت بالاتفاق مکی ہے اس وقت تو ہجرت بھی نہ ہوئی تھی فتح مکہ تو بڑی دور کی بات تھی پس ثابت ہوا کہ انت حلٌ کا معنی تو حلال کریگا۔
Ayah 90:33 : وَوَالِدٍ وَّمَا وَلَدَ (اور قسم ہے باپ کی اور اولاد کی) اس سے مراد آدم (علیہ السلام) اور ان کے بیٹے۔ نمبر 2۔ ہر والد و مولود نمبر 3۔ ابراہیم اور ان کے بیٹے۔
نحو : مامَنؔ یا الذی کے معنی میں ہے۔
Ayah 90:44 : لَقَدْ خَلَقْنَا الْاِنْسَانَ فِیْ کََبَدٍ (ہم نے انسان کو بڑی مشقت میں پیدا کیا ہے) یہ جواب قسم ہے۔ کبدؔ مشقت، انسان مصائب دنیا سے دو چار ہوتا ہے۔ اور آخرت کی تکالیف۔
قول ذوالنون (رح) :
قضاء کی رسی سے انسان بندھا جڑا رہے گا۔ اور امر ونہی کی دعوت دی جاتی رہے گی۔ یہی مشقت ہے۔
Ayah 90:55 : اَیَحْسَبُ اَنْ لَّنْ یَّقْدِرَ عَلَیْہِ اَحَدٌ (کیا وہ یہ گمان کرتا ہے کہ اس پر کسی کا بس نہ چلے گا) ایحسبؔ کی ضمیر بعض صنادید قریش کی طرف راجع ہے۔ جن کی طرف سے رسول اللہ ﷺ کو بہت تکالیف پیش آتیں تھیں۔ پھر بعض نے کہا وہ ابو الاشد ہے اور بعض کہتے ہیں وہ ولید بن مغیرہ ہے۔ معنی یہ ہوگا۔ کیا اس اپنی قوم میں طاقتور سردار کا خیال یہ ہے وہ ایمان والوں کو کمزور قرار دینے والا ہے کہ قیامت ہرگز نہ آئے گی۔ اور اس سے انتقام پر کسی کو اختیار نہیں ہے۔ پھر اس بات کا تذکرہ کیا جو وہ آج کہہ رہا ہے۔
Ayah 90:6مال پر فخر :
6 : یَقُوْلُ اَھْلَکْتُ مَالًا لُّبَدًا (وہ کہتا ہے میں نے اتنا و افر مال خرچ کر ڈالا) لُبَدًا بہت سا۔ یہ جمع لُبْدَۃٌ کی ہے۔ جو مال اکٹھا اور جمع ہو۔ اس سے مراد وہ مال ہے جو اس نے اس مقام پر خرچ کیا جس کو اہل جاہلیت مکارم و معالی کہتے تھے۔
Ayah 90:77 : اَیَحْسَبُ اَنْ لَّمْ یَرَہٗ اَحَدٌ (کیا وہ خیال کرتا ہے کہ اس کو کسی نے دیکھا نہیں) جب کہ وہ خرچ کر رہا تھا اور جتنا اور جس غرض ریاء و افتخار کیلئے خرچ کر رہا تھا یعنی اللہ تعالیٰ اس کو دیکھ رہے اور اس کی نگرانی فرمانے والے تھے۔
Ayah 90:8احسانِ الٰہی :
8 : اَلَمْ نَجْعَلْ لَّہٗ عَیْنَیْنِ (کیا ہم نے اس کو دو آنکھیں نہیں دیں) اس پر کی جانے والی نعمتوں کا تذکرہ فرمایا۔ ہم نے اس کو دو دیکھنے والی آنکھیں عنایت فرمائی ہیں۔
Ayah 90:99 : وَلِسَانًا وَّشَفَتَیْنِ (اور زبان اور دو ہونٹ دیئے) وہ زبان جس سے وہ اپنے مافی الضمیر کی تعبیر کرتا ہے۔ اور وہ ہونٹ جن سے وہ اپنے دانتوں کو ڈھانپتا ہے۔ اور گفتگو میں ان سے معاونت پاتا اور کھانے اور پینے اور سانس میں ان سے مدد لیتا ہے۔
Ayah 90:1010 : وَھَدَیْنٰـہُ النَّجْدَیْنِ (اور ہم نے اس کو دونوں راستے بتلا دیے) خیرو شر کے راستے جو جنت و نار تک پہنچنے والے ہیں یا ماں کے پستان۔
Ayah 90:111 1 : فَلاَ اقْتَحَمَ الْعَقَبَۃَ (پس وہ شخص گھاٹی میں سے ہو کر نہ نکلا)
Ayah 90:1212 : وَمَآ اَدْرٰکَ مَاالْعَقَبَۃُ (اور آپ کو معلوم ہے کہ گھاٹی کیا ہے)
Ayah 90:1313 : فَکُّ رَقَبَۃٍ (وہ کسی گردن کا چھڑانا ہے)
Ayah 90:1414 : اَوْاِطْعٰمٌ فِیْ یَوْمٍ ذِیْ مَسْغَبَۃٍ (یا کھاناکھلانا فاقہ کے دن میں )
Ayah 90:1515 : یَّتِیْمًا ذَا مَقْرَبَۃٍ (کسی رشتہ دار یتیم کو )
Ayah 90:1616 : اَوْمِسْکِیْنًا ذَا مَتْرَبَۃٍ (یا کسی خاک نشین محتاج کو )
Ayah 90:17ناشکری نعمت :
17 : ثُمَّ کَانَ مِنَ الَّذِیْنَ ٰامَنُوْا (پھر ان لوگوں میں سے نہ ہوا جو ایمان لائے) یعنی اس نے ان انعامات کا شکریہ اعمال صالحہ میں سے آزادیٔ گردن، یتامیٰ اور مساکین کو کھانا کھلانے کی صورت میں اداء نہ کیا۔ پھر سب سے بڑھ کر جو ان اعمال صالحہ کی بنیاد ایمان ہے۔ اس کو اختیار نہ کیا۔ بلکہ اس کی بجائے نعمتوں کی ناقدری کی، منعم کریم کی ناشکری کی، مقصد یہ ہے کہ اللہ تعالیٰ کے ہاں مال کو اس انداز اور طرز سے خرچ کرنا فائدہ مند اور نفع بخش ہے ریاء و فخر کی خاطر مال کا دے دینا چنداں فائدہ مند نہیں ہے۔
نحو : لا ماضی کے ساتھ استعمال ہو تو مکرر لایا جاتا ہے۔ مگر فصیح ترین کلام میں مکرر نہیں لایا جاتا۔ کیونکہ جب یہاں اقتحام کی تفسیر تین چیزوں سے کردی۔ تو یہ اسی طرح ہوگیا جیسا لاؔ کا اعادہ تین مرتبہ کردیا گیا ہے۔ تقدیر عبارت اس طرح بن گئی۔ فلا فَک رقبۃ ولا اطعم مسکینا ولا آمن۔ الاقتحامؔ داخل ہونا ‘ شدت و مشقت سے گزرنا۔ القحمۃ : شدت۔ آیت میں نیکی کو عقبہ فرمایا گیا اور اس پر عمل کرنے کو اقتحام عقبہ سے تعبیر کیا گیا۔ کیونکہ اس میں نفس کا مجاہدہ اور مشقت کا سامنا کرنا پڑتا ہے۔
قولِ حسن (رح) یہ ہے :
کہ انسان کا اپنے نفس سے جہاد کرنا اللہ کی قسم بڑی سخت گھاٹی ہے۔ اسی طرح اپنی خواہشات اور دشمن شیطان سے مقابلہ بھی مشکل چیز ہے۔ ما العقبۃ یعنی اس کا گھسنا کیا ہے ؟ تم اس وقت کی صعوبت نفس کو نہیں جانتے اور نہ ہی اللہ تعالیٰ کے ہاں اس کے ثواب کی حقیقت کو سمجھتے ہو۔ فک الرقبۃ گردن کو آزاد کر انا یا مال کتابت کی ادائیگی میں اعانت کرنا۔
قراءت : فَکَ رَقبۃً او اَطْعَمَ مکی، ابو عمرو، علی نے اقتحم العقبۃ کا بدل قرار دے کر پڑھا ہے۔ اس طرح وما ادراک ما العقبہ۔ جملہ معترضہ ہے۔ دیگر قراء نے فک رقبۃ اوا طعامٌ کو اِقْتَحا مُھَا فکُ رقبۃ اوا طعامٌ قرار دے کرمرفوع پڑھا ہے۔ المسغبہبھوک۔ المقربہقرابت، المتربہؔ فقر۔ یہ تینوں مفعلات کے وزن ہیں۔ اول سَغِب، یسغب جبکہ بھوکا ہوجائے۔ نمبر 2۔ قرب یقرب فی النسب۔ عرب کہتے ہیں فلان ذوقرا بتی و ذو مقربتی وہ میرا رشتہ دار ہے اور تیسرا ترب یترب جبکہ محتاج ہو۔ اس کا اصل معنی مٹی سے مل گیا۔ پس اس کا ٹھکانہ کوڑا خانے ہوا الیومؔ کی صفت ذی مسغبۃ سے کی گئی۔ جیسا عرب کہتے ہیں ھم ناصب ای ذونصب۔ دکھ دینے والا غم۔
ثم کان من الذین آمنوا کا معنی یہ ہے کہ اس نے ایمان پر ہمیشگی دکھائی۔ ایک قول یہ ہے کہ ثمؔ یہاں وائو کے معنی میں آیا ہے۔ ایک قول یہ ہے کہ ثمؔ کو یہاں اس لئے لائے کیونکہ ایمان مرتبہ و فضیلت میں عتق و صدقہ سے بہت بلند ہے۔ اور یہ بلندی وقتی ہی نہیں بلکہ ایمان ان سے سابق ہے کیونکہ عمل ایمان کے بغیر مقبول نہیں۔ وَتَوَاصَوْا بِالصَّبْرِ (اور ایک دوسرے کو پابندی کی فہمائش کی) گناہوں سے رک جانے اور طاعات پر جم جانے کی۔ اور ان مشقتوں پر صبر کرنے کی جو مومن کو بطور ابتلاء درپیش رہتے ہیں۔ وَتَوَاصَوْا بِالْمَرْحَمَۃِ ( اور ایک دوسرے کو ترحم کی فہمائش کی) اپنے مابین رحم کرنے کی تلقین و تاکید کی۔
Ayah 90:1818 : اُولٰئِکَ اَصْحٰبُ الْمَیْمَنَۃِ (یہی لوگ داہنے والے ہیں) ان صفات والے اصحاب یمین سے ہیں۔
Ayah 90:1919 : وَالَّذِیْنَ کََفَرُوْا بِاٰیٰتِنَا ھُمْ اَصْحٰبُ الْمَشْئَمَۃِ (اور جو لوگ ہماری آیتوں کے منکر ہیں۔ وہ لوگ بائیں والے ہیں) والذین کفروا بٰایتنا جنہوں نے قرآن کا انکار کیا یا ہمارے دلائل کا انکار کیا۔ وہ اصحاب شمال ہیں۔ المیمنہ اور المشئمہ الیمین و الشمال۔ یا الیمن والشئوم یعنی اپنے نفس کو بابرکت کرنے والے اور اپنے نفوس پر نحوست مسلط کرنے والے۔
Ayah 90:2020 : عَلَیْہِمْ نَارٌ مُّؤْصَدَۃٌ (ان پر آگ محیط ہوگی جس کو بند کردیا جائے گا )
قراءت : مُّؤْصَدَۃٌ ہمزہ کے ساتھ ابو عمرو، حمزہ، حفص نے پڑھا ہے۔ اور موصدۃ، نافع، ابن کثیر، ابن عامر کی قراءت ہے۔
مُّؤْصَدَۃٌ یہ اوصدت الباب سے لیا گیا۔ اسی طرح آصدت الباب ای اطبقتہٗ واغلقتہٗ میں نے دروازہ بند کیا۔